JKW-KABUM-21-ZHA-001-015

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 1, sde tshan 15, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཕྱུགས་ལྷ་བསྟོད་པ། ཕྱུགས་ལྷ་བསྟོད་པ་བཞུགས་སོ། ན་མོ་གུ་རུ་དེ་བ་དྷཱ་ཀི་ནཱི་ཡཻ། རྟ་ཕྱུགས་ཀྱི་བྲེས་ལྷ་བསྟོད་པར་འདོད་ན། སོ་སོའི་ར་བའི་གོང་དུ་གསས་མཁར་བརྩིག །དེ་ལ་ཤིང་རྩི་དང་བལ་ཚོན་སོགས་ཀྱིས་བརྒྱན། ཕྱོགས་བཞིར་བསང་དང་ཕུད་མཆོད་རྒྱ་ཆེར་འདུ་བྱ་བགེགས་སྦྱོང་བསང་ཁྲུས་སོགས་རྒྱས་པར་བྱུང་ན་ལེགས། མ་བྱུང་ཡང་རྣམས་འཇོམས་སྨེ་བརྩེགས་སོགས་ཀྱིས་བསྔགས་པའི་ཁྲུས་ཆབ་འཐོར། ཨོཾ། དག་ཅིང་གཙང་མར་སྦྱར་བ་ཡི། །བདུད་རྩི་ཚན་གྱི་ཁྲུས་ཆབ་ལ། །གཟུངས་སྔགས་ཟབ་མོས་བྱིན་བརླབས་པའི། །སྔགས་ཀྱི་ཆུ་ཡིས་ཁྲུས་བགྱི་བས། །གནས་འདིར་འཚེ་བའི་གདོན་བགེགས་སྦྱང་། །གྲིབ་དང་མི་གཙང་ཕོག་པ་སྦྱང་། །རྟ་དང་ཕྱུགས་ལ་འགོ་བ་ཡི། །ལྷ་སྲུང་རྣམས་ལ་ཁྲུས་གསོལ་བས། །དམེ་མནོལ་གྲིབ་དང་མི་གཙང་ཀུན། །ཤེལ་དཀར་ཕྱིས་པ་བཞིན་དུ་དག །གངས་ལ་ཉི་འོད་ཕོག་པ་བཞིན། །དག་ཅིང་གསལ་འཚེར་གཟི་བརྗིད་འབར། །བཀྲ་ཤིས་སྣང་བས་ཁྱབ་གྱུར་ཅིག །ཨོཾ་ཤུདྡྷེ་ཤུདྡྷེ་ཤྭ་དྷ་ན་ཡེ་སྭཱ་ཧཱ། ཞེས་བརྗོད་ཅིང་ར་བ་བསྐོར་ལ་འཐོར། དེ་ནས་བསང་ལ་ཆབ་བྲན། ཀྱཻ། བསང་གི་རྒྱུ་བྱུང་གང་ནས་བྱུང་། །གནམ་ལས་སྦྲང་ཆར་ཐིམ་བུར་འབབ། །ས་གཞི་དྲོད་དང་རླན་གྱིས་ཁྱབ། །དྲོད་གཤེར་འཛོམས་པའི་རྟེན་འབྲེལ་ལས། །བར་དུ་རྩི་ཤིང་སྤོས་སྨན་འཁྲུངས། །ཡེ་ཤེས་བདུད་རྩིའི་ཟིལ་པ་ཆགས། །མཐོང་བས་ཡིད་འཕྲོག་བཀྲག་མདངས་ཆེ། །དྲི་ཚོར་ཙམ་གྱིས་ཁམས་དང་ཞིང་། །གྲིབ་དང་མི་གཙང་གདུང་བ་སེལ། །དེ་འདྲའི་ཤིང་མཆོག་ཡ་མཚན་ཅན། །འབར་བ་མེ་ཡི་ཀློང་དུ་བསྲེག །དཀར་མངར་ཟས་སྣའི་ཕུད་དང་སྦྱར། །རིན་ཆེན་འབྲུ་སྨན་བཅུད་དང་ལྡན། །སྔགས་དང་ཕྱག་རྒྱས་བྱིན་བརླབས་པས། །དུ་བའི་ཕུང་པོ་རེ་རེ་ལས། །འདོད་ཡོན་རྒྱ་མཚོ་འབྱུང་བར་གྱུར། ན་མསྶརྦ་ཏ་ཐཱ་ག་ཏ་བྷྱོ་བི་ཤྭ་སོགས་ལན་གསུམ་ཕྱག་རྒྱ་དང་བཅས་པ་བྱ། བཛྲ་སྥ་ར་ཎ་ཁཾ། ཞེས་རྒྱས་པར་སྤེལ། ཀྱཻ། རང་བཞིན་ཆོས་དབྱིངས་ངང་ཉིད་ལས། །འགགས་མེད་གཟུགས་ཀྱི་སྐུར་བཞེངས་པ། །སངས་རྒྱས་ཆོས་དང་དགེ་འདུན་དང་། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་སྲུང་མ་ནོར་ལྷའི་ཚོགས། །ཐུགས་རྗེའི་དབང་གིས་གནས་འདིར་གཤེགས། །བསང་དང་ཞི་བའི་མཆོད་པ་བཞེས། །གསེར་སྐྱེམས་བདུད་རྩིའི་ཕུད་ཀྱིས་མཆོད། །རྟ་ཕྱུགས་ལྷས་མལ་འདི་ཉིད་ལ། ཡེ་ཤེས་ཆེན་པོའི་བྱིན་ཆེན་ཕོབ། ། ༈

[edit]

phyugs lha bstod pa/ phyugs lha bstod pa bzhugs so/__na mo gu ru de ba d+hA ki nI yai/__rta phyugs kyi bres lha bstod par 'dod na/__so so'i ra ba'i gong du gsas mkhar brtsig__/de la shing rtsi dang bal tshon sogs kyis brgyan/__phyogs bzhir bsang dang phud mchod rgya cher 'du bya bgegs sbyong bsang khrus sogs rgyas par byung na legs/__ma byung yang rnams 'joms sme brtsegs sogs kyis bsngags pa'i khrus chab 'thor/__oM/__dag cing gtsang mar sbyar ba yi/__/bdud rtsi tshan gyi khrus chab la/__/gzungs sngags zab mos byin brlabs pa'i/__/sngags kyi chu yis khrus bgyi bas/__/gnas 'dir 'tshe ba'i gdon bgegs sbyang /__/grib dang mi gtsang phog pa sbyang /__/rta dang phyugs la 'go ba yi/__/lha srung rnams la khrus gsol bas/__/dme mnol grib dang mi gtsang kun/__/shel dkar phyis pa bzhin du dag__/gangs la nyi 'od phog pa bzhin/__/dag cing gsal 'tsher gzi brjid 'bar/__/bkra shis snang bas khyab gyur cig__/oM shud+d+he shud+d+he shwa d+ha na ye swA hA/__zhes brjod cing ra ba bskor la 'thor/__de nas bsang la chab bran/__kyai/__bsang gi rgyu byung gang nas byung /__/gnam las sbrang char thim bur 'bab/__/sa gzhi drod dang rlan gyis khyab/__/drod gsher 'dzoms pa'i rten 'brel las/__/bar du rtsi shing spos sman 'khrungs/__/ye shes bdud rtsi'i zil pa chags/__/mthong bas yid 'phrog bkrag mdangs che/__/dri tshor tsam gyis khams dang zhing /__/grib dang mi gtsang gdung ba sel/__/de 'dra'i shing mchog ya mtshan can/__/'bar ba me yi klong du bsreg__/dkar mngar zas sna'i phud dang sbyar/__/rin chen 'bru sman bcud dang ldan/__/sngags dang phyag rgyas byin brlabs pas/__/du ba'i phung po re re las/__/'dod yon rgya mtsho 'byung bar gyur/__na mas+sarba ta thA ga ta b+h+yo bi shwa sogs lan gsum phyag rgya dang bcas pa bya/__badz+ra s+pha ra Na khaM/__zhes rgyas par spel/__kyai/__rang bzhin chos dbyings ngang nyid las/__/'gags med gzugs kyi skur bzhengs pa/__/sangs rgyas chos dang dge 'dun dang /__/bla ma yi dam mkha' 'gro dang /__/chos skyong srung ma nor lha'i tshogs/__/thugs rje'i dbang gis gnas 'dir gshegs/__/bsang dang zhi ba'i mchod pa bzhes/__/gser skyems bdud rtsi'i phud kyis mchod/__/rta phyugs lhas mal 'di nyid la/__ye shes chen po'i byin chen phob/___/___!_