Text test

🚧 This website is under continued development. We appreciate your patience!

“༄༅། །བྱང་ཆུབ་སེམས་དཔའི་སྤྱོད་པ་ལ་འཇུག་པའི་ཤེས་རབ་ལེའུའི་མཆན་འགྲེལ་དོན་གསལ་མེ་ལོང་ཞེས་བྱ་བ་བཞུགས་སོ། །

ཨོཾ་སྭསྟི། ཕུལ་བྱུང་མཁྱེན་བརྩེའི་འོད་ཟེར་གྱིས། ། བློ་མཆོག་པད་ཚལ་བཞད་མཛད་པ། ། འཇམ་མགོན་སྨྲ་བའི་ཉི་མ་ནི། ། ཡིད་མཁར་འབྲལ་བ་མེད་པར་མཛོད། ། འདིར་རྒྱལ་སྲས་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པའི་ཤེས་རབ་ཀྱི་ལེའུའི་ཚིག་དོན་རྣམས་གོ་སླ་བར་རྣམ་པར་བཤད་པ་ལ། ལམ་གྱི་གཙོ་བོ་ཤེས་རབ་བསྐྱེད་དགོས་ཚུལ་བསྟན་པ། གོང་དུ་སྨོས་པའི་སེམས་བསྐྱེད་ནས་བསམ་གཏན་གྱི་བར་གྱི་ཐབས་ཀྱི་ཡໆན་ལໆག་འໆདི་དໆག་ཐໆམས་ཅໆད་ནིໆ། ཐུབໆ་པໆས་འབྲས་ཡུམ་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་དངོས་རྒྱུ་ཐུན་མིན་ལམ་གྱི་གཙོ་བོ་ཤེໆས་རໆབ་བསྐྱེད་པའི་རྒྱུའམ་དེའི་གྲོགས་སམ་འཁོར་གྱི་དོན་ཙམ་དུໆ་གསུངໆས་པ་ཡིན་ཏེ། འདིས་སྒྲིབ་གཉིས་སྤོང་ཞིང་མཁྱེན་གཉིས་ཀྱི་ཡེ་ཤེས་མཐར་ཐུག་པར་བྱེད་པ་ཡིན་གྱི། ཕར་ཕྱིན་གཞན་གྱིས་དེ་མི་ནུས་པར་མ་ཟད་ཕར་ཕྱིན་ལྔ་པོ་དེ་དག་ཤེས་རབ་ཀྱིས་བཟུང་ནས་གདོད་ཕར་ཕྱིན་གྱི་མིང་ཐོབ[…]”