DKR-KABUM-05-CA-001

🚧 This website is under continued development. We appreciate your patience!

First text in volume."CA" is not a number. Back to Volume Page"CA" is not a number.Next Text "CA" is not a number.

Wylie title
Location	dil mgo mkhyen brtse bka' 'bum Volume Expression error: Unrecognized word "ca"., Text 1, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"CA" is not a number.

"CA" is not a number.

[edit]

༄༅། ལྡེ་མིག་རྒྱ་ཅན་ལས། བཀའ་བརྒྱད་སྤྱི་དྲིལ་ཞི་ཁྲོ་རྣམ་རོལ་གྱི་ལས་བྱང་བཀླག་ཆོག་ཏུ་བཀོད་པ་དངོས་གྲུབ་འདོད་དགུའི་དཔལ་སྟེར་ཞེས་བྱ་བ་བཞུགས། ༄༅། །བདེ་ཆེན་ཡེ་ཤེས་ཀློང་དགུའི་སྒྱུ་འཕྲུལ་གར། །རབ་འབྱམས་ཞི་ཁྲོའི་ཁྱབ་བདག་སྒྲུབ་སྡེ་བརྒྱད། །འཁོར་ལོའི་དབང་ཕྱུག་བླ་མ་ཧེ་རུ་ཀཿ །མི་ཕྱེད་རིག་པའི་ཐིག་ལེར་རྟག་ཏུ་མཆོད། །མཆོག་གི་གོ་འཕང་བདེ་བླག་མངོན་བྱེད་ཕྱིར། །དག་ཆེན་ཡེ་ཤེས་མེ་ལོང་ངོགས་གསལ་ཆོས། ཟབ་གསང་མྱུར་བདེ་ཞི་ཁྲོ་རྣམ་རོལ་གྱི། །ལས་བྱང་དངོས་གྲུབ་འདོད་སྟེར་ཚར་དུ་བསྟར། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་སྦྱོར་བ་ལ་གཉིས། ཡོ་བྱད་བཤམ་བཀོད་དང༌། སྔོན་འགྲོའི་ལས་རིམ་གཉིས་ལས། དང་པོ་ནི། མཚན་ཉིད་དང་ལྡན་པའི་གནས་སུ་རྒྱན་གྱི་བཀོད་པས་བརྒྱན་པའི་གུང་དུ་གཞུང་དང་མཐུན་པའི་དམ་ཚིག་གི་བྲིས་སྐུ་སོགས་རྟེན་བཀྲམ་པའི་མདུན་སྟེགས་གཙང་མར་རྡུལ་ཚོན་དང་རས་བྲིས་ཀྱི་དཀྱིལ་འཁོར་མཚན་ཉིད་དང་ལྡན་པ་དགྲམ། ཤིན་ཏུ་སྤྲོས་པ་བསྡུ་ན་དཔལ་གྱི་གཏོར་མ་རང་འདྲ་བརྒྱད་ཀྱི་འཁོར་ཅན་མཐེབ་ཀྱུ་དང་ཟས་སྣས་བསྐོར་བ་རྒྱན་སྤྲོས་ཀྱིས་མཛེས་པས་ཀྱང་རུང་བར་གསུངས། བཀའ་གཏེར་སྲུང་མའི་གཏོར་མ། ཆད་བརྟན། སྨན་རཀ་དང༌། ཞི་དྲག་གི་ཉེར་སྤྱོད། གཞན་ཡང་སྔོན་གཏོར་དཀར་དམར་དང༌། ཚོགས་ཀྱི་ཡོ་བྱད། རོལ་མོའི་བྱེ་བྲག་སོགས་ཉེ་བར་མཁོ་བ་ཐམས་ཅད་འདུ་བྱའོ། །གཉིས་པ་ལ། །སྐྱབས་སེམས་བསགས་སྦྱོང་སྔོན་གཏོར་སྲུང༌། །བརྡ་ཡི་སྒོ་དབྱེ་ཕྱག་དམ་བཅའ། །བཤགས་དང་བྱིན་དབབ་མཆོད་རྫས་རླབས། །ཞེས་བརྒྱད་ལས། དང་པོ་སྐྱབས་སེམས་ནི། རང་གི་སྙིང་ཁ་ནས་སྤྲོས་པའི་འོད་ཟེར་གྱིས་དཔལ་ཆེན་སྒྲུབ་སྡེ་བརྒྱད་ལ་བླ་མ་རིགས་བདག་གི་རྣམ་པས་དབུ་བརྒྱན་པར་སངས་རྒྱས་དང་བྱང་ཆུབ་སེམས་དཔས་བསྐོར་བ་བཛྲ་ས་མ་ཡ་ཛཿས་སྤྱན་དྲངས། །བླ་མ་སངས་རྒྱས་འཁོར་དང་བཅས། །ཀུན་ནས་བདག་ལ་དགོངས་སུ་གསོལ། །བླ་མ་དཀོན་མཆོག་རྣམ་གསུམ་ལ། །བྱང་ཆུབ་མ་ཐོབ་བར་དུ་ནི། །སྐྱབས་ཀྱི་མཆོག་ཏུ་བཟུང་བར་བགྱི། །སྔོན་ནས་བསགས་པའི་སྡིག་སྒྲིབ་བཤགས། །འགྲོ་དོན་སངས་རྒྱས་འཐོབ་བྱའི་ཕྱིར། །སྨོན་པའི་བྱང་ཆུབ་སེམས་ནི་བསྐྱེད། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱད། །དོན་དམ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ལན་གསུམ་བརྗོད། གཉིས་པ་བསགས་སྦྱོང་ཡན་ལག་བརྒྱད་པ་ནི། རྡོ་རྗེ་སློབ་དཔོན་སངས་རྒྱས་དཔལ་སོགས་ནས། བསྡུས་ཏེ་བྱང་ཆུབ་ཆེན་པོར་བསྔོ། ཞེས་པའི་བར་ལན་གསུམ་དང༌། །སེམས་ཅན་བདེ་དང་ལྡན་གྱུར་ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང༌། །ཆོས་ཀུན་མཉམ་ཉིད་རྟོགས་པར་ཤོག །ཅེས་བརྗོད་ལ། ཛཿཧཱུྃ་བཾ་ཧོཿཞེས་ཚོགས་ཞིང་རྣམས་རང་ལ་ཐིམ་པར་བསམ། གསུམ་པ་སྔོན་གཏོར་ནི། གཏོར་མ་དཀར་དམར་གཉིས། རྃ་ཡྃ་ཁྃ་གིས་བསང༌། སྭ་བྷཱ་ཝས་སྦྱང༌། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཟབ་ཅིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར་པར་བསམ་ལ། ཨོཾ་ཨཱཿཧཱུྃ་ཧོཿ ལན་གསུམ་གྱིས་བརླབས། ཨོཾ་བྷཱུ་མི་པ་ཏི་ས་པ་རི་ཝཱ་ར་བཛྲ་ས་མཱ་ཛཿས་མགྲོན་དགུག བྷཱུ་མི་པ་ཏི་ས་པ་རི་ཝཱ་ར་ཨོཾ་ཨ་ཀཱ་རོ་སོགས་ལན་གསུམ་གྱིས་བསྔོས་ལ། །ས་བདག་ལྷ་ཀླུ་འཁོར་དང་བཅས། །མཆོད་སྦྱིན་གཏོར་མ་འདི་བཞེས་ལ། །བདག་གིས་སྒྲུབ་པ་མ་ཐོབ་བར། །ཁྱེད་ལ་གནས་འདི་བདག་གཡར་གྱིས། །གནང་བ་ལེགས་པར་བསྩལ་ནས་ཀྱང༌། །ཅི་བདེ་བར་ནི་གཞན་དུ་དེངས། །ཞེས་ཕྲིན་ལས་གསོལ་ལ། བྷཱུ་མི་པ་ཏི་ས་པ་རི་ཝཱ་ར་གཙྪས་རང་གནས་སུ་གཤེགས་པར་བསམ། གཏོར་མ་གཉིས་པ། ཨོཾ་སརྦ་བྷཱུ་ཏ་ཨཱ་ཀརྵ་ཡ་ཛཿས་མགྲོན་བཀུག །ཨོཾ་སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿ སརྦ་ཐཱ་ཁཾ་ཨུཏག་ཏེ་སྥ་ར་ཎ་ཧི་མཾ་ག་ག་ན་ཁཾ་གྲཱྀ་ཧྞེ་དཾ་བ་ལྱཱ་དི་སྭཱ་ཧཱ། ལན་གསུམ་གྱིས་བསྔོས་ལ། ཧཱུྃ། དཔལ་ཆེན་བཀའ་བརྒྱད་ཡོངས་རྫོགས་དཀྱིལ་འཁོར་དུ། །སྣང་སྲིད་རྣམ་དག་ཡེ་ཤེས་ལྷ་ཡི་ཚོགས། །ཀུན་བཟང་ཆོས་ཀྱི་དབྱིངས་ལས་མ་གཡོས་ཀྱང༌། །རིག་རྩལ་རྣམ་དག་ཐབས་ཤེས་གཡུང་དྲུང་ལྷ། །འདི་ལ་ལོག་པར་ལྟ་བའི་དགྲ་དང་བགེགས། །བདུད་སྡེ་དཔུང་བཅས་ཐམས་ཅད་ཕྱིར་དེངས་ཤིག །ཨོཾ་སུམྦྷ་ནི་སོགས་བརྗོད། བཞི་པ་སྲུང་འཁོར་ནི། ཧཱུྃ། བདག་ཉིད་དཔལ་ཆེན་ཁྲག་འཐུང་ཐུགས་ཀ་ནས། །དྲག་པོའི་བྱིན་རླབས་མཚོན་ཆའི་འོད་ཟེར་འཕྲོ། །མཚོན་ཆའི་གུར་ཆེན་ཡེ་ཤེས་མེ་དཔུང་འབར། །ཕྱོགས་མཚམས་སྟེང་འོག་ཀུན་ཏུ་ཁྱབ་པར་བསྲུང༌། །ཨོཾ་བཛྲ་ཙཀྲ་ཏཱིཀྵྞཱ་ཀརྨ་ཀཱི་ལ་ཡ་ཛྭ་ལ་རཾ། ལྔ་པ་བརྡ་སྒོ་ཕྱག་དང་དམ་བཅའ་བ་ནི། ཧཱུྃ། སྣང་སྲིད་ཐམས་ཅད་བདེ་ཆེན་གཞལ་ཡས་ཁང༌། །གཟུགས་སྣང་ཐམས་ཅད་རང་རིག་ཡེ་ཤེས་ལ། །དེ་ཉིད་མ་རྟོགས་མ་རིག་སྒོ་བཅད་པས། །རང་གསལ་ཡེ་ཤེས་འཆར་སྒོ་ད་ཕྱེས་ཤིག །བྷྲཱུྃ་པྲ་བེ་ཤ་ཡ་ཕཊཿ ཧཱུྃ། རང་བྱུང་ཡེ་ཤེས་སྙིང་པོ་སེམས་ཀྱི་ལྷ། །མ་རྟོགས་རང་ངོ་རང་གིས་མ་ཤེས་པས། །ཡེ་ནས་རང་དང་འགྲོགས་ཀྱང་ཞལ་མ་མཇལ། །རང་གསལ་བརྡ་ཡི་དོན་དང་མཇལ་ཕྱག་འཚལ། ཧཱུྃ་ཧེ་རུ་ཀ་ཨ་ཏི་པུ་ཧོཿ པྲ་ཏཱིཙྪ་ཧོཿ ཧཱུྃ། དུས་གསུམ་བདེ་གཤེགས་རྒྱལ་བ་ཞི་ཁྲོའི་ཚོགས། །བསྐལ་པ་སྔོན་འདས་དུས་ནས་ཡི་དམ་ལྷ། །ད་ལྟ་གཉིས་མེད་དོན་དམ་རང་ངོ་ཤེས། །སྲོག་གི་ཕྱིར་ཡང་མི་བཏང་བསྒྲུབ་ལགས་སོ། །ཧཱུྃ་བཛྲ་ཙིཏྟ་ས་མ་ཡ་ཧཱུྃ། དྲུག་པ་བཤགས་པ་ནི། དཔལ་ཆེན་བཀའ་བརྒྱད་ལྷ་ཚོགས་བདག་ལ་དགོངས། སྐུ་གསུང་ཐུགས་ཀྱི་དམ་ཚིག་འགལ་བ་སོགས། །རྩ་བ་ཡན་ལག་ཉམས་ཆག་མ་ལུས་པ། །སྙིང་ནས་བཤགས་སོ་ཚངས་པའི་དངོས་གྲུབ་སྩོལ། །ཡི་གེ་བརྒྱ་པ་བརྗོད། བདུན་པ་བྱིན་འབེབས་ནི། ཧཱུྃ་ཨོཾ་ཨ་ལ་ལ་ཧོཿ བྷ་ག་ཝན་ས་མ་ཡ་ཧོཿ ས་མ་ཡ་སྟྭཾཿ འཕགས་མཆོག་ཐུགས་རྗེའི་དུས་ལ་བབ། །ཁྱད་པར་བསྟན་པའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་སྩོལ་བའི་དུས་ལ་བབ། །དགྲ་བགེགས་སྒྲོལ་བའི་དུས་ལ་བབ། །ཉམས་ཆག་སྐོང་བའི་དུས་ལ་བབ། །མཐུ་ཆེན་མཐུ་སྩོལ་བཅོམ་ལྡན་འདས། །བྱིན་རློབས་དབང་བསྐུར་བཅོམ་ལྡན་འདས། བྱིན་ཆེན་ཕོབ་ཅིག་བཅོམ་ལྡན་འདས། །དངོས་གྲུབ་མཆོག་སྩོལ་བཅོམ་ལྡན་འདས། །བཅོམ་ལྡན་འདས་ཀྱིས་བདག་རྣམས་ལ། །ལས་ཀྱི་འབྲས་བུ་མཆིས་པར་མཛོད། །ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ས་པ་རི་ཝཱ་ར་ས་མ་ཡ་ཨཱ་བེ་ཤ་ཡ་ཨ་ཨཿ བརྒྱད་པ་མཆོད་གཏོར་རྣམས་བྱིན་གྱིས་བརླབ་པ་ནི། ཧཱུྃ། །ཐུགས་ལས་རྃ་ཡྃ་ཁྃ་འཕྲོས་པས། །ཕྱི་ནང་གསང་བའི་མཆོད་རྫས་ཀྱི། །མ་དག་ཉེས་སྐྱོན་ཀུན་སྦྱངས་ནས། །མི་ཟད་ནམ་མཁའི་མཛོད་དུ་གྱུར། །རྃ་ཡྃ་ཁྃ། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་སུ་བདུག་སྤོས་མེ་ཏོག་མར་མེ་དྲི་ཆབ་ཞལ་ཟས་རོལ་མོ་ཐོགས་པའི་ལྷ་མོ་རེ་རེ་ལའང་དཔག་ཏུ་མེད་པར་འཕྲོ་བའི་ཀུན་བཟང་མཆོད་པའི་སྤྲིན་ཕུང་ནམ་མཁའ་མཛོད་ལྟ་བུར་ཟད་མི་ཤེས་པས་ཁྱབ་པར་གྱུར། ཨོཾ་ཨཱཿཧཱུྃ་བཛྲ་དྷཱུ་པེ་ཧཱུྃ། བཛྲ་པུཥྤེ་ཧཱུྃ། བཛྲ་ཨཱ་ལོ་ཀེ་ཧཱུྃ། བཛྲ་གནྡྷེ་ཧཱུྃ། བཛྲ་ནཻ་བེ་དྱ་ཧཱུྃ། བཛྲ་ཤཔྟ་ཧཱུྃ། བཛྲ་སརྦ་པཱུ་ཛ་མེ་གྷ་ཧཱུྃ། ཞེས་དང༌། བདུད་རྩི་ལ། རྃ་ཡྃ་ཁྃ། སྟོང་པའི་ངང་ལས་ཡྃ་ལས་རླུང༌། ཀཾ་ལས་ཐོད་པའི་སྒྱེད་པུ་གསུམ་གྱི་སྟེང་དུ་ཨ་ལས་བནྡྷ་ཡངས་ཤིང་རྒྱ་ཆེ་བའི་ནང་དུ་འཁོར་ལོ་རྩིབས་བཞི་པའི་ལྟེ་བ་དང་རྩིབས་རྣམས་ལ་ཤ་ལྔ་བདུད་རྩི་ལྔ་རྣམས་གནས་པ་ལས། རླུང་གིས་མེ་སྦར་ཏེ་ཞུ་བ་ཡོངས་སུ་གྱུར་པ་ལས་ཕྱག་མཚན་བཅུ་སོ་སོའི་ལྟེ་བར་ཧཱུྃ་ཨོཾ་སྭཱ་ཨཾ་ཧཱ་མཱུཾ་ལཱཾ་མཱཾ་པཱཾ་ཏཱཾ་གྱིས་མཚན་པ་ལས་འོད་ཟེར་འཕྲོས། འཁོར་འདས་ཀྱི་བཅུད་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་རིགས་ལྔ་ཡབ་ཡུམ་ལྔར་གྱུར་པའི་སྦྱོར་མཚམས་ནས་བྱང་ཆུབ་ཀྱི་སེམས་དཀར་དམར་གྱི་རྒྱུན་བབས་པའི་སྟེང་དུ་རིགས་ལྔ་ཡབ་ཡུམ་འོད་དུ་ཞུ་ནས་ཐིམ་པས་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋཿ ལན་གསུམ། གཏོར་མ་ལ། རྃ་ཡྃ་ཁྃ། སྟོང་པའི་ངང་ལས་ཐོད་པ་དུམ་བུ་གཅིག་པ་སྟོང་གསུམ་དང་མཉམ་པའི་ནང་དུ། ཨོཾ་ཨཱཿཧཱུྃ་ཞུ་བ་ལས་བྱུང་བའི་ལྷའི་ཞལ་ཟས་འདོད་ཡོན་ལྔའི་ལྷ་མོ་སྤྲིན་གྱི་ཕུང་པོ་ལྟ་བུར་འཁྲིགས་པར་གྱུར། ཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་སྭཱ་ཧཱ། ལན་གསུམ། རཀྟ་ལ། རྃ་ཡྃ་ཁྃ། སྟོང་པའི་ངང་ལས་པདྨ་འབར་བའི་སྣོད་ཆེན་པོར། ར་ལས་རྡོ་རྗེ་སྒེག་མོ་དམར་མོའི་མཁའ་ནས་ཁྲག་བབས་ཏེ་ཉོན་མོངས་བག་ཆགས་དང་བཅས་པ་འཇོམས་པའི་རཀྟའི་རྒྱ་མཚོ་རྦ་ཀློང་རྒྱ་མདུད་ཀྱི་ཚུལ་དུ་འཁྲུགས་པ་ལས་ལྷ་མོ་ཉིད་འོད་དུ་ཞུ་ནས་ཐིམ་པས་འཁོར་བ་སྟོང་པར་གྱུར། ཨོཾ་ཨཱཿཧཱུྃ་མ་ཧཱ་རཀྟ་ས་མནྟ་མཎྜལ་ཧཱུྃ་ཕཊ། ལན་གསུམ། ཨོཾ་སརྦ་ཏ་ཐཱ་ག་ཏ་པཱུ་ཛ། མ་ཧཱ་པཉྩ། མ་ཧཱ་བ་ལིཾ་ཏ། མ་ཧཱ་རཀྟ། ཨ་ཧོ་སུ་ཁ་ས་མ་ཡེ་སྭཱ་ཧཱ། ཞེས་མཆོད་རྫས་སྤྱིར་བྱིན་གྱིས་བརླབ་བོ། །གཉིས་པ་དངོས་གཞི་ལ། ལྷ་བསྐྱེད་སྤྱན་དྲངས་བརྟན་བཞུགས་ཕྱག །མཆོད་དང་བསྟོད་བཤགས་བསྙེན་བཟླས་དང༌། །དངོས་གྲུབ་ཆེ་བསྐྱེད་ཕྲིན་གསོལ་ལོ། །ཞེས་བཅུ་གཅིག་ལས། དང་པོ་ལ་ལྔ་ལས། ཐོག་མར་ཏིང་འཛིན་རྣམ་གསུམ་ནི། རང་གི་སེམས་ཉིད་ཀྱིས་མཚོན་པའི་ཆོས་ཐམས་ཅད་གདོད་ནས་སྤྲོས་པ་དང་བྲལ་བའི་གནས་ལུགས་མཉམ་པ་ཆེན་པོའི་དབྱིངས་དེ་བཞིན་ཉིད་ལ་བློ་བཞག་ཅིང༌། དེ་ལྟར་མ་རྟོགས་པའི་སེམས་ཅན་ལ་དམིགས་པ་མེད་པའི་སྙིང་རྗེ་ཆེན་པོ་ཀུན་ཏུ་སྣང་བའི་རྩལ་འགག་པ་མེད་པ་སྒྱུ་མ་ལྟ་བུར་རང་ཤར་བའི་འོད་མཐིང་ནག་ཕྱོགས་མེད་དུ་བརྡལ་བར་བསམ་ལ། སྟོང་ཉིང་སྙིང་རྗེ་ཟུང་འཇུག་གི་རང་རྩལ་རང་སེམས་སྨུག་ནག་ཞལ་གཅིག་ཕྱག་གཉིས་ཚོན་གང་བའི་སྐུར་གསལ་བ་བཅས་བལྟས་ལ། ཧཱུྃ། ཆོས་ཉིད་ནམ་མཁའི་ཀློང་ཡངས་ནས། །ཆོས་རྣམས་སྣ་ཚོགས་རང་ཤར་བ། །རང་བཞིན་མེད་དེ་ཆུ་ཟླ་འདྲ། །ཐུགས་རྗེ་ཆེན་པོས་ཀུན་ལ་ཁྱབ། །སྙིང་པོ་ཡེ་ཤེས་ཧཱུྃ་གི་དབྱིབས། ཨོཾ་མ་ཧཱ་ཤཱུ་ནྱ་ཏ་ཛྙཱ་ན་ས་མཱ་ཏི་ཧཱུྃ། ཨོཾ་དྷརྨ་དྷཱ་ཏུ་ས་མཱ་ཏི་ཧཱུྃ། ཨོཾ་ཛྙཱ་ན་བཛྲ་ས་མཱ་ཏི་ཧཱུྃ། གཉིས་པ་རྟེན་འབྱུང་བ་རིམ་བརྩེགས་དང་གཞལ་ཡས་ཁང་གདན་བཅས་བསྐྱེད་པ་ནི། རྒྱུ་ཡི་ཡེ་ཤེས་སེམས་དཔའི་ཐུགས་ཀ་ནས་ཨེ་སོགས་འབྱུང་བ་རིམ་བརྩེགས་རྟེན་གྱི་དཀྱིལ་འཁོར་བསྐྱེད་པའི་ས་བོན་རྣམས་འཕྲོས་ཏེ། ཧཱུྃ། ཐུགས་ལས་ཨེ་ཡཾ་རཾ་ཁཾ་སུཾ་ཀེཾ་བྷྲཱུྃ། །ས་བོན་སྔགས་རྣམས་ཡོངས་སུ་གྱུར་པ་ལས། །འབྱུང་ལྔ་རི་རབ་གཞལ་ཡས་ལྷུན་གྱིས་གྲུབ། །ཨེ་ལས་ནམ་མཁའ་སྔོ་སྐྱ་གྲུ་གསུམ་སྟེང༌། །ཡཾ་ལས་རླུང་དཀྱིལ་ཟླ་གམ་དུད་ཁ་གཡོ། །རྃ་ལས་མེ་དཀྱིལ་དམར་པོ་ཟུར་གསུམ་འབར། །ཁཾ་ལས་ཁྲག་མཚོ་དམར་ནག་ཟླུམ་པོ་འཁྲུགས། །སུཾ་ལས་ས་དཀྱིལ་སེར་པོ་གྲུ་བཞི་བརྟན། །ཀེཾ་ལས་ཀེང་རུས་རི་རབ་གྲུ་བཞི་དཀར། །ཨེ་ཨཱ་ཀཱ་ཤ་མཎྜ་ལ། ཡཾ་ཝཱ་ཡུ་མཎྜ་ལ། རཾ་ཛྭ་ལ་མཎྜ་ལ། ཁཾ་རཀྟ་ས་མུ་དྲ་མཎྜ་ལ། སུཾ་པྲི་ཐི་ཝེ་མཎྜ་ལ། ཀེཾ་ནི་ཏི་སུ་མེ་རུ་མཎྜ་ལ་ཧཱུྃ། ཧཱུྃ། བྷྲཱུྃ་ལས་ཐོད་པ་རིན་ཆེན་གཞལ་ཡས་ཁང༌། །ནང་གླིང་དགུ་ལས་ཟླ་གམ་སྒོ་གཅིག་ཤར། །ལྟེ་བ་ཕྱོགས་བཞི་མཚམས་བཞི་སོ་སོའི་ནང༌། དབུས་སུ་གྲུ་གསུམ་ཨེ་ཡི་དཀྱིལ་འཁོར་ལ། །ཟླ་གམ་དམར་པོ་ཐོད་པའི་ར་བ་ཅན། །ཕྱི་རོལ་འཁོར་ལོ་རྩིབས་བཞི་ཕྱོགས་ཀྱི་མདོག །མགོ་བོ་རློན་པའི་ཕྲེང་བས་ཟླུམ་པོ་བསྐོར། །དེའི་ཕྱིར་གྲུ་བཞི་སྒོ་བཞིའི་གཞལ་ཡས་ཁང༌། །ཕྱོགས་སྐྱོང་བཅུ་ཡིས་རྩིག་པའི་རྨང་གཞི་བྱས། །ནང་དུ་བྷནྡྷ་སྐམ་རློན་རྙིང་པ་ཡི། །རྩིག་པར་གནམ་ལྕགས་འབར་བའི་གཟེར་གྱིས་བཏབ། །ཕྱི་ནི་སྣ་ཚོགས་རིན་ཆེན་ལས་གྲུབ་པ། །དམར་དཀར་སེར་ལྗང་ནག་པོའི་རྩིག་པ་ཅན། བར་དུ་ལྷ་ཆེན་བརྒྱད་ཀྱི་རྩིག་པས་གཏམས། །རྩིག་སྟེང་རིན་ཆེན་རུས་པའི་ཕ་གུ་ལ། །རྒྱུ་མ་རློན་པའི་དྲྭ་བ་དྲྭ་ཕྱེད་འཕྱང༌། དེ་སྟེང་རིན་ཆེན་རུས་པ་སྤེལ་མ་ཡི། །མདའ་ཡབ་པུ་ཤུ་རྩིག་པའི་རྩ་བ་ན། འདོད་སྣམ་དམར་པོར་མཆོད་པའི་ལྷ་མོས་གང༌། །རྒྱལ་ཆེན་བཞི་དང་ཐོད་པ་སྐམ་པོ་ལས། །གྲུབ་པའི་ཀ་བ་བརྒྱད་ཀྱིས་ལེགས་བཏེགས་པའི། །ཐོད་པ་རློན་པའི་ཀ་གཞུ་རབ་ཏུ་བརྗིད། །ཀླུ་ཆེན་བརྒྱད་ཀྱི་གདུང་མས་ཕྱོགས་མཚམས་བྲེས། །དེ་ལ་མཛེས་པའི་རྡོ་རྗེ་རྒྱན་དུ་སྤུད། །གཟའ་ཆེན་བརྒྱད་ཀྱི་བད་ཕུར་བཏང་བ་ལ། །རྒྱུ་སྐར་ཉི་ཤུ་རྩ་བརྒྱད་དྲལ་ལྕམ་བྱས། །བདུད་རྩི་ལྔ་ལས་གྲུབ་པའི་ཞལ་བ་ཅན། །དབུས་ཀྱི་ལྟེ་བ་ཕྱུར་བུར་མཐོ་བའི་རྩེར། །པདྨས་བཏེགས་པའི་ཙིཏྟའི་ཏོག་གིས་བརྒྱན། སྒོ་བཞིར་ཀ་བ་བཞི་བཞིས་བཏེགས་པ་ཡི། །རྟ་བབ་བང་རིམ་བཞི་དང་ལྡན་པའི་སྟེང༌། །པདྨ་ཆོས་འཁོར་བཅུ་གསུམ་གདུགས་རི་དྭགས། །མགོ་སྙིང་ཏོག་མཛེས་ཞིང་ཆེན་རྒྱལ་མཚན་དང༌། །ལག་པའི་འཕན་དང་སྐྲ་ཡི་རྔ་ཡབ་ཅན། །དབང་པོའི་མེ་ཏོག་སྤེལ་བའི་ཕྲེང་བ་གཡོ། །མདོར་ན་རྔམ་བརྗིད་མཛེས་པའི་རྒྱན་གྱིས་སྤུད། །ཕྱི་རོལ་པད་ར་དུར་ཁྲོད་ཆེན་པོ་བརྒྱད། །རྡོ་རྗེའི་ར་བར་བསྐལ་པའི་མེ་དཔུང་འབར། །བྷྲཱུྃ་བི་ཤྭ་བི་ཤུདྡྷེ་བཛྲ་ཛྙཱ་ན་ཙཀྲ་མཎྜ་ལ་བྷྲཱུྃ། །གླིང་དགུའི་དབུས་ཀྱི་ཨེ་དབྱིངས་སོ་སོའི་སྟེང༌། །པཾ་ལས་སྣ་ཚོགས་པདྨ་མཛེས་པའི་གདན། །ཨ་ལས་ཟླ་བའི་དཀྱིལ་འཁོར་ཉ་གང་བ། །མ་ལས་ཉི་མའི་དཀྱིལ་འཁོར་འོད་ཟེར་འབར། །བཾ་ལས་རུ་ཏྲ་ཕོ་མོ་བསྣོལ་བ་ཡི། །གན་རྐྱལ་ཁ་སྦུབ་བསྒྱེལ་བའི་གདན་བཅས་གསལ། །པཾ་པདྨ་མཎྜ་ལ། ཨ་ཙནྡྲ་མཎྜ་ལ། མ་སཱུརྻ་མཎྜ་ལ། རུ་ཏྲ་ཀྲོ་དྷཱི་ཏི་ར་བཾ། དེ་ལྟར་སྣོད་རྣམ་པར་དག་པ་ལྷའི་གཞལ་ཡས་ཁང་དུ་བསྐྱེད་ནས། གསུམ་པ་བཅུད་རྣམ་པར་དག་པ་བརྟེན་པ་ལྷའི་འཁོར་ལོ་བསྐྱེད་པ་ནི། རྒྱུའི་ཡེ་ཤེས་སེམས་དཔའ་འོད་དུ་ཞུ་ནས་ཡི་གེ་ཧཱུྃ་དུ་གྱུར། སྥ་ར་ཎ་ཕཊ། དེ་ལས་འོད་ཟེར་འཕྲོས་འཕགས་པ་མཆོད་སེམས་ཅན་གྱི་དོན་བྱས། སཾ་ཧ་ར་ཎ་ཧཱུྃ། ཚུར་འདུས་ཏེ་ཐིམ་པ་ལས། བཛྲ་ཧཱུྃ། དེ་རྡོ་རྗེ་རྩེ་ལྔ་པར་གྱུར། དེ་འོད་དུ་ཞུ་བ་ལས་ཁྲག་འཐུང་ཐམས་ཅད་འདུས་པའི་སྤྱི་གཟུགས་དཔལ་ཆེན་པོ་ཆེ་མཆོག་ཧེ་རུ་ཀའི་སྐུར་གྱུར་པ་ནི། ཧཱུྃ། དབུས་ཕྱོགས་སྨུག་ནག་གྲུ་གསུམ་དཀྱིལ་འཁོར་སྟེང༌། །རྒྱུ་ཡི་ཧཱུྃ་ཡིག་སྨུག་ནག་བབས་པ་ལས། །ཆེ་མཆོག་སྨུག་ནག་དབུ་ནི་ཉི་ཤུ་གཅིག །གཡས་དཀར་གཡོན་དམར་དབུས་སྨུག་ཁྲོ་ཞིང་གཏུམ། །ཞི་བ་བཞི་བཅུ་རྩ་གཉིས་ལྷ་ཚོགས་རྣམས། ཕྱག་གིས་འཛིན་ཅིང་དཔལ་དང་དུར་ཁྲོད་ཆས། །ཡོངས་རྫོགས་ཞབས་བརྒྱད་གཡས་བསྐུམ་གཡོན་བཞི་བརྐྱང༌། །ཨོཾ་ཤྲཱི་ཧེ་རུ་ཀ་མ་ཧཱ་ཙཎྜ་སརྦ་དུཥྚན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ། །གནམ་ཞལ་དབུ་དགུ་ཕྱག་ནི་བཅོ་བརྒྱད་ཀྱི། །དང་པོ་གཉིས་ཀྱིས་རྡོར་དྲིལ་འཛིན་པས་འཁྱུད། །གཡས་གཡོན་ལྷག་མས་མ་མོ་ཕྲ་མེན་འཛིན། །ཨོཾ་མ་ཧཱ་ཀྲོ་དྷཱི་ཤྭ་རི་སྟྭཾ། །མཁའ་གསང་བྱིན་གྱིས་བརླབ་པ་ནི། མ་སཱུརྻ་མཎྜ་ལ། ཧཱུྃ་བཛྲ་ཨོཾ། ཨ་ཙནྡྲ་མཎྜ་ལ། ཨེ་ཨཾ། ས་མ་ཡ་ཧོཿ ས་མ་ཡ་སྟྭཾ། ར་ཧོ་ཧཾཿ རཱ་ག་ཡ་མི་ཛཿཧཱུྃ་བཾ་ཧོཿ ས་མ་ཡ་མུ་དྲ། པྲ་བེ་ཤ་ཡ་ཕཊ། ཨོཾ་ཨོཾ་ཨོཾ། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སྥ་ར་ཎ་ཕཊ། ཧཱུྃ་ཧཱུྃ་ཧཱུྃ་ཧཱུྃ། །ཡབ་ཡུམ་མཉམ་པར་སྦྱོར་བའི་བྱིན་རླབས་ལས། །དབུས་ཕྱོགས་དཔལ་ཆེན་ཡབ་ཡུམ་འཁོར་རྣམས་ནི། །ཤར་དུ་རཀྴ་ཁྲག་འཐུང་སྨུག་དཀར་དམར། །ཞལ་ལྡན་གཡས་གསུམ་འཁོར་ལོ་ཞིང་དབྱུག་ཁྱུང༌། །གཡོན་པ་ཐོད་པ་རྒྱུ་ཞགས་བ་སུ་འདྲེན། །རཀྴ་ཀྲོ་ཏི་འཁོར་ལོ་ཐོད་འཛིན་འཁྱུད། །ལྷོ་རུ་གུ་ཧྱ་ཁྲག་འཐུང་སེར་མཐིང་དམར། །ཞལ་ལྡན་དང་པོ་གཉིས་ཀྱིས་རིན་ཆེན་ཐོད། །བར་པ་གཉིས་ཀྱིས་སྟོང་གསུམ་འཇིག་རྟེན་འདེགས། །ཐ་མ་གཉིས་ཀྱིས་དགྲ་སྟྭ་རྒྱུ་ཞགས་བསྣམས། །གུ་ཧྱ་ཀྲོ་ཏི་རིན་ཆེན་ཐོད་འཛིན་འཁྱུད། ནུབ་ཏུ་བི་ཤྭ་ཁྲག་འཐུང་དམར་མཐིང་དཀར། །ཞལ་ལྡན་པདྨ་བེ་ཅོན་དགྲ་སྟྭ་གཡས། །གཡོན་གསུམ་ཐོད་པ་འཇིག་རྟེན་ཐོང་གཤོལ་འཛིན། །ས་ནུ་ཀྲོ་ཏི་པདྨ་ཐོད་འཛིན་འཁྱུད། །བྱང་དུ་ཡཀྴ་ཁྲག་འཐུང་ལྗང་དཀར་དམར། །ཞལ་ལྡན་རྒྱ་གྲམ་རལ་གྲི་དགྲ་སྟྭ་གཡས། །གཡོན་གསུམ་ཐོད་པ་ཞགས་པ་ཐོང་གཤོལ་འཛིན། །ཡཀྴ་ཀྲོ་དྷཱི་རྒྱ་གྲམ་ཐོད་འཛིན་འཁྱུད། །བཞི་ཀའང་དུར་ཁྲོད་ཆས་བརྒྱད་སྐུ་ལ་རྫོགས། །ཞབས་བཞི་གཡས་བསྐུམ་གཡོན་བརྐྱང་ཚུལ་གྱིས་འགྱིང༌། །ཁྲོ་བཅུ་སྒོ་བ་བཞི་སོགས་སུམ་ཅུ་གཉིས། །སྣ་ཚོགས་རྒྱན་ལྡན་མེ་དཔུང་ཀློང་ན་བཞུགས། །ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ། མ་ཧཱ་ཀྲོ་དྷཱི་ཤྭ་རི་སྟྭཾ། ཧཱུྃ། དཔལ་ཆེན་ཆེ་མཆོག་ཡབ་ཡུམ་སྦྱོར་མཚམས་ནས། །ཕྱོགས་བཞི་མཚམས་བཞིའི་དཀྱིལ་འཁོར་ཆེན་པོ་རུ། །ཤར་ནས་བརྩམས་ཏེ་གཡས་བསྐོར་ཧཱུྃ་ཡིག་མཐིང༌། །སེར་དམར་ལྗང་དང་ཤར་ལྷོ་ནས་གཡས་བསྐོར། །མཐིང་དཀར་མཐིང་དང་སླར་ཡང་མཐིང་ཀ་སྤྲོས། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། ཞེས་ཡབ་ཡུམ་གྱི་བྱང་སེམས་ཧཱུྃ་ཡིག་གི་རྣམ་པར་སྤྲོས་པ་ལས་ཕྱོགས་མཚམས་ཀྱི་ཕོ་བྲང་སོ་སོར་ཁྲག་འཐུང་ཡབ་ཡུམ་སྲས་དང་བཅས་པའི་ལྷ་ཚོགས་གསལ་བར་གྱུར་པ་ནི། ཧཱུྃ། ཤར་ཕྱོགས་ཟླ་གམ་སྒོ་གཅིག་དཀྱིལ་འཁོར་དབུས། །ས་བོན་མཐིང་ནག་གདན་སྟེང་ཡོངས་གྱུར་ལས། །བཛྲ་ཁྲག་འཐུང་ཞལ་གསུམ་ཕྱག་དྲུག་མཐིང༌། །གཡས་དཀར་གཡོན་དམར་དབུས་སྔོ་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །གཡས་གསུམ་རྡོ་རྗེ་ཁ་ཊྭཱཾ་རྔེའུ་ཆུང་འཛིན། །གཡོན་གསུམ་ཞིང་དབྱུག་བྷན་དམར་རྒྱུ་ཞགས་བསྣམས། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བསྒྲད། ཀྲོ་ཏི་ཤྭ་རི་ཁ་ཊྭཱཾ་ཐོད་འཛིན་འཁྱུད། ཤར་དུ་བུདྡྷ་ཁྲག་འཐུང་སྨུག་མཐིང་དམར། །ཞལ་ལྡན་རྡོ་རྗེ་ཞིང་དབྱུག་ནང་ཁྲོལ་གཡས། །གཡོན་གསུམ་རྒྱུ་ཞགས་བྷན་དམར་བ་སུ་འདྲེན། །བུདྡྷ་ཀྲོ་ཏི་འཁོར་ལོ་ཐོད་འཛིན་འཁྱུད། །ལྷོ་རུ་རཏྣ་ཁྲག་འཐུང་སེར་ནག་དམར། །ཞལ་ལྡན་རིན་ཆེན་ཞིང་དབྱུག་དགྲ་སྟྭ་གཡས། །སྟོང་གི་འཇིག་རྟེན་བྷན་དམར་རྒྱུ་ཞགས་གཡོན། །རཏྣ་ཀྲོ་ཏི་རིན་ཆེན་ཐོད་འཛིན་འཁྱུད། །ནུབ་ཏུ་པདྨ་ཁྲག་འཐུང་དམར་མཐིང་དཀར། །ཞལ་ལྡན་འཁོར་ལོ་བེ་ཅོན་དགྲ་སྟྭ་གཡས། །སྟོང་གསུམ་འཇིག་རྟེན་བྷན་དམར་ཐོང་གཤོལ་གཡོན། །པདྨ་ཀྲོ་ཏི་པདྨ་ཐོད་འཛིན་འཁྱུད། །བྱང་དུ་ཀརྨ་ཁྲག་འཐུང་ལྗང་དཀར་དམར། །ཞལ་ལྡན་རྒྱ་གྲམ་རལ་གྲི་དགྲ་སྟྭ་གཡས། །འཇིག་རྟེན་བྷན་དམར་ཐོང་གཤོལ་གཡོན་ན་བསྣམས། །ཀརྨ་ཀྲོ་ཏི་རྒྱ་གྲམ་ཐོད་འཛིན་འཁྱུད། །བཞི་ཀའང་དུར་ཁྲོད་ཆས་བརྒྱད་སྐུ་ལ་རྫོགས། །ཞབས་བཞི་གཡས་བསྐུམ་གཡོན་བརྐྱང་ཚུལ་གྱིས་འགྱིངས། ཀེའུ་སེང་སྒོ་བ་ལ་སོགས་ལྔ་བཅུ་བརྒྱད། །ཀུན་ཀྱང་ཆས་ལྡན་མེ་དཔུང་ཀློང་ན་བཞུགས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། །ལྷོ་ཕྱོགས་སེར་ནག་གྲུ་གསུམ་དཀྱིལ་འཁོར་དབུས། །ས་བོན་སེར་ནག་གདན་སྟེང་ཡོངས་གྱུར་ལས། །འཇམ་དཔལ་གཤིན་རྗེ་ཞལ་གསུམ་ཕྱག་དྲུག་སེར། །གཡས་དཀར་གཡོན་དམར་དབུས་སེར་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །གཡས་གསུམ་བེ་ཅོན་རལ་གྲི་དགྲ་སྟྭ་བསྣམས། །གཡོན་གསུམ་སྡིགས་མཛུབ་མདུང་ཐུང་བྷན་དམར་འཛིན། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །རོ་ལང་ནག་མོ་དགྲ་སྟྭ་ཐོད་འཛིན་འཁྱུད། །གཡས་སུ་སྒྲོལ་ཡུམ་རལ་གཅིག་སྐུ་མདོག་སྔོ། །ཏྲི་ཤུལ་གཡང་གཞི་འཕྱར་ཞིང་ཐོད་སྙིང་སྟོབ། །ཤར་དུ་ཡ་མ་རཱ་ཛ་མཐིང་དཀར་དམར། །ཞལ་ལྡན་འཁོར་ལོ་རལ་གྲི་ལྕགས་ཀྱུ་གཡས། །ཁ་ཊྭཱཾ་དགྲ་སྟྭ་རྒྱུ་ཞགས་གཡོན་ན་འཛིན། གཡུ་ཡི་རལ་གཅིག་ནག་མོ་ཐོད་འཛིན་འཁྱུད། །དཔལ་འབར་རལ་གྲི་ནེའུ་ལེའི་རྐྱལ་པ་འཛིན། ལྷོ་རུ་མྱོས་བྱེད་འབར་བ་སེར་སྔོ་དམར། །ཞལ་ལྡན་བེ་ཅོན་རལ་གྲི་དགྲ་སྟྭ་གཡས། །ཐོད་པ་ལྕགས་ཀྱུ་འཁོར་ལོ་གཡོན་ན་འཛིན། །གཏུམ་མོ་དུག་ཧྲུལ་དུང་ཁྲག་འཛིན་མས་འཁྱུད། །ཁྲག་གི་བདག་མོ་སྤུ་གྲི་ཙིཏྟ་འཛིན། །ནུབ་ཏུ་ཨརྻ་མེ་རུ་དམར་དཀར་སྔོ། །ཞལ་ལྡན་བེ་ཅོན་དབྱུག་ཐོ་ཁ་ཊྭཱཾ་གཡས། །བྷན་དམར་འཁོར་ལོ་རྒྱུ་ཞགས་གཡོན་ན་འཛིན། །ལྷ་མོ་འོད་ཟེར་བྷན་དམར་འཛིན་མས་འཁྱུད། །གླིང་བཞི་གཙུག་འབྱམས་མི་སྙིང་བྷནྡྷ་ཐོགས། །བྱང་དུ་རལ་པ་ཚར་དགུ་ལྗང་དཀར་དམར། །ཞལ་ལྡན་བེ་ཅོན་གཏུན་ཤིང་རྒྱ་གྲམ་གཡས། །བྷན་དམར་རྒྱུ་ཞགས་འཁོར་ལོ་གཡོན་ན་བསྣམས། །རེ་ཏཱི་ཁྲམ་ཤིང་བྷན་དམར་འཛིན་མས་འཁྱུད། །སྲིན་མོ་མགོ་འཕྱང་དགྲ་སྟྭ་དུང་ཁྲག་འཛིན། །བཞི་ཀའང་དུར་ཁྲོད་ཆས་བརྒྱད་སྐུ་ལ་རྫོགས། །ཞབས་བཞི་གཡས་བསྐུམ་གཡོན་བརྐྱང་ཚུལ་གྱིས་འགྱིངས། །ཕྱོགས་སྐྱོང་བཅུ་གཉིས་སྒོ་སྲུང་ཕོ་ཉའི་ཚོགས། །ལྔ་བཅུ་རྩ་ལྔ་སྣ་ཚོགས་རྒྱན་གྱིས་སྤྲས། །རྔམས་བརྗིད་ཁྲོ་གཏུམ་དྲག་པོའི་ང་རོ་ཅན། །ཡེ་ཤེས་མེ་དཔུང་འབར་བའི་དབུས་ན་བཞུགས། །ཨོཾ་ཨཱཿཧཱུྃ། །ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། །ནུབ་ཕྱོགས་དམར་ནག་གྲུ་གསུམ་དཀྱིལ་འཁོར་དབུས། །ས་བོན་དམར་ནག་གདན་སྟེང་ཡོངས་གྱུར་ལས། །རྟ་མགྲིན་རྒྱལ་པོ་ཞལ་གསུམ་ཕྱག་དྲུག་དམར། །གཡས་དཀར་གཡོན་སྔོ་དབུས་དམར་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །དབུ་གཙུག་རྟ་མགོ་ལྗང་ཞུར་རྟ་སྐད་འཚེར། །ཕྱག་དྲུག་རྡོ་རྗེ་ཁ་ཊྭཱཾ་སྦྲུལ་ཞགས་གཡས། །དྲིལ་བུ་བྷན་དམར་ལྕགས་སྒྲོག་གཡོན་ན་བསྣམས། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །གཟི་ལྡན་དམར་མོ་རྩེ་གསུམ་ཐོད་འཛིན་འཁྱུད། །ཕྲ་མེན་བྱི་ལ་པུ་ཤུད་མགོ་ཅན་དམར། །གཡས་པ་ལྕགས་ཀྱུ་གཡོན་པ་ཕུར་བུ་འདྲིལ། །ཤར་དུ་རྡོ་རྗེ་དབང་ཆེན་མཐིང་དཀར་དམར། །ཞལ་ལྡན་ཕྱག་དྲུག་གཡས་གཡོན་དང་པོ་ཡིས། །རྡོ་རྗེའི་ཐོད་འཛིན་རྡོ་རྗེ་དབང་མོར་འཁྱུད། །ལྷོ་རུ་རིན་ཆེན་དབང་ཆེན་སེར་དཀར་དམར། །ཞལ་ལྡན་ཕྱག་དྲུག་གཡས་གཡོན་དང་པོ་ཡིས། །རིན་ཆེན་ཐོད་འཛིན་རིན་ཆེན་དབང་མོར་འཁྱུད། །ནུབ་ཏུ་པདྨ་དབང་ཆེན་དམར་དཀར་སྔོ། །ཞལ་ལྡན་ཕྱག་དྲུག་གཡས་གཡོན་དང་པོ་ཡིས། །པདྨ་ཐོད་འཛིན་པདྨ་དབང་མོར་འཁྱུད། །བྱང་དུ་ལས་ཀྱི་དབང་ཆེན་ལྗང་དཀར་དམར། །ཞལ་ལྡན་ཕྱག་དྲུག་གཡས་གཡོན་དང་པོ་ཡིས། །རྒྱ་གྲམ་ཐོད་འཛིན་ལས་ཀྱི་དབང་མོར་འཁྱུད། །བཞི་ཀའང་བར་གཉིས་ཁ་ཊྭཱཾ་སྦྲུལ་ཞགས་འཛིན། །ཐ་མ་གཉིས་ཀྱིས་དབང་གི་ཕུར་བུ་འདྲིལ། །དབུ་གཙུག་རྟ་མགོ་ལྗང་ཁུར་རྟ་སྐད་འཚེར། །དུར་ཁྲོད་ཆས་བརྒྱད་རྒྱན་དྲུག་སྐུ་ལ་རྫོགས། །ཞབས་བཞི་གཡས་བསྐུམ་གཡོན་བརྐྱང་ཚུལ་གྱིས་འགྱིངས། །ཡུམ་རྣམས་རྩེ་གསུམ་ཐོད་ཁྲག་འཛིན་དང་སྦྱོར། །ཟིལ་གནོན་སྒོ་བ་ལ་སོགས་དྲུག་ཅུ་གསུམ། །སྣ་ཚོགས་རྒྱན་སྤྲས་དཔའ་གཏུམ་བརྗིད་པའི་གཟུགས། །ཡེ་ཤེས་མེ་དཔུང་འབར་བའི་ཀློང་ན་བཞུགས། །ཨོཾ་པདྨཱནྟ་ཀྲྀཏ་ཧྱ་གྲཱྀ་ཝ་ཧུ་ལུ་ཧུ་ལུ་ཧཱུྃ་ཕཊ། །བྱང་ཕྱོགས་ལྗང་ནག་གྲུ་གསུམ་དཀྱིལ་འཁོར་དབུས། །ས་བོན་ལྗང་ནག་གདན་སྟེང་ཡོངས་གྱུར་ལས། །དཔལ་ཆེན་ཕུར་པ་ཞལ་གསུམ་ཕྱག་དྲུག་ལྗང༌། །གཡས་དཀར་གཡོན་དམར་དབུས་ལྗང་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །གཡས་གཉིས་རྡོ་རྗེ་རྩེ་དགུ་རྩེ་ལྔ་གདེངས། །གཡོན་གཉིས་སྡིགས་མཛུབ་མེ་དཔུང་ཁ་ཊྭཱཾ་འཛིན། །ཐ་མའི་ཕྱག་གཉིས་རི་རབ་ཕུར་བུ་འདྲིལ། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །འཁོར་ལོ་རྒྱས་འདེབས་ཁ་ཊྭཱཾ་ཐོད་འཛིན་འཁྱུད། །ཤར་དུ་སྲས་མཆོག་བུདྡྷ་ཀཱི་ལ་ཡ། །དཀར་མཐིང་དམར་བའི་ཞལ་གསུམ་ཕྱག་དྲུག་གི །དང་པོ་གཉིས་ན་རྡོ་རྗེ་དགྲ་སྟྭ་འཕྱར། །བར་པ་གཉིས་ན་རྒྱུ་ཞགས་རལ་གྲི་གདེངས། ལྷོ་རུ་སྲས་མཆོག་རཏྣ་ཀཱི་ལ་ཡ། །སེར་དཀར་དམར་བའི་ཞལ་གསུམ་ཕྱག་དྲུག་གི །དང་པོ་གཉིས་ན་བེ་ཅོན་དགྲ་སྟྭ་འཛིན། །བར་པ་གཉིས་ན་རིན་ཆེན་རལ་གྲི་བསྣམས། །ནུབ་ཏུ་སྲས་མཆོག་པདྨ་ཀཱི་ལ་ཡ། །དམར་དཀར་སེར་བའི་ཞལ་གསུམ་ཕྱག་དྲུག་གི །དང་པོ་གཉིས་ན་རལ་གྲི་མདུང་ཐུང་འཛིན། །བར་པ་གཉིས་ཀྱིས་མདའ་གཞུ་རྣ་བར་འགེངས། །བྱང་དུ་སྲས་མཆོག་ཀརྨ་ཀཱི་ལ་ཡ། །ལྗང་དཀར་དམར་བའི་ཞལ་གསུམ་ཕྱག་དྲུག་གི །དང་པོ་གཉིས་ཀྱིས་མདུང་རྣོན་གྲི་གུག་གདེངས། །བར་པ་གཉིས་ན་ལྕགས་ཀྱུ་རལ་གྲི་འཕྱར། །བཞི་ཀའི་ཐ་ཕྱག་གཉིས་ཀྱིས་ཕུར་བུ་འདྲིལ། །སྐུ་སྨད་ལས་བཞིའི་ཕུར་དབལ་དགྲ་སྙིང་གཟིར། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །སྟེང་འོག་ཕྱོགས་མཚམས་ཁྲོ་བཅུ་ཕྲ་ཕྱག་དང༌། །སྒོ་སྐྱོང་ཕུར་སྲུང་ལ་སོགས་བདུན་ཅུ་བརྒྱད། །ཀུན་ཀྱང་མཁའ་ལ་འཇའ་ཚོན་ཇི་བཞིན་དུ། །སྣང་སྟོང་ལྷ་སྐུའི་སྒྱུ་འཕྲུལ་རོལ་པར་ཤར། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾཧཱུྃ་ཕཊ། །ཤར་ལྷོ་མཐིང་ནག་གྲུ་གསུམ་དཀྱིལ་འཁོར་དབུས། །རྒྱུ་ཡིག་མཐིང་ནག་གདན་སྟེང་ཡོངས་གྱུར་ལས། །བླ་མེད་ཁྲག་འཐུང་ཞལ་གསུམ་ཕྱག་དྲུག་མཐིང༌། །གཡས་དཀར་གཡོན་དམར་དབུས་མཐིང་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །གཡས་གསུམ་རྡོ་རྗེ་བྱ་ཁྱུང་སྦྲུལ་ཞགས་འཛིན། །གཡོན་གསུམ་ཐོད་པ་ཞིང་དབྱུག་གྭའུ་བསྣམས། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །ཡུམ་ཆེན་ཉིད་ཞི་ཞལ་ལྔ་ཕྱག་དྲུག་གིས། །རྡོར་དྲིལ་འཛིན་འཁྱུད་གཡས་ལྷག་སྦྲུལ་ཞགས་བུམ། །གཡོན་ལྷག་དུང་ཁྲག་མི་ལྤགས་འཛིན་དང་སྦྱོར། །ཤར་དུ་སྣང་གསལ་དཀར་མོ་ཁྲོ་མོའི་གདོང༌། །གཡས་གཡོན་སེང་ཞལ་ཕྱག་དྲུག་གཡས་པ་གསུམ། །རྡོ་རྗེ་དགྲ་སྟྭ་དང་ནི་སེང་གེ་འཛིན། །ཐོད་པ་གཏུན་ཤིང་མི་ལྤགས་གཡོན་གྱིས་སྙོད། །ལྷོ་རུ་འོད་གསལ་སྔོན་མོ་ཁྲོ་མོའི་གདོང༌། །གཡས་གཡོན་གླང་ཞལ་ཕྱག་དྲུག་གཡས་པ་གསུམ། །རིན་ཆེན་མེ་དཔུང་དང་ནི་སྟག་མོ་འཛིན། །བྷན་དམར་ཐོད་དབྱུག་ཏི་ར་གཡོན་ན་སྙོད། །ནུབ་ཀྱི་སྙན་གསལ་དམར་མོ་ཁྲོ་མོའི་གདོང༌། །གཡས་གཡོན་རྨ་བྱ་ཕྱག་དྲུག་གཡས་པ་གསུམ། །པདྨ་ཞགས་པ་ལྕེ་སྤྱང་གཡོན་པ་ན། །ཐོད་པ་ཁ་ཊྭཱཾ་རྩེ་གསུམ་ཏི་ར་བསྣམས། །བྱང་གི་ཡང་གསལ་ལྗང་ཁུ་ཁྲོ་མོའི་གདོང༌། །གཡས་གཡོན་ཁྱུང་ཞལ་ཕྱག་དྲུག་གཡས་པ་གསུམ། །སྣ་ཚོགས་རྡོ་རྗེ་ཐོད་དབྱུག་སྤྱང་ཀི་བསྣམས། །བྷན་དམར་རྒྱུ་ཞགས་ཏི་ར་གཡོན་གྱིས་འཛིན། །མདུན་དུ་བཀྲག་གསལ་མཐིང་ནག་ཁྲོ་མོའི་གདོང༌། །རལ་པའི་གསེབ་ན་རྡོ་རྗེ་འབར་བའི་མཆུ། །གཡས་གསུམ་འཁོར་ལོ་རྒྱལ་མཚན་འུག་པ་འཛིན། གཡོན་གསུམ་དུང་དམར་སྤུ་གྲི་ཏི་ར་སྙོད། །ལྔ་ཀའང་དུར་ཁྲོད་ཆས་བརྒྱད་སྐུ་ལ་རྫོགས། །ཞབས་བཞི་གཡས་བསྐུམ་གཡོན་བརྐྱང་ཚུལ་གྱིས་འགྱིངས། །རྗེ་མོ་སྨན་མོ་སྒོ་སྐྱོང་ལ་སོགས་པ། །བདུན་ཅུ་རྩ་གཉིས་ཁྲོ་གཏུམ་རྔམས་བརྗིད་ཅན། །སྣ་ཚོགས་རྒྱན་སྤྲས་རྣམ་འགྱུར་ཅིར་ཡང་སྟོན། །ཡེ་ཤེས་མེ་དཔུང་འབར་བའི་ཀློང་ན་བཞུགས། །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རི་སྟྭཾ་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། །ལྷོ་ནུབ་དཀར་གསལ་ཨེ་ཡི་དཀྱིལ་འཁོར་དབུས། །རྒྱུ་ཡིག་དཀར་པོ་གདན་སྟེང་ཡོངས་གྱུར་ལས། །རིག་འཛིན་ཐོད་རྩལ་ཞལ་གཅིག་ཕྱག་གཉིས་དཀར། །དྲང་སྲོང་ཁྲོས་ཚུལ་དབུ་སྐྲ་ཐོར་ཚུགས་མཛེས། །གཡས་པ་གསེར་རྡོར་ཐུགས་ཀར་གྱེན་དུ་སྒྲེང༌། །གཡོན་པ་དངུལ་གྱི་དྲིལ་བུ་དཀུ་ལ་བསྟེན། །རིན་ཆེན་རུས་པ་སྟག་ཤམ་དར་ཟབ་བརྒྱན། །སྐམ་རློན་ཐོད་ཕྲེང་གླང་ཆེན་ཞིང་ལྤགས་གསོལ། །ཞབས་གཉིས་གཡས་བསྐུམ་གཡོན་བརྐྱང་གར་སྟབས་བཞུགས། །ཕྱོགས་བཞིའི་རྩིབས་ལ་མདུན་ནས་གཡས་བསྐོར་དུ། །ལྷུན་གྲུབ་ཕྱག་རྒྱ་ཚེ་དང་རྣམ་པར་སྨིན། །རིག་འཛིན་རྣམ་བཞི་དཀར་སེར་དམར་ལྗང་མདོག །ཕྱག་མཚན་རྒྱན་ཆ་བཞུགས་སྟངས་གཙོ་དང་མཚུངས། །རིག་འཛིན་བརྒྱད་དང་སྒོ་འབྱེད་སློབ་དཔོན་བཞི། །དཔའ་བོ་མཁའ་འགྲོ་ལ་སོགས་ཉི་ཤུ་དྲུག །འགྱིང་བག་གར་གྱིས་རོལ་པའི་ཚུལ་གྱིས་བརྗིད། །ཡེ་ཤེས་མེ་འོད་འབར་བའི་ཀློང་ན་བཞུགས། །ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ། །ནུབ་བྱང་མཐིང་ནག་གྲུ་གསུམ་དཀྱིལ་འཁོར་དབུས། །རྒྱུ་ཡིག་མཐིང་ནག་གདན་སྟེང་ཡོངས་གྱུར་ལས། །དྲེགས་པ་ཀུན་འདུལ་ཞལ་གསུམ་ཕྱག་དྲུག་ཁམ། །གཡས་དཀར་གཡོན་མཐིང་དབུས་ཁམ་ཁྲོ་ཞིང་གཏུམ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། །སྨིན་མ་སྨ་ར་དབུ་སྐྲ་དམར་སེར་འབར། །དང་པོའི་ཕྱག་གཉིས་རྡོ་རྗེ་དུང་ཁྲག་བསྣམས། །ལྷག་རྣམས་ལྷ་བརྒྱད་ཀླུ་བརྒྱད་མགོ་བོ་འཛིན། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །ཁམས་གསུམ་སྤྱི་འདུལ་རྡོ་རྗེ་ཐོད་འཛིན་འཁྱུད། །མདུན་དུ་དབང་ཕྱུག་སེང་ཞོན་གྲི་སྙིང་འཛིན། །ཤར་དུ་གཤིན་རྗེ་གླང་ཞོན་བེ་ཅོན་དབྱུག །ལྷོ་རུ་བརྐོས་རྗེ་རྟ་ཞོན་ཁྲམ་དགྲ་སྟྭ། །ནུབ་ཏུ་གློག་ཕྲེང་འབྲུག་ཞོན་ཐོག་སེར་འཕེན། །བྱང་དུ་མེ་དབལ་སྟག་ཞོན་རིན་ཆེན་གྲི། །ལྔ་ཀའང་རང་རང་ཡུམ་དང་ལྷན་གཅིག་གནས། །སྲིད་རྒྱལ་ལ་སོགས་སྡེ་དཔོན་སུམ་ཅུ་གཉིས། །ཆ་ལུགས་བཞོན་པ་མ་ངེས་ཅིར་ཡང་བསྒྱུར། །ཨོཾ་བཛྲ་ཙཎྜ་སརྦ་དུཥྚན་ཧཱུྃ་ཕཊ། །བྱང་ཤར་མཐིང་ནག་གྲུ་གསུམ་དཀྱིལ་འཁོར་དབུས། །རྒྱུ་ཡིག་མཐིང་ནག་གདན་སྟེང་ཡོངས་གྱུར་ལས། །སྟོབས་ལྡན་ཞལ་གསུམ་ནག་པོ་ཕྱག་དྲུག་པ། །སྤྱན་བགྲད་ཞལ་གདངས་ལྗགས་འདྲིལ་མཆེ་བ་གཙིགས། སྨིན་མ་སྨ་ར་དབུ་སྐྲ་ཁམ་སེར་འབར། །རྩ་བའི་ཕྱག་གཉིས་རྡོ་རྗེ་རྭ་གདེང་མཚོན། ལྕང་ལོར་བཅས་པའི་བྷནྡྷ་ཁྲག་གང་ཅན། །ལྷག་རྣམས་ལྷ་བརྒྱད་ཀླུ་བརྒྱད་དོན་སྙིང་འཛིན། །དཔལ་དང་དུར་ཁྲོད་ཆས་ཀྱིས་རྣམ་པར་བརྒྱན། །ཞབས་བཞི་གཡས་བསྐུམ་གཡོན་བརྐྱང་དོར་སྟབས་བགྲད། །འབྱུང་ལྔའི་དབང་མོ་མཁར་འདེགས་ས་གནོན་འཁྱུད། །ཤར་དུ་འཆི་བདག་གཤིན་རྗེ་གྲི་ཐོད་འཛིན། །ལྷོར་བདུད་མེ་ཡི་ཁ་རླངས་ཁྲམ་ཞིང་ཞགས། །ནུབ་ཏུ་སྲིན་པོ་གསོད་བྱེད་གྲི་ཐོད་བསྣམས། །བྱང་དུ་གནོད་སྦྱིན་གང་བཟང་གྲི་མདུང་འཛིན། །བཞི་ཀའང་ཡུམ་བཅས་མུ་སྟེགས་ཀཱ་ལ་སོགས། །ཉི་ཤུ་རྩ་བརྒྱད་ལྷ་སྲིན་དྲེགས་པའི་ཚོགས། །སྣ་ཚོགས་རྒྱན་དང་རྣམ་འགྱུར་ཅིར་ཡང་འཇིགས། བསྐལ་པའི་མེ་དཔུང་འབར་བའི་ཀློང་ན་བཞུགས། །ཨོཾ་བཛྲ་སརྦ་དུཥྚན་ཧཱུྃ་ཕཊ། །ཕྱི་ཡི་དཀྱིལ་འཁོར་ཆེན་པོའི་སྒོ་བཞི་ན། །འགུགས་འཆིང་སྡོམ་མྱོས་མཛད་པའི་སྒོ་སྐྱོང་བཞི། །ཁོར་ཡུག་དབང་ཕྱུག་མཁའ་འགྲོ་གིང་ལངྐ། །འབར་མ་མ་སྲིང་བཀའ་སྡོད་སྤྲིན་ལྟར་གཏིབས། །ཨོཾ་བཛྲ་སརྦ་ཡཀྴ་ས་མ་ཡ་ཧཱུྃ་ཕཊ། བཞི་པ་གནས་གསུམ་བྱིན་བརླབ་པ་ནི། ཧཱུྃ། །རང་བྱུང་དཀྱིལ་འཁོར་དཔལ་ཆེན་ཚོགས། །མཐུ་རྩལ་ཡོངས་སུ་རྫོགས་བྱའི་ཕྱིར། །སྐུ་གསུང་ཐུགས་སུ་བྱིན་རློབས་ལ། །ཡེ་ཤེས་རྣམ་ལྔས་དབང་བསྐུར་ཅིག །ལྷ་ཚོགས་རྣམས་ཀྱི་དཔྲལ་བར་འཁོར་ལོ་རྩིབས་བརྒྱད་པའི་ལྟེ་བར་རྣམ་སྣང་དཀར་པོ་ཐུགས་ཀར་ཨོཾ་གྱིས་མཚན་པ། །ལྗགས་པདྨ་འདབ་བརྒྱད་ཀྱི་ལྟེ་བར་སྣང་བ་མཐའ་ཡས་དམར་པོ་ཐུགས་ཀར་ཨཱཿས་མཚན་པ། །ཐུགས་རྡོ་རྗེ་རྒྱ་གྲམ་གྱི་ལྟེ་བར་རྡོ་རྗེ་སེམས་དཔའ་མཐིང་ཁ་ཐུགས་ཀར་ཧཱུྃ་གིས་མཚན་པས་དུས་གསུམ་བདེ་གཤེགས་བླ་མ་རིག་འཛིན་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་ཡོངས་སུ་རྫོགས་པ་ཐོབ། །ཨོཾ་ཨཱཿཧཱུྃ། །ལྔ་པ་དབང་བསྐུར་བ་ནི། སྤྱི་བོའི་གནས་ལྔར་དཔའ་བོ་འབྲུ་ལྔ་ལས་རྒྱལ་བ་རིགས་ལྔ་སོགས་ཞི་བ་བཞི་བཅུ་རྩ་གཉིས་ཀྱི་ལྷ་ཚོགས་རྣམས་བཞུགས་ནས་དབང་ཆེན་རབ་འབྱམས་ཀྱི་དབང་བསྐུར་བ་ཐོབ་སྟེ་འགྲོ་དོན་ལ་དཔའ་བར་གྱུར། ཨོཾ་ཧཱུྃ་སྭཱ་ཧྲཱིཿཧཱཿ ཨོཾ་ན་མཿསརྦ་ཏ་ཐཱ་ག་ཏ་ཀཱ་ཡ་ཝཱཀ྄་ཙིཏྟ་ཛྙཱ་ན་པཉྩ་བཛྲ་སྭ་བྷཱ་ཝ་ཨཏྨ་ཀོ྅་ཧཾ། གཉིས་པ་སྤྱན་འདྲེན་པ་ལ་གཉིས། །དང་པོ་སྙན་གསན་དབབ་པ་ནི། ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་ཡེ་ཤེས་སེམས་དཔའི་ཐུགས་རྒྱུད་བསྐུལ། །ཆོས་ཀྱི་སྐུ་ལས་གཟུགས་སྐུ་དཔལ་ཆེན་གཙོ་དགུའི་ལྷ་ཚོགས་སུ་བཞེངས་པར་གྱུར། ཧཱུྃ། ཀ་དག་ཆོས་སྐུའི་ཀློང་ཡངས་ནས། །སྐུ་ལྔའི་བདག་ཉིད་ལོངས་སྤྱོད་རྫོགས། །བདེ་གཤེགས་ཀུན་འདུས་ལྷ་ཚོགས་རྣམས། །སྤྲུལ་པའི་གར་གྱིས་དབྱིངས་ནས་བཞེངས། ཨོཾ་བཛྲ་ས་མ་ཡ་ཧཱུྃ་ཛཿ ཞེས་པས་སྙན་གསན་ཕབ་ལ། །གཉིས་པ་སྤྱན་འདྲེན་པ་ནི། ཧཱུྃ། རྣམ་དག་ཆོས་དབྱིངས་མཉམ་ཉིད་ནས། །ཞི་ཁྲོ་ཡོངས་རྫོགས་སྐུར་བཞེངས་ལ། །སྲིད་གསུམ་གདུག་པའི་ཚོགས་བསྒྲལ་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ས་པ་རི་ཝཱ་ར་ཨེ་ཧྱེ་ཧི་ས་མ་ཡ་ཛཿཧཱུྃ་བཾ་ཧོཿཧྲཱིཾ་ཧྲཱིཾ་ཛཿ གསུམ་པ་བརྟན་བཞུགས་ནི། ཧཱུྃ། བདེ་གཤེགས་ཀུན་འདུས་དཀྱིལ་འཁོར་འདིར། །དམ་ཚིག་ཡེ་ཤེས་དབྱེར་མེད་པར། །ཆུ་ལ་ཆུ་བཞག་ཇི་བཞིན་དུ། །དུ་མ་རོ་གཅིག་བརྟན་པར་བཞུགས། །ས་མ་ཡ་ཨ་བེ་ཤ་ཡ་ཏིཥྛ་སྟྭཾ། བཞི་པ་ཕྱག་འཚལ་བ་ནི། ཧཱུྃ། ཆོས་རྣམས་རང་བཞིན་ཡེ་ནས་དག །རྟོག་འཁྲུལ་འཇིག་རྟེན་སེམས་ཅན་ལ། །སྐུ་གསུང་ཐུགས་ཡོན་ཕྲིན་ལས་སྟོན། །དཀྱིལ་འཁོར་ལྷ་ལ་ཕྱག་འཚལ་ལོ། །ཨ་ཏི་པུ་ཧོཿ ན་མཿཧྲཱིཿ ལྔ་པ་མཆོད་པ་ལ་བཅུ་གཉིས་ལས། དང་པོ་ཕྱག་རྒྱ་གར་མཆོད་ནི། ཧཱུྃ། ཁྲག་འཐུང་རྒྱལ་པོ་གར་ལ་དགྱེས། །སྐུ་མདོག་ཞལ་ནི་རྣམ་པར་འགྱུར། །སྐུ་ཡི་གར་སྟབས་གློག་འགྱུ་བའི། །ཕྱག་རྒྱ་གར་གྱི་མཆོད་པ་འབུལ། །མ་ཧཱ་མུ་དྲ་པཱུ་ཛ་ཧོཿ གཉིས་པ་གླུ་མཆོད་ནི། ཧཱུྃ། །སྟོང་པའི་རང་བཞིན་ཅིར་ཡང་སྣང༌། །སྣང་བའི་མཚན་ཉིད་སྐྱེ་བ་མེད། །གླུ་ནི་འདུ་འབྲལ་མེད་པའི་གླུ། །བྲོ་ནི་བར་ཆད་མེད་པར་བརྡུང༌། །ཨོཾ་མ་ཧཱ་ཛྙཱ་ན་ཏེ་ཏེ་ཧཱུྃ་ཏེ་ན་ཏེ་ཏེ་ཧཱུྃ། གསུམ་པ་ཕྱི་མཆོད་ནི། ཧཱུྃ། རྒྱལ་བ་རྒྱ་མཚོའི་དཀྱིལ་འཁོར་དུ། །བདུག་སྤོས་མེ་ཏོག་མར་མེ་དྲི། །ཞལ་ཟས་སིལ་སྙན་མཆོད་པའི་སྤྲིན། །དབྱིངས་ནས་བཏོན་ཏེ་དབྱིངས་སུ་འབུལ། །ཨོཾ་པ་ན་པེཾ། པེ་ནུ་སུ་ར་ཏོ། ཏི་པུ་པ་ར་མུ། སརྦ་ཏ་ཐཱ་ག་ཏ་སིདྡྷི་ས་མ་ཡ་ཧོཿ ཨོཾ་ཤྲཱི་བཛྲ་རཱ་ག་དྷཱུ་པེ་ཧཱུྃ། ཨོཾ་ཤྲཱི་བཛྲ་རཱ་ག་པུཥྤེ་ཏྲཱཾ། ཨོཾ་ཤྲཱི་བཛྲ་རཱ་ག་ཨཱ་ལོ་ཀེ་ཧཱུྃ། ཨོཾ་ཤྲཱི་བཛྲ་རཱ་ག་གནྡྷེ་ཧྲཱིཿ ཨོཾ་ཤྲཱི་བཛྲ་རཱ་ག་ནཻ་བི་དྱ་ཨཱཿ ཨོཾ་ཤྲཱི་བཛྲ་རཱ་ག་གཱིརྟི་ཤཔྟ་ཧཱུྃ། བཞི་པ་ནང་མཆོད་ནི། ཨོཾ། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་གཏིབས། །གཟུགས་སྒྲ་དྲི་རོ་རེག་བྱ་ཆོས། །འདོད་ཡོན་ལྔ་ལྡན་མཆོད་པ་བཞེས། །ཨོཾ་སརྦ་པཱུ་ཛ་ས་མ་ཡ་ཧོཿ ལྔ་པ་གསང་མཆོད་ནི། ཧཱུྃ། འདོད་ཆགས་ཞེ་སྡང་གཏི་མུག་ཆེ། །ང་རྒྱལ་ཕྲག་དོག་ཉོན་མོངས་ལྔ། །ཡེ་ནས་རིགས་ལྔའི་རང་བཞིན་ཡིན། །སྦྱོར་སྒྲོལ་ཏིང་འཛིན་དམ་མཆོད་བཞེས། །ཧ་ལ་པཉྩ་པཱུ་ཛ་ཧོཿ དྲུག་པ་དུག་གསུམ་མཆོད་པ་ནི། ཧཱུྃ། ཤ་ཁྲག་རུས་པ་རྣམ་པ་གསུམ། །དུག་གསུམ་མཆོད་པ་བླ་ན་མེད། །ཡེ་ནས་སྐུ་གསུམ་རང་བཞིན་ཏེ། །རང་གྲོལ་ཉིད་དུ་མཆོད་པ་བཞེས། །མ་ཧཱ་མཱཾ་ས། མ་ཧཱ་རཀྟ། མ་ཧཱ་ཀེཾ་ནི་རི་ཏི་ཁཱ་ཧི། བདུན་པ་སྨན་མཆོད་ནི། ཧཱུྃ། རང་བྱུང་གདོད་ནས་རྣམ་པར་དག །རྩ་བརྒྱད་སྟོང་ལས་སྦྱར་བའི་སྨན། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་གྲུབ་པའི་རྫས། །རྒྱུད་ལྔ་སེམས་ཅན་ཀུན་བསྒྲལ་ཕྱིར། །དུག་ལྔ་སེལ་བའི་བདུད་རྩི་ཆེ། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋ། ཧཱུྃ། རྩ་བརྒྱད་ཡན་ལག་སྟོང་སྦྱར་བའི། །ཐུན་མོང་མཆོག་དང་ཁྱད་འཕགས་འདི། །དུས་གསུམ་བླ་མ་ཡི་དམ་ལྷ། རྒྱལ་བ་ཞི་ཁྲོའི་ལྷ་ཚོགས་ལ། །བདུད་རྩིའི་དམ་རྫས་མཉེས་མཆོད་འབུལ། །བརྩེར་དགོངས་དབང་དང་དངོས་གྲུབ་སྩོལ། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཧྲཱིཿ དམ་སྐོང་དབང་དང་ཤེས་རྒྱུད་ལུང་སྟོན་པའི། །ངེས་པའི་དོན་སྟོན་རྩ་བརྒྱུད་བླ་མ་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། བདེ་གཤེགས་ཞི་བ་ཆེ་མཆོག་གཤིན་རྗེའི་གཤེད། །རྟ་མགྲིན་ཕུར་པ་ཡང་དག་རྦོད་གཏོང་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། རིག་འཛིན་དྲག་སྔགས་དྲེགས་འདུལ་བཀའ་སྡོད་ཚོགས། །མཁའ་འགྲོ་ཆོས་སྐྱོང་གཞི་གནས་གཏེར་བདག་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། མཐེབ་སྲིན་སྦྱར་བས་བདུད་རྩི་གནས་གསུམ་དུ་རེག་ཅིང་མྱང་ལ། ཧཱུྃ། ལྕེ་ཡི་དམ་ཚིག་རྡོ་རྗེ་ལ། །དམ་ཚིག་ཅན་གྱིས་ཧཱུྃ་བསྒོམས་ཏེ། །མཐེབ་སྲིན་ཐབས་ཤེས་ཕྱག་རྒྱ་ཡིས། །མྱང་ན་དངོས་གྲུབ་མཆོག་འཐོབ་འགྱུར། །ཀཱ་ཡ་སིདྡྷི་ཨོཾ། །ཝཱཀ྄་སིདྡྷི་ཨཱཿ ཙིཏྟ་སིདྡྷི་ཧཱུྃ། སརྦ་སིདྡྷི་ཧྲཱིཿ བརྒྱད་པ་གཏོར་མཆོད་ནི། ཧཱུྃ། དམ་རྫས་རྨད་བྱུང་གཏོར་ཆེན་པོ། །འདོད་ཡོན་ལྔ་ཡི་ཕུང་པོར་འབར། །ཐམས་ཅད་ཚིམ་བྱེད་མཆོད་སྦྱིན་ཆེ། །ཞི་ཁྲོ་ཡོངས་རྫོགས་ཐུགས་དམ་བསྐང༌། །མ་ཧཱ་བ་ལིཾ་ཏ་ཁཱ་ཧི། དགུ་པ་རཀྟ་ནི། ཧཱུྃ། རུ་ཏྲ་བསྒྲལ་བའི་ཁྲག་ཆེན་པོ། །ལྕང་ལོར་བཅས་པའི་བྷཉྫར་བསྐྱིལ། །འཁོར་བ་དབྱིངས་སུ་དག་བྱའི་ཕྱིར། །དཔལ་ཆེན་ལྷ་ཚོགས་ཞལ་དུ་འབུལ། །མ་ཧཱ་རཀྟ་ཁཱ་ཧི། བཅུ་པ་བདུད་རྩི་གསང་བསྣན་གྱི་མཆོད་པ་ནི། ཧཱུྃ། རྒྱུ་གཉིས་རྐྱེན་སྦྱར་འབྲུ་བཅུད་འདི། །དུག་ལྔ་སྨན་གྱུར་དམ་པའི་རྫས། །ཛ་གད་དཔའ་བོའི་བདུད་རྩི་འདིས། །རྒྱལ་བ་ཞི་ཁྲོའི་ཐུགས་དམ་བསྐང༌། །མ་ཧཱ་པཉྩ་ཨ་མྲྀ་ཏ་ཛ་གད་ཁཱ་ཧི། བཅུ་གཅིག་པ་སྦྱོར་མཆོད་ནི། ཧཱུྃ། དབྱིངས་རིག་གཉིས་མེད་སྦྱོར་བ་ཡིས། །འཁོར་འདས་གཉིས་སུ་མེད་པར་སྦྱོར། །གཉིས་མེད་རྟོགས་པའི་སྦྱོར་མཆོད་འདིས། །རྒྱལ་བ་ཡབ་ཡུམ་མཉེས་གྱུར་ཅིག །ཛཿཧཱུྃ་བཾ་ཧོཿ པདྨ་ཡོ་གི་ནཱི་ས་མ་ཡ་པྲ་བེ་ཤ་ཡ་ཕཊ། བཅུ་གཉིས་པ་སྒྲོལ་མཆོད་ནི། ཧཱུྃ། ཡང་དག་དོན་རྟོགས་བློ་ཡིས་ནི། །མ་རྟོགས་སེམས་ཅན་གནས་སུ་བསྒྲལ། །དུས་གསུམ་བདེ་གཤེགས་དེ་ལ་མཉེས། །མཆོག་གི་མཆོད་པ་ཆེན་པོ་བཞེས། །ཨོཾ་མ་ཧཱ་ཤྲཱི་ཧེ་རུ་ཀ་མ་ཏྲཱཾ་རུ་ཏྲ་པྲ་བྷཉྫ་ཙཀྲ་ཧཱུྃ་ཕཊ། །པྲ་བེ་ཤ་ཡ་ཕཊ། ཏི་ཧཱུྃ་ཨེ་ཡཾ་སྥ་ར་ཎ་ཕཊ། དྲུག་པ་བསྟོད་པ་ལ་གསུམ་ལས། དང་པོ་གསང་བ་མི་ཟད་རྒྱན་འཁོར་ལྔ་སྤྱིར་བསྟོད་པ་ནི། ཨོཾ། མཉམ་ཉིད་ཆོས་སྐུའི་རང་བཞིན་ལས། །ཀུན་བཟང་ཟག་པ་མེད་པར་བདེ། །སེམས་ཅན་དོན་ལ་དེ་བཞིན་གཤེགས། །ཐུགས་རྗེའི་སྐུ་ལ་ཕྱག་འཚལ་བསྟོད། །ཨཱཿ རྩོལ་མེད་རང་བྱུང་ཆོས་སྐུའི་སྒྲ། །མ་འགག་རང་གསལ་འཛིན་པ་མེད། །ཆགས་མེད་སྐྱོན་བྲལ་པདྨའི་གསུང༌། །ཡང་དག་གསུང་ལ་ཕྱག་འཚལ་བསྟོད། །ཧཱུྃ། སྤྲོས་པ་མེད་པའི་དབྱིངས་ཀྱི་ངང༌། །མ་སྐྱེས་འཛིན་མེད་རྡོ་རྗེའི་ཐུགས། །བླང་དོར་མེད་པ་ཆོས་ཀྱི་དབྱིངས། །འགྱུར་མེད་ཐུགས་ལ་ཕྱག་འཚལ་བསྟོད། །སྭཱ། ཆོས་དབྱིངས་རོལ་པ་ཆེན་པོ་ལས། །རྩལ་དང་རོལ་པར་མི་དམིགས་ཀྱང༌། །ནམ་མཁའ་མཛོད་ཀྱི་ཆོ་འཕྲུལ་གྱིས། །ཡོན་ཏན་རེ་སྐོང་ཕྱག་འཚལ་བསྟོད། །ཧཱཿ རང་བཞིན་ཅིར་ཡང་མ་ངེས་ཀྱང༌། །དཀྱིལ་འཁོར་ཆེན་པོའི་ཆ་བཟུང་ནས། །རྟོག་མེད་དྲེགས་པ་ངང་གིས་འདུལ། །ཕྲིན་ལས་མཛད་ལ་ཕྱག་འཚལ་བསྟོད། །ཨོཾ་ཨཱཿཧཱུྃ་སྭཱ་ཧཱཿ ན་མོ་ཧྲཱི་ད་ཡ། ཨོཾ་ན་མ། གཉིས་པ་དཔལ་དགུ་སོ་སོར་བསྟོད་པ་ནི། ཧཱུྃ། དུས་གསུམ་བདེ་གཤེགས་ཆོས་རྣམས་རྫོགས་པའི་དཔལ། །ཞི་བ་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་ཡོན་ཏན་རྫོགས་པའི་དཔལ། །ཆེ་མཆོག་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་ཐུགས་མཆོག་རྫོགས་པའི་ལྷ། །ཡང་དག་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་སྐུ་མཆོག་རྫོགས་པའི་ལྷ། །གཤིན་རྗེ་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་གསུང་མཆོག་རྫོགས་པའི་ལྷ། །དབང་ཆེན་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་ཕྲིན་ལས་རྫོགས་པའི་ལྷ། །ཕུར་པ་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་གཟི་བརྗིད་རྫོགས་པའི་ལྷ། །མ་མོ་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་ཕྱག་རྒྱ་རྫོགས་པའི་ལྷ། །རིག་འཛིན་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་མངོན་སྤྱོད་རྫོགས་པའི་ལྷ། །འཇིག་རྟེན་ཡོངས་རྫོགས་ལྷ་ལ་ཕྱག་འཚལ་བསྟོད། །དུས་གསུམ་བདེ་གཤེགས་དམོད་མཐུ་རྫོགས་པའི་ལྷ། །དྲག་སྔགས་ཡོངས་རྫོགས་ལྷ་ལ་ཕྱག་འཚལ་བསྟོད། །ཕྲིན་ལས་བཞི་སྒྲུབ་ཕྱི་ནང་བར་ཆད་སེལ། །སྒོ་བ་སྒོ་མའི་ཚོགས་ལ་ཕྱག་འཚལ་བསྟོད། །རྒྱལ་བའི་སྤྱན་སྔར་བསྟན་པའི་གཉེར་བླངས་པའི། །བཀའ་ཉན་སྲུང་མའི་ཚོགས་ལ་ཕྱག་འཚལ་བསྟོད། །ཕྱི་ནང་གསང་བའི་མཆོད་པ་འདི་བཞེས་ལ། །བླ་མེད་སྐུ་གསུང་ཐུགས་ཀྱི་དངོས་གྲུབ་རྣམས། །བདག་སོགས་མོས་པའི་བུ་ལ་བསྩལ་དུ་གསོལ། །གསུམ་པ་དོན་གྱི་བསྟོད་པ་ནི། ཧཱུྃ། རྣམ་དག་ཡེ་ཤེས་ཐུགས་ཀྱི་དཀྱིལ་འཁོར་དུ། །འགྲོ་དོན་འདོད་དགུར་བསྒྱུར་ཞིང་གཙོ་དང་འཁོར། །ཇི་ལྟར་སྤྲུལ་ཀྱང་ཡེ་ཤེས་རིག་པའི་རྩལ། །རང་ཤར་རང་གྲོལ་བདེ་གཤེགས་གཡུང་དྲུང་ལྷ། །རྣམ་དག་ཆོས་ཀྱི་དབྱིངས་ལས་མ་གཡོས་པའི། །ཐམས་ཅད་ཆོས་སྐུར་ཡོངས་རྫོགས་ལྷ་ལ་བསྟོད། །ཅེས་བསྟོད་ལ་སྔར་སྤྲོས་པའི་ལྷ་མོ་རྣམས་རང་ལ་བསྡུའོ། །བདུན་པ་བཤགས་པ་ནི། ཧཱུྃ། ཞི་ཁྲོ་བདེ་གཤེགས་ཡོངས་རྫོགས་དགོངས། །སྡོན་ནས་རང་དང་མཉམ་ཉིད་དོན། །མ་རྟོགས་རིགས་མཚན་སོ་སོར་བཟུང༌། །དབྱེར་མེད་རྣམ་དག་ཀློང་དུ་བཤགས། །ས་མ་ཡ་ཨེ་ཧོ་ཤུདྡྷེ་ཨཱཿ ཨོཾ་ཤྲཱི་བཛྲ་ཧེ་རུ་ཀ་ས་མ་ཡ། མ་ནུ་པཱ་ལ་ཡ། བཛྲ་ཧེ་རུ་ཀ་ཏྭེ་ནོ་པ་ཏིཥྛ་དྲི་ཌྷོ་མེ་བྷ་བ། སུ་ཏོཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སུ་པོཥྱོ་མེ་བྷ་བ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཏྟཾ་ཤྲཱི་ཡཿ ཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ་མ་མེ་མུཉྩ། ཧེ་རུ་ཀ་བྷ་བ། མ་ཧཱ་ས་མ་ཡ་སཏྭ་ཨཱཿཧཱུྃ་ཕཊ། བརྒྱད་པ་ཛཔ་བཟླ་བ་ལ་གསུམ་ལས། དང་པོ་ཞི་བར་བསྙེན་པ་ལས། ཛཔ་བསྐུལ་ནི། ཧཱུྃ། །ཞི་ཁྲོ་རྣམ་རོལ་དཀྱིལ་འཁོར་དུ། །ཆེ་མཆོག་དཔལ་དགུ་དབུ་རྒྱན་ནང༌། །ཐབས་ཤེས་ཉི་ཟླ་པདྨའི་སྟེང༌། །མི་བསྐྱོད་རྣམ་པར་སྣང་མཛད་དང༌། །རིན་འབྱུང་སྣང་མཐའ་དོན་ཡོད་གྲུབ། ཡུམ་ཆེན་ཀུན་བཟང་སངས་རྒྱས་སྤྱན། མཱ་ཀི་གོས་དཀར་དམ་ཚིག་སྒྲོལ། །རྒྱལ་བ་ཡབ་ཡུམ་ཕྱག་མཚན་བཅས། །ཀུན་བཟང་ཡབ་ཡུམ་དགྱེས་པར་སྦྱོར། །སྲས་མཆོག་སེམས་དཔའ་སེམས་མར་བཅས། །སྤྲུལ་སྐུ་ཐུབ་དྲུག་མཐར་བྱེད་བརྒྱད། །མཉེན་ལྕུག་འཁྲིལ་ལྡེམ་གཞོན་ཚུལ་ཅན། །གསལ་འཚེར་ལྷུན་སྡུག་གཟི་བརྗིད་འབར། དབུ་རྒྱན་ཅོད་པན་ཕྲེང་བ་དང༌། །དོ་ཤལ་དཔུང་རྒྱན་སོ་མོ་དོ། །རིན་ཆེན་དར་དཔྱང་ཆས་རྣམས་རྫོགས། །གསུང་ནི་ཡང་སྙིང་སྔགས་སྒྲ་སྒྲོགས། །ཐུགས་ནི་རང་བྱུང་ཡེ་ཤེས་གསལ། །ཛཔ྄་ཀྱིས་སྐུ་གསུང་ཐུགས་རྒྱུད་བསྐུལ། སྤྲོས་པས་སྟོང་གསུམ་སྐུ་ཡིས་གང༌། །སྐུ་ལས་གསུང་བྱོན་སྔགས་འབྲུག་ལྡིར། །བསྡུས་པས་ཆོས་དབྱིངས་མཁའ་ལ་ཐིམ། །མ་གསལ་བར་དུ་བསྐྱེད་ཅིང་བསྒོམ། །མ་གྲུབ་བར་དུ་མི་བཏང་ངོ༌། །ཞེས་བསྐུལ་ལ་དམིགས་པ་ནི། བཀའ་བརྒྱད་ཞི་ཁྲོ་རྣམ་རོལ་བསྙེན་ཡིག་ཏུ་དཔལ་དགུ་སོ་སོའི་བཟླས་དམིགས་གསུངས་ཀྱང་ལས་བྱང་དཀྱུས་ལ་རྒྱས་དྲགས་པས་གསང་རྫོགས་ལྟར་སྦྱར་བ་ནི། དཀྱིལ་འཁོར་གཙོ་དགུའི་ལྷ་རྣམས་ཀྱི་དབུ་གཙུག་ཏུ་རིགས་བདག་ཀུན་བཟང་ཡབ་ཡུམ། སྤྱི་བོའི་གནས་ལྔར་སོ་སོའི་རིགས་ལྔ་འཁོར་དང་བཅས་པ་བཞུགས་པའི་གནས་གསུམ་འབྲུ་གསུམ་དང་ཐུགས་སྲོག་ས་བོན་སྔགས་ཕྲེང་གིས་བསྐོར་བ་ལྷ་ཐམས་ཅད་ཀྱི་ཞལ་ནས་སྔགས་བཟླས་པས་ཐུགས་རྒྱུད་བསྐུལ། སྔགས་ཕྲེང་ལས་འོད་ཟེར་འཕྲོས་པས་སྟོང་གསུམ་ཐམས་ཅད་ཞི་བའི་ལྷ་དང་སྔགས་སྒྲས་གང༌། ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས་ཚུར་བསྡུས་ནས་ཐིམ་པར་གྱུར། ཅེས་དམིགས་ལ་ཞི་ཁྲོ་རིགས་བརྒྱའི་རྩ་སྔགས་ནི། ཨོཾ་ཨཱ་ལི་ཀཱ་ལི་ཛྙཱ་ན་པཉྩ་སཏྭ་ཀྲོ་དྷ་མུ་ནེ་ཡེ་སྭཱ་ཧཱཿ ཞི་བ་ཞེ་གཉིས་ཀྱི་རྩ་སྔགས་ནི། ཨོཾ་བོ་དྷི་ཙིཏྟ་མ་ཧཱ་སུ་ཁ་ཛྙཱ་ན་དྷཱ་ཏུ་ཨཱཿ རིགས་ལྔ་ཡབ་ཡུམ་གྱི་སྙིང་པོ་ནི། ཨོཾ་ཨཱཿཧཱུྃ་སྭཱ་ཧཱཿ མཱུྃ་ལཱྃ་མཱྃ་པཱྃ་ཏཱྃ། ཞེས་པ་རྣམས་སོ་སོར་བཟླས་པའི་མཚམས་སུ་སྟོང་ཚིགས་འབུལ་བ་འགྲེའོ། །གཉིས་པ་ཁྲོ་བོར་སྒྲུབ་པ་ལས། ཛཔ་བསྐུལ་ནི། ཧཱུྃ། ཚོམ་བུ་ ཚོམ་བུ་སོ་སོར་བསྐུལ་ན། དབུས་ཕྱོགས་མཐིང་ནག་གྲུ་གསུམ་སོགས་བསྒྱུར་དགོས། མཆན་ དགུ་ཡི་གྲུ་གསུམ་དཀྱིལ་འཁོར་ན། །ལྷ་ཀླུ་ལ་སོགས་སོ་སོའི་གདན་སྟེང་དུ། །ཐབས་དང་ཤེས་རབ་ཉི་ཟླ་འོད་ཀྱི་དཀྱིལ། །མ་ཆགས་པདྨ་འབར་བའི་གེ་སར་ལ། །སྒྲུབ་པ་བཀའ་བརྒྱད་དཀྱིལ་འཁོར་ལྷ་ཚོགས་རྣམས། །ཟག་མེད་བདེ་བའི་ཉམས་ལྡན་ཅན། །སྟོང་ཉིད་སྙིང་རྗེ་ཡུམ་དང་སྦྱོར། །སྐུ་ནི་གར་དགུའི་ཉམས་དང་ལྡན། །དཔལ་དང་དུར་ཁྲོད་ཆས་ཀུན་རྫོགས། །གསུང་ནི་གསང་སྔགས་འབྲུག་སྟོང་ལྡིར། །ཐུགས་ནི་སྒྲོལ་མཛད་སྲོག་དང་བཅས། །ཛཔ་ཀྱིས་སྐུ་གསུང་ཐུགས་རྒྱུད་བསྐུལ། །ཕཊཿཀྱིས་སྤྲོས་པས་སྟོང་གསུམ་གང༌། །བསྡུས་པས་ཡུམ་གྱི་མཁའ་ལ་འཁྱིལ། །གསང་བའི་སྦུབས་ནས་ཐུགས་ཀར་ཐིམ། །མ་གསལ་བར་དུ་བསྐྱེད་ཅིང་བསྒོམ། །མ་གྲུབ་བར་དུ་མི་བཏང་ངོ༌། །ཞེས་བསྐུལ། འདི་ནི་ཚོམ་བུ་དགུ་པོ་ཆིག་དྲིལ་དུ་བསྐུལ་བ་སྟེ། གཞན་དུ་སྒྲུབ་ཆེན་སོགས་ཀྱི་སྐབས། དབུས་དང་ཕྱོགས་མཚམས་ཀྱི་དཀྱིལ་འཁོར་སོ་སོར་བསྐུལ། ཁ་བསྒྱུར་ཚུལ་མཆན་གསལ་ལྟར་སྦྱོར་ཤེས་པར་བྱ། དམིགས་པ་ལ་གསུམ་ལས། དང་པོ་ཕྲ་མོའི་ཏིང་ངེ་འཛིན་ཡིད་ལ་གསལ་བས་རང་གི་གནས་སྦྱོང་བ་ནི། ཐུགས་ཀར་ཡེ་ཤེས་སེམས་དཔའ་རྡོར་སེམས་དཀར་པོའི་རྣམ་པར་བཞུགས་པའི་ཐུགས་རིན་པོ་ཆེ་ཟུར་བརྒྱད་པའི་ནང་དུ་ཉི་མའི་གདན་ལ་ཏིང་འཛིན་སེམས་དཔའ་རྡོ་རྗེ་སྔོན་པོའི་ལྟེ་བར་ཧཱུྃ་མཐིང་ནག་གི་མཐའ་བསྐོར་དུ་སྔགས་ཕྲེང་གིས་བསྐོར་བར་གྱུར། ཅེས་གསལ་བཏབ་ལ་བཟླ་བའོ། །གཉིས་པ་བཟླས་བརྗོད་བསྙེན་པའི་འཕྲོ་འདུས་ཡེ་ཤེས་ལྷ་ཉེ་བར་བསྙེན་པ་ནི། བཟླས་པའི་རྐྱེན་གྱིས་ཐུགས་ཀའི་སྔགས་ཕྲེང་གྱེན་དུ་བྱུང༌། ལྗགས་སྟེང་ཨཱཿལ་བསྐོར། ཤངས་བུག་གཡས་ནས་ཡར་བརྒྱུད་སྤྱི་བོའི་ཨོཾ་ལ་བསྐོར་བ་བྱས་ནས་ཕྱིར་བྱུང་བ་ཤངས་བུག་གཡོན་གྱི་སྒོར་ཐོན། །ཡུམ་གྱི་ཤངས་བུག་གཡས་ནས་ཞུགས་ཏེ་ཐུགས་ཀའི་ཧཱུྃ་ལ་བསྐོར་ཅིང་གསང་བའི་པད་མོར་བབས་པར་གྱུར། །ཅེས་མོས་ལ་བཟླ་བའོ། །གསུམ་པ་གསང་བ་བྱང་ཆུབ་སེམས་ཀྱི་འཕྲོ་འདུས་དངོས་གྲུབ་ཡུམ་གྱི་མཁར་བསྡུ་བ་ནི། ཡུམ་མཁའི་སྔགས་ཕྲེང་ལས་འོད་ཟེར་ཕྱོགས་བཅུར་འཕྲོས་པས་རྒྱལ་བ་ཐམས་ཅད་མཆོད། ཐུགས་རྗེ་བྱིན་རླབས་དངོས་གྲུབ་ཐམས་ཅད་བསྡུས་ནས་ཡུམ་གྱི་པད་མོར་བསྐྱིལ་བ་དེ་རྡོ་རྗེའི་ལམ་བརྒྱུད་ཐུགས་ཀའི་ཧཱུྃ་ལ་ཐིམ་པར་གྱུར། ཅེས་མོས་ལ་བཟླ་བའོ། །དེ་ལྟར་གཙོ་བོ་ཆེ་མཆོག་ལ་དམིགས་པ་གསུམ་སོ་སོར་འཕྲལ་ལ་བཟླས་པ་ཇི་ལྟར་འོས་པ་དང༌། །ཡང་དག་སོགས་དཔལ་བརྒྱད་སོ་སོར་དམིགས་པ་གསུམ་པོ་གཅིག་ཏུ་སྦྲེལ་བའི་དམིགས་པས་སོ་སོའི་བཟླས་པ་བྱ། ཆེ་མཆོག་ལ། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུྃ་ཕཊ། ཡང་དག་ལ། ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། གཤིན་རྗེ་ལ། ཨོཾ་ཨཱཿཧཱུྃ། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུྃ་ཕཊ། རྟ་མགྲིན་ལ། ཨོཾ་པདྨཱནྟ་ཀྲྀཏ་ཧྱ་གྲཱྀ་ཝ་ཧུ་ལུ་ཧུ་ལུ་ཧཱུྃ་ཕཊ། ཕུར་པ་ལ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྷྣཱན་བཾ་ཧཱུྃ་ཕཊ། ་མ་མོ་ལ། ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་གུ་ཧྱ་ཛྙཱ་ན་ཀྲོ་དྷཱི་ཤྭ་རཱི་སྟྭཾ་མ་མ་ཡོ་གི་ནཱི་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊ། རིག་འཛིན་ལ། ཨོཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃ་ཕཊ། དྲེགས་པ་ལ། ཨོཾ་བཛྲ་ཙཎྜ་སརྦ་དུཥྚན་ཧཱུྃ་ཕཊ། དྲག་སྔགས་ལ། ཨོཾ་བཛྲ་སརྦ་དུཥྚན་ཧཱུྃ་ཕཊ། ཁྱུང་དང་བཀའ་སྡོད་ལ། ཧཱུྃ། ཡང་སྤྲུལ་ཁྱུང་ཆེན་བཀའ་སྡོད་ཚོགས། །བཟླས་བརྗོད་བསྙེན་པའི་མཆོད་པ་བཞེས། །ཁྲོཾ་ག་རུ་ཌ་ཧཱུྃ་ཕཊ། སརྦ་ཌཱ་ཀི་ནི་ས་མ་ཡ་ཧྲཱིཾ་ཧྲཱིཾ་ཧཱུྃ་ཕཊ། ཅེས་གནམ་ལྕགས་ཀྱི་ཐོག་རྒོད་ལྟར་བཟླ། ལྷ་ཚོགས་བདུན་བརྒྱ་ཉེར་ལྔའི་ཞལ་ནས་དྲག་སྔགས་འབྲུག་སྒྲ་སྟོང་གསུམ་གང་བར་བསྒྲགས་པས་ཁམས་གསུམ་ཆོས་ཉིད་དུ་བསྒྲལ། བ་སྤུའི་བུ་ག་ཚུན་ཆད་ནས་ཡེ་ཤེས་ཀྱི་མེ་མགར་གྱི་ཚྭ་ཚྭ་ལྟ་བུར་འཕྲོས་པས་སྣང་སྲིད་མེ་ཕུང་གིས་གང༌། ཕྱི་སེམས་ཅན་ཀུན་གྱི་ལས་ཉོན་ཕུང་པོ། ནང་སྒྲུབ་པོའི་རྣམ་རྟོག་འཁྲུལ་འཛིན། བར་གདོན་བགེགས་ཐམས་ཅད་གཞོབ་ཏུ་བསྲེགས་ནས་སྐྱེ་མེད་ཀྱི་དབྱིངས་སུ་ཐིམ་པར་གྱུར་པར་བསམ་ལ། ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷཱི་ཤྭ་རི་བཛྲ་ཀཱི་ལི་ཀཱི་ལ་ཡ་མ་ཧཱ་ཡཀྴ་ཀ་ལ་རཱུ་པ་ཀརྨ་རཾ་རཾ་ཛྭ་ལ་རཾ་ཧཱུྃ་ཕཊ། ཅེས་གནམ་ལྕགས་ཀྱི་ཐོག་རྒོད་ལྟར་བཟླ། དེ་ལྟར་ཞི་ཁྲོའི་གཙོ་འཁོར་གྱི་དབྱེ་བས་ཇི་ཙམ་ནུས་པ་བཟླ་པའི་བར་མཚམས་སོ་སོར་སྟོང་ཚིགས་ཀྱི་མཆོད་བསྟོད་ནི། ཧཱུྃ། ཡེ་ཤེས་ལྷ་ཚོགས་སྤྱན་འདྲེན་གཤེགས། །ཕྱི་ནང་གསང་བའི་མཆོད་པ་འབུལ། །སྐུ་གསུང་ཐུགས་ཡོན་ཕྲིན་ལས་བསྟོད། །ཉམས་ཆག་འགལ་འཁྲུལ་ཅི་མཆིས་བཤགས། ཨོཾ་ཨཱཿཧཱུྃ་མ་ཧཱ་པཉྩ་བ་ལིཾ་ཏ་རཀྟ་ཁཱ་ཧི། ཞེས་བྱའོ། །གསུམ་པ་གཞི་བསྟོད་བྱ་བ་ནི། བཟླས་པ་ཐམས་ཅད་གྲུབ་ནས། ཧཱུྃ། བཅོམ་ལྡན་བདེ་གཤེགས་ཀུན་བཟང་རིགས་ལྔ་ཡབ། །གདུག་པ་འདུལ་ཕྱིར་ཁྲག་འཐུང་སྐུ་ལྔར་སྟོན། །བཟང་མོ་ལ་སོགས་ཀྲོ་དྷཱི་ཡུམ་རྣམས་འཁྲིལ། །སེམས་དཔའ་ལྕམ་དྲལ་མཐར་བྱེད་ཐུབ་པ་དྲུག །དྲེགས་པ་འཇོམས་མཛད་གཏུམ་རྔམ་ཚོགས་དང་བཅས། །ཞི་ཁྲོ་ཡོངས་རྫོགས་ལྷ་ལ་ཕྱག་འཚལ་བསྟོད། །ཅེས་པ་ཙམ་བྱའོ། །དགུ་པ་རྒྱུན་གྱི་དངོས་གྲུབ་བླང་བ་ནི། ཐུགས་ཀའི་ཧཱུྃ་ལས་འོད་ཟེར་འཕྲོས་པས་བླ་མ་རིག་འཛིན་ཡི་དམ་རྒྱལ་བའི་དཀྱིལ་འཁོར་མཁའ་འགྲོ་དམ་ཅན་རྣམས་ཀྱི་ཐུགས་རྒྱུད་བསྐུལ། བྱིན་རླབས་དངོས་གྲུབ་ཐམས་ཅད་འོད་ཟེར་ཁ་དོག་ལྔ་ལྡན་གྱི་ཚུལ་དུ་བྱོན་ནས་རང་གི་གནས་གསུམ་དུ་ཐིམ་པར་བསམ་ལ། ཧཱུྃ། ལྷ་དང་རིག་འཛིན་མཁའ་འགྲོ་དགོངས། །འདིར་འདུས་རིག་འཛིན་བདག་ཅག་རྣམས། །སྨིན་གྲོལ་གཉིས་ཀྱིས་རྒྱུད་སྦྱངས་ཤིང༌། །བསྐྱེད་རྫོགས་གཉིས་ཀྱིས་ལས་གཞུང་བསྲངས། །བསྙེན་སྒྲུབ་རྣམ་གསུམ་མཐའ་རུ་ཕྱིན། །ལས་དང་ཐུགས་རྗེ་མཐུན་པ་ཡི། །ཞི་རྒྱས་དབང་དྲག་ཡིད་བཞིན་གཏེར། །སྐུ་གསུང་ཐུགས་ཀྱི་དངོས་གྲུབ་སྩོལ། །ཨོཾ་ཨཱཿཧཱུྃ་ཀཱ་ཡ་ཝཱཀ྄་ཙིཏྟ་སིདྡྷི་ཧཱུྃ་ཨཱཿ བཅུ་པ་ཆེ་བ་བསྐྱེད་པ་ནི། ཧཱུྃ། སྣང་སྲིད་ཐམས་ཅད་གཞལ་ཡས་ཁང༌། །གཟུགས་སྣང་ཐམས་ཅད་ཧེ་རུ་ཀཿ །ཐམས་ཅད་ཐམས་ཅད་བྲན་དུ་ཁོལ། །ང་ལས་ཆེ་བ་སུ་ཡང་མེད། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། བཅུ་གཅིག་པ་ཕྲིན་ལས་བསྐུལ་བ་ནི། ཧཱུྃ། ཆོས་སྐུ་སྐྱེ་མེད་ངང་ཉིད་ལས། །གཟུགས་སྐུ་འཇིགས་པའི་ཆ་ལུགས་བཞེངས། །ཞི་རྒྱས་དབང་དང་མངོན་སྤྱོད་ལས། །བཅོལ་བའི་ཕྲིན་ལས་སྒྲུབ་པར་མཛོད། ཧཱུྃ་ཧཱུྃ་ཧཱུྃ། བཛྲ་སརྦ་དུཥྚན། ཨོཾ་ཤཱིནྟཾ། སྭཱ་པུཥྚིཾ། ཨཿཝཱ་ཤཾ། ཧཱ་མཱ་ར་ཡ་ཕཊ། སརྦ་སིདྡྷི་ཀུ་རུ་ཧཱུྃ། རྦོད་ཟོར་སརྦ་ཟློག་བྷྱོཿ ཞེས་པ་རྣམས་ཀྱིས་དངོས་གཞིའི་ལས་རིམ་གྲུབ་བོ། །གསུམ་པ་རྗེས་ཀྱི་ལས་རིམ་ལ། ཚོགས་མཆོད་ཆད་ཐོ་བརྟན་སྐྱོང་བྲོ། །གཏང་རག་མཆོད་བཤགས་བསྡུ་ལྡང་དང༌། །སྨོན་ལམ་དང་ནི་ཤིས་བརྗོད་དོ། །ཞེས་བརྒྱད་ལས། དང་པོ་ཚོགས་མཆོད་ནི། ཞིང་ལྤགས་ཀྱི་ཁར་ཐབས་ཤེས་བཟའ་བཏུང་གཙོ་བོར་གྱུར་པའི་ཡོ་བྱད་བསགས། ཆུ་ཆང་ནང་གསུམ་གྱིས་སྦྱངས་ཏེ་བྱིན་གྱིས་བརླབ་པ་ནི། ཨོཾ་ཨུཙྪུཥྨ་བེ་ཏཱ་ལི་ཀྲོ་དྷ་ནི་སརྦ་དྲ་བྱཾ་སཾ་ཤོ་དྷ་ནི་ཧཱུྃ་ཕཊ་སྭཱ་ཧཱཿ །ཚོགས་ཀྱི་ཡོ་བྱད་ཐམས་ཅད་ཀུན། །རཾ་ལས་མེས་བསྲེགས་ཡཾ་ལས་རླུང༌། །གཡོས་པས་སྦྱངས་ཤིང་ཁཾ་གི་ཆུས། །བཀྲུས་ཏེ་འདོད་ཡོན་བདུད་རྩིར་གྱུར། །ཨོཾ་ཨཱཿཧཱུྃ། སྤྱན་དྲངས་ཤིང་སྤྱིར་འབུལ་བ་ནི། ཧཱུྃ། བཀའ་བརྒྱད་ལྷ་ཚོགས་གནས་འདིར་གཤེགས། །གཟུགས་སྒྲ་དྲི་རོ་རེག་བྱ་ཆོས། །འདོད་ཡོན་ལྔ་ལྡན་ཚོགས་མཆོད་ཀྱིས། །ཐུགས་དམ་དབྱིངས་སུ་སྐོང་གྱུར་ཅིག །དེ་ནས་ཚོགས་ཕུད་རིམ་པ་གསུམ་སྤྲོས་པའི་དང་པོ་ཕུད་མཆོད་ནི། ཧཱུྃ། །བླ་མེད་མཆོག་གི་མཆོད་སྦྱར་ནས། །ཡེ་ཤེས་ལྔ་ཡི་འོད་ཟེར་འཕྲོ། །འདོད་ཡོན་ལྷ་མོས་རབ་བརྒྱན་འབུལ། །དམ་སྐོང་དབང་དང་དངོས་གྲུབ་སྩོལ། །ཨོཾ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏག་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱཿ ལན་གསུམ། བར་པ་བཤགས་པ་ནི། བདག་ཅག་ཉོན་མོངས་དབང་གྱུར་པས། །བཀའ་བརྒྱད་ལྷ་ཚོགས་སྤྱན་སྔ་རུ། །ཐུགས་དང་འགལ་བའི་ནོངས་པ་ཀུན། །སྙིང་ནས་བཤགས་སོ་བཟོད་པར་གསོལ། །ཡི་གེ་བརྒྱ་པ་བརྗོད། ཐ་མ་བསྒྲལ་བ་ནི། ཨེ་ནྲྀ་ཏྲི། ཞེས་པས་ཚོགས་སྣོད་ལྕགས་ཁང་གྲུ་གསུམ་གྱི་ནང་དུ་དམིགས་རྟེན་བསྒྲལ་བྱ་དངོས་སུ་གསལ་ལ། ན་མོ། དཀོན་མཆོག་གསུམ་ལ་ཕྱག་འཚལ་ལོ། དཀོན་མཆོག་གསུམ་གྱི་བཀའ་བདེན་པ་དང༌། ཆོས་ཉིད་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་དུ་བདེ་གཤེགས་སྒྲུབ་པ་བཀའ་བརྒྱད་ཀྱི་ལྷ་ཚོགས་རྣམས་ཀྱི་བཀའ་བདེན་པ་དང༌། སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བདེན་པ་དང༌། བདེན་པ་ཆེན་པོའི་མཐུ་ལ་བརྟེན་ནས་མ་རུངས་པའི་སེམས་ཅན་བསྒྲལ་བའི་ཞིང་དུ་གྱུར་པ་ཐམས་ཅན་མཚན་མ་རྫས་ཀྱི་རྟེན་འདི་ལ་མཆིས་པར་གྱུར་ཅིག །ཅེས་བདེན་སྟོབས་བརྗོད་ཅིང་དྲག་སྔགས་སོ་ལྔ་པའི་མཐར། ཛཿཧཱུྃ་བཾ་ཧོཿས་བཀུག་ཅིང་བསྡམས་ཤིང་མྱོས་པར་བྱས་ལ། །སྐུ་སྟོད་ཁྲོ་བོ་འབར་བའི་གཟུགས། །སྐུ་སྨད་ཕུར་པའི་དབལ་ལྡན་པ། །ལོག་འདྲེན་དགྲ་བགེགས་སྙིང་ལ་གཟིར། །ལུས་ངག་ཐལ་བའི་རྡུལ་དུ་རློག །དྲག་སྔགས་སོ་ལྔ་པའི་མཇུག་ཏུ། གནོད་བྱེད་འབྱུང་པོའི་སྙིང་ལ་མཱ་ར་ཡ་རྦད། ཅེས་བརྗོད་དེ་ཚེ་ལུང་ཁྲུས་ལུང་གི་དགོངས་པས་ཕུར་པ་གདབ་ཅིང་བསྒྲལ་བའི་ཤ་ཁྲག་བདུད་རྩིར་སྦར་བ་བསྟབ་པ་ནི། བཀའ་བརྒྱད་ལྷ་ཚོགས་གནམ་ས་ཙམ། །གདངས་པའི་ཞལ་དུ་དགྲ་བགེགས་ཀྱི། །ཤ་ཁྲག་རུས་པ་ཚོགས་སུ་འབུལ། །དགྱེས་པར་རོལ་ཞིག་ཁ་རཾ་ཁཱ་ཧི། མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། དེ་ནས་ལས་རྡོར་གྱིས་ཚོགས་རྫས་བཏེགས་ལ། ཧོཿ ཞལ་ཟས་ཚོགས་ཀྱི་མཆོད་པ་འདི། །འདོད་ཡོན་མ་སྤངས་ལོངས་སྤྱོད་རྒྱན། དངོས་གྲུབ་སྣ་ཚོགས་འདི་ལས་འབྱུང༌། །རྣལ་འབྱོར་དགྱེས་པར་ཚོགས་ལ་རོལ། སིདྡྷི་ཕ་ལ་ཨ་ལ་ལ་ཧོཿ ཞེས་སློབ་དཔོན་ནས་བརྩམས་ཏེ་འདུས་པ་རྣམས་ལ་དྲངས། ནང་གི་སྲེག་བླུགས་དང་ལྡན་པས་རོལ་པའི་མཐར། སྨོན་ལམ་ནི། ཧཱུྃ། སྡོན་ནས་ད་ལྟ་ཡན་ཆད་དུ། །རྣལ་འབྱོར་བདག་ཅག་འཁོར་བཅས་རྣམས། །བསོད་ནམས་དགེ་བའི་ཚོགས་འཁོར་གྱིས། །ཚེ་དབང་ལོངས་སྤྱོད་བརྟན་རྒྱས་ཤོག །ཅེས་སོགས་གདབ། དེ་ནས་ལྷག་མ་ནི། ཨ་ཀཱ་རོས་བརླབ། ཕེཾ་ཕེཾ། ཞེས་པས་ལྷག་སྡུད་བཀུག་ལ། ཧཱུྃ། །དང་པོ་ཕུད་ཀྱིས་མི་མཆོད་དུ། །དཔལ་ཆེན་བཀའ་བརྒྱད་ལྷ་ཚོགས་གཉན། །བར་དུ་ལྷག་མས་མི་མཆོད་དུ། །མ་དང་མཁའ་འགྲོ་ལྷག་ལ་དགྱེས། །ཐ་མ་གཅིག་ཏུ་མི་བསྲེ་རྒྱུ། །ཆོས་ཉིད་ཡེ་ནས་རྒྱུ་འབྲས་གཅིག །དཔལ་གྱི་བཀའ་ཉན་ལྷག་སྡུད་རྣམས། །འདིར་བྱོན་ཤ་ཁྲག་མཆོད་གཏོར་བཞེས། །སྔོན་གྱི་དམ་ཚིག་མ་གཡེལ་བར། །བཅོལ་བའི་ཕྲིན་ལས་སྒྲུབ་པར་མཛོད། །ཨོཾ་མ་ཧཱ་ཤྲཱི་ཧེ་རུ་ཀ་ས་མ་ཡ་དེ་ཝཱི་ཀྲོ་དྷ་སརྦ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨོཾ་ཨཱཿཧཱུྃ་ཨུཙྪིཥྚ་བཛྲ་ཨ་དྷིཥྛ་ས་མུ་དྲ་ཀྲཱ་མ་ས་མ་ཡ་ཧཱུྃ་ཕཊ། ཧཱུྃ་ཧཱུྃ་ཧཱུྃ། ཧྲཱི་ཧྲཱི་ཧྲཱིཿ བྷྱོ་བྷྱོ་བྷྱོཿ ཨ་ར་ལི་ཛཿ ཞེས་སྒྲུབ་ཁང་གི་ལྷོ་ནུབ་ཏུ་བསྐྱལ་ལོ། །གཉིས་པ་ཆད་ཐོ་བྱ་བ་ནི། ཧཱུྃ། སྔོན་ཚེ་འདས་དུས་བསྐལ་པ་དང་པོ་ལ། །འོག་མིན་ཆོས་དབྱིངས་གནས་མཆོག་དམ་པ་རུ། །བཅོམ་ལྡན་དཔལ་ཆེན་ཧེ་རུ་ཀ་དཔལ་གྱིས། །སྣང་སྲིད་མ་མོ་དམ་ལ་བཏགས་པའི་ཚེ། །སོ་སོའི་གཟུགས་བསྟན་དམ་ཚིག་ཁས་བླངས་བཞིན། །མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད། །བསྐལ་པ་བར་མ་རྒྱ་གར་གནས་ཆེན་དུ། །གྲུབ་པའི་རིག་འཛིན་ཆེན་པོ་བརྒྱད་རྣམས་ཀྱིས། །ཞི་ཁྲོ་རང་རང་དཀྱིལ་འཁོར་ཞལ་ཕྱེ་ནས། །བཀའ་སྐྱོང་ཕོ་རྒྱུད་མོ་རྒྱུད་དམ་བཏགས་ཚེ། །སོ་སོའི་གཟུགས་བསྟན་དམ་ཚིག་ཁས་བླངས་བཞིན། །མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད། །བསྐལ་པ་ཐ་མ་ཆོས་འཁོར་བསམ་ཡས་སུ། །པདྨ་འབྱུང་གནས་རྗེ་འབངས་གྲོགས་དགུ་ཡིས། །ཞི་དང་ཁྲོ་བོའི་དཀྱིལ་འཁོར་ཞལ་ཕྱེ་ནས། །སྣང་སྲིད་དྲེགས་པ་སྡེ་བརྒྱད་དམ་བཏགས་ཚེ། །སོ་སོའི་གཟུགས་བསྟན་དམ་ཚིག་ཁས་བླངས་བཞིན། །མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད། །ལྔ་བརྒྱ་ཐ་མ་ཟངས་མདོག་དཔལ་རི་རུ། །ཚེ་དབང་རིག་འཛིན་ཆེ་མཆོག་འདུས་རྩལ་གྱིས། །ཞི་ཁྲོ་སྤྱི་དང་བྱེ་བྲག་ཞལ་ཕྱེ་ནས། །དམ་ཅན་རྒྱ་མཚོ་དམ་ལ་བཏགས་པའི་ཚེ། །སོ་སོའི་གཟུགས་བསྟན་དམ་ཚིག་ཁས་བླངས་བཞིན། །མཆོད་གཏོར་འདི་བཞེས་བཅོལ་བའི་ཕྲིན་ལས་མཛོད། །གསུམ་པ་བརྟན་མ་སྐྱོང་བ་ནི། གཏོར་མ་འབྲུ་གསུམ་གྱིས་བདུད་རྩིར་བརླབ་ལ། ཧཱུྃ། བརྟན་མ་སྐྱོང་མཛད་མ་དང་སྲིང༌། །དཔལ་གནས་མ་དང་ཡང་དག་ཤེས། །ཁྱུང་བཙུན་ཀོང་ལྷ་གཡུ་བུན་མ། །མེ་ཏོག་ཟླ་འོད་བྱང་རྒྱལ་མ། །གསེར་ཐང་ཀུན་བཟང་ཤནྟིང་དཔལ། །ཀླུ་མོ་གཟི་འབར་ལ་སོགས་པའི། །བརྟན་མ་བཅུ་གཉིས་གཏོར་མ་ལོངས། །མི་མཐུན་གནོད་པའི་ཚོགས་རྣམས་ཟློག །ཨོཾ་ཨཱཿཧཱུྃ་བཛྲ་ཨ་མྲྀ་ཏ་ཁཱ་ཧི། མ་མ་ཧྲཱིཾ་མ་མ་ཧྲཱིཾ་ཁཱ་ཧི་ཁཱ་ཧི། བཞི་པ་གཏོར་བྲོ་ནི། མདུན་དུ་ཨེ་སྒྲོམ་འབར་བའི་ནང་དུ་དགྲ་བགེགས་བཀུག་པའི་སྟེང་ནས་གཏོར་གཞོང་རི་རབ་ཏུ་གྱུར་པས་མནན་པ་ལ་ཁྲོ་བོ་རོལ་པའི་བྲོས་གཟིར་བར་བསམ་ལ། ཧཱུྃ། དཔལ་ཆེན་འཁོར་བཅས་རོལ་པའི་བྲོ། །དམ་སྲིའི་སྙིང་ལ་ཆེམས་སེ་ཆེམ། །ཁྲོ་བོ་ཁྲོ་མོ་རོལ་པའི་བྲོ། །དགྲ་བགེགས་སྙིང་ལ་ཆེམས་སེ་ཆེམ། །ཁྲོ་བོ་རྣམས་ཀྱིས་བྲོ་བརྡུངས་པས། །ཁྲོ་མོ་རྣམས་ཀྱིས་རྒྱས་འདེབས་སོ། །ཤར་དུ་ཞི་བའི་བྲོ་བརྡུངས་པས། །ནད་གདོན་བར་ཆད་ཞི་བར་ཤོག །ལྷོ་རུ་རྒྱས་པའི་བྲོ་བརྡུངས་པས། །ཚེ་དང་བསོད་ནམས་རྒྱས་པར་ཤོག །ནུབ་ཏུ་དབང་གི་བྲོ་བརྡུངས་པས། །ལྷ་འདྲེ་མི་གསུམ་དབང་སྡུད་ཤོག །བྱང་དུ་དྲག་པོའི་བྲོ་བརྡུངས་པས། །དགྲ་བགེགས་དམ་སྲི་ཞི་བར་ཤོག །དྲག་སྔགས་སོ་ལྔ་པའི་མཇུག་ཏུ། ཤཱིནྟཾ། པུཥྚིཾ། ཝཱ་ཤཾ། མཱ་ར་ཡ་ཕཊ། ལྔ་པ་གཏང་རག་གི་མཆོད་བཤགས་ནི། ཧཱུྃ། །བཀའ་བརྒྱད་ལྷ་ཚོགས་འཁོར་བཅས་ལ། །ཕྱི་ནང་གསང་བའི་མཆོད་པ་འབུལ། །ཉམས་ཆག་སྡིག་སྒྲིབ་མ་ལུས་བཤགས། །སྐུ་གསུང་ཐུགས་ཀྱི་དངོས་གྲུབ་སྩོལ། །ཡི་གེ་བརྒྱ་པ་བརྗོད། རྟེན་བཞུགས་སྤྱི་ལྟར་བྱ། དྲུག་པ་དཀྱིལ་འཁོར་བསྡུ་ལྡང་ནི། སྣོད་བཅུད་གཞལ་ཡས་ཁང་ལ་ཐིམ། །དེ་ཡང་འཁོར་དང་འཁོར་རྣམས་ཀྱང༌། །གཙོ་བོར་འདུས་ཤིང་གཙོ་བོ་ཉིད། །སྟོང་པར་གྱུར་ལས་འཇའ་ལྟར་བཀྲ། བདུན་པ་སྨོན་ལམ་ནི། དགེ་བ་འདི་ཡིས་འགྲོ་བ་ཀུན། །བསྐྱེད་རྫོགས་རྫོགས་ཆེན་ལམ་བཟང་ལ། །བརྟེན་ནས་ཚེ་འདིར་ཧེ་རུ་ཀའི། །གོ་འཕང་མངོན་དུ་འགྱུར་བར་ཤོག །བརྒྱད་པ་ཤིས་པ་བརྗོད་པ་ནི། རྩ་གསུམ་དཀྱིལ་འཁོར་འཁོར་ལོ་ཡི། །མ་སྨད་ཐུགས་རྗེ་ཆེན་པོའི་མཐུས། །མཆོག་དང་ཐུན་མོང་དངོས་གྲུབ་ཀུན། །ལྷུན་གྱིས་གྲུབ་པའི་བཀྲ་ཤིས་ཤོག །གཞན་ཡང་ཤིས་པ་བརྗོད་པ་ཇི་ལྟར་རིགས་པས་མཐའ་བརྒྱན་པར་བྱའོ། །རྒྱ་ཅན་སྤྱི་ཡི་སྒྲུབ་ཐབས་དབང་རིག་གཏད་ཀྱི་ལག་ལེན་ནོར་བུའི་བང་མཛོད་རྩ་ཐོ་རགས་རིམ་ཙམ་ལས་ཞལ་གསལ་མེད་པ་དང༌། གཞན་གསལ་བྱེད་ཀྱི་ཡིག་ཆ་དཀོན་པས་བསྙེན་དམིགས་སོགས་རྩ་ཐོར་མི་གསལ་བ་རྣམས་བཀའ་བརྒྱད་གསང་རྫོགས་ལས་ཀྱང་ཁ་བསྐང་སྟེ་བྲིས་པ་རྨོངས་བློའི་ནོངས་པ་ཆོས་སྤྱན་མངའ་བ་དང་ལྷ་དང་ཌཱ་ཀི་བཀའ་སྲུང་རྣམས་ལ་བཟོད་པར་མཛད་དུ་གསོལ། །སྐྱེ་འཆི་བར་དོའི་འཕོ་འགྱུརྃ་ལྕགས་ཀྱི་ཁམས། །མཚུངས་མེདྃ་ཐེགྃ་མཆོྃག་གསེར་འགྱུར་རྩིས་ཐེབས་པས། །མཆོག་བརྙེས་བསྟནྃ་པའིྃ་གསེར་གྱི་རྒྱལྃ་མཚྃན་ཏོག །འཇིག་རྟེན་གསུམ་ན་ལྷམ་མེར་མཛེས་པར་གྱུར། བཀའ་བརྒྱད་སྤྱི་དྲིལ་དུ་སྒྲུབ་པ་ཞི་ཁྲོ་རྣམ་རོལ་གྱི་ལས་ཀྱི་བྱང་བུའི་ལེའུ་ཚན་ནོ།། །།

[edit]

@#/_lde mig rgya can las/_bka' brgyad spyi dril zhi khro rnam rol gyi las byang bklag chog tu bkod pa dngos grub 'dod dgu'i dpal ster zhes bya ba bzhugs/ @#/_/bde chen ye shes klong dgu'i sgyu 'phrul gar/_/rab 'byams zhi khro'i khyab bdag sgrub sde brgyad/_/'khor lo'i dbang phyug bla ma he ru kaH_/mi phyed rig pa'i thig ler rtag tu mchod/_/mchog gi go 'phang bde blag mngon byed phyir/_/dag chen ye shes me long ngogs gsal chos/_zab gsang myur bde zhi khro rnam rol gyi/_/las byang dngos grub 'dod ster tshar du bstar/_/'di la gsum/_sbyor ba/_dngos gzhi/_rjes so/_/dang po sbyor ba la gnyis/_yo byad bsham bkod dang*/_sngon 'gro'i las rim gnyis las/_dang po ni/_mtshan nyid dang ldan pa'i gnas su rgyan gyi bkod pas brgyan pa'i gung du gzhung dang mthun pa'i dam tshig gi bris sku sogs rten bkram pa'i mdun stegs gtsang mar rdul tshon dang ras bris kyi dkyil 'khor mtshan nyid dang ldan pa dgram/_shin tu spros pa bsdu na dpal gyi gtor ma rang 'dra brgyad kyi 'khor can mtheb kyu dang zas snas bskor ba rgyan spros kyis mdzes pas kyang rung bar gsungs/_bka' gter srung ma'i gtor ma/_chad brtan/_sman raka dang*/_zhi drag gi nyer spyod/_gzhan yang sngon gtor dkar dmar dang*/_tshogs kyi yo byad/_rol mo'i bye brag sogs nye bar mkho ba thams cad 'du bya'o/__/gnyis pa la/_/skyabs sems bsags sbyong sngon gtor srung*/_/brda yi sgo dbye phyag dam bca'/_/bshags dang byin dbab mchod rdzas rlabs/_/zhes brgyad las/_dang po skyabs sems ni/_rang gi snying kha nas spros pa'i 'od zer gyis dpal chen sgrub sde brgyad la bla ma rigs bdag gi rnam pas dbu brgyan par sangs rgyas dang byang chub sems dpas bskor ba badz+ra sa ma ya dzaHsa spyan drangs/_/bla ma sangs rgyas 'khor dang bcas/_/kun nas bdag la dgongs su gsol/_/bla ma dkon mchog rnam gsum la/_/byang chub ma thob bar du ni/_/skyabs kyi mchog tu bzung bar bgyi/_/sngon nas bsags pa'i sdig sgrib bshags/_/'gro don sangs rgyas 'thob bya'i phyir/_/smon pa'i byang chub sems ni bskyed/_/sems can yongs su smin bya'i phyir/_/gsang sngags spyod pa rlabs chen spyad/_/don dam spros bral byang chub sems/_/rang byung mtha' bral stong gsal bsgom/_/lan gsum brjod/__gnyis pa bsags sbyong yan lag brgyad pa ni/_rdo rje slob dpon sangs rgyas dpal sogs nas/_bsdus te byang chub chen por bsngo/_zhes pa'i bar lan gsum dang*/_/sems can bde dang ldan gyur cig_/sdug bsngal kun dang bral bar shog_/bde dang rtag tu mi 'bral zhing*/_/chos kun mnyam nyid rtogs par shog_/ces brjod la/_dzaHhU~M baM hoHzhes tshogs zhing rnams rang la thim par bsam/_gsum pa sngon gtor ni/_gtor ma dkar dmar gnyis/_ra~M ya~M kha~M gis bsang*/_swa b+hA was sbyang*/_stong pa'i ngang las b+h+rU~M las rin po che'i snod zab cing rgya che ba'i nang du gtor ma kha dog dri ro nus pa phun sum tshogs pa bdud rtsi'i rgya mtsho chen por gyur par bsam la/_oM AHhU~M hoH_lan gsum gyis brlabs/_oM b+hU mi pa ti sa pa ri wA ra badz+ra sa mA dzaHsa mgron dgug_b+hU mi pa ti sa pa ri wA ra oM a kA ro sogs lan gsum gyis bsngos la/_/sa bdag lha klu 'khor dang bcas/_/mchod sbyin gtor ma 'di bzhes la/_/bdag gis sgrub pa ma thob bar/_/khyed la gnas 'di bdag g.yar gyis/_/gnang ba legs par bstsal nas kyang*/_/ci bde bar ni gzhan du dengs/_/zhes phrin las gsol la/_b+hU mi pa ti sa pa ri wA ra gats+tshas rang gnas su gshegs par bsam/_gtor ma gnyis pa/_oM sarba b+hU ta A kar+Sha ya dzaHsa mgron bkug_/oM sarba big+h+nAn na maHsarba ta thA ga te b+h+yo bi shwa mu khe b+h+yaH_sarba thA khaM utag te s+pha ra Na hi maM ga ga na khaM gr-I h+Ne daM ba l+yA di swA hA/_lan gsum gyis bsngos la/_hU~M/_dpal chen bka' brgyad yongs rdzogs dkyil 'khor du/_/snang srid rnam dag ye shes lha yi tshogs/_/kun bzang chos kyi dbyings las ma g.yos kyang*/_/rig rtsal rnam dag thabs shes g.yung drung lha/_/'di la log par lta ba'i dgra dang bgegs/_/bdud sde dpung bcas thams cad phyir dengs shig_/oM sum+b+ha ni sogs brjod/__bzhi pa srung 'khor ni/_hU~M/_bdag nyid dpal chen khrag 'thung thugs ka nas/_/drag po'i byin rlabs mtshon cha'i 'od zer 'phro/_/mtshon cha'i gur chen ye shes me dpung 'bar/_/phyogs mtshams steng 'og kun tu khyab par bsrung*/_/oM badz+ra tsakra tIk+Sh+NA karma kI la ya dz+wa la raM/__lnga pa brda sgo phyag dang dam bca' ba ni/_hU~M/_snang srid thams cad bde chen gzhal yas khang*/_/gzugs snang thams cad rang rig ye shes la/_/de nyid ma rtogs ma rig sgo bcad pas/_/rang gsal ye shes 'char sgo da phyes shig_/b+h+rU~M pra be sha ya phaTaH_hU~M/_rang byung ye shes snying po sems kyi lha/_/ma rtogs rang ngo rang gis ma shes pas/_/ye nas rang dang 'grogs kyang zhal ma mjal/_/rang gsal brda yi don dang mjal phyag 'tshal/_hU~M he ru ka a ti pu hoH_pra tIts+tsha hoH_hU~M/_dus gsum bde gshegs rgyal ba zhi khro'i tshogs/_/bskal pa sngon 'das dus nas yi dam lha/_/da lta gnyis med don dam rang ngo shes/_/srog gi phyir yang mi btang bsgrub lags so/_/hU~M badz+ra tsit+ta sa ma ya hU~M/_drug pa bshags pa ni/_dpal chen bka' brgyad lha tshogs bdag la dgongs/_sku gsung thugs kyi dam tshig 'gal ba sogs/_/rtsa ba yan lag nyams chag ma lus pa/_/snying nas bshags so tshangs pa'i dngos grub stsol/_/yi ge brgya pa brjod/_bdun pa byin 'bebs ni/_hU~M oM a la la hoH_b+ha ga wan sa ma ya hoH_sa ma ya s+t+waMH_'phags mchog thugs rje'i dus la bab/_/khyad par bstan pa'i dus la bab/_/mthu rtsal dbyung ba'i dus la bab/_/dngos grub stsol ba'i dus la bab/_/dgra bgegs sgrol ba'i dus la bab/_/nyams chag skong ba'i dus la bab/_/mthu chen mthu stsol bcom ldan 'das/_/byin rlobs dbang bskur bcom ldan 'das/_byin chen phob cig bcom ldan 'das/_/dngos grub mchog stsol bcom ldan 'das/_/bcom ldan 'das kyis bdag rnams la/_/las kyi 'bras bu mchis par mdzod/_/oM badz+ra kro d+ha ma hA shrI he ru ka sa pa ri wA ra sa ma ya A be sha ya a aH_brgyad pa mchod gtor rnams byin gyis brlab pa ni/_hU~M/_/thugs las ra~M ya~M kha~M 'phros pas/_/phyi nang gsang ba'i mchod rdzas kyi/_/ma dag nyes skyon kun sbyangs nas/_/mi zad nam mkha'i mdzod du gyur/_/ra~M ya~M kha~M/_stong pa'i ngang las oM las rin po che'i snod yangs shing rgya che ba rnams su bdug spos me tog mar me dri chab zhal zas rol mo thogs pa'i lha mo re re la'ang dpag tu med par 'phro ba'i kun bzang mchod pa'i sprin phung nam mkha' mdzod lta bur zad mi shes pas khyab par gyur/_oM AHhU~M badz+ra d+hU pe hU~M/_badz+ra puSh+pe hU~M/_badz+ra A lo ke hU~M/_badz+ra gan+d+he hU~M/_badz+ra nai be d+ya hU~M/_badz+ra shap+ta hU~M/_badz+ra sarba pU dza me g+ha hU~M/_zhes dang*/_bdud rtsi la/_ra~M ya~M kha~M/_stong pa'i ngang las ya~M las rlung*/_kaM las thod pa'i sgyed pu gsum gyi steng du a las ban+d+ha yangs shing rgya che ba'i nang du 'khor lo rtsibs bzhi pa'i lte ba dang rtsibs rnams la sha lnga bdud rtsi lnga rnams gnas pa las/_rlung gis me sbar te zhu ba yongs su gyur pa las phyag mtshan bcu so so'i lte bar hU~M oM swA aM hA mUM lAM mAM pAM tAM gyis mtshan pa las 'od zer 'phros/_'khor 'das kyi bcud thams cad bsdus te thim pa yongs su gyur pa las rigs lnga yab yum lngar gyur pa'i sbyor mtshams nas byang chub kyi sems dkar dmar gyi rgyun babs pa'i steng du rigs lnga yab yum 'od du zhu nas thim pas bdud rtsi'i rgya mtsho chen por gyur/_oM AHhU~M sarba pany+tsa a mr-i ta hU~M hrIHThaH_lan gsum/_gtor ma la/_ra~M ya~M kha~M/_stong pa'i ngang las thod pa dum bu gcig pa stong gsum dang mnyam pa'i nang du/_oM AHhU~M zhu ba las byung ba'i lha'i zhal zas 'dod yon lnga'i lha mo sprin gyi phung po lta bur 'khrigs par gyur/_oM AHhU~M ma hA ba liM ta te dzo ba liM ta ba la ba te gu h+ya sa ma ya swA hA/_lan gsum/_rak+ta la/_ra~M ya~M kha~M/_stong pa'i ngang las pad+ma 'bar ba'i snod chen por/_ra las rdo rje sgeg mo dmar mo'i mkha' nas khrag babs te nyon mongs bag chags dang bcas pa 'joms pa'i rak+ta'i rgya mtsho rba klong rgya mdud kyi tshul du 'khrugs pa las lha mo nyid 'od du zhu nas thim pas 'khor ba stong par gyur/_oM AHhU~M ma hA rak+ta sa man+ta maN+Dal hU~M phaT/_lan gsum/_oM sarba ta thA ga ta pU dza/_ma hA pany+tsa/_ma hA ba liM ta/_ma hA rak+ta/_a ho su kha sa ma ye swA hA/_zhes mchod rdzas spyir byin gyis brlab bo/__/gnyis pa dngos gzhi la/_lha bskyed spyan drangs brtan bzhugs phyag_/mchod dang bstod bshags bsnyen bzlas dang*/_/dngos grub che bskyed phrin gsol lo/__/zhes bcu gcig las/_dang po la lnga las/_thog mar ting 'dzin rnam gsum ni/_rang gi sems nyid kyis mtshon pa'i chos thams cad gdod nas spros pa dang bral ba'i gnas lugs mnyam pa chen po'i dbyings de bzhin nyid la blo bzhag cing*/_de ltar ma rtogs pa'i sems can la dmigs pa med pa'i snying rje chen po kun tu snang ba'i rtsal 'gag pa med pa sgyu ma lta bur rang shar ba'i 'od mthing nag phyogs med du brdal bar bsam la/_stong nying snying rje zung 'jug gi rang rtsal rang sems smug nag zhal gcig phyag gnyis tshon gang ba'i skur gsal ba bcas bltas la/_hU~M/_chos nyid nam mkha'i klong yangs nas/_/chos rnams sna tshogs rang shar ba/_/rang bzhin med de chu zla 'dra/_/thugs rje chen pos kun la khyab/_/snying po ye shes hU~M gi dbyibs/_oM ma hA shU n+ya ta dz+nyA na sa mA ti hU~M/_oM d+harma d+hA tu sa mA ti hU~M/_oM dz+nyA na badz+ra sa mA ti hU~M/_gnyis pa rten 'byung ba rim brtsegs dang gzhal yas khang gdan bcas bskyed pa ni/_rgyu yi ye shes sems dpa'i thugs ka nas e sogs 'byung ba rim brtsegs rten gyi dkyil 'khor bskyed pa'i sa bon rnams 'phros te/_hU~M/_thugs las e yaM raM khaM suM keM b+h+rU~M/_/sa bon sngags rnams yongs su gyur pa las/_/'byung lnga ri rab gzhal yas lhun gyis grub/_/e las nam mkha' sngo skya gru gsum steng*/_/yaM las rlung dkyil zla gam dud kha g.yo/_/ra~M las me dkyil dmar po zur gsum 'bar/_/khaM las khrag mtsho dmar nag zlum po 'khrugs/_/suM las sa dkyil ser po gru bzhi brtan/_/keM las keng rus ri rab gru bzhi dkar/_/e A kA sha maN+Da la/_yaM wA yu maN+Da la/_raM dz+wa la maN+Da la/_khaM rak+ta sa mu dra maN+Da la/_suM pri thi we maN+Da la/_keM ni ti su me ru maN+Da la hU~M/_hU~M/_b+h+rU~M las thod pa rin chen gzhal yas khang*/_/nang gling dgu las zla gam sgo gcig shar/_/lte ba phyogs bzhi mtshams bzhi so so'i nang*/_dbus su gru gsum e yi dkyil 'khor la/_/zla gam dmar po thod pa'i ra ba can/_/phyi rol 'khor lo rtsibs bzhi phyogs kyi mdog_/mgo bo rlon pa'i phreng bas zlum po bskor/_/de'i phyir gru bzhi sgo bzhi'i gzhal yas khang*/_/phyogs skyong bcu yis rtsig pa'i rmang gzhi byas/_/nang du b+han+d+ha skam rlon rnying pa yi/_/rtsig par gnam lcags 'bar ba'i gzer gyis btab/_/phyi ni sna tshogs rin chen las grub pa/_/dmar dkar ser ljang nag po'i rtsig pa can/_bar du lha chen brgyad kyi rtsig pas gtams/_/rtsig steng rin chen rus pa'i pha gu la/_/rgyu ma rlon pa'i drwa ba drwa phyed 'phyang*/_de steng rin chen rus pa spel ma yi/_/mda' yab pu shu rtsig pa'i rtsa ba na/_'dod snam dmar por mchod pa'i lha mos gang*/_/rgyal chen bzhi dang thod pa skam po las/_/grub pa'i ka ba brgyad kyis legs btegs pa'i/_/thod pa rlon pa'i ka gzhu rab tu brjid/_/klu chen brgyad kyi gdung mas phyogs mtshams bres/_/de la mdzes pa'i rdo rje rgyan du spud/_/gza' chen brgyad kyi bad phur btang ba la/_/rgyu skar nyi shu rtsa brgyad dral lcam byas/_/bdud rtsi lnga las grub pa'i zhal ba can/_/dbus kyi lte ba phyur bur mtho ba'i rtser/_/pad+mas btegs pa'i tsit+ta'i tog gis brgyan/_sgo bzhir ka ba bzhi bzhis btegs pa yi/_/rta bab bang rim bzhi dang ldan pa'i steng*/_/pad+ma chos 'khor bcu gsum gdugs ri dwags/_/mgo snying tog mdzes zhing chen rgyal mtshan dang*/_/lag pa'i 'phan dang skra yi rnga yab can/_/dbang po'i me tog spel ba'i phreng ba g.yo/_/mdor na rngam brjid mdzes pa'i rgyan gyis spud/_/phyi rol pad ra dur khrod chen po brgyad/_/rdo rje'i ra bar bskal pa'i me dpung 'bar/_/b+h+rU~M bi shwa bi shud+d+he badz+ra dz+nyA na tsakra maN+Da la b+h+rU~M/_/gling dgu'i dbus kyi e dbyings so so'i steng*/_/paM las sna tshogs pad+ma mdzes pa'i gdan/_/a las zla ba'i dkyil 'khor nya gang ba/_/ma las nyi ma'i dkyil 'khor 'od zer 'bar/_/baM las ru tra pho mo bsnol ba yi/_/gan rkyal kha sbub bsgyel ba'i gdan bcas gsal/_/paM pad+ma maN+Da la/_a tsan+d+ra maN+Da la/_ma sUr+Ya maN+Da la/_ru tra kro d+hI ti ra baM/_de ltar snod rnam par dag pa lha'i gzhal yas khang du bskyed nas/_gsum pa bcud rnam par dag pa brten pa lha'i 'khor lo bskyed pa ni/_rgyu'i ye shes sems dpa' 'od du zhu nas yi ge hU~M du gyur/_s+pha ra Na phaT/_de las 'od zer 'phros 'phags pa mchod sems can gyi don byas/_saM ha ra Na hU~M/_tshur 'dus te thim pa las/_badz+ra hU~M/_de rdo rje rtse lnga par gyur/_de 'od du zhu ba las khrag 'thung thams cad 'dus pa'i spyi gzugs dpal chen po che mchog he ru ka'i skur gyur pa ni/_hU~M/_dbus phyogs smug nag gru gsum dkyil 'khor steng*/_/rgyu yi hU~M yig smug nag babs pa las/_/che mchog smug nag dbu ni nyi shu gcig_/g.yas dkar g.yon dmar dbus smug khro zhing gtum/_/zhi ba bzhi bcu rtsa gnyis lha tshogs rnams/_phyag gis 'dzin cing dpal dang dur khrod chas/_/yongs rdzogs zhabs brgyad g.yas bskum g.yon bzhi brkyang*/_/oM shrI he ru ka ma hA tsaN+Da sarba duSh+Tan ta ka ha na da ha pa tsa hU~M phaT/_/gnam zhal dbu dgu phyag ni bco brgyad kyi/_/dang po gnyis kyis rdor dril 'dzin pas 'khyud/_/g.yas g.yon lhag mas ma mo phra men 'dzin/_/oM ma hA kro d+hI shwa ri s+t+waM/_/mkha' gsang byin gyis brlab pa ni/_ma sUr+Ya maN+Da la/_hU~M badz+ra oM/_a tsan+d+ra maN+Da la/_e aM/_sa ma ya hoH_sa ma ya s+t+waM/_ra ho haMH_rA ga ya mi dzaHhU~M baM hoH_sa ma ya mu dra/_pra be sha ya phaT/_oM oM oM/_hU~M hU~M hU~M/_phaT phaT phaT/_s+pha ra Na phaT/_hU~M hU~M hU~M hU~M/_/yab yum mnyam par sbyor ba'i byin rlabs las/_/dbus phyogs dpal chen yab yum 'khor rnams ni/_/shar du rak+sha khrag 'thung smug dkar dmar/_/zhal ldan g.yas gsum 'khor lo zhing dbyug khyung*/_/g.yon pa thod pa rgyu zhags ba su 'dren/_/rak+sha kro ti 'khor lo thod 'dzin 'khyud/_/lho ru gu h+ya khrag 'thung ser mthing dmar/_/zhal ldan dang po gnyis kyis rin chen thod/_/bar pa gnyis kyis stong gsum 'jig rten 'degs/_/tha ma gnyis kyis dgra s+t+wa rgyu zhags bsnams/_/gu h+ya kro ti rin chen thod 'dzin 'khyud/_nub tu bi shwa khrag 'thung dmar mthing dkar/_/zhal ldan pad+ma be con dgra s+t+wa g.yas/_/g.yon gsum thod pa 'jig rten thong gshol 'dzin/_/sa nu kro ti pad+ma thod 'dzin 'khyud/_/byang du yak+sha khrag 'thung ljang dkar dmar/_/zhal ldan rgya gram ral gri dgra s+t+wa g.yas/_/g.yon gsum thod pa zhags pa thong gshol 'dzin/_/yak+sha kro d+hI rgya gram thod 'dzin 'khyud/_/bzhi ka'ang dur khrod chas brgyad sku la rdzogs/_/zhabs bzhi g.yas bskum g.yon brkyang tshul gyis 'gying*/_/khro bcu sgo ba bzhi sogs sum cu gnyis/_/sna tshogs rgyan ldan me dpung klong na bzhugs/_/oM badz+ra kro d+ha ma hA shrI he ru ka hU~M phaT/_ma hA kro d+hI shwa ri s+t+waM/_hU~M/_dpal chen che mchog yab yum sbyor mtshams nas/_/phyogs bzhi mtshams bzhi'i dkyil 'khor chen po ru/_/shar nas brtsams te g.yas bskor hU~M yig mthing*/_/ser dmar ljang dang shar lho nas g.yas bskor/_/mthing dkar mthing dang slar yang mthing ka spros/_hU~M hU~M hU~M hU~M hU~M hU~M hU~M hU~M/_zhes yab yum gyi byang sems hU~M yig gi rnam par spros pa las phyogs mtshams kyi pho brang so sor khrag 'thung yab yum sras dang bcas pa'i lha tshogs gsal bar gyur pa ni/_hU~M/_shar phyogs zla gam sgo gcig dkyil 'khor dbus/_/sa bon mthing nag gdan steng yongs gyur las/_/badz+ra khrag 'thung zhal gsum phyag drug mthing*/_/g.yas dkar g.yon dmar dbus sngo khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/g.yas gsum rdo rje kha T+wAM rnge'u chung 'dzin/_/g.yon gsum zhing dbyug b+han dmar rgyu zhags bsnams/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bsgrad/_kro ti shwa ri kha T+wAM thod 'dzin 'khyud/_shar du bud+d+ha khrag 'thung smug mthing dmar/_/zhal ldan rdo rje zhing dbyug nang khrol g.yas/_/g.yon gsum rgyu zhags b+han dmar ba su 'dren/_/bud+d+ha kro ti 'khor lo thod 'dzin 'khyud/_/lho ru rat+na khrag 'thung ser nag dmar/_/zhal ldan rin chen zhing dbyug dgra s+t+wa g.yas/_/stong gi 'jig rten b+han dmar rgyu zhags g.yon/_/rat+na kro ti rin chen thod 'dzin 'khyud/_/nub tu pad+ma khrag 'thung dmar mthing dkar/_/zhal ldan 'khor lo be con dgra s+t+wa g.yas/_/stong gsum 'jig rten b+han dmar thong gshol g.yon/_/pad+ma kro ti pad+ma thod 'dzin 'khyud/_/byang du karma khrag 'thung ljang dkar dmar/_/zhal ldan rgya gram ral gri dgra s+t+wa g.yas/_/'jig rten b+han dmar thong gshol g.yon na bsnams/_/karma kro ti rgya gram thod 'dzin 'khyud/_/bzhi ka'ang dur khrod chas brgyad sku la rdzogs/_/zhabs bzhi g.yas bskum g.yon brkyang tshul gyis 'gyings/_ke'u seng sgo ba la sogs lnga bcu brgyad/_/kun kyang chas ldan me dpung klong na bzhugs/_/oM ru lu ru lu hU~M b+h+yo hU~M phaT/_/lho phyogs ser nag gru gsum dkyil 'khor dbus/_/sa bon ser nag gdan steng yongs gyur las/_/'jam dpal gshin rje zhal gsum phyag drug ser/_/g.yas dkar g.yon dmar dbus ser khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/g.yas gsum be con ral gri dgra s+t+wa bsnams/_/g.yon gsum sdigs mdzub mdung thung b+han dmar 'dzin/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/ro lang nag mo dgra s+t+wa thod 'dzin 'khyud/_/g.yas su sgrol yum ral gcig sku mdog sngo/_/tri shul g.yang gzhi 'phyar zhing thod snying stob/_/shar du ya ma rA dza mthing dkar dmar/_/zhal ldan 'khor lo ral gri lcags kyu g.yas/_/kha T+wAM dgra s+t+wa rgyu zhags g.yon na 'dzin/_g.yu yi ral gcig nag mo thod 'dzin 'khyud/_/dpal 'bar ral gri ne'u le'i rkyal pa 'dzin/_lho ru myos byed 'bar ba ser sngo dmar/_/zhal ldan be con ral gri dgra s+t+wa g.yas/_/thod pa lcags kyu 'khor lo g.yon na 'dzin/_/gtum mo dug hrul dung khrag 'dzin mas 'khyud/_/khrag gi bdag mo spu gri tsit+ta 'dzin/_/nub tu ar+Ya me ru dmar dkar sngo/_/zhal ldan be con dbyug tho kha T+wAM g.yas/_/b+han dmar 'khor lo rgyu zhags g.yon na 'dzin/_/lha mo 'od zer b+han dmar 'dzin mas 'khyud/_/gling bzhi gtsug 'byams mi snying b+han+d+ha thogs/_/byang du ral pa tshar dgu ljang dkar dmar/_/zhal ldan be con gtun shing rgya gram g.yas/_/b+han dmar rgyu zhags 'khor lo g.yon na bsnams/_/re tI khram shing b+han dmar 'dzin mas 'khyud/_/srin mo mgo 'phyang dgra s+t+wa dung khrag 'dzin/_/bzhi ka'ang dur khrod chas brgyad sku la rdzogs/_/zhabs bzhi g.yas bskum g.yon brkyang tshul gyis 'gyings/_/phyogs skyong bcu gnyis sgo srung pho nya'i tshogs/_/lnga bcu rtsa lnga sna tshogs rgyan gyis spras/_/rngams brjid khro gtum drag po'i nga ro can/_/ye shes me dpung 'bar ba'i dbus na bzhugs/_/oM AHhU~M/_/oM a kro te ka ya mAn+ta ka ha na ma tha b+hany+dza hU~M phaT/_/nub phyogs dmar nag gru gsum dkyil 'khor dbus/_/sa bon dmar nag gdan steng yongs gyur las/_/rta mgrin rgyal po zhal gsum phyag drug dmar/_/g.yas dkar g.yon sngo dbus dmar khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/dbu gtsug rta mgo ljang zhur rta skad 'tsher/_/phyag drug rdo rje kha T+wAM sbrul zhags g.yas/_/dril bu b+han dmar lcags sgrog g.yon na bsnams/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/gzi ldan dmar mo rtse gsum thod 'dzin 'khyud/_/phra men byi la pu shud mgo can dmar/_/g.yas pa lcags kyu g.yon pa phur bu 'dril/_/shar du rdo rje dbang chen mthing dkar dmar/_/zhal ldan phyag drug g.yas g.yon dang po yis/_/rdo rje'i thod 'dzin rdo rje dbang mor 'khyud/_/lho ru rin chen dbang chen ser dkar dmar/_/zhal ldan phyag drug g.yas g.yon dang po yis/_/rin chen thod 'dzin rin chen dbang mor 'khyud/_/nub tu pad+ma dbang chen dmar dkar sngo/_/zhal ldan phyag drug g.yas g.yon dang po yis/_/pad+ma thod 'dzin pad+ma dbang mor 'khyud/_/byang du las kyi dbang chen ljang dkar dmar/_/zhal ldan phyag drug g.yas g.yon dang po yis/_/rgya gram thod 'dzin las kyi dbang mor 'khyud/_/bzhi ka'ang bar gnyis kha T+wAM sbrul zhags 'dzin/_/tha ma gnyis kyis dbang gi phur bu 'dril/_/dbu gtsug rta mgo ljang khur rta skad 'tsher/_/dur khrod chas brgyad rgyan drug sku la rdzogs/_/zhabs bzhi g.yas bskum g.yon brkyang tshul gyis 'gyings/_/yum rnams rtse gsum thod khrag 'dzin dang sbyor/_/zil gnon sgo ba la sogs drug cu gsum/_/sna tshogs rgyan spras dpa' gtum brjid pa'i gzugs/_/ye shes me dpung 'bar ba'i klong na bzhugs/_/oM pad+mAn+ta kr-ita h+ya gr-I wa hu lu hu lu hU~M phaT/_/byang phyogs ljang nag gru gsum dkyil 'khor dbus/_/sa bon ljang nag gdan steng yongs gyur las/_/dpal chen phur pa zhal gsum phyag drug ljang*/_/g.yas dkar g.yon dmar dbus ljang khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/g.yas gnyis rdo rje rtse dgu rtse lnga gdengs/_/g.yon gnyis sdigs mdzub me dpung kha T+wAM 'dzin/_/tha ma'i phyag gnyis ri rab phur bu 'dril/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/'khor lo rgyas 'debs kha T+wAM thod 'dzin 'khyud/_/shar du sras mchog bud+d+ha kI la ya/_/dkar mthing dmar ba'i zhal gsum phyag drug gi_/dang po gnyis na rdo rje dgra s+t+wa 'phyar/_/bar pa gnyis na rgyu zhags ral gri gdengs/_lho ru sras mchog rat+na kI la ya/_/ser dkar dmar ba'i zhal gsum phyag drug gi_/dang po gnyis na be con dgra s+t+wa 'dzin/_/bar pa gnyis na rin chen ral gri bsnams/_/nub tu sras mchog pad+ma kI la ya/_/dmar dkar ser ba'i zhal gsum phyag drug gi_/dang po gnyis na ral gri mdung thung 'dzin/_/bar pa gnyis kyis mda' gzhu rna bar 'gengs/_/byang du sras mchog karma kI la ya/_/ljang dkar dmar ba'i zhal gsum phyag drug gi_/dang po gnyis kyis mdung rnon gri gug gdengs/_/bar pa gnyis na lcags kyu ral gri 'phyar/_/bzhi ka'i tha phyag gnyis kyis phur bu 'dril/_/sku smad las bzhi'i phur dbal dgra snying gzir/_/dpal dang dur khrod chas kyis rnam par brgyan/_/steng 'og phyogs mtshams khro bcu phra phyag dang*/_/sgo skyong phur srung la sogs bdun cu brgyad/_/kun kyang mkha' la 'ja' tshon ji bzhin du/_/snang stong lha sku'i sgyu 'phrul rol par shar/_/oM badz+ra kI li kI la ya sarba big+h+nAn baMhU~M phaT/_/shar lho mthing nag gru gsum dkyil 'khor dbus/_/rgyu yig mthing nag gdan steng yongs gyur las/_/bla med khrag 'thung zhal gsum phyag drug mthing*/_/g.yas dkar g.yon dmar dbus mthing khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/g.yas gsum rdo rje bya khyung sbrul zhags 'dzin/_/g.yon gsum thod pa zhing dbyug gwa'u bsnams/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/yum chen nyid zhi zhal lnga phyag drug gis/_/rdor dril 'dzin 'khyud g.yas lhag sbrul zhags bum/_/g.yon lhag dung khrag mi lpags 'dzin dang sbyor/_/shar du snang gsal dkar mo khro mo'i gdong*/_/g.yas g.yon seng zhal phyag drug g.yas pa gsum/_/rdo rje dgra s+t+wa dang ni seng ge 'dzin/_/thod pa gtun shing mi lpags g.yon gyis snyod/_/lho ru 'od gsal sngon mo khro mo'i gdong*/_/g.yas g.yon glang zhal phyag drug g.yas pa gsum/_/rin chen me dpung dang ni stag mo 'dzin/_/b+han dmar thod dbyug ti ra g.yon na snyod/_/nub kyi snyan gsal dmar mo khro mo'i gdong*/_/g.yas g.yon rma bya phyag drug g.yas pa gsum/_/pad+ma zhags pa lce spyang g.yon pa na/_/thod pa kha T+wAM rtse gsum ti ra bsnams/_/byang gi yang gsal ljang khu khro mo'i gdong*/_/g.yas g.yon khyung zhal phyag drug g.yas pa gsum/_/sna tshogs rdo rje thod dbyug spyang ki bsnams/_/b+han dmar rgyu zhags ti ra g.yon gyis 'dzin/_/mdun du bkrag gsal mthing nag khro mo'i gdong*/_/ral pa'i gseb na rdo rje 'bar ba'i mchu/_/g.yas gsum 'khor lo rgyal mtshan 'ug pa 'dzin/_g.yon gsum dung dmar spu gri ti ra snyod/_/lnga ka'ang dur khrod chas brgyad sku la rdzogs/_/zhabs bzhi g.yas bskum g.yon brkyang tshul gyis 'gyings/_/rje mo sman mo sgo skyong la sogs pa/_/bdun cu rtsa gnyis khro gtum rngams brjid can/_/sna tshogs rgyan spras rnam 'gyur cir yang ston/_/ye shes me dpung 'bar ba'i klong na bzhugs/_/oM gu h+ya dz+nyA na shrI he ru ka gu h+ya dz+nyA na kro d+hI shwa ri s+t+waM ma ma yo gi nI ru lu ru lu hU~M b+h+yo hU~M phaT/_/lho nub dkar gsal e yi dkyil 'khor dbus/_/rgyu yig dkar po gdan steng yongs gyur las/_/rig 'dzin thod rtsal zhal gcig phyag gnyis dkar/_/drang srong khros tshul dbu skra thor tshugs mdzes/_/g.yas pa gser rdor thugs kar gyen du sgreng*/_/g.yon pa dngul gyi dril bu dku la bsten/_/rin chen rus pa stag sham dar zab brgyan/_/skam rlon thod phreng glang chen zhing lpags gsol/_/zhabs gnyis g.yas bskum g.yon brkyang gar stabs bzhugs/_/phyogs bzhi'i rtsibs la mdun nas g.yas bskor du/_/lhun grub phyag rgya tshe dang rnam par smin/_/rig 'dzin rnam bzhi dkar ser dmar ljang mdog_/phyag mtshan rgyan cha bzhugs stangs gtso dang mtshungs/_/rig 'dzin brgyad dang sgo 'byed slob dpon bzhi/_/dpa' bo mkha' 'gro la sogs nyi shu drug_/'gying bag gar gyis rol pa'i tshul gyis brjid/_/ye shes me 'od 'bar ba'i klong na bzhugs/_/oM badz+ra ma hA gu ru sarba sid+d+hi hU~M phaT/_/nub byang mthing nag gru gsum dkyil 'khor dbus/_/rgyu yig mthing nag gdan steng yongs gyur las/_/dregs pa kun 'dul zhal gsum phyag drug kham/_/g.yas dkar g.yon mthing dbus kham khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/dang po'i phyag gnyis rdo rje dung khrag bsnams/_/lhag rnams lha brgyad klu brgyad mgo bo 'dzin/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/khams gsum spyi 'dul rdo rje thod 'dzin 'khyud/_/mdun du dbang phyug seng zhon gri snying 'dzin/_/shar du gshin rje glang zhon be con dbyug_/lho ru brkos rje rta zhon khram dgra s+t+wa/_/nub tu glog phreng 'brug zhon thog ser 'phen/_/byang du me dbal stag zhon rin chen gri/_/lnga ka'ang rang rang yum dang lhan gcig gnas/_/srid rgyal la sogs sde dpon sum cu gnyis/_/cha lugs bzhon pa ma nges cir yang bsgyur/_/oM badz+ra tsaN+Da sarba duSh+Tan hU~M phaT/_/byang shar mthing nag gru gsum dkyil 'khor dbus/_/rgyu yig mthing nag gdan steng yongs gyur las/_/stobs ldan zhal gsum nag po phyag drug pa/_/spyan bgrad zhal gdangs ljags 'dril mche ba gtsigs/_smin ma sma ra dbu skra kham ser 'bar/_/rtsa ba'i phyag gnyis rdo rje rwa gdeng mtshon/_lcang lor bcas pa'i b+han+d+ha khrag gang can/_/lhag rnams lha brgyad klu brgyad don snying 'dzin/_/dpal dang dur khrod chas kyis rnam par brgyan/_/zhabs bzhi g.yas bskum g.yon brkyang dor stabs bgrad/_/'byung lnga'i dbang mo mkhar 'degs sa gnon 'khyud/_/shar du 'chi bdag gshin rje gri thod 'dzin/_/lhor bdud me yi kha rlangs khram zhing zhags/_/nub tu srin po gsod byed gri thod bsnams/_/byang du gnod sbyin gang bzang gri mdung 'dzin/_/bzhi ka'ang yum bcas mu stegs kA la sogs/_/nyi shu rtsa brgyad lha srin dregs pa'i tshogs/_/sna tshogs rgyan dang rnam 'gyur cir yang 'jigs/_bskal pa'i me dpung 'bar ba'i klong na bzhugs/_/oM badz+ra sarba duSh+Tan hU~M phaT/_/phyi yi dkyil 'khor chen po'i sgo bzhi na/_/'gugs 'ching sdom myos mdzad pa'i sgo skyong bzhi/_/khor yug dbang phyug mkha' 'gro ging lang+ka/_/'bar ma ma sring bka' sdod sprin ltar gtibs/_/oM badz+ra sarba yak+sha sa ma ya hU~M phaT/_bzhi pa gnas gsum byin brlab pa ni/_hU~M/_/rang byung dkyil 'khor dpal chen tshogs/_/mthu rtsal yongs su rdzogs bya'i phyir/_/sku gsung thugs su byin rlobs la/_/ye shes rnam lngas dbang bskur cig_/lha tshogs rnams kyi dpral bar 'khor lo rtsibs brgyad pa'i lte bar rnam snang dkar po thugs kar oM gyis mtshan pa/_/ljags pad+ma 'dab brgyad kyi lte bar snang ba mtha' yas dmar po thugs kar AHsa mtshan pa/_/thugs rdo rje rgya gram gyi lte bar rdo rje sems dpa' mthing kha thugs kar hU~M gis mtshan pas dus gsum bde gshegs bla ma rig 'dzin thams cad kyi sku gsung thugs kyi byin rlabs yongs su rdzogs pa thob/_/oM AHhU~M/_/lnga pa dbang bskur ba ni/_spyi bo'i gnas lngar dpa' bo 'bru lnga las rgyal ba rigs lnga sogs zhi ba bzhi bcu rtsa gnyis kyi lha tshogs rnams bzhugs nas dbang chen rab 'byams kyi dbang bskur ba thob ste 'gro don la dpa' bar gyur/_oM hU~M swA hrIHhAH_oM na maHsarba ta thA ga ta kA ya wAka? tsit+ta dz+nyA na pany+tsa badz+ra swa b+hA wa at+ma ko\u0f85 haM/_gnyis pa spyan 'dren pa la gnyis/_/dang po snyan gsan dbab pa ni/_lha tshogs rnams kyi thugs ka'i hU~M las 'od zer 'phros pas ye shes sems dpa'i thugs rgyud bskul/_/chos kyi sku las gzugs sku dpal chen gtso dgu'i lha tshogs su bzhengs par gyur/_hU~M/_ka dag chos sku'i klong yangs nas/_/sku lnga'i bdag nyid longs spyod rdzogs/_/bde gshegs kun 'dus lha tshogs rnams/_/sprul pa'i gar gyis dbyings nas bzhengs/_oM badz+ra sa ma ya hU~M dzaH_zhes pas snyan gsan phab la/_/gnyis pa spyan 'dren pa ni/_hU~M/_rnam dag chos dbyings mnyam nyid nas/_/zhi khro yongs rdzogs skur bzhengs la/_/srid gsum gdug pa'i tshogs bsgral phyir/_/gnas 'dir spyan 'dren gshegs su gsol/_/oM badz+ra kro d+ha ma hA shrI he ru ka sa pa ri wA ra e h+ye hi sa ma ya dzaHhU~M baM hoHhrIM hrIM dzaH_gsum pa brtan bzhugs ni/_hU~M/_bde gshegs kun 'dus dkyil 'khor 'dir/_/dam tshig ye shes dbyer med par/_/chu la chu bzhag ji bzhin du/_/du ma ro gcig brtan par bzhugs/_/sa ma ya a be sha ya tiSh+Tha s+t+waM/_bzhi pa phyag 'tshal ba ni/_hU~M/_chos rnams rang bzhin ye nas dag_/rtog 'khrul 'jig rten sems can la/_/sku gsung thugs yon phrin las ston/_/dkyil 'khor lha la phyag 'tshal lo/_/a ti pu hoH_na maHhrIH_lnga pa mchod pa la bcu gnyis las/_dang po phyag rgya gar mchod ni/_hU~M/_khrag 'thung rgyal po gar la dgyes/_/sku mdog zhal ni rnam par 'gyur/_/sku yi gar stabs glog 'gyu ba'i/_/phyag rgya gar gyi mchod pa 'bul/_/ma hA mu dra pU dza hoH_gnyis pa glu mchod ni/_hU~M/_/stong pa'i rang bzhin cir yang snang*/_/snang ba'i mtshan nyid skye ba med/_/glu ni 'du 'bral med pa'i glu/_/bro ni bar chad med par brdung*/_/oM ma hA dz+nyA na te te hU~M te na te te hU~M/_gsum pa phyi mchod ni/_hU~M/_rgyal ba rgya mtsho'i dkyil 'khor du/_/bdug spos me tog mar me dri/_/zhal zas sil snyan mchod pa'i sprin/_/dbyings nas bton te dbyings su 'bul/_/oM pa na peM/_pe nu su ra to/_ti pu pa ra mu/_sarba ta thA ga ta sid+d+hi sa ma ya hoH_oM shrI badz+ra rA ga d+hU pe hU~M/_oM shrI badz+ra rA ga puSh+pe trAM/_oM shrI badz+ra rA ga A lo ke hU~M/_oM shrI badz+ra rA ga gan+d+he hrIH_oM shrI badz+ra rA ga nai bi d+ya AH_oM shrI badz+ra rA ga gIrti shap+ta hU~M/_bzhi pa nang mchod ni/_oM/_mchod pa'i phyag rgya chen po ni/_/sems kyi yid bzhin sprin tshogs gtibs/_/gzugs sgra dri ro reg bya chos/_/'dod yon lnga ldan mchod pa bzhes/_/oM sarba pU dza sa ma ya hoH_lnga pa gsang mchod ni/_hU~M/_'dod chags zhe sdang gti mug che/_/nga rgyal phrag dog nyon mongs lnga/_/ye nas rigs lnga'i rang bzhin yin/_/sbyor sgrol ting 'dzin dam mchod bzhes/_/ha la pany+tsa pU dza hoH_drug pa dug gsum mchod pa ni/_hU~M/_sha khrag rus pa rnam pa gsum/_/dug gsum mchod pa bla na med/_/ye nas sku gsum rang bzhin te/_/rang grol nyid du mchod pa bzhes/_/ma hA mAM sa/_ma hA rak+ta/_ma hA keM ni ri ti khA hi/_bdun pa sman mchod ni/_hU~M/_rang byung gdod nas rnam par dag_/rtsa brgyad stong las sbyar ba'i sman/_/rigs lnga dam tshig lnga yi dngos/_/ye shes lnga rdzogs grub pa'i rdzas/_/rgyud lnga sems can kun bsgral phyir/_/dug lnga sel ba'i bdud rtsi che/_/oM AHhU~M sarba pany+tsa a mr-i ta hU~M hrIHTha/_hU~M/_rtsa brgyad yan lag stong sbyar ba'i/_/thun mong mchog dang khyad 'phags 'di/_/dus gsum bla ma yi dam lha/_rgyal ba zhi khro'i lha tshogs la/_/bdud rtsi'i dam rdzas mnyes mchod 'bul/_/brtser dgongs dbang dang dngos grub stsol/_oM AHhU~M sarba pany+tsa a mr-i ta kha raM khA hi/_hrIH_dam skong dbang dang shes rgyud lung ston pa'i/_/nges pa'i don ston rtsa brgyud bla ma la/_/rnam dag bdud rtsi'i dam rdzas mnyes mchod 'bul/_/thugs rjes brtser dgongs dbang dang dngos grub stsol/_/oM AHhU~M sarba pany+tsa a mr-i ta kha raM khA hi/_bde gshegs zhi ba che mchog gshin rje'i gshed/_/rta mgrin phur pa yang dag rbod gtong la/_/rnam dag bdud rtsi'i dam rdzas mnyes mchod 'bul/_/thugs rjes brtser dgongs dbang dang dngos grub stsol/_/oM AHhU~M sarba pany+tsa a mr-i ta kha raM khA hi/_rig 'dzin drag sngags dregs 'dul bka' sdod tshogs/_/mkha' 'gro chos skyong gzhi gnas gter bdag la/_/rnam dag bdud rtsi'i dam rdzas mnyes mchod 'bul/_/thugs rjes brtser dgongs dbang dang dngos grub stsol/_/oM AHhU~M sarba pany+tsa a mr-i ta kha raM khA hi/_mtheb srin sbyar bas bdud rtsi gnas gsum du reg cing myang la/_hU~M/_lce yi dam tshig rdo rje la/_/dam tshig can gyis hU~M bsgoms te/_/mtheb srin thabs shes phyag rgya yis/_/myang na dngos grub mchog 'thob 'gyur/_/kA ya sid+d+hi oM/_/wAka? sid+d+hi AH_tsit+ta sid+d+hi hU~M/_sarba sid+d+hi hrIH_brgyad pa gtor mchod ni/_hU~M/_dam rdzas rmad byung gtor chen po/_/'dod yon lnga yi phung por 'bar/_/thams cad tshim byed mchod sbyin che/_/zhi khro yongs rdzogs thugs dam bskang*/_/ma hA ba liM ta khA hi/_dgu pa rak+ta ni/_hU~M/_ru tra bsgral ba'i khrag chen po/_/lcang lor bcas pa'i b+hany+dzar bskyil/_/'khor ba dbyings su dag bya'i phyir/_/dpal chen lha tshogs zhal du 'bul/_/ma hA rak+ta khA hi/_bcu pa bdud rtsi gsang bsnan gyi mchod pa ni/_hU~M/_rgyu gnyis rkyen sbyar 'bru bcud 'di/_/dug lnga sman gyur dam pa'i rdzas/_/dza gad dpa' bo'i bdud rtsi 'dis/_/rgyal ba zhi khro'i thugs dam bskang*/_/ma hA pany+tsa a mr-i ta dza gad khA hi/_bcu gcig pa sbyor mchod ni/_hU~M/_dbyings rig gnyis med sbyor ba yis/_/'khor 'das gnyis su med par sbyor/_/gnyis med rtogs pa'i sbyor mchod 'dis/_/rgyal ba yab yum mnyes gyur cig_/dzaHhU~M baM hoH_pad+ma yo gi nI sa ma ya pra be sha ya phaT/__bcu gnyis pa sgrol mchod ni/_hU~M/_yang dag don rtogs blo yis ni/_/ma rtogs sems can gnas su bsgral/_/dus gsum bde gshegs de la mnyes/_/mchog gi mchod pa chen po bzhes/_/oM ma hA shrI he ru ka ma trAM ru tra pra b+hany+dza tsakra hU~M phaT/_/pra be sha ya phaT/_ti hU~M e yaM s+pha ra Na phaT/_drug pa bstod pa la gsum las/_dang po gsang ba mi zad rgyan 'khor lnga spyir bstod pa ni/_oM/_mnyam nyid chos sku'i rang bzhin las/_/kun bzang zag pa med par bde/_/sems can don la de bzhin gshegs/_/thugs rje'i sku la phyag 'tshal bstod/_/AH_rtsol med rang byung chos sku'i sgra/_/ma 'gag rang gsal 'dzin pa med/_/chags med skyon bral pad+ma'i gsung*/_/yang dag gsung la phyag 'tshal bstod/_/hU~M/_spros pa med pa'i dbyings kyi ngang*/_/ma skyes 'dzin med rdo rje'i thugs/_/blang dor med pa chos kyi dbyings/_/'gyur med thugs la phyag 'tshal bstod/_/swA/_chos dbyings rol pa chen po las/_/rtsal dang rol par mi dmigs kyang*/_/nam mkha' mdzod kyi cho 'phrul gyis/_/yon tan re skong phyag 'tshal bstod/_/hAH_rang bzhin cir yang ma nges kyang*/_/dkyil 'khor chen po'i cha bzung nas/_/rtog med dregs pa ngang gis 'dul/_/phrin las mdzad la phyag 'tshal bstod/_/oM AHhU~M swA hAH_na mo hrI da ya/_oM na ma/_gnyis pa dpal dgu so sor bstod pa ni/_hU~M/_dus gsum bde gshegs chos rnams rdzogs pa'i dpal/_/zhi ba yongs rdzogs lha la phyag 'tshal bstod/_/dus gsum bde gshegs yon tan rdzogs pa'i dpal/_/che mchog yongs rdzogs lha la phyag 'tshal bstod/_/dus gsum bde gshegs thugs mchog rdzogs pa'i lha/_/yang dag yongs rdzogs lha la phyag 'tshal bstod/_/dus gsum bde gshegs sku mchog rdzogs pa'i lha/_/gshin rje yongs rdzogs lha la phyag 'tshal bstod/_/dus gsum bde gshegs gsung mchog rdzogs pa'i lha/_/dbang chen yongs rdzogs lha la phyag 'tshal bstod/_/dus gsum bde gshegs phrin las rdzogs pa'i lha/_/phur pa yongs rdzogs lha la phyag 'tshal bstod/_/dus gsum bde gshegs gzi brjid rdzogs pa'i lha/_/ma mo yongs rdzogs lha la phyag 'tshal bstod/_/dus gsum bde gshegs phyag rgya rdzogs pa'i lha/_/rig 'dzin yongs rdzogs lha la phyag 'tshal bstod/_/dus gsum bde gshegs mngon spyod rdzogs pa'i lha/_/'jig rten yongs rdzogs lha la phyag 'tshal bstod/_/dus gsum bde gshegs dmod mthu rdzogs pa'i lha/_/drag sngags yongs rdzogs lha la phyag 'tshal bstod/_/phrin las bzhi sgrub phyi nang bar chad sel/_/sgo ba sgo ma'i tshogs la phyag 'tshal bstod/_/rgyal ba'i spyan sngar bstan pa'i gnyer blangs pa'i/_/bka' nyan srung ma'i tshogs la phyag 'tshal bstod/_/phyi nang gsang ba'i mchod pa 'di bzhes la/_/bla med sku gsung thugs kyi dngos grub rnams/_/bdag sogs mos pa'i bu la bstsal du gsol/_/gsum pa don gyi bstod pa ni/_hU~M/_rnam dag ye shes thugs kyi dkyil 'khor du/_/'gro don 'dod dgur bsgyur zhing gtso dang 'khor/_/ji ltar sprul kyang ye shes rig pa'i rtsal/_/rang shar rang grol bde gshegs g.yung drung lha/_/rnam dag chos kyi dbyings las ma g.yos pa'i/_/thams cad chos skur yongs rdzogs lha la bstod/_/ces bstod la sngar spros pa'i lha mo rnams rang la bsdu'o/__/bdun pa bshags pa ni/_hU~M/_zhi khro bde gshegs yongs rdzogs dgongs/_/sdon nas rang dang mnyam nyid don/_/ma rtogs rigs mtshan so sor bzung*/_/dbyer med rnam dag klong du bshags/_/sa ma ya e ho shud+d+he AH_oM shrI badz+ra he ru ka sa ma ya/_ma nu pA la ya/_badz+ra he ru ka twe no pa tiSh+Tha dri D+ho me b+ha ba/_su toSh+yo me b+ha ba/_a nu rak+to me b+ha ba/_su poSh+yo me b+ha ba/_sarba sid+d+hi m+me pra yats+tsha/_sarba karma su tsa me tsit+taM shrI yaH_ku ru hU~M/_ha ha ha ha hoH_b+ha ga wAn/_badz+ra he ru ka ma me muny+tsa/_he ru ka b+ha ba/_ma hA sa ma ya satwa AHhU~M phaT/_brgyad pa dzapa bzla ba la gsum las/_dang po zhi bar bsnyen pa las/_dzapa bskul ni/_hU~M/_/zhi khro rnam rol dkyil 'khor du/_/che mchog dpal dgu dbu rgyan nang*/_/thabs shes nyi zla pad+ma'i steng*/_/mi bskyod rnam par snang mdzad dang*/_/rin 'byung snang mtha' don yod grub/_yum chen kun bzang sangs rgyas spyan/_mA ki gos dkar dam tshig sgrol/_/rgyal ba yab yum phyag mtshan bcas/_/kun bzang yab yum dgyes par sbyor/_/sras mchog sems dpa' sems mar bcas/_/sprul sku thub drug mthar byed brgyad/_/mnyen lcug 'khril ldem gzhon tshul can/_/gsal 'tsher lhun sdug gzi brjid 'bar/_dbu rgyan cod pan phreng ba dang*/_/do shal dpung rgyan so mo do/_/rin chen dar dpyang chas rnams rdzogs/_/gsung ni yang snying sngags sgra sgrogs/_/thugs ni rang byung ye shes gsal/_/dzapa? kyis sku gsung thugs rgyud bskul/_spros pas stong gsum sku yis gang*/_/sku las gsung byon sngags 'brug ldir/_/bsdus pas chos dbyings mkha' la thim/_/ma gsal bar du bskyed cing bsgom/_/ma grub bar du mi btang ngo*/_/zhes bskul la dmigs pa ni/_bka' brgyad zhi khro rnam rol bsnyen yig tu dpal dgu so so'i bzlas dmigs gsungs kyang las byang dkyus la rgyas drags pas gsang rdzogs ltar sbyar ba ni/_dkyil 'khor gtso dgu'i lha rnams kyi dbu gtsug tu rigs bdag kun bzang yab yum/_spyi bo'i gnas lngar so so'i rigs lnga 'khor dang bcas pa bzhugs pa'i gnas gsum 'bru gsum dang thugs srog sa bon sngags phreng gis bskor ba lha thams cad kyi zhal nas sngags bzlas pas thugs rgyud bskul/_sngags phreng las 'od zer 'phros pas stong gsum thams cad zhi ba'i lha dang sngags sgras gang*/_phyogs bcu'i rgyal ba sras bcas kyi byin rlabs tshur bsdus nas thim par gyur/_ces dmigs la zhi khro rigs brgya'i rtsa sngags ni/_oM A li kA li dz+nyA na pany+tsa satwa kro d+ha mu ne ye swA hAH_zhi ba zhe gnyis kyi rtsa sngags ni/_oM bo d+hi tsit+ta ma hA su kha dz+nyA na d+hA tu AH_rigs lnga yab yum gyi snying po ni/_oM AHhU~M swA hAH_mU~M lA~M mA~M pA~M tA~M/_zhes pa rnams so sor bzlas pa'i mtshams su stong tshigs 'bul ba 'gre'o/__/gnyis pa khro bor sgrub pa las/_dzapa bskul ni/_hU~M/_tshom bu _tshom bu so sor bskul na/_dbus phyogs mthing nag gru gsum sogs bsgyur dgos/_mchan _dgu yi gru gsum dkyil 'khor na/_/lha klu la sogs so so'i gdan steng du/_/thabs dang shes rab nyi zla 'od kyi dkyil/_/ma chags pad+ma 'bar ba'i ge sar la/_/sgrub pa bka' brgyad dkyil 'khor lha tshogs rnams/_/zag med bde ba'i nyams ldan can/_/stong nyid snying rje yum dang sbyor/_/sku ni gar dgu'i nyams dang ldan/_/dpal dang dur khrod chas kun rdzogs/_/gsung ni gsang sngags 'brug stong ldir/_/thugs ni sgrol mdzad srog dang bcas/_/dzapa kyis sku gsung thugs rgyud bskul/_/phaTaHkyis spros pas stong gsum gang*/_/bsdus pas yum gyi mkha' la 'khyil/_/gsang ba'i sbubs nas thugs kar thim/_/ma gsal bar du bskyed cing bsgom/_/ma grub bar du mi btang ngo*/_/zhes bskul/_'di ni tshom bu dgu po chig dril du bskul ba ste/_gzhan du sgrub chen sogs kyi skabs/_dbus dang phyogs mtshams kyi dkyil 'khor so sor bskul/_kha bsgyur tshul mchan gsal ltar sbyor shes par bya/_dmigs pa la gsum las/_dang po phra mo'i ting nge 'dzin yid la gsal bas rang gi gnas sbyong ba ni/_thugs kar ye shes sems dpa' rdor sems dkar po'i rnam par bzhugs pa'i thugs rin po che zur brgyad pa'i nang du nyi ma'i gdan la ting 'dzin sems dpa' rdo rje sngon po'i lte bar hU~M mthing nag gi mtha' bskor du sngags phreng gis bskor bar gyur/_ces gsal btab la bzla ba'o/_/gnyis pa bzlas brjod bsnyen pa'i 'phro 'dus ye shes lha nye bar bsnyen pa ni/__bzlas pa'i rkyen gyis thugs ka'i sngags phreng gyen du byung*/_ljags steng AHla bskor/_shangs bug g.yas nas yar brgyud spyi bo'i oM la bskor ba byas nas phyir byung ba shangs bug g.yon gyi sgor thon/_/yum gyi shangs bug g.yas nas zhugs te thugs ka'i hU~M la bskor cing gsang ba'i pad mor babs par gyur/_/ces mos la bzla ba'o/__/gsum pa gsang ba byang chub sems kyi 'phro 'dus dngos grub yum gyi mkhar bsdu ba ni/_yum mkha'i sngags phreng las 'od zer phyogs bcur 'phros pas rgyal ba thams cad mchod/_thugs rje byin rlabs dngos grub thams cad bsdus nas yum gyi pad mor bskyil ba de rdo rje'i lam brgyud thugs ka'i hU~M la thim par gyur/_ces mos la bzla ba'o/__/de ltar gtso bo che mchog la dmigs pa gsum so sor 'phral la bzlas pa ji ltar 'os pa dang*/_/yang dag sogs dpal brgyad so sor dmigs pa gsum po gcig tu sbrel ba'i dmigs pas so so'i bzlas pa bya/_che mchog la/_oM badz+ra kro d+ha ma hA shrI he ru ka hU~M phaT/_yang dag la/_oM ru lu ru lu hU~M b+h+yo hU~M phaT/_gshin rje la/_oM AHhU~M/_oM a kro te ka ya mAn+ta ka ha na ma tha b+hany+dza hU~M phaT/_rta mgrin la/_oM pad+mAn+ta kr-ita h+ya gr-I wa hu lu hu lu hU~M phaT/_phur pa la/_oM badz+ra kI li kI la ya sarba big+h+nAn baM hU~M phaT/_ ma mo la/_oM gu h+ya dz+nyA na shrI he ru ka gu h+ya dz+nyA na kro d+hI shwa rI s+t+waM ma ma yo gi nI ru lu ru lu hU~M b+h+yo hU~M phaT/_rig 'dzin la/_oM badz+ra ma hA gu ru sarba sid+d+hi hU~M phaT/_dregs pa la/_oM badz+ra tsaN+Da sarba duSh+Tan hU~M phaT/_drag sngags la/_oM badz+ra sarba duSh+Tan hU~M phaT/_khyung dang bka' sdod la/_hU~M/_yang sprul khyung chen bka' sdod tshogs/_/bzlas brjod bsnyen pa'i mchod pa bzhes/_/khroM ga ru Da hU~M phaT/_sarba DA ki ni sa ma ya hrIM hrIM hU~M phaT/_ces gnam lcags kyi thog rgod ltar bzla/_lha tshogs bdun brgya nyer lnga'i zhal nas drag sngags 'brug sgra stong gsum gang bar bsgrags pas khams gsum chos nyid du bsgral/_ba spu'i bu ga tshun chad nas ye shes kyi me mgar gyi tshwa tshwa lta bur 'phros pas snang srid me phung gis gang*/_phyi sems can kun gyi las nyon phung po/_nang sgrub po'i rnam rtog 'khrul 'dzin/_bar gdon bgegs thams cad gzhob tu bsregs nas skye med kyi dbyings su thim par gyur par bsam la/_oM badz+ra ma hA kro d+ha pad+ma kro d+hI shwa ri badz+ra kI li kI la ya ma hA yak+sha ka la rU pa karma raM raM dz+wa la raM hU~M phaT/_ces gnam lcags kyi thog rgod ltar bzla/_de ltar zhi khro'i gtso 'khor gyi dbye bas ji tsam nus pa bzla pa'i bar mtshams so sor stong tshigs kyi mchod bstod ni/_hU~M/_ye shes lha tshogs spyan 'dren gshegs/_/phyi nang gsang ba'i mchod pa 'bul/_/sku gsung thugs yon phrin las bstod/_/nyams chag 'gal 'khrul ci mchis bshags/_oM AHhU~M ma hA pany+tsa ba liM ta rak+ta khA hi/_zhes bya'o/__/gsum pa gzhi bstod bya ba ni/_bzlas pa thams cad grub nas/_hU~M/_bcom ldan bde gshegs kun bzang rigs lnga yab/_/gdug pa 'dul phyir khrag 'thung sku lngar ston/_/bzang mo la sogs kro d+hI yum rnams 'khril/_/sems dpa' lcam dral mthar byed thub pa drug_/dregs pa 'joms mdzad gtum rngam tshogs dang bcas/_/zhi khro yongs rdzogs lha la phyag 'tshal bstod/_/ces pa tsam bya'o/__/dgu pa rgyun gyi dngos grub blang ba ni/_thugs ka'i hU~M las 'od zer 'phros pas bla ma rig 'dzin yi dam rgyal ba'i dkyil 'khor mkha' 'gro dam can rnams kyi thugs rgyud bskul/_byin rlabs dngos grub thams cad 'od zer kha dog lnga ldan gyi tshul du byon nas rang gi gnas gsum du thim par bsam la/_hU~M/_lha dang rig 'dzin mkha' 'gro dgongs/_/'dir 'dus rig 'dzin bdag cag rnams/_/smin grol gnyis kyis rgyud sbyangs shing*/_/bskyed rdzogs gnyis kyis las gzhung bsrangs/_/bsnyen sgrub rnam gsum mtha' ru phyin/_/las dang thugs rje mthun pa yi/_/zhi rgyas dbang drag yid bzhin gter/_/sku gsung thugs kyi dngos grub stsol/_/oM AHhU~M kA ya wAka? tsit+ta sid+d+hi hU~M AH_bcu pa che ba bskyed pa ni/_hU~M/_snang srid thams cad gzhal yas khang*/_/gzugs snang thams cad he ru kaH_/thams cad thams cad bran du khol/_/nga las che ba su yang med/_hU~M hU~M hU~M hU~M hU~M hU~M hU~M hU~M hU~M/_bcu gcig pa phrin las bskul ba ni/_hU~M/_chos sku skye med ngang nyid las/_/gzugs sku 'jigs pa'i cha lugs bzhengs/_/zhi rgyas dbang dang mngon spyod las/_/bcol ba'i phrin las sgrub par mdzod/_hU~M hU~M hU~M/_badz+ra sarba duSh+Tan/_oM shIn+taM/_swA puSh+TiM/_aHwA shaM/_hA mA ra ya phaT/_sarba sid+d+hi ku ru hU~M/_rbod zor sarba zlog b+h+yoH_zhes pa rnams kyis dngos gzhi'i las rim grub bo/__/gsum pa rjes kyi las rim la/_tshogs mchod chad tho brtan skyong bro/_/gtang rag mchod bshags bsdu ldang dang*/_/smon lam dang ni shis brjod do/__/zhes brgyad las/_dang po tshogs mchod ni/_zhing lpags kyi khar thabs shes bza' btung gtso bor gyur pa'i yo byad bsags/_chu chang nang gsum gyis sbyangs te byin gyis brlab pa ni/_oM uts+tshuSh+ma be tA li kro d+ha ni sarba dra byaM saM sho d+ha ni hU~M phaT swA hAH_/tshogs kyi yo byad thams cad kun/_/raM las mes bsregs yaM las rlung*/_/g.yos pas sbyangs shing khaM gi chus/_/bkrus te 'dod yon bdud rtsir gyur/_/oM AHhU~M/_spyan drangs shing spyir 'bul ba ni/_hU~M/_bka' brgyad lha tshogs gnas 'dir gshegs/_/gzugs sgra dri ro reg bya chos/_/'dod yon lnga ldan tshogs mchod kyis/_/thugs dam dbyings su skong gyur cig_/de nas tshogs phud rim pa gsum spros pa'i dang po phud mchod ni/_hU~M/_/bla med mchog gi mchod sbyar nas/_/ye shes lnga yi 'od zer 'phro/_/'dod yon lha mos rab brgyan 'bul/_/dam skong dbang dang dngos grub stsol/_/oM na maHsarba ta thA ga te b+h+yo bi shwa mu khe b+h+yaHsarba thA khaM utag te s+pha ra Na i maM ga ga na khaM swA hAH_lan gsum/_bar pa bshags pa ni/_bdag cag nyon mongs dbang gyur pas/_/bka' brgyad lha tshogs spyan snga ru/_/thugs dang 'gal ba'i nongs pa kun/_/snying nas bshags so bzod par gsol/_/yi ge brgya pa brjod/_tha ma bsgral ba ni/_e nr-i tri/_zhes pas tshogs snod lcags khang gru gsum gyi nang du dmigs rten bsgral bya dngos su gsal la/_na mo/_dkon mchog gsum la phyag 'tshal lo/_dkon mchog gsum gyi bka' bden pa dang*/_chos nyid rnam par dag pa'i bden pa dang*/_chos can rgyu 'bras bslu ba med pa'i bden pa dang*/_khyad par du bde gshegs sgrub pa bka' brgyad kyi lha tshogs rnams kyi bka' bden pa dang*/_sprul pa yang sprul phyag brnyan dang bcas pa rnams kyi bden pa dang*/_bden pa chen po'i mthu la brten nas ma rungs pa'i sems can bsgral ba'i zhing du gyur pa thams can mtshan ma rdzas kyi rten 'di la mchis par gyur cig_/ces bden stobs brjod cing drag sngags so lnga pa'i mthar/_dzaHhU~M baM hoHsa bkug cing bsdams shing myos par byas la/_/sku stod khro bo 'bar ba'i gzugs/_/sku smad phur pa'i dbal ldan pa/_/log 'dren dgra bgegs snying la gzir/_/lus ngag thal ba'i rdul du rlog_/drag sngags so lnga pa'i mjug tu/_gnod byed 'byung po'i snying la mA ra ya rbad/_ces brjod de tshe lung khrus lung gi dgongs pas phur pa gdab cing bsgral ba'i sha khrag bdud rtsir sbar ba bstab pa ni/_bka' brgyad lha tshogs gnam sa tsam/_/gdangs pa'i zhal du dgra bgegs kyi/_/sha khrag rus pa tshogs su 'bul/_/dgyes par rol zhig kha raM khA hi/_ma hA maM sa khA hi/_ma hA rak+ta khA hi/_ma hA tsit+ta khA hi/_ma hA ba su ta khA hi/_ma hA go ro tsa na khA hi/_de nas las rdor gyis tshogs rdzas btegs la/_hoH_zhal zas tshogs kyi mchod pa 'di/_/'dod yon ma spangs longs spyod rgyan/_dngos grub sna tshogs 'di las 'byung*/_/rnal 'byor dgyes par tshogs la rol/_sid+d+hi pha la a la la hoH_zhes slob dpon nas brtsams te 'dus pa rnams la drangs/_nang gi sreg blugs dang ldan pas rol pa'i mthar/_smon lam ni/_hU~M/_sdon nas da lta yan chad du/_/rnal 'byor bdag cag 'khor bcas rnams/_/bsod nams dge ba'i tshogs 'khor gyis/_/tshe dbang longs spyod brtan rgyas shog_/ces sogs gdab/_de nas lhag ma ni/_a kA ros brlab/_pheM pheM/_zhes pas lhag sdud bkug la/_hU~M/_/dang po phud kyis mi mchod du/_/dpal chen bka' brgyad lha tshogs gnyan/_/bar du lhag mas mi mchod du/_/ma dang mkha' 'gro lhag la dgyes/_/tha ma gcig tu mi bsre rgyu/_/chos nyid ye nas rgyu 'bras gcig_/dpal gyi bka' nyan lhag sdud rnams/_/'dir byon sha khrag mchod gtor bzhes/_/sngon gyi dam tshig ma g.yel bar/_/bcol ba'i phrin las sgrub par mdzod/_/oM ma hA shrI he ru ka sa ma ya de wI kro d+ha sarba ba liM ta kha kha khA hi khA hi/_oM AHhU~M uts+tshiSh+Ta badz+ra a d+hiSh+Tha sa mu dra krA ma sa ma ya hU~M phaT/_hU~M hU~M hU~M/_hrI hrI hrIH_b+h+yo b+h+yo b+h+yoH_a ra li dzaH_zhes sgrub khang gi lho nub tu bskyal lo/__/gnyis pa chad tho bya ba ni/_hU~M/_sngon tshe 'das dus bskal pa dang po la/_/'og min chos dbyings gnas mchog dam pa ru/_/bcom ldan dpal chen he ru ka dpal gyis/_/snang srid ma mo dam la btags pa'i tshe/_/so so'i gzugs bstan dam tshig khas blangs bzhin/_/mchod gtor 'di bzhes bcol ba'i phrin las mdzod/_/bskal pa bar ma rgya gar gnas chen du/_/grub pa'i rig 'dzin chen po brgyad rnams kyis/_/zhi khro rang rang dkyil 'khor zhal phye nas/_/bka' skyong pho rgyud mo rgyud dam btags tshe/_/so so'i gzugs bstan dam tshig khas blangs bzhin/_/mchod gtor 'di bzhes bcol ba'i phrin las mdzod/_/bskal pa tha ma chos 'khor bsam yas su/_/pad+ma 'byung gnas rje 'bangs grogs dgu yis/_/zhi dang khro bo'i dkyil 'khor zhal phye nas/_/snang srid dregs pa sde brgyad dam btags tshe/_/so so'i gzugs bstan dam tshig khas blangs bzhin/_/mchod gtor 'di bzhes bcol ba'i phrin las mdzod/_/lnga brgya tha ma zangs mdog dpal ri ru/_/tshe dbang rig 'dzin che mchog 'dus rtsal gyis/_/zhi khro spyi dang bye brag zhal phye nas/_/dam can rgya mtsho dam la btags pa'i tshe/_/so so'i gzugs bstan dam tshig khas blangs bzhin/_/mchod gtor 'di bzhes bcol ba'i phrin las mdzod/_/gsum pa brtan ma skyong ba ni/_gtor ma 'bru gsum gyis bdud rtsir brlab la/_hU~M/_brtan ma skyong mdzad ma dang sring*/_/dpal gnas ma dang yang dag shes/_/khyung btsun kong lha g.yu bun ma/_/me tog zla 'od byang rgyal ma/_/gser thang kun bzang shan+ting dpal/_/klu mo gzi 'bar la sogs pa'i/_/brtan ma bcu gnyis gtor ma longs/_/mi mthun gnod pa'i tshogs rnams zlog_/oM AHhU~M badz+ra a mr-i ta khA hi/_ma ma hrIM ma ma hrIM khA hi khA hi/_bzhi pa gtor bro ni/_mdun du e sgrom 'bar ba'i nang du dgra bgegs bkug pa'i steng nas gtor gzhong ri rab tu gyur pas mnan pa la khro bo rol pa'i bros gzir bar bsam la/_hU~M/_dpal chen 'khor bcas rol pa'i bro/_/dam sri'i snying la chems se chem/_/khro bo khro mo rol pa'i bro/_/dgra bgegs snying la chems se chem/_/khro bo rnams kyis bro brdungs pas/_/khro mo rnams kyis rgyas 'debs so/_/shar du zhi ba'i bro brdungs pas/_/nad gdon bar chad zhi bar shog_/lho ru rgyas pa'i bro brdungs pas/_/tshe dang bsod nams rgyas par shog_/nub tu dbang gi bro brdungs pas/_/lha 'dre mi gsum dbang sdud shog_/byang du drag po'i bro brdungs pas/_/dgra bgegs dam sri zhi bar shog_/drag sngags so lnga pa'i mjug tu/_shIn+taM/_puSh+TiM/_wA shaM/_mA ra ya phaT/_lnga pa gtang rag gi mchod bshags ni/_hU~M/_/bka' brgyad lha tshogs 'khor bcas la/_/phyi nang gsang ba'i mchod pa 'bul/_/nyams chag sdig sgrib ma lus bshags/_/sku gsung thugs kyi dngos grub stsol/_/yi ge brgya pa brjod/_rten bzhugs spyi ltar bya/_drug pa dkyil 'khor bsdu ldang ni/_snod bcud gzhal yas khang la thim/_/de yang 'khor dang 'khor rnams kyang*/_/gtso bor 'dus shing gtso bo nyid/_/stong par gyur las 'ja' ltar bkra/_bdun pa smon lam ni/_dge ba 'di yis 'gro ba kun/_/bskyed rdzogs rdzogs chen lam bzang la/_/brten nas tshe 'dir he ru ka'i/_/go 'phang mngon du 'gyur bar shog_/brgyad pa shis pa brjod pa ni/_rtsa gsum dkyil 'khor 'khor lo yi/_/ma smad thugs rje chen po'i mthus/_/mchog dang thun mong dngos grub kun/_/lhun gyis grub pa'i bkra shis shog_/gzhan yang shis pa brjod pa ji ltar rigs pas mtha' brgyan par bya'o/__/rgya can spyi yi sgrub thabs dbang rig gtad kyi lag len nor bu'i bang mdzod rtsa tho rags rim tsam las zhal gsal med pa dang*/_gzhan gsal byed kyi yig cha dkon pas bsnyen dmigs sogs rtsa thor mi gsal ba rnams bka' brgyad gsang rdzogs las kyang kha bskang ste bris pa rmongs blo'i nongs pa chos spyan mnga' ba dang lha dang DA ki bka' srung rnams la bzod par mdzad du gsol/_/skye 'chi bar do'i 'pho 'gyura~M lcags kyi khams/_/mtshungs meda~M thega~M mcho~Mg gser 'gyur rtsis thebs pas/_/mchog brnyes bstana~M pa'i~M gser gyi rgyala~M mtsha~Mn tog_/'jig rten gsum na lham mer mdzes par gyur/_bka' brgyad spyi dril du sgrub pa zhi khro rnam rol gyi las kyi byang bu'i le'u tshan no//__//

Footnotes

Other Information