DKR-KABUM-25-RA-002

Previous Text Back to Volume PageNext Text

བཀའ་བརྒྱུད་སྔགས་མཛོད་ཀྱི་དབང་ཁྲིད་ལུང་དང་བཅས་པའི་ཐོབ་ཡིག་རྒྱུད་སྡེ་རིན་པོ་ཆེའི་གཏེར་མཛོད།

Wylie title	bka' brgyud sngags mdzod kyi dbang khrid lung dang bcas pa'i thob yig rgyud sde rin po che'i gter mdzod
Location	dil mgo mkhyen brtse bka' 'bum Volume 25, Text 2, Pages 21-29 (Folios 1a to 9a2)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Bka' brgyud sngags mdzod kyi dbang khrid lung dang bcas pa'i thob yig rgyud sde rin po che'i gter mdzod. In Skyabs rje dil mgo mkhyen brtse rin po che'i bka' 'bum, Vol. 25: 21-29. Delhi: Shechen Publications, 1994.
Genre	Records of Teachings Received - thob yig - gsan yig

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །བཀའ་བརྒྱུད་སྔགས་མཛོད་ཀྱི་དབང་ཁྲིད་ལུང་དང་བཅས་པའི་ཐོབ་ཡིག་རྒྱུད་སྡེ་རིན་པོ་ཆེའི་གཏེར་མཛོད་ཅེས་བྱ་བ་བཞུགས་སོ།།

༄༅། །བྱིན་རླབས་དངོས་གྲུབ་ཕྲིན་ལས་རྒྱ་མཚོའི་གཏེར། །རབ་འབྱམས་རྩ་གསུམ་ནོར་བུའི་ཕྲེང་བ་ལ། །གུས་པའི་ཕྱག་གི་མེ་ཏོག་འཐོར་ལགས་ན། །ཀུན་ཏུ་དགེ་བའི་བཀྲ་ཤིས་སྣང་བ་སྩོལ། །སྔོན་སྨོན་རྣམ་དཀར་བཙན་པའི་རྒྱུ་བཟང་དང༌། །དཔལ་ལྡན་བླ་མ་རྡོ་རྗེ་སེམས་དཔའ་ཆེའི། །ཚད་མེད་ཐུགས་རྗེ་མཆོག་གི་བདག་རྐྱེན་ལས། །མར་པའི་གསེར་ཆོས་ཐོབ་པའི་རྣམ་གྲངས་དབྱེ། །དེ་ལ་རྒྱལ་བའི་བསྟན་པ་རིན་པོ་ཆེ་ཞེས་འཇིག་རྟེན་ལྷ་དང་བཅས་པའི་འགྲོ་བ་མ་ལུས་པའི་སྲིད་ཞི་ཡོངས་ཀྱི་དགེ་ལེགས་ཀྱི་གཞི་གཅིག་པུ་གཉིས་སུ་མེད་པ་དེ་ཉིད། ཇི་སྐད་དུ། ཐུབ་པའི་བསྟན་པ་རྣམ་གཉིས་ནི། །ལུང་དང་རྟོགས་པའི་བདག་ཉིད་དེ། །དེ་འཛིན་བྱེད་པ་སྨྲ་བྱེད་པ། །སྒྲུབ་པར་བྱེད་པ་ཁོ་ན་ཡིན། །ཞེས་པ་ལྟར། ཆོས་ཀྱི་འཁོར་ལོའི་ཕུང་པོ་ཇི་སྙེད་པ་མདོར་བསྡུ་ན། ལུང་དང་རྟོགས་པ་གཉིས་ཀྱི་ཁོངས་སུ་མ་འདུས་པ་གཞན་མེད་ཅིང༌། དེའང་འཕགས་བོད་ཀྱིས་མཚོན་པའི་ཞིང་རྣམས་སུ་འཛིན་སྐྱོང་སྤེལ་བའི་སྐྱེས་བུ་བསམ་གྱིས་མི་ཁྱབ་པ་བྱོན་པ་ལས། གངས་ཅན་ལྗོངས་འདིར་ཡང་ལུང་གི་བསྟན་པ་སྤེལ་བའི་རིང་ལུགས་བཤད་རྒྱུན་འདེགས་པའི་ཀ་ཆེན་བཅུ་དང༌། རྟོགས་པའི་བསྟན་པ་སྤེལ་བའི་རིང་ལུགས་སྒྲུབ་བརྒྱུད་འཛིན་པའི་ཤིང་རྟ་བརྒྱད་ཅེས་ས་ཆེན་པོའི་ཁོངས་སུ་རླུང་ལྟར་གྲགས་པ་བྱོན་པ་ལས། འདིར་ཕྱི་མའི་ཡ་གྱལ་ཏེ། ཇི་སྐད་དུ། བླ་མ་ཀུན་ལ་ཡོད་མོད་ཀྱང༌། །ནཱ་རོ་ཡོད་ན་ཡོད་པ་ཡིན། །བརྒྱུད་པ་ཀུན་ལ་ཡོད་མོད་ཀྱང༌། །སྙན་བརྒྱུད་ཡོད་ན་ཡོད་པ་ཡིན། །ཞེས་གསུངས་པ་ལྟར། རྒྱལ་བསྟན་ཡོངས་ཀྱི་སྙིང་པོ་སྒྲུབ་བརྒྱུད་ཀྱི་ཆུ་མགོ །ཡེ་ཤེས་མཁའ་འགྲོ་རྒྱ་མཚོའི་དབང་ཕྱུག །མཁས་དང་གྲུབ་པའི་སྐྱེས་བུ་གཅིག་པུ་པ། དགྱེས་མཛད་ཧེ་རུ་ཀ་དང་རྣམ་དབྱེར་མེད་པ་སྤྲུལ་པའི་ལོ་ཙཱ་བ་ཆེན་པོ་ལྷོ་བྲག་མར་པ་ཆོས་ཀྱི་བློ་གྲོས་ཀྱིས། རྒྱ་གར་འཕགས་པའི་ཡུལ་དུ་དཀའ་བ་བརྒྱ་ཕྲག་དུ་མ་ཁྱད་དུ་བསད། ཕོངས་པའི་རིན་ཆེན་གསེར་ལ་མཎྜལ་བྱས་ཏེ་གྲུབ་པའི་དབང་ཕྱུག་ཆེ་ཕྲ་དུ་མའི་ཞབས་ལ་གཏུགས་ཏེ་གསང་སྔགས་རྒྱུད་སྡེ་བཞི་ཡི་ཟབ་ཆོས་གདམས་པའི་བདུད་རྩི་ངོམ་མེད་དུ་བཞེས་ཤིང་ཀུན་གྱི་ནང་ན་རྒྱལ་མཚན་གྱི་ཏོག་ལྟར་མངོན་པར་འཕགས་པ་དཔལ་ལྡན་ནཱ་རོ་དང༌། མཻ་ཏྲི་ལོ་བཅུ་དྲུག་ཟླ་བ་བདུན་དུ་སྐུ་དང་གྲིབ་མའི་ཚུལ་དུ་འབྲལ་བ་མེད་པར་བརྟེན་ནས། ཆོས་སྐུ་རྡོ་རྗེ་འཆང་གི་དགོངས་བཅུད་ཛྙཱ་ན་ཌཱ་ཀི་ནི་ཡི་སྙིང་ཁྲག །ཐེག་པ་ཀུན་གྱི་ཡང་རྩེ་གསང་སྔགས་བླ་ན་མེད་པའི་རྒྱུད་དང་གདམས་པའི་བདུད་རྩི་བུམ་པ་གང་བྱོའི་ཚུལ་དུ་བཞེས་ནས། ལྗོངས་བྱང་ཕྱོགས་ཁ་བ་ཅན་ན་ལྷ་དང་བླ་མའི་ལུང་གིས་བསྔགས་པའི་སྣོད་ལྡན་འཕགས་པའི་སློབ་མ་ས་ཆེན་པོའི་རྡུལ་ལྟར་བྱོན་པའི་ནང་ནས། ཆེས་གཙོ་བོར་གྱུར་པ་གྲུབ་པའི་དབང་ཕྱུག་རྔོག་སྟོན་ཆེན་པོ་ཆོས་སྐུ་རྡོ་རྗེ་དང༌། རྣལ་འབྱོར་གྱི་དབང་ཕྱུག་མཐུ་ཆེན་བཞད་པ་རྡོ་རྗེ་སོགས་ཀ་ཆེན་བཞིའི་སློབ་མར་སྙན་བརྒྱུད་མཁའ་འགྲོའི་སྲོག་སྙིང་རྣམས་མནོག་ཆོས་བཀའ་གཙིགས་སུ་གདམས་ནས་གནང་སྟེ་གྲུབ་པའི་ཚང་ཆེན་པོར་བརྡོལ་ཏེ་གངས་ཅན་གྱི་ལྗོངས་ན་ལྷོ་བྲག་མར་པའི་བཀའ་བརྒྱུད་ཞེས་གྲགས་པའི་རྔ་བོ་ཆེ་ལྡིར་བ་འདི་ཉིད་བྱུང་ཞིང༌། དེའི་རིང་ལུགས་ལས་འདིར་བཤད་རྒྱུན་ཆུ་བོ་ལྟ་བུའི་བཀའ་བབ་གསང་བདག་ཆོས་ཀྱི་རྡོ་རྗེ་སོགས་རིམ་པར་རྔོག་སྟོན་བདུན་བརྒྱུད་ཀྱི་བཀའ་སྲོལ་ལས་བྱོན་པའི་གསེར་ཆོས་ཡིད་བཞིན་ནོར་བུ་རྣམས། ཕྱིས་ཀྱི་དུས་འདིར། རྒྱལ་བསྟན་སྤྱི་དང༌། སྒྲུབ་བརྒྱུད་ཀྱི་བསྟན་པ་ལུང་གི་གཤམ་དུ་ཉེ་བས་ཟབ་ཆོས་འདི་དག་ཀྱང༌། བདུད་རྩིའི་ཆུ་ཀླུང་འཛིན་མའི་བཏུང་བར་མངོན་པར་ཕྱོགས་པ་ན། གསང་བདག་མར་པའི་ཐུགས་བསྐྱེད་བསྟན་པ་རྨིང་ནས་བསླང་བ་ལ་སྨོན་ལམ་གྱི་མཐུ་ཆེན་པོ་གྲུབ་པ་ཀུན་མཁྱེན་གྲུབ་པའི་དཔའ་བོ་འཇམ་མགོན་བླ་མ་ཀརྨ་ངག་དབང་ཡོན་ཏན་རྒྱ་མཚོ་བློ་གྲོས་མཐའ་ཡས་པའི་སྡེ་ཞེས་མཚན་བརྗོད་པར་དཀའ་བ་མཆོག་གི་ཐུགས་བསྐྱེད་ཕྲིན་ལས་ཟབ་མོས་དབང་ལུང་གདམས་པ་རྣམས་འབད་པ་ཆེན་པོས་བཞེས་ཤིང་བཀའ་ཡི་བསྡུ་བ་ཆེན་པོས་བླ་མེད་རྒྱུད་སྡེ་ནོར་བུ་རིན་པོ་ཆེའི་གྲམ་བུ་བཀའ་བརྒྱུད་སྔགས་མཛོད་ཆེན་པོར་ལེགས་པར་སྡོམས་པ་ཉིད། ཁྱབ་བདག་བླ་མ་སངས་རྒྱས་ཀརྨ་པའི་སྐྱེས་པ་རབས་ཀྱི་ཕྲེང་བ་བཅུ་དྲུག་པ་ཐམས་ཅད་མཁྱེན་པ་རང་བྱུང་རིག་པའི་རྡོ་རྗེས་སྨིན་གྲོལ་ཚང་སྤྲུགས་སུ་བཙལ་བ་ལ་གསུམ། སྨིན་གྲོལ་གྱི་རིམ་པ་དང༌། རྒྱབ་བརྟེན་བཀླག་ལུང༌། གླེགས་བམ་གྱི་བཞུགས་བྱང་ཞར་བྱུང་དུ་སྨོས་པའོ། །དང་པོ་ནི། རྒྱུད་སྡེའི་དབང་གིས་དབུ་འཛུགས་པའི་ཕྱག་ལེན་ལྟར་ན། བླ་སྒྲུབ་དབང་བཞི་ལ་བྱིན་རླབས་སྒོ་འབྱེད་པའི་ཕྱིར་འདིར་གནང༌། ཐོག་མར། མར་ལུགས་དགྱེས་རྡོར་དབང་ཆེན་སྟ་གོན་ཉིན་གཅིག །དངོས་གཞི་ཉིན་གཅིག །ཡུམ་བཀའ་རྡོ་རྗེ་བདག་མེད་མ་ལྷ་མོ་བཅོ་ལྔའི་དབང་ཆེན། མར་ལུགས་དགྱེས་རྡོར་དངོས་སྟ་ཅན་དང༌། ཡུམ་བཀའ་བདག་མེད་ལྷ་མོ་བཅོ་ལྔ་བཅས་བྱམས་མགོན་སི་ཏུ་པདྨ་དབང་མཆོག་གྲུབ་པ་ལས། འཇམ་མགོན་རྡོ་རྗེ་འཆང་ཆོས་ཀྱི་བློ་གྲོས་རིན་པོ་ཆེའི་གསན་སྐབས་རྫོང་སར་བཀྲ་ཤིས་ལྷ་རྩེ་ནས་བཀའ་དྲིན་ཐོབ། དགྱེས་རྡོར་མར་ལུགས་ཀྱི་བསྲེ་འཕོའི་ཁྲིད་ཡིག་འཁྲུལ་མེད་ངེས་གསང་ཞེས་བྱ་བ་ཏཱ་ར་ནཱ་ཐས་མཛད་པའི་ཁྲིད། བཅོམ་ལྡན་འདས་དགྱེས་པ་རྡོ་རྗེ་རིགས་འདུས་པའི་དཀྱིལ་འཁོར་གྱི་དབང་ཆེན་དངོས་གཞི། དུས་མཁྱེན་ཐུགས་དམ་ལྔ་ཚན་ལྔ་ཡི་ཡ་གྱལ། བདེ་མཆོག་ལྔའི་དབང་སྟ་གོན། དངོས་གཞི་དབང་ཆེན་ཕག་མོ་ལྷ་ལྔའི་དབང་ཆེན་མཉན་པ་རིན་པོ་ཆེས་རྒྱལ་དབང་མཁའ་ཁྱབ་རྡོ་རྗེ། བྱམས་མགོན་པདྨཱཏྣྱཏྨཏྟཱཏྨྱཏྟྲོཏྛ ཱཏྨྱཏྙཏྤཱཏྟྲེཏྤཱཏྨནྫཱཏྶྭིཏྲྱཱཏྶྨོཏྣྱཱཏྶྣྱེཏྶྱཱགསུམ་ཀ་ལས་གསན། དེ་གསུམ་ཀས་གསན་ཡུལ་འཇམ་མགོན་བློ་གྲོས་མཐའ་ཡས་པའི་སྡེ། མཉན་པ་རིན་པོ་ཆེ་ལས་བདག་ལ་བཀྲ་ཤིས་ཐོབ་པའོ། །དཔལ་སམ་བྷུ་ཊི་ལས་གསུངས་པའི་བདེ་མཆོག་ཞི་བ་རྡོ་རྗེ་སེམས་དཔའ་རིགས་བསྡུས་པའི་དབང་དངོས་སྟ་ཕྲལ་བ། འཁོར་ལོ་བདེ་མཆོག་རིགས་བསྡུས་འཁོར་ལོའི་སྒྱུར་དྲུག་གི་དབང་དངོས་སྟ་ཕྲལ་བ་ཉིན་གཉིས། བཅོམ་ལྡན་འདས་སངས་རྒྱས་ཐོད་པའི་དབང་དངོས་སྟ་ཕྲལ་བ། དེའི་རྫོགས་རིམ་གྱི་ཁྲིད་ཡིག་ཏཱ་ར་ནཱ་ཐས་མཛད་པའི་ཁྲིད། མཁའ་འགྲོ་གཏོར་ཆེན་འདིར་བྱ། བཅོམ་ལྡན་འདས་རྡོ་རྗེ་གདན་བཞི་ཡབ་བཀའི་དབང་ཆེན་དངོས་སྟ་ཕྲལ་བ། ཡུམ་བཀའ་ཡེ་ཤེས་དབང་ཕྱུག་མའི་དབང་ཆེན། གདན་གཞིའི་ཁྲིད་ཏཱ་ར་ནཱ་ཐས་མཛད་པ། བཅོམ་ལྡན་འདས་མ་ཧཱ་མཱ་ཡ་ལྷ་ལྔའི་དབང་ཆེན་དངོས་ལྟ་ཕྲལ་བ། དེའི་ཁྲིད་ཡིག་རྒྱལ་བའི་ལམ་བཟང་ཏཱ་ར་ནཱ་ཐས་མཛད་པའི་གསུང་ཁྲིད་བཅས་ཀྱིས་མ་རྒྱུད་སྐོར་སོང་ངོ༌། །དེ་ནས་ཕ་རྒྱུད་ལ། དཔལ་གསང་བ་འདུས་པ་མི་བསྐྱོད་རྡོ་རྗེའི་དབང་ཆེན་དངོས་སྟ་སོ་སོར་ཕྱེ་བའི་ཉིན་གཉིས་མ། རིམ་ལྔའི་དམར་ཁྲིད་ལེ་ཚན་གསུམ་གྱི་ཁྲིད་འཇམ་དཔལ་གསང་ལྡན་ནམ་མཚན་བརྗོད་རིགས་བསྡུས་པའི་དབང་ཆེན་དངོས་སྟ་སྦྲེལ་བ། བིརཝ་པའི་ལུགས་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་དབང་ཆེན་དངོས་སྟ་ཕྲལ་བ། མལ་ལོ་བློ་གྲོས་གྲགས་ཀྱི་བཀའ་སྲོལ་ལས་བྱུང་བའི་རྡོ་རྗེ་འཇིགས་བྱེད་ལྷ་དགུའི་དབང་ཆེན་དངོས་སྟ་ཕྲལ་བ། རས་ཆུང་ལུགས་ཕྱག་རྡོར་གཏུམ་པོ་ལྷ་ལྔའི་དབང་ཆེན། རྗེ་དགུ་པའི་དྲག་ཕྲེང་ནང་ཕྱག་རྡོར་གཏུམ་ཆུང༌། རས་ཆུང་ལུགས་ཚེ་དཔག་མེད་གྲུབ་རྒྱལ་མ་ལྷ་གཅིག་བུམ་གཅིག་གི་དབང༌། འཇམ་མགོན་ཡང་སྲིད་དང༌། མཉན་པ་རིན་པོ་ཆེ་ལས་ཀྱང་ཐོབ། དེའི་ཁྲིད་མར་པའི་བཀའ་སྲོལ་ལས་བྱོན་པའི་ཁྱད་འཕགས་ལྷ་གསུམ་ཞེས་རྣམ་རྒྱལ་མ། སྒྲོལ་ལྗང༌། རྡོར་སེམས་གསུམ་གྱི་རྗེས་གནང༌། ཁྱད་འཕགས་ལྷ་གསུམ་འདི་སངས་རྒྱས་མཉན་པ་རིན་པོ་ཆེ་ཀརྨ་བཤད་སྒྲུབ་བསྟན་པའི་ཉི་མ་ལས་ཀྱང་ནོས་པའི་བརྒྱུད་པ། འཇམ་མགོན་བླ་མ་སིཏུ་པདྨ་དབང་མཆོག་ལས་གསན་པའོ། །ཇོ་ལུགས་སྒྲོལ་དཀར་གསུང་ཐུགས་ཀྱི་རྗེས་གནང༌། སྒྲོ་ལ་མ་དངོས་ཀྱིས་རྗེས་སུ་བཟུང་བ། བྱམས་མགོན་པདྨ་དབང་མཆོག་གི་ཞལ་སྔ་ནས་ལན་གཅིག །མཉན་པ་རིན་པོ་ཆེ་ལས་ལན་གཅིག་བཅས་བཀའ་དྲིན་དུ་ཐོབ་པ་དང༌། དེའི་ཚེ་ཁྲིད་དཔལ་ཡེ་ཤེས་མགོན་པོ་གུར་མགོན་རྒྱུད་ལུགས་ཀྱི་རྗེས་གནང༌། རྒྱལ་དབང་རིན་པོ་ཆེས་འདི་གསུང་སྐབས་རྟགས་མཚན་ཆེན་པོ་བྱུང༌། ཀརྨ་ཀཾ་ཚང་གི་བཀའ་སྲོལ་ལས་བྱོན་པ་ཡེ་ཤེས་མགོན་པོ་ཕྱག་བཞི་པའི་རྗེས་གནང༌། དཔལ་ལྡན་ལྷ་མོ་དུད་སོལ་མའི་ཕྱི་སྒྲུབ་རྗེས་གནང་ཐུན་མོང་དང༌། ཐུན་མོང་མིན་པའི་རྗེས་གནང་ནན་ཆགས་མར་གྲགས་པའི་བཀའ་རྒྱ་ཅན། ངན་རྫོང་རས་པའི་སྙན་བརྒྱུད་བཀྲ་ཤིས་ཚེ་རིང་མཆེད་ལྔའི་རྗེས་གནང་བཅས་གྲུབ་བོ། །དེ་ལྟར་རྒྱུད་སྡེའི་དབང་ཆེན་རྣམས་སྔོན་དུ་འགྲོ་བའི་རྗེས་སུ། རྗེས་གནང་རིགས་སྦྱར་བའི་ཕྱག་ལེན་གཅིག་དང༌། སློབ་མ་སྔོན་རྒྱུད་སྡེ་གཞན་གྱི་དབང་བཞི་ཐོབ་ཟིན་པ་ལ། ཐོག་མར་དགེ་བ་ཚེ་ལྷ་རྣམ་གསུམ་དང༌། གཏུམ་ཆུང་སོགས་ཀྱི་རྗེས་གནང་བསྐུར་བའི་རྗེས་སུ། བླ་སྒྲུབ་དང༌། དགྱེས་རྡོར་དབང་ལ་འཇུག་པའི་ཕྱག་ལེན་གཅིག་བཅས། གཉིས་སུ་འཇམ་མགོན་རིན་པོ་ཆེས་གསུངས་པའི་ཕྱག་ལེན་ཕྱི་མ་ལྟར་གནང་བ་ཡིན། གཉིས་པ་རྒྱབ་རྟེན་ལུང་གི་རིམ་པ་སྔགས་མཛོད་པུསྟ་ཀཿ གསུམ་གྱི་གཞུང་ཁ་སྐོང་བཅས་ཚང་མའི་བཀླག་ལུང་ཡོངས་རྫོགས་ཀྱི་བརྒྱུད་པ་ནི། འཇམ་མགོན་རྡོ་རྗེ་ཀརྨ་ངག་དབང་ཡོན་ཏན་རྒྱ་མཚོ། སིཏུ་པདྨ་དབང་མཆོག་རྒྱལ་པོ། སངས་རྒྱས་མཉན་སྤྲུལ་ཀརྨ་བཤད་སྒྲུབ་བསྟན་པའི་ཉི་མ་ལས་བསྩལ་བའོ། །གསུམ་པ་གླེགས་བམ་གྱི་བཞུགས་བྱང་སྨོས་པ་ལ། ཨོཾ༽ པ་ལ། མར་རྔོག་གསེར་ཆོས་རྒྱུད་སྡེ་རིན་པོ་ཆེ་རྣམས་ཀྱི་གླིང་གཞི་དང་བརྒྱུད་པའི་ཡི་གེ །འཕགས་མ་ཡིད་བཞིན་འཁོར་ལོའི་བརྒྱུད་འདེབས། ༤ རྗེས་གནང་བསྙེན་སྒྲུབ་ཀྱི་ཡི་གེ་ཟླ་བ་འདོད་འཇོ། ༥༥ མཆོད་ཕྲེང༌། ༢ ལྕེ་སྤྱང་སྔོན་མོའི་ལམ་སྲུང༌། ༡ སྨོན་ལམ། ༤ བསྟོད་པ་སྦྲང་རྩིའི་རླབས་ཕྲེང༌། ༣ ཚེ་ཁྲིད། ༢༠ ཚེ་དཔག་གྲུབ་རྒྱལ་ལྷ་གཅིག་བུམ་གཅིག་གི་བྱིན་རླབས་དབང་ཆོག ༡༤ །བསྐྱེད་རྫོགས་ཀྱི་ཁྲིད་ཡིག ༢༢ །ཁྱད་པར་ལྷ་གསུམ་གྱི་སྒྲུབ་ཐབས་རྗེས་གནང༌། གཏུམ་ཆུང་བདག་མདུན་འདོན་འགྲིགས་བུ་ཡིག་ཟིན་བྲིས། ༨ དབང་ཆོག ༥༤ །བླ་མ་མཆོད་པའི་ཆོ་ག ༡༢ །ལྷན་ཐབས་དང་དབང་ཆོག ༡༠ །རྒྱུད་སྡེ་སྤྱིའི་བརྒྱུད་འདེབས། ༡ དགྱེས་རྡོར་སྒྲུབ་ཐབས་དངོས་གྲུབ་ཆར་འབེབས། ༡༧ དེའི་དཀྱིལ་མཆོག་དངོས་གྲུབ་རྒྱ་མཚོ། ༢༨ བསྙེན་པའི་ཟུར་འདེབས། ༢ བཅོམ་ལྡན་འདས་བདག་མེད་མའི་སྒྲུབ་ཐབས། ༡༢ དཀྱིལ་ཆོག་མཁའ་སྤྱོད་ཤིང་རྟ། ༩ རྒྱུན་གྱི་རྣལ་འབྱོར་ཡབ་ཀྱི་དྲན་གཅིག ༥ །ཡུམ་གྱི་དྲན་གཅིག ༢ །བྱད་མ་བཟློག་པའི་མན་ངག ༡ །དགྱེས་པ་རྡོ་རྗེ་རིགས་བསྡུས་པའི་སྒྲུབ་ཐབས་དྲི་མེད་ནོར་བུའི་སྒྲོན་མེ། ༢༠ དཀྱིལ་ཆོག་དྲི་མེད་ནོར་བུའི་ཆུན་པོ། ༣༥ ལས་དང་པོ་པས་བྱ་བའི་རིམ་པ་མདོར་བསྡུས། ༤ ལས་བཞིའི་སྦྱིན་སྲེག ༨ །སྲེག་བླུགས་ཀྱི་ཆོག་བསྡུས་པ། ༣ ཁྲིད་ཡིག་འཁྲུལ་མེད་ངེས་གསང༌། ༣༢ ཀཾ་ཚང་བདེ་མཆོག་ལྷ་ལྔའི་མངོན་དཀྱིལ། ཀཾ་ཚང་ཕག་མོ་ལྷ་ལྔའི་མངོན་དཀྱིལ། བདེ་མཆོག་ཞི་བ་རྡོར་སེམས་རིགས་བསྡུས་ཟུང་འཇུག་སྙེ་མ། ༡༩ དཀྱིལ་ཆོག་ཁ་སྦྱོར་སྙེ་མ། ༣༡ ཐོག་སྲུང་མན་ངག ༥ །རང་བྱིན་རླབས་ཀྱི་དམིགས་པ། བདེ་མཆོག་འཁོར་ལོས་སྒྱུར་དྲུག་གི་ཐབས་ཤེས་སྣང་བྱེད། ༡༢ དཀྱིལ་ཆོག་ཡེ་ཤེས་རྣམ་རོལ། ༢༧ བཅས་བཞུགས། ཨཱཿ༽ པ་ལ། བཅོམ་ལྡན་འདས་རྡོ་རྗེ་གདན་བཞི་ཡབ་བཀའི་སྒྲུབ་ཐབས་སྙིང་གི་ནོར་བུ། ༢༤ དཀྱིལ་ཆོག་རྡོ་རྗེ་རོལ་པའི་དགའ་སྟོན། ༣༤ རྩ་བའི་དཀྱིལ་འཁོར་ཡེ་ཤེས་དབང་ཕྱུག་མ་ལྷ་བཅུ་གསུམ་ཅན་གྱི་སྒྲུབ་ཐབས་བདུད་རྩིའི་སྙེ་མ། ༡༥ དཀྱིལ་ཆོག་བདུད་རྩིའི་ལྗོན་ཤིང༌། ༡༨ རྒྱུན་གྱི་རྣལ་འབྱོར་དྲན་གཅིག ༤ །ཁྲིད་ཡིག ༢༤ །ཆུ་ཡི་མཆོད་སྦྱིན་གྱི་ལག་ལེན། ༥ མེ་ཡི་སྦྱིན་སྲེག་གི་ལག་ལེན། ༧ བཅོམ་ལྡན་འདས་སྒྱུ་འཕྲུལ་ཆེན་མོའི་སྒྲུབ་ཐབས། ༡༣ དཀྱིལ་ཆོག ༢༩ །མིང་གི་དབང་བསྐུར། ༡ ལས་བཞིའི་སྦྱིན་སྲེག ༧ །ཁྲིད་ཡིག ༧ །དྲན་པ་གཅིག་པའི་རྣལ་འབྱོར་ཞར་བྱུང་ལྡེབ། ༤ བཅོམ་ལྡན་འདས་སངས་རྒྱས་ཐོད་པའི་སྒྲུབ་ཐབས་རིན་པོ་ཆེའི་མྱུ་གུ ༡༥ དཀྱིལ་ཆོག་རིན་པོ་ཆེའི་ཆར་སྤྲིན། ༢༥ སངས་རྒྱས་ཐོད་པའི་རྫོགས་རིམ་ཁྲིད། དཔལ་གསང་བ་འདུས་པའི་སྒྲུབ་ཐབས་ཟུང་འཇུག་ལམ་གྱི་སྒྲོན་མ། ༢༩ དེའི་དཀྱིལ་ཆོག་ཟུང་འཇུག་ལམ་གྱི་ཤིང་རྟ། ༣༧ དེའི་དྲན་གཅིག ༢ །ལས་བཞིའི་སྦྱིན་སྲེག ༡༠ །རིམ་ལྔའི་བརྒྱུད་འདེབས། ༤ རིམ་ལྔ་དམར་ཁྲིད། ༢༣ དམར་ཁྲིད་ཀྱི་ཟིན་བྲིས། ༡༨ འཕགས་ལུགས་རིམ་ལྔའི་སྨར་ཁྲིད་གདན་རྫོགས་ཀྱི་ཁྲིད་ཡིག ༡༥ །སྔོན་འགྲོའི་ངག་འདོན་སྟན་ཐོག་གཅིག་མའི་ཉམས་ལེན། ༤ འཇམ་དཔལ་མཚན་བརྗོད་རིགས་བསྡུས་ཀྱི་སྒྲུབ་ཐབས་ཡེ་ཤེས་འབར་བའི་རལ་གྲི ༡༨ དཀྱིལ་ཆོག་གསང་བ་ཀུན་འབྱུང༌། ༢༨ རྣལ་འབྱོར་སྒོམ་པའི་རིམ་པ། ༥ བསྟོད་པ་གླུར་བླངས་བཀླག་པའི་རྒྱུན་གྱི་རྣལ་འབྱོར། ༧ ལས་གཉིས་རྣལ་འབྱོར་དབྱེ་བའི་ཆོ་ག་བཅས། ༈ གླེགས་བམ། ཧཱུྃ༽ པ་ལ། གཤིན་རྗེ་གཤེད་དམར་ནག་སྒྲུབ་ཐབས་བགེགས་འཇོམས་ཡེ་ཤེས་བེ་ཅོན། ༡༤ དཀྱིལ་ཆོག་བདེ་སྐྱོང་བཅུད་ཀྱི་འཕྲུལ་ཞགས། ༣༨ འཇིགས་བྱེད་ལྷ་དགུའི་བདུད་འཇོམས་གྲུབ་པའི་རལ་གྲི ༡༣ དཀྱིལ་ཆོག་བདུད་འདུལ་འཕྲུལ་གྱི་རྣོ་མཚོན། ༣༨ མར་ལུགས་བླ་མེད་རྒྱུད་སྡེ་སྤྱི་ཡི་ཚོགས་མཆོད། ༥ རྒྱུད་སྡེ་སྤྱིའི་དབང་བསྐུར་གྱི་མཚམས་སྦྱོར། གསང་མཚན་སྤྱིའི་རབ་དབྱེ། རྒྱུད་སྡེ་རྣམས་ཀྱི་དབང་བཤད། ༢༣ རྒྱུད་སྡེ་སྤྱིའི་བསྙེན་ཡིག ༦༤ །རྟེན་གསུམ་རབ་ཏུ་གནས་པའི་ཆོ་ག ༡༡ །མཁའ་འགྲོ་བདེ་མཆོག་གི་ཞིང་སྐྱོང་སྤྱི་དང་འབྱུང་པོ་ཐམས་ཅད་པའི་གཏོར་ཆོག ༡༣ །བདེར་གཤེགས་ཉེར་བསྡུས་ཞེས་མགོན་པོའི་སྤྱི་གཞུང་ཌོམྦི་པས་མཛད་པ་མར་ལོ་ཙཱའི་འགྱུར་ཉུང་ངུ༌། རྡོ་རྗེ་ནག་པོ་ཆེན་པོའི་སྒྲུབ་ཐབས་རྗེས་གནང་བཅས། ཕྱག་བཞི་པ་ལྷ་བཅུ་གསུམ་གྱི་མངོན་རྟོགས་དབང་ཁྲིད། ༩ རྗེས་གནང་དབང་ཆོག །དུད་སོལ་མའི་ཆོས་སྐོར་དཀར་ཆག ༨ །ཕྱི་སྒྲུབ་ཀྱི་རྗེས་གནང༌། ཕྱི་སྒྲུབ་རྗེས་གནང་རྒྱས་པ། གསང་སྒྲུབ་རྗེས་གནང༌། ཐུན་མོང་མིན་པའི་རྗེས་གནང༌། མ་མོའི་སྤྱི་རྒྱུད། དངོས་གྲུབ་འབྱུང་བའི་རྒྱུད། ཕྱི་སྒྲུབ་གཞུང་ཆོག །ཕྱི་སྒྲུབ་རྒྱ་གཞུང་བསྡུས་དོན། ཕྱི་སྒྲུབ་གཞུང་འགྲེལ། བསྙེན་པའི་ཡི་གེ་བླ་མའི་ཞལ་གདམས། ཞལ་གདམས་བསྙེན་སྒྲུབ་ལས་སྦྱོར། ཞལ་གདམས་ཟབ་མོ། ཞལ་གདམས་རྨིས་ལྟས་མ། གསང་སྒྲུབ་ཀྱི་གཞུང༌། དྲག་མོའི་རྐང་ཐང་རྣོ་བའི་མདེའུ། ཡང་སྙིང་བཀོལ་བའི་སྒྲུབ་ཐབས། ཡང་གསང་རྐང་ཐང་དུ་སྒྲུབ་པ། ཚེ་བསོད་རྒྱས་པའི་ལས་ཚོགས། ཐ་དང་ལྟས་ངན་དབབ་པའི་ཡི་གེ །མངོན་ཤེས་དང་པྲ་དབབ་པའི་ཡི་གེ །སྤྱན་འདྲེན་བསྐང་གསོ་གཏོར་གཤེགས་རྣམས་ཀྱི་ཡིག་སྣ། བསྟོད་སྙིང་ཚན། ཕྲིན་ལས་ཀྱི་ལས་བྱང་རྒྱས་པ་ཌཱ་ཀིའི་ཟེའུ་འབྲུ། རྔ་གླིང༌། ཕྲིན་ལས་རྒྱས་པའི་གོ་ཆ་མ་མོ་དགྱེས་རོལ། ༢༨ གཏོར་ཆོག་འབྲིང་པོ་ཡོངས་འདུས་དགའ་ཚལ། ༩ གཏོར་ཆོག་བསྡུས་པ་དབྱར་རྔའི་སྒྲ་དབྱངས། ༤ ཕྱི་སྒྲུབ་ཐུན་མོང་རྗེས་གནང༌། གསང་སྒྲུབ་ཐུན་མོང་མ་ཡིན་པའི་རྗེས་གནང་ནན་ཆགས་མར་གྲགས་པའི་ཡི་གེ །བཀྲ་ཤིས་ཚེ་རིང་མཆེད་ལྔའི་རྩ་གཞུང༌། ༡༡ གཏོར་ཆོག ༡༣ །སྐོང་བ། ༢ ཚེ་གཡང་སྒྲུབ་པའི་ཆོ་ག ༡༣ །རྗེས་གནང་དབང་ཡིག་བཅས་བཞུགས་ཤིང༌། ཟབ་མོའི་གསེར་ཆོས་རིན་པོ་ཆེ་འཇིག་རྟེན་གྱི་ཁམས་ན་རྙེད་པར་དཀའ་བ་འདིའི་ལུང་ཁྲིད་ཀྱི་རིམ་པ། ཉམས་རྟོགས་བྱིན་རླབས་ཀྱི་དྲོད་དང་ལྡན་པ་སོ་སོར་བརྒྱུད་པའི་ཚུལ་ཞིབ་པར་ནི། བརྒྱུད་པའི་ཡི་གེ་རིན་པོ་ཆེ་ཟླ་ཟེར་ལས་མཁྱེན་པར་འཚལ་ལ། བྱིན་རླབས་བརྒྱུད་པའི་ཆུ་བོ་ཀུན་འདུས་གསང་བདག་འཇམ་པའི་རྡོ་རྗེ་བློ་གྲོས་མཐའ་ཡས་པའི་སྡེ། བྱམས་མགོན་ཆོས་ཀྱི་རྒྱལ་པོ་པདྨ་དབང་མཆོག་གྲུབ་པ། རྒྱལ་བའི་དབང་པོ་རང་བྱུང་རིག་པའི་རྡོ་རྗེས་དགྱེས་པ་ཆེན་པོས་སྦས་པའི་གནས་མཆོག་ལྷ་རི་འབྲས་མོ་ལྗོངས་ནས་གནང་བའོ། །ཡང་ན་འཇམ་མགོན་བླ་མ་བློ་གྲོས་མཐའ་ཡས། རྒྱལ་དབང་རྡོ་རྗེ་འཆང་བཅོ་ལྔ་པ་ཀུན་བཟང་མཁའ་ཁྱབ་བདེ་བའི་རྡོ་རྗེ། རྗེ་འདི་ཡབ་སྲས་གཉིས་ཀྱིས་རྒྱུད་སྡེ་ཐམས་ཅད་ཀྱི་ལྗགས་བསྙེན་རྫོགས་རིམ་སྐོར་ཉམས་བཞེས་ཡང་ཡང་གནང་སྟེ་དེས་བླ་གྲོ་ནོར་བུ་མཆོག་སྤྲུལ་ཀརྨ་འགྱུར་མེད་ཚུལ་ཁྲིམས་དམ་ཆོས་དབང་པོ་ལས་སྨིན་གྲོལ་རྒྱབ་བརྟེན་དང་བཅས་པ་ལན་གཅིག་ཕྲན་མངྒ་ལས་བཀའ་དྲིན་དུ་ཐོབ་པས། མཐིང་དམར་ཅོད་པན་འཆང་བ་ཟུང་གི་བྱིན་རླབས་ཆུ་བོ་གཅིག་འདྲེས་སུ་གྱུར་པའོ། །དགྱེས་མཛད་ལོ་ཙཱའི་ཟབ་གསང་བདུད་རྩིའི་གཏེར། བཤད་སྒྲུབ་ཆུ་ཀླུང་འབུམ་གྱིས་ཕྱུག་པ་ཡིས། །གྲུབ་པའི་དབང་པོའི་དགའ་ཚལ་དར་བ་དང༌། །འཇམ་མགོན་ཆོས་རྗེའི་བསྟན་པ་རྒྱས་གྱུར་ཅིག །འདི་ལྟར་ཕུན་ཚོགས་ལྔ་ཡི་དཔལ་མངའ་བ། །དེར་ནི་རྒྱལ་བསྟན་སྙིང་པོ་དར་བ་དང༌། །འགྲོ་བའི་བདེ་སྐྱིད་རྫོགས་ལྡན་དུས་བཞིན་འཕེལ། །དེ་བཞིན་རྟག་ཁྱབ་སྣང་བ་འབར་གྱུར་ཅིག །རྒྱལ་དབང་ཡབ་སྲས་ཞབས་པད་རྡོ་རྗེའི་ཁམས། །མི་འགྱུར་རྟག་ཏུ་བརྟན་པའི་བཀྲ་ཤིས་ཀྱིས། །ཚོམ་བུ་གཅིག་ཏུ་འབྲེལ་བའི་ཡིད་ཅན་རྣམས། །ཕྱམ་གཅིག་རྫོགས་སངས་རྒྱས་པའི་བཀྲ་ཤིས་ཤོག། །།

[edit]

@#/_/bka' brgyud sngags mdzod kyi dbang khrid lung dang bcas pa'i thob yig rgyud sde rin po che'i gter mdzod ces bya ba bzhugs so// @#/_/byin rlabs dngos grub phrin las rgya mtsho'i gter/_/rab 'byams rtsa gsum nor bu'i phreng ba la/_/gus pa'i phyag gi me tog 'thor lags na/_/kun tu dge ba'i bkra shis snang ba stsol/_/sngon smon rnam dkar btsan pa'i rgyu bzang dang*/_/dpal ldan bla ma rdo rje sems dpa' che'i/_/tshad med thugs rje mchog gi bdag rkyen las/_/mar pa'i gser chos thob pa'i rnam grangs dbye/_/de la rgyal ba'i bstan pa rin po che zhes 'jig rten lha dang bcas pa'i 'gro ba ma lus pa'i srid zhi yongs kyi dge legs kyi gzhi gcig pu gnyis su med pa de nyid/_ji skad du/_thub pa'i bstan pa rnam gnyis ni/_/lung dang rtogs pa'i bdag nyid de/_/de 'dzin byed pa smra byed pa/_/sgrub par byed pa kho na yin/_/zhes pa ltar/_chos kyi 'khor lo'i phung po ji snyed pa mdor bsdu na/_lung dang rtogs pa gnyis kyi khongs su ma 'dus pa gzhan med cing*/_de'ang 'phags bod kyis mtshon pa'i zhing rnams su 'dzin skyong spel ba'i skyes bu bsam gyis mi khyab pa byon pa las/_gangs can ljongs 'dir yang lung gi bstan pa spel ba'i ring lugs bshad rgyun 'degs pa'i ka chen bcu dang*/_rtogs pa'i bstan pa spel ba'i ring lugs sgrub brgyud 'dzin pa'i shing rta brgyad ces sa chen po'i khongs su rlung ltar grags pa byon pa las/_'dir phyi ma'i ya gyal te/_ji skad du/_bla ma kun la yod mod kyang*/_/nA ro yod na yod pa yin/_/brgyud pa kun la yod mod kyang*/_/snyan brgyud yod na yod pa yin/_/zhes gsungs pa ltar/_rgyal bstan yongs kyi snying po sgrub brgyud kyi chu mgo_/ye shes mkha' 'gro rgya mtsho'i dbang phyug_/mkhas dang grub pa'i skyes bu gcig pu pa/_dgyes mdzad he ru ka dang rnam dbyer med pa sprul pa'i lo tsA ba chen po lho brag mar pa chos kyi blo gros kyis/_rgya gar 'phags pa'i yul du dka' ba brgya phrag du ma khyad du bsad/_phongs pa'i rin chen gser la maN+Dal byas te grub pa'i dbang phyug che phra du ma'i zhabs la gtugs te gsang sngags rgyud sde bzhi yi zab chos gdams pa'i bdud rtsi ngom med du bzhes shing kun gyi nang na rgyal mtshan gyi tog ltar mngon par 'phags pa dpal ldan nA ro dang*/_mai tri lo bcu drug zla ba bdun du sku dang grib ma'i tshul du 'bral ba med par brten nas/_chos sku rdo rje 'chang gi dgongs bcud dz+nyA na DA ki ni yi snying khrag_/theg pa kun gyi yang rtse gsang sngags bla na med pa'i rgyud dang gdams pa'i bdud rtsi bum pa gang byo'i tshul du bzhes nas/_ljongs byang phyogs kha ba can na lha dang bla ma'i lung gis bsngags pa'i snod ldan 'phags pa'i slob ma sa chen po'i rdul ltar byon pa'i nang nas/_ches gtso bor gyur pa grub pa'i dbang phyug rngog ston chen po chos sku rdo rje dang*/_rnal 'byor gyi dbang phyug mthu chen bzhad pa rdo rje sogs ka chen bzhi'i slob mar snyan brgyud mkha' 'gro'i srog snying rnams mnog chos bka' gtsigs su gdams nas gnang ste grub pa'i tshang chen por brdol te gangs can gyi ljongs na lho brag mar pa'i bka' brgyud zhes grags pa'i rnga bo che ldir ba 'di nyid byung zhing*/_de'i ring lugs las 'dir bshad rgyun chu bo lta bu'i bka' bab gsang bdag chos kyi rdo rje sogs rim par rngog ston bdun brgyud kyi bka' srol las byon pa'i gser chos yid bzhin nor bu rnams/_phyis kyi dus 'dir/_rgyal bstan spyi dang*/_sgrub brgyud kyi bstan pa lung gi gsham du nye bas zab chos 'di dag kyang*/_bdud rtsi'i chu klung 'dzin ma'i btung bar mngon par phyogs pa na/_gsang bdag mar pa'i thugs bskyed bstan pa rming nas bslang ba la smon lam gyi mthu chen po grub pa kun mkhyen grub pa'i dpa' bo 'jam mgon bla ma karma ngag dbang yon tan rgya mtsho blo gros mtha' yas pa'i sde zhes mtshan brjod par dka' ba mchog gi thugs bskyed phrin las zab mos dbang lung gdams pa rnams 'bad pa chen pos bzhes shing bka' yi bsdu ba chen pos bla med rgyud sde nor bu rin po che'i gram bu bka' brgyud sngags mdzod chen por legs par sdoms pa nyid/_khyab bdag bla ma sangs rgyas karma pa'i skyes pa rabs kyi phreng ba bcu drug pa thams cad mkhyen pa rang byung rig pa'i rdo rjes smin grol tshang sprugs su btsal ba la gsum/_smin grol gyi rim pa dang*/_rgyab brten bklag lung*/_glegs bam gyi bzhugs byang zhar byung du smos pa'o/__/dang po ni/_rgyud sde'i dbang gis dbu 'dzugs pa'i phyag len ltar na/_bla sgrub dbang bzhi la byin rlabs sgo 'byed pa'i phyir 'dir gnang*/_thog mar/_mar lugs dgyes rdor dbang chen sta gon nyin gcig_/dngos gzhi nyin gcig_/yum bka' rdo rje bdag med ma lha mo bco lnga'i dbang chen/_mar lugs dgyes rdor dngos sta can dang*/_yum bka' bdag med lha mo bco lnga bcas byams mgon si tu pad+ma dbang mchog grub pa las/_'jam mgon rdo rje 'chang chos kyi blo gros rin po che'i gsan skabs rdzong sar bkra shis lha rtse nas bka' drin thob/_dgyes rdor mar lugs kyi bsre 'pho'i khrid yig 'khrul med nges gsang zhes bya ba tA ra nA thas mdzad pa'i khrid/_bcom ldan 'das dgyes pa rdo rje rigs 'dus pa'i dkyil 'khor gyi dbang chen dngos gzhi/_dus mkhyen thugs dam lnga tshan lnga yi ya gyal/_bde mchog lnga'i dbang sta gon/_dngos gzhi dbang chen phag mo lha lnga'i dbang chen mnyan pa rin po ches rgyal dbang mkha' khyab rdo rje/_byams mgon pad+mAt+n+yat+mat+tAt+m+yat+t+rot+Tha_\u0f71t+m+yat+nyat+pAt+t+ret+pAt+man+dzAt+s+wit+r+yAt+s+mot+n+yAt+s+n+yet+s+yAgasum ka las gsan/_de gsum kas gsan yul 'jam mgon blo gros mtha' yas pa'i sde/_mnyan pa rin po che las bdag la bkra shis thob pa'o/__/dpal sam b+hu Ti las gsungs pa'i bde mchog zhi ba rdo rje sems dpa' rigs bsdus pa'i dbang dngos sta phral ba/_'khor lo bde mchog rigs bsdus 'khor lo'i sgyur drug gi dbang dngos sta phral ba nyin gnyis/_bcom ldan 'das sangs rgyas thod pa'i dbang dngos sta phral ba/_de'i rdzogs rim gyi khrid yig tA ra nA thas mdzad pa'i khrid/_mkha' 'gro gtor chen 'dir bya/_bcom ldan 'das rdo rje gdan bzhi yab bka'i dbang chen dngos sta phral ba/_yum bka' ye shes dbang phyug ma'i dbang chen/_gdan gzhi'i khrid tA ra nA thas mdzad pa/_bcom ldan 'das ma hA mA ya lha lnga'i dbang chen dngos lta phral ba/_de'i khrid yig rgyal ba'i lam bzang tA ra nA thas mdzad pa'i gsung khrid bcas kyis ma rgyud skor song ngo*/__/de nas pha rgyud la/_dpal gsang ba 'dus pa mi bskyod rdo rje'i dbang chen dngos sta so sor phye ba'i nyin gnyis ma/_rim lnga'i dmar khrid le tshan gsum gyi khrid 'jam dpal gsang ldan nam mtshan brjod rigs bsdus pa'i dbang chen dngos sta sbrel ba/_birawa pa'i lugs 'jam dpal gshin rje gshed dmar po lha lnga'i dbang chen dngos sta phral ba/_mal lo blo gros grags kyi bka' srol las byung ba'i rdo rje 'jigs byed lha dgu'i dbang chen dngos sta phral ba/_ras chung lugs phyag rdor gtum po lha lnga'i dbang chen/_rje dgu pa'i drag phreng nang phyag rdor gtum chung*/_ras chung lugs tshe dpag med grub rgyal ma lha gcig bum gcig gi dbang*/_'jam mgon yang srid dang*/_mnyan pa rin po che las kyang thob/_de'i khrid mar pa'i bka' srol las byon pa'i khyad 'phags lha gsum zhes rnam rgyal ma/_sgrol ljang*/_rdor sems gsum gyi rjes gnang*/_khyad 'phags lha gsum 'di sangs rgyas mnyan pa rin po che karma bshad sgrub bstan pa'i nyi ma las kyang nos pa'i brgyud pa/_'jam mgon bla ma situ pad+ma dbang mchog las gsan pa'o/__/jo lugs sgrol dkar gsung thugs kyi rjes gnang*/_sgro la ma dngos kyis rjes su bzung ba/_byams mgon pad+ma dbang mchog gi zhal snga nas lan gcig_/mnyan pa rin po che las lan gcig bcas bka' drin du thob pa dang*/_de'i tshe khrid dpal ye shes mgon po gur mgon rgyud lugs kyi rjes gnang*/_rgyal dbang rin po ches 'di gsung skabs rtags mtshan chen po byung*/_karma kaM tshang gi bka' srol las byon pa ye shes mgon po phyag bzhi pa'i rjes gnang*/_dpal ldan lha mo dud sol ma'i phyi sgrub rjes gnang thun mong dang*/_thun mong min pa'i rjes gnang nan chags mar grags pa'i bka' rgya can/_ngan rdzong ras pa'i snyan brgyud bkra shis tshe ring mched lnga'i rjes gnang bcas grub bo/__/de ltar rgyud sde'i dbang chen rnams sngon du 'gro ba'i rjes su/_rjes gnang rigs sbyar ba'i phyag len gcig dang*/_slob ma sngon rgyud sde gzhan gyi dbang bzhi thob zin pa la/_thog mar dge ba tshe lha rnam gsum dang*/_gtum chung sogs kyi rjes gnang bskur ba'i rjes su/_bla sgrub dang*/_dgyes rdor dbang la 'jug pa'i phyag len gcig bcas/_gnyis su 'jam mgon rin po ches gsungs pa'i phyag len phyi ma ltar gnang ba yin/_gnyis pa rgyab rten lung gi rim pa sngags mdzod pusta kaH_gsum gyi gzhung kha skong bcas tshang ma'i bklag lung yongs rdzogs kyi brgyud pa ni/_'jam mgon rdo rje karma ngag dbang yon tan rgya mtsho/_situ pad+ma dbang mchog rgyal po/_sangs rgyas mnyan sprul karma bshad sgrub bstan pa'i nyi ma las bstsal ba'o/__/gsum pa glegs bam gyi bzhugs byang smos pa la/_oM)_pa la/_mar rngog gser chos rgyud sde rin po che rnams kyi gling gzhi dang brgyud pa'i yi ge_/'phags ma yid bzhin 'khor lo'i brgyud 'debs/_4_rjes gnang bsnyen sgrub kyi yi ge zla ba 'dod 'jo/_55_mchod phreng*/_2_lce spyang sngon mo'i lam srung*/_1_smon lam/_4_bstod pa sbrang rtsi'i rlabs phreng*/_3_tshe khrid/_20_tshe dpag grub rgyal lha gcig bum gcig gi byin rlabs dbang chog_14_/bskyed rdzogs kyi khrid yig_22_/khyad par lha gsum gyi sgrub thabs rjes gnang*/_gtum chung bdag mdun 'don 'grigs bu yig zin bris/_8_dbang chog_54_/bla ma mchod pa'i cho ga_12_/lhan thabs dang dbang chog_10_/rgyud sde spyi'i brgyud 'debs/_1_dgyes rdor sgrub thabs dngos grub char 'bebs/_17_de'i dkyil mchog dngos grub rgya mtsho/_28_bsnyen pa'i zur 'debs/_2_bcom ldan 'das bdag med ma'i sgrub thabs/_12_dkyil chog mkha' spyod shing rta/_9_rgyun gyi rnal 'byor yab kyi dran gcig_5_/yum gyi dran gcig_2_/byad ma bzlog pa'i man ngag_1_/dgyes pa rdo rje rigs bsdus pa'i sgrub thabs dri med nor bu'i sgron me/_20_dkyil chog dri med nor bu'i chun po/_35_las dang po pas bya ba'i rim pa mdor bsdus/_4_las bzhi'i sbyin sreg_8_/sreg blugs kyi chog bsdus pa/_3_khrid yig 'khrul med nges gsang*/_32_kaM tshang bde mchog lha lnga'i mngon dkyil/_kaM tshang phag mo lha lnga'i mngon dkyil/_bde mchog zhi ba rdor sems rigs bsdus zung 'jug snye ma/_19_dkyil chog kha sbyor snye ma/_31_thog srung man ngag_5_/rang byin rlabs kyi dmigs pa/_bde mchog 'khor los sgyur drug gi thabs shes snang byed/_12_dkyil chog ye shes rnam rol/_27_bcas bzhugs/_AH)_pa la/_bcom ldan 'das rdo rje gdan bzhi yab bka'i sgrub thabs snying gi nor bu/_24_dkyil chog rdo rje rol pa'i dga' ston/_34_rtsa ba'i dkyil 'khor ye shes dbang phyug ma lha bcu gsum can gyi sgrub thabs bdud rtsi'i snye ma/_15_dkyil chog bdud rtsi'i ljon shing*/_18_rgyun gyi rnal 'byor dran gcig_4_/khrid yig_24_/chu yi mchod sbyin gyi lag len/_5_me yi sbyin sreg gi lag len/_7_bcom ldan 'das sgyu 'phrul chen mo'i sgrub thabs/_13_dkyil chog_29_/ming gi dbang bskur/_1_las bzhi'i sbyin sreg_7_/khrid yig_7_/dran pa gcig pa'i rnal 'byor zhar byung ldeb/_4_bcom ldan 'das sangs rgyas thod pa'i sgrub thabs rin po che'i myu gu_15_dkyil chog rin po che'i char sprin/_25_sangs rgyas thod pa'i rdzogs rim khrid/_dpal gsang ba 'dus pa'i sgrub thabs zung 'jug lam gyi sgron ma/_29_de'i dkyil chog zung 'jug lam gyi shing rta/_37_de'i dran gcig_2_/las bzhi'i sbyin sreg_10_/rim lnga'i brgyud 'debs/_4_rim lnga dmar khrid/_23_dmar khrid kyi zin bris/_18_'phags lugs rim lnga'i smar khrid gdan rdzogs kyi khrid yig_15_/sngon 'gro'i ngag 'don stan thog gcig ma'i nyams len/_4_'jam dpal mtshan brjod rigs bsdus kyi sgrub thabs ye shes 'bar ba'i ral gri_18__dkyil chog gsang ba kun 'byung*/_28_rnal 'byor sgom pa'i rim pa/_5_bstod pa glur blangs bklag pa'i rgyun gyi rnal 'byor/_7_las gnyis rnal 'byor dbye ba'i cho ga bcas/_!_glegs bam/_hU~M)_pa la/_gshin rje gshed dmar nag sgrub thabs bgegs 'joms ye shes be con/_14_dkyil chog bde skyong bcud kyi 'phrul zhags/_38_'jigs byed lha dgu'i bdud 'joms grub pa'i ral gri_13_dkyil chog bdud 'dul 'phrul gyi rno mtshon/_38_mar lugs bla med rgyud sde spyi yi tshogs mchod/_5_rgyud sde spyi'i dbang bskur gyi mtshams sbyor/_gsang mtshan spyi'i rab dbye/_rgyud sde rnams kyi dbang bshad/_23_rgyud sde spyi'i bsnyen yig_64_/rten gsum rab tu gnas pa'i cho ga_11_/mkha' 'gro bde mchog gi zhing skyong spyi dang 'byung po thams cad pa'i gtor chog_13_/bder gshegs nyer bsdus zhes mgon po'i spyi gzhung Dom+bi pas mdzad pa mar lo tsA'i 'gyur nyung ngu*/_rdo rje nag po chen po'i sgrub thabs rjes gnang bcas/_phyag bzhi pa lha bcu gsum gyi mngon rtogs dbang khrid/_9_rjes gnang dbang chog_/dud sol ma'i chos skor dkar chag_8_/phyi sgrub kyi rjes gnang*/_phyi sgrub rjes gnang rgyas pa/_gsang sgrub rjes gnang*/_thun mong min pa'i rjes gnang*/_ma mo'i spyi rgyud/_dngos grub 'byung ba'i rgyud/_phyi sgrub gzhung chog_/phyi sgrub rgya gzhung bsdus don/_phyi sgrub gzhung 'grel/_bsnyen pa'i yi ge bla ma'i zhal gdams/_zhal gdams bsnyen sgrub las sbyor/_zhal gdams zab mo/_zhal gdams rmis ltas ma/_gsang sgrub kyi gzhung*/_drag mo'i rkang thang rno ba'i mde'u/_yang snying bkol ba'i sgrub thabs/_yang gsang rkang thang du sgrub pa/_tshe bsod rgyas pa'i las tshogs/_tha dang ltas ngan dbab pa'i yi ge_/mngon shes dang pra dbab pa'i yi ge_/spyan 'dren bskang gso gtor gshegs rnams kyi yig sna/_bstod snying tshan/_phrin las kyi las byang rgyas pa DA ki'i ze'u 'bru/_rnga gling*/_phrin las rgyas pa'i go cha ma mo dgyes rol/_28_gtor chog 'bring po yongs 'dus dga' tshal/_9_gtor chog bsdus pa dbyar rnga'i sgra dbyangs/_4_phyi sgrub thun mong rjes gnang*/_gsang sgrub thun mong ma yin pa'i rjes gnang nan chags mar grags pa'i yi ge_/bkra shis tshe ring mched lnga'i rtsa gzhung*/_11_gtor chog_13_/skong ba/_2_tshe g.yang sgrub pa'i cho ga_13_/rjes gnang dbang yig bcas bzhugs shing*/_zab mo'i gser chos rin po che 'jig rten gyi khams na rnyed par dka' ba 'di'i lung khrid kyi rim pa/_nyams rtogs byin rlabs kyi drod dang ldan pa so sor brgyud pa'i tshul zhib par ni/_brgyud pa'i yi ge rin po che zla zer las mkhyen par 'tshal la/_byin rlabs brgyud pa'i chu bo kun 'dus gsang bdag 'jam pa'i rdo rje blo gros mtha' yas pa'i sde/_byams mgon chos kyi rgyal po pad+ma dbang mchog grub pa/_rgyal ba'i dbang po rang byung rig pa'i rdo rjes dgyes pa chen pos sbas pa'i gnas mchog lha ri 'bras mo ljongs nas gnang ba'o/__/yang na 'jam mgon bla ma blo gros mtha' yas/_rgyal dbang rdo rje 'chang bco lnga pa kun bzang mkha' khyab bde ba'i rdo rje/_rje 'di yab sras gnyis kyis rgyud sde thams cad kyi ljags bsnyen rdzogs rim skor nyams bzhes yang yang gnang ste des bla gro nor bu mchog sprul karma 'gyur med tshul khrims dam chos dbang po las smin grol rgyab brten dang bcas pa lan gcig phran mang+ga las bka' drin du thob pas/_mthing dmar cod pan 'chang ba zung gi byin rlabs chu bo gcig 'dres su gyur pa'o/_/dgyes mdzad lo tsA'i zab gsang bdud rtsi'i gter/_bshad sgrub chu klung 'bum gyis phyug pa yis/_/grub pa'i dbang po'i dga' tshal dar ba dang*/_/'jam mgon chos rje'i bstan pa rgyas gyur cig_/'di ltar phun tshogs lnga yi dpal mnga' ba/_/der ni rgyal bstan snying po dar ba dang*/_/'gro ba'i bde skyid rdzogs ldan dus bzhin 'phel/_/de bzhin rtag khyab snang ba 'bar gyur cig_/rgyal dbang yab sras zhabs pad rdo rje'i khams/_/mi 'gyur rtag tu brtan pa'i bkra shis kyis/_/tshom bu gcig tu 'brel ba'i yid can rnams/_/phyam gcig rdzogs sangs rgyas pa'i bkra shis shog/_//