ཞབས་བརྟན་དྲང་སྲོང་བདེན་ཚིག་ཐུགས་དམ་རྒྱུད་བསྐུལ།

Previous Text Back to Volume PageNext Text

Wylie title	zhabs brtan drang srong bden tshig thugs dam rgyud bskul
Location	mdo mkhyen brtse bka' 'bum Volume 3, Text 31, Pages (Folios to )
Author	མདོ་མཁྱེན་བརྩེ་
Less details More details
Citation
Genre	Invocations - bskul ba
Colophon	khrag 'thung dpa' bos so/_/dge'o//

Tibetan Text

[edit]

༄༅། ཞབས་བརྟན་དྲང་སྲོང་བདེན་ཚིག་ཐུགས་དམ་རྒྱུད་བསྐུལ་བཞུགས། །

༄༅། ན་མོ་ཨ་ཡུར་བྷྱ། །བདེན་ཚིག་གྲུབ་པའི་དྲང་སྲོང་དྲི་མ་མེད། །འོད་མཚན་སྟོང་འབར་འཆི་མེད་ཚེ་ཡི་ལྷ། །ཚེ་དབང་རིག་འཛིན་མཆོག་བརྙེས་པདྨ་འབྱུང༌། །འཁོར་འདས་བཅུད་འདྲེན་འཆི་མེད་བདེ་སྟོང་མ། །རྩ་གསུམ་རིག་འཛིན་ཌཱཀྐིའི་བྱིན་རླབས་ཀྱིས། །ཉོན་མོངས་དྲི༵་བྲལ་རི༵གས་ཀྱི་མྱུ་གུ་མཆོག །མངལ་གྱི་སྒྲིབ་མེ༵ད་རྡོ་རྗེ་འཛི༵ན་དབང་ཐོབ། །ཐེག་མཆོག་སྙན་གྲག༵ས་བསྟ༵ན་པ༵འི་དཔལ་དུ་ཤར། །འགྲོ་བའི་དོན་དཔ༵འ་སྔགས་བསྟན་རྒྱལ༵་མཚ༵ན་སྤྲེང༌། །འགྲོ་ལ་བརྩེ་བའི་ཐུགས་རྗེ་འོད༵་ཟེ༵ར་འབར། །སྤྲུལ་པའི་སྐུ་ཁྱོད་མི་ཤིགས་རྡོ་རྗེའི་ཁྲིར། །བསྟན་དང་འགྲོ་བའི་དོན་དུ་ཞབས་བརྟན་གསོལ། །གང་ཁྱོད་གདོད་ནས་མངོན་པར་བྱང་ཆུབ་ཅིང༌། །རི༵ག་པ་འཛི༵ན་པའི་ས་ལ་བཞུགས་པས་ན། །རང་དོནཞི་བདེའི་གནས་ལ་མ་གཞོལ་བར། །བསྟན་དང་འགྲོ་ལ་སྨན་པའི་ཐུགས་བསྐྱེད་འཚལ། །ལྔ་ཕྲག་ཐ་མའི་འགྲོ་བ་སྡུག་བསྔལ་གྱིས། །གཟིར་ཚེ་བསྐྱེད་རྫོགས་ཐུགས་རྗེ་ཤུགས་ཕྱུང་ལ། །འཕྲིན་ལས་རྣམ་བཞི་སྡུག་བསྔལ་ཀུན་བསལ་ནས། །ཡང་དག་ལམ་དུ་འགོད་ཕྱིར་ཞབས་བརྟན་གསོལ། །གང་དེའི་རྣམ་བཞི་ལས་ཀྱི་ཕོ་ཉ་བ། །ཨ༵་ཏིའི་རྣལ་འབྱོར་དམན་རྣམས་བུ༵་བཞིན་སྐྱོངས། །འཁྲུལ་བའི་སྣང་བ་དབྱིངས་སུ་ཞི༵ག་པོ༵་བ། །ཞབས་པད་བརྟན་ཞིང་འགྲོ་དོན་སྙིང་སྟོབས་བསྐྱེད། །བཀའ་དྲིན་གསུམ་ལྡན་བླ་མའི་བྱིན་རླབས་དང༌། །ཡི་དམ་དཔའ་བོ་མཁའ་འགྲོའི་ཐུགས་རྗེའི་ཤུགས། །བདག་གི་ལྷག་བསམ་རྣམ་པར་དག་པའི་མཐུས། །གསོལ་འདེབས་སྨོན་པ་ཡིད་བཞིན་འགྲུབ་གྱུར་ཅིག «།ཡབ་རྗེ་ཆོས་ཀྱི་རྒྱལ་པོ་ཞལ་བཞེས་ཐུགས་ཀྱི་སྤྲུལ་པ་རིགས་སྲས་ཤེས་རབ་མེ་འབར་གྱིས་སྤྲུལ་བསྒྱུར་ཎིརྨ་ཀའི་ཞབས་བརྟན་དྲང་སྲོང་བདེན་ཚིག་འདི་ཡང༌། རང་སློབ་དད་ལྡན་འཇིགས་མེད་སྟོབས་ལྡན་གྱིས་བསྐུལ་བ་དང༌། མྱུ་གུའི་རྣམ་རོལ་ལ་ཡང་རྗེས་འབྲེལ་བརྟན་བཞུགས་ཉུང་ངུ་ཞིག་ཉེར་གནས་ཀློང་ཡངས་རྒྱ་མཚོ་བསྐུལ་པ་ལྟར་ཤིང་བྱི་ཆུ་སྟོད་ཟླ་བའི་ཡར་ཚེས་དགེ་བར་ནོར་བུ་ཕུགས་ཀྱི་བསམ་གཏན་ཁང་བཟང་ནས་གཏེར་མིང་འཛིན་པ། ༧ ཁྲག་འཐུང་དཔའ་བོས་སོ། །དགེའོ།། །།