རྒྱལ་ཆེན་ཐོ་ཆོག་མདོ་མཁྱེན་བཀའ་འབུམ་བོད་ཀྱི་འཕྲུལ་པར་གསར་ཐོན་ལས་བྱུང་བ།

From Khyentse Lineage - A Tsadra Foundation Project
Wylie title rgyal chen tho chog mdo mkhyen bka' 'bum bod kyi 'phrul par gsar thon las byung ba DKYD-DZINDROL-060.pdf
Location mdo mkhyen brtse 'dzin grol
Volume 1, Text 60, Pages 695-696 (Folios 1a1 to 1b4)
Author མདོ་མཁྱེན་བརྩེ་
Less details More details
Tertön མདོ་མཁྱེན་བརྩེ་ (Mdo mkhyen brtse)
Citation Mdo mkhyen brtse. Rgyal chen tho chog mdo mkhyen bka' 'bum bod kyi 'phrul par gsar thon las byung ba. In Mdo mkhyen brtse ye shes rdo rje'i dgongs gter gcod 'dzin pa rang grol gyi 'don chog gi skor, (The Natural Liberation of Grasping, The Chod Teaching of Do Khyentse Yeshe Dorje): 695-696. Delhi: Shechen Publications, 2020.
Genre Ritual and Liturgical Texts - cho ga phyag len
Cycle གཅོད་འཛིན་པ་རང་གྲོལ་ (gcod 'dzin pa rang grol)
Karchag page DKYD-DZINDROL-Karchag
[edit]
རྒྱལ་ཆེན་ཐོ་ཆོག་མདོ་མཁྱེན་བཀའ་འབུམ་བོད་ཀྱི་འཕྲུལ་པར་གསར་ཐོན་ལས་བྱུང་བ་ནི། གཏོར་མར་ཆབ་བྲན་ལཿ རཾ་ཡཾ་ཁཾཿ ལན་གསུམ་གྱི་བྱིན་གྱིས་བརླབ་ལཿ ཧཱུྃཿ སྟོན་པའི་བཀའ་ཉན་འཇིག་རྟེན་འདུལཿ ཐུགས་རྗེའི་སྟོབས་ཀྱིས་བགེགས་རིགས་འཇོམསཿ སྤྲུལ་སྐུ་རྒྱལ་ཆེན་སྡེ་བཞི་པོསཿ ཕྱི་མཚམས་བསྲུང་བའི་ཕྲིན་ལས་མཛོདཿ ཧཱུྃཿ ཆོས་སྐྱོང་རྒྱལ་པོ་ཡུལ་འཁོར་སྲུངཿ ཞི་བའི་ལས་མཛད་སྐུ་མདོག་དཀརཿ ཡང་དག་དོན་སྟོན་པི་ཝཾ་སྒྲོགཿ ཤར་ཕྱོགས་གདོན་རྣམས་སྲུང་དུ་གསོལཿ ཧཱུྃཿ ཆོས་སྐྱོང་རྒྱལ་པོ་འཕགས་སྐྱེས་པོཿ རྒྱས་པའི་ལས་མཛད་སྐུ་མདོག་སེརཿ མཐའ་གཉིས་གཅོད་པའི་རལ་གྲི་འཛིནཿ ལྷོ་ཕྱོགས་གདོན་རྣམས་སྲུང་དུ་གསོལཿ ཧཱུྃཿ ཆོས་སྐྱོང་རྒྱལ་པོ་སྤྱན་མི་བཟངཿ དབང་གི་ལས་མཛད་སྐུ་མདོག་དམརཿ འཁོར་བ་གནས་འདྲེན་ཞགས་པ་བསྣམསཿ ནུབ་ཕྱོགས་གདོན་རྣམས་སྲུང་དུ་གསོལཿ ཧཱུྃཿ ཆོས་སྐྱོང་རྒྱལ་པོ་རྣམ་ཐོས་སྲསཿ བྱ་བ་མཐར་ཕྱིན་སྐུ་མདོག་ལྗངཿ འཁོར་བ་འཇོམས་པའི་བེ་ཅོན་བསྣམསཿ བྱང་གི་གདོན་རྣམས་སྲུང་དུ་གསོལཿ ཧཱུྃཿ སྤྲུལ་སྐུ་རྒྱལ་ཆེན་སྡེ་བཞི་པོཿ དོན་ལ་སངས་རྒྱས་ཡིན་མོད་ཀྱངཿ གསང་སྔགས་བསྟན་པ་བསྲུང་བའི་ཕྱིརཿ བར་ཆད་འདུལ་བར་མཛད་དུ་གསོལཿ རྒྱལ་ཆེན་གཏོར་མ་འབུལ་བཤལ་ཆུ་བཏངཿ ཨོཾ་དྷྲིཥྚ་རཱཥྚ་ཡ་སྭཱ་ཧཱ། ཨོཾ་བི་རཱུ་ཌྷ་ཀ་ཡ་སྭཱ་ཧཱ། ཨོཾ་བི་རཱུ་པཱཀྵ་ཡ་སྭཱ་ཧཱཿ ཨོཾ་བཻ་ཤྲ་མ་ཎཱ་ཡ་སྭཱ་ཧཱཿ ཨེ་དམ་བྷ་ལིཾ་ཏ་ཁཱ་ཧིཿ རྒྱལ་པོ་ཆེན་པོ་སྡེ་བཞི་འཁོར་དང་བཅས་པ་ཁྱེད་རྣམས་འབུལ་བའི་མཆོད་གཏོར་འདི་བཞེས་ལཿ བདག་གི་སྒྲུབ་པ་ཆེན་པོ་འདི་ཉིད་མ་གྲོལ་གྱི་བར་དུཿ ཕྱི་ཡི་བར་ཆད་ནང་དུ་མི་གཏོང་ཞིངཿ ནང་གི་དངོས་གྲུབ་ཕྱིར་མི་འཁྱམས་པའི་ཕྲིན་ལས་མཛད་དུ་གསོལཿ ཞེས་ཕྲིན་ལས་བཅོལ་ལོཿ བསྲུང་འཁོར་བསྒོམཿ