JKW-KABUM-15-BA-030-005

First section in volume.Last section in volume.

Wylie title		page=1
Location	mkhyen brtse'i bka' 'bum Volume 30, sde tshan 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

དཀར་བགེགས་སྤྱི་འགྲོ། ན་མོ་གུ་རུ་བྷྱཿ འདིར་དཀྱིལ་འཁོར་གྱི་འཁོར་ལོ་གང་ལའང་། སྤྲོས་བཅས་ཀྱི་རིམ་པ་དང་འབྲེལ་བའི་ཚེ། ཐོག་མ་སྔོན་གཏོར་བཏང་བ་ནི། སྐྱབས་སེམས་ཡན་ལག་བདུན་པ་རྣམས་གཞུང་གི་དངོས་བསྟན་ལྟར་གྲུབ་རྗེས། འབྱུང་པོ་དཀར་ཕྱོགས་སྐྱོང་བའི་ཚོགས་ལ་བསྔོ་བྱའི་གཏོར་མ་དང་གསེར་སྐྱེམས་བཤམས་ནས། བདག་ཉིད་ལྷར་བསྐྱེད་པ་ནི། ཧཱུྃ། ཆོས་རྣམས་སྟོང་པའི་ངང་ཉིད་ལས། །དབྱིངས་ལས་རང་བྱུང་ལྷུན་གྲུབ་སྐུ། །རྒྱལ་ཀུན་འདུས་ཞལ་པདྨ་སྐྱེས། །གཞོན་ཚུལ་ཁྲོ་འཛུམ་དཔའ་ཟིལ་ལྡན། །གསང་གོས་ཟབ་བེར་ཆོས་གོས་མནབས། །དབུ་ལ་པད་ཞྭ་རྒྱན་ལྡན་གསོལ། །ཕྱག་གཡས་རྡོ་རྗེ་ནམ་མཁར་འཕྱར། །གཡོན་ན་ཐོད་པ་བདུད་རྩིས་བཀང་། །ཞབས་གཉིས་རྒྱལ་པོ་རོལ་སྟབས་ཅན། །རྒྱན་དང་ཆ་ལུགས་ཕུན་སུམ་ཚོགས། །བདག་ཉིད་དེ་ལྟར་གསལ་བ་ཡི། །ཐུགས་ལས་འོད་ཟེར་ལྕགས་ཀྱུའི་དབྱིབས། །གྲངས་མེད་འཕྲོས་ཏེ་དྲེགས་བྱེད་ཚོགས། །དབང་དུ་བསྡུས་ན་མདུན་དུ་བཀུག །དངོས་བཤམས་ཡིད་སྤྲུལ་ལོངས་སྤྱོད་རྫས། །ཕུལ་བས་མཉེས་ནས་རབ་དགྱེས་ཏེ། །གང་བཅོལ་ཕྲིན་ལས་བསྒྲུབ་པར་བསམ། །ཞེས་གསལ་བཏབ་ཅིང་། རྫས་རྣམས། ཨོཾ་སྭ་བྷཱ་ཝ་ཤུདྡྷོ་སརྦ་དྷརྨ་སྭ་བྷཱ་ཝ་ཤུདྡྷོ་྅ཧཾཿ ཨོཾ་ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿ སརྦ་ཏཏྑཾ་ཨདྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱ་ཧཱ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཨོཾ་ན་མཿ སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་ཧཱུྃ། ཨོཾ་ཛྙཱ་ན་ཨ་ཝ་ལོ་ཀི་ཏེ་ན་མཿ ས་མནྟ་སྥ་ར་ཎ་རསྨི་བྷ་ཝ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛྭ་ལ་ནི་ཧཱུྃ། ཨོཾ་ན་མཿ ས་མནྟ་བུདྡྷ་ནཾ་གྲ་ཧེ་ཤྭ་ར་པྲ་བྷ་ཛོ་ཀི་ནི་མ་ཧཱ་ས་མ་ཡ་སྭཱ་ཧཱ། ཞེས་སོ་སོར་ཏིང་ངེ་འཛིན་དང་ཕྱག་རྒྱ་བཅས་པས་བྱིན་གྱིས་བརླབས་ཏེ། མཆོད་སྦྱིན་གྱི་གཏོར་མ་འདོད་པའི་ཡོན་ཏན་རྣམ་པ་ཐམས་ཅད་པའི་རང་བཞིན་ཟད་མི་ཤེས་པའི་གཏེར་ཆེན་པོར་གྱུར། ཧཱུྃ། སྐུ་གསུམ་བརྒྱུད་གསུམ་བླ་མ་དང་སོགས་ནས། ཕྲིན་ལས་རྒྱ་ཆེན་པོ་ཡོངས་སུ་འགྲུབ་པར་མཛད་དུ་གསོལ། བར་དང་། ཡུལ་ཕྱོགས་འདི་ཡི་ཡུལ་ལྷ་གཞི་བདག་དང་། །གཉུག་མར་གནས་དང་གློ་བུར་ལྷག་པ་ལ། །གཏོར་མ་རོ་བརྒྱ་ལྡན་པ་འདི་འབུལ་བས། །བཞེས་ནས་མཐུན་རྐྱེན་སྒྲུབ་པའི་སྡོང་གྲོགས་མཛོད། །ལོ་ཀ་པཱ་ལ་སརྦ་གཙྪ། ཞེས་བརྗོད། བསྡུ་ན། རང་གཉུག་མའི་ལྷར་གསལ་བའི་ངང་། མཆོད་གཏོར། རྃ་ཡྃ་ཁྃ་གིས་བསང་། ཨོཾ་ཨཱཿཧཱུྃ་གིས་སྦྱང་། བྷུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿ ཞེས་པས་མགྲོན་བཀུག་སྟེ། ཨོཾ་ཨ་ཀཱ་རོ་མུ་ཁཾ་སོགས་ཀྱིས་བསྔོས་ལ། དཀར་ཕྱོགས་སྐྱོང་བའི་གཞི་བདག་ཚོགས། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་སོགས་ནས། ཀུན་འགྲུབ་ཤོག །ཅེས་བརྗོད་ལ། ལོ་ཀ་པཱ་ལ་སརྦ་གཙྪ་ས་གཤེགས་སུ་གསོལ། དེ་ནས་བགེགས་བསྐྲད་པ་ནི། རང་ཉིད་སྐད་ཅིག་གིས་རྟ་མཆོག་ཧེ་རུ་ཀ་ཁྲོ་གཏུམ་བཟོད་པར་དཀའ་བའི་གཟི་བརྗིད་བསྐལ་པའི་མེ་ལྟར་འབར་བར་གྱུར། ཞེས་གཉུག་མའི་ལྷར་ལྡང་ནས། གྲལ་གཤམ་དུ་བགེགས་གཏོར་བཤམས་ལ། ཨོཾ་ཧྲཱིཿ བཛྲ་ཀྲོ་ཏ་ཧྱ་གྲཱྀ་ཝ་ཧུ་ལུ་ཧུ་ལུ་ཧཱུྃ་ཕཊ། ཅེས་རྟ་སྔགས་ཀྱིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ཧོཿ ཞེས་མཁའ་ལྡིང་གིས་རྒྱས་བརླབས། ཧཱུྃ། ཕྱོགས་བཞི་མཚམས་བཞི་སྟེང་འོག་ཐམས་ཅད་དང་། །ས་འོག་ས་སྟེང་ས་བླར་རྒྱུ་བ་ཡི། །བགེགས་དང་ལོག་འདྲེན་ལན་ཆགས་འབྱུང་པོའི་ཚོགས། །བགེགས་འདུལ་ཁྲོ་རྒྱལ་འབར་བའི་བཀའ་བྱུང་གི །སྐད་ཅིག་ཡུད་ཙམ་ཞིག་གིས་འདིར་འདུས་ལ། །བདག་གིས་བསྒོ་བའི་བཀའ་ལ་ཉན་པར་བྱོས། །ཨོཾ་བཛྲ་ཌཀྐི་རཱ་ཛ་ཧཱུྃ་ཛཿ ཛཿཧཱུྃ་བྃ་ཧོཿ བཛྲ་ཨཾ་ཀུ་ཤ་ཛཿ བགེགས་དང་ལོག་འདྲེན་འབྱུང་པོ་ཐམས་ཅད་འདུས་པར་གྱུར། ཅེས་བརྗོད་ཅིང་དམིགས། ཨོཾ་སརྦ་བིགྷནཾ་ན་མཿ སརྦ་ཏ་ཐཱ་ག་ཏ་བྷྱོཿབི་ཤྭ་མུ་ཁེ་བྷྱཿ སརྦ་ཐ་ཁཾ་ཨུངྒ་ཏེ་སྥ་ར་ཎ་ཧི་མཾ་ག་ག་ན་ཁཾ་གྲྀཧྞ་དཾ་བ་ལིཾ་ཏ་སྭཱ་ཧཱ། ཞེས་ནམ་མཁའ་མཛོད་ཀྱི་སྔགས་རྒྱས་བསྔོས་ལ། ཧྲཱིཿ སྣོད་བཅུད་སྤྲུལ་པའི་སོགས་ནས། སུམ་བྷ་ནིའི་དྲག་སྔགས་བཟླ་ཞིང་གུ་གུལ་བདུག་ཅིང་ཐུན་གྱིས་བྲབ། རོལ་མོའི་སྒྲ་དྲག་པོ་དང་བཅས་བསྐྲད་དོ། །བསྡུ་ན། རང་ཉིད་ལྷར་གསལ་བའི་ངང་། ཨོཾ་ཧྲཱིཿབཛྲ་ཀྲོ་དྷ་སོགས་ཀྱིས་བསང་། སྭ་བྷཱ་ཝས་སྦྱངས། ཨོཾ་ཨཱཿཧཱུྃ་ཧོཿས་བརླབ། ཨོཾ་སརྦ་བྷཱུ་ཏ་ཨ་ཀཪྴ་ཡ་ཛཿ ཞེས་པས་བཀུག་ཅིང་། ནམ་མཁའ་མཛོད་ཀྱི་སྔགས་རྒྱས་བསྔོས་ལ། ཧྲཱིཿ སྣང་སྲིད་དག་པ་རབ་འབྱམས་ལ། སོགས་ནས། ཆོས་དབྱིངས་ངང་དུ་མཚམས་བཅད་དོ། །དེ་ནས་དཀྱུས་བཞིན་བྱིན་འབེབས་སོགས་ལ་འཇུག་གོ །ཞེས་པའང་ཤིན་ཏུ་ཉེར་མཁོའི་ཆེད་གྲུབ་པའི་དབང་ཕྱུག་འཇིགས་མེད་ཕྲིན་ལས་འོད་ཟེར་གྱིས་གསུང་ལ་འབྱིན་འཇུག་ཅུང་ཟད་བགྱིས་ཏེ་དཀོད་པ་སརྦ་ཤུ་བྷཾ་ཡཱ་ཏ། ། ༈

[edit]

dkar bgegs spyi 'gro/ na mo gu ru b+h+yaH__'dir dkyil 'khor gyi 'khor lo gang la'ang /__spros bcas kyi rim pa dang 'brel ba'i tshe/__thog ma sngon gtor btang ba ni/__skyabs sems yan lag bdun pa rnams gzhung gi dngos bstan ltar grub rjes/__'byung po dkar phyogs skyong ba'i tshogs la bsngo bya'i gtor ma dang gser skyems bshams nas/__bdag nyid lhar bskyed pa ni/__hU~M/__chos rnams stong pa'i ngang nyid las/__/dbyings las rang byung lhun grub sku/__/rgyal kun 'dus zhal pad+ma skyes/__/gzhon tshul khro 'dzum dpa' zil ldan/__/gsang gos zab ber chos gos mnabs/__/dbu la pad zhwa rgyan ldan gsol/__/phyag g.yas rdo rje nam mkhar 'phyar/__/g.yon na thod pa bdud rtsis bkang /__/zhabs gnyis rgyal po rol stabs can/__/rgyan dang cha lugs phun sum tshogs/__/bdag nyid de ltar gsal ba yi/__/thugs las 'od zer lcags kyu'i dbyibs/__/grangs med 'phros te dregs byed tshogs/__/dbang du bsdus na mdun du bkug__/dngos bshams yid sprul longs spyod rdzas/__/phul bas mnyes nas rab dgyes te/__/gang bcol phrin las bsgrub par bsam/__/zhes gsal btab cing /__rdzas rnams/__oM swa b+hA wa shud+d+ho sarba d+harma swa b+hA wa shud+d+ho \u0f85haMH__oM na maH__sarba ta thA ga ta b+h+yo bi shwa mu khe b+h+yaH__sarba tat+khaM ad+ga te s+pha ra Na hi maM ga ga na khaM swA hA/__oM badz+ra a mr-i ta kuN+Da li ha na ha na hU~M phaT/__oM na maH__sarba ta thA ga ta a ba lo ki te oM saM b+ha ra hU~M/__oM dz+nyA na a wa lo ki te na maH__sa man+ta s+pha ra Na rasmi b+ha wa sa ma ya ma hA ma Ni du ru du ru hri da ya dz+wa la ni hU~M/__oM na maH__sa man+ta bud+d+ha naM gra he shwa ra pra b+ha dzo ki ni ma hA sa ma ya swA hA/__zhes so sor ting nge 'dzin dang phyag rgya bcas pas byin gyis brlabs te/__mchod sbyin gyi gtor ma 'dod pa'i yon tan rnam pa thams cad pa'i rang bzhin zad mi shes pa'i gter chen por gyur/__hU~M/__sku gsum brgyud gsum bla ma dang sogs nas/__phrin las rgya chen po yongs su 'grub par mdzad du gsol/__bar dang /__yul phyogs 'di yi yul lha gzhi bdag dang /__/gnyug mar gnas dang glo bur lhag pa la/__/gtor ma ro brgya ldan pa 'di 'bul bas/__/bzhes nas mthun rkyen sgrub pa'i sdong grogs mdzod/__/lo ka pA la sarba gats+tsha/__zhes brjod/__bsdu na/__rang gnyug ma'i lhar gsal ba'i ngang /__mchod gtor/__ra~M ya~M kha~M gis bsang /__oM AHhU~M gis sbyang /__b+hu mi pa ti sa pa ri wA ra badz+ra sa mA dzaH__zhes pas mgron bkug ste/__oM a kA ro mu khaM sogs kyis bsngos la/__dkar phyogs skyong ba'i gzhi bdag tshogs/__/mchod sbyin gtor ma 'di bzhes la/__/rnal 'byor bdag cag sogs nas/__kun 'grub shog__/ces brjod la/__lo ka pA la sarba gats+tsha sa gshegs su gsol/__de nas bgegs bskrad pa ni/__rang nyid skad cig gis rta mchog he ru ka khro gtum bzod par dka' ba'i gzi brjid bskal pa'i me ltar 'bar bar gyur/__zhes gnyug ma'i lhar ldang nas/__gral gsham du bgegs gtor bshams la/__oM hrIH__badz+ra kro ta h+ya gr-I wa hu lu hu lu hU~M phaT/__ces rta sngags kyis bsang /__swa b+hA was sbyangs/__stong pa'i ngang las b+h+rU~M las rin po che'i snod zab cing rgya che ba'i nang du gtor ma kha dog dri ro nus pa phun sum tshogs par gyur/__oM AHhU~M hoH__zhes mkha' lding gis rgyas brlabs/__hU~M/__phyogs bzhi mtshams bzhi steng 'og thams cad dang /__/sa 'og sa steng sa blar rgyu ba yi/__/bgegs dang log 'dren lan chags 'byung po'i tshogs/__/bgegs 'dul khro rgyal 'bar ba'i bka' byung gi__/skad cig yud tsam zhig gis 'dir 'dus la/__/bdag gis bsgo ba'i bka' la nyan par byos/__/oM badz+ra Dak+ki rA dza hU~M dzaH__dzaHhU~M ba~M hoH__badz+ra aM ku sha dzaH__bgegs dang log 'dren 'byung po thams cad 'dus par gyur/__ces brjod cing dmigs/__oM sarba big+hanaM na maH__sarba ta thA ga ta b+h+yoHbi shwa mu khe b+h+yaH__sarba tha khaM ung+ga te s+pha ra Na hi maM ga ga na khaM gr-ih+Na daM ba liM ta swA hA/__zhes nam mkha' mdzod kyi sngags rgyas bsngos la/__hrIH__snod bcud sprul pa'i sogs nas/__sum b+ha ni'i drag sngags bzla zhing gu gul bdug cing thun gyis brab/__rol mo'i sgra drag po dang bcas bskrad do/_/bsdu na/__rang nyid lhar gsal ba'i ngang /__oM hrIHbadz+ra kro d+ha sogs kyis bsang /__swa b+hA was sbyangs/__oM AHhU~M hoHsa brlab/__oM sarba b+hU ta a kaR+sha ya dzaH__zhes pas bkug cing /__nam mkha' mdzod kyi sngags rgyas bsngos la/__hrIH__snang srid dag pa rab 'byams la/__sogs nas/__chos dbyings ngang du mtshams bcad do/__/de nas dkyus bzhin byin 'bebs sogs la 'jug go__/zhes pa'ang shin tu nyer mkho'i ched grub pa'i dbang phyug 'jigs med phrin las 'od zer gyis gsung la 'byin 'jug cung zad bgyis te dkod pa sarba shu b+haM yA ta/___/__!