DKYD-DZINDROL-010

Previous Text Back to Volume Page Next Text

Wylie title
Location	mdo mkhyen brtse 'dzin grol Volume 1, Text 10, Pages (Folios to )
Author	མདོ་མཁྱེན་བརྩེ་
Less details More details
Citation	Mdo mkhyen brtse. '. In Mdo mkhyen brtse ye shes rdo rje'i dgongs gter gcod 'dzin pa rang grol gyi 'don chog gi skor, (The Natural Liberation of Grasping, The Chod Teaching of Do Khyentse Yeshe Dorje): . Delhi: Shechen Publications, 2020.
Genre
Karchag page	DKYD-DZINDROL-Karchag

[edit]

སྔོན་འགྲོའི་རིམ་པ་ལ། སྔ་བར་རྩ་སྟོང་རླུང་རིག་དྭངས་པའི་ཚེ། རྣམ་སྣང་ཆོས་བདུན་དང་བཅས། རང་གི་སྤྱི་བོར་བླ་མ་ཧེ་རུ་ཀའི་རྣམ་པར་སྒོམ་ལ་གསོལ་བ་གདབ་པ་ནི། ཨེ་མ་ཧོ། སངས་རྒྱས་ཀུན་འདུས་བླ་མ་ཆོས་ཀྱི་སྐུ། །མ་ཅིག་ཡུམ་ཆེན་དབྱེར་མེད་བཀའ་དྲིན་ཅན། །སྙིང་ནས་གདུང་ཤུགས་དྲག་པོས་གསོལ་བ་འདེབས། །མ་རིག་མུན་པ་སེལ་བར་བྱིན་གྱིས་རློབས། །ཞེས་གསོལ་བ་ཅི་ནུས་བཏབ་རྗེས་དམིགས་གནད་དང་ལྡན་པས་རླུང་རོ་བསལ། སྤྲུག་ལན་གསུམ་བྱ་ཞིང་སྒོ་གསུམ་གྱི་སྡིག་སྒྲིབ་དག་པར་བསམ། རྒྱུན་དུ་གསོལ་འདེབས་ནི། གོང་གི་ཚིག་རྗེས་མ་དོར་ལ། འཁྲུལ་སྣང་སྙེམས་བྱེད་བདུད་བཞི་ལས་རྒྱལ་ཞིང་། །སྐྱེ་མེད་ཆོས་སྐུ་རྟོགས་པར་བྱིན་གྱིས་རློབས། །ཞེས་མོས་གུས་ཀྱིས་གསོལ་བ་འདེབས་ཤིང་རླུང་འབྱུང་འཇུག་གནས་གསུམ་ཡི་གེ་གསུམ་དུ་སྦྱང་བས་བར་རླུང་བུམ་པ་ཅན་དང་མ་བྲལ་བ་གནད་དམ་པའོ། །དགེའོ།། །། ༈ གྲུབ་ཐོབ་གཅོད་ཡུལ་བརྒྱུད་པའི་བླ་མ་ལ་གསོལ་བ་འདེབས། །གཉན་ས་རི་ཁྲོད་ཟིན་པར་བྱིན་གྱིས་རློབས། །དགོས་མེད་རྒྱུད་ལ་སྐྱེ་བར་བྱིན་གྱིས་རློབས། །བདག་འཛིན་རྣམ་རྟོག་ཆོམས་པར་བྱིན་གྱིས་རློབས། །ཚེ་འདི་བློ་ཡིས་ཐོངས་པར་བྱིན་གྱིས་རློབས། །རོ་སྙོམས་ལམ་དུ་ལོངས་པར་བྱིན་གྱིས་རློབས། །ཆོས་སྐུའི་རྒྱལ་ས་ཟིན་པར་བྱིན་གྱིས་རློབས། །ཞེ་ཆེན་རྒྱལ་ཚབ་གསུང་འབུམ་ལས་སོ།། །།