གཡུ་རྩེའི་བསང་བསྡུས།

🚧 This website is under continued development. We appreciate your patience!

Previous Text Back to Volume Page Next Text

Wylie title	g.yu rtse'i bsang bsdus
Location	mdo mkhyen brtse bka' 'bum Volume 7, Text 15, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Smoke Offerings - bsangs mchod - lha bsang
Colophon	།ཅེས་པའང་སྔོ་མཚོའི་འགྲམ་ནས་ཁྲག་འཐུང་དཔའ་བོས་སྨྲས་སོ།
Colophon	/ces pa'ang sngo mtsho'i 'gram nas khrag 'thung dpa' bos smras so/

[edit]

༄༅། །གཡུ་རྩེའི་བསང་བསྡུས་ནི། ཀྱེ་ཀྱེཿ ཕྱོགས་ཕྱོགས་དེ་ནི་ཕ་ཀི་ན། །རྨ་སྨར་གཉིས་ཀྱི་ས་མཚམས་ནས། །འཛམ་བུ་གླིང་གི་མངའ་བདག་པོ། །ཟོ་དོར་དགེ་བསྙེན་མཐུ་བོ་ཆེ། །གཉན་པོ་གཡུ་རྩེ་ཡབ་ཡུམ་སྲས། །བཙུན་མོ་བློན་ཆེན་དྲེགས་པའི་སྡེ། །བཀའ་ཉན་ལས་བྱེད་སྤྲུལ་འཁོར་བཅས། །གནས་འདིར་སྤྱན་འདྲེན་གཤེགས་སུ་གསོལ། །དགྱེས་པར་བཞུགས་ལ་གུས་པས་འདུད། །ཕྱེ་མར་ཟས་སྣ་དར་ཟབ་དང༌། །འབྲུ་སྨན་ཤིང་རྩི་སྣ་ཚོགས་ཀྱི། །དྲི་ཞིམ་བསང་གི་དུད་པས་བསང༌། །མི་གཙང་མནོལ་ཞིང་བཙོག་པ་དང༌། །རྨུགས་བྱིང་འཐིབ་པ་ཐམས་ཅད་བསང༌། །མཁོན་གཞོབ་རོ་བག་ལ་སོགས་པའི། །བག་མེད་ལས་བགྱིས་ཐམས་ཅད་བསང༌། །གསེར་སྐྱེམས་གཡུ་སྐྱེམས་ཕུད་ཀྱིས་མཆོད། །ཁྱེད་ཀྱི་ཐུགས་དང་འགལ་བགྱིས་བཤགས། །བདག་ཅག་ཚེ་བསྲིང་ནད་ཡམས་ཞི། །ནོར་སྤེལ་དམིགས་བྱ་དབང་དུ་བསྡུས། །སྡང་བའི་དགྲ་སོད་བགེགས་དཔུང་གཞོམས། །བསམ་པའི་དོན་དང་གཉེར་བའི་ལས། །ཐེ་ཚོམ་མེད་པར་མྱུར་འགྲུབ་མཛོད། །ཀྭི་ཀྭི་ལྷ་རྒྱལ་ངོ་སོ་བསྟོད། །ཅེས་པའང་སྔོ་མཚོའི་འགྲམ་ནས་ཁྲག་འཐུང་དཔའ་བོས་སྨྲས་སོ།