འཆི་མེད་བདུད་རྩི་བུམ་པའི་རྒྱུན་ཁྱེར་སྙིང་པོར་དྲིལ་བ།

🚧 This website is under continued development. We appreciate your patience!

Previous Text Back to Volume PageNext Text

Wylie title	'chi med bdud rtsi bum pa'i rgyun khyer snying por dril ba
Location	mkhyen brtse'i bka' 'bum Volume 13, sde tshan 23, Text 7, Pages 490-495 (Folios 14b5 to 17a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	རྡོར་འབུམ་ཆོས་ཀྱི་གྲགས་པ་ (rdor 'bum chos kyi grags pa)
Citation	'jam dbyangs mkhyen brtse'i dbang po. 'chi med bdud rtsi bum pa'i rgyun khyer snying por dril ba. In 'jam dbyangs mkhyen brtse'i dbang po'i bka' 'bum, Vol. 13: 490-495. Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer
Cycle	འཆི་མེད་བདུད་རྩི་བུམ་པ་ ('chi med bdud rtsi bum pa)
Deity	pad+ma sman rgyal
RTZ	In the Rinchen Terdzö: https://rtz.tsadra.org/index.php/Terdzo-HA-028
Colophon	འཆི་མེད་བདུད་རྩི་བུམ་པའི་སྒོམ་བཟླས་སྙིང་པོར་དྲིལ་བ་ས་མཔྟ་མི་ཐིཿ ཤུ་བྷཾ།།
	'chi med bdud rtsi bum pa'i sgom bzlas snying por dril ba sa map+ta mi thiH__shu b+haM//

1 Texts in this Section (sde tshan or chos tshan)

7 490-495	འཆི་མེད་བདུད་རྩི་བུམ་པའི་རྒྱུན་ཁྱེར་སྙིང་པོར་དྲིལ་བ། 'chi med bdud rtsi bum pa'i rgyun khyer snying por dril ba Daily Practice - rgyun khyer	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །འཆི་མེད་བདུད་རྩི་བུམ་པའི་རྒྱུན་ཁྱེར་སྙིང་པོར་དྲིལ་བ་བཞུགས་སོ། ན་མོ་གུ་རུ་བྷཻཥ་ཛྱ་ཡ། སྐྱབས་སེམས་ནི། །བླ་མ་མཆོག་གསུམ་ཡི་དམ་ལྷར། །གུས་པས་སྐྱབས་མཆི་མཁའ་མཉམ་འགྲོ། །བླ་མེད་བྱང་ཆུབ་མཆོག་ཐོབ་ཕྱིར། །གསང་བདག་ལྷ་ཚོགས་བསྒོམ་པར་བགྱི། །ལན་གསུམ། ཚད་མེད་བཞི་བསྒོམ་པ་ནི། །སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞི །ཆོས་ཀུན་མཉམ་ཉིད་རྟོགས་པར་ཤོག །དངོས་གཞི་ལྷ་བསྐྱེད་པ་ནི། ཨོཾ་མ་ཧཱ་ཤཱུནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། །རང་བཞིན་སྐྱེ་མེད་སྟོང་པའི་ངང་ཉིད་ལས། །རོལ་པ་འགག་མེད་གསང་བདག་རྡོ་རྗེའི་སྐུ། །མཐིང་ནག་ཞལ་བགྲད་ཚེམས་དང་མཆེ་བ་གཙིགས། །ཕྱག་གཉིས་རྡོ་རྗེ་སྡིགས་མཛུབ་ཞབས་དོར་སྟབས། །ཉི་ཟླ་པདྨ་བརྩེགས་པའི་གདན་གྱི་སྟེང་། །ཡེ་ཤེས་མེ་ཕུང་འབར་བའི་ཀློང་དཀྱིལ་དབུས། །གཟི་བརྗིད་འོད་འཕྲོ་རྒྱན་མཛེས་གསལ་བར་གྱུར། །སྙིང་དཀྱིལ་གུ་རུ་པདྨ་སྨན་རྒྱལ་ཚུལ། །ཕྱག་གཡས་གསེར་གྱི་མདོག་ལྡན་ཨ་རུ་ར། །གཡོན་པས་བདུད་རྩིས་གང་བའི་ཐོད་པ་འཛིན། །དར་ནག་གསང་གོས་མན་ཊཱའི་ཆོས་གོས་དམར། །ཟ་འོག་བེར་སྨུགས་མནབས་ཤིང་མཉེན་ཞུ་གསོལ། །གཟུངས་མ་ཇོ་མོ་མཁར་ཆེན་བཟའ་མཚོ་རྒྱལ། །རྣམ་པ་ཁ་ཊྭཱཾ་ཚུལ་གྱིས་སྐུ་ལ་བརྟེན། །སྣ་ཚོགས་པདྨའི་གདན་ལ་སྐྱིལ་ཀྲུང་བཞུགས། །སྤྱི་གཙུག་ཁྱུང་སྔོན་མེ་ཡི་རལ་པ་ཅན། །གནམ་ལྕགས་རྡོ་རྗེ་འབར་བའི་ཆུ་སྡེར་སྒྲོས། །རྒྱ་མཚོའི་གཏིང་དཀྲུག་ཀླུ་གཉན་ས་བདག་གི། །ངོ་བོ་སྦྲུལ་ཆེན་ཞལ་གསོལ་ནུས་པ་འཇོམས། །སྤྱན་གསུམ་ཉི་ཟླ་འབར་བའི་སྡང་མིག་གིས། །གདུག་པ་ཀུན་འདུལ་ཉི་ཟླ་རིན་ཆེན་བརྒྱན། །ཕྱག་གཉིས་གཡས་གཡོན་མཐིལ་ན་འཁོར་ལོ་ནི། །ཨ་ལས་ཟླ་དཀྱིལ་རྩིབས་བརྒྱད་འོད་ཟེར་འཕྲོ། །ལྟེ་བར་ཨ་ཙཎྜ་མཎྜ་ལ། །མ་ལས་ཉི་དཀྱིལ་འདབ་བརྒྱད་འོད་ཟེར་འཕྲོ། །ལྟེ་བར་མ་སུཪྻ་མཎྜལ། །རྩིབས་དང་འདབ་མར་གཏུམ་མོའི་སྔགས་རྒོད་ནི། །ནི་ལམ་ཛ་ཏི་བྷྲཱུྃ་ས་ཏྲི་རྦད། །ས་བོན་ལ་བསྐོར་ཡིག་མགོ་ཕྱིར་ནང་བསྟན། །ལྟོ་སྦྱར་ཐབས་ཤེས་ཕྱག་རྒྱ་བསྒྱུར་བརྡབས་པས། །གནོད་བྱེད་བསྲེགས་སྦྱངས་ཐལ་བར་བརླག་པར་གྱུར། །ཕྲག་དོག་མཁའ་ལ་རྣམ་པ་འདོད་ཆགས་ཀྱི། །རང་བཞིན་ཁྱུང་དམར་འཕུར་ཞིང་བྱ་ནག་ལྡིང་། །དེ་བཞིན་ཞེ་སྡང་གཡས་པར་སྨན་སྦྲུལ་དང་། །གཡོན་པར་དུག་སྦྲུལ་མཐིང་ནག་འཁྱུག་ཅིང་རྒྱུགས། །གཏི་མུག་ལྕགས་ཀྱི་ཕག་རྒོད་མགོ་དགུ་དང་། །དུག་གི་གཡུང་ཕག་ནག་པོ་མདུན་ནས་རོལ། །གཙོ་དང་འཁོར་བཅས་ཡེ་ཤེས་མེ་ཕུང་དབུས། །གཞོམ་མེད་གནམ་ལྕགས་ལས་གྲུབ་རྩེ་ལྔ་པ། །རྡོ་རྗེའི་ལྟེ་བ་ལ་གནས་དེ་ཡི་ཕྱིར། ཐོད་པ་དཀར་པོ་ཕྱི་དཀར་ནང་དམར་བ། །མེ་ཀློང་རབ་འབར་ལྷུན་གྲུབ་གཞལ་ཡས་ཁང་། །ཅིས་ཀྱང་མི་ཆོད་མི་ཤིགས་བདེན་སྲ་བརྟན། །གང་ལའང་ཐོགས་དང་ཕམ་པ་མེད་པར་གྱུར། ཅེས་ནན་ཏན་དུ་གསལ་གདབ། བཟླས་པ་བྱ་བ་ནི། ཨོཾ་ཐིམ་ཐ་ར་ར་ཏི་ས་དུན་ཏེ་ཛྭ་ལ་རཾ་པ་ཡེ་སྭཱ་ཧཱ༔ ཡི་དམ་༡༠༠གྱི་སྙིང་པོའོ། ཨོཾ་མ་ཧཱ་གུ་རུ༔ ཨུ་ཧཱ་གུ་རུ༔ ཏྲི་ན་གུ་རུ༔ ནི་ནཱ་ག་ཤ༔ རཾ་རཾ་ཐུལ་ཐུལ༔ ན་ག་ཙིཏྟ་སྡུད༔ ལིང་ཤག་ཐུམ་མྱོག་སོད༔ གུ་རུའི་ཐུགས་སྔགས་༥༠སོ། །ཧབ་ཙེ་ཧབ་ཙེ་ཧཱུྃ་སོད༔ སུ་རུ་སུ་རུ་ཧཱུྃ་སོདཿ སུཾ་ཀ་ཛུ་ཀ་ཧཱུྃ་སོད༔ ས་ཏི་ཀ་རུ་ཧཱུྃ་སོདཿ ཐུལ་རཀྴི་ཧཱུྃ་སོདཿ མེ་རུ་ཐུན་ཙི་ཧཱུྃ་སོད༔ ཁྱུང་༣༠སྔགས་སོ། ཨོཾ་པི་ཁྲི་ལི་མི་ལི་ཧ་ལ་སྭཱ་ཧཱ༔ ཨོཾ་པི་ཁྲི་ལི་མི་ལི་ཧ་ལ་ཡ་ཡཱ༔ རྒོད་དབྱུང་༢༡གི་སྔགས་སོ། །དེ་རྣམས་བརྒྱ་རྩའམ་ཉེར་གཅིག་ཙམ་རེ་བཟླས་དེའང་ཡི་དམ་གྱི་སྙིང་པོའི་ཕྱེད་ཆ་ཙམ་ཐུགས་སྔགས་བཟླ་བས་མཚོན་རིམ་པར་ཇེ་ཉུང་དུ་བཏང་ནས་བཟླ། ཤིང་། ཨོཾ་ཚི་བརྟུལ་རྟུལ་རྨུག་ཤི་ཤི་ཧྲཱིཿ ཀྲཾ་ཙཀྲ་ཏྲི་སད་རྦད༔ ཧ་ལ་བྷ་ཡེ་སརྦ་མཱ་ར་ཡ་རྦད༔ རིམས་ནད་ཐམས་ཅད་སྲུངས་ཤིག་བྷྲཱུྃ་ཧཱུྃ་བྷྲཱུྃ་ཧཱུྃཿ ཞེས་པའང་ཅུང་ཟད་བཟླས་མཐར་ཐལ་མོ་སྦྱར་ཏེ། །སེམས་ཅན་སྒྱུ་ལུས་འཇིག་པའི་ནད་བྱུང་ཚེ། །མི་བཟོད་སྡུག་བསྔལ་ནད་ཀྱིས་ཉེན་པ་ན། །ཡིད་གཉིས་ཐེ་ཚོམ་མེད་པར་གསོལ་བ་འདེབས། ཨོ་རྒྱན་སྨན་གྱི་བླ་དང་དབྱེར་མེད་པས། །ཚེ་ཟད་མ་ཡིན་བར་ཆད་ངེས་པར་སེལ། །ཨོ་རྒྱན་པདྨ་འབྱུང་གནས་ལ་གསོལ་བ་འདེབས། །བསམ་པ་ལྷུན་གྱིས་འགྲུབ་པར་བྱིན་གྱིས་རློབས། །ཞེས་ཅི་ནུས་ཀྱིས་གསོལ་བ་གདབ། སྤྲོ་ཞིང་ནུས་ན་རླུང་རོ་ཕྱིར་འབུད་པའི་ཚེ་ནད་གདོན་བསལ་བ་དང་། ནང་དུ་རྔུབས་པ་ན་སྲིད་ཞིའི་ཚེ་བཅུད་བསྡུ་བའི་དམིགས་པ་དང་སྦྲགས་བུམ་པ་ཅན་ཁ་སྦྱོར་དུ་འཛིན་ཅིང་སྔགས་རྣམས་ཡིད་བཟླས་ཀྱང་བྱ། ཐུན་བསྡུ་བ་ན། སྣང་ཆའི་སྤྲོས་པ་ཐམས་ཅད་འོད་གསལ་གཉུག་མའི་དབྱིངས་སུ་བསྟིམས་ཏེ་ཅི་གནས་སུ་མཉམ་པར་བཞག །དེ་ལས་ལྡང་བའི་ཚེ། །དགེ་བ་འདི་ཡིས་མྱུར་དུ་བདག །གསང་བདག་ལྷ་ཚོགས་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཅེས་སོགས་བསྔོ་སྨོན་བྱའོ། །འདིའི་དམིགས་གནད་སོགས་རྒྱས་པར་གཏེར་གཞུང་རྩ་བ་དང་། ཆོས་རྒྱལ་དབང་པོའི་སྡེའི་ལྗགས་བསྒྲིགས་དག་ལས་ཤེས་པར་བྱ་ཞིང་། སྣོད་རུང་གི་དབང་བསྐུར་བ་ཐོབ་ནས་འདི་ཙམ་ཞིག་ཐོ་རངས་མ་ཆག་པར་ཉམས་སུ་བླངས་པས་ཀྱང་སྙིགས་དུས་ཀྱི་གཉན་ནད་པར་པ་ཏ་སོགས་ཡམས་ཐབས་སུ་འགོ་བའི་ནད་རིགས་ཐམས་ཅད་སྲུང་བར་ཐེ་ཚོམ་མེད་དོ། །གཞན་སྲུང་ན། ཡུངས་བ། བོང་ང་། ཤུ་དག་གསུམ་རིགས་གསུམ་མགོན་པོར་བསྐྱེད་ལ་གོང་གི་སྔགས་ཀྱིས་ངར་བཏགས་ཏེ་དར་ནག་པོའི་ཁུད་དུ་ཐུམ་བུར་བྱས་ལ་མགུལ་དུ་གདགས། ནངས་རེ་བཞིན་ལྟོ་སྟོང་གི་དུས་སུ་བསྣོམས་པས་ཐུབ་པར་ངེས་སོ། །འཆི་མེད་བདུད་རྩི་བུམ་པའི་སྒོམ་བཟླས་སྙིང་པོར་དྲིལ་བ་ས་མཔྟ་མི་ཐིཿ ཤུ་བྷཾ།། །། ༈

[edit]

'chi med bdud rtsi bum pa'i rgyun khyer snying por dril ba/ @#/_/'chi med bdud rtsi bum pa'i rgyun khyer snying por dril ba bzhugs so/__na mo gu ru b+haiSha dz+ya ya/__skyabs sems ni/__/bla ma mchog gsum yi dam lhar/__/gus pas skyabs mchi mkha' mnyam 'gro/__/bla med byang chub mchog thob phyir/__/gsang bdag lha tshogs bsgom par bgyi/__/lan gsum/__tshad med bzhi bsgom pa ni/__/sems can bde dang ldan gyur cig__/sdug bsngal kun dang bral bar shog__/bde dang rtag tu mi 'bral zhi__/chos kun mnyam nyid rtogs par shog__/dngos gzhi lha bskyed pa ni/__oM ma hA shUn+ya ta dz+nyA na badz+ra swa b+hA wa At+ma ko\u0f85haM/__/rang bzhin skye med stong pa'i ngang nyid las/__/rol pa 'gag med gsang bdag rdo rje'i sku/__/mthing nag zhal bgrad tshems dang mche ba gtsigs/__/phyag gnyis rdo rje sdigs mdzub zhabs dor stabs/__/nyi zla pad+ma brtsegs pa'i gdan gyi steng /__/ye shes me phung 'bar ba'i klong dkyil dbus/__/gzi brjid 'od 'phro rgyan mdzes gsal bar gyur/__/snying dkyil gu ru pad+ma sman rgyal tshul/__/phyag g.yas gser gyi mdog ldan a ru ra/__/g.yon pas bdud rtsis gang ba'i thod pa 'dzin/__/dar nag gsang gos man TA'i chos gos dmar/__/za 'og ber smugs mnabs shing mnyen zhu gsol/__/gzungs ma jo mo mkhar chen bza' mtsho rgyal/__/rnam pa kha T+wAM tshul gyis sku la brten/__/sna tshogs pad+ma'i gdan la skyil krung bzhugs/__/spyi gtsug khyung sngon me yi ral pa can/__/gnam lcags rdo rje 'bar ba'i chu sder sgros/__/rgya mtsho'i gting dkrug klu gnyan sa bdag gi/__/ngo bo sbrul chen zhal gsol nus pa 'joms/__/spyan gsum nyi zla 'bar ba'i sdang mig gis/__/gdug pa kun 'dul nyi zla rin chen brgyan/__/phyag gnyis g.yas g.yon mthil na 'khor lo ni/__/a las zla dkyil rtsibs brgyad 'od zer 'phro/__/lte bar a tsaN+Da maN+Da la/__/ma las nyi dkyil 'dab brgyad 'od zer 'phro/__/lte bar ma suR+Ya maN+Dal/__/rtsibs dang 'dab mar gtum mo'i sngags rgod ni/__/ni lam dza ti b+h+rU~M sa tri rbad/__/sa bon la bskor yig mgo phyir nang bstan/__/lto sbyar thabs shes phyag rgya bsgyur brdabs pas/__/gnod byed bsregs sbyangs thal bar brlag par gyur/__/phrag dog mkha' la rnam pa 'dod chags kyi/__/rang bzhin khyung dmar 'phur zhing bya nag lding /__/de bzhin zhe sdang g.yas par sman sbrul dang /__/g.yon par dug sbrul mthing nag 'khyug cing rgyugs/__/gti mug lcags kyi phag rgod mgo dgu dang /__/dug gi g.yung phag nag po mdun nas rol/__/gtso dang 'khor bcas ye shes me phung dbus/__/gzhom med gnam lcags las grub rtse lnga pa/__/rdo rje'i lte ba la gnas de yi phyir/__thod pa dkar po phyi dkar nang dmar ba/__/me klong rab 'bar lhun grub gzhal yas khang /__/cis kyang mi chod mi shigs bden sra brtan/__/gang la'ang thogs dang pham pa med par gyur/__ces nan tan du gsal gdab/__bzlas pa bya ba ni/__oM thim tha ra ra ti sa dun te dz+wa la raM pa ye swA hA:__yi dam 100gyi snying po'o/__oM ma hA gu ru:__u hA gu ru:__tri na gu ru:__ni nA ga sha:__raM raM thul thul:__na ga tsit+ta sdud:__ling shag thum myog sod:__gu ru'i thugs sngags 50so/__/hab tse hab tse hU~M sod:__su ru su ru hU~M sodaH__suM ka dzu ka hU~M sod:__sa ti ka ru hU~M sodaH__thul rak+shi hU~M sodaH__me ru thun tsi hU~M sod:_khyung 30sngags so/__oM pi khri li mi li ha la swA hA:__oM pi khri li mi li ha la ya yA:__rgod dbyung 21gi sngags so/__/de rnams brgya rtsa'am nyer gcig tsam re bzlas de'ang yi dam gyi snying po'i phyed cha tsam thugs sngags bzla bas mtshon rim par je nyung du btang nas bzla/__shing /__oM tshi brtul rtul rmug shi shi hrIH__kraM tsakra tri sad rbad:__ha la b+ha ye sarba mA ra ya rbad:__rims nad thams cad srungs shig b+h+rU~M hU~M b+h+rU~M hU~MH__zhes pa'ang cung zad bzlas mthar thal mo sbyar te/__/sems can sgyu lus 'jig pa'i nad byung tshe/__/mi bzod sdug bsngal nad kyis nyen pa na/__/yid gnyis the tshom med par gsol ba 'debs/__o rgyan sman gyi bla dang dbyer med pas/__/tshe zad ma yin bar chad nges par sel/__/o rgyan pad+ma 'byung gnas la gsol ba 'debs/__/bsam pa lhun gyis 'grub par byin gyis rlobs/__/zhes ci nus kyis gsol ba gdab/__spro zhing nus na rlung ro phyir 'bud pa'i tshe nad gdon bsal ba dang /__nang du rngubs pa na srid zhi'i tshe bcud bsdu ba'i dmigs pa dang sbrags bum pa can kha sbyor du 'dzin cing sngags rnams yid bzlas kyang bya/__thun bsdu ba na/__snang cha'i spros pa thams cad 'od gsal gnyug ma'i dbyings su bstims te ci gnas su mnyam par bzhag__/de las ldang ba'i tshe/__/dge ba 'di yis myur du bdag__/gsang bdag lha tshogs 'grub gyur nas/__/'gro ba gcig kyang ma lus pa/__/de yi sa la 'god par shog__/ces sogs bsngo smon bya'o/__/'di'i dmigs gnad sogs rgyas par gter gzhung rtsa ba dang /__chos rgyal dbang po'i sde'i ljags bsgrigs dag las shes par bya zhing /__snod rung gi dbang bskur ba thob nas 'di tsam zhig tho rangs ma chag par nyams su blangs pas kyang snyigs dus kyi gnyan nad par pa ta sogs yams thabs su 'go ba'i nad rigs thams cad srung bar the tshom med do/__/gzhan srung na/__yungs ba/__bong nga /__shu dag gsum rigs gsum mgon por bskyed la gong gi sngags kyis ngar btags te dar nag po'i khud du thum bur byas la mgul du gdags/__nangs re bzhin lto stong gi dus su bsnoms pas thub par nges so/__/'chi med bdud rtsi bum pa'i sgom bzlas snying por dril ba sa map+ta mi thiH__shu b+haM//___//__!