JKW-KABUM-01-KA-002-116

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 116, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཕན་ཁང་མཁན་རིན་པོ་ཆེ་ཀུན་དགའ་བསྟན་པའི་བློ་གྲོས་ལ་ཞབས་བརྟན་དང་ལེགས་འབུལ་གྱི་སྨོན་ཚིག།

༄༅། །ཕན་ཁང་མཁན་རིན་པོ་ཆེ་ཀུན་དགའ་བསྟན་པའི་བློ་གྲོས་ལ་ཞབས་བརྟན་དང་ལེགས་འབུལ་གྱི་སྨོན་ཚིག་བཞུགས་སོ།། །། ༈ ཙྪནྡཤུདྡྷསྱདཱིཔྟེ། ༄༅། །ཨཱནནྡཀརུཎསྱ བཻལཌཱ ཤྲཱིཤཱསནྱརབིཏྲིལོཀབཻ། །དྷཱིཧིཏྱཾསུཁབྷཱསིཀཱསམཾཔཏྤདྨཾབཔིདྷཱཏུཛཱིབཏཱཾ།

༅། །ཀུན༷་ནས་དག༷འ་བའི་སྙིང་རྗེའི་རྣམ་རོལ་ནི། །བསྟན༷་པ༷འི་ཉི་མ་འཇིག་རྟེན་གསུམ་གྱི་དཔལ། །བློ༷་གྲོས༷་མཚུངས་མེད་ཕན་བདེའི་སྣང་བ་ཅན། །ཞབས་པད་རྡོ་རྗེའི་ཁམས་སུ་འཚོ་གཞེས་གསོལ། ༡ །ཚོགས་གཉིས་ཆུ་གཏེར་བསྲུབས་ལས་སྐྱེས་པ་ཡིས། །མཚན་དཔེའི་ཟླ་རིས་གང་དུ་འཆར་ཙམ་གྱིས། །སྲིད་དང་ཞི་བའི་གདུང་བ་ཀུན་སེལ་བའི། །བསྐལ་བཟང་ནམ་ཡང་ནུབ་པ་མེད་གྱུར་ཅིག ༨ །དབྱངས་ཀྱི་ཡན་ལག་དྲུག་ཅུའི་རྒྱུད་མང་པོ། །སྡེ་སྣོད་རྒྱ་མཚོའི་གདངས་སུ་འཕོས་པ་ལས། །འགྲོ་ཀུན་མ་རིག་གཉིད་ལས་སློང་བགྱིད་པའི། །ཆོས་ཀྱི་འཁོར་ལོ་རྟག་ཏུ་བསྐོར་བར་བསྐུལ། ༣ །ཐུགས་ནི་བཟུང་འཛིན་སྤྲོས་པ་ལས་འདས་བཞིན། །རྣམ་པ་ཡིད་ཅན་རྒྱ་མཚོར་རྗེས་ཆགས་པའི། །སྙིང་རྗེའི་ལང་ཚོ་རྒྱས་པའི་སྤྱན་རས་ཀྱི། །གཟིགས་པས་བསིལ་ལྡན་ལྗོངས་འདིར་གཅིག་ཏུ་དགོངས། ༤ །བྲལ་དང་སྨིན་པའི་ཡོན་ཏན་མཐའ་ཡས་པ། །དོན་གཉིས་འདོད་དགུ་འཇོ་བའི་ནོར་བུའི་སྤྲིན། །གདུལ་བྱའི་ཡིད་མཁར་དུས་ལས་ཡོལ་མིན་པས། །ལྷར་བཅས་ཀུན་དགའི་གྲུ་ཆར་འབེབས་གྱུར་ཅིག ༥ །སྲས་བཅས་རྒྱལ་བ་དགྱེས་པའི་ཕྲིན་ལས་ཀྱི། །སྤྲིང་ཡིག་ཕྱོགས་ཀྱི་བུ་མོའི་མཐར་འགྲོ་བས། །འཇིག་རྟེན་དགེ་ལེགས་རྫོགས་པའི་ངོ་མཚར་དང་། །ལྷན་ཅིག་འཆི་མེད་གྲུབ་པ་ཉིད་གྱུར་ཅིག ༦ །མདོར་ན་ཁྱོད་ཞབས་བསྐལ་བརྒྱར་བརྟན་པ་དང་། །བཤད་སྒྲུབ་མཛད་བཟང་ཕྱོགས་བཅུར་འཕེལ་བ་དང་། །དེས་ཀྱང་བསྟན་འགྲོའི་རྒུད་པ་ཀུན་སེལ་བའི། །ཤིས་པའི་པདྨོ་རྟག་ཏུ་རྒྱས་གྱུར་ཅིག ༧ །ཅེས་དགེ་ལེགས་སུ་བྱ་བའི་ཚིག་གིས་མདུན་བསུས་ཏེ། །དེང་གི་ཆར་ཡང་། ༝༝༝ སླད་མའི་ཆར་ཡང་། སྐྱབས་མགོན་མཁན་ཆེན་ཐམས་ཅད་མཁྱེན་གཟིགས་ཆེན་པོ་གང་ཉིད་བསྐལ་པ་རྒྱ་མཚོར་ཞབས་པད་བརྟན་ཅིང་ཕྲིན་ལས་རྒྱས་པ་དང་། གུས་པའང་རྣམ་ཀུན་ཐུགས་རྗེའི་གཟིགས་པས་མི་འདོར་བར་དངོས་པོ་ཀུན་གྱིས་བཏུད་དེ་གསོལ་བ་འདེབས་པ་ལགས། །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[edit]

phan khang mkhan rin po che kun dga' bstan pa'i blo gros la zhabs brtan dang legs 'bul gyi smon tshig/ @#/_/phan khang mkhan rin po che kun dga' bstan pa'i blo gros la zhabs brtan dang legs 'bul gyi smon tshig bzhugs so//__// !__ts+tshan+dashud+d+has+yadIp+te/__ @#/_/Anan+dakaruNas+ya_bailaDA_shrIshAsan+yarabitrilokabai/___________/d+hIhit+yaMsukhab+hAsikAsamaMpat+pad+maMbapid+hAtudzIbatAM/

1. /__/kunaX nas dgaX' ba'i snying rje'i rnam rol ni/__/bstanaX paX'i nyi ma 'jig rten gsum gyi dpal/__/bloX grosaX mtshungs med phan bde'i snang ba can/__/zhabs pad rdo rje'i khams su 'tsho gzhes gsol/__1__/tshogs gnyis chu gter bsrubs las skyes pa yis/__/mtshan dpe'i zla ris gang du 'char tsam gyis/__/srid dang zhi ba'i gdung ba kun sel ba'i/__/bskal bzang nam yang nub pa med gyur cig__8__/dbyangs kyi yan lag drug cu'i rgyud mang po/__/sde snod rgya mtsho'i gdangs su 'phos pa las/__/'gro kun ma rig gnyid las slong bgyid pa'i/__/chos kyi 'khor lo rtag tu bskor bar bskul/__3__/thugs ni bzung 'dzin spros pa las 'das bzhin/__/rnam pa yid can rgya mtshor rjes chags pa'i/__/snying rje'i lang tsho rgyas pa'i spyan ras kyi/__/gzigs pas bsil ldan ljongs 'dir gcig tu dgongs/__4__/bral dang smin pa'i yon tan mtha' yas pa/__/don gnyis 'dod dgu 'jo ba'i nor bu'i sprin/__/gdul bya'i yid mkhar dus las yol min pas/____/lhar bcas kun dga'i gru char 'bebs gyur cig__5__/sras bcas rgyal ba dgyes pa'i phrin las kyi/__/spring yig phyogs kyi bu mo'i mthar 'gro bas/__/'jig rten dge legs rdzogs pa'i ngo mtshar dang /__/lhan cig 'chi med grub pa nyid gyur cig__6__/mdor na khyod zhabs bskal brgyar brtan pa dang /__/bshad sgrub mdzad bzang phyogs bcur 'phel ba dang /__/des kyang bstan 'gro'i rgud pa kun sel ba'i/__/shis pa'i pad+mo rtag tu rgyas gyur cig__7__/ces dge legs su bya ba'i tshig gis mdun bsus te/__/deng gi char yang /_\u0f1d\u0f1d\u0f1d__slad ma'i char yang /__skyabs mgon mkhan chen thams cad mkhyen gzigs chen po gang nyid bskal pa rgya mtshor zhabs pad brtan cing phrin las rgyas pa dang /__gus pa'ang rnam kun thugs rje'i gzigs pas mi 'dor bar dngos po kun gyis btud de gsol ba 'debs pa lags/__/sarba dA ka l+yA NaM b+ha ba tu//__//