JKW-KABUM-15-BA-014-005

From Khyentse Lineage - A Tsadra Foundation Project
Revision as of 14:35, 14 March 2022 by Mort (talk | contribs)
(diff) ← Older revision | Latest revision (diff) | Newer revision → (diff)

སྙན་བརྒྱུད་མ་མོའི་མདོས་ཀྱི་ལས་འགྲིགས།
Wylie title snyan brgyud ma mo'i mdos kyi las 'grigs JKW-KABUM-15-BA-014.pdf
Location mkhyen brtse'i bka' 'bum
Volume 15, sde tshan 14, Text 5, Pages 332-335 (Folios 9b4 to 11a4)
Author འཇམ་དབྱངས་མཁྱེན་བརྩེའི་དབང་པོ་
Less details More details
Tertön འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation 'jam dbyangs mkhyen brtse'i dbang po. snyan brgyud ma mo'i mdos kyi las 'grigs. In 'jam dbyangs mkhyen brtse'i dbang po'i bka' 'bum, Vol. 15: 332-335. Khams sde dge rdzong sar dgon: Rdzong sar blo gros phun tshogs, 2020.
Genre Notes - zin bris  ·  Thread-cross Ceremonies - mdos chog
Cycle སྲིད་པ་མ་མོའི་གནད་ཏིག་ (srid pa ma mo'i gnad tig)
Deity ma mo
Recension Link Other Versions on this site: JKW-KABAB-20-WA-030
RTZ In the Rinchen Terdzö: https://rtz.tsadra.org/index.php/Terdzo-KHI-048-1
Colophon

།ཞེས་པའང་མཉྫུ་གྷོ་ཥས་སོ། །ཤུ་བྷཾ།།

zhes pa'ang many+dzu g+ho Shas so/__/shu b+haM//

":Property:textsubnumber|textsubnumber" can not be assigned to a declared number type with value 1.

[edit]
༅། །སྙན་བརྒྱུད་མ་མོའི་མདོས་ཀྱི་ལས་འགྲིགས་བཞུགས། ཨོཾ་སྭསྟི། སྙན་བརྒྱུད་མ་མོའི་མདོས་ཀྱི་སྐབས། ཐོག་མར་ལས་གཞུང་བསྲང་། བཟླས་པའི་སྐབས་ཛཔྲ་ཁང་ཕྱེས་ནས། མདོས་དཀྱིལ་གྱི་གཏོར་མ་དང་དབྱེར་མེད་དུ་བཞུགས་པར་བསམས་ལ་བཟླས་པ་སྒྲུབ་སྔགས་གཙོར་བཏོན་དང་། ཚེ་སྒྲུབ་བཟླས་དམིགས་བཅས་གཞུང་ལྟར། ལས་སྦྱོར་ཏིང་ངེ་འཛིན་གྱི་སྲུང་ཟློག་བྱེད་ན་གཤིན་རྗེའི་ཐུགས་ཏིག་ལྟར་གསལ་བཏབ་ནས་སྒྲུབ་སྔགས་ལ་སྲུང་ཟློག་གི་སྔགས་བཏགས་པ་ཅི་རིགས་བཟླ། ཏིང་ངེ་འཛིན་གྱི་བསད་པ་བྱེད་ན། དམིགས་པ་གསལ་ནས། སྒྲུབ་སྔགས་ལ་བསད་མདོས་སྔགས་དང་ཨེ་མྱག་བཏགས་པ་ཅུང་ཟད་བཟླ་ཞིང་ཐུན་ལའང་བསྔགས། སྟོང་ཚིགས་མཆོད་བསྟོད་རྗེས་གཏོར་བསྔོ་དང་སྐོང་བཤགས་སོགས་ཅི་རིགས་བྱ། ཚོགས་ཡང་དག་ལྟར་དང་། སྤྲོ་ན་སྐོང་བ་ཅི་རིགས་བྱ། དེ་ནས་བསྒྲལ་ལས་མདོར་བསྡུས་ལ། ཧཱུྃ༔ ཆོས་ཀྱི་དབྱིངས་ནས་རང་བྱུང་གྲུབ་པའི་ལྷ། །མ་མོ་རོལ་པའི་དུར་ཁྲོད་ཆེན་པོ་ནས། །ཤིན་ཏུ་མི་བཟད་རབ་འཇིགས་སྐུར་སྟོན་པ། །ཁྲག་འཐུང་ཡོངས་རྫོགས་དྲག་པོའི་ཕྲིན་ལས་མཛོད། །ཅེས་བསྐུལ། གསེར་སྐྱེམས་བརླབ། རིག་འཛིན་རྩ་བརྒྱུད་སོགས་ལ། ཁྱད་པར་སྲིད་པ་མ་མོའི་ལྷ་ཚོགས་རྣམས། །གསེར་སྐྱེམས༴ གཟུ་དང་དཔང་མཛོད་མངོན་སྤྱོད་ལས་ལ་བཞེངས། །ཉམས་པ་བསྒྲལ་བའི་ཕྲིན་ལས་སྒྲུབ་པར་མཛོད། །མ་མོ་རོལ་པའི་སྲུང་མའི་ཚོགས་རྣམས་དང་། །དྲེགས་པའི༴ བཀའ་ཉན༴ གསེར་སྐྱེམས་སོགས༴ རྣལ་འབྱོར་བདག་གི༴ ས་ཕྱོགས༴ ལོ་ཟླ་ཞག་སོགས། ཧོམ་བསྐྱེད། དགུག་གཞུག་སྤྱི་ལྟར་མཐར་སྒྲུབ་སྔགས་ལ། དགྲ་བགེགས་གནོད་བྱེད་འབྱུང་པོ་གྲིཧྞ་སོགས་བཏགས་པ་ལན་གསུམ། ཨེ། ཁྲོ་རྒྱལ་འདུས་པ་སོགས་ཐུན་བརྡེག །ཕུར་པ་ཐོགས་ལ། ཧཱུྃ། ང་ནི་མངོན་རྫོགས་ཁྲག་འཐུང་དཔལ། །སྲས་དང་༴ བཀའ་སྡོད༴ གཡས་ཀྱི་ཕྱག་ན་ལྕགས་ཀྱུ་ཐོགས། །གཡོན་གྱི་ཕྱག་ན་ཕུར་པ་འདྲིལ། །ལྕགས་ཀྱུས་ཟུངས་ལ་ཕུར་པས་ཐོབ། །ཚེ་བསོད་སྒྲུབ་མཆོག་རྣམས་ལ་སྟིམས། །རྣམ་ཤེས་ཆོས་ཀྱི་དབྱིངས་སུ་སྤོར། །ཤ་ཁྲག་ཚོགས་ཀྱི་མཆོད་པ་བཞེས། །སྒྲུབ་སྔགས་དང་། ཨེ་མྱག་བཏགས་པ་བཟླས་ནས་ཕུར་པས་བསྒྲལ། ཨེཿ མངོན་རྫོགས་ཁྲག་འཐུང་རོལ་པའི་མཚོན༔ སོགས་ཀྱིས་གཏུབས་ལ་ཞལ་བསྟབ་བྱ། དེ་ནས་མདོས་ཀྱི་སྨད་ཆ་སྔགས་དྲུག་ཕྱག་དྲུག་གིས་བརླབ། ཧཱུྃ་ཧཱུྃ་ཧཱུྃ༔ ང་ནི་བླ་མེད་སོགས་ཀྱིས་མདོས་མགྲོན་སྤྱན་དྲངས། བྷྱོ༔ དང་པོ་ཅི་ཡང་སོགས་ཀྱིས་ཕུལ། གྲངས་གསོག་ན། བྱིན་རླབས་ནས་སྐོང་མདོས་དང་། ཟློག་མདོས། ཧཱུྃ་བྷྱོ༔ བདེ་གཤེགས་མཐུ་སྟོབས་ནུས་པའི་དཔལ༔ མངོན་རྫོགས་རྒྱལ་པོ་ཧེ་རུ་ཀ༔ ཡབ་ཡུམ་སྤྲུལ་པ་ཡང་འཁོར་སོགས། །སྲིད་པ་མ་མོའི་ལྷ་ཚོགས་རྣམས༔ དབྱིངས་ནས་ཡེ་ཤེས་སོགས་གཤིན་རྗེའི་ཐུགས་ཏིག་ལྟར་བསྐྱར། དེ་ནས་བསད་མདོས། བྷྱོ༔ དབྱིངས་ཉིད་མ་བཅོས་སོགས་སྔགས་བཅས། སྒྲུབ་སྔགས་མཐར། སརྦ་མཎྜལ་ཧཱུྃ་བཛྲོད་བྷ་བ་ཨུ་དྡྷིཥྛ་ཧཱུྃ། ཞེས་པས་ཟོར་དཀྱིལ་ནམ་མཁར་བཏེག །ཧཱུྃ་བྷྱོ༔ ཆོས་ཉིད་སོགས་ནང་སྒོ་དབྱེ་བ་དང་། གསེར་སྐྱེམས་དང་བཅས་ཕྱི་སྒོ་དབྱེ། འཕང་བ་དངོས་ནི། ལྷག་མ་དང་། སྲུང་མའི་གཏོར་དང་། ཆད་ཐོ་སྦྲེལ་མཐར། ཧཱུྃ་བྷྱོ༔ ལྕགས་སམ་བྷནྡྷའི་སྣོད་ནང་དུ༔ ཤ་ཁྲག་དུག་མཚོ་གཏོར་མ་བཤམས༔ སྣང་སྲིད་གཞིར་བཞེངས་མདོས་ཆེན་པོ༔ འཕང་བ་མངོན་རྫོགས་རྒྱལ་པོས་འཕེན༔ དམིགས་པ་དགྲ་དང་བགེགས་ལ་གཏད༔ ལས་ནི་ཉམས་པ་རྡུལ་དུ་བརླག༔ དགྲ་དཔུང་བདུན་བརྒྱུད་རྩད་ནས་ཆོད༔ བགེགས་དཔུང་ཐལ་བའི་རྡུལ་དུ་རློག༔ མིང་ཙམ་མེད་པར་ཕུང་དུ་ཆུག༔ མངོན་སྤྱོད་ཕྲིན་ལས་ཡོངས་རྫོགས་མཛོད༔ བསད་མདོས་ཀྱི་སྔགས་བཅས་འཕང་། ཡང་ཟློག་བྱ། བརྟན་སྐྱོང་། རྟ་བྲོ། ཚེ་འགུགས་སོགས་སྤྱི་ལྟར་བྱའོ། །ཞེས་པའང་མཉྫུ་གྷོ་ཥས་སོ། །ཤུ་བྷཾ།། །། ༈
[edit]

snyan brgyud ma mo'i mdos kyi las 'grigs/__

  1. /__/snyan brgyud ma mo'i mdos kyi las 'grigs bzhugs/__oM swasti/__snyan brgyud ma mo'i mdos kyi skabs/__thog mar las gzhung bsrang /__bzlas pa'i skabs dzapra khang phyes nas/__mdos dkyil gyi gtor ma dang dbyer med du bzhugs par bsams la bzlas pa sgrub sngags gtsor bton dang /__tshe sgrub bzlas dmigs bcas gzhung ltar/__las sbyor ting nge 'dzin gyi srung zlog byed na gshin rje'i thugs tig ltar gsal btab nas sgrub sngags la srung zlog gi sngags btags pa ci rigs bzla/__ting nge 'dzin gyi bsad pa byed na/__dmigs pa gsal nas/__sgrub sngags la bsad mdos sngags dang e myag btags pa cung zad bzla zhing thun la'ang bsngags/__stong tshigs mchod bstod rjes gtor bsngo dang skong bshags sogs ci rigs bya/__tshogs yang dag ltar dang /__spro na skong ba ci rigs bya/__de nas bsgral las mdor bsdus la/__hU~M:__chos kyi dbyings nas rang byung grub pa'i lha/__/ma mo rol pa'i dur khrod chen po nas/__/shin tu mi bzad rab 'jigs skur ston pa/__/khrag 'thung yongs rdzogs drag po'i phrin las mdzod/__/ces bskul/__gser skyems brlab/__rig 'dzin rtsa brgyud sogs la/__khyad par srid pa ma mo'i lha tshogs rnams/__/gser skyems=__gzu dang dpang mdzod mngon spyod las la bzhengs/__/nyams pa bsgral ba'i phrin las sgrub par mdzod/__/ma mo rol pa'i srung ma'i tshogs rnams dang /__/dregs pa'i=__bka' nyan=__gser skyems sogs=__rnal 'byor bdag gi=__sa phyogs=__lo zla zhag sogs/__hom bskyed/__dgug gzhug spyi ltar mthar sgrub sngags la/__dgra bgegs gnod byed 'byung po grih+Na sogs btags pa lan gsum/__e/__khro rgyal 'dus pa sogs thun brdeg__/phur pa thogs la/__hU~M/__nga ni mngon rdzogs khrag 'thung dpal/__/sras dang =__bka' sdod=__g.yas kyi phyag na lcags kyu thogs/__/g.yon gyi phyag na phur pa 'dril/__/lcags kyus zungs la phur pas thob/__/tshe bsod sgrub mchog rnams la stims/__/rnam shes chos kyi dbyings su spor/__/sha khrag tshogs kyi mchod pa bzhes/__/sgrub sngags dang /__e myag btags pa bzlas nas phur pas bsgral/__eH__mngon rdzogs khrag 'thung rol pa'i mtshon:__sogs kyis gtubs la zhal bstab bya/__de nas mdos kyi smad cha sngags drug phyag drug gis brlab/__hU~M hU~M hU~M:__nga ni bla med sogs kyis mdos mgron spyan drangs/__b+h+yo:__dang po ci yang sogs kyis phul/__grangs gsog na/__byin rlabs nas skong mdos dang /__zlog mdos/__hU~M b+h+yo:__bde gshegs mthu stobs nus pa'i dpal:__mngon rdzogs rgyal po he ru ka:__yab yum sprul pa yang 'khor sogs/__/srid pa ma mo'i lha tshogs rnams:__dbyings nas ye shes sogs gshin rje'i thugs tig ltar bskyar/__de nas bsad mdos/__b+h+yo:__dbyings nyid ma bcos sogs sngags bcas/__sgrub sngags mthar/__sarba maN+Dal hU~M badz+rod b+ha ba u d+d+hiSh+Tha hU~M/__zhes pas zor dkyil nam mkhar bteg__/hU~M b+h+yo:__chos nyid sogs nang sgo dbye ba dang /__gser skyems dang bcas phyi sgo dbye/__'phang ba dngos ni/__lhag ma dang /__srung ma'i gtor dang /__chad tho sbrel mthar/__hU~M b+h+yo:__lcags sam b+han+d+ha'i snod nang du:__sha khrag dug mtsho gtor ma bshams:__snang srid gzhir bzhengs mdos chen po:__'phang ba mngon rdzogs rgyal pos 'phen:__dmigs pa dgra dang bgegs la gtad:__las ni nyams pa rdul du brlag:__dgra dpung bdun brgyud rtsad nas chod:__bgegs dpung thal ba'i rdul du rlog:__ming tsam med par phung du chug:__mngon spyod phrin las yongs rdzogs mdzod:__bsad mdos kyi sngags bcas 'phang /__yang zlog bya/__brtan skyong /__rta bro/__tshe 'gugs sogs spyi ltar bya'o/__/zhes pa'ang many+dzu g+ho Shas so/__/shu b+haM//___//_!

Footnotes

Other Information