ཨོ་རྒྱན་ཆེན་པོའི་གསོལ་འདེབས་བར་ཆད་ལམ་སེལ་སྙིང་པོའི་དོན་བསྡུས་ཐུགས་རྗེས་གློག་ཞགསཿ

From Khyentse Lineage - A Tsadra Foundation Project
Wylie title o rgyan chen po'i gsol 'debs bar chad lam sel snying po'i don bsdus thugs rjes glog zhags
Location mdo mkhyen brtse bka' 'bum
Volume 3, Text 51, Pages (Folios to )
Author མདོ་མཁྱེན་བརྩེ་
Less details More details
Tertön མདོ་མཁྱེན་བརྩེ་ (Mdo mkhyen brtse)
Citation
Genre Supplications - gsol 'debs
Colophon

ཅེས་པ་འདི་ཡང་དུས་ངན་མངོན་ཕྱོགས་མོས་རྩེ་ལྕགས་ལ་མི་དབང་མཆོག་གི་སྐུ་ཚེའི་བར་ཆད་བཟློག་ཕྱིར་གཏེར་མིང་འཛིན་པ་ཁྲག་འཐུང་དཔའ་བོའི་རིག་རྩལ་གང་ཤར་ཐོལ་བྱུང་དུ་སྨྲས་པ་ཡི་གེ་པ་ནི་སློབ་བུ་རིས་སྨའི་མིང་ཅན་གྱིས་བགྱིས་པའོ༔

ces pa 'di yang dus ngan mngon phyogs mos rtse lcags la mi dbang mchog gi sku tshe'i bar chad bzlog phyir gter ming 'dzin pa khrag 'thung dpa' bo'i rig rtsal gang shar thol byung du smras pa yi ge pa ni slob bu ris sma'i ming can gyis bgyis pa'o:

[edit]
༄༅། །ཨོ་རྒྱན་ཆེན་པོའི་གསོལ་འདེབས་བར་ཆད་ལམ་སེལ་སྙིང་པོའི་དོན་བསྡུས་ཐུགས་རྗེས་གློག་ཞགས་བཞུགསཿ ཨོཾ་ཨཱཿཧཱུྃཿ ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགསཿ སྤྲུལ་པའི་སྐུ་སྤྲུལ་པདྨ་ཐོད་ཕྲེང་རྩལ༔ ཐུགས་དམ་རྒྱུད་བསྐུལ་བརྩེ་ཆེན་སྤྱན་གྱིས་གཟིགས༔ བདག་སོགས་འགྲོ་ལ་དབང་བསྐུར་བྱིན་གྱིས་རློབས༔ ཕྱི་ནང་གསང་བའི་བར་ཆད་དབྱིངས་སུ་སོལ༔ རྒྱ་གར་ཡུལ་དུ་སྐུ་འཁྲུངས་སྒྲོ་འདོགས་ཆོད༔ ཡེ་ཤེས་མཁའ་འགྲོའི་བྱིན་རླབས་དངོས་གྲུབ་ཐོབ༔ རླུང་སེམས་དབང་ཐོབ་རྫུ་འཕྲུལ་མངའ་བརྙེས་ཤིང༔ ཌཀྐཱིའི་བྱིན་རླབས་མཁའ་འགྲོའི་ཚོགས་དཔོན་མཛད༔ གསོལ་བ་འདེབས་སོ་ཕྱི་ན་བར་ཆད་སོལ༔ བོད་ཀྱིས་ཡུལ་དུ་ལྷ་སྲིན་དམ་ལ་བཏགས༔ གཙུག་ལག་རྟེན་བཞེངས་མངའ་བདག་དགོངས་པ་རྫོགས༔ སྒྲུབ་གནས་བྱིན་རླབས་གཏེར་གྱི་གཉེར་ཁ་སྦས༔ སྙིང་དུས་སེམས་ཅན་དོན་དུ་ཐུགས་རྗེ་རྨད༔ གསོལ་བ་འདེབས་སོ་ཕྱི་ནང་བར་ཆད་སོལ༔ ལྔ་ཕྲག་ཐ་མའི་འགྲོ་བ་སྡུག་བསྔལ་གྱིས༔ ནོན་ཚེ་སྐྱོབས་པའི་ཕྲིན་ལས་རྣམ་བཞི་ཡིས༔ ཐུགས་རྗེས་རྗེས་སུ་འཛིན་པར་ཞལ་བཞེས་བཞིན༔ རྔ་ཡབ་གླིང་ནས་ཐུགས་རྗེས་ཉེ་བར་དགོངས༔ གསོལ་བ་འདེབས་སོ༴ ད་ལྟ་བོད་འབངས་སྡུག་བསྔལ་དྲག་པོ་ཡིསཿ གཟིར་ཚེ་ཁྱོད་ལས་རེ་ས་གཞན་མེད་པསཿ ཁྱོད་ལ་གསོལ་བ་འདེབས་སོ་ཐུགས་རྗེས་གཟིགས། དགྲ་གདོན་བགེགས་དང་བར་ཆད་རྐྱེན་བཟློག་ཅིང༔ ཕྱི་ནང་གསང་བའི་བར་ཆད་དབྱིངས་སུ་སོལཿ ཨོཾ་ཨཱཿཧཱུྃ་བཛྲ་གུ་རུ༴ «ཅེས་པ་འདི་ཡང་དུས་ངན་མངོན་ཕྱོགས་མོས་རྩེ་ལྕགས་ལ་མི་དབང་མཆོག་གི་སྐུ་ཚེའི་བར་ཆད་བཟློག་ཕྱིར་གཏེར་མིང་འཛིན་པ་ཁྲག་འཐུང་དཔའ་བོའི་རིག་རྩལ་གང་ཤར་ཐོལ་བྱུང་དུ་སྨྲས་པ་ཡི་གེ་པ་ནི་སློབ་བུ་རིས་སྨའི་མིང་ཅན་གྱིས་བགྱིས་པའོ༔«