JKW-KABUM-02-KHA-001-016

🚧 This website is under continued development. We appreciate your patience!

Previous Text Back to Volume PageNext Text

སྐུ་ཡི་དབེན་གནས་བསྒྲགས་ཡོངས་རྫོང་དུས་དགྲའི་དབང་པོའི་ཕོ་བྲང་ལ་བསྔགས་པའི་གཏམ་རྡོ་རྗེ་སྒྲ་མའི་ཏམྦུ་ར།

Wylie title	sku yi dben gnas bsgrags yongs rdzong dus dgra'i dbang po'i pho brang la bsngags pa'i gtam rdo rje sgra ma'i tam+bu ra
Location	mkhyen brtse'i bka' 'bum Volume 2, sde tshan 1, Text 16, Pages 52-54 (Folios 26b2 to 27b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sku yi dben gnas bsgrags yongs rdzong dus dgra'i dbang po'i pho brang la bsngags pa'i gtam rdo rje sgra ma'i tam+bu ra. In 'jam dbyangs mkhyen brtse'i dbang po'i bka' 'bum, Vol. 2: 52-54. Khams sde dge rdzong sar dgon: Rdzong sar blo gros phun tshogs, 2020.
Genre	Discourses - gtam
Colophon	།ཅེས་པའང་རྒྱལ་ཁམས་ཉུལ་བའི་བྱ་བྲལ་བ་གཞོན་ནུ་ཨ་བྷཱ་ཡས་གྲུབ་པའི་གྲོང་ཁྱེར་ཆེན་པོ་དེ་ཉིད་དུ་གནས་འབྲེལ་ལ་ལྷགས་པའི་ཚེ་གསོལ་བ་བཏབ་པ་སིདྡྷི་རསྟུ།།
	ces pa'ang rgyal khams nyul ba'i bya bral ba gzhon nu a b+hA yas grub pa'i grong khyer chen po de nyid du gnas 'brel la lhags pa'i tshe gsol ba btab pa sid+d+hi rastu

1 Texts in this Section (sde tshan or chos tshan)

16 52-54	སྐུ་ཡི་དབེན་གནས་བསྒྲགས་ཡོངས་རྫོང་དུས་དགྲའི་དབང་པོའི་ཕོ་བྲང་ལ་བསྔགས་པའི་གཏམ་རྡོ་རྗེ་སྒྲ་མའི་ཏམྦུ་ར། sku yi dben gnas bsgrags yongs rdzong dus dgra'i dbang po'i pho brang la bsngags pa'i gtam rdo rje sgra ma'i tam+bu ra Discourses - gtam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྐུ་ཡི་དབེན་གནས་བསྒྲགས་ཡང་རྫོང་དུས་དགྲའི་དབང་པོའི་ཕོ་བྲང་ལ་བསྔགས་པའི་གཏམ་རྡོ་རྗེ་སྒྲ་མའི་ཏམཱུ་ར་ཞེས་བྱ་བ། ན་མོ་གུ་རུ་མཉྫུ་གྷོ་ཥ་ཀྲོ་དྷཱ་ཡ། གཟུང་འཛིན་སྤྲོས་པའི་ཡིད་སྲུབས་མཐར་མཛད་རྡོ་རྗེ་ཡེ་ཤེས་འབར་བའི་སྐུ། །ལན་གཅིག་སྣང་ཆར་འཛུམ་པའི་མོད་ནས་གྲུབ་པ་གཉིས་ཀྱི་མཆོག་སྦྱིན་པ། །ཧེ་རུ་ཀ་དཔལ་དུ༷ས་དགྲ༷འི་དབ༷ང་པོ༷འི་བྱིན་རླབས་ཉི་གཞོན་འཆར་ཀའི་གཟིས། །རྟེན་དང་བརྟེན་པའི་ངོ་མཚར་རབ་རྫོགས་རིག་འཛིན་དགྱེས་པའི་དགའ་ཚལ་འདིར། ༡ །འཆི་མེད་མཚོ་སྐྱེས་རྡོ་རྗེ་ཡབ་ཡུམ་དང་། །རྣམ་པར་སྣང་མཛད་སྲུང་བ་ལ་སོགས་པའི། །འཕགས་རྣམས་ཞབས་སེན་བཀྲ་ཤིས་འཁོར་ལོས་མཚན། །བཀོད་པས་ངོ་མཚར་དཔྱིད་ཀྱི་དུས་སྟོན་རྫོགས། ༢ །ཁྱད་པར་འཇམ་དཔལ་ཁྲོས་པའི་ཡེ་ཤེས་ནི། །གཟུགས་ཅན་བཞིན་དུ་རྒྱུ་བའི་བརྟུལ་ཞུགས་ཅན། །གནུ༷བས་ཆེ༷ན་ཞབས་ཀྱིས་སྲ་མཁྲེགས་བྲག་རིའི་ངོས། །ཕུར་པ་བཏབ་པའི་རྗེས་ཤུལ་ལམ་མེར་གསལ། ༣ །སླད་ནས་བདེ་སྟོང་འཕོ་མེད་གྲུབ་པའི་སྲོག །ཟུང་འཇུག་མེ༷་ལོ༷ང་འཆང་བའི་རྡོ༷་རྗེ༷་ཅན། །འོད་གསལ་སྙིང་པོར་གཤེགས་པའི་གཟིམས་སྐྱིལ་གང་། །མཐོང་བའི་མོད་ནས་ཚེ་འདིའི་སྣང་ཞེན་འགགས། ༤ །གཞན་ཡང་ཆོས་ཀུན་སྡོམ་པ་གཅིག་པུའི་དབྱིངས། །དུ་མའི་གར་དུ་སྣང་བའི་རོལ་མོ་ནི། །ཚུར་མཐོང་བྱིས་བློའི་ངོར་ཡང་མི་སྦེད་པར། །རྡོ་རྗེ་གསུམ་གྱི་ཕྱག་རྒྱར་གཅིག་ཏུ་འབར། ༥ །དེ་སླད་མི་ཕྱེད་དད་པའི་བདུད་རྩི་ཡི། །རབ་བརླན་སྐལ་བཟང་གཞོན་ནུའི་ཨུཏྤ་ལས། །དངོས་ཡིད་མཆོད་པའི་སྤྲིན་གྱི་མཚར་སྡུག་གིས། །སྲས་བཅས་རྒྱལ་ཀུན་དགྱེས་པ་བསྐྱེད་པ་དང་། ༦ །གཉིས་སྣང་དྲེ༷གས་པ༷་སྡེར་བཅས་དྷཱུ་ཏིའི་དབྱིངས། །འཇོམས་བྱེད་ཁྲག་འཐུང་དབང་པོའི་དཀྱིལ་འཁོར་དུ། །བདེ་སྟོང་ཚོགས་ཀྱི་འདུ་བས་ཕྱི་ནང་གཞན། །དབྱེར་མེད་མཆོད་པའི་རྣལ་འབྱོར་གཡར་དམ་བླངས། ༧ །དེ་ལས་བསོད་ནམས་དྲི་མེད་རྫོགས་པའི་ཟླ། །ཅུང་ཟད་ཐོབ་པས་ཡིད་ཅན་མ་ལུས་ཀུན། །གནས་སྐབས་མཐར་ཐུག་བདུད་བཞིའི་མུན་བཅོམ་ནས། །གཤིན་རྗེ་མཐར་བྱེད་ཚེ་འདིར་འགྲུབ་གྱུར་ཅིག །གཞན་ཡང་གངས་ཅན་རི་བོའི་སྨན་ལྗོངས་འདིར། །དུས་ཀྱི་རྒུད་པ་མཐའ་དག་ཉེར་ཞི་ནས། །བསྟན་དང་འགྲོ་བའི་བདེ་སྐྱིད་རྫོགས་ལྡན་སྤྲིན། །རྒྱས་པར་དཀྲིགས་པའི་དུས་སྟོན་ཡོལ་མེད་ཤོག ༩ །གང་ཞིག་འཕོ་བའི་རླན་དང་བྲལ་ཡང་ཁ་སྦྱོར་བདུད་རྩིས་བཏང་མིན་པས། །སྲིད་པའི་སྦྱོར་བ་མཐར་བྱས་པ་ཡང་ཞི་བའི་ཕ་རོལ་ལས་འདས་པ། །ཧེ་རུ་ཀ་དཔལ་ཡེ་ཤེས་ལུས་ཅན་གྲོང་ཁྱེར་གསུམ་གྱི་ཐོར་ཚུགས་རྩེར། །འཇམ་དང་འབར་རྒྱས་ཆགས་པའི་གར་གྱིས་དགེ་མཚན་སྣང་བ་རྫོགས་གྱུར་ཅིག ༡༠ །ཅེས་པའང་རྒྱལ་ཁམས་ཉུལ་བའི་བྱ་བྲལ་བ་གཞོན་ནུ་ཨ་བྷཱ་ཡས་གྲུབ་པའི་གྲོང་ཁྱེར་ཆེན་པོ་དེ་ཉིད་དུ་གནས་འབྲེལ་ལ་ལྷགས་པའི་ཚེ་གསོལ་བ་བཏབ་པ་སིདྡྷི་རསྟུ།། །། ༈

[edit]

sku yi dben gnas bsgrags yongs rdzong dus dgra'i dbang po'i pho brang la bsngags pa'i gtam rdo rje sgra ma'i tam+bu ra/__ sku yi dben gnas bsgrags yang rdzong dus dgra'i dbang po'i pho brang la bsngags pa'i gtam rdo rje sgra ma'i tamU ra zhes bya ba/_na mo gu ru many+dzu g+ho Sha kro d+hA ya/_gzung 'dzin spros pa'i yid srubs mthar mdzad rdo rje ye shes 'bar ba'i sku/_/lan gcig snang char 'dzum pa'i mod nas grub pa gnyis kyi mchog sbyin pa/_/he ru ka dpal duXs dgraX'i dbaXng poX'i byin rlabs nyi gzhon 'char ka'i gzis/_/rten dang brten pa'i ngo mtshar rab rdzogs rig 'dzin dgyes pa'i dga' tshal 'dir/_1__/'chi med mtsho skyes rdo rje yab yum dang /_/rnam par snang mdzad srung ba la sogs pa'i/_/'phags rnams zhabs sen bkra shis 'khor los mtshan/_/bkod pas ngo mtshar dpyid kyi dus ston rdzogs/_2__/khyad par 'jam dpal khros pa'i ye shes ni/_/gzugs can bzhin du rgyu ba'i brtul zhugs can/_/gnuXbs cheXn zhabs kyis sra mkhregs brag ri'i ngos/_/phur pa btab pa'i rjes shul lam mer gsal/_3__/slad nas bde stong 'pho med grub pa'i srog__/zung 'jug meX loXng 'chang ba'i rdoX rjeX can/_/'od gsal snying por gshegs pa'i gzims skyil gang /_/mthong ba'i mod nas tshe 'di'i snang zhen 'gags/_4__/gzhan yang chos kun sdom pa gcig pu'i dbyings/_/du ma'i gar du snang ba'i rol mo ni/_/tshur mthong byis blo'i ngor yang mi sbed par/_/rdo rje gsum gyi phyag rgyar gcig tu 'bar/_5__/de slad mi phyed dad pa'i bdud rtsi yi/_/rab brlan skal bzang gzhon nu'i ut+pa las/_/dngos yid mchod pa'i sprin gyi mtshar sdug gis/_/sras bcas rgyal kun dgyes pa bskyed pa dang /_6__/gnyis snang dreXgs paX sder bcas d+hU ti'i dbyings/_/'joms byed khrag 'thung dbang po'i dkyil 'khor du/_/bde stong tshogs kyi 'du bas phyi nang gzhan/_/dbyer med mchod pa'i rnal 'byor g.yar dam blangs/_7__/de las bsod nams dri med rdzogs pa'i zla/_/cung zad thob pas yid can ma lus kun/_/gnas skabs mthar thug bdud bzhi'i mun bcom nas/_/gshin rje mthar byed tshe 'dir 'grub gyur cig__/gzhan yang gangs can ri bo'i sman ljongs 'dir/_/dus kyi rgud pa mtha' dag nyer zhi nas/_/bstan dang 'gro ba'i bde skyid rdzogs ldan sprin/_/rgyas par dkrigs pa'i dus ston yol med shog__9__/gang zhig 'pho ba'i rlan dang bral yang kha sbyor bdud rtsis btang min pas/_/srid pa'i sbyor ba mthar byas pa yang zhi ba'i pha rol las 'das pa/_/he ru ka dpal ye shes lus can grong khyer gsum gyi thor tshugs rtser/_/'jam dang 'bar rgyas chags pa'i gar gyis dge mtshan snang ba rdzogs gyur cig__10__/ces pa'ang rgyal khams nyul ba'i bya bral ba gzhon nu a b+hA yas grub pa'i grong khyer chen po de nyid du gnas 'brel la lhags pa'i tshe gsol ba btab pa sid+d+hi rastu//___//_!_