JKW-KABUM-22-ZA-012-033

🚧 This website is under continued development. We appreciate your patience!

Previous Text Back to Volume PageNext Text

པདྨ་གསུང་གི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་སོ་སོར་རྟོག་པའི་ཞལ་ལུང་།

Wylie title	pad+ma gsung gi dkyil 'khor du rtogs pa brjod pa'i rdo rje'i thol glu so sor rtog pa'i zhal lung
Location	mkhyen brtse'i bka' 'bum Volume 22, sde tshan 12, Text 33, Pages 449-452 (Folios 53a5 to 54b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. pad+ma gsung gi dkyil 'khor du rtogs pa brjod pa'i rdo rje'i thol glu so sor rtog pa'i zhal lung. In 'jam dbyangs mkhyen brtse'i dbang po'i bka' 'bum, Vol. 22: 449-452. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Vajra Songs - rdo rje'i glu
Colophon	།ཅེས་པའང་གསུང་གི་དབེན་གནས་བསམ་ཡས་མཆིམས་ཕུར་གྲོ་བཞིན་ཟླ་བའི་དཀར་ཕྱོགས་ཀྱི་ཚེས་བཅུར་དབང་ཆེན་རྟ་མཆོག་རོལ་པའི་དཀྱིལ་འཁོར་དུ་ཚོགས་ཀྱི་འདུ་བ་བགྱིས་པའི་ཚེ་གང་ཤར་གླུར་བླངས་པའི་རྟོགས་པའོ།།
	ces pa'ang gsung gi dben gnas bsam yas mchims phur gro bzhin zla ba'i dkar phyogs kyi tshes bcur dbang chen rta mchog rol pa'i dkyil 'khor du tshogs kyi 'du ba bgyis pa'i tshe gang shar glur blangs pa'i rtogs pa'o

1 Texts in this Section (sde tshan or chos tshan)

33 449-452	པདྨ་གསུང་གི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་སོ་སོར་རྟོག་པའི་ཞལ་ལུང་། pad+ma gsung gi dkyil 'khor du rtogs pa brjod pa'i rdo rje'i thol glu so sor rtog pa'i zhal lung Autobiographies - Expressions of Realization - rtogs brjod   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

པདྨ་གསུང་གི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་སོ་སོར་རྟོག་པའི་ཞལ་ལུང་ཅེས་བྱ་བ། ཨ་ཧོ། ཆགས་བྲལ་སོ་སོར་རྟོག་པའི་ཡེ་ཤེས་ཀྱི་སྒྱུ་འཕྲུལ། །འགགས་མེད་པདྨ་ཁྲོས་པའི་ལང་ཚོ་རུ་ཤར་བས། །ཉོན་མོངས་བདུད་དགྲའི་སྒྱུ་ཐབས་ཆོས་དབྱིངས་སུ་བཅོམ་པའི། །དབང་ཆེན་རྟ་མཆོག་རོལ་པའི་དཀྱིལ་འཁོར་ལ་བཏུད་ནས། །རང་མཚན་ཟབ་པའི་ལམ་གྱི་ཐོལ་གླུ་ཞིག་ལེན་ནོ། །སྒྲིབ་གཉིས་རྒྱུ་དང་འབྲས་བུའི་གནས་སྐབས་ཀྱི་དྲི་མ། །ཟབ་ལམ་སྣོད་དུ་རུང་རྟ་མཆོག་རོལ་པའི་རྒྱུད་ལས། རིགས་ཀྱི་བུ་མ་འོངས་པའི་འགྲོ་བ་གསང་སྔགས་ཀྱི་ལམ་དུ་འཇུག་པར་འདོད་པ་དག་ནི། །རྡོ་རྗེ་སློབ་དཔོན་ལ་བརྟེན་ནས་གཟུགས་བརྙན་གྱི་དཀྱིལ་འཁོར་དུ་གཞུག་པར་བྱའོ། །ཞེས་སོ། །བའི་དབང་བསྐུར་གྱིས་སྦྱངས་ནས། །རྨད་བྱུང་རྡོ་རྗེ་སྙིང་པོའི་འདུལ་བ་ལ་བསླབས་པས། །རྣམ་བཞིའི་རྒྱུད་ལས། མཆོག་ཏུ་གསང་བའི་གྲོང་ཁྱེར་འདིར། །གང་གིས་འདོད་དོན་གང་སྟེར་བ། །དེས་ནི་སྒྲིབ་སོགས་ཀུན་སྤངས་ཤིང་། །མི་གནས་ཡེ་ཤེས་གསལ་བར་སྦྱོར། །ཞེས་སོ། །ཡེ་ཤེས་མཐོང་བའི་ཐབས་མཁས་འདི་ཨ་ཧོ། །གཟུང་འཛིན་འཁྲུལ་པ་ལས་འདས་ཆོས་ཉིད་ཀྱི་གཤིས་ལུགས། །བདེན་གཉིས་རྣམ་དབྱེར་མེད་རྒྱུད་སྔ་མ་ལས། ཐམས་ཅད་སྒྱུ་མ་ལྟ་བུའི་ཚུལ། །ཐམས་ཅད་རང་བཞིན་སྟོང་པ་ཉིད། །ཟུང་དུ་འཇུག་པའི་ཡེ་ཤེས་ནི། །དེ་ནི་བླ་མེད་མཆོག་དམ་པ། །ཞེས་སོ། །པའི་རང་བཞིན་དུ་རྟོགས་པས། །དོན་དམ་འགོགས་བདེན་དབང་ཆེན་སྙིང་དབུས་སུ་སད་པའི། རྟ་མགྲིན་དགོངས་པ་ལུང་སྟོན་པའི་རྒྱུད་ལས། །ཡུལ་སེམས་རབ་ཏུ་རྟོགས་གྱུར་ན། །གང་བལྟས་པདྨ་དབང་གི་ལྷ། །ཇི་ལྟར་བྱས་ཀྱང་སྐྱོན་མེད་པ། །དབང་ཆེན་ཞེས་ནི་དེ་ལ་སྦྱར། སོགས་དང་འབྲེལ་ལོ། །གཞི་འབྲས་དབྱེར་མི་ཕྱེད་པའི་ཉམས་ལེན་འདི་ཨ་ཧོ། །ཕུང་པོ་ཁམས་དང་སྐྱེ་མཆེད་ཐ་མལ་གྱི་སྣང་ཞེན། །གདན་གསུམ་ཡོངས་སུ་གྲུབ་པའི་ལྷ་སྐུ་རུ་ཤར་བས། རྒྱུད་ལས། ཕུང་པོ་ཆོས་རྣམས་སངས་རྒྱས་ཏེ། །འབྱུང་ལྔ་དབྱིངས་ཕྱུག་ཡུམ་གྱི་མཁའ། །ཁམས་དང་སྐྱེ་མཆེད་སེམས་དཔའ་དང་། སེམས་མའི་ཚོགས་དང་ཁྲོ་མོའི་སྐུ། །ཕྱི་ནང་གསང་གསུམ་དངོས་སྣང་བའི། །དཀྱིལ་འཁོར་རིགས་ཀྱི་བདག་ཉིད་ཆེ། །ཞེས་སོགས་རྒྱས་པར་བཀའ་སྩལ་ཏོ། །སྣོད་བཅུད་དག་པ་རབ་འབྱམས་བརྟན་གཡོ་དངོས་པོ་ཐམས་ཅད་ཀུན། །བདེ་ཆེན་སྐུ་ལས་གཞན་མེད་དོ། །སོགས་ཀྱི་དོན། གྲོང་ཁྱེར་དུ་མཐོང་བའི། །སྣང་སྲིད་གཞིར་བཞེངས་ཆེན་པོའི་བསྐྱེད་རིམ་འདི་ཨ་ཧོ། །ཁམས་གསུམ་ཀུན་ཏུ་འཕོ་བའི་བག་ཆགས་ཀྱི་རྒྱུ་བ། །བདེ་ཆེན་ཐིག་ལེ་ཕྲ་མོའི་རྣལ་འབྱོར་གྱིས་བཅོམ་པས། རྒྱུད་ལས། པདྨ་རང་གི་གནས་སུ་བསྒོམ། །འདོད་ཆགས་ཆོས་ཀུན་སྤྱོད་པ་ཡི། །མགོན་པོ་རང་རང་གནས་ན་གསལ། །དྲི་མེད་དག་པའི་ཐིག་ལེ་ལས། །འོད་ཟེར་ལྔ་ཡི་སྣང་བར་བཅས། །རང་གི་གནས་ནས་འཕྲོ་མཛད་ཅིང་། །སོགས་ཀྱི་སྦས་དོན། རྒྱུད་ལས། ཡེ་ཤེས་འདི་ནི་ཤིན་ཏུ་ཕྲ། །རྡོ་རྗེ་སྙིང་པོ་མཁའ་འདྲ་ཞིང་། །རྡུལ་བྲལ་ཐར་པ་ཞི་བའི་ཆོས། །དྭང་བའི་རང་བཞིན་དེ་ཡིན་ནོ། །ཞེས་སོ། །ཡེ་ཤེས་ནམ་མཁའི་གཟུགས་ཅན་མངོན་སུམ་དུ་མཐོང་བའི། །མ་བཅོས་གཉུག་མར་བཞག་པའི་ཉམས་ལེན་འདི་ཨ་ཧོ། །གནས་སྐབས་རྡོ་རྗེ་གསུམ་གསལ་སྣང་བ་ལ་གོམས་པས། །རྣམ་བཞིའི་ཕྲིན་རྒྱུད་ལས། རྒྱལ་བ་ཀུན་གྱི་བདག་ཉིད་དེ། །རྣམ་གསུམ་ཕྱག་རྒྱ་ལ་སྦྱར་ནས། ལས་ཀྱི་དངོས་གྲུབ་སྒྲུབ་པ་ནི། །གནས་བཟང་དག་ཏུ་བརྩམ་པར་བྱ། །ཞེས་སོགས་ཀྱིས་བསྟན། ལས་གྲུབ་པའི་བརྟུལ་ཞུགས་དང་སྦྲགས་ནས། །མཐར་ཐུག་སློབ་པའི་རྣལ་འབྱོར་རིམ་གཉིས་ཀྱི་སྦྱོར་བས། རྒྱུད་ལས། སློབ་པའི་རྣལ་འབྱོར་གཉིས་བརྟེན་ནས། །ལྷུན་གྱིས་གྲུབ་པ་ལ་གོམས་ཏེ། །མི་འགྱུར་བདེན་པ་གཉིས་ལ་གནས། ཞེས་སོ། །ལྷུན་གྲུབ་གདོད་མའི་ཕ་མཐར་སོན་པ་འདི་ཨ་ཧོ། །དེ་སྐད་དྷཱུ་ཏཱིར་སྦས་པའི་འོད་གསལ་གྱི་ཐིག་ལེ། །བདེ་སྟོང་སོ་སོར་རྟོག་པའི་ཡེ་ཤེས་ཀྱི་ཞལ་ལུང་། །གྲགས་སྟོང་རྡོ་རྗེའི་གླུ་ཡི་རོལ་མོ་རུ་ཤར་བས། །ལྷན་སྐྱེས་སྐུ་བཞི་འགྲུབ་པར་བྱིན་གྱིས་རང་རློབས་ཤིག །ཅེས་པའང་གསུང་གི་དབེན་གནས་བསམ་ཡས་མཆིམས་ཕུར་གྲོ་བཞིན་ཟླ་བའི་དཀར་ཕྱོགས་ཀྱི་ཚེས་བཅུར་དབང་ཆེན་རྟ་མཆོག་རོལ་པའི་དཀྱིལ་འཁོར་དུ་ཚོགས་ཀྱི་འདུ་བ་བགྱིས་པའི་ཚེ་གང་ཤར་གླུར་བླངས་པའི་རྟོགས་པའོ།། །། ༈

[edit]

pad+ma gsung gi dkyil 'khor du rtogs pa brjod pa'i rdo rje'i thol glu so sor rtog pa'i zhal lung /__ pad+ma gsung gi dkyil 'khor du rtogs pa brjod pa'i rdo rje'i thol glu so sor rtog pa'i zhal lung ces bya ba/__a ho/__chags bral so sor rtog pa'i ye shes kyi sgyu 'phrul/__/'gags med pad+ma khros pa'i lang tsho ru shar bas/__/nyon mongs bdud dgra'i sgyu thabs chos dbyings su bcom pa'i/__/dbang chen rta mchog rol pa'i dkyil 'khor la btud nas/__/rang mtshan zab pa'i lam gyi thol glu zhig len no/__/sgrib gnyis rgyu dang 'bras bu'i gnas skabs kyi dri ma/__/zab lam snod du rung rta mchog rol pa'i rgyud las/__rigs kyi bu ma 'ongs pa'i 'gro ba gsang sngags kyi lam du 'jug par 'dod pa dag ni/__/rdo rje slob dpon la brten nas gzugs brnyan gyi dkyil 'khor du gzhug par bya'o/__/zhes so/__/ba'i dbang bskur gyis sbyangs nas/__/rmad byung rdo rje snying po'i 'dul ba la bslabs pas/__/rnam bzhi'i rgyud las/__mchog tu gsang ba'i grong khyer 'dir/__/gang gis 'dod don gang ster ba/__/des ni sgrib sogs kun spangs shing /__/mi gnas ye shes gsal bar sbyor/__/zhes so/__/ye shes mthong ba'i thabs mkhas 'di a ho/__/gzung 'dzin 'khrul pa las 'das chos nyid kyi gshis lugs/__/bden gnyis rnam dbyer med rgyud snga ma las/__thams cad sgyu ma lta bu'i tshul/__/thams cad rang bzhin stong pa nyid/__/zung du 'jug pa'i ye shes ni/__/de ni bla med mchog dam pa/__/zhes so/__/pa'i rang bzhin du rtogs pas/__/don dam 'gogs bden dbang chen snying dbus su sad pa'i/__rta mgrin dgongs pa lung ston pa'i rgyud las/__/yul sems rab tu rtogs gyur na/__/gang bltas pad+ma dbang gi lha/__/ji ltar byas kyang skyon med pa/__/dbang chen zhes ni de la sbyar/__sogs dang 'brel lo/__/gzhi 'bras dbyer mi phyed pa'i nyams len 'di a ho/__/phung po khams dang skye mched tha mal gyi snang zhen/__/gdan gsum yongs su grub pa'i lha sku ru shar bas/__rgyud las/__phung po chos rnams sangs rgyas te/__/'byung lnga dbyings phyug yum gyi mkha'/__/khams dang skye mched sems dpa' dang /__sems ma'i tshogs dang khro mo'i sku/__/phyi nang gsang gsum dngos snang ba'i/__/dkyil 'khor rigs kyi bdag nyid che/__/zhes sogs rgyas par bka' stsal to/__/snod bcud dag pa rab 'byams brtan g.yo dngos po thams cad kun/__/bde chen sku las gzhan med do/__/sogs kyi don/__grong khyer du mthong ba'i/__/snang srid gzhir bzhengs chen po'i bskyed rim 'di a ho/__/khams gsum kun tu 'pho ba'i bag chags kyi rgyu ba/__/bde chen thig le phra mo'i rnal 'byor gyis bcom pas/__rgyud las/__pad+ma rang gi gnas su bsgom/__/'dod chags chos kun spyod pa yi/__/mgon po rang rang gnas na gsal/__/dri med dag pa'i thig le las/__/'od zer lnga yi snang bar bcas/__/rang gi gnas nas 'phro mdzad cing /__/sogs kyi sbas don/__rgyud las/__ye shes 'di ni shin tu phra/__/rdo rje snying po mkha' 'dra zhing /_/rdul bral thar pa zhi ba'i chos/__/dwang ba'i rang bzhin de yin no/__/zhes so/__/ye shes nam mkha'i gzugs can mngon sum du mthong ba'i/__/ma bcos gnyug mar bzhag pa'i nyams len 'di a ho/__/gnas skabs rdo rje gsum gsal snang ba la goms pas/__/rnam bzhi'i phrin rgyud las/__rgyal ba kun gyi bdag nyid de/__/rnam gsum phyag rgya la sbyar nas/__las kyi dngos grub sgrub pa ni/__/gnas bzang dag tu brtsam par bya/__/zhes sogs kyis bstan/__las grub pa'i brtul zhugs dang sbrags nas/__/mthar thug slob pa'i rnal 'byor rim gnyis kyi sbyor bas/__rgyud las/__slob pa'i rnal 'byor gnyis brten nas/__/lhun gyis grub pa la goms te/__/mi 'gyur bden pa gnyis la gnas/__zhes so/__/lhun grub gdod ma'i pha mthar son pa 'di a ho/__/de skad d+hU tIr sbas pa'i 'od gsal gyi thig le/__/bde stong so sor rtog pa'i ye shes kyi zhal lung /__/grags stong rdo rje'i glu yi rol mo ru shar bas/__/lhan skyes sku bzhi 'grub par byin gyis rang rlobs shig__/ces pa'ang gsung gi dben gnas bsam yas mchims phur gro bzhin zla ba'i dkar phyogs kyi tshes bcur dbang chen rta mchog rol pa'i dkyil 'khor du tshogs kyi 'du ba bgyis pa'i tshe gang shar glur blangs pa'i rtogs pa'o//__//___!__