JKW-KABUM-01-KA-002-088

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 88, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཟླ་སྤྲུལ་རིན་པོ་ཆེའི་ཞབས་བརྟན་གསོལ་འདེབས། ཟླ་སྤྲུལ་རིན་པོ་ཆེའི་ཞབས་བརྟན་གསོལ་འདེབས་བཞུགས། །ཨོཾ་སྭ་སྟི་ཤྲཱི་བི་ཛ་ཡནྟུ། གཟོད་ནས་འཕོ་བའི་དྲི་མ་ལས་འདས་པའི། །ཁ་སྦྱོར་བདེ་ཆེན་ཉམས་བརྒྱའི་གཟི་འབར་བ། །བསོད་ནམས་བྱེ་བའི་རང་གཟུགས་མཚན་དཔེའི་སྐུ༷། །འཆི་མེད་མགོན་པོའི་ངོ་བོར་འཚོ་གཞེས་གསོལ། ༡ །སྲོག་དང་རྩོལ་བའི་རྒྱུ་བ་ཇི་སྙེད་ཀུན། །རྡོ་རྗེ་ནཱ་དའི་དབྱངས་སུ་འཆར་བ་ན། །ལེགས་གསུངས་ཆོས་ཕུང་རྒྱ་མཚོར་འབབས་པའི་དཔྱིད། །འཇམ་དཔལ་གཞོན་ནུའི་ངོ་བོར༴ ༢ གཟུང་འཛིན་སྤྲོས་པའི་མཚན་མ་ལས་འདས་པ། །མཁའ་ཁྱབ་རྟག་པ་དམ་པའི་ཡེ་ཤེས་ཐུ༷གས། །མཁྱེན་བརྩེའི་སྣང་བ་བསམ་གྱིས་མི་ཁྱབ་པ། །རྡོ་རྗེ་འཛིན་པའི་ངོ་བོར༴ ༣ བྲལ་སྨིན་ཡོན་ཏན་ནོར་བུའི་རྔ་ཡབ་ནི། །བཟུང་བ་མེད་པར་ཕྱོགས་ཀྱི་མཐར་འགྲོ་བས། །ཕྲིན་ལས་ས་གསུམ་ཕན་བདེའི་མཆོག་སྟེར་བ། །པད་དཀར་འཆང་བའི་དབང་པོར༴ ༤ བསམ་ཡས་རིགས་དང་དཀྱིལ་འཁོར་རྒྱ་མཚོའི་བདག །སྲིད་ཞིར་མི་གནས་སྙིང་རྗེའི་ཟླ་བ་ནི། །སྙིགས་དུས་ཡོངས་རྫོགས་བསྟན་འགྲོའི་མགོན་གཅིག་པུར། །མཚོ་སྐྱེས་བླ་མའི་ངོ་བོར་འཚོ་གཞེས་གསོལ། ༥ །མདོར་ན་ཀུན་ཏུ་འཆང་བའི་ཡེ་ཤེས་སྐུ། །བསྐལ་བརྒྱར་ཞབས་བརྟན་ཆོས་འཁོར་བསྐོར་བ་དང་། །བདག་ཅག་བྱང་ཆུབ་སྙིང་པོར་མཆིས་ཀྱི་བར། །དོན་གཉིས་གོ་འཕང་མཆོག་ལ་འགོད་མཛད་གསོལ། ༦ །བཀྲ་ཤིས་གང་ཞིག་འགྱུར་མེད་ཡོངས་གྲུབ་དབྱིངས། །ཆོས་དང་ཚོགས་ཀྱི་སྙིང་པོ་གཅིག་གྱུར་པའི། །དགེ་མཚན་བདུད་རྩིའི་སྣང་བ་རབ་འབར་བས། །རྣམ་ཀུན་ཤིས་པའི་པདྨོ་རྒྱས་གྱུར་ཅིག། ༧ །། ༈

[edit]

zla sprul rin po che'i zhabs brtan gsol 'debs/__ zla sprul rin po che'i zhabs brtan gsol 'debs bzhugs/__/oM swa sti shrI bi dza yan+tu/__gzod nas 'pho ba'i dri ma las 'das pa'i/__/kha sbyor bde chen nyams brgya'i gzi 'bar ba/__/bsod nams bye ba'i rang gzugs mtshan dpe'i skuX/__/'chi med mgon po'i ngo bor 'tsho gzhes gsol/__1__/srog dang rtsol ba'i rgyu ba ji snyed kun/__/rdo rje nA da'i dbyangs su 'char ba na/__/legs gsungs chos phung rgya mtshor 'babs pa'i dpyid/__/'jam dpal gzhon nu'i ngo bor=__2__gzung 'dzin spros pa'i mtshan ma las 'das pa/__/mkha' khyab rtag pa dam pa'i ye shes thuXgs/__/mkhyen brtse'i snang ba bsam gyis mi khyab pa/__/rdo rje 'dzin pa'i ngo bor=__3__bral smin yon tan nor bu'i rnga yab ni/__/bzung ba med par phyogs kyi mthar 'gro bas/__/phrin las sa gsum phan bde'i mchog ster ba/__/pad dkar 'chang ba'i dbang por=__4__bsam yas rigs dang dkyil 'khor rgya mtsho'i bdag__/srid zhir mi gnas snying rje'i zla ba ni/__/snyigs dus yongs rdzogs bstan 'gro'i mgon gcig pur/__/mtsho skyes bla ma'i ngo bor 'tsho gzhes gsol/__5__/mdor na kun tu 'chang ba'i ye shes sku/__/bskal brgyar zhabs brtan chos 'khor bskor ba dang /_/bdag cag byang chub snying por mchis kyi bar/__/don gnyis go 'phang mchog la 'god mdzad gsol/__6__/bkra shis gang zhig 'gyur med yongs grub dbyings/__/chos dang tshogs kyi snying po gcig gyur pa'i/__/dge mtshan bdud rtsi'i snang ba rab 'bar bas/_/rnam kun shis pa'i pad+mo rgyas gyur cig/_7___//_!