གསེར་སྐྱེམས་འབུལ་བཿ

🚧 This website is under continued development. We appreciate your patience!

Previous Text Back to Volume PageLast text in volume.

Wylie title	gser skyems 'bul ba
Location	mdo mkhyen brtse bka' 'bum Volume 7, Text 88, Pages (Folios to )
Author	མདོ་མཁྱེན་བརྩེ་
Less details More details
Tertön	མདོ་མཁྱེན་བརྩེ་ (Mdo mkhyen brtse)
Citation
Genre	Drink Offerings - gser skyems  ·  Protector Rituals - gsol mchod
Colophon	།ཅེས་པའང་རྒྱལ་བ་གོང་མ་རྣམས་ཀྱི་གསུངས་ལ། ཁ་བསྐང་ཛྙཱ་ནའི་མིང་གིས་བགྱིས་པའོ། །མངྒལཾ། །དགེའོ། །དགེའོ། །དགེའོ།།
	/ces pa'ang rgyal ba gong ma rnams kyi gsungs la/_kha bskang dz+nyA na'i ming gis bgyis pa'o/_/mang+galaM/_/dge'o/_/dge'o/_/dge'o//

Tibetan Text

[edit]

༄༅། །གསེར་སྐྱེམས་འབུལ་བ་ནིཿ རཾ་ཡཾ་ཁཾ་གསུམ་གསེར་སྐྱེམས་ཟག་པ་མེད་པ་ཡེ་ཤེས་ཀྱིས་བདུད་རྩིའི་རྒྱ་མཚོ་ཆེན་པོར་གྱུར། ཨཱོཾ་ཨ་ཧཱུཾ ལན་གསུམ རིག་འཛིན་རྩ་བརྒྱུད་བླ་མ་དམ་པ་དང༌། །བདེ་གཤེགས་ཀུན་འདུས་ཞི་ཁྲོ་རབ་འབྱམས་ལྷ། ཁྱད་པར་ཡེ་ཤེས་མཁའ་འགྲོའི་ལྷ་ཚོགས་རྣམས། །གསེར་སྐྱེམས༴ འདི་བཞེས་རྣལ་འབྱོར་སྡོང་གྲོགས་མཛོད། །མ་མགོན་ལྕམ་དྲལ་གཟའ་བདུད་འཁོར་དང་བཅས། །དམ་ཅན་རྡོར་ལེགས་ཚེ་རིང་མཆེད་ལྔ་དང། །རྡོ་རྗེ་གཡུ་སྒྲོན་བསྟན་སྐྱོང་གཤོག་རྒོད་མ། གསེར༴ ཕུར་སྲུང་ལྕམ་དྲལ་ལྷ་མོ་ངན་ནེ་མ། །རྒྱུད་མགོན་ལེགས་ལྡན་དཔལ་མགོན་ཚོགས་ཀྱི་བདག །བདུད་མགོན་ཡབ་ཡུམ་དགེ་བསྙེན་བསྙོ་ཁ་སོགས། །གསེར་སྐྱེམས༴ བཙན་རྒོད་ཆེན་པོ་རྡོ་རྗེ་དགྲ་འཇོམས་རྩལ། །རོལ་པ་རྐྱ་བདུན་འབར་བ་སྤུན་བདུན་དང༌། །རྒྱལ་ཆེན་རྣམ་སྲས་གཉན་ཆེན་སྡེ་བཞིར་བཅས། །གསེར་སྐྱེམས༴ འགོ་བའི་ལྷ་ལྔ་སྐྱོབ་པའི་ལྷ་རྣམས་དང༌། །དྲེགས་པའི་སྡེ་དཔོན་སུམ་ཅུ་ཡབ་ཡུམ་སྲས། །བཀའ་ཉན་བྲན་གཡོག་མངགས་གཞུགས་བཅས་རྣམས་ལ། །གསེར༴ སྔགས་འཆང་བདག་གི་རིགས་ཀྱི་སྲུང་མ་དང༌། །ས་ཕྱོགས་འདི་ཡི་ཡུལ་གཞི་གནས་ཀྱི་བདག །ལོ་ཟླ་ཞགས་དུས་ཚེས་ལ་དབང་བའི་ལྷ། །གསེར༴ མཆོག་གསུམ་ངོ་བོ་དཔལ་མགོན་བླ་མ་དང༌། །རྒྱུད་སྡེ་རྒྱ་མཚོ་གནས་གསུམ་མཁའ་འགྲོའི་ལྷ། །མ་མགོན་གཟའ་རྡོར་ཚེ་རིང་མཆེད་ལྔ་ལ། །མཆོད་གསོལ་བསྟོད་དོ་བསམ་དོན་ལྷུན་འགྲུབ་རྩོལ། །ཅེས་པའང་རྒྱལ་བ་གོང་མ་རྣམས་ཀྱི་གསུངས་ལ། ཁ་བསྐང་ཛྙཱ་ནའི་མིང་གིས་བགྱིས་པའོ། །མངྒལཾ། །དགེའོ། །དགེའོ། །དགེའོ།།