སྨན་ནག་འཆི་མེད་བདུད་རྩིའི་འཁྲུལ་འཁོར།

🚧 This website is under continued development. We appreciate your patience!

Previous Text Back to Volume PageNext Text

Wylie title	sman nag 'chi med bdud rtsi'i 'khrul 'khor
Location	mkhyen brtse'i bka' 'bum Volume 17, sde tshan 2, Text 20, Pages 277-279 (Folios 66a3 to 67a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sman nag 'chi med bdud rtsi'i 'khrul 'khor. In 'jam dbyangs mkhyen brtse'i dbang po'i bka' 'bum, Vol. 17: 277-279. Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

20 277-279	སྨན་ནག་འཆི་མེད་བདུད་རྩིའི་འཁྲུལ་འཁོར། sman nag 'chi med bdud rtsi'i 'khrul 'khor Medicine Texts - gso ba rig pa	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སྨན་ནག་འཆི་མེད་བདུད་རྩིའི་འཁྲུལ་འཁོར་ཞེས་བྱ་བ་བཞུགས་སོ། །ཨོཾ་ཨ་ཐཱ། སངས་རྒྱས་སྨན་གྱི་བླ་ལ་གུས་བཏུད་ནས། །སྨན་ནག་འཆི་མེད་བདུད་རྩིའི་འཁྲུལ་འཁོར་བྲི། །ཀླུང་གི་ཕག་ནག་སྙིགས་མ་ཕུལ་གང་ལ། །གྲོགས་བཞི་སྲད་དཀར་ཧོང་ལེན་དེ་བ་ཤིང་སྔོན་སྤར་རེ་སོ་སོར་ནུས་ལྡན་བསྲེགས། །མེད་ཐབས་མེད་པའི་སྨན་ཆེན་ཆུ་རྩ་ཐེབ་ཙམ་གསང་སྨན་རྣམ་གཉིས་བསྣན། །དམར་ཟལ་བ་ཆུས་ཁྲུས་གསོལ་ཀ་རས་དྲངས། །རང་རང་འདུ་བའི་ཁ་འཛིན་དཔུང་དང་བཅས། །ཕས་རྒོལ་ནད་ཀྱི་སྟེང་དུ་སྤྱན་དྲངས་ན། །གང་ཡང་གཞོམ་པར་མི་འགྱུར་ཡོད་དམ་ཅི། །མིང་དོན་མཐུན་པ་འཆི་མེད་བདུད་རྩི་ཞེས། །རྐང་གཉིས་སྲོག་གི་ཆད་མཐུད་འདི་མེད་ན། །སྙིགས་དུས་རིམས་ནད་གཞོམ་པར་ག་ལ་ནུས། །བཞི་བརྒྱ་རྩ་བཞིའི་ནད་རིགས་རེ་རེ་ལ། །ཁ་བསྒྱུར་རེ་རེ་བཤད་ཀྱང་མི་ལོངས་མོད། །དེ་ཕྱིར་རང་རིག་འཁྲུལ་འཁོར་འདི་ལྟར་མཛོད། །རིམས་ནད་སྤྱི་ལ་དེ་ཝ་ལྔ་ཐང་བསྡེབས། །རྒྱུ་མར་ཨིནྟྲ་བཞི་དང་མཁྲིས་ཕྱེ་བདུན། །ཁྲག་མཁྲིས་ཤས་ཆེ་ཧོང་ལེན་བོང་ཏིག་ཏ། །འབྲུམ་པར་གཉན་སྨན་བཞི་དང་གསང་སྨན་གཅིག །ཆམ་པར་ཨ་རུ་འཛིན་པ་ཁྱི་ཧོང་བསྣན། །ཉྭ་ལོག་གླ་རྩི་གུ་གུལ་རྟ་བོན་ཐལ། །གག་པ་གསོད་སྡུད་འབྱུང་འདུལ་འཛིན་པ་བསྣན། །གཉན་ནད་སྤྱི་ལ་གླ་གུལ་འཛིམ་གསུམ་བསྣན། །ཁྱད་པར་ཕོ་བར་བབས་པའི་རིམས་རྣམས་ལ། །སྦྱོར་བ་འདི་ཉིད་བདུད་རྩི་ལྟ་བུ་སྟེ། །བྲག་ཞུན་བོང་དཀར་འཇིབ་རྩི་གསེར་མེ་ཏོག །བསྣན་ན་ཕོ་བར་ཁྲག་མཁྲིས་ལྷུང་བ་སེལ། །གཉན་སྲིན་ཡ་མ་བེ་ལོག་གླང་ཐབས་ལ། །ཕུར་ནག་ཁཎྜ་བསྣན་ན་མཆོག་ཏུ་ཕན། །བད་རླུང་ཤས་ཆེ་མ་ནུ་བཞི་ཐང་བསྡེབས། །གྲང་ཤས་ཆེ་ཞིང་ཕོ་བ་ངན་པ་ན། །སེ་འབྲུ་བཞི་ལྔ་བརྒྱད་དང་ཅུར་ནིས་བསྡེབས། །ཆུ་འགགས་ནད་ལ་ཆུ་སྨན་བསྣན་ཀྱང་ཤིས། །མདོར་ན་ཚ་གྲང་ནད་རིགས་བརྟགས་མི་དགོས། །གང་ལ་ཡང་ཐེངས་པས་ཆོག་བའི་མྱོང་གྲུབ་མ། །རྒྱུན་དུ་བྲག་ཞུན་བསྡེབས་པས་མ་ལུས་འཇོམས། །འདི་ནི་གཅིག་ཤེས་ཀུན་གྲོལ་གདམས་པ་སྟེ། །དྭགས་སྨན་ཆེན་པོའི་གསུང་གི་བདུད་རྩི་ཡིན། །དགེ་བས་འགྲོ་ཀུན་བྱང་ཆུབ་མྱུར་ཐོབ་ཤོག ། ༈

[edit]

sman nag 'chi med bdud rtsi'i 'khrul 'khor/ sman nag 'chi med bdud rtsi'i 'khrul 'khor zhes bya ba bzhugs so/__/oM a thA/__sangs rgyas sman gyi bla la gus btud nas/__/sman nag 'chi med bdud rtsi'i 'khrul 'khor bri/__/klung gi phag nag snyigs ma phul gang la/__/grogs bzhi srad dkar hong len de ba shing sngon spar re so sor nus ldan bsregs/__/med thabs med pa'i sman chen chu rtsa theb tsam gsang sman rnam gnyis bsnan/__/dmar zal ba chus khrus gsol ka ras drangs/__/rang rang 'du ba'i kha 'dzin dpung dang bcas/__/phas rgol nad kyi steng du spyan drangs na/__/gang yang gzhom par mi 'gyur yod dam ci/__/ming don mthun pa 'chi med bdud rtsi zhes/__/rkang gnyis srog gi chad mthud 'di med na/__/snyigs dus rims nad gzhom par ga la nus/__/bzhi brgya rtsa bzhi'i nad rigs re re la/__/kha bsgyur re re bshad kyang mi longs mod/__/de phyir rang rig 'khrul 'khor 'di ltar mdzod/__/rims nad spyi la de wa lnga thang bsdebs/__/rgyu mar in+t+ra bzhi dang mkhris phye bdun/__/khrag mkhris shas che hong len bong tig ta/__/'brum par gnyan sman bzhi dang gsang sman gcig__/cham par a ru 'dzin pa khyi hong bsnan/__/nywa log gla rtsi gu gul rta bon thal/__/gag pa gsod sdud 'byung 'dul 'dzin pa bsnan/__/gnyan nad spyi la gla gul 'dzim gsum bsnan/__/khyad par pho bar babs pa'i rims rnams la/__/sbyor ba 'di nyid bdud rtsi lta bu ste/__/brag zhun bong dkar 'jib rtsi gser me tog__/bsnan na pho bar khrag mkhris lhung ba sel/__/gnyan srin ya ma be log glang thabs la/__/phur nag khaN+Da bsnan na mchog tu phan/__/bad rlung shas che ma nu bzhi thang bsdebs/__/grang shas che zhing pho ba ngan pa na/__/se 'bru bzhi lnga brgyad dang cur nis bsdebs/__/chu 'gags nad la chu sman bsnan kyang shis/__/mdor na tsha grang nad rigs brtags mi dgos/__/gang la yang thengs pas chog ba'i myong grub ma/__/rgyun du brag zhun bsdebs pas ma lus 'joms/__/'di ni gcig shes kun grol gdams pa ste/__/dwags sman chen po'i gsung gi bdud rtsi yin/__/dge bas 'gro kun byang chub myur thob shog__/_!