JKCL-KABUM-11-DA-099

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 11, Text 99, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 11: . Bir, H.P.: Khyentse Labrang, 2012.
Genre

1 Texts in this Section (sde tshan or chos tshan)

499-501	དཔལ་ཀཿཐོག་གི་ནང་གནས་དམ་ཕུག་ཟང་མདོག་དཔལ་རིར་བསང་མཆོད། dpal kaH thog gi nang gnas dam phug zang mdog dpal rir bsang mchod Smoke Offerings - bsangs mchod - lha bsang	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

དཔལ་ཀཿཐོག་གི་ནང་གནས་དམ་ཕུག་ཟང་མདོག་དཔལ་རིར་བསང་མཆོད་བཞུགས་སོ། །ན་མོ་གུ་རུ་དྷེ་ཝ་ཌཱ་ཀི་ནི་ཡེ། འོག་མིན་ཀཿཐོག་གི་ནང་གནས་ཟང་མདོག་དཔལ་རིར་བསང་མཆོད་བྱ་བར་འདོད་པས། གཏོར་མ་དཀར་དམར། བསང་རྫས་ཕུར་མ། ཇ་ཆང་སྐྱེམས་སོགས་འདུ་བྱས་པ་དང་། ཤིང་རྩི་དྲི་ཞིམ་གྱིས་བསང་མཆོད་འཐུལ་བཞིན་ཆུ་གཙང་གིས་བྲན། རྃ་ཡྃ་ཁྃ་གིས་མི་གཙང་དྲི་མ་ཐམས་ཅད་སྦྱངས། ཨོཾ་ཨཱཿཧཱུྃ་གིས། འདོད་ཡོན་ཟག་པ་མེད་པ་ཡེ་ཤེས་བསང་གི་བདུད་རྩིའི་མཆོད་སྤྲིན་ས་དང་བར་སྣང་ཐམས་ཅད་ཁྱབ་པར་གྱུར། ཀྱཻ། བླ་མ་རྩ་གསུམ་ཆོས་སྐྱོང་དང་། །ནོར་ལྷ་གཞི་བདག་གནས་གཏེར་བདག །ཁྱད་པར་ཀཿཐོག་རྡོ་རྗེ་གདན། །སྐྱོང་མཛད་མགོན་པོ་ལེགས་ལྡན་དང་། །དཔལ་ལྡན་ལྷ་མོ་ཞིང་སྐྱོང་ཆེ། །གཟའ་དང་དམ་ཅན་རྣམ་སྲས་སོགས། །གཙུག་ལག་ཁང་གི་སྲུང་མ་དང་། །སྦས་ཡུལ་ཤམ་པོ་རོང་ཆེན་པོའི། །འཁོར་ལོ་ལྔ་ལྡན་རྡོ་རྗེའི་གནས། །རིག་འཛིན་བླ་མའི་ཚོགས་རྣམས་དང་། །ཡི་དམ་ཞི་ཁྲོ་མ་གཤིན་ཕུར། །གུ་རུ་དྲག་པོ་རྟ་མགྲིན་དང་། །མ་མོ་མངོན་རྫོགས་ཁྲོས་མ་ནག །རྣལ་འབྱོར་མ་དང་སེང་གདོང་སོགས། །བསམ་ཡས་སྒྱུ་འཕྲུལ་དྲྭ་བ་དང་། །ཁྱད་པར་དམ་པས་སྒྲུབ་པའི་ཕུག །གུ་རུ་སེང་གེ་སྒྲ་སྒྲོགས་ཀྱི། །གསང་བ་གསུམ་གྱིས་བྱིན་བརླབ་པ། །ཟང་མདོག་དཔལ་རི་པདྨ་འོད། །སྐུ་གསུམ་ཞིང་ཁམས་ཆེན་པོ་ནི། །གཅིག་ལས་གཉིས་པར་ཤར་བ་ཡི། །རང་བྱུང་རྡོ་རྗེའི་ཀེའུ་ཚང་། །རྟེན་དང་བརྟེན་པར་བཅས་པ་ལ། །ཤིང་རྩི་དྲི་བཟང་བསྲེགས་པའི་མེར། །བསང་རྫས་སྣ་ཚོགས་སྦྱར་བ་ཡི། །དུད་སྤྲིན་ཀུན་བཟང་མཆོད་སྤྲིན་འདིས། །མི་གཙང་ཉམས་གྲིབ་ཕོག་པ་བསངས། །མནོལ་བ་ཐམས་ཅད་སངས་གྱུར་ཅིག །ཡེ་ཤེས་ཆེན་པོའི་རོལ་པ་ལས། །ཤར་བའི་ཟག་མེད་བདུད་རྩིའི་སྤྲིན། །དབང་པོ་དྲུག་གི་དགྱེས་པར་རོལ། །མཁའ་དཀྱིལ་དྭངས་པའི་ཉི་ཟླ་བཞིན། །གསང་གསུམ་དགྱེས་པའི་གཟི་བྱིན་གྱིས། །སྣོད་བཅུད་རྒུད་པ་ཀུན་ཞི་ནས། །འཇིག་རྟེན་བདེ་ཞིང་སྐྱིད་པ་དང་། །དུས་འཁྲུགས་མུ་གེ་ནད་ཡམས་དང་། །བཙའ་སད་སེར་གསུམ་ཞི་བར་མཛོད། །བྱད་ཕུར་རྦོད་གཏོད་ལྟས་ངན་བཟློག །ཚེ་རིང་ནད་མེད་དཔལ་འབྱོར་རྒྱས། །བསམ་པའི་དོན་ཀུན་འགྲུབ་པ་དང་། །བསྟན་དང་དེར་འཛིན་དར་ཞིང་རྒྱས། །སྡེ་གཉིས་འདུ་བ་དབྱར་མཚོ་བཞིན། །ཐུགས་མཐུན་བསླབ་གསུམ་འབྱོར་པས་ཕྱུག །བཤད་སྒྲུབ་བྱ་བ་རབ་འཕེལ་ཞིང་། །བཀྲ་ཤིས་བདེ་ལེགས་དཔལ་འབར་ཤོག །ཅེས་གཏོར་མ་སྐྱེམས་ཕུད་མཆོད་དོ། །ཅེས་པའང་རོང་པོ་བླ་མ་བློ་བཟང་ནས་གསུང་བསྐུལ་ངོར་མཁྱེན་བརྩེའི་སྤྲུལ་མིང་འཛིན་པ་ཆོས་ཀྱི་བློ་གྲོས་པས་བྲིས་པའོ།། །།

[edit]

dpal kaHthog gi nang gnas dam phug zang mdog dpal rir bsang mchod bzhugs so/__/na mo gu ru d+he wa DA ki ni ye/__'og min kaHthog gi nang gnas zang mdog dpal rir bsang mchod bya bar 'dod pas/__gtor ma dkar dmar/__bsang rdzas phur ma/__ja chang skyems sogs 'du byas pa dang /__shing rtsi dri zhim gyis bsang mchod 'thul bzhin chu gtsang gis bran/__ra~M ya~M kha~M gis mi gtsang dri ma thams cad sbyangs/__oM AHhU~M gis/__'dod yon zag pa med pa ye shes bsang gi bdud rtsi'i mchod sprin sa dang bar snang thams cad khyab par gyur/__kyai/__bla ma rtsa gsum chos skyong dang /__/nor lha gzhi bdag gnas gter bdag__/khyad par kaHthog rdo rje gdan/__/skyong mdzad mgon po legs ldan dang /__/dpal ldan lha mo zhing skyong che/__/gza' dang dam can rnam sras sogs/__/gtsug lag khang gi srung ma dang /__/sbas yul sham po rong chen po'i/__/'khor lo lnga ldan rdo rje'i gnas/__/rig 'dzin bla ma'i tshogs rnams dang /__/yi dam zhi khro ma gshin phur/__/gu ru drag po rta mgrin dang /__/ma mo mngon rdzogs khros ma nag__/rnal 'byor ma dang seng gdong sogs/__/bsam yas sgyu 'phrul drwa ba dang /__/khyad par dam pas sgrub pa'i phug__/gu ru seng ge sgra sgrogs kyi/__/gsang ba gsum gyis byin brlab pa/__/zang mdog dpal ri pad+ma 'od/__/sku gsum zhing khams chen po ni/__/gcig las gnyis par shar ba yi/__/rang byung rdo rje'i ke'u tshang /__/rten dang brten par bcas pa la/__/shing rtsi dri bzang bsregs pa'i mer/__/bsang rdzas sna tshogs sbyar ba yi/__/dud sprin kun bzang mchod sprin 'dis/__/mi gtsang nyams grib phog pa bsangs/__/mnol ba thams cad sangs gyur cig__/ye shes chen po'i rol pa las/__/shar ba'i zag med bdud rtsi'i sprin/__/dbang po drug gi dgyes par rol/__/mkha' dkyil dwangs pa'i nyi zla bzhin/__/gsang gsum dgyes pa'i gzi byin gyis/__/snod bcud rgud pa kun zhi nas/__/'jig rten bde zhing skyid pa dang /__/dus 'khrugs mu ge nad yams dang /__/btsa' sad ser gsum zhi bar mdzod/__/byad phur rbod gtod ltas ngan bzlog__/tshe ring nad med dpal 'byor rgyas/__/bsam pa'i don kun 'grub pa dang /__/bstan dang der 'dzin dar zhing rgyas/__/sde gnyis 'du ba dbyar mtsho bzhin/__/thugs mthun bslab gsum 'byor pas phyug__/bshad sgrub bya ba rab 'phel zhing /__/bkra shis bde legs dpal 'bar shog__/ces gtor ma skyems phud mchod do/__/ces pa'ang rong po bla ma blo bzang nas gsung bskul ngor mkhyen brtse'i sprul ming 'dzin pa chos kyi blo gros pas bris pa'o//__//