སྤོ་ལུ་དགོན་ཐུབ་བསྟན་བསམ་འགྲུབ་དར་རྒྱས་གླིང་གི་བཅའ་ཡིག།

🚧 This website is under continued development. We appreciate your patience!

Previous Text Back to Volume PageNext Text

Wylie title	spo lu dgon thub bstan bsam 'grub dar rgyas gling gi bca' yig
Location	chos kyi blo gros bka' 'bum Volume 10, Text 63, Pages 533-535 (Folios 1a1 to 2a6)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. spo lu dgon thub bstan bsam 'grub dar rgyas gling gi bca' yig. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 10: 533-535. Bir, H.P.: Khyentse Labrang, 2012.
Genre	Monastics Regulations - bca' yig
Colophon	མེ་ཡོས་ཟླ་ཚེས་ལ་མཁན་པོ་བླ་ཆོས། དགོན་བདག་བཅས་ནས་གསུང་བསྐུལ་བཞིན་འཇམ་དབྱངས་མཁྱེན་བརྩེའི་སྤྲུལ་སྐུས་བྲིས་པ་དགེ་ལེགས་འཕེལ་རྒྱས་ཤོག།
	me yos zla tshes la mkhan po bla chos/__dgon bdag bcas nas gsung bskul bzhin 'jam dbyangs mkhyen brtse'i sprul skus bris pa dge legs 'phel rgyas shog/

1 Texts in this Section (sde tshan or chos tshan)

533-535	སྤོ་ལུ་དགོན་ཐུབ་བསྟན་བསམ་འགྲུབ་དར་རྒྱས་གླིང་གི་བཅའ་ཡིག། spo lu dgon thub bstan bsam 'grub dar rgyas gling gi bca' yig Monastics Regulations - bca' yig	Text page View PDF
	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ('jam dbyangs mkhyen brtse chos kyi blo gros)

Tibetan Text

Wylie

[edit]

ཨོཾ་སྭསྟི། མཁའ་ཁྱབ་ཞིང་གི་འགྲོ་བ་མཐའ་དག་གི། སྟོན་པ་མཉམ་མེད་ཤཱཀྱའི་རྒྱལ་པོ་དང་། །དེ་སྲས་འཇམ་དབྱངས་བྱམས་ཆེན་ལ་སོགས་པ། །འཕགས་ཚོགས་འདུས་པར་བཅས་པས་ཤིས་པ་སྩོལ། །དེ་ལ་དཔལ་ས་སྐྱ་པ་ཆེན་པོ་ཡབ་སྲས་བརྒྱུད་པར་བཅས་པའི་རིང་ལུགས་དྲི་མ་མེད་པ་འཛིན་པའི་སྤོ་ལུ་དགོན་ཐུབ་བསྟན་བསམ་འགྲུབ་དར་རྒྱས་གླིང་འདི། བླ་ཆེན་ཆོས་རྒྱལ་འཕགས་པའི་ཞལ་སློབ་རྒྱ་བྱོན་པཀྴིས་བཏབ་ཅིང་། རྒྱལ་བ་མུས་པ་ཆེན་པོ་སངས་རྒྱས་སེངྒེའི་ཐུགས་སྲས་ཤེས་རབ་རྒྱལ་མཚན་གྱིས་ཞབས་ཀྱིས་བཅགས། བླ་ཆེན་གཟི་སངས་རྒྱས་དཔལ་བཟང་སོགས་ཀྱི་གདན་ས། རྡོ་རྗེ་འཆང་ཀུན་དགའ་བཟང་པོའི་ཆོས་ཀྱི་ཁྲི་ལ་བཞུགས་པའི་མཁན་ཆེན་དཔལ་ལྡན་ཆོས་སྐྱོངས་སོགས་ཀྱི་ཞབས་ཀྱིས་བཅག་པའི་ཆོས་སྡེ་འདིའི་དགེ་འདུན་པ་རྣམས་ལ་བསྒྲིགས་ཁྲིམས་དུ་བྱ་བ་མདོར་བསྡུས་པ་ནི། རང་གི་བཀའ་གཏན་འཛིན་ཁོང་གི་གྲྭ་རྩེད་ཆོས་གཞིས་མ་ཉམས་པ་དང་། གྲྭ་ཁྲལ་ཞིབ་སྡུད་དང་ཁང་པ་ཚགས་དོན་བསྐྱངས་གལ་དང་། སྨྱུང་གནས་དབང་དང་། །མཆམ་སོགས་དམིགས་གསལ་ཁ་ཤས་ལས་བུད་མེད་འགྲུལ་སྡོད་མི་ཆོག་པ་དང་། གྲྭ་སར་རྣམས་ལ་ཀློག་བསླབ་རྒྱུ་དང་། འདོན་བློ་སྦྱངས་སོགས་རྒྱུགས་ལེན་ཚགས་སུ་ཚུད་པ་བྱེད་དགོས། ལོ་ཉི་ཤུ་ཚུན་གྲྭ་སར་འགྲོ་ནས་མར་འཁོར་འཕྲལ། འབྱུང་འདུལ། ཀུན་རིག །ཀྱེ་རྡོར་རྣམས་ཀྱི་བསྙེན་པ་སྡོད་དགོས་ཤིང་། ཀུན་རིག་བསྙེན་པ་མ་ཐོན་ན་གཤིན་སྐོར་ཟ་མི་ཆོག་པ་དང་། རྩ་བཞི་ཆང་ལྔ་འདི་སྡོམ་པའི་རྩ་བ་ཡིན་པས་མིག་འབྲས་ལྟར་བསྲུངས་དགོས་པ་དང་། ཆང་བཙོ་བཏུང་གཏན་ནས་མི་ཆོག །དབྱར་གནས་གསོ་སྦྱོངས་བསྟན་པའི་གཞི་མ་ཆགས་ཉམས་བཏང་མི་ཆོག་ཅིང་ཇེ་རྒྱས་འབྱུང་དགོས་པ་དང་། དུས་མཆོད་གཞན་ཐམས་ཅད་ཀྱང་མ་ཉམས་པ་དང་། ཚོགས་བསྒྲིག་ལེགས་པ་དགོས་ཤིང་། འདོན་རྟ་དབྱངས། དཀྱིལ་འཁོར་བྲི་ཐིག །གཏོར་བཟོ་འབུད་ཀྲོལ་སོགས་ཕྱག་བཞེས་ཁུངས་ཐུབ་སྦྱངས་དགོས་པ་དང་། བློ་གྲོས་ཆེན་པོ་རྣམས་ཀྱིས་ཕྱི་ནང་རིག་གནས་སོགས་བསླབ་ཤེས་སྦྱངས་དགོས། ཤོ་བག་རྒྱབ་རྒྱུ། སོག་ཆས་སྤྲོད་པ། སྐྲ་རིང་པོར་འཇོག་པ། གྲི་རིང་འདོགས་པ། ཀོ་ལྷྭམ་སྦུབས་དུང་གྱོན་པ་སོགས་མི་ཆོག་ཅིང་དགེ་སློང་རྣམས་གླིང་བར་བྱོན་དུས་གཟན་ཤམ་འབྲལ་མེད་དགོས། ལྷ་ཁང་དང་། གླིང་བར་ཚུན་ཕྱག་བདར་གཙང་བ། ལྷ་ཁང་དུ་མཆོད་པ་ལེགས་པོ་གཙང་སྦྲ་ལྡན་པ། དབྱར་གནས་ལ་གདིང་ཆོས། སྣམ་སྦྱར། སྤྱི་བླུགས། ལྷུང་བཟེད། མཎྜལ་སོགས་འཛོམ་དགོས། སྒྲུབ་མཆོད་སོགས་བསྒྲིགས་ཆེན་རིགས་ལ་ཐེར་ཕྲུག་སྣམ་དམར་གང་རིགས་ལས། འབུ་རས་གཟན་དང་། ཨ་གཟན་སོགས་གྱོན་མི་ཆོག་ཅིང་། འདུ་ཁང་དུ་ངག་བཅད་དམ་པོ་དགོས། སྤྱི་གཉེར་རྣམས་ནས་རྟེན་ཐེབས་རྩ་བ་རྩིས་སྤྲོད་ཡིག་སྟོང་ཤོག་བརྒྱུད་དུ་མ་སོང་བ་དངོས་པོ་ངོ་མ་ཡོད་དགོས་རྒྱུ་དང་། སྐྱེད་ཀྱིས་གཏོང་སྒོ་མ་ཉམས་གོང་འཕེལ་འབྱུང་དགོས། དགོན་ནང་དུ་རྒྱབ་འདྲེ་འཁོན་རྩེད་མི་བྱ་བར་ཕན་ཚུན་ཐུགས་མཐུན་མི་བརྒྱ་སེམས་གཅིག་ཏུ་དྲིལ་ནས་བསྟན་པ་འཛིན་དགོས། དེ་ལྟར་གྱི་ཁྲིམས་འདི་རྣམས་དང་འགལ་ཚབ་ཆེ་ཆུང་དང་བསྟུན་པའི་ཆད་ལས་ཞི་དྲག་གང་དགོས་མཁན་པོ་བླ་ཆོས་དང་། དགོན་བདག་མདུན་འོག་མ་བཅས་ནས་མཛད་དགོས་ཤིང་། མདོར་ན་གོང་མ་རྣམས་ལ་བཀུར་བསྟི་དང་། དམན་པ་རྣམས་ལ་བརྩེ་བསྐྱང་གིས་རང་བསྟན་རང་བཅའ། རློན་པས་རང་ཤེས། སྐམ་པོ་རང་འབར་གྱིས་སངས་རྒྱས་ཀྱི་བསྟན་པ་རིན་པོ་ཆེ་ལུང་རྟོགས་བཤད་སྒྲུབ་ཀྱི་འཛིན་དགོས་པ་ལགས། མེ་ཡོས་ཟླ་ཚེས་ལ་མཁན་པོ་བླ་ཆོས། དགོན་བདག་བཅས་ནས་གསུང་བསྐུལ་བཞིན་འཇམ་དབྱངས་མཁྱེན་བརྩེའི་སྤྲུལ་སྐུས་བྲིས་པ་དགེ་ལེགས་འཕེལ་རྒྱས་ཤོག། །།

[edit]

oM swasti/__mkha' khyab zhing gi 'gro ba mtha' dag gi/__ston pa mnyam med shAkya'i rgyal po dang /__/de sras 'jam dbyangs byams chen la sogs pa/__/'phags tshogs 'dus par bcas pas shis pa stsol/__/de la dpal sa skya pa chen po yab sras brgyud par bcas pa'i ring lugs dri ma med pa 'dzin pa'i spo lu dgon thub bstan bsam 'grub dar rgyas gling 'di/__bla chen chos rgyal 'phags pa'i zhal slob rgya byon pak+shis btab cing /__rgyal ba mus pa chen po sangs rgyas seng+ge'i thugs sras shes rab rgyal mtshan gyis zhabs kyis bcags/__bla chen gzi sangs rgyas dpal bzang sogs kyi gdan sa/__rdo rje 'chang kun dga' bzang po'i chos kyi khri la bzhugs pa'i mkhan chen dpal ldan chos skyongs sogs kyi zhabs kyis bcag pa'i chos sde 'di'i dge 'dun pa rnams la bsgrigs khrims du bya ba mdor bsdus pa ni/__rang gi bka' gtan 'dzin khong gi grwa rtsed chos gzhis ma nyams pa dang /__grwa khral zhib sdud dang khang pa tshags don bskyangs gal dang /__smyung gnas dbang dang /__/mcham sogs dmigs gsal kha shas las bud med 'grul sdod mi chog pa dang /__grwa sar rnams la klog bslab rgyu dang /__'don blo sbyangs sogs rgyugs len tshags su tshud pa byed dgos/__lo nyi shu tshun grwa sar 'gro nas mar 'khor 'phral/__'byung 'dul/__kun rig__/kye rdor rnams kyi bsnyen pa sdod dgos shing /__kun rig bsnyen pa ma thon na gshin skor za mi chog pa dang /__rtsa bzhi chang lnga 'di sdom pa'i rtsa ba yin pas mig 'bras ltar bsrungs dgos pa dang /__chang btso btung gtan nas mi chog__/dbyar gnas gso sbyongs bstan pa'i gzhi ma chags nyams btang mi chog cing je rgyas 'byung dgos pa dang /__dus mchod gzhan thams cad kyang ma nyams pa dang /__tshogs bsgrig legs pa dgos shing /__'don rta dbyangs/__dkyil 'khor bri thig__/gtor bzo 'bud krol sogs phyag bzhes khungs thub sbyangs dgos pa dang /__blo gros chen po rnams kyis phyi nang rig gnas sogs bslab shes sbyangs dgos/__sho bag rgyab rgyu/__sog chas sprod pa/__skra ring por 'jog pa/__gri ring 'dogs pa/__ko l+h+wam sbubs dung gyon pa sogs mi chog cing dge slong rnams gling bar byon dus gzan sham 'bral med dgos/__lha khang dang /__gling bar tshun phyag bdar gtsang ba/__lha khang du mchod pa legs po gtsang sbra ldan pa/__dbyar gnas la gding chos/__snam sbyar/__spyi blugs/__lhung bzed/__maN+Dal sogs 'dzom dgos/__sgrub mchod sogs bsgrigs chen rigs la ther phrug snam dmar gang rigs las/__'bu ras gzan dang /__a gzan sogs gyon mi chog cing /__'du khang du ngag bcad dam po dgos/__spyi gnyer rnams nas rten thebs rtsa ba rtsis sprod yig stong shog brgyud du ma song ba dngos po ngo ma yod dgos rgyu dang /__skyed kyis gtong sgo ma nyams gong 'phel 'byung dgos/__dgon nang du rgyab 'dre 'khon rtsed mi bya bar phan tshun thugs mthun mi brgya sems gcig tu dril nas bstan pa 'dzin dgos/__de ltar gyi khrims 'di rnams dang 'gal tshab che chung dang bstun pa'i chad las zhi drag gang dgos mkhan po bla chos dang /__dgon bdag mdun 'og ma bcas nas mdzad dgos shing /__mdor na gong ma rnams la bkur bsti dang /__dman pa rnams la brtse bskyang gis rang bstan rang bca'/__rlon pas rang shes/__skam po rang 'bar gyis sangs rgyas kyi bstan pa rin po che lung rtogs bshad sgrub kyi 'dzin dgos pa lags/__me yos zla tshes la mkhan po bla chos/__dgon bdag bcas nas gsung bskul bzhin 'jam dbyangs mkhyen brtse'i sprul skus bris pa dge legs 'phel rgyas shog/___//_