སེང་ཆེན་སྐྱེས་བུའི་བླ་སྒྲུབ་ཀྱི། །རྒྱུད་འདེབས་བྱིན་རླབས་མྱུར་འཇུག།

🚧 This website is under continued development. We appreciate your patience!

Previous Text Back to Volume PageNext Text

Wylie title	seng chen skyes bu'i bla sgrub kyi rgyud 'debs byin rlabs myur 'jug
Location	mdo mkhyen brtse bka' 'bum Volume 6, Text 30, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Lineage Supplications - brgyud 'debs
Deity	ge sar
Colophon	ཞེས་པ་འདིའང་ཁྲོ་ཆེན་མ་ཧཱ་རཱ་ཛ་ཞབས་བརྟན་གེ་སར་བསྒྲུབ་པའི་ཚེ་ཤེས་རབ་མཆོག་གི་བསྐུལ་ངོར་སྔགས་སྨྱོན་དགྱེས་པ་རྡོ་རྗེས་བྲིས་པ་དགེ། །དགེའོ། །
	zhes pa 'di'ang khro chen ma hA rA dza zhabs brtan ge sar bsgrub pa'i tshe shes rab mchog gi bskul ngor sngags smyon dgyes pa rdo rjes bris pa dge/_/dge'o/_/

Tibetan Text

[edit]

༄༅།« །སེང་ཆེན་སྐྱེས་བུའི་བླ་སྒྲུབ་ཀྱི། །རྒྱུད་འདེབས་བྱིན་རླབས་མྱུར་འཇུག་བཞུགས།» །ཀུན་བཟང་ཡབ་ཡུམ་རྡོ་རྗེ་འཆང་ཆེན་དང༌། །རྡོ་རྗེ་ཆོས་དང་ཡུམ་ཆེན་ལས་དབང་མོ། །རིགས་ལྔའི་སངས་རྒྱས་ཚེ་དཔག་མེད་མགོན་ལ། །གསོལ་བ་འདེབས་སོ་བྱིན་རླབས་མྱུར་དུ་སྩོལ། །ཁ་སར་པ་ཎི་གསང་བདག་དགའ་རབ་རྗེ། །ཤྲཱི་སེང་ཛྙཱ་ན་སུ་ཏྲ་བི་མ་ལ། །པདྨ་རྒྱལ་པོ་རྗེ་འབངས་ལོ་པཎ་བཅས། །གསོལ་བ་འདེབས་སོ༴ །གདོད་མའི་མགོན་དངོས་ཀློང་ཆེན་རབ་འབྱམས་དང༌། །པདྨའི་རྣམ་འཕྲུལ་ཨ་བྷི་ཡ་དཱི་པ། །སྤྲུལ་པའི་གཏེར་ཆེན་ཛྙཱ་ན་བཛྲ་ལ། །གསོལ་བ་འདེབས་སོ༴ །རྩ་གསུམ་རྒྱུད་སྡེ་བཞི་དྲུག་ཀུན་འདུས་དཔལ། །ཡེ་ཤེས་འཇིག་རྟེན་ཌཱཀྐི་ཡོངས་ཀྱི་རྗེ། །བདུད་འདུལ་སྐྱེས་མཆོག་སེང་ཆེན་ནོར་བུ་ལ། །གསོལ་བ་འདེབས་སོ༴ བཀའ་བློན་གྲུབ་བརྙེས་དཔའ་བོ་སུམ་ཅུུ་བདུན། །སྤྲུལ་པའི་ཌཱཀྐཱི་སྡེ་བཞི་རིགས་མ་བརྒྱད། །ཤ་ཟ་འཇིག་རྟེན་དབང་བསྒྱུར་ཌཱཀྐིའི་ཚོགས། །གསོལ་བ་འདེབས་སོ༴ །རིག་འཛིན་དཔའ་བོ་མཁའ་འགྲོའི་ཚོགས་དང་བཅས། །བཀའ་སྲུང་དམ་ཅན་རྒྱ་མཚོ་དགྲ་བླ་དང༌། །ཝེར་མ་ལྷ་ཀླུ་གཉན་གྱི་ཚོགས་རྣམས་ལ། །གསོལ་བ་འདེབས་སོ༴ གྲུབ་པ་བརྒྱད་དང་བཅུ་དང་ཕྱི་ནང་གཉིས། །ཚེ་འདིར་རིག་འཛིན་འགྲོ་འདུལ་སེང་ཆེན་རྗེ། །འགྲུབ་ནས་ཐུགས་ཡིད་དབྱེར་མེད་འདྲེས་པ་དང༌། །སྐུ་ལྔ་ཡེ་ཤེས་འབྲས་བུ་མངོན་གྱུར་ཤོག «།ཞེས་པ་འདིའང་ཁྲོ་ཆེན་མ་ཧཱ་རཱ་ཛ་ཞབས་བརྟན་གེ་སར་བསྒྲུབ་པའི་ཚེ་ཤེས་རབ་མཆོག་གི་བསྐུལ་ངོར་སྔགས་སྨྱོན་དགྱེས་པ་རྡོ་རྗེས་བྲིས་པ་དགེ། །དགེའོ། །