JKW-KABUM-05-CA-004-004

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 4, sde tshan 4, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

1 Texts in this Section (sde tshan or chos tshan)

4 587-594	ཐེག་པ་ཆེ་ཆུང་གི་ལམ་རིམ་མདོར་བསྡུས། theg pa che chung gi lam rim mdor bsdus Stages of the Path - lam rim	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཐེག་པ་ཆེ་ཆུང་གི་ལམ་རིམ་མདོར་བསྡུས། ཐེག་པ་ཆེ་ཆུང་གི་ལམ་རིམ་མདོར་བསྡུས་བཞུགས་སོ། །ན་མོ་གུ་རུ་ཝེ། འཇམ་དབྱངས་ས་སྐྱ་པཎྜི་ཏས་ཐུབ་པ་དགོངས་གསལ་ལས། སྤྱོད་པ་བསྟན་པའི་གཞི་མ་འདུལ་བ་དང་། སྒོམ་པ་དང་བཤད་པ་བསྟན་པའི་སྙིང་པོ་མདོ་མངོན། གསང་སྔགས་བསྟན་པའི་ཉིང་ཁུ་རྒྱུད་སྡེ་དང་མཐུན་པ་གཅིག་དགོས་པར་གསུངས། དེ་ལས་ད་ལམ་སྐབས་སུ་བབས་པ་ཐེག་པ་ཆེ་ཆུང་གི་ལམ་སྤྱིའི་མངོན་རྟོགས་མདོ་ཙམ་འཆད་ན། བྱེ་སྨྲ་བ་དང་མདོ་སྡེ་པ་རྣམས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་བཤད་པ་ལྟར་འཇུག་ཅིང་། རང་སངས་རྒྱས་རྣམས་དེ་སྟེང་རྟེན་འབྲེལ་འབྱུང་ལྡོག་གཙོ་བོར་བྱེད། འོན་ཀྱང་བྱེ་སྨྲ་བས་སྙིང་རྗེ་ཆེན་པོ་གཙོ་བོར་མི་བྱེད་ལ། མདོ་སྡེ་པས་བྱེད་པ་དང་། རང་རྒྱལ་རྣམས་གཟུང་མེད་རྟོགས་པ་ལམ་བྱེད་ནི་ཁྱད་པར་རོ། །ཐེག་ཆེན་དབུ་མ་རང་རྒྱུད་པ་རྣམས། རྟོག་གེ་འབར་བ་ལས། བྱང་ཆུབ་སེམས་ནི་མི་གཏོང་དང་། །ཐུབ་པའི་བརྟུལ་ཞུགས་ཡང་དག་བསྟེན། །དེ་ཉིད་ཤེས་པས་ཚོལ་བ་ནི། །དོན་ཀུན་སྒྲུབ་བྱེད་སྤྱོད་པ་ཡིན། །ཅེས་སྤྱོད་པའི་རིམ་པ་གསུམ་དང་། ཐལ་འགྱུར་པ་རྣམས། ཟླ་བས་འཇུག་པ་ལས་བཤད་པ་ལྟར་ས་བཅུའི་ཉམས་ལེན་གྱིས་འཇུག་པར་བཤད་པ་དང་། གཞུང་ཕྱི་མའི་དབུ་མས་སློབ་དཔོན་ཀླུ་སྒྲུབ་ཀྱིས། སངས་རྒྱས་རྣམས་ཀྱིས་ཆོས་བསྟན་པ། །བདེན་པ་གཉིས་ལ་ཡང་དག་བརྟེན། །ཅེས་བདེན་གཉིས་སུ་བསྡུས་ནས། དེ་ཉམས་སུ་ལེན་པ་པོའི་གང་ཟག་ཀྱང་དབང་པོ་རྣོ་བརྟུལ་གྱི་རིམ་པ་ལྟར་ཉམས་སུ་ལེན་པར་བཞེད་དེ། དེ་ཉིད་ཚོལ་ལ་ཐོག་མར་ནི། །ཐམས་ཅད་ཡོད་ཅེས་བརྗོད་པར་བྱ། །དོན་རྣམས་རྟོགས་ཤིང་ཆགས་མེད་ལ། །ཕྱིས་ནས་རྣམ་པར་དབེན་པ་ཉིད། །ཅེས་གསུངས་པ་ལྟར་རོ། །སློབ་དཔོན་ཨཱཪྻ་དེ་བས། བསོད་ནམས་མ་ཡིན་དང་པོར་བཟློག །ཅེས་སོགས་རིམ་པ་གསུམ་དུ་བཞེད། སློབ་དཔོན་དཔའ་བོས། མན་ངག་པདྨ་སྤུངས་པར། རབ་ཀྱི། བདེ་འགྲོའི། ཞི་བའི། ངེས་འབྱུང་མཆོག་གི་སྤྱོད་པ་སྟེ་བཞིའི་རིམ་པས་འཇུག་པར་བཤད་དོ། །སེམས་ཙམ་པ་རྣམས་ནི། ཐེག་བསྡུས་ལས་བཤད་པ་ལྟར་བཅུའོ། །དེ་ལྟར་ཤིང་རྟ་ཆེན་པོ་རྣམས་ཀྱིས་བཀྲལ་བའི་ལམ་སྲོལ་ཆེན་པོ་ནི་དགུ་ཡིན་ལ། གཞན་ཀླུ་སྒྲུབ་ཀྱིས་རིན་ཆེན་ཕྲེང་བར། གང་ཞིག་བདག་དང་གཞན་རྣམས་ནི། །བླ་མེད་བྱང་ཆུབ་ཐོབ་འདོད་ན། །དེ་ཡི་རྩ་བར་བྱང་ཆུབ་སེམས། །རི་དབང་རྒྱལ་པོ་ལྟར་བརྟན་དང་། ཕྱོགས་མཐའ་གཏུགས་པའི་སྙིང་རྗེ་དང་། །གཉིས་ལ་མི་བརྟེན་ཡེ་ཤེས་ལགས། །ཞེས་ཆོས་གསུམ་གྱིས་བསྡུས་པ་དང་། མགོན་པོ་བྱམས་པས་ཤེར་ཕྱིན་གྱིས་དེའི་དོན་ཐམས་ཅད་མངོན་པར་རྟོགས་པ་བརྒྱད་དང་། ཟབ་མོའི་མདོའི་དོན་ཐམས་ཅད་རྡོ་རྗེའི་མན་ངག་བདུན་དུ་བསྡུས་པ་སོགས་མཐའ་ཀླས་ཤིང་། དེའི་ནང་ནས་རྗེ་བཙུན་ས་སྐྱ་པཎྜི་ཏས་སྤྱོད་པའི་ཆ་ཐམས་ཅད་ཤིན་ཏུ་རྒྱས་པའི་མདོ་དང་། ལྟ་བའི་ཆ་ཟབ་མོ། ཤེས་རབ་ཕ་རོལ་ཏུ་ཕྱིན་པའི་མདོའི་རྗེས་སུ་འབྲངས་ཏེ་མདོ་སྡེ་རྒྱན་གྱི་ལམ་རིམ་དང་མཐུན་པར་གཏན་ལ་ཕབ་པ་ནི་ཐུབ་པར་གོངས་གསལ་ལམ། རྒྱལ་སྲས་ལམ་བཟང་ངམ། ཚོགས་ཆོས་ཆེན་མོ་ཞེས། གྲགས་པ་དེ་ཉིད་ཡིན་ལ། གཞན་ཡང་། རྒྱ་གར་དུ་ཇོ་བོའི་ལམ་སྒྲོན། འཇིགས་མེད་འབྱུང་གནས་ཀྱི་ཐུབ་པ་དགོངས་རྒྱན་སོགས་མང་པོ་དང་། བོད་དུ་གྲོ་ལུང་པའི་བསྟན་རིམ། ཕྱྭ་བའི་རྒྱལ་སྲས་འཇུག་ངོགས། དྭགས་པོའི་ཐར་རྒྱན། ཕག་གྲུའི་ལམ་རིམ། ཙོང་ཁ་པའི་ལམ་རིམ་ཆེ་ཆུང་སོགས་ཤིན་ཏུ་མང་། དེའང་ཐོག་མར་སེམས་བསྐྱེད་ནས་བརྩམས་ཏེ་རིམ་ཅན་གྱིས་བསླབ་པ་སྤྱོད་འཇུག་ལྟ་བུ་དང་། ཐོག་མར་དེ་ཁོ་ན་ཉིད་ལ་བསླབ་སྟེ། གཟོད་སེམས་བསྐྱེད་སོགས་བརྩམས་པ་ཐེག་བསྡུས་ཏེ། འདིའི་སྔ་མ་ནི་དབང་པོ་རྟུལ་པོ་ལ་དགོངས་ཤིང་། ཕྱི་མ་ནི་དབང་པོ་རྣོན་པོ་དག་འོག་ནས་འབྱུང་བའི་ལམ་ཐམས་ཅད་ཐར་པ་ཆ་མཐུན་དུ་བསྒྱུར་བའི་སླད་དུ་གདམས་པ་སྟེ། དེས་ན་གང་ཟག་གི་ཁྱད་པར་དང་བསྟུན་པའོ། །གཞུང་འདིར། ཐོག་མ་ཁོ་ནར་སྐལ་བ་དང་ལྡན་པའི་རིགས་དང་། དེ་ནས་རྒྱུ་སྙིང་རྗེས་ཀུན་ནས་བསླབས་ཏེ་དཀོན་མཆོག་གསུམ་ལ་སྐྱབས་སུ་སོང་བས་ཆོས་ལ་མོས་པ་དང་། དེ་ནས་སྤྱོད་པ་ལ་འཇུག་པའི་གཞི་སེམས་བསྐྱེད། སྤྱོད་པའི་དངོས་གཞི་ཕར་ཕྱིན་དྲུག་སྟེ། དེ་དག་ནི་མོས་པས་སྤྱོད་པའི་ས་བཞིའོ། །དེ་ནས་བྱང་ཆུབ་སེམས་དཔའི་སྐྱོན་མེད་པར་འཇུག་པ་ཞེས་བྱ་སྟེ་ས་དང་པོ་ཐོབ་པ། དེ་ནས་སེམས་ཅན་ཡོངས་སུ་སྨིན་པ་ཞེས་ས་བདུན་པ་མན། དེ་ནས་ཞིང་སྦྱོང་བ་དང་། མི་གནས་པའི་མྱ་ངན་ལས་འདས་པ་ཞེས་ཕྱིར་མི་ལྡོག་པའི་ས་གསུམ་སྟེ། དེ་དག་ནི་ལམ་མོ། །དེ་ནས་བྱང་ཆུབ་སྟེ་མངོན་པར་བྱང་ཆུབ་པ་དང་། མི་གནས་པའི་མྱ་ངན་ལས་འདས་པ་ཆེན་པོར་སྟོན་པ་སྟེ་སེམས་ཅན་གྱི་དོན་སྟོན་པ་ནི་འབྲས་བུའོ། །དེའི་སྔ་མ་བརྒྱད་ནི་འདིས་འདོང་བས་ན་ཐེག་པ་དང་། ཕྱི་མ་གསུམ་ནི་འདིར་འདོང་བས་ན་ཐེག་པ་ཞེས་བྱ་སྟེ་དངོས་པོ་བཅུའོ། །བཅུ་པ་དེ་འདིར་བདུན་དུ་བསྡུས་ཏེ། དེ་ཡང་གཞི་རྟེན་གྱི་གང་ཟག་རིགས་དང་༡། ལམ་ཉམས་སུ་ལེན་པ་ལ་སྐྱབས་སེམས་དང་༢། བྱང་ཆུབ་སེམས་དཔའི་༣སྤྱོད་པ་རང་དང་གཞན་སྨིན་བྱེད་༤རྒྱས་པར་བཤད། ཆོས་སྤྱོད་ལ་བཞི། ས་ལ་གནས་པའི་ཆོས་ས་ལམ་གཉིས། འབྲས་བུའི་ཆོས་གཅིག་སྟེ་བདུན་ནོ། །ལམ་ཉམས་སུ་བླངས་པའི་དྲོད་རྟགས་ལ་གནས་སྐབས་ཀྱི་འབྲས་བུས་ལམ་༦གྱི་ཡོན་ཏན་དང་། མཐར་ཐུག་གི་འབྲས་༧བུ་སྐུ་གསུམ་ཕྲིན་ལས་དང་བཅས་པ་བསྟན་ནོ། །དེ་ཡང་སྐྱོན་མེད་པ་ལ་འཇུག་པ་དང་། ཞིང་ཡོངས་སུ་སྦྱོང་བ་གཉིས་སུ་མཛད། མི་གནས་མྱ་ངན་ལས་འདས་པ་དང་། བྱང་ཆུབ་མཆོག་ལམ་སྟོན་པ་གཉིས་གཅིག་ཏུ་མཛད་དེ། འོན་ཀྱང་སེམས་ཅན་སྨིན་པའང་སྐྱོན་མེད་དག་པ་དང་། ཞིང་ཡོངས་སུ་དག་པའི་ཁོངས་སུ་འདུས་མོད། འདིར་གཙོ་བོར་བྱས་པ་ནི་བསྡུ་བའི་དངོས་པོ་བཞི་ལ་གཙོ་བོར་སྦྱར་བ་ཡིན་ལ། མི་གནས་པའི་མྱང་འདས་མཐར་ཐུག་གི་འབྲས་བུར་བསྡུས་པ་ནི། དག་པ་གསུམ་གནས་སྐབས་ཀྱི་འབྲས་བུ་མཐར་ཐུག་ཡིན་པ་ལ་དགོངས་སོ། །དེའི་གཞུང་དོན་ཞིབ་ཏུ་དཔྱད་ན། ཀླད་དང་། གཞུང་དང་། མཇུག་གི་དོན་ཏོ། །དང་པོ་ལ། ཐ་སྙད་རྟོགས་པའི་ཕྱིར་མཚན་དོན་བཤད་པ། བར་ཆད་ཞི་བའི་ཕྱིར་མཆོད་པར་བརྗོད་པ། རྩོམ་པ་མཐར་ཕྱིན་པའི་ཕྱིར་དུ་བཤད་པར་དམ་བཅའ་བ་གསུམ་མོ། །གཉིས་པ་ལ། བསྡུས་དོན་ལུས་རྣམ་པར་བཞག་པ་དང་། ཚིག་དོན་ཡན་ལག་རྒྱས་པར་བཤད་པ་གཉིས། དང་པོ་ནི། བློ་དང་ལྡན་པས་སོགས་ཏེ། དེ་ལ་རྩ་ཚིག་གི་ཁུངས་དགོད་པ་དང་། མངོན་པར་རྟོགས་པའི་འབྲེལ་བསྒྲིགས་པའོ། །གཉིས་པ་ལ། ཐོག་མར་བསྐལ་བ་དང་། གཞི་ལམ་འབྲས་གསུམ། དེའི་གཉིས་པ་ལ་ལམ་གྱི་སྔོན་འགྲོ་དང་། དངོས་གཞི་གཉིས། དང་པོ་ལའང་། སྐྱབས་སུ་འགྲོ་བ་དང་། སྐྱབས། སེམས་གཉིས། གསུམ་པ། གཉིས་པ་ལ། རང་སྨིན་པར་བྱེད། པ་དང་། དང་པོ་ནི། བཞི་པ། གཞན་སྨིན་པར་དེ་ལྟར་བྱེད་པ་གཉིས། གསུམ་པ་འབྲས་བུ་ལ་གནས་དེ་དག་གིས། སྐབས་དང་མཐར་སྐྱོན་མེད་པ་ལ། ཐུག་གཉིས། མཇུག་གི་དོན་ལ། བསྟན་བཅོས་ཇི་ལྟར་བརྩམས་ཚུལ། དེ་ལ་ནན་ཏན་བྱ་བར་གདམས་པ། ཉེས་པ་བཟོད་པར་གསོལ་བ་བསྟན་པ། བརྩམས་བརྩམས་པའི་ཀུན་སློང་ལ་སྐྱོན་མེད་པར་བསྟན་པ། པའི་དགེ་བ་ཀུན་མཁྱེན་དུ་བསྔོ་བའོ། །བཞི་པ་ལའང་། བསྟན་པ་ལ་སྐྱོན་ཞུགས་ཚུལ། དེ་བཅོས་པར་དཀའ་བ། གཞན་ཕན་གྱི་བློས་ལེགས་པར་བཅོས་ཚུལ་ཏེ་གསུམ་མོ། །འདིའི་འཆད་ཐབས་རྒྱས་པར་བྱེད་ན། སྤྱིའི་དོན་གྱིས་ཁོག་ཕུབ་པ་དང་། གཞུང་དོན་གྱི་སྒོ་ནས་ཞིབ་ཏུ་བསྟན་པ་གཉིས། དང་པོ་ལའང་སྟོན་པ་སངས་རྒྱས་ཇི་ལྟར་བྱོན་ཚུལ། དེས་གསུངས་པའི་ཆོས་ཀྱི་རབ་དབྱེ། ཆོས་ཉམས་སུ་ལེན་པའི་ལམ་གྱི་རིམ་པ་ཇི་ལྟར་འཇུག་པའི་ཚུལ་དང་གསུམ་མོ། །ཕྱི་མ་ལ་སློབ་དཔོན་བསོད་ནམས་རྩེ་མོས་བརྒྱད་དུ་གསུངས་ཀྱང་། འདིར་བསྟན་པ་སྤྱིའི་དད་པ་སྔོན་དུ་འགྲོ་ཞེས་བྱ། དབང་དུ་བྱས་པའི་འཇུག་རིམ་དང་། བྱེ་བྲག་ཏུ་ཐེག་ཆེན་གྱི་ལམ་ལ་འཇུག་ཚུལ་གཉིས། ཕྱི་མ་ལ་སེམས་ཙམ་པ་དང་། དབུ་མ་པའི་བཞེད་པ་གཉིས་སོ། །ཕྱི་མ་ལའང་དབྱེ་བ་རྒྱས་པར་བརྗོད་པའི་མཐར། །ཚུལ་གནས་སོགས། འདིར་ས་སྐྱ་པ་རྣམས་ཀྱི་བཞེད་པ་སྤྱི་རྣམ་ལྟར་ཡོད། ༢༨ ཐེག་པ་ཆེན་པོའི་ལམ་གྱི་ངོ་བོ་ངོས་བཟུང་བ། དེ་ལ་མཐུན་མོང་བ་རྣམས་ལས་ཇི་ལྟར་འཕགས་ཚུལ། ཁྱད་པར་འཕགས་པ་དེའི་དབྱེ་བ། གཞུང་འདི་ཉིད་ཀྱི་དགོངས་དོན་བྱེ་བྲག་ཏུ་བཤད་པའོ། །ཕྱི་མ་ལ་གང་གཏན་ལ་དབབ་བྱའི་གཞི་བཅུ་ངོས་བཟུང་། དེ་ལ་སློབ་པའི་གོ་རིམ་མངོན་པར་རྟོགས་པ་ཇི་ལྟར་རྒྱུད་ལ་སྐྱེ་བའི་ཚུལ་བསྟན་པའོ། །སྤྱི་དོན་གཉིས་པ་ལ། བརྩམས་པ་ལ་འཇུག་པ་ཀླད། བརྩམ་པར་བྱ་བ་གཞུང་། བརྩམས་པ་མཐར་ཕྱིན་པ་འབྲས་བུའི་དོན་ཏེ་གསུམ་སྔར་བཞིན་ནོ། །དེས་མདོ་ལམ་གྱི་མངོན་རྟོགས་རྣམས་སོང་ནས། སྔགས་ཀྱི་མངོན་རྟོགས་ནི། བྱ་བའི་རྒྱུད་ལ་སྤྱོད་པ་གསུམ། སྤྱོད་པའི་རྒྱུད་ལ་རྒྱུ་ལམ་འབྲས་གསུམ། རྣལ་འབྱོར་གྱི་རྒྱུད་ལ་རྒྱུད་གསུམ། བླ་མེད་ཀྱི་རྒྱུད་ལ་སྤྱིར་གྲུབ་པའི་སློབ་དཔོན་ཆེན་པོས་བཀྲལ་བའི་ཚུལ་དང་། ཁྱད་པར་སློབ་དཔོན་རྣལ་འབྱོར་དབང་ཕྱུག་གིས་བཀྲལ་བའི་མངོན་པར་རྟོགས་པ་རིན་པོ་ཆེའི་ལྗོན་ཤིང་ལྟར་ཤེས་པར་བྱ་སྟེ། མདོར་ན་ཐུབ་པ་དགོངས་གསལ་དང་། མངོན་རྟོགས་རིན་པོ་ཆེའི་ལྗོན་ཤིང་འདི་གཉིས་མཐའ་ཆོད་པ་ཞིག་བྱང་ན་མདོ་སྔགས་ཀྱི་ལམ་ལུས་ཡོངས་སུ་རྫོགས་པ་ཡིན་པས་ཅི་ནས་ཀྱང་ནན་ཏན་དུ་གྱིས་ཤིག །ཅེས་པའང་བརྗེད་བྱང་མདོ་ཙམ་མོ། ། ༈ ལྗོན་ཤིང་དུ་བྱེ་སྨྲ་རང་ལུགས་པའི་བཟོད་ཤེས་སྦྱོར་ཚུལ་གཅིག་དགོས་རྒྱུ་ལ། མངོན་པ་གོང་མའི་འགྲེས་ཤོར་བ་གཅིག་བྱུང་། དེ་ཡི་གེ་ཆད་པ་ཕྱིས་འཛུད་མ་ཤེས་པ་ཡིན་ཅེས་གསུངས། ཆོས་རྗེ་སྒོ་རུང་པའི་ཕྱག་དཔེའི་ཁྲོད་ནས་ས་པཎ་གྱི་ཕྱག་བྲིས་ངོ་མ་འདིའི་ཐད་ནས་འཛུད་རྒྱུ་གློ་བོ་མཁན་ཆེན་པས་རྙེད་ནས་ས་སྐྱ་ལོ་ཙཱ་བར་འབུལ་ཚུལ་ཡོད། ། ༈ དཔེའི་ཡེ་ཤེས་སྐྱེས་པས་ངན་སོང་དུ་མི་འགྲོ་བས་ཁྱབ་རྒྱལ་ཚབ་པས། སྟེ། སྐུ་གསུམ་གྱི་ལྷན་སྐྱེས་ཡེ་ཤེས་ཀྱི་ཕན་ཡོན་སྟོན་པའི་སྐབས་སུ་གསལ། ས་པཎ་གྱིས་དེ་ཕར་ཕྱིན་ཐེག་པའི་སྦྱོར་ལམ་དུ་བཤད་པས་ཀྱང་གྲུབ་སྟེ། དེ་གྲུབ་ནས་ངན་སོང་དུ་ཇི་ལྟར་སྐྱེ་ཡང་དེ་ཁོ་ན་ཉིད་ཀྱི་དོན་གཟུགས་བརྙན་ཤར་བའི་ཚུལ་གྱིས་མཚོན་དུ་ཡོད་པའི་ཕྱིར་རོ། །གཞན་ཡང་། བཟོད་ཐོབ་ངན་སོང་ཡང་མི་འགྱུར། །ཞེས་པས་ཀྱང་གྲུབ་བོ།། །། ༈

[edit]

theg pa che chung gi lam rim mdor bsdus/ theg pa che chung gi lam rim mdor bsdus bzhugs so/__/na mo gu ru we/__'jam dbyangs sa skya paN+Di tas thub pa dgongs gsal las/__spyod pa bstan pa'i gzhi ma 'dul ba dang /__sgom pa dang bshad pa bstan pa'i snying po mdo mngon/__gsang sngags bstan pa'i nying khu rgyud sde dang mthun pa gcig dgos par gsungs/__de las da lam skabs su babs pa theg pa che chung gi lam spyi'i mngon rtogs mdo tsam 'chad na/__bye smra ba dang mdo sde pa rnams/__tshul gnas thos dang bsam ldan pas/__/sgom pa la ni rab tu sbyor/__/zhes bshad pa ltar 'jug cing /__rang sangs rgyas rnams de steng rten 'brel 'byung ldog gtso bor byed/__'on kyang bye smra bas snying rje chen po gtso bor mi byed la/__mdo sde pas byed pa dang /__rang rgyal rnams gzung med rtogs pa lam byed ni khyad par ro/__/theg chen dbu ma rang rgyud pa rnams/__rtog ge 'bar ba las/__byang chub sems ni mi gtong dang /__/thub pa'i brtul zhugs yang dag bsten/__/de nyid shes pas tshol ba ni/__/don kun sgrub byed spyod pa yin/__/ces spyod pa'i rim pa gsum dang /__thal 'gyur pa rnams/__zla bas 'jug pa las bshad pa ltar sa bcu'i nyams len gyis 'jug par bshad pa dang /__gzhung phyi ma'i dbu mas slob dpon klu sgrub kyis/__sangs rgyas rnams kyis chos bstan pa/__/bden pa gnyis la yang dag brten/__/ces bden gnyis su bsdus nas/__de nyams su len pa po'i gang zag kyang dbang po rno brtul gyi rim pa ltar nyams su len par bzhed de/__de nyid tshol la thog mar ni/__/thams cad yod ces brjod par bya/__/don rnams rtogs shing chags med la/__/phyis nas rnam par dben pa nyid/__/ces gsungs pa ltar ro/__/slob dpon AR+Ya de bas/__bsod nams ma yin dang por bzlog__/ces sogs rim pa gsum du bzhed/__slob dpon dpa' bos/__man ngag pad+ma spungs par/__rab kyi/__bde 'gro'i/__zhi ba'i/__nges 'byung mchog gi spyod pa ste bzhi'i rim pas 'jug par bshad do/__/sems tsam pa rnams ni/__theg bsdus las bshad pa ltar bcu'o/__/de ltar shing rta chen po rnams kyis bkral ba'i lam srol chen po ni dgu yin la/__gzhan klu sgrub kyis rin chen phreng bar/__gang zhig bdag dang gzhan rnams ni/__/bla med byang chub thob 'dod na/__/de yi rtsa bar byang chub sems/__/ri dbang rgyal po ltar brtan dang /__phyogs mtha' gtugs pa'i snying rje dang /__/gnyis la mi brten ye shes lags/__/zhes chos gsum gyis bsdus pa dang /__mgon po byams pas sher phyin gyis de'i don thams cad mngon par rtogs pa brgyad dang /__zab mo'i mdo'i don thams cad rdo rje'i man ngag bdun du bsdus pa sogs mtha' klas shing /__de'i nang nas rje btsun sa skya paN+Di tas spyod pa'i cha thams cad shin tu rgyas pa'i mdo dang /__lta ba'i cha zab mo/__shes rab pha rol tu phyin pa'i mdo'i rjes su 'brangs te mdo sde rgyan gyi lam rim dang mthun par gtan la phab pa ni thub par gongs gsal lam/__rgyal sras lam bzang ngam/__tshogs chos chen mo zhes/__grags pa de nyid yin la/__gzhan yang /__rgya gar du jo bo'i lam sgron/__'jigs med 'byung gnas kyi thub pa dgongs rgyan sogs mang po dang /__bod du gro lung pa'i bstan rim/__phywa ba'i rgyal sras 'jug ngogs/__dwags po'i thar rgyan/__phag gru'i lam rim/__tsong kha pa'i lam rim che chung sogs shin tu mang /__de'ang thog mar sems bskyed nas brtsams te rim can gyis bslab pa spyod 'jug lta bu dang /__thog mar de kho na nyid la bslab ste/__gzod sems bskyed sogs brtsams pa theg bsdus te/__'di'i snga ma ni dbang po rtul po la dgongs shing /__phyi ma ni dbang po rnon po dag 'og nas 'byung ba'i lam thams cad thar pa cha mthun du bsgyur ba'i slad du gdams pa ste/__des na gang zag gi khyad par dang bstun pa'o/__/gzhung 'dir/__thog ma kho nar skal ba dang ldan pa'i rigs dang /__de nas rgyu snying rjes kun nas bslabs te dkon mchog gsum la skyabs su song bas chos la mos pa dang /__de nas spyod pa la 'jug pa'i gzhi sems bskyed/__spyod pa'i dngos gzhi phar phyin drug ste/__de dag ni mos pas spyod pa'i sa bzhi'o/__/de nas byang chub sems dpa'i skyon med par 'jug pa zhes bya ste sa dang po thob pa/__de nas sems can yongs su smin pa zhes sa bdun pa man/__de nas zhing sbyong ba dang /__mi gnas pa'i mya ngan las 'das pa zhes phyir mi ldog pa'i sa gsum ste/__de dag ni lam mo/__/de nas byang chub ste mngon par byang chub pa dang /__mi gnas pa'i mya ngan las 'das pa chen por ston pa ste sems can gyi don ston pa ni 'bras bu'o/__/de'i snga ma brgyad ni 'dis 'dong bas na theg pa dang /__phyi ma gsum ni 'dir 'dong bas na theg pa zhes bya ste dngos po bcu'o/_/bcu pa de 'dir bdun du bsdus te/__de yang gzhi rten gyi gang zag rigs dang 1/__lam nyams su len pa la skyabs sems dang 2/__byang chub sems dpa'i 3spyod pa rang dang gzhan smin byed 4rgyas par bshad/__chos spyod la bzhi/__sa la gnas pa'i chos sa lam gnyis/__'bras bu'i chos gcig ste bdun no/__/lam nyams su blangs pa'i drod rtags la gnas skabs kyi 'bras bus lam 6gyi yon tan dang /__mthar thug gi 'bras 7bu sku gsum phrin las dang bcas pa bstan no/__/de yang skyon med pa la 'jug pa dang /__zhing yongs su sbyong ba gnyis su mdzad/__mi gnas mya ngan las 'das pa dang /__byang chub mchog lam ston pa gnyis gcig tu mdzad de/__'on kyang sems can smin pa'ang skyon med dag pa dang /__zhing yongs su dag pa'i khongs su 'dus mod/__'dir gtso bor byas pa ni bsdu ba'i dngos po bzhi la gtso bor sbyar ba yin la/__mi gnas pa'i myang 'das mthar thug gi 'bras bur bsdus pa ni/__dag pa gsum gnas skabs kyi 'bras bu mthar thug yin pa la dgongs so/__/de'i gzhung don zhib tu dpyad na/__klad dang /__gzhung dang /__mjug gi don to/__/dang po la/__tha snyad rtogs pa'i phyir mtshan don bshad pa/__bar chad zhi ba'i phyir mchod par brjod pa/__rtsom pa mthar phyin pa'i phyir du bshad par dam bca' ba gsum mo/__/gnyis pa la/__bsdus don lus rnam par bzhag pa dang /__tshig don yan lag rgyas par bshad pa gnyis/__dang po ni/__blo dang ldan pas sogs te/__de la rtsa tshig gi khungs dgod pa dang /__mngon par rtogs pa'i 'brel bsgrigs pa'o/__/gnyis pa la/__thog mar bskal ba dang /__gzhi lam 'bras gsum/__de'i gnyis pa la lam gyi sngon 'gro dang /__dngos gzhi gnyis/__dang po la'ang /__skyabs su 'gro ba dang /__skyabs/__sems gnyis/__gsum pa/__gnyis pa la/__rang smin par byed/__pa dang /__dang po ni/__bzhi pa/__gzhan smin par de ltar byed pa gnyis/__gsum pa 'bras bu la gnas de dag gis/__skabs dang mthar skyon med pa la/__thug gnyis/__mjug gi don la/__bstan bcos ji ltar brtsams tshul/__de la nan tan bya bar gdams pa/__nyes pa bzod par gsol ba bstan pa/__brtsams brtsams pa'i kun slong la skyon med par bstan pa/__pa'i dge ba kun mkhyen du bsngo ba'o/__/bzhi pa la'ang /__bstan pa la skyon zhugs tshul/__de bcos par dka' ba/__gzhan phan gyi blos legs par bcos tshul te gsum mo/__/'di'i 'chad thabs rgyas par byed na/__spyi'i don gyis khog phub pa dang /__gzhung don gyi sgo nas zhib tu bstan pa gnyis/__dang po la'ang ston pa sangs rgyas ji ltar byon tshul/__des gsungs pa'i chos kyi rab dbye/__chos nyams su len pa'i lam gyi rim pa ji ltar 'jug pa'i tshul dang gsum mo/__/phyi ma la slob dpon bsod nams rtse mos brgyad du gsungs kyang /__'dir bstan pa spyi'i dad pa sngon du 'gro zhes bya/__dbang du byas pa'i 'jug rim dang /__bye brag tu theg chen gyi lam la 'jug tshul gnyis/__phyi ma la sems tsam pa dang /__dbu ma pa'i bzhed pa gnyis so/__/phyi ma la'ang dbye ba rgyas par brjod pa'i mthar/__/tshul gnas sogs/__'dir sa skya pa rnams kyi bzhed pa spyi rnam ltar yod/_28_theg pa chen po'i lam gyi ngo bo ngos bzung ba/__de la mthun mong ba rnams las ji ltar 'phags tshul/__khyad par 'phags pa de'i dbye ba/__gzhung 'di nyid kyi dgongs don bye brag tu bshad pa'o/__/phyi ma la gang gtan la dbab bya'i gzhi bcu ngos bzung /__de la slob pa'i go rim mngon par rtogs pa ji ltar rgyud la skye ba'i tshul bstan pa'o/__/spyi don gnyis pa la/__brtsams pa la 'jug pa klad/__brtsam par bya ba gzhung /__brtsams pa mthar phyin pa 'bras bu'i don te gsum sngar bzhin no/__/des mdo lam gyi mngon rtogs rnams song nas/__sngags kyi mngon rtogs ni/__bya ba'i rgyud la spyod pa gsum/__spyod pa'i rgyud la rgyu lam 'bras gsum/__rnal 'byor gyi rgyud la rgyud gsum/__bla med kyi rgyud la spyir grub pa'i slob dpon chen pos bkral ba'i tshul dang /__khyad par slob dpon rnal 'byor dbang phyug gis bkral ba'i mngon par rtogs pa rin po che'i ljon shing ltar shes par bya ste/__mdor na thub pa dgongs gsal dang /__mngon rtogs rin po che'i ljon shing 'di gnyis mtha' chod pa zhig byang na mdo sngags kyi lam lus yongs su rdzogs pa yin pas ci nas kyang nan tan du gyis shig__/ces pa'ang brjed byang mdo tsam mo/____/_!_ljon shing du bye smra rang lugs pa'i bzod shes sbyor tshul gcig dgos rgyu la/__mngon pa gong ma'i 'gres shor ba gcig byung /__de yi ge chad pa phyis 'dzud ma shes pa yin ces gsungs/__chos rje sgo rung pa'i phyag dpe'i khrod nas sa paN gyi phyag bris ngo ma 'di'i thad nas 'dzud rgyu glo bo mkhan chen pas rnyed nas sa skya lo tsA bar 'bul tshul yod/____/_!_dpe'i ye shes skyes pas ngan song du mi 'gro bas khyab rgyal tshab pas/__ste/__sku gsum gyi lhan skyes ye shes kyi phan yon ston pa'i skabs su gsal/__sa paN gyis de phar phyin theg pa'i sbyor lam du bshad pas kyang grub ste/__de grub nas ngan song du ji ltar skye yang de kho na nyid kyi don gzugs brnyan shar ba'i tshul gyis mtshon du yod pa'i phyir ro/__/gzhan yang /__bzod thob ngan song yang mi 'gyur/__/zhes pas kyang grub bo//___//__!_