DKR-KABUM-25-RA-012

🚧 This website is under continued development. We appreciate your patience!

Previous Text Back to Volume PageNext Text

རུ་དམ་ཤྲཱི་སེངྷར་ཆོས་མཛོད་ཀྱི་གྲལ་དུ་བཀོད་པའི་ཆོས་ཀྱི་རྗེ་རྒྱལ་བའི་སྲས་པོ་འཇིགས་མེད་ཆོས་ཀྱི་དབང་པོའི་བཀའ་འབུམ་གླེགས་བམ་ཕ་རོལ་ཕྱིན་པའི་གྲངས་ལྡན་བཞུགས་པའི་ཐོབ་ཡིག།

Wylie title	ru dam shrI seng+har chos mdzod kyi gral du bkod pa'i chos kyi rje rgyal ba'i sras po 'jigs med chos kyi dbang po'i bka' 'bum glegs bam pha rol phyin pa'i grangs ldan bzhugs pa'i thob yig
Location	dil mgo mkhyen brtse bka' 'bum Volume 25, Text 12, Pages 162-173 (Folios 1a1 to 12a6)
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. Ru dam shrI seng+har chos mdzod kyi gral du bkod pa'i chos kyi rje rgyal ba'i sras po 'jigs med chos kyi dbang po'i bka' 'bum glegs bam pha rol phyin pa'i grangs ldan bzhugs pa'i thob yig. In Skyabs rje dil mgo mkhyen brtse rin po che'i bka' 'bum, Vol. 25: 162-173. Delhi: Shechen Publications, 1994.
Genre	Records of Teachings Received - thob yig - gsan yig

Tibetan Text

Wylie

[edit]

༄༅། །རུ་དམ་ཤྲཱི་སེངྷར་ཆོས་མཛོད་ཀྱི་གྲལ་དུ་བཀོད་པའི་ཆོས་ཀྱི་རྗེ་རྒྱལ་བའི་སྲས་པོ་འཇིགས་མེད་ཆོས་ཀྱི་དབང་པོའི་བཀའ་འབུམ་གླེགས་བམ་ཕ་རོལ་ཕྱིན་པའི་གྲངས་ལྡན་བཞུགས་པའི་ཐོབ་ཡིག་ལས། གླེགས་བམ་དང་པོ། ཀ༽ པ་ལ། བཞུགས་བྱང་འདོད་འབྱུང་རིན་པོ་ཆེའི་ཟ་མ་ཏོག་ཅེས་བྱ་བ། སྤྱིར་གསུང་འབུམ་ཡོངས་རྫོགས་ལ། ཐུན་མོང་རིག་གནས་ཀྱི་སྐོར་དང༌། ཐུན་མིན་ནང་དོན་གྱི་སྐོར་གཉིས་ལས། དང་པོ་ལ། སྙན་ངག །སྡེབ་སྦྱོར། སྐར་རྩིས་ཀྱི་བསྟན་བཅོས་གསུམ་སྟེ། དང་པོ་སྙན་ངག་གི་ཕྱི་མོ་མེ་ལོང་གི་དཔེར་བརྗོད་རྣ་བའི་གླིང་བུ། བསྟོད་ཚོགས་འདི་དག་གི་རྗོད་བྱེད་ཀྱང་དཎྜི་བའི་གཞུང་གི་ཚིག་དང་དོན་གྱི་རྒྱན་གྱིས་སྤྲས་པ་ཁོ་ནའི་ཕྱིར་ས་བཅད་འདི་ལ་འགོད་པ་མི་འགལ་ཞིང་འཐད་དེ། དེ་ལ་དཔལ་ལྡན་རྡོ་རྗེ་སེམས་དཔའ་ལ་བསྟོད་པ། འཁོར་ལོ་དང་པོའི་དམ་པའི་ཆོས་འདུལ་བ་ལ་བསྔགས་པ་མེ་ཏོག་གི་སྐྱེད་མོའི་ཚལ། སྟོན་པ་མཆོག་གི་གསུང་གི་ཐེག་པའི་བྱེ་བྲག་སོ་སོ་ལ་བསྔགས་པ་ཆུན་འཕྱང་བརྒྱད་དེ། དང་པོ་གསུང་གསང་བ་བསམ་གྱི་མི་ཁྱབ་པ་ལ་བསྔགས་པ་པདྨ་དཀར་པོའི་ཆུན་འཕྱང༌། གཉིས་པ་གསུང་རྣམ་པ་ཐམས་ཅད་པ་ལ་བསྔགས་པ་ཨུ་དུམ་ཝ་རའི་ཆུན་འཕྱང༌། གསུམ་པ་གསུང་དམ་པའི་ཆོས་ལ་བསྔགས་པ་ཨུཏྤལ་གཞོན་ནུའི་ཆུན་འཕྱང༌། བཞི་པ་གསུང་ཡི་གེའི་ཕྲེང་བ་ལ་བསྔགས་པ་ཀུ་མུད་དཱའི་ཆུན་འཕྱང༌། ལྔ་པ་གསུང་གསང་སྔགས་ཀྱི་ཚུལ་ལ་བསྔགས་པ་མེ་ཏོག་གི་ཆུན་འཕྱང༌། དྲུག་པ་གསུང་ཟབ་དོན་གསང་བ་ལ་བསྔགས་པ་ཟླ་བ་ཐིག་ལེའི་ཆུན་འཕྱང༌། བདུན་པ་གསུང་ཡོན་ཏན་རྒྱ་མཚོའི་ཆེ་བ་ལ་བསྔགས་པ་མུཀྟི་ཀཱའི་ཆུན་འཕྱང༌། བརྒྱད་པ་གསུང་ཡེ་གྲོལ་རྫོགས་ཆེན་ལ་བསྔགས་པ་བཻ་ཌཱུར་ཡའི་ཆུན་འཕྱང་རྣམས་དང༌། ཀུན་མཁྱེན་བླ་མའི་གསུང་རབ་ལ་བསྔགས་པ་ཡོངས་རྫོགས་བསྟན་པའི་པད་ཚལ་ཞེས་བྱ་བ་དང༌། བསྔགས་པའི་ཡུལ་དེ་མཇལ་བའི་ཡོན་ཏན་ལ་བསྔགས་པའི་སྒོ་ནས་བལྟ་བར་བསྐུལ་བ་རྣམས་དཔེ་བམ་གཅིག་གོ །རྗེ་བླ་མ་བཀའ་དྲིན་ཅན་འཇིགས་མེད་རྒྱལ་བའི་མྱུ་གུའི་གསང་གསུམ་ཡོན་ཏན་མི་ཟད་རྒྱན་གྱི་འཁོར་ལོ་ལ་ཤར་ཕྱོགས་གོ་ཌ་བའི་ལུགས་ཀྱི་བྱ་དཀའི་ཚིག་རྒྱན་ཀུན་བཟང་འཁོར་ལོ་བཞི་ལྡན་གྱི་སྒོ་ནས་བསྔགས་པ། སྐྱབས་རྗེ་རྒྱལ་བའི་སྲས་པོ་གཞན་ཕན་མཐའ་ཡས་ལ་རོ་དྲུག་སྨན་གྱི་བྱེད་པས་ནད་དྲུག་སྦྱོང་བའི་དཔེས་ཕྱིན་དྲུག་གི་ཡོན་ཏན་དང་ལྡན་པར་བསྔགས་པ་ན་མོ་གུ་རུ་བཻ་ཥ་ཛྱཻ་སོགས། ཐབས་ལམ་མཆོག་གི་སྤྱོད་པ་ལ་དབང་བའི་ཡོན་ཏན་བསྐུལ་བའི་ཟོལ་གྱིས་བསྔགས་པ། གཞན་ཕན་ཐུགས་བསྐྱེད་སོགས། སྣང་བཞི་ཚད་དུ་ཕེབས་པ་སོགས་རང་དོན་མངོན་དུ་གྱུར་ཅིང་སྡེ་སྣོད་གསུམ་སྟོན་པ་སོགས་གཞན་དོན་མཛད་པའི་ཡོན་ཏན་ལ་བསྔགས་པ། གཉིས་ཀྱི་གཉིས་པ་སོགས་བཤད་སྒྲུབ་གསེར་གྱི་འཁོར་ལོ་སོགས་ཆོས་ཀྱི་རྒྱལ་སྲིད་དང་ལྡན་པར་བསྔགས་པ། རིམ་རྩོལ་སྤྲོས་པ་སོགས། གཞན་ཡང་ལྟ་བ་ཆོས་སྐུའི་དབྱིངས་ལ་མ་གཡོས་བཞིན་སྤྱོད་པ་གཟུགས་སྐུའི་འགྲོ་དོན་མཛད་པ་ལ་བསྔགས་པ། རིང་ནས་མཐའ་ཀླས་སོགས་རྒྱ་ནག་ལྕང་སྐྱ་ལ་སྤྲིངས་བ། སྒྲུབ་པའི་རྒྱལ་མཚན་འཛིན་བཞིན་སྐལ་ལྡན་སློབ་ཚོགས་ལ་ཟབ་རྒྱས་བདུད་རྩིའི་དགའ་སྟོན་འགྱེད་པ་ལ་བསྔགས་པ། མཐའ་ཀླས་འགྲོ་ལ་སོགས་རྒྱ་ནག་ཆོས་བཟང་ལ་སྤྲིངས་བ། དཔོན་སློབ་ཤེས་པའི་ངང་ཚུལ་གྱིས་བརྩེ་བའི་ཡོན་ཏན་ལ་བསྔགས་པ། ཟླ་གཞོན་ཐིག་ལེའི་སོགས་རྒྱ་རོང་དཔོན་པོ་ལ་སྤྲིངས་བ་སྟེ། འདི་རྣམས་སྐྱབས་རྗེ་དབུས་སུ་བཞུགས་སྐབས་སོགས་སུ་སྤྲིངས་ཡིག་ཕུལ་བའི་འཚམས་གསོལ་ཡིན་ཡང་དོན་ལ་གང་དེའི་གསང་གསུམ་དམ་པའི་ཚུལ་དགུའི་ཡོན་ཏན་ལ་རབ་བརྟགས་ཙམ་མིན་པ་ཚུལ་བཞིན་བསྔགས་པའི་ཚིག་རྒྱན་འཇེབས་མཛེས་ཀྱིས་སྤྲས་པས་བསྟོད་ཚོགས་སུ་སྡེབ་པར་འོས་པ་དང༌། སྐྱབས་རྗེས་གསན་ཡིག་གི་མགོ་རྒྱན་འདི་ཡང་རྒྱལ་བསྟན་རིས་མེད་ལ་གསན་བསམ་བཞེས་པ་བསྟན་འཛིན་དམ་པའི་རྣམ་ཐར་མཆོག་གི་ཆེ་བས་བསྔགས་པ་རྣམས་དཔེ་བམ་གཅིག་གོ །དེ་ནས་གཏམ་ཚོགས་ཀྱི་སྐོར་ལ། ངེས་འབྱུང་སྐྱོ་ཤས་ཀྱི་བློ་སྐྱེད་པའི་གཏམ་པདྨའི་ཚལ་ཞེས་བྱ་བ་ཆོས་དང་མཐུན་པའི་ཟློས་གར་དུ་བསྒྱུར་བ། ངེས་འབྱུང་དང་བརྩོན་འགྲུས་ལ་བསྐུལ་བའི་གཏམ་སྔོན་ཤཱཀྱའི་ཁྱེའུ་གཞོན་ནུ་ཟུང་གི་གཏམ་རྒྱུད་དང་སྦྱར་བ། བསོད་ནམས་ཀྱི་ཚོགས་ལ་བསྐུལ་བའི་གཏམ་གུ་རུའི་སྐུ་ཚབ་གཙོ་བོར་གྱུར་པའི་རྟེན་གསུམ་ལ་གུས་པ་བྱ་ཚུལ་ལེགས་ལམ་དམ་པའི་གསོས་སྨན་ཞེས་བྱ་བ། ཆོས་དང་འཇིག་རྟེན་རྟོགས་པར་བྱེད་པའི་གཏམ་གདོལ་བའི་དྲང་སྲོང་གི་བསྟན་བཅོས་ཐར་པའི་ཐེམ་སྐས་ཞེས་བྱ་བ། ལུགས་ཟུང་ཕུན་སུམ་ཚོགས་པའི་ཚོགས་བཤད་འབེལ་བའི་གཏམ་ལྷའི་སིལ་སྙན་ཞེས་བྱ་བ། ལུགས་ཟུང་ཚོགས་གཏམ་གྱི་ལྷན་ཐབས་རིན་ཆེན་ཕྲ་ཚོམ། ཚོགས་ཀྱི་གཏམ་མཎྜལ་རྣམ་བཤད་ཚོགས་གཉིས་ལམ་བཟང༌། ངོ་མཚར་བསྐྱེད་པ་བཞད་གད་ཀྱི་གཏམ་ཆུ་གྲུ་ལུས་ཀྱི་རྣམ་བཤད་བརྒལ་བའི་ལན་དང་བཅས་པ། འདུ་འཛི་སྤངས་ཏེ་དབེན་པར་བསྐུལ་བ་ཐེག་པ་མཆོག་གི་ཚུལ་དང་མཐུན་པ་དབེན་པའི་གཏམ་ལྷའི་རྔ་སྒྲ། སྐྱེལ་འཕོ་སོགས་ཀྱི་འདུ་འཛིས་ཀློག་སྤོང་ལ་གཡེང་བའི་རྒྱུ་སྤོང་བར་བསྐུལ་བའི་གཏམ་རྫ་དགོན་ལ་སྤྲིངས་བ། རྡོ་གྲུབ་ལ་སྤྲིངས་བ། བཟོད་པའི་གོ་ཆས་ཚིག་རྩུབ་ཀྱི་མདའ་སྲུང་བ་མེད་ན་བླ་མ་དང་མཆེད་ཀྱི་དམ་ལ་འགལ་ཏེ་དམྱལ་བར་འགྲོ་བའི་ཉེས་སྤྱོད་ཡོང་བར་བསྐུལ་བའི་གཏམ་ཀུན་བསྟན་ལ་སྤྲིངས་བ། དབྱར་དུས་སུ་བབས་པའི་ཆར་པ་ཡིད་ཅན་དགའ་བའི་གསོས་སུ་གྱུར་པ་ཉིད་གཅོད་པ་རང་གཅིག་པུའི་དོན་དུ་གཞན་མང་པོ་ལ་འཚེ་བ་སྤོང་བར་བསྐུལ་བའི་གཏམ་ཆར་གཅོད་མཁན་ལ་སྤྲིངས་བ། གཞན་ནོར་མཐུས་ལེན་པའི་ལས་འབྲས་བསྟན་ཏེ་སྤོང་བར་བསྐུལ་བའི་གཏམ་ཨར་ཇག་སྤྱི་ལ་སྤྲིངས་བ། པདྨའི་རྒྱལ་ཚབ་སྤྲུལ་པའི་གཏེར་ཆེན་མཆོག་གྱུར་གླིང་པ་ལ་ཕུལ་བའི་འབུལ་ཡིག་རྣམས་སོ། །གཉིས་པ་ནི། སྡེབ་སྦྱོར་གྱི་མན་ངག་ངོ་མཚར་རྟོགས་བྱེད་རིན་ཆེན་ཕྲེང་བ་ཞེས་བྱ་བའོ། །གསུམ་པ་ལ། རྩིས་གཞུང་ཉིན་བྱེད་སྣང་བའི་འདས་ལོ་སོགས་ངེས་པ་གསར་སྤོས་མཛད་པ་དགེ་ལེགས་ཉི་མ་ཞེས་བྱ་བ། ཉིན་སྣང་བུ་ཡིག་བསྟན་རྩིས་ལ་ཆོས་འབྱུང་རགས་པ་མཆན་དུ་སྟོན་པ་ངོ་མཚར་ཕྲེང་བ། རྩིས་དཀར་ནག་ཟུང་འཇུག་གི་ལེའུ་ཐོའི་རྣམ་བཤད་གོ་ལའི་རྣ་རྒྱན། ཡུལ་དུས་ལོངས་སྤྱོད་སྒྲིག་ཐབས་ཀྱི་མན་ངག་དང༌། དུས་གཟེར་འགོད་པའི་ལག་ལེན་དང་རྩིས་འབྲས་མདོར་བསྡུས་སྤང་བླང་འདོད་པའི་སྙེ་མ། ལེའུ་ཐོའི་མགོ་རྒྱན་དཔྱོད་ལྡན་མཁས་པའི་ཡིད་འཕྲོག །ཕྱི་ནང་གཞན་གསུམ་དག་པར་བསྟན་པའི་དོན་འགྲེལ་བླང་དོར་གསལ་བའི་རེ་མིག་གི་མགོ་རྒྱན་རྣམས་དང༌། གཞན་ལ་གསོ་བ་རིག་པའི་བྱེ་བྲག་ཕྲན་ཚེག་འབམ་བཅོས་ཀྱི་ལག་ལེན་གོ་བདེར་བསྡུས་པ་བཅས་བཞུགས་སོ། ༈ གླེགས་བམ་གཉིས་པ། ཁ༽ པ་ལ། གཉིས་པ་ཐུན་མོང་མ་ཡིན་པའི་ནང་དོན་རིག་པ་ལ། ཆོས་གང་ཞིག་འཆད་བྱེད་ཀྱི་ཡན་ལག་དང༌། འཆད་བྱའི་གཞུང་གཉིས་ལས། དང་པོ་མདོ་སྔགས་ཐེག་པ་རྒྱ་མཚོའི་ཆོས་ཚུལ་གང་ཡང་གཞན་ལ་སྟོན་ཅིང་འཆད་པ་ལ། འཆད་བྱེད་ཀྱི་ཐབས་ཚུལ་མེད་དུ་མི་རུང་བ་ནི། དཀྱུས་ཀྱི་ས་གཅོད་པ་སྟག་མོའི་མཆོང་སྟབས་ལྟ་བུ་ཞེས། གཞུང་དོན་ཚན་རེ་རེ་བཞིན་གྱིས་བསྟན་པའི་དོན་བསྡུས་ཏེ་སོ་སོར་མ་འདྲེས་པར་འཆད་ཤེས་པ་འཆད་ཚུལ་གྱི་མན་ངག་མཆོག་ཏུ་གྱུར་པ་སྟེ། བསྡུས་དོན་ས་བཅད་སྣ་ཚོགས་ཀྱི་སྐོར་ཕྱོགས་གཅིག་ཏུ་འགོད་པ་ལ། བཀའ་བསྟན་སྤྱིའི་བཤད་བྱའི་ཡན་ལག་ཀུན་མཁྱེན་དྲི་མེད་འོད་ཟེར་གྱིས་མཛད་པའི་བསྟན་བཅོས་ཡིད་བཞིན་རིན་པོ་ཆེའི་མཛོད་ལ་དཔེར་མཚོན་པ་དང༌། འཁོར་ལོ་དང་པོ་གཙོ་ཆེ་བའི་བསྟན་བཅོས་མངོན་པའི་མཛོད་ཀྱི་ས་བཅད། འཁོར་ལོ་བར་པ་གཙོ་ཆེར་སྟོན་པའི་བསྟན་བཅོས་དབུ་མ་རྩ་བ་ཤེས་རབ་ཀྱི་ས་བཅད། ཤེར་ཕྱིན་མངོན་རྟོགས་རྒྱན་གྱི་ས་བཅད། འཁོར་ལོ་ཐ་མ་གཙོ་ཆེར་འགྲེལ་བའི་བསྟན་བཅོས་རྒྱུད་བླ་མའི་ས་བཅད། སྤྱོད་ཕྱོགས་གཙོ་ཆེ་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་ས་བཅད། མདོ་སྡེ་རྒྱན་གྱི་ས་བཅད། ཐེག་པ་གསུམ་དང་རིག་འཛིན་གྱི་སྡེ་སྣོད་དང་བཅས་པའི་ཉམས་ལེན་བསྟན་པའི་བསྟན་བཅོས་སྡོམ་གསུམ་རྣམ་པར་ངེས་པའི་ས་བཅད། རྒྱུད་ཐམས་ཅད་ཀྱི་རྒྱལ་པོ་སྒྱུ་འཕྲུལ་གསང་བ་སྙིང་པོའི་འཆད་ཐབས་བརྒྱུད་པ་གསུམ་གྱི་ལོ་རྒྱུས་དང༌། མ་ཧཱ་ཡོ་གའི་རྒྱན་བདུན་བཤད། གསང་སྔགས་གཙོ་ཆེར་སྟོན་པའི་བསྟན་བཅོས་ཡོན་ཏན་རིན་པོ་ཆེའི་མཛོད་ཀྱི་འཆད་ཐབས་ཡིད་ཀྱི་མེ་ལོང༌། ཡོན་ཏན་མཛོད་ཀྱི་བསྡུས་དོན་ས་བཅད་ཨུཏྤལ་གསར་པའི་ཕྲེང་བ། ཡོན་མཛོད་ས་བཅད་འབྲིང་པོ་ལྟར་བྱས་པ་མུ་ཏིག་དཀར་པོའི་ཕྲེང་བ། ཡོན་མཛོད་ཀྱི་ས་བཅད་རྒྱས་པ་འབྱེད་འགྲེལ་མེ་ཏོག་གི་ཕྲེང་བ་རྣམས་དང༌། རྫོགས་པ་ཆེན་པོ་གཙོ་ཆེར་སྟོན་པའི་བསྟན་བཅོས་ངལ་གསོ་སྐོར་གསུམ་གྱི་འཆད་ཐབས་མན་ངག་གསལ་བ། སེམས་ཉིད་ངལ་གསོའི་བསྡུས་དོན་ས་བཅད་པདྨ་དཀར་པོའི་ཟིལ་མངར། ཀུན་མཁྱེན་འཇིགས་མེད་གླིང་པའི་གསུང་གུ་རུའི་གསོལ་འདེབས་བསམ་པ་མྱུར་འགྲུབ་མའི་ས་བཅད། དམ་པའི་རིགས་ཅན་དྲ་མ་ལྔ་དང་རིག་འཛིན་འདུས་པའི་འཁོར་གྱི་གསུང་སྤྱི་བཤགས་དུས་གསུམ་བདེ་གཤེགས་མའི་ས་བཅད། སངས་རྒྱས་ཕལ་པོ་ཆེའི་མདོ་ལས་བྱུང་བའི་བཟང་པོ་སྤྱོད་པའི་སྨོན་ལམ་གྱི་ས་བཅད་བསྡུས་པ་སྡོམ་དུ་བསྟན་པ། མཁས་གྲུབ་ཀརྨ་ཆགས་མེད་ཀྱིས་གསུངས་པའི་བདེ་སྨོན་ས་བཅད། རྗེ་རིན་པོ་ཆེ་བློ་བཟང་གྲགས་པའི་དཔལ་གྱིས་གསུངས་པའི་བདེ་སྨོན་ཞིང་མཆོག་སྒོ་འབྱེད་ཀྱི་འདོན་འགྲིགས་ས་བཅད། གཏེར་ཆེན་འགྱུར་མེད་རྡོ་རྗེས་གསུངས་པའི་སྨོན་ལམ་སྤྱི་འགྲོ་བླ་མ་ཡི་དམ་མའི་ས་བཅད། སློབ་གསར་རྣམས་ཀྱི་བློ་གྲོས་རྩལ་སྦྱོང་ཚོགས་བཤད་འབུལ་བའི་མགོ་བསྐུལ་དང་མཇུག་གི་མཚམས་སྦྱོར་བཅས་སོ། །གཉིས་པ་འཆད་བྱའི་གཞུང་ལ་རྒྱུ་མཚན་ཉིད་ཀྱི་ཐེག་པ་དང༌། འབྲས་བུ་གསང་ཆེན་ངེས་པའི་ཐེག་པར་གཏོགས་པ་གཉིས་ལས། དང་པོ་ལ། འཁོར་ལོ་གསུམ་སོ་སོ་བ་དང༌། ཐུན་མོང་བ་རིག་འཛིན་གྱི་སྡེ་སྣོད་བཅས་འདུས་པའི་སྡེ་སྟེ་གཉིས་སོ། །དང་པོ་ལ། འཁོར་ལོ་དང་པོར་གཏོགས་པ། བདེན་པ་བཞི་སོགས་ཀྱི་ཟིན་བྲིས། དགེ་སློང་གིས་བསྒྲུབ་པའི་བསླབ་བྱ་གཞི་བཅུ་བདུན་གྱི་ཟིན་བྲིས་ཆེ་ཆུང་ཚན་གཉིས། སྤྱིར་དུས་ཁྲིམས་ཡན་ལག་བརྒྱད་པ་འདུལ་བར་གཏོགས་ཀྱང་འདི་ཐེག་ཆེན་གསོ་སྦྱོང་ཡིན་པ་མ་ཟད་གསང་སྔགས་བྱ་བའི་རྒྱུད་ཀྱི་དཀའ་ཐུབ་ཀྱི་ཡན་ལག་ཀྱང་ཡིན་མོད། དེ་ལྟ་ནའང་བསྲུང་བྱ་དུས་ཁྲིམས་ཀྱི་རྣམ་པ་དབང་བཙན་དུ་འདིར་འགོད་པ་ལ། བསྙེན་གནས་དང་འབྲེལ་བའི་ཐེག་ཆེན་གསོ་སྦྱོང་སྤྱིན་པའི་མཚམས་སྦྱོར་འཆད་ཚུལ་ཐ་དད་པ་གཉིས་དང༌། བཀའ་འཁོར་ལོ་བར་ཐ་ཐུན་མོང་གི་དང་པོའི་འཇུག་སྒོ་བྱང་ཆུབ་སེམས་བསྐྱེད་ཀྱི་སྡོམ་པ་འབོགས་ཆོག་རྒྱལ་སྲས་ཤནྟ་དེ་ཝའི་སྤྱོད་འཇུག་གི་ལུགས་ཀྱི་མཚམས་སྦྱོར་སེམས་བསྐྱེད་རྒྱུད་ལྡན་གྱི་གང་ཟག་བློ་དམན་གྱིས་བསྲུང་ཚུལ་གྱི་ཟིན་བྲིས་མདོར་བསྡུས་ལེ་ཚན་གསུམ། སྐྱབས་འགྲོ་དང་སེམས་བསྐྱེད་ཀྱི་ཟིན་བྲིས། བསླབ་པ་ཀུན་ལས་བཏུས་པ་ཞི་བའི་ལྷས་གསུངས་པ་ལ་མཆན་འགྲེལ་མཛད་པ། བྱང་སེམས་ཀྱི་བློ་སྦྱོང་གི་སྤྱོད་པ་གཙོ་བོར་སྟོན་པ་སྤྱོད་འཇུག་གི་སྒོམ་རིམ་རབ་གསལ་ཉི་མ་ཞེས་བྱ་བ། ཐེག་པ་ཆེན་པོ་མདོ་སྡེའི་རྒྱན་གྱི་དོན་བསྡུས་པ། བསླབ་པ་ཐམས་ཅད་ཀྱི་སྲུང་བ་དྲན་ཤེས་བག་ཡོད་བསྟེན་ཚུལ་གྱི་ཟིན་བྲིས། ཐེག་ཆེན་ལམ་གྱི་རྩ་བ་དམ་པ་གསུམ་གྱི་ཟིན་བྲིས་ཚན་གཉིས་སྐུལ་བ་པོ་སོ་སོ་ལ་གསུངས་པ་དང༌། བྱང་ཆུབ་སེམས་དཔའ་སེམས་ཅན་གྱི་དོན་སྤྱོད་པའི་ཚེ་རང་གཞན་གྱི་འབྱོར་པའི་གནས་སྐབས་དགུ་ལ་བརྟགས་པའི་ཚུལ། ཐེག་ཆེན་གྱི་ལྟ་བ་ངོ་སྤྲོད་པའི་ཁྲིད། དཀོན་མཆོག་བསྡུས་པའི་སྡོམ་བྱང༌། བྱང་ཆུབ་སེམས་དཔའི་འགལ་རྐྱེན་བདུད་ཀྱི་བར་ཆད་བརྟགས་དང་སྤོང་ཚུལ་གྱི་མན་ངག །བྱང་ཆུབ་ཀྱི་མཐུན་རྐྱེན་ཐེག་ཆེན་མདོ་སྡེ་མཐོང་བའི་ཕན་ཡོན་རྣམས་བཞུགས་སོ། ༈ གླེགས་བམ་གསུམ་པ། ག༽ པ་ལ། འཁོར་ལོ་བར་པའི་དགོངས་འགྲེལ་གྱི་བསྟན་བཅོས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་སྤྱི་དོན་དང༌། འབྲུ་འགྲེལ། ཐེག་ཆེན་དགེ་འདུན་ཉི་ཤུའི་ཟུར་བཀོལ། ཤེས་རབ་བསྡུས་པའི་སྡོམ་བྱང༌། ཤེས་རབ་ཀྱི་ཕ་རོལ་ཏུ་ཕྱིན་པའི་སྒོམ་རིམ། ཤེས་རབ་ཁྲི་པའི་ལུང་འགྲེལ་དང་དོན་བསྡུས་རྣམས་བཞུགས་སོ། ༈ གླེགས་བམ་བཞི་པ། ང༽ པ་ལ། འཁོར་ལོ་ཐ་མ་གཙོ་བོར་གྱུར་པའི་ཐེག་གསུམ་སྔགས་དང་བཅས་པའི་ཉམས་ལེན་གྱི་ཕྱོགས་ཏེ། ཕྱི་ནང་གྲུབ་མཐའི་དབྱེ་ཚུལ་ས་བོན། སྡོམ་གསུམ་རྣམ་ངེས་ཀྱི་ལེའུ་དང་པོའི་སྐབས་ཀྱི་ཐེག་རིམ་དགུའི་རྣམ་བཞག །ལེའུ་གསུམ་པ་བྱང་སེམས་ཀྱི་འབྲུ་འབྲེལ། ཉེས་བྱས་ཕྲ་བ་བརྒྱད་ཅུའི་རེ་མིག །འབྲས་བུ་སྐུ་དང་ཡེ་ཤེས་ཀྱི་ཟིན་བྲིས། སྡོམ་པ་གསུམ་གྱི་གནད་བསྡུས་པ། རྒྱལ་དབང་ལྔ་པ་ཆེན་པོས་གསུངས་པའི་སྡོམ་གསུམ་སྨོན་ལམ་གྱི་ཚིག་འགྲེལ། ཡོན་ཏན་རིན་པོ་ཆེའི་མཛོད་ཀྱི་དཀའ་འགྲེལ་ཉིན་བྱེད་སྣང་བ། དེའི་ཞིབ་དཔྱོད་ས་ལམ་བྱེ་བྲག་ཏུ་བཤད་པ་གསུང་རྒྱུན་ཟིན་བྲིས། བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པའི་དཀའ་འགྲེལ་ས་ལམ་རྣམ་བཞག་དང་མཚམས་སྦྱོར་གྱི་ངག་བཀོལ། གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་དོན་འགྲེལ་དང༌། དེའི་སྨད་ཆའི་རྫོགས་ཆེན་སྡེ་གསུམ་གྱི་ཚིག་འགྲེལ་རྣམས་སོ། །གཉིས་པ་འབྲས་བུ་སྔགས་ཀྱི་ཐེག་པའི་ཕྱོགས་ཀྱི་དགོངས་འགྲེལ་ལ། འཇུག་སྒོ་དབང་གི་གསལ་བྱེད་དང༌། དབང་ཐོབ་པའི་གང་ཟག་གིས་སྔགས་ལ་སློབ་ཚུལ་གྱི་རིམ་པ་གཉིས་སོ། །དང་པོ་ལ་བླ་མེད་སྤྱིའི་དབང་བཞིའི་རྣམ་བཤད་རིན་ཆེན་ཕུང་པོ། ཀར་གླིང་ཞི་ཁྲོའི་མཚན་ནས་མ་ཧཱ་ཡོ་ག་གཙོ་བོར་གྱུར་པའི་དབང་གི་མཚམས་སྦྱོར་པུཎྜཱ་རི་ཀའི་དོ་ཤལ། དེ་དང་འབྲེལ་བ་ཀར་གླིང་ཞི་ཁྲོའི་བསྙེན་ཡིག་དང་ཆོ་གའི་ལས་འགྲིགས། བླ་སྒྲུབ་རིག་འཛིན་འདུས་པའི་ལས་འགྲིགས། ལུང་ཨ་ནུ་ཡོ་ག་འདུས་པ་མདོ་དབང་གི་ལས་འགྲིགས། མན་ངག་རྫོགས་པ་ཆེན་པོ་སྙིང་ཐིག་ཡ་བཞིའི་མཁའ་འགྲོའི་སྙིང་ཐིག་སོགས་ཀྱི་དབང་གི་ཟིན་བྲིས་ལས་འགྲིགས་བཅས་སོ། །གཉིས་པ་ལ་བུམ་དབང་གི་ལམ་བསྐྱེད་རིམ་ཡན་ལག་དང་བཅས་པ། གསང་ཤེར་དབང་གི་ལམ་རྫོགས་རིམ་དུ་གཏོགས་པ། དབང་བཞི་པའི་ལམ་ཕྱག་རྫོགས་ཀྱི་ཉམས་ལེན་སྟོན་པ། དེ་དག་གི་ཆ་ལག་ངག་འདོན་ཐོར་བུའི་སྐོར། ཉམས་སུ་ལེན་ཚུལ་གྱི་མན་ངག་སྐལ་བ་དང་མཚམས་པར་གདམས་པའི་ཞལ་གདམས་སྣ་ཚོགས་ཀྱི་སྐོར་ཏེ་ལྔ་ལས། དང་པོ་ལ། བླ་མེད་སྤྱིའི་བསྐྱེད་རིམ་ལྷའི་ཁྲིད་འོག་མིན་བགྲོད་པའི་ཐེམ་སྐས་ཀྱི་དཀའ་འགྲེལ། སྲོག་སྡོམ་གཟེར་བཞི་བཤད་པ་ཚངས་པའི་སྒྲ་དབྱངས། རྫོང་འཕྲང་སྲོག་གསུམ་གྱི་བཤད་པ་རྣམས་དང༌། ལམ་གྱི་ཡན་ལག་དམ་ཚིག་གི་རྟེན་རྡོར་དྲིལ་རྣམ་བཤད་རྒྱལ་བའི་དགོངས་པ་གསལ་སྟོན། དཔལ་ལྡན་དུས་ཀྱི་འཁོར་ལོའི་སྙིང་པོ་སྔགས་ཀྱི་དཀྱིལ་འཁོར་རྣམ་བཅུ་དབང་ལྡན་གྱི་ཐིག་དང་དོན་བཤད་བཅས་སོ། །གཉིས་པ་ལ། ཐབས་གྲོལ་ལམ་གྱི་ཁྱད་པར་སྤྱི་བཤད་པ། རྫོགས་རིམ་གྱི་ཆོས་དྲུག་བསྡུས་ཏེ་བསྟན་པ་འདའ་ཁའི་ཉམས་ལེན་བར་དོའི་ངོ་སྤྲོད་རྫོགས་རིམ་གྱི་འབྲས་བུ་འཕོ་མེད་མི་འགྱུར་པའི་སྐུའི་དོན་བཤད་པ། སྐྱབས་རྗེ་གཞན་ཕན་མཐའ་ཡས་ཀྱི་བརྟན་བཞུགས་ཚིག་འགྲེལ། རྡོ་རྗེའི་ཚིག་གི་ཁ་འབྱེད་ཅེས་བྱ་བ་རྣམས་སོ། །གསུམ་པ་ལ། གནས་ལུགས་ཕྱག་རྒྱ་ཆེན་པོ་ཅིག་ཆར་དུ་སྟོན་པའི་ཁྲིད་ཡིག་མངའ་བདག་མར་པ་ལོ་ཙཱ་སོགས་ཀྱི་གསུང་གི་གནད་བསྡུས་པ་གེགས་སེལ་བོགས་འདོན་གྱི་མན་ངག་དང་བཅས་པ། བསྐྱེད་རྫོགས་ཀྱི་འབྲས་བུ་གསང་སྔགས་ལྟར་ནང་ལྟར་ས་བཅུ་ལམ་ལྔ་བྱང་ཆུབ་ཕྱོགས་ཆོས་སོ་བདུན་གྱི་བགྲོད་ཚུལ་མཚུངས་མེད་བླ་མའི་ཡོན་ཏན་དང་སྦྱར་ནས་བརྒྱུད་གསུམ་བླ་མ་རྒྱང་འབོད་ཀྱི་ཚུལ་དུ་བཤད་པ་བླ་མ་རྒྱང་འབོད་རྩ་འགྲེལ་དཀྱུས་སུ་བཀོད་པ་མོས་གུས་གདུང་བའི་རྒྱང་གླུ་བརྒྱུད་གསུམ་བླ་མའི་བྱིན་རླབས་རང་རྒྱུད་ལ་ལེན་པའི་ཕོ་ཉ་ཞེས་བྱ་བ། རྫོགས་པ་ཆེན་པོ་སེམས་སྡེ་ཨ་རོའི་ལུགས་ཀྱི་ཁྲིད་ཡིག་སྙིང་པོར་བསྡུས་ཏེ་གང་ཟག་བློ་རིམ་དགུ་ལ་སོ་སོར་འཁྲིད་ཚུལ་རྗེ་བཙུན་བླ་མ་དམ་པའི་ཞལ་ཤེས་དང་བཅས་པ། རྫོགས་པ་ཆེན་པོ་མན་ངག་སྡེ་གསང་བ་སྙིང་ཐིག་གི་འཕྱོང་དང་རྣམ་དབྱེ་སྟོན་པ་མུན་ཁང་སྒྲོན་མེ། སེམས་ཉིད་ཀྱི་རང་ངོ་གཅིག་ཐོག་ཏུ་ལྟ་ཞིང་རྟེན་བསླབ་གསུམ་ལ་གནས་པར་གདམས་པ་ངོ་སྤྲོད་གནད་ཀྱི་མེ་བཙའ། མཚུངས་མེད་བླ་མ་འཇིགས་མེད་རྒྱལ་བའི་མྱུ་གུའི་འདས་རྗེས་ཐུགས་སྲས་འཁོར་ལོའི་དབང་ཕྱུག་རྫོགས་སྤྲུལ་བཞི་པ་ལ་བབས་པ་རྫོགས་པ་ཆེན་པོའི་ཉམས་ལེན་མཐར་ཐུག་གི་འགྲེལ་པ་འོད་གསལ་གྱི་སྣང་ཆ་ཞེས་བྱ་བ། དགའ་རབ་དཔའ་བོའི་འདས་རྗེས་ཚིག་གསུམ་གནད་དུ་བརྡེག་པའི་མན་ངག་རྩ་འགྲེལ་སྡེབ་པ་མཁས་པ་ཤྲཱི་རྒྱལ་པོའི་ཁྱད་ཆོས་རྣམས་དང༌། རྫོགས་ཆེན་རྟོགས་པའི་རྣལ་འབྱོར་པས་རོ་སྙོམས་བརྟུལ་ཞུགས་སྤྱོད་པའི་ལམ་ཁྱེར་གཅོད་ཡུལ་མཁའ་འགྲོའི་གད་རྒྱངས་ཀྱི་དམིགས་གནད་སྟོན་པའི་འགྲེལ་བཤད། རྫོགས་པ་ཆེན་པོ་ལ་ལོག་པར་རྟོག་པ་སེལ་བ་བརྒལ་ལན་སྨྲ་ངན་ཞི་བྱེད་ཅེས་བྱ་བ་རྣམས་བཞུགས་སོ། ༈ གླེགས་བམ་ལྔ་པ། ཅ༽ པ་ལ། རྫོགས་པ་ཆེན་པོ་ཀློང་ཆེན་སྙིང་གི་ཐིག་ལེའི་ཐུན་མོང་དང༌། ཁྱད་པར་གྱི་སྔོན་འགྲོའི་ཁྲིད་ཡིག་རྗེ་བླ་མ་དམ་པ་མཚུངས་མེད་རྒྱལ་བའི་མྱུ་གུའི་གསུང་རྒྱུན་ཇི་བཞིན་པར་བཀོད་པ་ཀུན་བཟང་བླ་མའི་ཞལ་ལུང་ཞེས་བྱ་བ། དེ་ལས་ཁྱད་པར་གྱི་སྔོན་འགྲོའི་དམིགས་རིམ་རྣམས་ཟུར་བཀོལ་བགྱིས་པ། ཞར་བྱུང་ཤ་ཆང་གི་ཉེས་དམིགས་བསྟན་པ་ལེགས་བཤད་ཀུན་ལས་བཏུས་པ་བཅས་བཞུགས་སོ། ༈ གླེགས་བམ་དྲུག་པ། ཆ༽ པ་ལ། བཞི་པ་ངག་འདོན་ཐོར་བུའི་སྐོར་ཏེ། སངས་རྒྱས་ཕལ་པོ་ཆེའི་མདོའི་དགོངས་དོན་བཞིན་བྱང་ཆུབ་སེམས་དཔའི་སྤྱོད་ཡུལ་རྣམ་བཞི་ཐམས་ཅད་ཡོངས་སུ་དག་པར་བྱེད་པའི་སེམས་བསྐྱེད་ཀྱི་གསལ་འདེབས་སྨོན་ལམ། མདོ་དེ་ཉིད་དུ་བསྟན་པའི་རྒྱལ་སྲས་བྱང་ཆུབ་སེམས་དཔའ་ནོར་བཟང་གིས་ཐོག་མར་རྗེ་བཙུན་འཇམ་དཔལ་དབྱངས་ལས་བྱང་ཆུབ་མཆོག་ཏུ་ཐུགས་བསྐྱེད་ནས་རྒྱལ་སྲས་ཀྱི་སྤྱོད་པའི་ཆོས་འཚོལ་ཏེ་དགེ་བའི་བཤེས་གཉེན་བྱང་ཆུབ་སེམས་དཔའ་སེམས་མ་ཆེན་པོ་ལྔ་བཅུ་རྩ་གཅིག་བསྟེན་པ་དེ་རྣམས་ལ་ཕྱག་འཚལ་ནས་དེ་དག་གིས་ནོར་བཟང་ལ་བསྟན་པའི་རྒྱལ་བའི་སྲས་ཀྱི་ཀུན་ཏུ་སྤྱོད་པ་ཏིང་ངེ་འཛིན་རྒྱུད་ལ་སྐྱེ་བར་སྨོན་ལམ་གདབ་པ། ཡང་དེ་ལས་ཁྱིམ་བདག་སེམས་དཔའ་ཆེན་པོ་ནན་ཞུགས་བྱ་བས་ནོར་བཟང་ལ་ལྷོ་ཕྱོགས་དཔལ་གྱི་ཆུ་རྒྱ་ཆེན་པོའི་དབུས་ན་རི་མཆོག་གྲུ་འཛིན་གྱི་ཕོ་བྲང་དུ་བརྟེན་པ་སྤྱན་རས་གཟིགས་དབང་ཕྱུག་གི་དྲུང་དུ་སོང་ལ་རྒྱལ་སྲས་ཀྱི་སྤྱོད་པའི་ཆོས་ཞུས་ཞེས་ལུང་བསྟན་པའི་ཚིག་ཕྲད་སྨོན་ལམ་དུ་བསྒྱུར་བ། བྱང་ཆུབ་སེམས་དཔའི་སྤྱོད་པ་ལ་འཇུག་པའི་གཞུང་བཤད་ཀྱི་བརྒྱུད་པའི་གསོལ་འདེབས། བླ་མ་འཇའ་ལུས་རྡོ་རྗེའི་མཚན་དོན་གསོལ་འདེབས། བླ་མ་བཀའ་དྲིན་ཅན་འཇིགས་མེད་རྒྱལ་བའི་མྱུ་གུའི་གསོལ་འདེབས་སྨོན་ལམ་དང་བཅས་པ། ཡང་བླ་མ་ལ་གསོལ་བ་འདེབས་པ་སྐྱབས་གནས་བསླུ་མེད་ཅེས་པའི་དབུ་ཅན། རྒྱལ་སྲས་ཞི་བའི་ལྷ་དང་ཀཿཐོག་པ་དམ་གཙང་བྱམས་གསུམ་གྱི་གསོལ་འདེབས། འཕགས་པ་འཇམ་དཔལ་དབྱངས་ཀྱི་རྒྱུན་ཁྱེར་བསྡུས་པ། རྗེ་བཙུན་བླ་མ་བཀའ་བབས་བདུན་ལྡན་པདྨའི་རྒྱལ་ཚབ་འཇམ་དབྱངས་མཁྱེན་བརྩེའི་དབང་པོ་ལ་ཕུལ་བའི་བརྟན་བཞུགས་གསོལ་འདེབས་ཚན་པ་བདུན། རྗེ་བླ་མ་མཚམས་པ་རིན་པོ་ཆེའི་ཡང་སྲིད་ཀྱི་བརྟན་བཞུགས་གསོལ་འདེབས། ཤར་ཛམ་ཐང་གི་གཙང་པ་དགེ་བཤེས་ཀྱི་ཞབས་བརྟན། ཞབས་དཀར་ཚོགས་དྲུག་རང་གྲོལ་གྱི་ཡང་སྲིད་མྱུར་འབྱོན་གསོལ་འདེབས། དཔལ་སྤུངས་ཟླ་བཟང་སྤྲུལ་སྐུའི་ཡང་སྲིད་མྱུར་འབྱོན། སྒྲོལ་མ་མཎྜལ་བཞི་ཆོག་མདོར་བསྡུས་གཏོང་ཚུལ། སྤུངས་གཏོར་ཆ་བཞིའི་ཆོ་ག་བསྡུས་པ། གསུར་མཆོད་བདུད་རྩིའི་ཆར་འབེབས། དེ་ལས་སྙིང་རྗེའི་མགྲོན་དམིགས་བསལ་ལ་བསྔོ་བའི་ཁོལ་བཏོན་ལེ་ཚན། བློ་སྦྱོང་ལུགས་ཀྱི་ལུས་སྦྱིན་ཚོགས་གཉིས་ཟུང་འཇུག །བདེ་མཆོག་བཀའ་སྲུང་དུར་ཁྲོད་བདག་པོའི་བསང་མཆོད། གནོད་སྦྱིན་ཙིའུ་དམར་པོའི་བསང་མཆོད་བྱ་ཚུལ། ཆོས་སྐྱོང་གི་འཁུ་ལྡོག་ཞི་བ་ཟ་ངུའི་ཕྲིན་བཅོལ། མཐུན་ལྡན་དྲེགས་པའི་ཚོགས་ལ་ཞི་རྒྱས་ཀྱི་ཕྲིན་ལས་བཅོལ་བ་བཀྲ་ཤིས་བདེ་ལེགས་ཀུན་འབྱུང༌། དྲག་པོ་མངོན་སྤྱོད་ཀྱི་ཕྲིན་ལས་བཅོལ་བ་དམོད་ངན་དུག་གི་མེ་ཏོག །ཚེ་རབས་ཀུན་ཏུ་མཆོག་གསུམ་དང་མི་འབྲལ་ཞིང་མདོ་སྔགས་ལམ་གྱི་རིམ་པ་ཡོངས་རྫོགས་ལ་སློབ་པའི་སྨོན་ལམ། ན་མོ་གུ་རུ་བསྐལ་མང་གོང་ནས་སོགས། ཀུན་མཁྱེན་ཡབ་སྲས་ཀྱི་བསྟན་པ་ལ་ཐོས་བསམ་བཤད་སྒྲུབ་ཀྱི་བྱ་བས་མི་ནུབ་པར་འཛིན་པའི་བསྟན་རྒྱས་སྨོན་ལམ། ཐུབ་བསྟན་མཛེས་པའི་རྒྱན་གཅིག་སོགས་སོ། །ལྔ་པ་སྐལ་བཟང་སློབ་མའི་ཚོགས་ལ་རང་སྐལ་དང་མཚམས་པར་གདམས་པའི་མན་ངག་ཞལ་གདམས་སྣ་ཚོགས་ཀྱི་སྐོར་ལ། ཐོག་མར་དགེ་བ་ངེས་འབྱུང་ཆོས་ལ་བསྐུལ་བའི་གཏམ་གྱིས་ཡང་དག་པའི་ཆོས་ལ་བློ་འདུན་པར་གདམས་ཏེ། བར་དུ་དགེ་བ་ལྟ་སྒོམ་གཏན་ལ་དབབ་པའི་གཏམ་གྱིས་སྣང་སྤྱོད་ཐམས་ཅད་ལྷ་མཆོག་ཐུགས་རྗེ་ཆེན་པོའི་རང་བཞིན་དུ་ཤེས་ཤིང་བསྒོམས་ལ་ཆོས་ཀྱི་སྙིང་པོ་ཡི་གེ་དྲུག་མ་བགྲང་བར་གདམས་ནས། ཐ་མར་དགེ་བ་སྙིགས་མའི་སྤྱོད་ཚུལ་སྐྱོ་བའི་གཏམ་གྱིས་བསླུ་བྲིད་འཁྲུལ་བའི་བདུད་དབང་དུ་མི་གཏོང་བར་ལྷ་ཆོས་མཐར་ཕྱིན་པར་བྱེད་ཚུལ་གདམས་པའི་མན་ངག་ཐོག་མཐའ་བར་དུ་དགེ་བའི་གཏམ་ལྟ་སྒོམ་སྤྱོད་གསུམ་ཉམས་ལེན་དམ་པའི་སྙིང་ནོར་ཞེས་བྱ་བ། རང་གི་བློ་གྲོས་ཀྱིས་རང་ལ་གདམས་པའི་བརྡར་བཏགས་པ་བྱར་མེད་རྫོགས་ཆེན་གྱི་ངང་སྒོམ་ཉལ་ཆོག་གི་གདམས་པ་གླང་ཉལ་མ། འདི་སྣང་ཚུལ་འཆོས་སོགས་སྙིང་པོ་མེད་པའི་ཆོས་དང་ཆོས་འདྲའི་ཤན་འབྱེད་ལ་གདམས་པ་གང་ཞིག་འཁོར་བར་སོགས། རང་ལ་གྲོས་འདེབས་ཀྱི་རྣམ་པས་བརྗེད་མི་ཉན་པ་གསུམ་སོགས་གསུམ་ཉེར་གཅིག་གི་གདམས་པ་ཚིག་བརྒྱུད་མན་ངག་གི་ཡི་གེ་རིན་པོ་ཆེའི་མཛོད་ཅེས་བྱ་བ། ངེས་འབྱུང་བྱང་སེམས་ཡང་དག་པའི་ལྟ་བ་སོགས་ཆོས་ཀྱི་ལུས་ཚང་བར་ཉམས་སུ་ལེན་ཚུལ་ཀུན་བཟང་ཆོས་རྒྱལ་ལ་གདམས་པ། ཐོས་བསམ་སྒོམ་གསུམ་ཡུལ་དང་བཅས་པའི་རིམ་པ་མ་ནོར་བར་སློབ་ཚུལ་ལྷུན་གྲུབ་རྡོ་རྗེ་ལ་གདམས་པ། སྐྱབས་སེམས་ཀྱི་རྟེན་གཞི་མ་འཆོལ་བར་ངེས་འབྱུང་སོགས་ལ་སློབ་ཚུལ་གདམས་པ། བཀའ་དྲིན་མཚུངས་པ་མེད་པ་སོགས། ས་གཡོས་ཀྱིས་དགོན་སྡེ་སོགས་ཐལ་བར་བཏང་བའི་མི་རྟགས་མངོན་གྱུར་གྱི་དཔེ་མཚོན་ནས་འདུ་འཛི་སྤངས་ལ་དབེན་པ་བསྟེན། འདི་སྣང་སྤངས་ལ་ལྷ་ཆོས་བསྒྲུབ་དགོས་པར་བླ་མ་སངས་རྒྱས་ཚེ་རིང་ལ་གདམས་པ། ཡུལ་སྣང་དཔེ་རུ་མཚོན་ནས་ཆོས་བསྐུལ་བའི་གདམས་པ། ན་མོ་གུ་རུ་སྐྱེ་མེད་ཆོས་སྐུའི་སོགས། ཕྱི་ནང་གི་དབེན་པ་ཡ་མ་བྲལ་བར་བསྟེན་ཚུལ་སོགས་འཇའ་བ་མདོ་སྔགས་ལ་གདམས་པ། འདུ་འཛི་སྤངས་ནས་དབེན་པར་བསྐུལ་བའི་གདམས་པ། འཇིག་རྟེན་འཁྲུལ་སྣང་སོགས། དུས་མཐའི་སྙིགས་སྤྱོད་ལ་དཔྱད་དེ་སྤོང་བར་གདམས་པ། མཚུངས་མེད་བླ་མ་སོགས། འདིར་སྣང་ཆོས་བརྒྱད་ཀྱི་ཕྱོགས་སྤངས་ནས་ཉིད་ཀྱི་རྣམ་ཐར་ལྟར་སློབ་པར་གདམས་པ། བླ་མའི་ཞབས་སོགས་སློབ་མ་རྡོ་དེད་མ་ཞེས་བྱ་བ། སྨར་ཁོག་ནས་རྡོ་ཁོག་ཏུ་ཕེབས་ཁར་གསུངས་པའི་ཡུལ་ཤེས་ཀྱི་ཞེན་འབྲེལ་གཅོད་པར་གདམས་པ། སྣང་བ་སྒྱུ་མའི་སོགས། མཚན་ལྡན་བླ་མ་ཚུལ་བཞིན་བསྟེན་ནས་གདམས་ངག་ཉན་ཚུལ་གདམས་པ། སྐྱབས་གསུམ་ཀུན་འདུས་སོགས། འདིར་སྣང་གི་ཞེན་པ་སྤངས་ནས་དོན་གཉིས་བསྒྲུབ་ཚུལ་གདམས་པ། ན་མོ་གུ་རུ། གང་ལ་བསྟེན་ན་སོགས། ལམ་མཆོག་ཚང་ལ་མ་ནོར་བ་མཛོད་ཆེན་བདུན་དང་ཤིང་རྟ་གསུམ་བཞིན་སློབ་པར་གདམས་པ། སྟོབས་བཅུ་མངའ་བ་སོགས། ལམ་བཟང་སྡོམ་པ་གསུམ་གྱི་བསྟན་བཅོས་སོགས་ལ་འཆད་ཉན་གྱི་ཉིན་སྣང་འཆར་བའི་དུས་སུ་འཇུག་དགོས་པར་གདམས་པ། ངེས་འབྱུང་སོ་ཐར་སོགས། གྲོགས་ཀྱི་ཀུན་སྤྱོད་འགོ་བར་ཤེས་ནས་སྤང་བླང་ལ་གདམས་པ། གྲོགས་བཟང་པོ་སོགས། བླ་མ་རིག་འཛིན་རྒྱ་མཚོ་ལ་གནང་བ། གཞོན་པའི་དུས་ན་ཐོས་པ་བྱ་བ་སོགས་ལམ་ལ་འཇུག་ཚུལ་མ་འཆོལ་བར་གཞོན་ནུ་པདྨ་དཔལ་བཟང་ལ་གདམས་པ། ན་མོ་མཉྫུ་ཤྲཱི་ཡེ་སོགས། བྱ་བ་མང་པོའི་བློ་སྣ་སྤངས་ཏེ་དབེན་པར་རང་རྒྱུད་འདུལ་བ་ལ་གདམས་པ། བསྐལ་བཟང་ཐུབ་པ་སོགས། སྙིགས་དུས་ཀྱི་བསམ་སྦྱོར་གཡོ་སྒྱུས་གཞན་བསླུ་ཐབས་ཀྱི་བསམ་སྦྱོར་མེད་པར་བློ་ཆེན་ངང་རིང་རྒྱལ་སྲས་ཀྱི་སྤྱོད་པ་ལ་སློབ་ཚུལ་སྡེ་དགེའི་ཆོས་བློན་ལ་གདམས་པ། སྐྱབས་གསུམ་རྒྱལ་བ་སོགས། ཆོས་ལ་གྱ་ཚོམ་མིན་པ་སེམས་ལ་ངེས་པ་ཐོབ་ནས་རིམ་པར་འཇུག་ཚུལ་སོགས་ཐོས་ཆུང་རྣམས་ལ་གདམས་པ། ཤར་རྒྱལ་མོ་རོང་པ་སོགས། མཉམ་པ་གཉེན་དུ་སྡེབ་པའི་བག་སྟོན་ལ་ཕྱུགས་ལུག་མི་གསོད་པར་གདམས་པ་འདྲེ་མོ་ལྟས་བརྒྱ་མ་བྱ་བ། ཇི་སྐད་དུ་སོགས། སྒྲུབ་བརྩོན་ཅན་གཅོད་པ་པདྨ་ཚེ་བརྟན་གྱིས་གསོལ་བའི་ཚོགས་གླུའི་ལན་གནང་བ། བརྟུལ་ཞུགས་རྣལ་འབྱོར་སོགས། ཚོགས་གླུ་སྔོན་གནས་རྗེས་དྲན་གྱི་ཚུལ་བརྡ་ཙམ་བསྟན་པ། མཁའ་སྤྱོད་མངོན་དགའི་སོགས། རྟོགས་པའི་སྐྱིད་གླུ་ཆེད་དུ་བརྗོད་པ་ཉིན་བྱེད་སྣང་བ་སོགས། རང་བཞིན་རྫོགས་པ་ཆེན་པོའི་དོན་ཉམས་སུ་ལེན་ཚུལ་གདམས་པ། བླ་མ་ལ་ཕྱག་འཚལ་ལོ། །བསམ་གྱིས་མི་ཁྱབ་སོགས། བླ་མ་བསྟེན་ནས་ཆོས་ཀྱི་བདུད་རྩི་ཐོབ་སྟེ་རང་གནས་སུ་འགྲོ་བ་དོན་གྲུབ་མགྲོན་པོའི་དཔེས་བསྔགས་ཤིང་དེའི་རྒྱུན་བསྐྱངས་ཏེ་གནས་པར་ཚ་ཁ་འོད་གསལ་ལ་གདམས་པ། མཐོན་མཐིང་ཟུར་ཕུད་སོགས། སྙིགས་མའི་བསམ་སྦྱོར་སྨྲ་བ་ཕྱིན་ཅི་ལོག་ལ་སྐྱེ་བོ་ཕལ་ཆེར་གནས་པ་ལྡོག་ཕྱིར་རྒྱལ་བ་སྲས་དང་སྲུང་མར་བཅས་པའི་ཐུགས་རྗེ་གནད་དུ་བསྐུལ་ཏེ་གསོལ་བ་གདབ་པ་ལྟ་བུའི་ཟོལ་ཚིག་ཉམས་ལྡན་གྱི་གདམས་པ། ན་མོ་ལོ་ཀི་ཤྭ་ར་ཡ་སོགས་སོ། །དྲན་ཤེས་ཀྱི་གཉེན་པོས་ཉོན་མོངས་ཀྱི་རྟོག་པ་གདོང་བཟློག་བྱས་ཏེ་འདིར་སྣང་ལ་ཞེན་པ་སྤང་ཞིང་ཕྱི་མའི་ལྷ་ཆོས་བསྒྲུབས་ནས་རྙེད་ཕྱིར་རྒྱུ་འགྲུལ་སོགས་སྤོང་བ་ལྷ་པ་བློ་ལྡན་ཉི་མ་ལ་གདམས་པ་ཚིག་ལྷུབ་མ། གོ་འཇོ་བླ་མ་པདྨ་རྡོ་རྗེ་ལ་གདམས་པ་ཚིག་ལྷུབ་ཚན་གཉིས། ལམ་ཡོངས་རྫོགས་ཀྱི་གདམས་པ། རྒྱལ་བ་ཀུན་གྱི་ཡེ་ཤེས་གཅིག་བསྡུས་སོགས། དེ་ལྟ་བུའི་ཟབ་རྒྱས་ཆོས་ཀྱི་བདུད་རྩི་མི་ཟད་རིན་པོ་ཆེའི་གཏེར་བཞིན་འཇོ་བས་སྐལ་ལྡན་སྐྱེ་བོའི་རེ་བ་ཡོངས་སུ་སྐོང་བར་མཛད་པ་པོ་ཉིད་ལ་བཀའ་དྲིན་རྗེས་སུ་དྲན་པའི་ཕྱག་འཚལ་བ་གསུང་གི་ཡོན་ཏན་ལ་བསྔགས་པ། རྗེ་བཙུན་བླ་མ་འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་རྩ་བ་དང་མཐའ་བརྟེན་པར་བྱས་པའོ། །དེ་ལྟར་རྒྱས་སྲས་མཁས་པའི་ཁྱུ་མཆོག་དཔལ་སྤྲུལ་འཇིགས་མེད་ཆོས་ཀྱི་དབང་པོའི་བཀའ་འབུམ་ད་ལྟར་དངོས་སུ་བཞུགས་པའི་གླེགས་བམ་ཕ་རོལ་ཕྱིན་པའི་གྲང་ལྡན་འདི་དག་ཕལ་ཆེར་ཞིག་གི་ལུང་རྒྱུན་དངོས་སུ་བཞུགས་ལ་དེ་དག་ཀྱང་བརྒྱུད་པའི་ཁྱད་པར་ཞིབ་ཏུ་ཡོད་ཀྱང་ཐོབ་ཡིག་བརླགས་པས་ཞིབ་གསལ་བཀོད་མ་ནུས་ལ། ལུང་རྒྱུན་དངོས་མེད་པ་རྣམས་ཀྱང་རྗེ་ཉིད་ཀྱི་རིགས་བདག་འཇིགས་མེད་རྒྱལ་བའི་མྱུ་གུའི་མཆོག་སྤྲུལ་རིན་པོ་ཆེ་ཀུན་བཟང་བདེ་ཆེན་རྡོ་རྗེ་ལ་ཁོ་བོས་བརྩམས་པ་ཐམས་ཅད་ཁྱེད་ལ་ལུང་ཐོབ་པ་ཡིན་ཞེས་བཀའ་ཡི་གནང་བ་ཡོད་པ་ལས་གསན་པ་སྟེ། མདོར་ན་བཀའ་འབུམ་ཡོངས་རྫོགས་ཀྱི་ལུང་རྒྱུན་མདོ་སྨད་རྫ་རྒྱུད་ལྕང་མ་མཁན་རིན་པོ་ཆེ་ཐུབ་བསྟན་ཆོས་འཕེལ། བན་ཆེན་མཁན་བཟོད་པ་མཐར་ཕྱིན་ལས་བདག་མངྒ་ལ་ཤྲཱི་བྷཱུ་ཏི་ལ་ཚང་བར་ཐོབ་པའི་སྐལ་བཟང་ཉམས་སུ་མྱོང་བའོ།། །། ༈ ཨོ་རྒྱན་འཇིགས་མེད་ཆོས་ཀྱི་དབང་པོའི་རྣམ་ཐར་དད་པའི་གསོས་སྨན་བདུད་རྩིའི་བུམ་བཟང༌། མཛད་པ་པོ་མཁན་ཀུན་བཟང་དཔལ་ལྡན། བླ་མ་པདྨ་ཚེ་རིང་ལས་སོ།། །།

[edit]

@#/__/ru dam shrI seng+har chos mdzod kyi gral du bkod pa'i chos kyi rje rgyal ba'i sras po 'jigs med chos kyi dbang po'i bka' 'bum glegs bam pha rol phyin pa'i grangs ldan bzhugs pa'i thob yig las/_glegs bam dang po/_ka)_pa la/_bzhugs byang 'dod 'byung rin po che'i za ma tog ces bya ba/_spyir gsung 'bum yongs rdzogs la/_thun mong rig gnas kyi skor dang*/_thun min nang don gyi skor gnyis las/_dang po la/_snyan ngag_/sdeb sbyor/_skar rtsis kyi bstan bcos gsum ste/_dang po snyan ngag gi phyi mo me long gi dper brjod rna ba'i gling bu/_bstod tshogs 'di dag gi rjod byed kyang daN+Di ba'i gzhung gi tshig dang don gyi rgyan gyis spras pa kho na'i phyir sa bcad 'di la 'god pa mi 'gal zhing 'thad de/_de la dpal ldan rdo rje sems dpa' la bstod pa/_'khor lo dang po'i dam pa'i chos 'dul ba la bsngags pa me tog gi skyed mo'i tshal/_ston pa mchog gi gsung gi theg pa'i bye brag so so la bsngags pa chun 'phyang brgyad de/_dang po gsung gsang ba bsam gyi mi khyab pa la bsngags pa pad+ma dkar po'i chun 'phyang*/_gnyis pa gsung rnam pa thams cad pa la bsngags pa u dum wa ra'i chun 'phyang*/_gsum pa gsung dam pa'i chos la bsngags pa ut+pal gzhon nu'i chun 'phyang*/_bzhi pa gsung yi ge'i phreng ba la bsngags pa ku mud dA'i chun 'phyang*/_lnga pa gsung gsang sngags kyi tshul la bsngags pa me tog gi chun 'phyang*/_drug pa gsung zab don gsang ba la bsngags pa zla ba thig le'i chun 'phyang*/_bdun pa gsung yon tan rgya mtsho'i che ba la bsngags pa muk+ti kA'i chun 'phyang*/_brgyad pa gsung ye grol rdzogs chen la bsngags pa bai DUr ya'i chun 'phyang rnams dang*/_kun mkhyen bla ma'i gsung rab la bsngags pa yongs rdzogs bstan pa'i pad tshal zhes bya ba dang*/_bsngags pa'i yul de mjal ba'i yon tan la bsngags pa'i sgo nas blta bar bskul ba rnams dpe bam gcig go__/rje bla ma bka' drin can 'jigs med rgyal ba'i myu gu'i gsang gsum yon tan mi zad rgyan gyi 'khor lo la shar phyogs go Da ba'i lugs kyi bya dka'i tshig rgyan kun bzang 'khor lo bzhi ldan gyi sgo nas bsngags pa/_skyabs rje rgyal ba'i sras po gzhan phan mtha' yas la ro drug sman gyi byed pas nad drug sbyong ba'i dpes phyin drug gi yon tan dang ldan par bsngags pa na mo gu ru bai Sha dz+yai sogs/_thabs lam mchog gi spyod pa la dbang ba'i yon tan bskul ba'i zol gyis bsngags pa/_gzhan phan thugs bskyed sogs/_snang bzhi tshad du phebs pa sogs rang don mngon du gyur cing sde snod gsum ston pa sogs gzhan don mdzad pa'i yon tan la bsngags pa/_gnyis kyi gnyis pa sogs bshad sgrub gser gyi 'khor lo sogs chos kyi rgyal srid dang ldan par bsngags pa/_rim rtsol spros pa sogs/_gzhan yang lta ba chos sku'i dbyings la ma g.yos bzhin spyod pa gzugs sku'i 'gro don mdzad pa la bsngags pa/_ring nas mtha' klas sogs rgya nag lcang skya la springs ba/_sgrub pa'i rgyal mtshan 'dzin bzhin skal ldan slob tshogs la zab rgyas bdud rtsi'i dga' ston 'gyed pa la bsngags pa/_mtha' klas 'gro la sogs rgya nag chos bzang la springs ba/_dpon slob shes pa'i ngang tshul gyis brtse ba'i yon tan la bsngags pa/_zla gzhon thig le'i sogs rgya rong dpon po la springs ba ste/_'di rnams skyabs rje dbus su bzhugs skabs sogs su springs yig phul ba'i 'tshams gsol yin yang don la gang de'i gsang gsum dam pa'i tshul dgu'i yon tan la rab brtags tsam min pa tshul bzhin bsngags pa'i tshig rgyan 'jebs mdzes kyis spras pas bstod tshogs su sdeb par 'os pa dang*/_skyabs rjes gsan yig gi mgo rgyan 'di yang rgyal bstan ris med la gsan bsam bzhes pa bstan 'dzin dam pa'i rnam thar mchog gi che bas bsngags pa rnams dpe bam gcig go__/de nas gtam tshogs kyi skor la/_nges 'byung skyo shas kyi blo skyed pa'i gtam pad+ma'i tshal zhes bya ba chos dang mthun pa'i zlos gar du bsgyur ba/_nges 'byung dang brtson 'grus la bskul ba'i gtam sngon shAkya'i khye'u gzhon nu zung gi gtam rgyud dang sbyar ba/_bsod nams kyi tshogs la bskul ba'i gtam gu ru'i sku tshab gtso bor gyur pa'i rten gsum la gus pa bya tshul legs lam dam pa'i gsos sman zhes bya ba/_chos dang 'jig rten rtogs par byed pa'i gtam gdol ba'i drang srong gi bstan bcos thar pa'i them skas zhes bya ba/_lugs zung phun sum tshogs pa'i tshogs bshad 'bel ba'i gtam lha'i sil snyan zhes bya ba/_lugs zung tshogs gtam gyi lhan thabs rin chen phra tshom/_tshogs kyi gtam maN+Dal rnam bshad tshogs gnyis lam bzang*/_ngo mtshar bskyed pa bzhad gad kyi gtam chu gru lus kyi rnam bshad brgal ba'i lan dang bcas pa/_'du 'dzi spangs te dben par bskul ba theg pa mchog gi tshul dang mthun pa dben pa'i gtam lha'i rnga sgra/_skyel 'pho sogs kyi 'du 'dzis klog spong la g.yeng ba'i rgyu spong bar bskul ba'i gtam rdza dgon la springs ba/_rdo grub la springs ba/_bzod pa'i go chas tshig rtsub kyi mda' srung ba med na bla ma dang mched kyi dam la 'gal te dmyal bar 'gro ba'i nyes spyod yong bar bskul ba'i gtam kun bstan la springs ba/_dbyar dus su babs pa'i char pa yid can dga' ba'i gsos su gyur pa nyid gcod pa rang gcig pu'i don du gzhan mang po la 'tshe ba spong bar bskul ba'i gtam char gcod mkhan la springs ba/_gzhan nor mthus len pa'i las 'bras bstan te spong bar bskul ba'i gtam ar jag spyi la springs ba/_pad+ma'i rgyal tshab sprul pa'i gter chen mchog gyur gling pa la phul ba'i 'bul yig rnams so/__/gnyis pa ni/_sdeb sbyor gyi man ngag ngo mtshar rtogs byed rin chen phreng ba zhes bya ba'o/__/gsum pa la/_rtsis gzhung nyin byed snang ba'i 'das lo sogs nges pa gsar spos mdzad pa dge legs nyi ma zhes bya ba/_nyin snang bu yig bstan rtsis la chos 'byung rags pa mchan du ston pa ngo mtshar phreng ba/_rtsis dkar nag zung 'jug gi le'u tho'i rnam bshad go la'i rna rgyan/_yul dus longs spyod sgrig thabs kyi man ngag dang*/_dus gzer 'god pa'i lag len dang rtsis 'bras mdor bsdus spang blang 'dod pa'i snye ma/_le'u tho'i mgo rgyan dpyod ldan mkhas pa'i yid 'phrog_/phyi nang gzhan gsum dag par bstan pa'i don 'grel blang dor gsal ba'i re mig gi mgo rgyan rnams dang*/_gzhan la gso ba rig pa'i bye brag phran tsheg 'bam bcos kyi lag len go bder bsdus pa bcas bzhugs so/_!_glegs bam gnyis pa/_kha)_pa la/_gnyis pa thun mong ma yin pa'i nang don rig pa la/_chos gang zhig 'chad byed kyi yan lag dang*/_'chad bya'i gzhung gnyis las/_dang po mdo sngags theg pa rgya mtsho'i chos tshul gang yang gzhan la ston cing 'chad pa la/_'chad byed kyi thabs tshul med du mi rung ba ni/_dkyus kyi sa gcod pa stag mo'i mchong stabs lta bu zhes/_gzhung don tshan re re bzhin gyis bstan pa'i don bsdus te so sor ma 'dres par 'chad shes pa 'chad tshul gyi man ngag mchog tu gyur pa ste/_bsdus don sa bcad sna tshogs kyi skor phyogs gcig tu 'god pa la/_bka' bstan spyi'i bshad bya'i yan lag kun mkhyen dri med 'od zer gyis mdzad pa'i bstan bcos yid bzhin rin po che'i mdzod la dper mtshon pa dang*/_'khor lo dang po gtso che ba'i bstan bcos mngon pa'i mdzod kyi sa bcad/_'khor lo bar pa gtso cher ston pa'i bstan bcos dbu ma rtsa ba shes rab kyi sa bcad/_sher phyin mngon rtogs rgyan gyi sa bcad/_'khor lo tha ma gtso cher 'grel ba'i bstan bcos rgyud bla ma'i sa bcad/_spyod phyogs gtso che ba/_byang chub sems dpa'i spyod pa la 'jug pa'i sa bcad/_mdo sde rgyan gyi sa bcad/_theg pa gsum dang rig 'dzin gyi sde snod dang bcas pa'i nyams len bstan pa'i bstan bcos sdom gsum rnam par nges pa'i sa bcad/_rgyud thams cad kyi rgyal po sgyu 'phrul gsang ba snying po'i 'chad thabs brgyud pa gsum gyi lo rgyus dang*/_ma hA yo ga'i rgyan bdun bshad/_gsang sngags gtso cher ston pa'i bstan bcos yon tan rin po che'i mdzod kyi 'chad thabs yid kyi me long*/_yon tan mdzod kyi bsdus don sa bcad ut+pal gsar pa'i phreng ba/_yon mdzod sa bcad 'bring po ltar byas pa mu tig dkar po'i phreng ba/_yon mdzod kyi sa bcad rgyas pa 'byed 'grel me tog gi phreng ba rnams dang*/_rdzogs pa chen po gtso cher ston pa'i bstan bcos ngal gso skor gsum gyi 'chad thabs man ngag gsal ba/_sems nyid ngal gso'i bsdus don sa bcad pad+ma dkar po'i zil mngar/_kun mkhyen 'jigs med gling pa'i gsung gu ru'i gsol 'debs bsam pa myur 'grub ma'i sa bcad/_dam pa'i rigs can dra ma lnga dang rig 'dzin 'dus pa'i 'khor gyi gsung spyi bshags dus gsum bde gshegs ma'i sa bcad/_sangs rgyas phal po che'i mdo las byung ba'i bzang po spyod pa'i smon lam gyi sa bcad bsdus pa sdom du bstan pa/_mkhas grub karma chags med kyis gsungs pa'i bde smon sa bcad/_rje rin po che blo bzang grags pa'i dpal gyis gsungs pa'i bde smon zhing mchog sgo 'byed kyi 'don 'grigs sa bcad/_gter chen 'gyur med rdo rjes gsungs pa'i smon lam spyi 'gro bla ma yi dam ma'i sa bcad/_slob gsar rnams kyi blo gros rtsal sbyong tshogs bshad 'bul ba'i mgo bskul dang mjug gi mtshams sbyor bcas so/__/gnyis pa 'chad bya'i gzhung la rgyu mtshan nyid kyi theg pa dang*/_'bras bu gsang chen nges pa'i theg par gtogs pa gnyis las/_dang po la/_'khor lo gsum so so ba dang*/_thun mong ba rig 'dzin gyi sde snod bcas 'dus pa'i sde ste gnyis so/__/dang po la/_'khor lo dang por gtogs pa/_bden pa bzhi sogs kyi zin bris/_dge slong gis bsgrub pa'i bslab bya gzhi bcu bdun gyi zin bris che chung tshan gnyis/_spyir dus khrims yan lag brgyad pa 'dul bar gtogs kyang 'di theg chen gso sbyong yin pa ma zad gsang sngags bya ba'i rgyud kyi dka' thub kyi yan lag kyang yin mod/_de lta na'ang bsrung bya dus khrims kyi rnam pa dbang btsan du 'dir 'god pa la/_bsnyen gnas dang 'brel ba'i theg chen gso sbyong spyin pa'i mtshams sbyor 'chad tshul tha dad pa gnyis dang*/_bka' 'khor lo bar tha thun mong gi dang po'i 'jug sgo byang chub sems bskyed kyi sdom pa 'bogs chog rgyal sras shan+ta de wa'i spyod 'jug gi lugs kyi mtshams sbyor sems bskyed rgyud ldan gyi gang zag blo dman gyis bsrung tshul gyi zin bris mdor bsdus le tshan gsum/_skyabs 'gro dang sems bskyed kyi zin bris/_bslab pa kun las btus pa zhi ba'i lhas gsungs pa la mchan 'grel mdzad pa/_byang sems kyi blo sbyong gi spyod pa gtso bor ston pa spyod 'jug gi sgom rim rab gsal nyi ma zhes bya ba/_theg pa chen po mdo sde'i rgyan gyi don bsdus pa/_bslab pa thams cad kyi srung ba dran shes bag yod bsten tshul gyi zin bris/_theg chen lam gyi rtsa ba dam pa gsum gyi zin bris tshan gnyis skul ba po so so la gsungs pa dang*/_byang chub sems dpa' sems can gyi don spyod pa'i tshe rang gzhan gyi 'byor pa'i gnas skabs dgu la brtags pa'i tshul/_theg chen gyi lta ba ngo sprod pa'i khrid/_dkon mchog bsdus pa'i sdom byang*/_byang chub sems dpa'i 'gal rkyen bdud kyi bar chad brtags dang spong tshul gyi man ngag_/byang chub kyi mthun rkyen theg chen mdo sde mthong ba'i phan yon rnams bzhugs so/_!_glegs bam gsum pa/_ga)_pa la/_'khor lo bar pa'i dgongs 'grel gyi bstan bcos te/_shes rab kyi pha rol tu phyin pa'i man ngag gi bstan bcos mngon par rtogs pa'i rgyan gyi spyi don dang*/_'bru 'grel/_theg chen dge 'dun nyi shu'i zur bkol/_shes rab bsdus pa'i sdom byang*/_shes rab kyi pha rol tu phyin pa'i sgom rim/_shes rab khri pa'i lung 'grel dang don bsdus rnams bzhugs so/_!_glegs bam bzhi pa/_nga)_pa la/_'khor lo tha ma gtso bor gyur pa'i theg gsum sngags dang bcas pa'i nyams len gyi phyogs te/_phyi nang grub mtha'i dbye tshul sa bon/_sdom gsum rnam nges kyi le'u dang po'i skabs kyi theg rim dgu'i rnam bzhag_/le'u gsum pa byang sems kyi 'bru 'brel/_nyes byas phra ba brgyad cu'i re mig_/'bras bu sku dang ye shes kyi zin bris/_sdom pa gsum gyi gnad bsdus pa/_rgyal dbang lnga pa chen pos gsungs pa'i sdom gsum smon lam gyi tshig 'grel/_yon tan rin po che'i mdzod kyi dka' 'grel nyin byed snang ba/_de'i zhib dpyod sa lam bye brag tu bshad pa gsung rgyun zin bris/_byang chub spyod pa'i smon lam phan bde'i ljon pa'i dka' 'grel sa lam rnam bzhag dang mtshams sbyor gyi ngag bkol/_gsang ba sngags kyi smon lam 'dod 'jo'i dga' ston gyi don 'grel dang*/_de'i smad cha'i rdzogs chen sde gsum gyi tshig 'grel rnams so/__/gnyis pa 'bras bu sngags kyi theg pa'i phyogs kyi dgongs 'grel la/_'jug sgo dbang gi gsal byed dang*/_dbang thob pa'i gang zag gis sngags la slob tshul gyi rim pa gnyis so/__/dang po la bla med spyi'i dbang bzhi'i rnam bshad rin chen phung po/_kar gling zhi khro'i mtshan nas ma hA yo ga gtso bor gyur pa'i dbang gi mtshams sbyor puN+DA ri ka'i do shal/_de dang 'brel ba kar gling zhi khro'i bsnyen yig dang cho ga'i las 'grigs/_bla sgrub rig 'dzin 'dus pa'i las 'grigs/_lung a nu yo ga 'dus pa mdo dbang gi las 'grigs/_man ngag rdzogs pa chen po snying thig ya bzhi'i mkha' 'gro'i snying thig sogs kyi dbang gi zin bris las 'grigs bcas so/__/gnyis pa la bum dbang gi lam bskyed rim yan lag dang bcas pa/_gsang sher dbang gi lam rdzogs rim du gtogs pa/_dbang bzhi pa'i lam phyag rdzogs kyi nyams len ston pa/_de dag gi cha lag ngag 'don thor bu'i skor/_nyams su len tshul gyi man ngag skal ba dang mtshams par gdams pa'i zhal gdams sna tshogs kyi skor te lnga las/_dang po la/_bla med spyi'i bskyed rim lha'i khrid 'og min bgrod pa'i them skas kyi dka' 'grel/_srog sdom gzer bzhi bshad pa tshangs pa'i sgra dbyangs/_rdzong 'phrang srog gsum gyi bshad pa rnams dang*/_lam gyi yan lag dam tshig gi rten rdor dril rnam bshad rgyal ba'i dgongs pa gsal ston/_dpal ldan dus kyi 'khor lo'i snying po sngags kyi dkyil 'khor rnam bcu dbang ldan gyi thig dang don bshad bcas so/__/gnyis pa la/_thabs grol lam gyi khyad par spyi bshad pa/_rdzogs rim gyi chos drug bsdus te bstan pa 'da' kha'i nyams len bar do'i ngo sprod rdzogs rim gyi 'bras bu 'pho med mi 'gyur pa'i sku'i don bshad pa/_skyabs rje gzhan phan mtha' yas kyi brtan bzhugs tshig 'grel/_rdo rje'i tshig gi kha 'byed ces bya ba rnams so/__/gsum pa la/_gnas lugs phyag rgya chen po cig char du ston pa'i khrid yig mnga' bdag mar pa lo tsA sogs kyi gsung gi gnad bsdus pa gegs sel bogs 'don gyi man ngag dang bcas pa/_bskyed rdzogs kyi 'bras bu gsang sngags ltar nang ltar sa bcu lam lnga byang chub phyogs chos so bdun gyi bgrod tshul mtshungs med bla ma'i yon tan dang sbyar nas brgyud gsum bla ma rgyang 'bod kyi tshul du bshad pa bla ma rgyang 'bod rtsa 'grel dkyus su bkod pa mos gus gdung ba'i rgyang glu brgyud gsum bla ma'i byin rlabs rang rgyud la len pa'i pho nya zhes bya ba/_rdzogs pa chen po sems sde a ro'i lugs kyi khrid yig snying por bsdus te gang zag blo rim dgu la so sor 'khrid tshul rje btsun bla ma dam pa'i zhal shes dang bcas pa/_rdzogs pa chen po man ngag sde gsang ba snying thig gi 'phyong dang rnam dbye ston pa mun khang sgron me/_sems nyid kyi rang ngo gcig thog tu lta zhing rten bslab gsum la gnas par gdams pa ngo sprod gnad kyi me btsa'/_mtshungs med bla ma 'jigs med rgyal ba'i myu gu'i 'das rjes thugs sras 'khor lo'i dbang phyug rdzogs sprul bzhi pa la babs pa rdzogs pa chen po'i nyams len mthar thug gi 'grel pa 'od gsal gyi snang cha zhes bya ba/_dga' rab dpa' bo'i 'das rjes tshig gsum gnad du brdeg pa'i man ngag rtsa 'grel sdeb pa mkhas pa shrI rgyal po'i khyad chos rnams dang*/_rdzogs chen rtogs pa'i rnal 'byor pas ro snyoms brtul zhugs spyod pa'i lam khyer gcod yul mkha' 'gro'i gad rgyangs kyi dmigs gnad ston pa'i 'grel bshad/_rdzogs pa chen po la log par rtog pa sel ba brgal lan smra ngan zhi byed ces bya ba rnams bzhugs so/_!_glegs bam lnga pa/_ca)_pa la/_rdzogs pa chen po klong chen snying gi thig le'i thun mong dang*/_khyad par gyi sngon 'gro'i khrid yig rje bla ma dam pa mtshungs med rgyal ba'i myu gu'i gsung rgyun ji bzhin par bkod pa kun bzang bla ma'i zhal lung zhes bya ba/_de las khyad par gyi sngon 'gro'i dmigs rim rnams zur bkol bgyis pa/_zhar byung sha chang gi nyes dmigs bstan pa legs bshad kun las btus pa bcas bzhugs so/_!_glegs bam drug pa/_cha)_pa la/_bzhi pa ngag 'don thor bu'i skor te/_sangs rgyas phal po che'i mdo'i dgongs don bzhin byang chub sems dpa'i spyod yul rnam bzhi thams cad yongs su dag par byed pa'i sems bskyed kyi gsal 'debs smon lam/_mdo de nyid du bstan pa'i rgyal sras byang chub sems dpa' nor bzang gis thog mar rje btsun 'jam dpal dbyangs las byang chub mchog tu thugs bskyed nas rgyal sras kyi spyod pa'i chos 'tshol te dge ba'i bshes gnyen byang chub sems dpa' sems ma chen po lnga bcu rtsa gcig bsten pa de rnams la phyag 'tshal nas de dag gis nor bzang la bstan pa'i rgyal ba'i sras kyi kun tu spyod pa ting nge 'dzin rgyud la skye bar smon lam gdab pa/_yang de las khyim bdag sems dpa' chen po nan zhugs bya bas nor bzang la lho phyogs dpal gyi chu rgya chen po'i dbus na ri mchog gru 'dzin gyi pho brang du brten pa spyan ras gzigs dbang phyug gi drung du song la rgyal sras kyi spyod pa'i chos zhus zhes lung bstan pa'i tshig phrad smon lam du bsgyur ba/_byang chub sems dpa'i spyod pa la 'jug pa'i gzhung bshad kyi brgyud pa'i gsol 'debs/_bla ma 'ja' lus rdo rje'i mtshan don gsol 'debs/_bla ma bka' drin can 'jigs med rgyal ba'i myu gu'i gsol 'debs smon lam dang bcas pa/_yang bla ma la gsol ba 'debs pa skyabs gnas bslu med ces pa'i dbu can/_rgyal sras zhi ba'i lha dang kaHthog pa dam gtsang byams gsum gyi gsol 'debs/_'phags pa 'jam dpal dbyangs kyi rgyun khyer bsdus pa/_rje btsun bla ma bka' babs bdun ldan pad+ma'i rgyal tshab 'jam dbyangs mkhyen brtse'i dbang po la phul ba'i brtan bzhugs gsol 'debs tshan pa bdun/_rje bla ma mtshams pa rin po che'i yang srid kyi brtan bzhugs gsol 'debs/_shar dzam thang gi gtsang pa dge bshes kyi zhabs brtan/_zhabs dkar tshogs drug rang grol gyi yang srid myur 'byon gsol 'debs/_dpal spungs zla bzang sprul sku'i yang srid myur 'byon/_sgrol ma maN+Dal bzhi chog mdor bsdus gtong tshul/_spungs gtor cha bzhi'i cho ga bsdus pa/_gsur mchod bdud rtsi'i char 'bebs/_de las snying rje'i mgron dmigs bsal la bsngo ba'i khol bton le tshan/_blo sbyong lugs kyi lus sbyin tshogs gnyis zung 'jug_/bde mchog bka' srung dur khrod bdag po'i bsang mchod/_gnod sbyin tsi'u dmar po'i bsang mchod bya tshul/_chos skyong gi 'khu ldog zhi ba za ngu'i phrin bcol/_mthun ldan dregs pa'i tshogs la zhi rgyas kyi phrin las bcol ba bkra shis bde legs kun 'byung*/_drag po mngon spyod kyi phrin las bcol ba dmod ngan dug gi me tog_/tshe rabs kun tu mchog gsum dang mi 'bral zhing mdo sngags lam gyi rim pa yongs rdzogs la slob pa'i smon lam/_na mo gu ru bskal mang gong nas sogs/_kun mkhyen yab sras kyi bstan pa la thos bsam bshad sgrub kyi bya bas mi nub par 'dzin pa'i bstan rgyas smon lam/_thub bstan mdzes pa'i rgyan gcig sogs so/__/lnga pa skal bzang slob ma'i tshogs la rang skal dang mtshams par gdams pa'i man ngag zhal gdams sna tshogs kyi skor la/_thog mar dge ba nges 'byung chos la bskul ba'i gtam gyis yang dag pa'i chos la blo 'dun par gdams te/_bar du dge ba lta sgom gtan la dbab pa'i gtam gyis snang spyod thams cad lha mchog thugs rje chen po'i rang bzhin du shes shing bsgoms la chos kyi snying po yi ge drug ma bgrang bar gdams nas/_tha mar dge ba snyigs ma'i spyod tshul skyo ba'i gtam gyis bslu brid 'khrul ba'i bdud dbang du mi gtong bar lha chos mthar phyin par byed tshul gdams pa'i man ngag thog mtha' bar du dge ba'i gtam lta sgom spyod gsum nyams len dam pa'i snying nor zhes bya ba/_rang gi blo gros kyis rang la gdams pa'i brdar btags pa byar med rdzogs chen gyi ngang sgom nyal chog gi gdams pa glang nyal ma/_'di snang tshul 'chos sogs snying po med pa'i chos dang chos 'dra'i shan 'byed la gdams pa gang zhig 'khor bar sogs/_rang la gros 'debs kyi rnam pas brjed mi nyan pa gsum sogs gsum nyer gcig gi gdams pa tshig brgyud man ngag gi yi ge rin po che'i mdzod ces bya ba/_nges 'byung byang sems yang dag pa'i lta ba sogs chos kyi lus tshang bar nyams su len tshul kun bzang chos rgyal la gdams pa/_thos bsam sgom gsum yul dang bcas pa'i rim pa ma nor bar slob tshul lhun grub rdo rje la gdams pa/_skyabs sems kyi rten gzhi ma 'chol bar nges 'byung sogs la slob tshul gdams pa/_bka' drin mtshungs pa med pa sogs/_sa g.yos kyis dgon sde sogs thal bar btang ba'i mi rtags mngon gyur gyi dpe mtshon nas 'du 'dzi spangs la dben pa bsten/_'di snang spangs la lha chos bsgrub dgos par bla ma sangs rgyas tshe ring la gdams pa/_yul snang dpe ru mtshon nas chos bskul ba'i gdams pa/_na mo gu ru skye med chos sku'i sogs/_phyi nang gi dben pa ya ma bral bar bsten tshul sogs 'ja' ba mdo sngags la gdams pa/_'du 'dzi spangs nas dben par bskul ba'i gdams pa/_'jig rten 'khrul snang sogs/_dus mtha'i snyigs spyod la dpyad de spong bar gdams pa/_mtshungs med bla ma sogs/_'dir snang chos brgyad kyi phyogs spangs nas nyid kyi rnam thar ltar slob par gdams pa/_bla ma'i zhabs sogs slob ma rdo ded ma zhes bya ba/_smar khog nas rdo khog tu phebs khar gsungs pa'i yul shes kyi zhen 'brel gcod par gdams pa/_snang ba sgyu ma'i sogs/_mtshan ldan bla ma tshul bzhin bsten nas gdams ngag nyan tshul gdams pa/_skyabs gsum kun 'dus sogs/_'dir snang gi zhen pa spangs nas don gnyis bsgrub tshul gdams pa/_na mo gu ru/_gang la bsten na sogs/_lam mchog tshang la ma nor ba mdzod chen bdun dang shing rta gsum bzhin slob par gdams pa/_stobs bcu mnga' ba sogs/_lam bzang sdom pa gsum gyi bstan bcos sogs la 'chad nyan gyi nyin snang 'char ba'i dus su 'jug dgos par gdams pa/_nges 'byung so thar sogs/_grogs kyi kun spyod 'go bar shes nas spang blang la gdams pa/_grogs bzang po sogs/_bla ma rig 'dzin rgya mtsho la gnang ba/_gzhon pa'i dus na thos pa bya ba sogs lam la 'jug tshul ma 'chol bar gzhon nu pad+ma dpal bzang la gdams pa/_na mo many+dzu shrI ye sogs/_bya ba mang po'i blo sna spangs te dben par rang rgyud 'dul ba la gdams pa/_bskal bzang thub pa sogs/_snyigs dus kyi bsam sbyor g.yo sgyus gzhan bslu thabs kyi bsam sbyor med par blo chen ngang ring rgyal sras kyi spyod pa la slob tshul sde dge'i chos blon la gdams pa/_skyabs gsum rgyal ba sogs/_chos la gya tshom min pa sems la nges pa thob nas rim par 'jug tshul sogs thos chung rnams la gdams pa/_shar rgyal mo rong pa sogs/_mnyam pa gnyen du sdeb pa'i bag ston la phyugs lug mi gsod par gdams pa 'dre mo ltas brgya ma bya ba/_ji skad du sogs/_sgrub brtson can gcod pa pad+ma tshe brtan gyis gsol ba'i tshogs glu'i lan gnang ba/_brtul zhugs rnal 'byor sogs/_tshogs glu sngon gnas rjes dran gyi tshul brda tsam bstan pa/_mkha' spyod mngon dga'i sogs/_rtogs pa'i skyid glu ched du brjod pa nyin byed snang ba sogs/_rang bzhin rdzogs pa chen po'i don nyams su len tshul gdams pa/_bla ma la phyag 'tshal lo/__/bsam gyis mi khyab sogs/_bla ma bsten nas chos kyi bdud rtsi thob ste rang gnas su 'gro ba don grub mgron po'i dpes bsngags shing de'i rgyun bskyangs te gnas par tsha kha 'od gsal la gdams pa/_mthon mthing zur phud sogs/_snyigs ma'i bsam sbyor smra ba phyin ci log la skye bo phal cher gnas pa ldog phyir rgyal ba sras dang srung mar bcas pa'i thugs rje gnad du bskul te gsol ba gdab pa lta bu'i zol tshig nyams ldan gyi gdams pa/_na mo lo ki shwa ra ya sogs so/__/dran shes kyi gnyen pos nyon mongs kyi rtog pa gdong bzlog byas te 'dir snang la zhen pa spang zhing phyi ma'i lha chos bsgrubs nas rnyed phyir rgyu 'grul sogs spong ba lha pa blo ldan nyi ma la gdams pa tshig lhub ma/_go 'jo bla ma pad+ma rdo rje la gdams pa tshig lhub tshan gnyis/_lam yongs rdzogs kyi gdams pa/_rgyal ba kun gyi ye shes gcig bsdus sogs/_de lta bu'i zab rgyas chos kyi bdud rtsi mi zad rin po che'i gter bzhin 'jo bas skal ldan skye bo'i re ba yongs su skong bar mdzad pa po nyid la bka' drin rjes su dran pa'i phyag 'tshal ba gsung gi yon tan la bsngags pa/_rje btsun bla ma 'jam dbyangs mkhyen brtse'i dbang po'i zhal snga nas rtsa ba dang mtha' brten par byas pa'o/__/de ltar rgyas sras mkhas pa'i khyu mchog dpal sprul 'jigs med chos kyi dbang po'i bka' 'bum da ltar dngos su bzhugs pa'i glegs bam pha rol phyin pa'i grang ldan 'di dag phal cher zhig gi lung rgyun dngos su bzhugs la de dag kyang brgyud pa'i khyad par zhib tu yod kyang thob yig brlags pas zhib gsal bkod ma nus la/_lung rgyun dngos med pa rnams kyang rje nyid kyi rigs bdag 'jigs med rgyal ba'i myu gu'i mchog sprul rin po che kun bzang bde chen rdo rje la kho bos brtsams pa thams cad khyed la lung thob pa yin zhes bka' yi gnang ba yod pa las gsan pa ste/_mdor na bka' 'bum yongs rdzogs kyi lung rgyun mdo smad rdza rgyud lcang ma mkhan rin po che thub bstan chos 'phel/_ban chen mkhan bzod pa mthar phyin las bdag mang+ga la shrI b+hU ti la tshang bar thob pa'i skal bzang nyams su myong ba'o//_//__!__o rgyan 'jigs med chos kyi dbang po'i rnam thar dad pa'i gsos sman bdud rtsi'i bum bzang*/_mdzad pa po mkhan kun bzang dpal ldan/_bla ma pad+ma tshe ring las so//_//