ཡང་གསར་རྙིང་གི་ལོ་རྒྱུས་སོགས་ཟིན་ཐུན་སྣ་ཚོགས།

🚧 This website is under continued development. We appreciate your patience!

Previous Text Back to Volume PageNext Text

Wylie title	yang gsar rnying gi lo rgyus sogs zin thun sna tshogs
Location	mkhyen brtse'i bka' 'bum Volume 4, sde tshan 1, Text 13, Pages 171-200 (Folios 86a3 to 100b6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. yang gsar rnying gi lo rgyus sogs zin thun sna tshogs. In 'jam dbyangs mkhyen brtse'i dbang po'i bka' 'bum, Vol. 4: 171-200. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Notes - zin bris

1 Texts in this Section (sde tshan or chos tshan)

13 171-200	ཡང་གསར་རྙིང་གི་ལོ་རྒྱུས་སོགས་ཟིན་ཐུན་སྣ་ཚོགས། yang gsar rnying gi lo rgyus sogs zin thun sna tshogs History Texts - lo rgyus   ·   Notes - zin bris	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ས་སྐྱ་པ་ཀུན་དགའ་བསོད་ནམས་ཀྱིས་མཛད་པའི་ལམ་འབྲས་ཁོག་ཕུབ་ལས་འབྲོག་མིའི་རྣམ་ཐར་དུ། དེ་དུས་བོད་ན་རྙིང་མ་དར་བས་ཇི་ཙམ་དྲིས་ཀྱང་མ་རྙེད་པ་ལ། རྡོ་རྗེ་གདན་གྱི་སྒོ་གོང་ན་རུ་ལུ་འབྲུ་བརྒྱད་པ་ཞིག་བྲིས་འདུག་པ་ཅི་ཡིན་དྲིས་པས་ཤེས་པ་མ་བྱུང་ཞིང་། ཡང་པཎྜི་ཏ་གཅིག་གི་དཔེ་གསེབ་ན་ཡང་ཕུར་གྱི་དུམ་བུ་འདུག་པ་ཁོ་རང་གིས་ཀྱང་མ་ཤེས་པར་འདུག་གསུང་། ཞེས་སྣང་ངོ་།། །། ༈

ཐུགས་གཏེར་གྱི་ཁུངས། མདོ་ལས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འབྱུང་བ་ཆེན་པོ་བཞི་ནི་ནམ་མཁའི་གཏེར་ནས་འབྱུང་གི །དེ་བཞིན་དུ་ཆོས་ཐམས་ཅད་རྒྱལ་བའི་ཐུགས་ཀྱི་གཏེར་ལས་འབྱུང་བས་གཏེར་གྱི་དོན་ལ་ལོངས་སྤྱོད་པ་ཤེས་པར་གྱིས་ཤིག །ཅེས་དང་། ཡེ་ཤེས་གསང་བའི་རྒྱུད་ལས། སུ་ཞིག་ཐུགས་ཀྱི་དཀྱིལ་འཁོར་དུ། །གཏེར་དང་ལྡན་ན་ཁྱད་པར་ཆེ། །ཞེས་དང་། སྒྱུ་དྲྭར། ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །ཞེས་སོ། །དེ་ལ་བརྒྱུད་པ་མེད་ཟེར་ན། རྒྱལ་བས་དགོངས་པ་ཉིད་ཀྱི་ཚུལ། །དགོངས་པས་བབས་པ་དབང་གི་མཆོག །ཅེས་སོགས་དྲངས།། །། ༈ ནཻ་ཙོ་འདི་དག་དང་། རྒྱལ་བའི་ཉན་ཐོས་པ་དག་སོགས་དོན་ལ་མང་ཚིག་ཡིན། བྱེད་པ་པོ་དང་། སྟོན་པ་པོ་ལྟ་བུ་ལ། ཀྲྀཏའི་བྱེད་པ་པོའི་རྐྱེན་བྱིན་པའི་རྗེས་ལས་སྐད་དོད་ལོགས་སུ་མི་དགོས་ཏེ། ཀརྟྲྀ་དང་། ཤཱསྟྲྀ། ཞེས་པ་ལྟ་བུའོ།། །། ༈ གསང་བའི་རྡེའུ་ཆུང་ནི་རུ་ཏྲའི་དཔྱི་ལས་གྲུབ་པ་དང་། རྔེའུ་ཆུང་ནི་སྔ་རབས་པ་རྣམས་ཀྱི་བྲིས་ཆར་རྔ་ཆུང་བྲིས་སྣང་། གནོད་གདུག་ཟློག་བྱེད་དཔའ་བོ་ལྗགས་ཀྱི་ཆས། །ཞེས་པ་ལྗགས་སྟེང་དུ་རྡོ་རྗེ་རྒྱ་གྲམ་བྲི་སྲོལ་སྣང་།། །། ༈ ཚངས་སྐུད་ནི་སྐུད་པ་སེ་རལ་ཁ་བྱས་པ་སྟེ། འདི་ལ་མཆོད་ཕྱིར་ཐོགས་ཞེས་པའི་རྒྱུ་མཚན་མཆོད་སྦྱིན་གྱི་ཚེ་འཆང་བར་འོས་པའི་ཡོ་བྱད་ཡིན་པའི་ཕྱིར་རོ།། །། ༈ རྒྱལ་སྲིད་སྣ་བདུན་གྱི་ཁུངས་མངོན་འབྱུང་། ལྷ་རྫས་ལས་གྲུབ་སོགས། དང་རྒྱ་ཆེ་རོལ་པ་ལས་བཤད། ཉེ་བའི་རིན་ཆེན་བདུན་ཡང་མངོན་འབྱུང་གི་མདོ་ལས་གསུངས་ཏེ། འོད་ཟེར་གྱིས་སྔོ་རལ་གྲི་པགས་པ་འཇམ། །དགའ་བའི་ནགས་ཚལ་གོས་ནི་ཡིད་རྗེས་འགྲོ། །མཐུ་ལྡན་མཆིལ་ལྷྭམ་ཁང་ཁྱིམ་གཞལ་དུ་མེད། །རེག་འཇམ་གཟིམས་ཆ་འདི་ཡིས་ཐོབ་པར་འགྱུར། །ཅེས་སོ།། །། ༈ རེག་ཟིག་ཅེས་པ་ཟིན་བྲིས་ཀྱི་བརྡ་རྙིང་། དོན་བློ་ལ་གང་ཟིན་ཙམ་བྲིས་པའོ།། །། ༈ མཧཱ་པཉྩའི་རྣམ་ཐར་དུ། དགྱེས་རྡོར་བསྙེན་ཆེན་མ་སོང་བར་སློབ་བཤད་མི་གནང་ཚུལ་སྣང་། སྔོན་ཙཱི་ནའི་རྒྱལ་པོ་ཡོང་ལོའུས་ཐང་ཀ་ཞིག་བྲིས། དེ་རྒྱས་བཏབ་ནས་འདི་སུས་བཤིགས་པའི་དུས་རྒྱལ་ས་འཆོར་བས་མ་བཤིགས་ཞེས་ཁ་ཆེམས་སུ་བཞག་པས་མི་རབས་བདུན་ཙམ་བར་བཤིགས་མཁན་མ་བྱུང་རུང་། ཁྲུང་རྩི་རྒྱལ་པོས་བཤིགས་པས་མན་ཛུའི་མི་ལ་རྒྱ་ནག་གིས་ཟས་འདྲེན་ཅིང་འདུད་པའི་ཚུལ་འདུག་པས། དེ་འདྲའི་རྟེན་འབྲེལ་གྱིས་རྒྱལ་ས་ཤོར་བ་སོགས་གླེང་ཚུལ་སྣང་།། །། ༈ ཀུན་སྙིང་རྣམ་ཐར་དུ། མཁན་ཆེན་ལུང་རིག་རྒྱ་མཚོར་ལམ་རིམ་དང་། མི་ཏྲ་ཁྲིད་དྲུག་དང་། སྦྱོར་དྲུག་ཇོ་ལུགས་དང་། བུ་ལུགས་གཉིས་ཀ །ཕག་མོ་སྒོམ་དྲུག་དང་། གྲུབ་ཐོབ་ཆོས་དྲུག་སོགས་གསན་ཚུལ། བྲག་སྟོད་པར། བསྲེ་འཕོ། ཚལ་པའི་སྐོར། ཡང་དགོན་སྐོར། མཻ་ཏྲི་བཅུ་གསུམ་མ། ཐོད་པ། བསྙེན་སྒྲུབ་དང་། ཁྱད་པར་རྔོག་དཀྱིལ་བདུན་གསན་པས་བྱིན་རླབས་ཀྱི་ཚན་ཀ་ཐོབ་ཚུལ། ལམ་རིམ་དང་ནི་གུའི་ཁྲིད་ངག་ནས་བཤད། ལྷག་མ་ཁྲིད་བརྒྱ་ལུང་ཁྲིད་ཀྱི་ཚུལ་དུ་རྫོགས་པར་གནང་ཚུལ། མདོ་རྒྱན་ཐོགས་མེད་ཊཱི་ཀ་དང་། འབྱེད་གཉིས་རོང་ཊཱིཀ་ལྟར་གསན། དུས་འཁོར་ལྷ་དགུ་ལ་བརྟེན་ནས་རྒྱུད་སྡེ་གཞན་གྱི་རུང་མཐུན་སྦྱར་བའི་བསྙེན་པ་གནང་། སྦྱོར་དྲུག་ཟླ་བ་གསུམ་བསྒོམས་པས་སོར་སྡུད་མཐར་ཕྱིན་བུདྡྷ་གུཔྟར་ཕྱག་རྒྱ་བཞིའི་སྙིང་པོ་ཞེས་བྱ་བའི་བླ་མའི་རྣལ་འབྱོར་དེ་ཆོས་འབྲེལ་ཐོག་མར་གསན། དེ་ནས་ཕག་མོའི་སྐོར་མང་པོ། ཛ་ལནྡྷ་རའི་དོ་ཧའི་བཤད་པ་གསན། སྒྲོལ་མ་རྣལ་འབྱོར་མ་གསན་པའི་སྟ་གོན་ནུབ་མནལ་ལྟས་ཁྱད་པར་ཅན་བྱུང་། མི་གཡོ་བའི་བྱིན་རླབས་གསན། རྒྱུད་ཁྲིད་ཐོག་མར་སྲུང་འཁོར། གཏོར་མ། མཎྜལ་སོགས་བྱེད་པ་སྒྲོས་རྙིང་རང་ཡིན་པའི་ངེས་པ་མེད་གསུང་། རྭ་བསྒྲེངས་རྒྱ་དཔེ་མེ་ཐུབ་མའི་གྲས། ཤཱནྟི་པའི་བརྟག་གཉིས་འགྲེལ་པ་སོགས་ཀྱི་གཤམ་ན། བྷཾ་ག་ལ་པཎྜི་ཏ་བྷིཀྵ་དཱི་པཾ་ཀཱ་ར་ཤྲི་ཛྙཱ་ན་སྱ་པུསྟ་ཀཾ །ཞེས་འདུག་པ་ཇོ་བོའི་ཕྱག་དཔེར་ངེས་པ་རྙེད་གསུངས། གླང་ཐང་དུ་གསེར་མདོག་པཎ་ཆེན་མཇལ་ནས་ཞུ་ལན་བྱུང་བའི་རྡོ་རྗེའི་ཚིག་འགྲེལ་ཟུར་ན་ཡོད་ཚུལ། དགེ་སློང་ཡེ་ཤེས་དབང་པོར་གསང་འདུས་འགོས་ལུགས་རྙིང་མ་ས་སྐྱའི་རྗེ་བཙུན་དཀར་པོ་རྣམ་གསུམ་ཡང་བརྒྱུད་པ་ལ་བཞུགས་པ་གསན་ཞིང་བསྔགས་བརྗོད་མཛད། གྲོལ་མཆོག་བཀའ་འབུམ་པོད་བཞི། སྐྱེས་རབས་བརྒྱ་རྩ་རྒྱན་གྱི་མེ་ཏོག་གི་ལུང་གནང་ཚུལ། འབྲུག་གསར་གྱི་ཡིག་ཆར་ཐུགས་མ་མགུ་ཚུལ་དང་། ཕྱག་ཆེན་ལ་རྣམ་བདུན་དཔྱད་པའི་རིགས་པ་དང་། འཇུག་པའི་གཏན་ཚིགས་སྦྱོར་བ་སོགས་ལ་ཐུགས་མ་རངས་པར་གནང་། སྒྲུབ་ཐབས་རྒྱ་མཚོའི་ནང་འགའ་ཞིག་མ་ཚང་བ་ཐར་པ་ནས་རྒྱ་དཔེ་བླངས་ཏེ་གསར་དུ་བསྒྱུར་ཚུལ། གསུང་རྩོམ་ཆེ་ཁག་ཐམས་ཅད་ལ། གསོལ་བ་ཡུན་རིང་བཏབ་ཅིང་གནང་བའི་མཚན་མ་དངོས་སུ་བྱུང་བའམ། ལྟས་བཟང་རེ་ངེས་པར་མ་བྱུང་བར་མི་མཛད་ཚུལ་སྣང་། དུས་འཁོར་བསྐྱེད་རིམ་དང་། དབང་གི་རྣམ་བཤད་མཛད་དུས་རྟགས་ངེས་པར་བྱུང་། ལཱུ་ཧི་པའི་སྒྲུབ་ཐབས་ལ་རྩ་རྐྱང་ལུགས་དང་འགྲེལ་པ་ལུགས་གཉིས་ལས། ཕྱི་མ་ལྭ་བའི་འགྲེལ་པ་ལས་པྲཛྙཱ་རཀྵིཏས་ལོགས་སུ་བཀོལ་བའི་ཆོས་བཞིའི་དགོངས་པ་བཞིན་དཀྱིལ་ཆོག་དཱ་རི་ཀ་ཆུང་བའི་ལུགས་དང་། དྲིལ་བུ་དབང་ཆོག་རྒྱ་གཞུང་ལ་ཁ་སྐོང་རྒྱས་བསྡུས་གཉིས་ལས་བསྡུས་པ་དང་། ནག་པོའི་སྒྲུབ་ཐབས་བཅོས་དགོས་རྣམས་བཅོས་ཤིང་། དཀྱིལ་ཆོག་གཞུང་གི་དགོངས་པ་ཇི་ལྟ་བར་སྦྱར་ཏེ། དེའི་ཚེ་མནལ་ལྟས་ཆེས་ཁྱད་པར་ཅན་བྱུང་གསུང་། ཞི་སྦས་ལུགས་ཀྱི་དགྱེས་རྡོར་ཉེ་བརྒྱུད་ཅན། བློ་སྦྱོང་ཐུན་གཅིག་མ་དང་། ཚིག་རྐང་བརྒྱད་མ་སོགས། བཤེས་སྤྲིངས་ཀྱི་ལམ་གྱི་འགྲེལ་བསྒྲིགས་སོགས་སྔོན་མེད་པའི་ལེགས་བཤད་གསར་པ་དུ་མས་བརྒྱན་ཏེ་བཤད་པར་སྡེ་པ་ཕུན་ཚོགས་རྣམ་རྒྱལ་གྱིས་ཟིན་བྲིས་བྱས་པ་ལེགས་པོ་བྱུང་ཚུལ་སྣང་། བདུད་རྩི་རིལ་བུར་ཆོས་རྒྱུན་སྣ་ཚོགས་པའི་བྱིན་རླབས་རྟེན་དེ་ངོ་ཏི་བཟང་ཡང་། བརྒྱུད་པའི་སེལ་དུ་འགྲོ་གསུངས་ནས་བསྲེ་བར་མི་མཛད་པ་བླ་མ་གོང་མ་བརྒྱུད་པ་ནས་བརྒྱུད་པའི་མྱོང་གྲུབ་ཡིན། སློབ་དཔོན་པཱུརྞ་བཛྲ་དང་གསུང་གླེང་ལ་བསླབ་བཏུས་ཀྱི་ནམ་མཁའི་སྙིང་པོའི་བཤགས་པའི་འཕྲོས་གཅིག་བྱུང་། དེ་ཡོང་བ་ལ་དེང་སང་ནམ་མཁའི་སྙིང་པོ་ལ་བསྙེན་པ་བྱེད་དགོས་གསུང་གིན་འདུག །དེ་རྗེས་གཅིག་ལ་བཅོམ་ལྡན་འདས་འཕགས་པ་ནམ་མཁའི་སྙིང་པོའི་མཚན་བརྒྱ་རྩ་བརྒྱད་ཀྱི་ལུགས་ཀྱི་བསྙེན་པ་ཞིག་ཀྱང་བྱས། མདོ་ལས་འབྱུང་བ་ལྟར། ཐོ་རངས་ཀྱི་དུས་སྐྱ་རེངས་ལ་གསོལ་བ་འདེབས་པ་དེ་ནུབ་བདུན་བསྟུད་ནས་བྱས་པའི་རྟིང་མ་ལ་རྟགས་མཚན་བྱུང་ཚུལ་གསུང་སྣང་།། །། ༈ ཀུན་མཁྱེན་ཆེན་པོར་གསོལ་བ་བཏབ་པས་འཕགས་པ་ཆོས་འཕགས་ཡིན་སྙམ་པའི་བྱང་སེམས་ཞིག་དང་མཇལ་བས། རྣམ་པར་བཞག་བྱ་འཇོག་བྱེད་དང་། །རྣམ་བཞག་ཐམས་ཅད་རྫུན་པ་ཡིན། །བློ་ལ་སྣང་བ་འཁྲུལ་པ་སྟེ། །བདེན་པའི་དོན་ལ་གོས་པ་མེད། །གསུངས་པ་ཞིག་བྱུང་བས་གཞན་སྟོང་གི་ལྟ་བ་ལ་ངེས་པ་རྙེད་ཚུལ་གསུངས། དེ་ལ་བརྟེན་ནས་གཞན་སྟོང་སྙིང་པོའི་རྒྱན་ལུང་སྦྱོར་དང་བཅས་པ་མཛད་དོ། །མངྒ་ལཾ།། །། ༈ སྔ་འགྱུར་རྙིང་མའི་བསྙེན་སྒྲུབ་སྤྱིའི་ཆིངས་ལས། སྤྱིར་ཐོར་ཐུན་ལ་མཆོད་པ་བྱིན་རླབས་ཡན་རྒྱས་པ་དང་། སྔ་ཕྱིའི་ཐུན་གཉིས་ལ་ཏིང་འཛིན་གསུམ་ནས་བཟུང་བསྟོད་པ་ཡན་རྒྱས་པར་བྱ། སྲོད་ཐུན་ལ་ཚོགས་སྐོར་སོགས་རྗེས་ཆོག་རྣམས་རྒྱས་པར་བྱ། ཐོར་ཐུན་ལ་དངོས་གཞི་དང་རྗེས་ཀྱི་བྱ་བ། སྔ་ཕྱིའི་ཐུན་གཉིས་ལ་སྔོན་རྗེས། སྲོད་ཐུན་ལ་སྔོན་དངོས་རྣམས་བསྡུས་པ་རེས་ཆོག །དེ་ཡང་དངོས་གཞི་བསྡུ་སྐབས། ཏིང་འཛིན་གསུམ་ནས་བཟུང་ལྷ་བསྐྱེད་ཡོངས་རྫོགས་བསྐྱེད་རིམ་ལ་དབང་འབྱོར་བ་མ་གཏོགས། རྣལ་འབྱོར་པ་གསར་བུ་དག་གིས་བསྡུས་ན་གསལ་མི་ཐེབས་པས་གཞུང་སོར་བཞག་དང་། དེ་འཕྲོས་སྤྱན་འདྲེན་བཞུགས་གསོལ་ཕྱག་མཆོད་རྣམས་སྔགས་ཚིག་ཙམ་དང་། བསྟོད་པའང་ཚིགས་བཅད་བསྡུས་པ་མདོ་ཙམ་གྱིས་འཐུས། ཐུན་སྒང་དུ་གཏམ་སོགས་ཀྱང་མི་རུང་སྟེ། གསང་སྔགས་ཆུ་བོའི་རྒྱུན་བཞིན་བར་མ་ཆད་པར་བཟླ་དགོས་པར་གསུངས་པའི་ཕྱིར་རོ། །སྦྲིད་པ་དང་ལུད་པ་འདོར་བ་སོགས་མི་བྱེད་ཀ་མེད་བྱུང་ན། བར་ཆོད་ཡུན་རིང་ཐུང་དང་བསྟུན་པའི་བཟླས་པ་སྔོན་སོང་གི་ནང་ནས་ཕྲེང་རྡོག་གང་འོས་ཕྱིར་ཕྱུང། ཐུན་མཚམས་སུ་བཟླས་པ་ཅི་འགྲོ་བྱ་སྟེ་བཟླས་པ་དངོས་གཞིའི་གྲངས་སུ་མི་བརྩི། དེང་སང་འགའ་ཞིག་གིས་སྟབས་བདེའི་ཕྱིར་ཚོགས་མཆོད་དང་གཏོར་བསྔོས་སོགས་ཕྱི་ཐུན་དང་སྲོད་ཐུན་ཀྱི་མཚམས་སུ་མཛད་སྲོལ་འདུག་ཀྱང་། སྲོད་ཐུན་གྱི་ནང་དེར་འོད་གསལ་ལ་ཞུགས་ནས་ཐུན་མཚམས་ཀྱི་ལྷ་སྐུར་མ་ལྡང་བའི་བར་དུ་བྱ་བ་ལེགས་གསུངས། མཚམས་ཁང་ནས་ཀ་ཅ་ཕྱིར་མི་བཏང་། ནང་དུ་ལེན་དགོས་རྣམས་ཀྱང་ཞག་མ་འདའ་བར་མ་ཡིན། ལན་དུས་ཀྱང་ལྷའི་ང་རྒྱལ་བརྟན་པོས་བགེགས་བསྐྲད་ཅིང་བྲབས་བདུག་བྱ། མཚམས་ལ་འཇུག་པའི་དུས་ནི། དེང་སང་མར་ངོ་ནས་འཇུག་པ་ཤས་ཆེ། རྒྱུད་ལས། དུས་ནི་ཡར་ངོའི་བརྒྱད་ལ་བརྩམ། །ཤིན་ཏུ་སྐར་མ་རྒྱལ་རྣམས་ལ། །བྱང་ཆུབ་སྤྱོད་པ་ཆེར་སྤྱོད་པས། །གསང་མཆོག་དངོས་གྲུབ་ཐོབ་པའི་ཕྱིར། །གཟའ་སྐར་ཤིས་པས་བླང་བར་བྱ། ཞེས་དང་། རྔམས་གློག་ལས། །བཀྲ་ཤིས་ལྷ་ཡི་ཉི་མ་དང་། །འབྱོར་དང་དུས་ཚོད་བཟང་བར་ནི། །མཚན་མའི་རྟོག་པ་ཡིན་མོད་ཀྱང་། །བརྟགས་ན་དངོས་གྲུབ་མཚན་མ་འབྱུང་། །ཞེས་གསུངས་པ་ལྟར་རོ།། །། ༈ ཐུན་བཞིའི་རྣལ་འབྱོར་གྱི་ཚུལ་ལས། ཐོ་རངས་ལྡང་བའི་རྣལ་འབྱོར་གྱིས་ལྡང་། གནས་ལུགས་མ་བཅོས་པའི་ངང་ལས། རང་གཉུག་མའི་ཡི་དམ་གྱི་སྤྱི་བོར་བླ་མ་བསྒོམ། རླུང་རོ་དགུ་ཕྲུགས་སུ་བུས། འབྲུ་གསུམ་རྡོ་རྗེའི་བཟླས་པ་ཅུང་ཟད་བྱ། རྟེན་སྙིང་དབྱངས་གསལ་རྣམས་ཉེར་གཅིག་བཟླ། འདིས་ཉིན་ཞག་ཕྲུགས་གཅིག་གི་རླུང་ཐམས་ཅད་རྡོ་རྗེའི་བཟླས་པར་འགྱུར་བ། སྔགས་བྱེ་སྙེད་དུ་འགྱུར་བ་སོགས་ཕན་ཡོན་དཔག་ཏུ་མེད། དེ་ནས་རྡོར་སེམས་སྒོམ་བཟླས་དང་། སྐྱ་རེངས་ལ་ཕྱག་འཚལ་བླ་མའི་རྣལ་འབྱོར་གནད་དུ་བསྣུན། ཐུན་གྱི་དངོས་གཞིར་རྒྱུན་གྱི་ཡི་དམ་བསྒོམ། བཟླས་པ་ཅི་ནུས་མཐར་དབྱངས་གསལ་རྟེན་སྙིང་གིས་ཁ་བསྐང་། བུམ་ཅན་བཟུང་། རྩ་འཁོར་ཀུནྡས་གང་བར་བསམ། བདུད་རྩི་རིལ་བུ་བཟའ། ལྷ་སྐུ་ནཱ་དར་གཞི་ལ། ཉམས་ལེན་དམིགས་བསལ་ཡོད་ན་ཅུང་ཟད་གཉིད་ལོག་ལ་རྨི་ལམ་ངོས་བཟུང་། ཤེས་པ་འཇུར་པའི་མན་ངག་ཀྱང་བྱ། ཐུན་གཉིས་པ། ནམ་ལངས་འཕྲལ་ཆབ་བླང་། ཡན་ལག་བདུན་པ་དང་ལྟུང་བཤགས་བཀླག་ཅིང་ཕྱག་འཚལ། རྒྱུད་སྡེ་བཞི་དང་འབྲེལ་བའི་སྒོམ་བཟླས་ཇི་རིགས་དང་གཟུངས་སྔགས་ཁྱད་ཅན་མང་དུ་བཟླ། གཏོར་མ་བཏང་། དཀར་བསུར་བསྔོ། དེ་ནས་རྒྱུན་གྱི་ཡི་དམ་ལ་འཇུག །གུང་ཚིགས་དུས་ཕུད་མཆོད་བྱ། དངོས་གཞི་ཚོགས་འཁོར་དུ་རོལ། རྗེས་ཡོན་སྦྱོང་གཟུངས་དང་མདོ་བསྔོ་བྱ། ཐུན་གསུམ་པར། ཉི་མ་ཕྱི་ཆའི་དུས་ལུས་ལྟ་སྟངས་སམ་འཁྲུལ་འཁོར། ངག་བཟླས་བརྗོད་དམ་སྲོག་རྩོལ། ཡིད་བསྐྱེད་རིམ་མམ་མཉམ་བཞག་བྱ། ནམ་མཁའ་དང་དུས་ཐོད་རྒལ་གཟིར། ཉི་མའི་མདངས་སྡུད་པར་ཉེ་བ་ན། བདག་བསྐྱེད་སྔོན་དུ་འགྲོ་བས་གཏོར་ཚོགས་རྒྱས་པར་བྱ། ཉི་མའི་མདངས་སྡུད་པ་ན་ཤེར་ཟློག་དང་། སྔགས་ཟློག་བྱ། ཐུན་བཞི་པ་སྲོད་དུས། ལྷ་དྲག་པོའི་བཟླས་སྒོམ་གང་ལྕོགས་དང་། ཁྱད་པར་ཧཱུྃ་བཟླས་བྱ། ཙཎྜ་ལཱི་བསྒོམ། དེ་མཐར་ཕུང་པོ་མཆོད་སྦྱིན་དང་སྨོན་ལམ་རྣམ་པར་དག་པས་རྒྱས་བཏབ། ཉལ་བའི་རྣལ་འབྱོར་གྱིས་ཉལ་ཞིང་འོད་གསལ་དང་རྨི་ལམ་ངོས་ཟིན་པར་བྱ། མདོར་ན་དུས་རྒྱུན་དུ། བླ་མ་ལ་མོས་གུས། ཡེངས་མེད་ཀྱི་དྲན་པ། སེམས་ཅན་ལ་སྙིང་རྗེ་རྣམས་དང་མ་བྲལ་བའི་ངང་། ཉོན་མོངས་པ་གང་ཤར་འབུར་འཇོམས་སུ་བྱས་ལ་ཤེས་པ་སྤྲོ་བསྡུ་དང་བྲལ་བའི་ངང་དུ་ལྷོད་ཀྱིས་ཀློད་ལ་བཞག་གོ། །། ༈ སྤྱིར་སྔགས་མཚམས་སྦྱར་འོས་པ་རྣམས་སྦྱར་ནས་བཀླག་པ་དག་པར་བཞེད་དེ། དག་ལྡན་ལས། བཀླག་པའི་ཚེ་ཁ་ཕྲལ་བར་མི་བྱའོ། །ཞེས་གསུངས་པའི་ཕྱིར། བྱེ་བྲག་ཏུ་ཚེ་འབྲུ་༡༠༨གཟུངས་དང་། ཨཥྟ་༡༢༥ལྟ་བུ་གྲངས་ངེས་ཡོད་པ་རྣམས་ཕྲལ་ན་ཡི་གེ་ལྷག་པའི་སྐྱོན་དུ་འགྱུར་ཏེ། དཔེར་ན་ཚེ་གཟུངས་ཀྱི་མི་ཏཱ་ཡུར་དང་། ག་ཏཱ་ཡཱརྷ་ཏེ་ཕྲལ་ན་ཡི་གེ་བརྒྱ་དང་བརྒྱད་པའི་དམ་བཅའ་ཉམས་པར་འགྱུར་ཏེ། བརྒྱ་དང་བཅུར་འགྱུར་བའི་ཕྱིར། ཞེས་འདོད་པའང་སྣང་མོད་དཔྱད་པར་བྱའོ། །རྒྱུད་སྡེའི་སྔགས་བཏུ་ཡོད་པ་རྣམས་དེ་ཁོ་ནར་བསྟུན་པ་ལེགས། བྱེ་མདོ་གཉིས་ཀྱི་ལུགས་སུ། བདག་ཅག་གི་སྟོན་པ་ཡུམ་གྱི་ལྷུམས་སུ་ཞུགས་པའི་ཚེ་རྒྱལ་པོའི་སྲས་མཚན་དཔེ་གོས་དང་བཅས་པའི་རྣམ་པར་ཞུགས་པར་བཞེད། རྒྱུད་བླ་དབུ་མ་རང་རྒྱུད་དུ་བཞེད་པ་ལེགས་ཚུལ་ཀུན་ཚུལ་བས་བཤད། ལྷ་བབས་དུས་ཆེན། ཟླ་དགུ་ཚེས་ཉེར་གཉིས་ལ་འདོད་པ་ནི་དུས་དངོས་དང་། ཡང་ཟླ་དགུ་ཚེས་བཅོ་ལྔ་ལ་འདོད་པ་ནི། ཚེས་ཉེར་གཉིས་ལ་ཕེབས་པར་འགྱུར་ཞེས་གཏམ་ཐོས་པའི་གཏམ་སྙན་གྱི་དུས་ཆེན་ཡིན་ནོ། །ཝཱ་རཱ་ཎ་སཱིར་ལྔ་སྡེར་ཆོས་གོས་ཟླུམ་པོར་བགོ་བ་སོགས་གསུངས་པ་དེ་སྣམ་སྦྱར་སོགས་སུ་འདོད་ཅིང་། དེའང་འཚོ་བྱེད་ཀྱིས་ཕུལ་བའི་རས་ལ་དྲས་དྲུབ་བྱས་པར་བཤད་མོད་དེ། དེའི་སྔོན་དུའང་དྲས་དྲུབ་ཡོད་པར་གསལ་ཅེས་འདོད་སྣང་ནའང་དཔྱད་གཞིའོ། །ཉི་མ་བྱང་བགྲོད་མཐར་ཐུག་པའི་ཚེ་དཔག་ཚད་བརྒྱད་ཁྲི་དྲུག་སྟོང་གིས་མཐོ་བ་དང་། ལྷོ་བགྲོད་མཐར་ཐུག་ཚེ་དཔག་ཚད་བདུན་ཁྲི་ལྔ་སྟོང་གིས་དམའ་བར་བཞེད། ཨ་བྷ་ཡས། བུམ་པའི་སྟེང་དུ་ཀུ་ཤའི་འཐོར་ཡབ་འཇོག་པར་བཤད་པ་ལས་རྒྱུད་ཚིག་དངོས་མ་མཐོང་ཡང་དོན་དུ་མེ་ཏོག་དང་འབྲས་བུར་བཅས་པའི་ཤིང་གིས་ཁ་བརྒྱན་པར་བཤད་པས། བོད་འདིར་དགུན་དུས་དེ་འདྲ་མི་འབྱོར་བས། དེའི་མཚོན་བྱེད་དང་དག་བྱེད་ཀྱི་རྫས་ཡིན་པ་སོགས་ཀྱི་རྒྱུ་མཚན་དུ་མས་བོད་ཀྱི་རྡོ་རྗེ་འཛིན་པ་ཆེན་པོ་རྣམས་ཀྱིས་དེ་ལྟར་མཛད་དོ།། །། ༈ ཆུ་སྦྱིན་སྐབས། ཆུ་ཡི་སྦྱིན་པ་རྒྱ་ཆེན་པོ་འདི་ལ་བརྟེན་ནས་སོགས་ཀྱི་དོན། ཡི་དྭགས་རྣམས་ལ་ཆུའི་སྦྱིན་པ་རྒྱ་ཆེན་པོ་བགྱིས་པ་འདི་ལ་བརྟེན་ནས། ཆུ་དེའི་བདག་པོ་ཀླུ་ཡིན་པས་ཀླུའི་རྒྱལ་པོ་དགའ་བོ་དང་། ཉེ་དགའ་བོ་ལ་སོགས་པ་མདོར་ན་སྲིད་པ་འདི་ན་རླན་ཤིང་གཤེར་བ་ཆུ་ཀླུང་། ཆུ་མིག །རྫིང་བུ་སོགས་ཀྱི་བདག་པོ་རྣམས་དམིགས་ཡུལ་དུ་བྱས་ནས། དགེ་བའི་རྩ་བ་དེས་སྦྱིན་པའི་བདག་པོ་དང་ཀླུ་རྣམས་ལམ་ལྔ་རིམ་གྱིས་བགྲོད་ནས་སངས་རྒྱས་ཀྱི་གོ་འཕང་ཐོབ་པའི་སྨོན་ལམ་གདབ་པ་སྟེ། དེའང་། སྦྱིན་པ་དམ་པ་ནི་ཚོགས་ལམ་ཡིན་ཏེ། དེའི་སྐབས་སུ་ཞི་གནས་དང་། ལྷག་མཐོང་དང་། བསོད་ནམས་དང་ཡེ་ཤེས་ཀྱི་ཚོགས་འཇིག་རྟེན་པ་ལམ་མ་ཞུགས་པ་རྣམས་ལས་ཆེས་ཁྱད་པར་དུ་འཕགས་པའི་ཚོགས་བསགས་ཚུལ་ཡོད་པའི་ཕྱིར་རོ། །སེམས་ཀྱི་རྒྱན་ནི་སྦྱོར་ལམ་གྱི་སྐབས་ཡིན་ཏེ། དེའི་སྐབས་ཀྱི་དགེ་རྩ་ཐམས་ཅད་མྱ་ངན་ལས་འདས་པའི་རྒྱུར་འགྱུར་ངེས་པས། སྤོས་ཀྱི་གླང་པོ་ཆེ་ལ་གསེར་གྱི་དྲྭ་བས་གཡོགས་པ་ལྟར་རྣལ་འབྱོར་པའི་སེམས་ལ་ཤིན་ཏུ་མཛེས་པ་བསྐྱེད་པའི་ཕྱིར་རོ། །སེམས་ཀྱི་ཡོ་བྱད་ནི་མཐོང་ལམ་གྱི་གནས་སྐབས་ཡིན་ཏེ། དེའི་ཚེ་ཆོས་ཉིད་སྤྲོས་བྲལ་གྱི་གནས་ལུགས་མངོན་སུམ་དུ་རྟོགས་པས་ཚོགས་གཉིས་དངོས་སུ་འབྲེལ་བའི་སྟོབས་ཀྱིས་ཡང་དག་པའི་ལྟ་བ་ལ་སོགས་པས་རྣལ་འབྱོར་པའི་སེམས་རབ་ཏུ་ཕྱུག་པར་བྱེད་པའི་ཕྱིར་རོ། །རྣལ་འབྱོར་གྱི་ཚོགས་ནི་སྒོམ་ལམ་གྱི་གནས་སྐབས་ཡིན་ཏེ་དེའི་ཚེ་ཞི་གནས་དང་ལྷག་མཐོང་ཟུང་དུ་འབྲེལ་བའི་རྟོགས་པ་ཁྱད་པར་ཅན་གོང་ནས་གོང་དུ་གོམས་པར་བྱེད་ཅིང་། ཡང་དག་པའི་རྟོག་པ་ལ་སོགས་པ་རྣལ་འབྱོར་པའི་ཏིང་ངེ་འཛིན་གྱི་ཚོགས་ཀུན་ནས་འཕེལ་བར་བྱེད་པའི་ཕྱིར་རོ། །དོན་གྱི་མཆོག་ནི། མཐར་ཕྱིན་པའི་ལམ་གྱི་སྐབས་ཡིན་ཏེ། རང་བཞིན་གྱི་དོན་གཉིས་ལྷུན་གྲུབ་ཏུ་འབྱུང་བའི་སྐུ་གསུམ་ཕྲིན་ལས་དང་བཅས་པ་ལ་དབང་ཐོབ་ཅིང་ཡུན་རིང་པོ་ནས་འབད་པར་བྱས་པའི་དོན་ཐམས་ཅད་གྱི་ཕུལ་དུ་ཕྱིན་པ་ཕན་པའི་ཕྱིར་རོ། །ཞེས་ཁྲོ་ཕུ་ལོ་ཙཱ་བ་བྱམས་པའི་དཔལ་གྱི་གསུང་རབ་ལས་འབྱུང་ཞིང་། ཡང་མངོན་པ་ནས། སྦྱིན་པ་དམ་པ་སེམས་ཀྱི་རྒྱན་རྫུ་འཕྲུལ། སེམས་ཀྱི་ཡོ་བྱད་འཕགས་ལམ་བརྒྱད་དང་། རྣལ་འབྱོར་གྱི་ཚོགས་ཏིང་ངེ་འཛིན་གྱི་ཚོགས་དང་། དོན་གྱི་མཆོག་མྱང་འདས་ལ་བཤད་དོ།། །། ༈ སྤྱན་རས་གཟིགས་བརྒྱ་རྩ་ལས། །དེ་ལྟར་རིང་ནས་ལམ་གོམས་པའི། །བློ་ལྡན་དུས་ལས་འདས་གྱུར་ཚེ། །འཕགས་པ་ངན་སོང་སྦྱོང་དཔལ་གྱི། །ཆོ་གས་བདུན་ཕྲག་བདུན་དུ་སྦྱང། །རོའམ་རུས་པ་གོས་སམ་མིང་། །རྟེན་དེའི་མདུན་དུ་བཞག་ནས་སུ། །མ་དག་པ་དང་དག་པ་ཡི། །དཀྱིལ་འཁོར་གཉིས་ལ་རྟེན་གཉིས་བཞག །བརྡེག་དང་བསྲེག་དང་བཀྲུ་བ་ཡིས། །དྲི་མ་གཞིག་གཞོམ་དད་པ་དག །དཀྱིལ་འཁོར་ནག་པོ་བྱ་བས་ཏེ། །བརྟེན་དང་དབང་བསྐུར་བྱ་བ་ལའོ། །ཡུངས་ཀར་བྱེ་མ་ཐལ་ཆེན་ལ། །རིག་པ་བཟླས་ནས་བསྣུན་བྱ་ཞིང་། །སྦྱིན་སྲེག་ཆོ་གའི་བྱ་བ་ཡིས། །རྟེན་བཅས་བག་ཆགས་འབད་དེ་བསྲེག །ངན་སོང་སྦྱོང་བའི་སྐུ་གསུང་ཐུགས། །བཞུ་བའི་ཆུས་བཀང་བུམ་པར་བླུགས། །རྡོ་རྗེའི་གླུ་བླངས་རིག་པ་བཟླ། །མ་ལུས་དྲི་མ་བཀྲུ་བར་བྱ། །ཨོཾ་ཨཱཿཤྲཱི་སརྦ་དུརྒ་ཏི་པ་རི་ཤོ་དྷ་ནེ་རཱ་ཛཱ་ཡ། ཨ་མུ་ཀེ་ཀཱ་ཡ་ཝཱ་ཀ་ཙིཏྟ་སརྦ་པཱ་པཾ་ཏོ་ཥ་པ་ར་ཎ་བྷཾ་ག་བྷཾ་ག་དྲ་ཧ་དྲ་ཧ་བཱ་ར་ཙྪ་བཱ་ར་ཙྪ། ཤོ་དྷ་ཡ་ཤོ་དྷ་ཡ་ཕཊ་ཕཊ་སྭཱ་ཧཱ། དེ་རྗེས་དྲི་མ་དག་པའི་སེམས། །ལྷག་པའི་ལྷ་ལ་བཅུག་ནས་ནི། །ཇི་བཞིན་དབང་བསྐུར་བྱས་ཏེ་མཆོད། །དགའ་སྟོན་ཆེན་པོ་སྦྱིན་པར་བྱ། །ཞེས་སོ། །གཞན་ཡང་འདི་སྐོར་ལ་ལས་ཀྱི་ཚོགས་ཁྱད་པར་དུ་འཕགས་པ་ཡོད།། །། ༈ མཚམས་ཀྱི་སྐབས། མི་གདོང་གསར་སོགས་ཡོང་རྒྱུའི་སྔོན་དུ་གྲིབ་བྱུང་ན་འགྲུལ་སྣ་ཡིན་པས་སྲུང་འཁོར་ནན་ཆེར་བསྒོམ། རྗེས་སུ་བྱུང་ན་གྲིབ་ཡིན་པས་ཁྲུས་ཀྱི་རྣལ་འབྱོར་བྱ། གཞན་ཡང་གདན་མི་སྤྲུགས། ཁ་མི་བཤལ། མཚོན་རྩེ་ཁར་མི་འཇུག །སྐྲ་སེན་ཁ་སྤུ་མི་བྲེག །གདན་ཁར་གཞན་མི་གཏོང་། སྔགས་ཕྲེང་ལ་གཅེས་སྤྲས་ཆེ་བར་བྱ། གལ་ཏེ་ཉམས་ན་རུ་རྟ་དང་སྤོས་དཀར་གྱི་ཆུས་བཀྲུ། ལྕེ་དང་མཚེར་པ་མི་ཟ། ལན་ཚྭ་ལ་ཕུག་སྒོག་བཙོང་ཤ་རུལ་ཆང་སྐྱུར་རྣམས་སྤང་ཐུབ་ན་ལེགས། མ་གྲུབ་ན་ཟ་དུས་དབྱངས་གསལ་བཟླ། མཆིལ་མ་འགྲིམ་ལམ་དུ་མི་འདོར། གཞན་དུ་འགྲོ་དགོས་བྱུང་ན་གདན་གྱི་ཁར་ཕྲེང་བ་སྦྲུལ་མདུད་ཀྱིས་བཞག་པ་སོགས་སྤང་བླང་རྒྱས་པ་སྔགས་སྡེབ་སོགས་ལས་འབྱུང་བ་ལྟར་ཤེས་པར་བྱའོ།། ༈ །། ཚེ་རྟེན་ཨ་ལ་དཀར། སྲོག་རྟེན་ནྲྀ། ལྗང་། བསོད་ནམས་བྷྲཱུྃ་ སྨུག །ལ་དབང་ཐང་ཛཿ ལྗང་། ཞེས་སོ།། །། ༈ ཞི་བ་སྤྱིའི་རྒྱན་ཆས་ཕྱི་འགྱུར་གྱི་སྐབས་སུ། དར་གྱི་རྒྱན་དང་། རིན་པོ་ཆེའི་རྒྱན་བརྒྱད་ལས། དང་པོ་ལ། སྟོད་གཡོགས་ནི། དར་ བཟང་པོ། ཁ་དོག་ལྔ་ ལྡན་གྱི་ཆོས་གོས་ལྕགས་རི་མེད་པ་གཅིག་གིས་རྐེད་པ་ཡན་གྱི་སྐུ་སྟོད་ཁེབས་ཤིང་དཔུང་པའི་ཐད་ཀར་རླུང་གིས་བསྐྱོད་པའི་སྟོབས་ཀྱིས་ཕུར་མ་ལྷབ་ལྷུབ་ཏུ་འབྱུང་བའོ། །སྨད་གཡོགས་ནི། དར་གྱི་ཤམ་ཐབས་ལྟ་བུ་ཞིག་གིས་རྒྱབ་མདུན་དུ་དཀྲིས་པའོ། །གཉིས་པ་ལ། དབུ་རྒྱན་ནི། རིན་པོ་ཆེའི་སྲོག་ཞུ་རིམ་པ་གསུམ་ལྡན་དབུ་སྐྲ་གྱེན་དུ་བཅིངས་པའི་སྟེང་མནབས་པ། རིན་པོ་ཆེའི་རྩེ་བྲན་ལྔའི་དབུས་སུ་རིགས་ལྔ་བཞུགས་པ། རྣ་བའི་ལྟག་ཏུ་ཨུཏྤལ་རྒྱས་པའི་རྣ་རྒྱན་གཉིས་ལས་དར་དཔྱངས་འཕྱང་པའོ། །རྣ་རྒྱན་༢ནི། རིན་པོ་ཆེའི་རྣ་གོར་རིན་པོ་ཆེ་སྣ་ཚོགས་ཀྱི་ཕྲས་མཛེས་པ། མགུལ་རྒྱན་༣ནི། གཡས་གཡོན་དབུས་གསུམ་དུ་རིན་པོ་ཆེའི་གཞུང་གསུམ་བྱས་པའི་བར་རྣམས་རིན་པོ་ཆེའི་དྲྭ་བ་སྦྲེལ་བ་མགུལ་པར་འཁྱིལ་བ་ལས་འཕྱང་འཕྲུལ་ཅུང་ཟད་དང་བཅས་པ། ལག་གདུབ་༤ནི། རིན་པོ་ཆེའི་གཞུང་གསུམ་གྱི་བར་དུ་རིན་པོ་ཆེའི་ཕྲེང་བས་སྦྲེལ་བ། ཆེ་བ་གཉིས་ཀྱིས་དཔུང་པ་དང་། ཆུང་བ་གཉིས་ཀྱིས་མཁྲིག་མ་གཉིས་བརྒྱན་པ། རྐང་གདུབ་༥ནི། ལག་གདུབ་དང་འདྲ་བ་ལས། ཐ་མ་གཉིས་སུ་རིན་པོ་ཆེའི་ཟ་ར་ཚག་མང་པོ་འཕྱང་བ། སྐེ་རགས་༦སམ་འོག་ལྤགས་སམ་རྐེད་རྒྱན་ནི། དབུས་དང་གཡས་གཡོན་རྣམས་སུ་རིན་པོ་ཆེའི་གཞུང་ལྔ་གྱེན་དུ་བྱས་པའི་བར་རྣམས་སུ་དྲྭ་བས་སྦྲེལ་ཞིང་སྨད་དུ་ཟ་ར་ཚག་མང་པོ་འཕྱང་བས་མདུན་ཕྱོགས་ནས་ཕྱིར་རྐེད་པར་བརྒྱན་པ། དོ་ཤལ་༧ནི་རིན་པོ་ཆེའི་ཕྲེང་བ་ཆེ་ཆུང་སྤེལ་བས་མགུལ་ནས་ལྟེ་འོག་ཡན་ཆད་འཁོར་བ། སེ་མོ་དོ་༨ནི། རིན་པོ་ཆེའི་ཕྲེང་བ་དེ་ལས་ཐུང་བ་ནུ་མའི་བར་སླེབས་པའོ།། །། ༈ སྔ་འགྱུར་གྱི་གཞུང་རྣམས་སུ། །དར་དཀར་པོ་གསེར་གྱི་ངང་པའི་རི་མོ་ཡོད་པ་ཅན་གྱི་སྟོད་གཡོགས། ཚི་གུ་ཞེས་ཁ་དོག་སྣ་ཚོགས་སུ་འཆར་བའི་དར་གྱི་སྨད་དཀྲིས། དར་སྣ་ཚོགས་རྣ་རྒྱན་ལས་འཕྱངས་པའི་ཅོད་པན། དར་ཤམ་གྱི་སྟེང་དུ་སུལ་ཐུང་མཐིང་ག་ནི་ཟི་སྡིར། ཡང་གཞན་དག་དར་མཐིང་ཁྲའི་འཕན་དབྱིབས་ལྟག་པ་ནས་ཕྱིར་འཕྱང་བའོ། །ཞེས་པར་བཞེད། གར་གྱི་ཕུ་དུང་འདི་ལ་ལར་ཕོད་ཀ་འདྲ་བ་བྲིས་སྣང་ནའང་དཔྱད། ཞེས་དར་དཔྱངས་ཀྱི་གར་གྱིས་ཕྱག་གཉིས་ལ་དཀྲིས་པ་བཅས་དར་གྱི་རྒྱན་ལྔ། དེ་སྟེང་སྔར་གྱི་རིན་པོ་ཆེའི་རྒྱན་བརྒྱད་བསྣན་པས་རྒྱན་ཆས་བཅུ་གསུམ་མོ།། །། ༈ སྦྱང་ཆས་བྱང་བུ་སོགས་ཀྱི་གཡས་ནས་རིམ་བཞིན། གཏོར་མ༡། ཏིང་ལོ་ཆང་བུ་སོགས་རེ་རེ་ནས་བཤམ། རྟེན་ལ་བསྐོར་དུས་དང་པོ་དབུས་དང་དེ་ནས་གཡས་གཡོན་ལེན། སློབ་དཔོན་གྱིས་གཡས་མཆོག་སྦྱིན་དང་གཡོན་སྐྱབས་སྦྱིན་གྱི་ཕྱག་རྒྱ་དང་བཅས་ནམ་མཁའ་མཛོད་ཀྱི་སྔགས་བརྗོད། ཏིལ་སྦྱང་སྐབས། ཏིལ་དེ་ཉིད་ལས་རྡོར་གྱིས་རྡོ་རྗེ་ཁུ་ཚུར་གྱིས་བཟུང་ལ། རྟེན་ལ་ལག་གཡས་ཀྱིས་གཡས་དང་། གཡོན་པས་གཡོན། གཉིས་ཀས་གཡས་སུ་བསྐོར་ལ། མཐར་ལག་གཉིས་བསྣོལ་ནས་མེ་ཆུར་དོར། ལས་རྡོར་གྱིས་བསྙེན་པ་མ་སོང་ན་དཀྱིལ་འཁོར་ལ་ཁྲུས་བྱ་བར་མི་རུང་བས་ངེས་པར་བསྙེན་པ་རྫོགས་པས་བྱ། ། ༈ སྐྱབས་གསོལ་སོགས་ཀྱི་སྐབས། བདག་གིས་དང་། ཚེ་འདས་ཞེས་བརྗོད་པ་གང་ཡང་མི་འགལ་ཏེ། སྔ་མ་ནི་རྗེས་ཟློས་བྱེད་པའི་དབང་དུ་བྱས་ལ། ཕྱི་མ་ནི་སློབ་དཔོན་རང་ཉིད་ཀྱིས་ངོ་ཆེན་གྱི་ཚུལ་དུ་དཀྱིལ་འཁོར་གྱི་ལྷ་ལ་སྐྱབས་སུ་འགྲོ་བ་ཡིན་ནོ། །འོན་ཀྱང་དམིགས་རྣམ་དང་བརྡའ་སྤྲོད་ལུགས་མ་ནོར་བ་གལ་ཆེ། འདོད་ཡོན་བསྔོ་བར། གཟུགས་ལ་མེ་ལོང་སྟེང་རྡོ་རྗེ་བཞག་པ། སྒྲར་ཏིང་ཤག །དྲི་ལ་བཏུང་བའི་རིགས་དང་རྣམ་རྒྱལ་བུམ་ཆུ་བསྲེས་པ། རོ་ལ་བཟའ་བཅའི་རིགས། རེག་ལ་གོས་ལིང་དར་སོགས་བཤམས་པར་བཤད་ནའང་པར་བཀབ་མེད། བྱང་སྲེག་སྐབས་བདག་མདུན་གྱི་འོད་ཟེར་སྤྲོ་བསྡུ་སོགས་ནི་རིག་བཟོ་ཙམ་སྟེ། ཆོས་ཐམས་ཅད་བདག་མེད་པའི་གནས་ལུགས་ལ་བློ་བཞག་པ་ཁོ་ནས་འཐུས། ཞག་གསུམ་ལྟ་བུའི་ཚེ་ཆོ་ག་དང་འཕོ་བ་སྦྲེལ་མ་བྱེད་ན། ཕུང་པོ་ཉིད་བསང་སྦྱང་ནས་ཟས་གཏད་པར་དཀྱུས་ལྟར་གསལ་འདེབས་དང་། འཕོ་བ་སོགས་དཀྱུས་ལྟར་དང་། ཡང་བགེགས་སྦྱང་བ་ཙམ་སྔོན་དུ་འགྲོ་བས་དབང་བསྐུར་མཐར་འཕོ་བ་མཛད་པའི་སྲོལ་གཉིས་ཡོད། རྣམ་པར་དཔྱད་ན་ཞག་གསུམ་ཚུན་རྣམ་ཤེས་ཕུང་པོར་གནས་པའི་དབང་དུ་བྱས་ཚེ་རྣམ་ཤེས་དགུག་བསྟིམ་སོགས་མི་འོས་ཀྱང་། སྡིག་པ་སྦྱང་བ་ནི་ངེས་པར་འོས་པས་གསོན་པོ་ལ་བྱ་བ་བཞིན་ཕྱིར་ལྡོག་དབང་དང་བཅས་པའི་མཐར་འཕོ་བ་སོགས་མཛད་ན་ལེགས་སོ། །བྱང་བུ་མི་སྲེག་ན་ཟས་གཏད་ཀྱི་རྗེས་སུ་ཚེ་འདས་ཀྱི་རྣམ་ཤེས་རྡོ་རྗེ་སེམས་དཔར་གསལ་བ་མདུན་གྱི་ནམ་མཁར་སྤར་ནས་ལམ་བསྟན། བྱང་བུ་སྲེག་ན། རྣམ་ཤེས་ནམ་མཁར་སྤར་རྗེས་བྱང་བུ་བསྲེག །དེ་ནས་ལམ་བསྟན། ཕུང་པོ་ཡོད་ཚེ་རྣམ་ཤེས་སྤྱི་བོའི་འོད་དཔག་མེད་ཀྱི་ཐུགས་ཀར་འཕོ་ཚར་ནས་ལམ་བསྟན། ལམ་བསྟན་སྦྱང་གཉིས་སྔོན་རྗེས་སྣ་ཚོགས་སུ་སྣང་ནའང་རང་རང་གི་ལུགས་དེ་ལས་འགལ་བ་མེད། བྱང་བུ་བསྲེགས་ནས་སཱཙྪ་ཚུལ་བཞིན་དུ་བྱས་པ་ཉིད་བཟླས་ཡུངས་དང་བྱེ་མ་བཅས་རྒྱ་མཚོར་འབབས་པའི་ཆུ་བོར་སྤྱན་འདྲེན་པ་ལེགས། བདུན་ཚིགས་ཀྱི་དོན། ཤི་ནས་ཞག་བདུན་གྱི་ཚེ་བདུན་དང་པོ་སོགས་རིམ་པར་འཛིན་པའི་ཁུངས། སྦྱོང་རྒྱུད་ལས། ལྷ་ཡི་བུ་ནོར་བུ་དྲི་མ་མེད་པ་ཤི་ནས་ཞག་བདུན་ནས་ངན་སོང་དུ་སྐྱེ་བར་གསུངས་པ་དང་འབྲེལ། གཞན་དག་ཞག་གསུམ་པར་རྣམ་ཤེས་ཕུང་པོར་གནས་པས། བདུན་ཚིགས་ཀྱི་མགོ་ཞག་བཞི་པ་ནས་འཛིན་པར་མཛད་དོ། །ཀུན་བཏུས་ལས། ཇི་ལྟར་ཐོགས་ན་ཞག་བདུན་གནས་ཏེ། ཞེས་དང་། གལ་ཏེ་མ་རྙེད་ན་ས་སྡེ་ལས། ལུས་བརྗེས་ནས་ཡང་ཞག་བདུན་བར་དུ་གནས་སོ། །ཤིན་ཏུ་བུལ་བ་རྣམས་ཀྱིས་སྐྱེ་བའི་རྐྱེན་མ་རྙེད་ན་ཞག་བདུན་ཕྲག་བདུན་གྱི་བར་དུའང་གནས་སོ། །དེ་ཕན་ཆད་ནས་སྐྱེ་བའི་རྐྱེན་རྙེད་པར་འགྱུར་རོ། །ཞེས་གསུངས་པ་སྤྱིར་བཏང་གི་དབང་དུ་མཛད་པ་ལས། དམིགས་བསལ་ལ་ནི་ངེས་པ་མེད་དེ། མདོ་སྡེ་དག་ལས་ལོ་དང་བསྐལ་པར་གནས་པའང་བཤད་ཕྱིར། དགེ་རྒྱུན་ནར་མར་བཏང་བ་ནི་བར་དོར་ཡུན་རིང་དུ་གནས་པ་ལ་ཕན་གདགས་པ་དང་། གལ་ཏེ་ངན་སོང་སོགས་སུ་སྐྱེས་ནའང་དེའི་ཆེད་དུ་ལས་བྱས་པས་སྒྲིབ་པ་དག་པའི་ཕྱིར་ཏེ། རྒྱུད་ལས། སྦྱིན་སྲེག་མངོན་པར་དབང་བསྐུར་ན། །གདོན་མི་ཟ་བར་བདེ་འགྲོར་སྐྱེ། །ཞེས་སོ། །མདོར་ན་རྡོ་རྗེ་སློབ་དཔོན་རབ་ཀྱིས་ལམ་བསྟན་ན་གྲོལ་བར་ནུས་པ་དང་། འབྲིང་གིས་ཀྱང་ངན་སོང་གི་སྐྱེ་བ་ལས་ལྡོག་པར་འགྱུར་བ་དང་། ཐ་མས་ཀྱང་ཆོ་ག་ཚུལ་བཞིན་དུ་བྱས་པས་ཅི་རིགས་པའི་སྨན་ཡོན་དུ་འགྱུར་བས་ན་བསྙེན་པ་ལས་སུ་རུང་བས་ཆོ་ག་ཚད་ལྡན་གྱིས་རྗེས་སུ་འཛིན་པ་ཤིན་ཏུ་གལ་ཆེའོ། ། ༈ འོད་དཔག་མེད་ཀྱི་སྒོ་ནས་འཕོ་བའི་རྣལ་འབྱོར་ཟབ་མོའི་དམིགས་རིམ། རང་དང་གཞན་གང་ལའང་རུང་སྟེ། ལུས་ཕྱི་བལྟས་ནང་གསལ་འོད་ཀྱི་རང་བཞིན་ཅན་གྱི་དབུས་དྲང་པོར་ལྟེ་བ་ནས་སྤྱི་གཙུག་བར་རྩ་དབུ་མ་པདྨའི་སྣལ་མ་ལྟར་ཕྲ་བ། ཆུ་ཤིང་གི་སྡོང་པོ་ལྟར་དྲང་བ། རྒྱ་སྐྱེགས་ཀྱི་མེ་ཏོག་ལྟར་དམར་ཞིང་སྣུམ་པ། ཏིལ་གྱི་མར་མེ་ལྟར་གསལ་དྭངས་འོད་ཀྱི་རང་བཞིན་ཅན་ཏེ་ཆོས་བཞི་ལྡན་སྦོམ་ཕྲ་གྲོ་སོག་འབྲིང་པོ་ཙམ་མམ་མདའ་སྨྱུག་འབྲིང་པོ་ཙམ་གང་བདེ་བསྒོམས་པའི་སྙིང་གའི་ཐད་དུ་རླུང་སེམས་འཇུག་པ་གཅིག་ཏུ་འདུས་པའི་ངོ་བོ་ཨ་ཡིག་དཀར་པོ་འོད་ཀྱི་རང་བཞིན་ཅན་ཞིག་བསམས་ཏེ། ངག་ཏུ་ཨ་ཞེས་སྐད་གདངས་རིང་པོར་བརྗོད་པས་སྙིང་གའི་ཨ་ཡིག་དེ་ཉིད་འདར་ཁྲི་ལི་ལི་ཡར་འཕར་ལ་ཁད་པ་ཞིག་གསལ་བཏབ་ལ། ཕཊ྄་ཅེས་དྲག་ཏུ་བརྗོད་པས་ཨ་དེ་ཉིད་སྐར་མདའ་འཕངས་པ་བཞིན་འོད་དཔག་མེད་ཀྱི་ཐུགས་ཀར་ཐིམ་པར་བསམས་ལ་མཉམ་པར་བཞག །སླར་མར་ཕབ་པ་སོགས་སྤྱི་ལྟར། ཚེ་འདས་ལ་འོད་དཔག་མེད་ཀྱི་ཐུགས། རང་སེམས། ཚེ་འདས་ཀྱི་རྣམ་ཤེས་བཅས་དབྱེར་མེད་དུ་ཅུང་ཟད་རེ་མཉམ་པར་བཞག །ཡང་སྔར་ལྟར་ཨ་ཡིག་ཞིག་གསལ་བཏབ་ལ་འཕོ་བ་སོགས་ལན་གསུམ་མམ་ཡིད་ཆེས་མ་སྐྱེས་བར་བསྐྱར། ཡང་ན། ཨ་ཕཊ྄་ཚར་གསུམ་གྱི། དང་པོས་ཨ་ཡིག་དེ་སྙིང་ག་ནས་མགྲིན་པར། གཉིས་པས་སྤྱི་བོར། གསུམ་པས་འོད་དཔག་མེད་ཀྱི་ཐུགས་ཀར་འཕོ་བ་ཡང་ཡོད་དེ་གང་བདེ་བྱའོ། །འདི་རྣམས་ཞལ་གྱི་གདམས་པ་སྟེ་གཞན་གཞུང་ལྟར་རོ།། །། ༈ དཀོན་བརྩེགས་ཉེ་བར་འཁོར་གྱིས་ཞུས་པའི་ལེའུ་ལས། ཕུང་པོ་གསུམ་པའི་ཆོས་ཀྱི་རྣམ་གྲངས་ཉིན་ལན་གསུམ་མཚན་ལན་གསུམ་བརྗོད་པས་ཉེས་པ་བགྱིད་པའི་གནས་ལས་ངེས་པར་འབྱུང་ཞིང་ཏིང་ངེ་འཛིན་ཀྱང་ཐོབ་པར་འགྱུར་རོ། །ཞེས་སོགས་རྒྱ་ཆེར་གསུངས་སོ།། །། ༈ དོན་ཞགས་ཀྱི་ཆོ་ག་ཞིབ་༡༨༠མོར། ཨོཾ་པདྨོ་ཥྞཱི་ཥ་བི་མ་ལེ་ཧཱུྃ་ཕཊ྄། གསང་སྔགས་ཀྱི་སྙིང་པོ་ཡི་གེ་བཅུ་པ་འབུམ་བཟླས་བརྗོད་བྱས་ན་ཕྱིར་མི་ལྡོག་པ་ཉིད་དུ་གྱུར་ནས་ས་བཅུ་པ་ལ་གནས་འགྱུར། ཅེས་སོགས་དང་། དུང་ལ་ལན་བདུན་བཟླས་བརྗོད་བྱས་ནས་གནས་མཐོན་པོར་བུས་ན་སེམས་ཅན་གང་དག་དུང་དེའི་སྒྲ་ཐོས་པའི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། རི་དྭགས་དང་། བྱ་དང་། དུད་འགྲོའི་སྐྱེ་གནས་སུ་གཏོགས་པ་དེ་དག་ཐམས་ཅད་མཐོ་རིས་ཀྱི་འཇིག་རྟེན་དུ་གཞོལ་བར་འགྱུར་རོ། །ཞེས་དང་། ཙན་དན་ལ་ལན་བདུན་བཟླས་བརྗོད་བྱས་ནས་དགེ་འདུན་གྱི་ཀུན་དགའ་ར་བའམ། མཆོད་རྟེན་གྱི་འཁོར་སའམ། དགེ་འདུན་གྱི་ནང་ངམ། སྐྱེ་བོ་མང་པོའི་ནང་ངམ། རྒྱལ་པོའི་ཕོ་བྲང་དུ་བདུགས་ན་གང་དག་དེར་དྲི་མནམས་པའི་སེམས་ཅན་དེ་ཐམས་ཅད་སངས་རྒྱས་ཀྱི་སྐུ་ཡོངས་སུ་རྫོགས་པར་འགྱུར་རོ། །ཆོས་གོས་ལ་བདུགས་ནས་གང་གི་ལུས་ལ་གྱོན་པ་དེའི་སྡིག་པ་དང་སྒྲིབ་པ་ཐམས་ཅད་རྣམ་པར་འཇིག་པར་འགྱུར་རོ། །ཞེས་སོགས་རྒྱ་ཆེར་གསུངས་ཤིང་དེའི་ཐིག་ལེའི་ཆོ་གར། །གང་ཞིག་རིལ་བུ་དེ་དག་བརྟེན། །རིལ་བུ་ཐིག་ལེ་རྟག་བྱེད་ལ། །དེ་བཞིན་གཤེགས་ཀུན་དགོངས་པར་མཛད། །འཇིག་རྟེན་ཕ་རོལ་ཤིན་ཏུ་བདེ། །ཚེ་བརྗེ་བ་ནི་འཕོས་ནས་སུ། །བདེ་བ་ཅན་དུ་མོད་ལ་འགྲོ། །གང་དང་གང་དུ་སྐྱེ་བར་ནི། །ཚེ་རབས་རྟག་ཏུ་ཚེ་རབས་དྲན། །ལག་ན་རྡོ་རྗེ་གནོད་སྦྱིན་ཆེ། །གནོད་སྦྱིན་བྱེ་བས་ཡོངས་བསྐོར་ཞིང་། །དུས་ཀུན་དུ་ནི་བསྲུང་བ་དང་། །སྐྱོབ་དང་སྦེད་དང་སྲུང་བར་བྱེད། ཅེས་སོགས་གསུངས་ཤིང་། རིལ་བུ་གསང་སྔགས་འབུམ་བཟླས་པས་བསྒྲུབ་པར་གསུངས་སོ། །ཡང་དེ་ཉིད་ལས་གླེགས་བམ་མཐོང་བ་ཙམ་གྱིས་ཕྱིར་མི་ལྡོག་པ་སོགས་རྒྱ་ཆེར་བསྟན་ཏོ།། །། ༈ སློབ་དཔོན་ངག་དབང་གྲགས་པས་འཆི་བདག་བསླུ་བའི་རྟོག་པར། །འཆི་བདག་ཀུན་ཏུ་བསླུ་བ་ནི། །གྲོལ་བ་ཉིད་ལ་རིགས་པ་ཡིན། །མ་གྲོལ་བ་ནི་ཐམས་ཅད་ཀྱི། །ཅུང་ཟད་དུས་སུ་བསྲིང་བ་ཡིན། །ཚེ་དང་དབང་པོ་རྣམས་དང་སེམས། །འགག་པ་འཆི་བའི་མཚན་ཉིད་དེ། །ཐབས་ཀྱིས་ཡུན་རིང་འཚོ་བ་ནི། །འཆི་བ་བསླུ་བ་ཞེས་བཤད་དོ། །ཆོས་སྤྱོད་དབང་པོ་ཐུལ་བ་ནི། །འཁོར་བ་རུ་ནི་ཇི་སྲིད་འཚོ། །དེ་སྲིད་བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །འཁོར་བར་སྲོག་ལས་གཅེས་པ་ནི། །ཅི་ཡང་ཡོད་པ་མ་མཐོང་སྟེ། །དེ་བས་མྱུར་དུ་ཐབས་མང་པོས། །འཆི་བ་བསླུ་བ་ཀུན་ཏུ་སྤྱད། །ཅེས་སོགས་ནས་བརྩམས་ཏེ་ཕྱི་དང་། །ནང་གི་འཆི་ལྟས་བརྟག་པ་དང་། །ཕྱི་དང་ནང་གི་ཐབས་ཀྱིས་བསླུ་བ་སྟེ་ལེའུ་བཞིར་མཛད་དོ། །དེའི་ལེའུ་གསུམ་པ་ལས། །ཕྱི་དང་ནང་གི་བདག་ཉིད་ཀྱི། །འཆི་ལྟས་ཚོགས་ནི་ཤེས་བྱས་ནས། །ཕྱི་དང་ནང་གི་བདག་ཉིད་ལའང་། །བསླུ་བའི་བསྡུས་པ་ཤེས་པར་བྱ། །ལུས་དང་ངག་གི་ལས་ཀྱི་ཕྱི། །བསམ་གཏན་ལས་ཀྱི་ནང་གི་ཡིན། །ནོར་བུ་སྨན་སོགས་ཕྱི་ཡིན་ཏེ། །རྣལ་འབྱོར་ནུས་པ་ནང་གིའོ། །ཞེས་དང་། ཕྱིའི་འཆི་བསླུ་བཤད་པར། །དད་པ་སྔོན་དུ་འགྲོ་བས། །བྱ་དང་ཉ་དང་རི་དྭགས་སྦྲུལ། །རྐུན་པོ་གསད་པའི་ཕྱོགས་གཏོགས་རྣམས། །སྲོག་བསྐྱབས་པ་ཡིས་འཕྲལ་དུ་ནི། །ཚེ་ཐུང་བ་ཡང་ཚེ་རིང་འགྱུར། །ཅེས་སྲོག་བསྐྱབ་པ་དང་། དེ་བཞིན་དུ་བསླབ་གཞི་བསྲུང་བ། འཇིགས་པ་ལས་བསྐྱབ་པ། ཚུལ་གནས། མཆོད་པ། མཆོག་ལ་བཀུར་བ། འདོད་པའི་ལྷ་ལ་གུས་པ། །མཆོད་རྟེན་སོགས་འཇིག་པ་གསོ་བ། རྟེན་བཞེངས་པ། དགེ་འདུན་མཆོད་པ། མདོ་བཀླག་པ། གཟུངས་བཟླ་བ། དཀྱིལ་འཁོར་མཆོད་པ་སོགས་ཚོགས་སྤེལ་བའི་ལས་དང་། །ནོར་བུ་སྔགས་དང་སྨན་གྲུབ་དང་། །བཅུད་ལེན་སྟོབས་ཀྱིས་རང་ཉིད་ནི། །འཆི་བདག་ཕ་རོལ་གནོན་མཐོང་སྟེ། །རིག་འཛིན་གྲུབ་པ་ཇི་བཞིན་ནོ། །རིན་ཆེན་བརྟག་པའི་བསྟན་བཅོས་གང་། །རྟོག་ལ་མཁས་པས་རྡོ་རྗེ་འཆང་། །ཚེ་ཡི་ནོར་བུ་འཆང་བའང་རུང་། །དེ་བཞིན་ནོར་བུ་སྣ་ཚོགས་འཆང་། །ཨིནྡྲ་ནཱི་ལ་རིན་ཆེན་སོགས། །ནོར་བུ་ཆེན་པོ་གཞན་དག་ཀྱང་། འཆང་བར་བྱེད་པས་འཆི་བདག་ཀུན། །ཟློག་པར་འགྱུར་བར་ཐེ་ཚོམ་མེད། །ཅེས་སོགས་དང་། དབེན་པའི་གནས་སུ་རས་རིས་སོགས། །མདུན་དུ་མཆོད་པ་བྱས་ནས་ཀྱང་། །སྔགས་རྣམས་བཟླས་པ་ཙམ་གྱིས་ཀྱང་། །འཆི་བ་བསླུ་བ་འབྱུང་བར་འགྱུར། །ཅེས་མཚམས་སྦྱར་ནས། ཨ་རོ་ལྀ་ཀ་དང་། སྒྲོལ་དཀར། སྤྱན་མ། དེ་བཞིན་གཤེགས་པའི་ཡི་གེ་བརྒྱ་པ། སོར་འབྲང་སོགས་དང་། གྲུབ་པའི་སྨན་ནི་གཞན་དག་ཀྱང་། །ངེས་པར་བསྟེན་པར་གྱུར་པ་ཡིས། །ཚེ་འཕེལ་ནད་དང་རྒས་པ་ཡིས། །ཟད་པའི་འཆི་བ་མི་མཐོང་ངོ་། །ཅེས་སོགས་བཅུད་ལེན་གྱི་སྦྱོར་བ་སྟེ། རིན་པོ་ཆེ་དང་། སྔགས་དང་། སྨན་གྱི་བཅུད་ལེན་རྣམས་རིམ་པར་བཤད་ཅིང་། འབྲས་བུ་གསུམ་ནི་སྤྱིར་བསྡུས་པའམ། སོ་སོ་བྷྲྀངྒ་རཱ་ཛར་བཅས། །རྣལ་འབྱོར་པ་ཡིས་རྟག་སྤྱད་ན། །ཕན་ཞིང་བདུད་རྩིར་འགྱུར་བ་ཡིས། གཉེར་མ་སྐྲ་དཀར་རྣམས་དང་བྲལ། །རྡོ་རྗེའི་ལུས་ཀྱི་གཟུགས་བཟང་ལྡན། །བསྐལ་པ་ཡི་ནི་གྲངས་སྙེད་དུ། །འཆི་བ་ངེས་པར་བཟློག་པ་ཡིན། །ཅེས་དང་། ནང་གི་འཆི་བསླུ་ལ། ཐོག་མར་སྲུང་བའི་སླད་བགེགས་དགྲའི་གསང་སྔགས་འབུམ་བཟླ་བ་དང་། དེ་ནས་རིགས་ལྔ། འཇིག་རྟེན་དབང་ཕྱུག །སྒྲོལ་དཀར། ཡུམ་བཞི། འཆི་མེད་རྡོ་རྗེ་ལྷ་མོ། །སྤྱི་བོར་ཟླ་དཀྱིལ་བསྒོམ་པ། ལྕེ་ཆུང་གི་བདུད་རྩི་མྱང་བ་སོགས་དང་། འཇུག་པའི་རླུང་ནི་བགྲང་བྱ་ཞིང་། །རིམ་གྱིས་འབུམ་སོགས་གྲངས་ཀྱིས་ནི། །རྩེ་གཅིག་སེམས་ཀྱི་ཆོ་ག་བཞིན། །སྒྲ་མེད་པ་ཡི་བཟླས་པར་བཤད། །སྒྲ་མེད་བཟླས་པ་འབུམ་དུ་ནི། །ཆོ་ག་བཞིན་དུ་རྫོགས་གྱུར་ན། །མི་ནི་ཚེ་ཉམས་གྱུར་པ་ཡང་། །ལོ་ལྔའི་བར་དུ་འཚོ་བར་ངེས། །སོགས་དང་། ནང་པར་ལངས་ནས་སྟོང་ཕྲག་གཅིག །རྟག་ཏུ་ལེགས་པར་བསྒྲངས་ན་ནི། །ནད་རྣམས་ཀུན་ལས་ངེས་གྲོལ་ཞིང་། །ཉི་ཟླ་གནས་ཀྱི་བར་དུ་འཚོ། །ཞེས་དང་། ཡང་བུམ་ཅན་དང་། ནམ་མཁའི་བ་འཇོ་བ་སོགས་གསུངས་མཐར། །མཁས་པས་དངོས་པོ་མི་བསམ་ཞིང་། །དངོས་པོ་མེད་པའང་མི་བསམ་མོ། །དངོས་དང་དངོས་མེད་རྣམ་པར་སྤངས། །སྒོམ་པ་དེ་ནི་བསྒོམ་དང་བྲལ། །རྣམ་པ་ཀུན་གྱི་མཆོག་ལྡན་པ། །སྟོང་ཉིད་འཛིན་པ་རྣམ་སྤངས་པའི། །སྟོང་པ་ཉིད་ནི་རྟག་བསྒོམས་ན། །འཆི་བདག་གིས་ནི་མཐོང་མི་འགྱུར། །ཅེས་དང་། འཆི་བ་ཞེས་བྱའི་རྣམ་རྟོག་འདི། །དངོས་པོ་ཀུན་ལ་ཡོད་མིན་ཏེ། །སོ་སོ་སྐྱེ་བོའི་རྣམ་འཕྲུལ་གྱིས། །རྣམ་པར་རྟོག་པས་བཅོས་པ་ཡིན། །རྣམ་རྟོག་སྡུག་བསྔལ་ཐམས་ཅད་དེ། །རྣམ་པར་རྟོག་པ་བདུད་ཅེས་བཤད། །དེ་བས་རྣམ་པར་རྟོག་གཞོམ་ཞིང་། །རྣམ་པར་མི་རྟོག་ཉིད་དུ་བྱ། །ཞེས་སོགས་རྒྱ་ཆེར་གསུངས་སོ།། །། ༈ ཛམ་བྷ་ལར་ཕུལ་བའི་ཆུ་སྦྱིན་དེ་ལོངས་སྤྱོད་འབྱུང་བའི་རྟེན་འབྲེལ་དུ་ཆུ་ར་སོགས་སུ་བླུགས་པ་ཕྱག་ལེན་ནོ། །འཕྲོག་མ་ལ་ཅུང་སེང་སྟེར་བ་ཞེས་པ་ཆང་བུའི་བརྡའ་རྙིང་། ཆུ་སྦྱིན་སྐབས་ཐོག་མར་རང་ཉིད་ཁ་སརྤཱ་ཎིར་གསལ་བ། ཀཾ་ཀ་ནིའི་སྐབས་མི་འཁྲུགས་པ་དང་། ཛྙཱ་ན་ཨ་བེའི་སྐབས་ཡེ་ཤེས་སྐར་མདའ་སྔོན་པོ། །གཡས་དེ་བཞིན་གཤེགས་པའི་ཁུ་ཚུར་བཅངས་པ་སྙིང་གར་བཞག་པ། གཡོན་མཆོག་སྦྱིན་གྱི་ཕྱག་རྒྱས་ནོར་གཞོང་འདེགས་པར་གསལ། འབྲོག་གནས་མཆེད་ལྔ་ནི། ནོར་བུ་བཟང་པོ། གང་བ་བཟང་པོ། ཡང་དག་ཤེས། རྒྱལ་བ་ཁྱུ་མཆོག །སྲེད་སྤོང་དང་ལྔའོ། །གསང་སྔགས་རྗེས་འཛིན་གྱི་འགྲེལ་པར་འཕྲོག་མའི་བུ་དགའ་བྱེད་ལ་སོགས་པ་བརྒྱ། འཕྲོག་མའི་བུ་མཐའ་རྟགས་དང་དབང་ཕྱུག་ལ་སོགས་པ་བརྒྱ། འཕྲོག་མའི་བུ་དབུ་མ་ཁྱབ་འཇུག་ལ་སོགས་པ་བརྒྱ། འཕྲོག་མའི་བུ་གང་བ་དང་འོག་མ་ལ་སོགས་པ་བརྒྱ། འཕྲོག་མའི་བུ་སྐྱེ་དགུའི་བདག་ལ་སོགས་པ་བརྒྱ་སྟེ་ལྔ་བརྒྱའོ། །ལམ་རྒྱུད་ལྔ། ལྷ་གཡེང་བའི་ལམ། མི་གདམས་པའི་ལམ། དུད་འགྲོ་མུན་པའི་ལམ། ཡི་དྭགས་འགོགས་པའི་ལམ། དམྱལ་བ་གདུང་བའི་ལམ་རྣམས་ཞེས་བཤད་ཀྱང་དཔྱད་པར་བྱའོ།། །། ༈ འབྱུང་བཞིའི་འཆི་བསླུ་ལ། སའི་འཆི་བསླུར་སཙྪ་ལོ་གྲངས་བཏབ་པའི་ནང་དུ་ཚེའི་སྔགས་ཚེ་གེགས་ཞི་བ་དང་། །ཚེ་བསོད་འཕེལ་བའི་སྤེལ་ཚིག་ཅན་བཅུག །ཁྲིའི་ནང་། ཚེ་ལ་བར་དུ་གཅོད་པ་ཐམས་ཅད་མཱ་ར་ཡ་ནན། སྟྭཾ་བྷ་ཡ་ནན། ཅེས་བྲིས་པ་གཞུག །ཁམས་མཐུན་གྱི་ན་བཟའ་གསོལ། བུམ་ནང་ཚེ་ལྷ་རབ་འབྱམས་དང་། ཁྲིའི་ནང་ལྕགས་ཀྱི་འབྲུབ་ཁུང་རྒྱ་ཆེ་ཞིང་གཏིང་ཟབ་པར་ཚེ་ལ་བར་དུ་གཅོད་པ་ཐམས་ཅད་ཕྱག་རྒྱ་བཞིས་བཅིངས་ཏེ་ཁ་རྡོ་རྗེ་རྒྱ་གྲམ་དང་རི་རབ་ཀྱིས་བཅད་པར་བསམ། རབ་གནས་སྤྱི་ལྟར་བྱ། གྲུབ་ན་རྣམ་རྒྱལ་མཆོད་རྟེན་མཚན་ཉིད་ཚང་བ་བཞེངས་པའི་ནང་དུ་གཞུག །མ་གྲུབ་ན་བྲག་སྐྱིབས་སོགས་གནོད་པ་བྲལ་བའི་དབེན་གནས་སུ་བསྐྱལ། གཞན་ཡང་དྲི་མེད་ཀྱི་ཆོ་གས་སཙྪ་གདབ་པ་དང་། ཇོ་བོའི་ལུགས་ཀྱི་སཙྪ་དགུ་མ་དང་། ལྔ་མ་སོགས་གདབ་པ་དང་། རྟེན་གསུམ་གསར་བཞེངས་དང་ཉམས་པ་གསོ་བ། སྲོག་བསླུ། ཉེའུ་འདོན། ལམ་འཕྲང་བཅོས་པ། ཟམ་པ་འཛུགས་པ། མཆོད་རྟེན་ལ་སྐུ་དཀར་གསོལ་བ་སོགས་ཀྱང་འདིའི་ཁོངས་སུ་འདུའོ། །མེའི་འཆི་བསླུ་ནི། ཚེ་གེགས་ཞི་བ་དང་། ཚེ་བསོད་རྒྱས་པ་ལ་དམིགས་ནས་ཞི་རྒྱས་ཀྱི་སྦྱིན་སྲེག་བྱ་བ། ཁྱད་པར་ཚེ་ལྷ་གང་རུང་གི་སྒོ་ནས། དུརྦའི་མྱུ་གུ་རློན་པའི་སྦྱིན་སྲེག་འབུམ་དུ་ཚང་བར་བྱ་བ་དང་། གཞན་ཡང་སྐྲ་སེན་སྲེག་པའི་ཆོ་གས་སྡིག་སྒྲིབ་དང་ཚེ་གེགས་ཞི་ཞིང་། ཚེ་བསོད་རྒྱས་པར་སྤེལ་བ། མར་མེ་འབུལ་བ། དཀར་གསུར་གྱི་མཆོད་སྦྱིན་གཏང་བ། དམར་གསུར་ལ་བརྟེན་ནས་འཆི་བ་བསླུ་བ་སོགས་ཀྱང་ངོ་། །ཆུའི་སྒོ་ནས་འཆི་བ་བསླུ་བ་ནི། ཆུ་གཏོར་གཏང་བ། ཉེའུ་གསོ་བ། ཆུ་སྦྱིན་སྟོང་ཟློག་གི་ཆོ་ག་སོགས་སོ། །རླུང་གི་སྒོ་ནས་འཆི་བ་བསླུ་བ་ནི། མན་ངག་ལྟར་གྱི་རླུང་འཁོར་བསྐོར་བ། ཁམས་མཐུན་གྱི་དར་རས་ལ་ཚེ་ལྷའི་གཟུངས་སྔགས་སྤེལ་ཚིག་དང་བཅས་པ་བྲིས་པའི་རྒྱལ་མཚན་ཟླ་རེ་བཞིན་ཡར་ངོ་ལ་ལྷ་བསང་དང་བཅས་ཏེ་རི་མཐོན་པོའི་རྩེར་འཛུགས་པ་དང་། ནང་གི་རླུང་སྦྱོར་སོགས་མཐའ་ཀླས་སོ། །གཞན་ཡང་ཚེ་མདུད། ཚེ་འཁོར། ཚེའི་ཟ་ཡིག །བཅུད་ལེན་ཕྱི་ནང་གསང་གསུམ། འཆི་བསླུ་ཕྱི་ནང་གསང་གསུམ་གྱི་མན་ངག་སོགས་དང་། བླ་ཚེ་འགུགས་པ། འཆི་བདག་གི་ཟློག་མདོས་སོགས་རྟེན་འབྲེལ་མང་དུ་གསུངས་སོ།། །། ༈ སྲུང་མདུད་ནི། དར་རམ་སྲད་བུ་གཡོན་གྱི་སོར་མོ་ལ་ལན་གཉིས་སུ་དཀྲིས་པའི་བར་དུ་སྣེ་གཅིག་བཅུག་ནས་འཐེན་པས་མདུད་པ་རྡོ་རྗེ་རྩེ་གསུམ་པ་ལྟ་བུ་འབྱུང་། དེ་ལྷར་བསྐྱེད་ལ་རང་སྔགས་ཀྱིས་གདབ་ཅིང། ཞུ་བའི་མདུད་པར་བསམས་ལ་བསྲུང་བྱར་གདགས། ཁུངས་ནི་སློབ་མ་ལྷག་གནས་ཀྱི་སྐབས་དང་གཞན་ཡང་མང་ངོ་།། །། ༈ རབ་གནས་ཤིན་ཏུ་བསྡུས་པར། རང་ལྷར་གསལ། བགེགས་སྦྱང་བ་སྔོན་དུ་འགྲོ་བས་གནས་བྱ་རང་རང་གི་དམ་ཚིག་པའམ། རྡོར་སེམས་སུ་བསྐྱེད། ཡེ་ཤེས་སྤྱན་དྲང་རྒྱས་གདབ་དབང་བསྐུར་མཆོད་བསྟོད་སྤྱན་དབྱེ་བྱ། ལྷ་དེའི་སྔགས་དང་། སུ་པྲ་ཏིཥྛས་མེ་ཏོག་འཐོར་བརྟན་བཞུགས་དང་ཤིས་པ་བརྗོད་དོ།། །། ༈ སྔོན་གྱི་བསྐལ་པའི་དང་པོ་ལ། ཞེས་པ་འདིར་རཏྣ་གླིང་པས། ནང་དོན་ཁྱད་པར་ཅན་ཞིག་ལ་དགོངས་ཙམ་ལས་གསལ་བར་མ་གསུངས་མོད། གཏེར་གཞུང་འགའ་ལས། མ་འཁྲུལ་སྔོན་གྱི་བསྐལ་པ་དང་པོ་ལ༔ ཀུན་གཞི་མ་བཅོས་སྙིང་པོ་ཡེ་སངས་རྒྱས༔ ཞེས་སོགས་སྣང་བས། རྫོགས་ཆེན་གྱི་གཞུང་རྣམས་སུ་གཞིའི་སྐབས་དུས་བཞིར་ཕྱེ་ནས། རིག་པ་ཀ་དག་གི་ཡེ་གཞི་གཟོད་ནས་འཁྲུལ་མ་མྱོང་བ་ལ་རྫོགས་ལྡན་ནམ། སྔོན་གྱི་བསྐལ་པའི་སྒྲས་སྨོས་པ་དང་། དེ་དང་མཚུངས་པར་དཔལ་སམྦུ་ཊི་ལས། །བསྐལ་པ་ཀུན་གྱི་སྔོན་རོལ་ནས། །སློབ་དཔོན་ཆེན་པོ་གདོད་ནས་གྲུབ། །ཆོ་ག་འདི་ཡིས་སེམས་ཅན་ཀུན། །རྒྱལ་བར་འགྱུར་བ་ཐེ་ཚོམ་མེད། །ཅེས་གསུངས་པ་ལྟར། འདིར་ཡང་། ནང་གསལ་ཆོས་སྐུའི་ཡེ་ཤེས་འཁྲུལ་པའི་མཚན་མ་ཆ་དང་བཅས་པ་ཤིན་ཏུ་ཞི་བའི་སྔོན་གྱི་བསྐལ་པ་དང་པོའི་ངང་ལས། ཕྱིར་གསལ་ལྷུན་གྲུབ་སྒོ་བརྒྱད་ཀྱི་ཐུགས་རྗེའི་འཆར་ཚུལ་མ་འགགས་པར་ཤར་བ་ལས། ཞིང་དང་། སྟོན་པ་དང་གདུལ་བྱ་སོགས་མིག་འཕྲུལ་ལྟ་བུའི་སྤྲིན་བཀོད་པའི་ཚེ་ན། རེ་ཞིག་ཚེ་ལོ་བརྒྱ་པའི་དུས་འདིར་ཛམ་བུའི་གླིང་པ་རྣམས་ཀྱི་ཚུ་རོལ་གྱི་སྣང་པའི་ངོར་འདུལ་བྱེད་མཆོག་གི་སྤྲུལ་པའི་སྐུར་བཞེངས་པའི་ཚུལ་ནི། ཨོ་རྒྱན་ཡུལ་གྱི་ནུབ་བྱང་མཚམས༔ ཞེས་སོགས་རིམ་པར་འཆད་དོ།། །། ༈ ཆོས་ཉིད་ཟད་ས་ཞེས་པ་ལྟོས་གཞིའི་ཆོས་ཅན་ཟད་པས། དེ་ལ་ལྟོས་པའི་ཆོས་ཉིད་དུ་འཛིན་པའང་ཟད་པའི་དོན་ནོ།། །། ༈

ཆོས་ཟད་འཇའ་ལུས་སྐབས་སྐྲ་སེན་ཙམ་ལྷག་མར་བཞག་ཅེས་གསུངས་པར། ལ་ལས་སྐྲ་སེན་ལུས་ཀྱི་ཆ་ཤས་མ་ཡིན་པས་སོ་ཟེར། ཁ་ཅིག་གཞན་དོན་ལ་དགོངས་ཞེས་གསུང་ནའང་། དོན་དུ་སྐྲ་སེན་ངེས་པར་འཇོག་དགོས་པའི་ཁྱབ་པ་ཁས་མ་བླངས་པའི་ཕྱིར་དེ་ཙམ་གྱི་དོགས་པ་མི་དགོས་འདྲ་གསུངས།། །། ༈

[edit]

yang gsar rnying gi lo rgyus sogs zin thun sna tshogs/__ sa skya pa kun dga' bsod nams kyis mdzad pa'i lam 'bras khog phub las 'brog mi'i rnam thar du/__de dus bod na rnying ma dar bas ji tsam dris kyang ma rnyed pa la/__rdo rje gdan gyi sgo gong na ru lu 'bru brgyad pa zhig bris 'dug pa ci yin dris pas shes pa ma byung zhing /__yang paN+Di ta gcig gi dpe gseb na yang phur gyi dum bu 'dug pa kho rang gis kyang ma shes par 'dug gsung /__zhes snang ngo //____//__! thugs gter gyi khungs/__mdo las/__bcom ldan 'das kyis bka' stsal pa/__'jam dpal 'byung ba chen po bzhi ni nam mkha'i gter nas 'byung gi__/de bzhin du chos thams cad rgyal ba'i thugs kyi gter las 'byung bas gter gyi don la longs spyod pa shes par gyis shig__/ces dang /__ye shes gsang ba'i rgyud las/__su zhig thugs kyi dkyil 'khor du/__/gter dang ldan na khyad par che/__/zhes dang /__sgyu drwar/__khong nas gab sbas don 'byin pa/__/ston pa rdo rje'i thugs la gnas/__/zhes so/__/de la brgyud pa med zer na/__rgyal bas dgongs pa nyid kyi tshul/__/dgongs pas babs pa dbang gi mchog__/ces sogs drangs//____//__! nai tso 'di dag dang /__rgyal ba'i nyan thos pa dag sogs don la mang tshig yin/__byed pa po dang /__ston pa po lta bu la/__kr-ita'i byed pa po'i rkyen byin pa'i rjes las skad dod logs su mi dgos te/__kartr-i dang /__shAstr-i/__zhes pa lta bu'o//____//__! gsang ba'i rde'u chung ni ru tra'i dpyi las grub pa dang /__rnge'u chung ni snga rabs pa rnams kyi bris char rnga chung bris snang /__gnod gdug zlog byed dpa' bo ljags kyi chas/__/zhes pa ljags steng du rdo rje rgya gram bri srol snang //____//__! tshangs skud ni skud pa se ral kha byas pa ste/__'di la mchod phyir thogs zhes pa'i rgyu mtshan mchod sbyin gyi tshe 'chang bar 'os pa'i yo byad yin pa'i phyir ro//____//__! rgyal srid sna bdun gyi khungs mngon 'byung /__lha rdzas las grub sogs/__dang rgya che rol pa las bshad/__nye ba'i rin chen bdun yang mngon 'byung gi mdo las gsungs te/__'od zer gyis sngo ral gri pags pa 'jam/__/dga' ba'i nags tshal gos ni yid rjes 'gro/__/mthu ldan mchil l+h+wam khang khyim gzhal du med/__/reg 'jam gzims cha 'di yis thob par 'gyur/__/ces so//____//__! reg zig ces pa zin bris kyi brda rnying /__don blo la gang zin tsam bris pa'o//____//__! mahA pany+tsa'i rnam thar du/__dgyes rdor bsnyen chen ma song bar slob bshad mi gnang tshul snang /__sngon tsI na'i rgyal po yong lo'us thang ka zhig bris/__de rgyas btab nas 'di sus bshigs pa'i dus rgyal sa 'chor bas ma bshigs zhes kha chems su bzhag pas mi rabs bdun tsam bar bshigs mkhan ma byung rung /__khrung rtsi rgyal pos bshigs pas man dzu'i mi la rgya nag gis zas 'dren cing 'dud pa'i tshul 'dug pas/__de 'dra'i rten 'brel gyis rgyal sa shor ba sogs gleng tshul snang //____//__! kun snying rnam thar du/__mkhan chen lung rig rgya mtshor lam rim dang /__mi tra khrid drug dang /__sbyor drug jo lugs dang /__bu lugs gnyis ka__/phag mo sgom drug dang /__grub thob chos drug sogs gsan tshul/__brag stod par/__bsre 'pho/__tshal pa'i skor/__yang dgon skor/__mai tri bcu gsum ma/__thod pa/__bsnyen sgrub dang /__khyad par rngog dkyil bdun gsan pas byin rlabs kyi tshan ka thob tshul/__lam rim dang ni gu'i khrid ngag nas bshad/__lhag ma khrid brgya lung khrid kyi tshul du rdzogs par gnang tshul/__mdo rgyan thogs med TI ka dang /__'byed gnyis rong TIka ltar gsan/__dus 'khor lha dgu la brten nas rgyud sde gzhan gyi rung mthun sbyar ba'i bsnyen pa gnang /__sbyor drug zla ba gsum bsgoms pas sor sdud mthar phyin bud+d+ha gup+tar phyag rgya bzhi'i snying po zhes bya ba'i bla ma'i rnal 'byor de chos 'brel thog mar gsan/__de nas phag mo'i skor mang po/__dza lan+d+ha ra'i do ha'i bshad pa gsan/__sgrol ma rnal 'byor ma gsan pa'i sta gon nub mnal ltas khyad par can byung /__mi g.yo ba'i byin rlabs gsan/__rgyud khrid thog mar srung 'khor/__gtor ma/__maN+Dal sogs byed pa sgros rnying rang yin pa'i nges pa med gsung /__rwa bsgrengs rgya dpe me thub ma'i gras/__shAn+ti pa'i brtag gnyis 'grel pa sogs kyi gsham na/__b+haM ga la paN+Di ta b+hik+Sha dI paM kA ra shri dz+nyA na s+ya pusta kaM__/zhes 'dug pa jo bo'i phyag dper nges pa rnyed gsungs/__glang thang du gser mdog paN chen mjal nas zhu lan byung ba'i rdo rje'i tshig 'grel zur na yod tshul/__dge slong ye shes dbang por gsang 'dus 'gos lugs rnying ma sa skya'i rje btsun dkar po rnam gsum yang brgyud pa la bzhugs pa gsan zhing bsngags brjod mdzad/__grol mchog bka' 'bum pod bzhi/__skyes rabs brgya rtsa rgyan gyi me tog gi lung gnang tshul/__'brug gsar gyi yig char thugs ma mgu tshul dang /__phyag chen la rnam bdun dpyad pa'i rigs pa dang /__'jug pa'i gtan tshigs sbyor ba sogs la thugs ma rangs par gnang /__sgrub thabs rgya mtsho'i nang 'ga' zhig ma tshang ba thar pa nas rgya dpe blangs te gsar du bsgyur tshul/__gsung rtsom che khag thams cad la/__gsol ba yun ring btab cing gnang ba'i mtshan ma dngos su byung ba'am/__ltas bzang re nges par ma byung bar mi mdzad tshul snang /__dus 'khor bskyed rim dang /__dbang gi rnam bshad mdzad dus rtags nges par byung /__lU hi pa'i sgrub thabs la rtsa rkyang lugs dang 'grel pa lugs gnyis las/__phyi ma l+wa ba'i 'grel pa las pradz+nyA rak+Shitas logs su bkol ba'i chos bzhi'i dgongs pa bzhin dkyil chog dA ri ka chung ba'i lugs dang /__dril bu dbang chog rgya gzhung la kha skong rgyas bsdus gnyis las bsdus pa dang /__nag po'i sgrub thabs bcos dgos rnams bcos shing /__dkyil chog gzhung gi dgongs pa ji lta bar sbyar te/__de'i tshe mnal ltas ches khyad par can byung gsung /__zhi sbas lugs kyi dgyes rdor nye brgyud can/__blo sbyong thun gcig ma dang /__tshig rkang brgyad ma sogs/__bshes springs kyi lam gyi 'grel bsgrigs sogs sngon med pa'i legs bshad gsar pa du mas brgyan te bshad par sde pa phun tshogs rnam rgyal gyis zin bris byas pa legs po byung tshul snang /__bdud rtsi ril bur chos rgyun sna tshogs pa'i byin rlabs rten de ngo ti bzang yang /__brgyud pa'i sel du 'gro gsungs nas bsre bar mi mdzad pa bla ma gong ma brgyud pa nas brgyud pa'i myong grub yin/__slob dpon pUr+Na badz+ra dang gsung gleng la bslab btus kyi nam mkha'i snying po'i bshags pa'i 'phros gcig byung /__de yong ba la deng sang nam mkha'i snying po la bsnyen pa byed dgos gsung gin 'dug__/de rjes gcig la bcom ldan 'das 'phags pa nam mkha'i snying po'i mtshan brgya rtsa brgyad kyi lugs kyi bsnyen pa zhig kyang byas/__mdo las 'byung ba ltar/__tho rangs kyi dus skya rengs la gsol ba 'debs pa de nub bdun bstud nas byas pa'i rting ma la rtags mtshan byung tshul gsung snang //____//__! kun mkhyen chen por gsol ba btab pas 'phags pa chos 'phags yin snyam pa'i byang sems zhig dang mjal bas/__rnam par bzhag bya 'jog byed dang /__/rnam bzhag thams cad rdzun pa yin/__/blo la snang ba 'khrul pa ste/_/bden pa'i don la gos pa med/__/gsungs pa zhig byung bas gzhan stong gi lta ba la nges pa rnyed tshul gsungs/__de la brten nas gzhan stong snying po'i rgyan lung sbyor dang bcas pa mdzad do/__/mang+ga laM//____//__! snga 'gyur rnying ma'i bsnyen sgrub spyi'i chings las/__spyir thor thun la mchod pa byin rlabs yan rgyas pa dang /__snga phyi'i thun gnyis la ting 'dzin gsum nas bzung bstod pa yan rgyas par bya/__srod thun la tshogs skor sogs rjes chog rnams rgyas par bya/__thor thun la dngos gzhi dang rjes kyi bya ba/__snga phyi'i thun gnyis la sngon rjes/__srod thun la sngon dngos rnams bsdus pa res chog__/de yang dngos gzhi bsdu skabs/__ting 'dzin gsum nas bzung lha bskyed yongs rdzogs bskyed rim la dbang 'byor ba ma gtogs/__rnal 'byor pa gsar bu dag gis bsdus na gsal mi thebs pas gzhung sor bzhag dang /__de 'phros spyan 'dren bzhugs gsol phyag mchod rnams sngags tshig tsam dang /__bstod pa'ang tshigs bcad bsdus pa mdo tsam gyis 'thus/__thun sgang du gtam sogs kyang mi rung ste/__gsang sngags chu bo'i rgyun bzhin bar ma chad par bzla dgos par gsungs pa'i phyir ro/__/sbrid pa dang lud pa 'dor ba sogs mi byed ka med byung na/__bar chod yun ring thung dang bstun pa'i bzlas pa sngon song gi nang nas phreng rdog gang 'os phyir phyung/__thun mtshams su bzlas pa ci 'gro bya ste bzlas pa dngos gzhi'i grangs su mi brtsi/__deng sang 'ga' zhig gis stabs bde'i phyir tshogs mchod dang gtor bsngos sogs phyi thun dang srod thun kyi mtshams su mdzad srol 'dug kyang /__srod thun gyi nang der 'od gsal la zhugs nas thun mtshams kyi lha skur ma ldang ba'i bar du bya ba legs gsungs/__mtshams khang nas ka ca phyir mi btang /__nang du len dgos rnams kyang zhag ma 'da' bar ma yin/__lan dus kyang lha'i nga rgyal brtan pos bgegs bskrad cing brabs bdug bya/__mtshams la 'jug pa'i dus ni/__deng sang mar ngo nas 'jug pa shas che/__rgyud las/__dus ni yar ngo'i brgyad la brtsam/__/shin tu skar ma rgyal rnams la/__/byang chub spyod pa cher spyod pas/__/gsang mchog dngos grub thob pa'i phyir/__/gza' skar shis pas blang bar bya/__zhes dang /__rngams glog las/__/bkra shis lha yi nyi ma dang /_/'byor dang dus tshod bzang bar ni/__/mtshan ma'i rtog pa yin mod kyang /__/brtags na dngos grub mtshan ma 'byung /__/zhes gsungs pa ltar ro//______//__! thun bzhi'i rnal 'byor gyi tshul las/__tho rangs ldang ba'i rnal 'byor gyis ldang /__gnas lugs ma bcos pa'i ngang las/__rang gnyug ma'i yi dam gyi spyi bor bla ma bsgom/__rlung ro dgu phrugs su bus/__'bru gsum rdo rje'i bzlas pa cung zad bya/__rten snying dbyangs gsal rnams nyer gcig bzla/__'dis nyin zhag phrugs gcig gi rlung thams cad rdo rje'i bzlas par 'gyur ba/__sngags bye snyed du 'gyur ba sogs phan yon dpag tu med/__de nas rdor sems sgom bzlas dang /__skya rengs la phyag 'tshal bla ma'i rnal 'byor gnad du bsnun/__thun gyi dngos gzhir rgyun gyi yi dam bsgom/__bzlas pa ci nus mthar dbyangs gsal rten snying gis kha bskang /__bum can bzung /__rtsa 'khor kun+das gang bar bsam/__bdud rtsi ril bu bza'/__lha sku nA dar gzhi la/__nyams len dmigs bsal yod na cung zad gnyid log la rmi lam ngos bzung /__shes pa 'jur pa'i man ngag kyang bya/__thun gnyis pa/__nam langs 'phral chab blang /__yan lag bdun pa dang ltung bshags bklag cing phyag 'tshal/__rgyud sde bzhi dang 'brel ba'i sgom bzlas ji rigs dang gzungs sngags khyad can mang du bzla/__gtor ma btang /__dkar bsur bsngo/__de nas rgyun gyi yi dam la 'jug__/gung tshigs dus phud mchod bya/__dngos gzhi tshogs 'khor du rol/__rjes yon sbyong gzungs dang mdo bsngo bya/__thun gsum par/__nyi ma phyi cha'i dus lus lta stangs sam 'khrul 'khor/__ngag bzlas brjod dam srog rtsol/__yid bskyed rim mam mnyam bzhag bya/__nam mkha' dang dus thod rgal gzir/__nyi ma'i mdangs sdud par nye ba na/__bdag bskyed sngon du 'gro bas gtor tshogs rgyas par bya/__nyi ma'i mdangs sdud pa na sher zlog dang /__sngags zlog bya/__thun bzhi pa srod dus/__lha drag po'i bzlas sgom gang lcogs dang /__khyad par hU~M bzlas bya/__tsaN+Da lI bsgom/__de mthar phung po mchod sbyin dang smon lam rnam par dag pas rgyas btab/__nyal ba'i rnal 'byor gyis nyal zhing 'od gsal dang rmi lam ngos zin par bya/__mdor na dus rgyun du/__bla ma la mos gus/__yengs med kyi dran pa/__sems can la snying rje rnams dang ma bral ba'i ngang /__nyon mongs pa gang shar 'bur 'joms su byas la shes pa spro bsdu dang bral ba'i ngang du lhod kyis klod la bzhag go/____//_! spyir sngags mtshams sbyar 'os pa rnams sbyar nas bklag pa dag par bzhed de/__dag ldan las/__bklag pa'i tshe kha phral bar mi bya'o/__/zhes gsungs pa'i phyir/__bye brag tu tshe 'bru 108gzungs dang /__aSh+ta 125lta bu grangs nges yod pa rnams phral na yi ge lhag pa'i skyon du 'gyur te/__dper na tshe gzungs kyi mi tA yur dang /__ga tA yAr+ha te phral na yi ge brgya dang brgyad pa'i dam bca' nyams par 'gyur te/__brgya dang bcur 'gyur ba'i phyir/__zhes 'dod pa'ang snang mod dpyad par bya'o/__/rgyud sde'i sngags btu yod pa rnams de kho nar bstun pa legs/__bye mdo gnyis kyi lugs su/__bdag cag gi ston pa yum gyi lhums su zhugs pa'i tshe rgyal po'i sras mtshan dpe gos dang bcas pa'i rnam par zhugs par bzhed/__rgyud bla dbu ma rang rgyud du bzhed pa legs tshul kun tshul bas bshad/__lha babs dus chen/__zla dgu tshes nyer gnyis la 'dod pa ni dus dngos dang /__yang zla dgu tshes bco lnga la 'dod pa ni/__tshes nyer gnyis la phebs par 'gyur zhes gtam thos pa'i gtam snyan gyi dus chen yin no/__/wA rA Na sIr lnga sder chos gos zlum por bgo ba sogs gsungs pa de snam sbyar sogs su 'dod cing /__de'ang 'tsho byed kyis phul ba'i ras la dras drub byas par bshad mod de/__de'i sngon du'ang dras drub yod par gsal ces 'dod snang na'ang dpyad gzhi'o/__/nyi ma byang bgrod mthar thug pa'i tshe dpag tshad brgyad khri drug stong gis mtho ba dang /__lho bgrod mthar thug tshe dpag tshad bdun khri lnga stong gis dma' bar bzhed/__a b+ha yas/__bum pa'i steng du ku sha'i 'thor yab 'jog par bshad pa las rgyud tshig dngos ma mthong yang don du me tog dang 'bras bur bcas pa'i shing gis kha brgyan par bshad pas/__bod 'dir dgun dus de 'dra mi 'byor bas/__de'i mtshon byed dang dag byed kyi rdzas yin pa sogs kyi rgyu mtshan du mas bod kyi rdo rje 'dzin pa chen po rnams kyis de ltar mdzad do//____//__! chu sbyin skabs/__chu yi sbyin pa rgya chen po 'di la brten nas sogs kyi don/__yi dwags rnams la chu'i sbyin pa rgya chen po bgyis pa 'di la brten nas/__chu de'i bdag po klu yin pas klu'i rgyal po dga' bo dang /__nye dga' bo la sogs pa mdor na srid pa 'di na rlan shing gsher ba chu klung /__chu mig__/rdzing bu sogs kyi bdag po rnams dmigs yul du byas nas/__dge ba'i rtsa ba des sbyin pa'i bdag po dang klu rnams lam lnga rim gyis bgrod nas sangs rgyas kyi go 'phang thob pa'i smon lam gdab pa ste/__de'ang /__sbyin pa dam pa ni tshogs lam yin te/__de'i skabs su zhi gnas dang /__lhag mthong dang /__bsod nams dang ye shes kyi tshogs 'jig rten pa lam ma zhugs pa rnams las ches khyad par du 'phags pa'i tshogs bsags tshul yod pa'i phyir ro/__/sems kyi rgyan ni sbyor lam gyi skabs yin te/__de'i skabs kyi dge rtsa thams cad mya ngan las 'das pa'i rgyur 'gyur nges pas/__spos kyi glang po che la gser gyi drwa bas g.yogs pa ltar rnal 'byor pa'i sems la shin tu mdzes pa bskyed pa'i phyir ro/__/sems kyi yo byad ni mthong lam gyi gnas skabs yin te/__de'i tshe chos nyid spros bral gyi gnas lugs mngon sum du rtogs pas tshogs gnyis dngos su 'brel ba'i stobs kyis yang dag pa'i lta ba la sogs pas rnal 'byor pa'i sems rab tu phyug par byed pa'i phyir ro/__/rnal 'byor gyi tshogs ni sgom lam gyi gnas skabs yin te de'i tshe zhi gnas dang lhag mthong zung du 'brel ba'i rtogs pa khyad par can gong nas gong du goms par byed cing /__yang dag pa'i rtog pa la sogs pa rnal 'byor pa'i ting nge 'dzin gyi tshogs kun nas 'phel bar byed pa'i phyir ro/_/don gyi mchog ni/__mthar phyin pa'i lam gyi skabs yin te/__rang bzhin gyi don gnyis lhun grub tu 'byung ba'i sku gsum phrin las dang bcas pa la dbang thob cing yun ring po nas 'bad par byas pa'i don thams cad gyi phul du phyin pa phan pa'i phyir ro/__/zhes khro phu lo tsA ba byams pa'i dpal gyi gsung rab las 'byung zhing /__yang mngon pa nas/__sbyin pa dam pa sems kyi rgyan rdzu 'phrul/__sems kyi yo byad 'phags lam brgyad dang /__rnal 'byor gyi tshogs ting nge 'dzin gyi tshogs dang /__don gyi mchog myang 'das la bshad do//____//__! spyan ras gzigs brgya rtsa las/__/de ltar ring nas lam goms pa'i/__/blo ldan dus las 'das gyur tshe/__/'phags pa ngan song sbyong dpal gyi/__/cho gas bdun phrag bdun du sbyang/_/ro'am rus pa gos sam ming /__/rten de'i mdun du bzhag nas su/__/ma dag pa dang dag pa yi/__/dkyil 'khor gnyis la rten gnyis bzhag__/brdeg dang bsreg dang bkru ba yis/__/dri ma gzhig gzhom dad pa dag__/dkyil 'khor nag po bya bas te/__/brten dang dbang bskur bya ba la'o/__/yungs kar bye ma thal chen la/_/rig pa bzlas nas bsnun bya zhing /__/sbyin sreg cho ga'i bya ba yis/__/rten bcas bag chags 'bad de bsreg__/ngan song sbyong ba'i sku gsung thugs/__/bzhu ba'i chus bkang bum par blugs/__/rdo rje'i glu blangs rig pa bzla/__/ma lus dri ma bkru bar bya/__/oM AHshrI sarba durga ti pa ri sho d+ha ne rA dzA ya/__a mu ke kA ya wA ka tsit+ta sarba pA paM to Sha pa ra Na b+haM ga b+haM ga dra ha dra ha bA ra ts+tsha bA ra ts+tsha/__sho d+ha ya sho d+ha ya phaT phaT swA hA/__de rjes dri ma dag pa'i sems/__/lhag pa'i lha la bcug nas ni/__/ji bzhin dbang bskur byas te mchod/__/dga' ston chen po sbyin par bya/__/zhes so/__/gzhan yang 'di skor la las kyi tshogs khyad par du 'phags pa yod//____//__! mtshams kyi skabs/__mi gdong gsar sogs yong rgyu'i sngon du grib byung na 'grul sna yin pas srung 'khor nan cher bsgom/__rjes su byung na grib yin pas khrus kyi rnal 'byor bya/__gzhan yang gdan mi sprugs/__kha mi bshal/__mtshon rtse khar mi 'jug__/skra sen kha spu mi breg__/gdan khar gzhan mi gtong /__sngags phreng la gces spras che bar bya/__gal te nyams na ru rta dang spos dkar gyi chus bkru/__lce dang mtsher pa mi za/__lan tshwa la phug sgog btsong sha rul chang skyur rnams spang thub na legs/__ma grub na za dus dbyangs gsal bzla/__mchil ma 'grim lam du mi 'dor/__gzhan du 'gro dgos byung na gdan gyi khar phreng ba sbrul mdud kyis bzhag pa sogs spang blang rgyas pa sngags sdeb sogs las 'byung ba ltar shes par bya'o//__!_// tshe rten a la dkar/_srog rten nr-i/_ljang /____bsod nams b+h+rU~M _smug__/la dbang thang dzaH_ljang /____zhes so//____//__! zhi ba spyi'i rgyan chas phyi 'gyur gyi skabs su/__dar gyi rgyan dang /__rin po che'i rgyan brgyad las/__dang po la/__stod g.yogs ni/__dar _bzang po/__kha dog lnga _ldan gyi chos gos lcags ri med pa gcig gis rked pa yan gyi sku stod khebs shing dpung pa'i thad kar rlung gis bskyod pa'i stobs kyis phur ma lhab lhub tu 'byung ba'o/__/smad g.yogs ni/__dar gyi sham thabs lta bu zhig gis rgyab mdun du dkris pa'o/__/gnyis pa la/__dbu rgyan ni/__rin po che'i srog zhu rim pa gsum ldan dbu skra gyen du bcings pa'i steng mnabs pa/__rin po che'i rtse bran lnga'i dbus su rigs lnga bzhugs pa/__rna ba'i ltag tu ut+pal rgyas pa'i rna rgyan gnyis las dar dpyangs 'phyang pa'o/__/rna rgyan 2ni/__rin po che'i rna gor rin po che sna tshogs kyi phras mdzes pa/__mgul rgyan 3ni/__g.yas g.yon dbus gsum du rin po che'i gzhung gsum byas pa'i bar rnams rin po che'i drwa ba sbrel ba mgul par 'khyil ba las 'phyang 'phrul cung zad dang bcas pa/__lag gdub 4ni/__rin po che'i gzhung gsum gyi bar du rin po che'i phreng bas sbrel ba/__che ba gnyis kyis dpung pa dang /__chung ba gnyis kyis mkhrig ma gnyis brgyan pa/__rkang gdub 5ni/__lag gdub dang 'dra ba las/__tha ma gnyis su rin po che'i za ra tshag mang po 'phyang ba/__ske rags 6sam 'og lpags sam rked rgyan ni/__dbus dang g.yas g.yon rnams su rin po che'i gzhung lnga gyen du byas pa'i bar rnams su drwa bas sbrel zhing smad du za ra tshag mang po 'phyang bas mdun phyogs nas phyir rked par brgyan pa/__do shal 7ni rin po che'i phreng ba che chung spel bas mgul nas lte 'og yan chad 'khor ba/__se mo do 8ni/__rin po che'i phreng ba de las thung ba nu ma'i bar slebs pa'o//____//__! snga 'gyur gyi gzhung rnams su/__/dar dkar po gser gyi ngang pa'i ri mo yod pa can gyi stod g.yogs/__tshi gu zhes kha dog sna tshogs su 'char ba'i dar gyi smad dkris/__dar sna tshogs rna rgyan las 'phyangs pa'i cod pan/__dar sham gyi steng du sul thung mthing ga ni zi sdir/__yang gzhan dag dar mthing khra'i 'phan dbyibs ltag pa nas phyir 'phyang ba'o/_/zhes par bzhed/__gar gyi phu dung 'di la lar phod ka 'dra ba bris snang na'ang dpyad/__zhes dar dpyangs kyi gar gyis phyag gnyis la dkris pa bcas dar gyi rgyan lnga/__de steng sngar gyi rin po che'i rgyan brgyad bsnan pas rgyan chas bcu gsum mo//____//__! sbyang chas byang bu sogs kyi g.yas nas rim bzhin/__gtor ma1/__ting lo chang bu sogs re re nas bsham/__rten la bskor dus dang po dbus dang de nas g.yas g.yon len/__slob dpon gyis g.yas mchog sbyin dang g.yon skyabs sbyin gyi phyag rgya dang bcas nam mkha' mdzod kyi sngags brjod/__til sbyang skabs/__til de nyid las rdor gyis rdo rje khu tshur gyis bzung la/__rten la lag g.yas kyis g.yas dang /__g.yon pas g.yon/__gnyis kas g.yas su bskor la/__mthar lag gnyis bsnol nas me chur dor/__las rdor gyis bsnyen pa ma song na dkyil 'khor la khrus bya bar mi rung bas nges par bsnyen pa rdzogs pas bya/___/__! skyabs gsol sogs kyi skabs/__bdag gis dang /__tshe 'das zhes brjod pa gang yang mi 'gal te/__snga ma ni rjes zlos byed pa'i dbang du byas la/__phyi ma ni slob dpon rang nyid kyis ngo chen gyi tshul du dkyil 'khor gyi lha la skyabs su 'gro ba yin no/__/'on kyang dmigs rnam dang brda' sprod lugs ma nor ba gal che/__'dod yon bsngo bar/__gzugs la me long steng rdo rje bzhag pa/__sgrar ting shag__/dri la btung ba'i rigs dang rnam rgyal bum chu bsres pa/__ro la bza' bca'i rigs/__reg la gos ling dar sogs bshams par bshad na'ang par bkab med/__byang sreg skabs bdag mdun gyi 'od zer spro bsdu sogs ni rig bzo tsam ste/__chos thams cad bdag med pa'i gnas lugs la blo bzhag pa kho nas 'thus/__zhag gsum lta bu'i tshe cho ga dang 'pho ba sbrel ma byed na/__phung po nyid bsang sbyang nas zas gtad par dkyus ltar gsal 'debs dang /__'pho ba sogs dkyus ltar dang /__yang bgegs sbyang ba tsam sngon du 'gro bas dbang bskur mthar 'pho ba mdzad pa'i srol gnyis yod/__rnam par dpyad na zhag gsum tshun rnam shes phung por gnas pa'i dbang du byas tshe rnam shes dgug bstim sogs mi 'os kyang /__sdig pa sbyang ba ni nges par 'os pas gson po la bya ba bzhin phyir ldog dbang dang bcas pa'i mthar 'pho ba sogs mdzad na legs so/__/byang bu mi sreg na zas gtad kyi rjes su tshe 'das kyi rnam shes rdo rje sems dpar gsal ba mdun gyi nam mkhar spar nas lam bstan/__byang bu sreg na/__rnam shes nam mkhar spar rjes byang bu bsreg__/de nas lam bstan/__phung po yod tshe rnam shes spyi bo'i 'od dpag med kyi thugs kar 'pho tshar nas lam bstan/__lam bstan sbyang gnyis sngon rjes sna tshogs su snang na'ang rang rang gi lugs de las 'gal ba med/__byang bu bsregs nas sAts+tsha tshul bzhin du byas pa nyid bzlas yungs dang bye ma bcas rgya mtshor 'babs pa'i chu bor spyan 'dren pa legs/__bdun tshigs kyi don/__shi nas zhag bdun gyi tshe bdun dang po sogs rim par 'dzin pa'i khungs/__sbyong rgyud las/__lha yi bu nor bu dri ma med pa shi nas zhag bdun nas ngan song du skye bar gsungs pa dang 'brel/__gzhan dag zhag gsum par rnam shes phung por gnas pas/__bdun tshigs kyi mgo zhag bzhi pa nas 'dzin par mdzad do/__/kun btus las/__ji ltar thogs na zhag bdun gnas te/__zhes dang /__gal te ma rnyed na sa sde las/__lus brjes nas yang zhag bdun bar du gnas so/__/shin tu bul ba rnams kyis skye ba'i rkyen ma rnyed na zhag bdun phrag bdun gyi bar du'ang gnas so/__/de phan chad nas skye ba'i rkyen rnyed par 'gyur ro/__/zhes gsungs pa spyir btang gi dbang du mdzad pa las/__dmigs bsal la ni nges pa med de/__mdo sde dag las lo dang bskal par gnas pa'ang bshad phyir/__dge rgyun nar mar btang ba ni bar dor yun ring du gnas pa la phan gdags pa dang /__gal te ngan song sogs su skyes na'ang de'i ched du las byas pas sgrib pa dag pa'i phyir te/__rgyud las/__sbyin sreg mngon par dbang bskur na/__/gdon mi za bar bde 'gror skye/__/zhes so/__/mdor na rdo rje slob dpon rab kyis lam bstan na grol bar nus pa dang /__'bring gis kyang ngan song gi skye ba las ldog par 'gyur ba dang /__tha mas kyang cho ga tshul bzhin du byas pas ci rigs pa'i sman yon du 'gyur bas na bsnyen pa las su rung bas cho ga tshad ldan gyis rjes su 'dzin pa shin tu gal che'o/___/__! 'od dpag med kyi sgo nas 'pho ba'i rnal 'byor zab mo'i dmigs rim/__rang dang gzhan gang la'ang rung ste/__lus phyi bltas nang gsal 'od kyi rang bzhin can gyi dbus drang por lte ba nas spyi gtsug bar rtsa dbu ma pad+ma'i snal ma ltar phra ba/__chu shing gi sdong po ltar drang ba/__rgya skyegs kyi me tog ltar dmar zhing snum pa/__til gyi mar me ltar gsal dwangs 'od kyi rang bzhin can te chos bzhi ldan sbom phra gro sog 'bring po tsam mam mda' smyug 'bring po tsam gang bde bsgoms pa'i snying ga'i thad du rlung sems 'jug pa gcig tu 'dus pa'i ngo bo a yig dkar po 'od kyi rang bzhin can zhig bsams te/__ngag tu a zhes skad gdangs ring por brjod pas snying ga'i a yig de nyid 'dar khri li li yar 'phar la khad pa zhig gsal btab la/__phaTa? ces drag tu brjod pas a de nyid skar mda' 'phangs pa bzhin 'od dpag med kyi thugs kar thim par bsams la mnyam par bzhag__/slar mar phab pa sogs spyi ltar/__tshe 'das la 'od dpag med kyi thugs/__rang sems/__tshe 'das kyi rnam shes bcas dbyer med du cung zad re mnyam par bzhag__/yang sngar ltar a yig zhig gsal btab la 'pho ba sogs lan gsum mam yid ches ma skyes bar bskyar/__yang na/__a phaTa? tshar gsum gyi/__dang pos a yig de snying ga nas mgrin par/__gnyis pas spyi bor/__gsum pas 'od dpag med kyi thugs kar 'pho ba yang yod de gang bde bya'o/__/'di rnams zhal gyi gdams pa ste gzhan gzhung ltar ro//____//__! dkon brtsegs nye bar 'khor gyis zhus pa'i le'u las/__phung po gsum pa'i chos kyi rnam grangs nyin lan gsum mtshan lan gsum brjod pas nyes pa bgyid pa'i gnas las nges par 'byung zhing ting nge 'dzin kyang thob par 'gyur ro/__/zhes sogs rgya cher gsungs so//____//__! don zhags kyi cho ga zhib 180mor/__oM pad+mo Sh+NI Sha bi ma le hU~M phaTa?/__gsang sngags kyi snying po yi ge bcu pa 'bum bzlas brjod byas na phyir mi ldog pa nyid du gyur nas sa bcu pa la gnas 'gyur/__ces sogs dang /__dung la lan bdun bzlas brjod byas nas gnas mthon por bus na sems can gang dag dung de'i sgra thos pa'i skyes pa dang /__bud med dang /__khye'u dang /__bu mo dang /__ri dwags dang /__bya dang /__dud 'gro'i skye gnas su gtogs pa de dag thams cad mtho ris kyi 'jig rten du gzhol bar 'gyur ro/__/zhes dang /__tsan dan la lan bdun bzlas brjod byas nas dge 'dun gyi kun dga' ra ba'am/__mchod rten gyi 'khor sa'am/__dge 'dun gyi nang ngam/__skye bo mang po'i nang ngam/__rgyal po'i pho brang du bdugs na gang dag der dri mnams pa'i sems can de thams cad sangs rgyas kyi sku yongs su rdzogs par 'gyur ro/__/chos gos la bdugs nas gang gi lus la gyon pa de'i sdig pa dang sgrib pa thams cad rnam par 'jig par 'gyur ro/__/zhes sogs rgya cher gsungs shing de'i thig le'i cho gar/__/gang zhig ril bu de dag brten/__/ril bu thig le rtag byed la/__/de bzhin gshegs kun dgongs par mdzad/__/'jig rten pha rol shin tu bde/__/tshe brje ba ni 'phos nas su/_/bde ba can du mod la 'gro/__/gang dang gang du skye bar ni/__/tshe rabs rtag tu tshe rabs dran/__/lag na rdo rje gnod sbyin che/__/gnod sbyin bye bas yongs bskor zhing /__/dus kun du ni bsrung ba dang /__/skyob dang sbed dang srung bar byed/__ces sogs gsungs shing /__ril bu gsang sngags 'bum bzlas pas bsgrub par gsungs so/__/yang de nyid las glegs bam mthong ba tsam gyis phyir mi ldog pa sogs rgya cher bstan to//____//__! slob dpon ngag dbang grags pas 'chi bdag bslu ba'i rtog par/_/'chi bdag kun tu bslu ba ni/__/grol ba nyid la rigs pa yin/__/ma grol ba ni thams cad kyi/__/cung zad dus su bsring ba yin/__/tshe dang dbang po rnams dang sems/__/'gag pa 'chi ba'i mtshan nyid de/__/thabs kyis yun ring 'tsho ba ni/__/'chi ba bslu ba zhes bshad do/__/chos spyod dbang po thul ba ni/__/'khor ba ru ni ji srid 'tsho/__/de srid bsod nams la sogs tshogs/__/byang chub sgrub byed rab tu skye/__/'khor bar srog las gces pa ni/__/ci yang yod pa ma mthong ste/__/de bas myur du thabs mang pos/__/'chi ba bslu ba kun tu spyad/_/ces sogs nas brtsams te phyi dang /__/nang gi 'chi ltas brtag pa dang /__/phyi dang nang gi thabs kyis bslu ba ste le'u bzhir mdzad do/__/de'i le'u gsum pa las/__/phyi dang nang gi bdag nyid kyi/__/'chi ltas tshogs ni shes byas nas/__/phyi dang nang gi bdag nyid la'ang /__/bslu ba'i bsdus pa shes par bya/__/lus dang ngag gi las kyi phyi/__/bsam gtan las kyi nang gi yin/__/nor bu sman sogs phyi yin te/__/rnal 'byor nus pa nang gi'o/__/zhes dang /__phyi'i 'chi bslu bshad par/__/dad pa sngon du 'gro bas/__/bya dang nya dang ri dwags sbrul/__/rkun po gsad pa'i phyogs gtogs rnams/__/srog bskyabs pa yis 'phral du ni/__/tshe thung ba yang tshe ring 'gyur/__/ces srog bskyab pa dang /__de bzhin du bslab gzhi bsrung ba/__'jigs pa las bskyab pa/__tshul gnas/__mchod pa/__mchog la bkur ba/__'dod pa'i lha la gus pa/__/mchod rten sogs 'jig pa gso ba/__rten bzhengs pa/__dge 'dun mchod pa/__mdo bklag pa/__gzungs bzla ba/__dkyil 'khor mchod pa sogs tshogs spel ba'i las dang /__/nor bu sngags dang sman grub dang /_/bcud len stobs kyis rang nyid ni/__/'chi bdag pha rol gnon mthong ste/__/rig 'dzin grub pa ji bzhin no/__/rin chen brtag pa'i bstan bcos gang /__/rtog la mkhas pas rdo rje 'chang /__/tshe yi nor bu 'chang ba'ang rung /__/de bzhin nor bu sna tshogs 'chang /_/in+d+ra nI la rin chen sogs/__/nor bu chen po gzhan dag kyang /__'chang bar byed pas 'chi bdag kun/__/zlog par 'gyur bar the tshom med/__/ces sogs dang /__dben pa'i gnas su ras ris sogs/__/mdun du mchod pa byas nas kyang /__/sngags rnams bzlas pa tsam gyis kyang /__/'chi ba bslu ba 'byung bar 'gyur/__/ces mtshams sbyar nas/__a ro l-i ka dang /__sgrol dkar/__spyan ma/__de bzhin gshegs pa'i yi ge brgya pa/__sor 'brang sogs dang /__grub pa'i sman ni gzhan dag kyang /__/nges par bsten par gyur pa yis/__/tshe 'phel nad dang rgas pa yis/__/zad pa'i 'chi ba mi mthong ngo /__/ces sogs bcud len gyi sbyor ba ste/__rin po che dang /__sngags dang /__sman gyi bcud len rnams rim par bshad cing /__'bras bu gsum ni spyir bsdus pa'am/__so so b+hr-ing+ga rA dzar bcas/__/rnal 'byor pa yis rtag spyad na/__/phan zhing bdud rtsir 'gyur ba yis/__gnyer ma skra dkar rnams dang bral/__/rdo rje'i lus kyi gzugs bzang ldan/__/bskal pa yi ni grangs snyed du/__/'chi ba nges par bzlog pa yin/__/ces dang /__nang gi 'chi bslu la/__thog mar srung ba'i slad bgegs dgra'i gsang sngags 'bum bzla ba dang /__de nas rigs lnga/__'jig rten dbang phyug__/sgrol dkar/__yum bzhi/__'chi med rdo rje lha mo/_/spyi bor zla dkyil bsgom pa/__lce chung gi bdud rtsi myang ba sogs dang /__'jug pa'i rlung ni bgrang bya zhing /__/rim gyis 'bum sogs grangs kyis ni/__/rtse gcig sems kyi cho ga bzhin/__/sgra med pa yi bzlas par bshad/__/sgra med bzlas pa 'bum du ni/__/cho ga bzhin du rdzogs gyur na/__/mi ni tshe nyams gyur pa yang /__/lo lnga'i bar du 'tsho bar nges/_/sogs dang /__nang par langs nas stong phrag gcig__/rtag tu legs par bsgrangs na ni/_/nad rnams kun las nges grol zhing /__/nyi zla gnas kyi bar du 'tsho/__/zhes dang /__yang bum can dang /__nam mkha'i ba 'jo ba sogs gsungs mthar/_/mkhas pas dngos po mi bsam zhing /__/dngos po med pa'ang mi bsam mo/__/dngos dang dngos med rnam par spangs/__/sgom pa de ni bsgom dang bral/__/rnam pa kun gyi mchog ldan pa/__/stong nyid 'dzin pa rnam spangs pa'i/__/stong pa nyid ni rtag bsgoms na/__/'chi bdag gis ni mthong mi 'gyur/__/ces dang /___'chi ba zhes bya'i rnam rtog 'di/__/dngos po kun la yod min te/__/so so skye bo'i rnam 'phrul gyis/__/rnam par rtog pas bcos pa yin/_/rnam rtog sdug bsngal thams cad de/__/rnam par rtog pa bdud ces bshad/__/de bas rnam par rtog gzhom zhing /__/rnam par mi rtog nyid du bya/__/zhes sogs rgya cher gsungs so//____//__! dzam b+ha lar phul ba'i chu sbyin de longs spyod 'byung ba'i rten 'brel du chu ra sogs su blugs pa phyag len no/__/'phrog ma la cung seng ster ba zhes pa chang bu'i brda' rnying /__chu sbyin skabs thog mar rang nyid kha sar+pA Nir gsal ba/__kaM ka ni'i skabs mi 'khrugs pa dang /__dz+nyA na a be'i skabs ye shes skar mda' sngon po/__/g.yas de bzhin gshegs pa'i khu tshur bcangs pa snying gar bzhag pa/__g.yon mchog sbyin gyi phyag rgyas nor gzhong 'degs par gsal/__'brog gnas mched lnga ni/__nor bu bzang po/__gang ba bzang po/__yang dag shes/__rgyal ba khyu mchog__/sred spong dang lnga'o/__/gsang sngags rjes 'dzin gyi 'grel par 'phrog ma'i bu dga' byed la sogs pa brgya/__'phrog ma'i bu mtha' rtags dang dbang phyug la sogs pa brgya/__'phrog ma'i bu dbu ma khyab 'jug la sogs pa brgya/__'phrog ma'i bu gang ba dang 'og ma la sogs pa brgya/__'phrog ma'i bu skye dgu'i bdag la sogs pa brgya ste lnga brgya'o/__/lam rgyud lnga/__lha g.yeng ba'i lam/__mi gdams pa'i lam/__dud 'gro mun pa'i lam/__yi dwags 'gogs pa'i lam/__dmyal ba gdung ba'i lam rnams zhes bshad kyang dpyad par bya'o//____//__! 'byung bzhi'i 'chi bslu la/__sa'i 'chi bslur sats+tsha lo grangs btab pa'i nang du tshe'i sngags tshe gegs zhi ba dang /__/tshe bsod 'phel ba'i spel tshig can bcug__/khri'i nang /__tshe la bar du gcod pa thams cad mA ra ya nan/__s+t+waM b+ha ya nan/__ces bris pa gzhug__/khams mthun gyi na bza' gsol/__bum nang tshe lha rab 'byams dang /__khri'i nang lcags kyi 'brub khung rgya che zhing gting zab par tshe la bar du gcod pa thams cad phyag rgya bzhis bcings te kha rdo rje rgya gram dang ri rab kyis bcad par bsam/__rab gnas spyi ltar bya/__grub na rnam rgyal mchod rten mtshan nyid tshang ba bzhengs pa'i nang du gzhug__/ma grub na brag skyibs sogs gnod pa bral ba'i dben gnas su bskyal/__gzhan yang dri med kyi cho gas sats+tsha gdab pa dang /__jo bo'i lugs kyi sats+tsha dgu ma dang /__lnga ma sogs gdab pa dang /__rten gsum gsar bzhengs dang nyams pa gso ba/__srog bslu/__nye'u 'don/__lam 'phrang bcos pa/__zam pa 'dzugs pa/__mchod rten la sku dkar gsol ba sogs kyang 'di'i khongs su 'du'o/__/me'i 'chi bslu ni/__tshe gegs zhi ba dang /__tshe bsod rgyas pa la dmigs nas zhi rgyas kyi sbyin sreg bya ba/__khyad par tshe lha gang rung gi sgo nas/__durba'i myu gu rlon pa'i sbyin sreg 'bum du tshang bar bya ba dang /__gzhan yang skra sen sreg pa'i cho gas sdig sgrib dang tshe gegs zhi zhing /__tshe bsod rgyas par spel ba/__mar me 'bul ba/__dkar gsur gyi mchod sbyin gtang ba/__dmar gsur la brten nas 'chi ba bslu ba sogs kyang ngo /__/chu'i sgo nas 'chi ba bslu ba ni/__chu gtor gtang ba/__nye'u gso ba/__chu sbyin stong zlog gi cho ga sogs so/__/rlung gi sgo nas 'chi ba bslu ba ni/__man ngag ltar gyi rlung 'khor bskor ba/__khams mthun gyi dar ras la tshe lha'i gzungs sngags spel tshig dang bcas pa bris pa'i rgyal mtshan zla re bzhin yar ngo la lha bsang dang bcas te ri mthon po'i rtser 'dzugs pa dang /__nang gi rlung sbyor sogs mtha' klas so/__/gzhan yang tshe mdud/__tshe 'khor/__tshe'i za yig__/bcud len phyi nang gsang gsum/__'chi bslu phyi nang gsang gsum gyi man ngag sogs dang /__bla tshe 'gugs pa/__'chi bdag gi zlog mdos sogs rten 'brel mang du gsungs so//____//__! srung mdud ni/__dar ram srad bu g.yon gyi sor mo la lan gnyis su dkris pa'i bar du sne gcig bcug nas 'then pas mdud pa rdo rje rtse gsum pa lta bu 'byung /__de lhar bskyed la rang sngags kyis gdab cing/__zhu ba'i mdud par bsams la bsrung byar gdags/__khungs ni slob ma lhag gnas kyi skabs dang gzhan yang mang ngo //____//__! rab gnas shin tu bsdus par/__rang lhar gsal/__bgegs sbyang ba sngon du 'gro bas gnas bya rang rang gi dam tshig pa'am/__rdor sems su bskyed/__ye shes spyan drang rgyas gdab dbang bskur mchod bstod spyan dbye bya/__lha de'i sngags dang /_su pra tiSh+Thas me tog 'thor brtan bzhugs dang shis pa brjod do//___//__! sngon gyi bskal pa'i dang po la/__zhes pa 'dir rat+na gling pas/__nang don khyad par can zhig la dgongs tsam las gsal bar ma gsungs mod/__gter gzhung 'ga' las/__ma 'khrul sngon gyi bskal pa dang po la:__kun gzhi ma bcos snying po ye sangs rgyas:__zhes sogs snang bas/__rdzogs chen gyi gzhung rnams su gzhi'i skabs dus bzhir phye nas/__rig pa ka dag gi ye gzhi gzod nas 'khrul ma myong ba la rdzogs ldan nam/__sngon gyi bskal pa'i sgras smos pa dang /__de dang mtshungs par dpal sam+bu Ti las/__/bskal pa kun gyi sngon rol nas/__/slob dpon chen po gdod nas grub/__/cho ga 'di yis sems can kun/__/rgyal bar 'gyur ba the tshom med/__/ces gsungs pa ltar/__'dir yang /__nang gsal chos sku'i ye shes 'khrul pa'i mtshan ma cha dang bcas pa shin tu zhi ba'i sngon gyi bskal pa dang po'i ngang las/__phyir gsal lhun grub sgo brgyad kyi thugs rje'i 'char tshul ma 'gags par shar ba las/__zhing dang /__ston pa dang gdul bya sogs mig 'phrul lta bu'i sprin bkod pa'i tshe na/__re zhig tshe lo brgya pa'i dus 'dir dzam bu'i gling pa rnams kyi tshu rol gyi snang pa'i ngor 'dul byed mchog gi sprul pa'i skur bzhengs pa'i tshul ni/__o rgyan yul gyi nub byang mtshams:__zhes sogs rim par 'chad do//____//__! chos nyid zad sa zhes pa ltos gzhi'i chos can zad pas/__de la ltos pa'i chos nyid du 'dzin pa'ang zad pa'i don no//____//__! chos zad 'ja' lus skabs skra sen tsam lhag mar bzhag ces gsungs par/__la las skra sen lus kyi cha shas ma yin pas so zer/__kha cig gzhan don la dgongs zhes gsung na'ang /__don du skra sen nges par 'jog dgos pa'i khyab pa khas ma blangs pa'i phyir de tsam gyi dogs pa mi dgos 'dra gsungs//____//__!