གུར་དྲག་གི་ཚོགས་བསྡུས།

🚧 This website is under continued development. We appreciate your patience!

Previous Text Back to Volume Page Next Text

Wylie title	gur drag gi tshogs bsdus
Location	'phags mchog bka' 'bum Volume 2, Text 33, Pages 597-598 (Folios 1a1 to 1b1)
Author	འཕགས་མཆོག་རྡོ་རྗེ་
Less details More details
Citation	'phags mchog rdo rje. Gur drag gi tshogs bsdus. In Mtshungs med grub sras 'phags mchog rdo rje mchog gi gsung 'bum rin po che , Vol. 2: 597-598. Kathmandu: Khenpo Shedup Tenzin & Lama Thinley Namgyal, 2004.
Genre	Feast Offering - tshogs mchod - tshogs kyi 'khor lo
Colophon	།ཅེས་པ་འདིའང་གུ་རུ་དྲག་པོའི་ཚོགས་གསོག་སྐབས་མཆེད་གྲོགས་དམ་པ་རྣམས་ཀྱིས་བསྐུལ་ངོ་མ་ལྡོག་ཙམ་དུ། མོས་གུས་ལྷང་ངེ་གཅིག་སྐྱེས་པའི་ཐོག་ནས་གང་དྲན་སྲས་མིང་པས་བྲིས་པའོ།།
Colophon	/ces pa 'di'ang gu ru drag po'i tshogs gsog skabs mched grogs dam pa rnams kyis bskul ngo ma ldog tsam du/_mos gus lhang nge gcig skyes pa'i thog nas gang dran sras ming pas bris pa'o//

[edit]

༄༅། །གུར་དྲག་གི་ཚོགས་བསྡུས་བཞུགས་སོ།། ཧཱུྃ། རྒྱ་བོད་ཡོངས་གྲགས་མཁས་ཤིང་གྲུབ་བརྙེས་པ། །འཛམ་གླིང་བདེ་སྐྱིད་འབྱུང་གནས་མགོན་གཅིག་པུ། །རྫུ་འཕྲུལ་མཐུ་སྟོབས་མངའ་བདག་པདྨ་འབྱུང་། །གདུག་པའི་ལྷ་སྲིན་མ་རུངས་འདུལ་ཕྱིར་དུ། །དྲག་པོ་མཐིང་ནག་འབར་བའི་སྐུར་བཞེངས་པ། །ལྷ་ཚོགས་འཁོར་བཅས་གནས་འདིར་སྤྱན་འདྲེན་ནོ། །འདོད་ཡོན་ཚོགས་ཀྱི་མཆོད་པས་ཐུགས་དམ་བསྐང་། །དེང་སང་སྙིགས་མ་ལྔ་བདོའི་བར་སྐབས་འདིར། །བསྟན་འགྲོའི་བདེ་སྐྱིད་སྤྲིན་བར་ཉི་བཞུད་འདྲ། །གང་ལ་བསམས་ཀྱང་སྐྱོ་བ་འཕེལ་བའི་རྒྱུ། །ལྷག་པར་རེ་ས་ཁྱེད་ལས་མ་མཆིས་བཞིན། །མི་ཕྱེད་གདུང་ཤུགས་དྲག་པོས་འབོད་ལགས་ན། །མཁྱེན་བརྩེ་ནུས་པའི་འཇུག་པ་མ་གཡེལ་བར། །ཕྱི་ནང་གསང་བའི་འགལ་རྐྱེན་མྱུར་དུ་ཕྲོལ། །གང་བསམ་འབད་མེད་ལྷུན་གྱིས་གྲུབ་པ་ཡིས། །སྔ་འགྱུར་རྙིང་མའི་བསྟན་པ་ཕྱོགས་བཅུར་སྤེལ། །འགྲོ་དོན་ཕྲིན་ལས་ནམ་མཁའི་མཐའ་མཉམ་མཛོད། །ཅེས་པ་འདིའང་གུ་རུ་དྲག་པོའི་ཚོགས་གསོག་སྐབས་མཆེད་གྲོགས་དམ་པ་རྣམས་ཀྱིས་བསྐུལ་ངོ་མ་ལྡོག་ཙམ་དུ། མོས་གུས་ལྷང་ངེ་གཅིག་སྐྱེས་པའི་ཐོག་ནས་གང་དྲན་སྲས་མིང་པས་བྲིས་པའོ།། །།