JKW-KABUM-02-KHA-002-021

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 19, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

སྙིང་དབུས་མི་ཤིགས། ཨེ་མ་ཧོ། སྙིང་དབུས་མི་ཤིགས་གཞོན་ནུ་བུམ་སྐུའི་དབྱིངས། །ཡེ་ཤེས་རང་གདངས་འཇའ་ཟེར་ཐིག་ལེའི་ཀློང་། །པདྨ་འོད་གསལ་མདོ་སྔགས་གླིང་པའི་སྡེ། །གུ་རུ་བདེ་བ་ཆེན་པོའི་རྣམ་པར་བཞུགས། །རྩ་གསུམ་རྒྱ་མཚོའི་ཁྱབ་བདག་ཆེན་པོ་ལ། །མི་ཕྱེད་གུས་པས་སྙིང་ནས་གསོལ་བ་འདེབས། །བར་ཆད་ཀུན་ཞི་བསམ་དོན་ལྷུན་གྱིས་གྲུབ། །སྐུ་བཞིའི་གོ་འཕང་ཐོབ་པར་བྱིན་གྱིས་རློབས། །ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་ཀཱ་ཡ་སརྦ་སིདྡྷི་ཧཱུྃ། ཞེས་པའང་དགེ་སློང་སྡེ་སྣོད་འཛིན་པའི་སྤོང་བ་པ་པདྨ་འཇིགས་མེད་ཀྱི་ངོར་མཁྱེན་བརྩེའི་དབང་པོས་བྲིས་པ་དགེ། །། ༈

[edit]

snying dbus mi shigs/__ e ma ho/_snying dbus mi shigs gzhon nu bum sku'i dbyings/_/ye shes rang gdangs 'ja' zer thig le'i klong /_/pad+ma 'od gsal mdo sngags gling pa'i sde/_/gu ru bde ba chen po'i rnam par bzhugs/_/rtsa gsum rgya mtsho'i khyab bdag chen po la/_/mi phyed gus pas snying nas gsol ba 'debs/_/bar chad kun zhi bsam don lhun gyis grub/_/sku bzhi'i go 'phang thob par byin gyis rlobs/_/oM AHhU~M badz+ra ma hA gu ru dz+nyA na kA ya sarba sid+d+hi hU~M/_zhes pa'ang dge slong sde snod 'dzin pa'i spong ba pa pad+ma 'jigs med kyi ngor mkhyen brtse'i dbang pos bris pa dge/__//__!