JKW-KABUM-01-KA-002-137

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 137, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

གཟིམས་འོག་མཆོག་སྤྲུལ་བྱམས་པ་བསྟན་འཛིན་སྙན་གྲགས་ལ་ཞབས་བརྟན་དུ་གསོལ་བ་འཆི་མེད་གྲུབ་པའི་དོ་ཤལ། མཆོག་སྤྲུལ་རིན་པོ་ཆེ་བྱམས་པ་བསྟན་འཛིན་སྙན་གྲགས་ལ་ཞབས་བརྟན་དུ་གསོལ་བ་འཆི་མེད་གྲུབ་པའི་དོ་ཤལ་ཅེས་བྱ་བ། །སྭསྟི་བི་ཛ་ཡནྟུ། །བརྟན་པར་གྱུར་ཅིག་གཟོད་ནས་རབ་ཞི་བ། །སྤྲོས་པའི་མཚན་མ་ལས་འདས་ཆོས་ཀྱི་དབྱིངས། །རྣམ་པ་ཉི་ཤུས་བྱང་ཆུབ་འཆི་མེད་ལྷས། །བསྟན་པའི་ཉིན་བྱེད་མཚུངས་མེད་གསལ་བར་མཛོད། །རགས་པའི་ཕུང་ཁམས་སྐྱེ་མཆེད་དྭངས་མའི་ལུས། །དེ་ཡང་གསལ་སྟོང་ཟུང་འཇུག་ཆེར་སིམ་པས། །སླར་ལ་སྒྱུ་འཕྲུལ་གཟུགས་མང་འདུ་བགྱིད་པས། །ཁྱེད་ལ་འཆི་མེད་རྟག་པ་སྦྱིན་གྱུར་ཅིག །འཇུག་དང་ལྡང་བའི་དྲི་བཞོན་ཁ་སྦྱོར་གྱི། །རྡོ་རྗེའི་ཆོ་ག་གྲུབ་པས་སྲིད་པ་གསུམ། །འགྱུར་མེད་ཐིག་ལེ་གཅིག་ཏུ་རབ་རྫོགས་པས། །ཁྱེད་ལ་འཆི་མེད་རྟག་པ༴ ཟླ་ཤེལ་ཞུ་བའི་རྡུལ་དང་ཉི་མའི་རྒྱུན། །དང་པོར་རང་རང་ལམ་ནས་འདུ་བགྱིས་ཏེ། །མཐར་གྱིས་དྷཱུ་ཏཱིའི་པདྨོར་སོན་པ་ཡིས། །ཁྱེད་ལ་འཆི་མེད་རྟག་པ་སྦྱིན༴ སྤྲོས་པའི་ཚུལ་ནི་རྣམ་རྟོག་གཞན་དབང་སྟེ། །འཁོར་འདས་དབྱེར་མི་ཕྱེད་པ་སྤྲོས་པས་དབེན། །དེ་སླད་སྤྲོས་པའི་ཚུལ་དང་མི་མཛའ་བས། །ཁྱེད་ལ་འཆི་མེད༴ སྣང་དང་ཕྱེད་སྣང་མི་སྣང་གྲོང་ཁྱེར་གསུམ། །ཕྱི་ནང་འཇུག་པ་གཅིག་པས་ཡེ་ཤེས་ཀྱི། །ཕྱག་རྒྱར་མི་ཕྱེད་བསྡམས་པའི་བརྟུལ་ཞུགས་ཀྱིས། །ཁྱེད་ལ་འཆི་མེད་རྟག་པ་སྦྱིན་གྱུར་ཅིག །དེ་སྐད་སྲས་བཅས་རྒྱལ་བའི་བདེན་ཚིག་དང་། །ངེས་གསང་བདེན་པ་མཆོག་གིས་མཚམས་སྦྱར་ཏེ། །འཇམ་དབྱངས་བླ་མ་དགྱེས་པའི་ལྷག་བསམ་གྱིས། །སྨོན་པའི་ཚུལ་འདི་ཇི་བཞིན་འགྲུབ་གྱུར་ཅིག །སརྦ་དཱ་ཀ་ལྱ་ཎཾ་བྷ་བ་ཏུ།། །།

[edit]

gzims 'og mchog sprul byams pa bstan 'dzin snyan grags la zhabs brtan du gsol ba 'chi med grub pa'i do shal/__ mchog sprul rin po che byams pa bstan 'dzin snyan grags la zhabs brtan du gsol ba 'chi med grub pa'i do shal ces bya ba/__/swasti bi dza yan+tu/__/brtan par gyur cig gzod nas rab zhi ba/__/spros pa'i mtshan ma las 'das chos kyi dbyings/__/rnam pa nyi shus byang chub 'chi med lhas/__/bstan pa'i nyin byed mtshungs med gsal bar mdzod/__/rags pa'i phung khams skye mched dwangs ma'i lus/__/de yang gsal stong zung 'jug cher sim pas/__/slar la sgyu 'phrul gzugs mang 'du bgyid pas/__/khyed la 'chi med rtag pa sbyin gyur cig__/'jug dang ldang ba'i dri bzhon kha sbyor gyi/__/rdo rje'i cho ga grub pas srid pa gsum/__/'gyur med thig le gcig tu rab rdzogs pas/__/khyed la 'chi med rtag pa=__zla shel zhu ba'i rdul dang nyi ma'i rgyun/__/dang por rang rang lam nas 'du bgyis te/__/mthar gyis d+hU tI'i pad+mor son pa yis/__/khyed la 'chi med rtag pa sbyin=__spros pa'i tshul ni rnam rtog gzhan dbang ste/__/'khor 'das dbyer mi phyed pa spros pas dben/__/de slad spros pa'i tshul dang mi mdza' bas/__/khyed la 'chi med=__snang dang phyed snang mi snang grong khyer gsum/__/phyi nang 'jug pa gcig pas ye shes kyi/__/phyag rgyar mi phyed bsdams pa'i brtul zhugs kyis/__/khyed la 'chi med rtag pa sbyin gyur cig__/de skad sras bcas rgyal ba'i bden tshig dang /__/nges gsang bden pa mchog gis mtshams sbyar te/__/'jam dbyangs bla ma dgyes pa'i lhag bsam gyis/__/smon pa'i tshul 'di ji bzhin 'grub gyur cig___/sarba dA ka l+ya NaM b+ha ba tu//__//