JKW-KABUM-16-MA-006

Previous Section"MA" is not a number. Back to Volume Page"MA" is not a number.Next Section "MA" is not a number.

Wylie title
Location	mkhyen brtse'i bka' 'bum Volume , sde tshan 6, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum "MA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"MA" is not a number.</li></ul>

Tibetan Text

Wylie

[edit]

ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་མྱང་གྲོལ་རིལ་བུ་སྒྲུབ་པའི་སྐབས་རྩ་བའི་དམིགས་བཟླས།

༄༅། །ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་མྱང་གྲོལ་རིལ་བུ་སྒྲུབ་པའི་སྐབས་རྩ་བའི་དམིགས་བཟླས་ནི། བྷྲཱུྃ་བི་ཤྭ་བི་ཤུདྡྷེ་ཨོཾ་མ་ཎི་པདྨེ་ཧཱུྃ་ཧྲཱིཿཕཊ་ཛཿ བདག་ཉིད་རྩ་བའི་དཀྱིལ་འཁོར་ལས༔ ཡེ་ཤེས་དཀྱིལ་འཁོར་གཉིས་པ་བྱེ༔ མདུན་གྱི་རྟེན་དང་དབྱེར་མེད་ངང་༔ བུམ་པ་ལྷ་ཡི་གཞལ་ཡས་ཁང་༔ རིལ་བུ་ལྷ་ཡི་ཕྱག་རྒྱར་གསལ༔ འགྲོ་ཀུན་འཕགས་པའི་གོ་འཕང་ལ༔ འགོད་འདོད་བཅོས་མིན་བྱང་ཆུབ་སེམས༔ དཔའ་བར་འགྲོ་བའི་ཏིང་འཛིན་གྱིས༔ བདག་བསྐྱེད་ཐུགས་ལས་འོད་ཟེར་དཀར༔ བ་ཐག་འཛིངས་པ་ལྟ་བུར་འཕྲོས༔ མདུན་བསྐྱེད་ལྷ་ཚོགས་ཐུགས་ཀར་ཕོག༔ བྱང་ཆུབ་སེམས་ཀྱི་ཐུགས་རྒྱུད་བསྐུལ༔ ཀུན་ཀྱང་ཡི་གེ་དྲུག་མའི་སྒྲ༔ བུང་པའི་ཚང་ལྟར་སྒྲོགས་པ་ལས༔ འོད་ཟེར་དྲྭ་བས་སྟོང་གསུམ་ཁེངས༔ སྲིད་རྩེ་མནར་མེད་ཡན་ཆད་ཀྱི༔ རང་རང་ལས་དང་སྡུག་བསྔལ་ཀུན༔ ཉི་མས་བ་མོ་བཞུ་བཞིན་སྦྱངས༔ སྣོད་བཅུད་འབྱུང་ལྔའི་དུག་གཞིལ་ཏེ༔ སྣོད་ཀྱི་འཇིག་རྟེན་གཞལ་མེད་ཁང་༔ བཅུད་ཀྱི་སེམས་ཅན་སྲིན་བུ་ཡན༔ འཕགས་པའི་སྐུ་རུ་ཀྲོང་གིས་གྱུར༔ སྒྲར་གྲགས་ཡི་གེ་དྲུག་མའི་གདངས༔ དྲན་རྟོག་འོད་གསལ་བྱང་ཆུབ་སེམས༔ འཁོར་འདས་མཉམ་པ་ཉིད་ཀྱི་ཀློང་༔ གསལ་སྒྲིབ་མེད་པའི་ངང་ནས་བཟླ༔ ཞེས་གསལ་བཏབ་ལ། གཟུངས་ཐག་ནས་བཟུང་སྟེ་ཡི་གེ་བདུན་པ་ཁོ་ན་ཇི་ལྟར་ནུས་པ་དང་། ཐུན་གྱི་མཇུག་ཏུ་སེམས་མ་བཞིའི་སྔགས་ཀྱང་ཅུང་ཟད་རེ་བཟླའོ།། །།སརྦ་དཱ་མངྒ་ལཾ།། །།

[edit]

thugs rje chen po sdug bsngal rang grol gyi myang grol ril bu sgrub pa'i skabs rtsa ba'i dmigs bzlas/ @#/_/thugs rje chen po sdug bsngal rang grol gyi myang grol ril bu sgrub pa'i skabs rtsa ba'i dmigs bzlas ni/__b+h+rU~M bi shwa bi shud+d+he oM ma Ni pad+me hU~M hrIHphaT dzaH__bdag nyid rtsa ba'i dkyil 'khor las:__ye shes dkyil 'khor gnyis pa bye:__mdun gyi rten dang dbyer med ngang :__bum pa lha yi gzhal yas khang :__ril bu lha yi phyag rgyar gsal:__'gro kun 'phags pa'i go 'phang la:__'god 'dod bcos min byang chub sems:__dpa' bar 'gro ba'i ting 'dzin gyis:__bdag bskyed thugs las 'od zer dkar:__ba thag 'dzings pa lta bur 'phros:__mdun bskyed lha tshogs thugs kar phog:__byang chub sems kyi thugs rgyud bskul:__kun kyang yi ge drug ma'i sgra:__bung pa'i tshang ltar sgrogs pa las:__'od zer drwa bas stong gsum khengs:__srid rtse mnar med yan chad kyi:__rang rang las dang sdug bsngal kun:__nyi mas ba mo bzhu bzhin sbyangs:__snod bcud 'byung lnga'i dug gzhil te:__snod kyi 'jig rten gzhal med khang :__bcud kyi sems can srin bu yan:__'phags pa'i sku ru krong gis gyur:__sgrar grags yi ge drug ma'i gdangs:__dran rtog 'od gsal byang chub sems:__'khor 'das mnyam pa nyid kyi klong :__gsal sgrib med pa'i ngang nas bzla:__zhes gsal btab la/__gzungs thag nas bzung ste yi ge bdun pa kho na ji ltar nus pa dang /__thun gyi mjug tu sems ma bzhi'i sngags kyang cung zad re bzla'o//__//sarba dA mang+ga laM//___//_