JKW-KABUM-22-ZA-012-080

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 22, sde tshan 12, Text 80, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 22: . Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

80 565-566	རྡོ་རྗེའི་ཐོལ་གླུ་སྨིན་པར་བྱེད་པའི་རྒྱན། rdo rje'i thol glu smin par byed pa'i rgyan Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྡོ་རྗེའི་ཐོལ་གླུ་སྨིན་པར་བྱེད་པའི་རྒྱན། རྡོ་རྗེའི་ཐོལ་གླུ་སྨིན་པར་བྱེད་པའི་རྒྱན་ཅེས་བྱ་བ། ཨ་ཧོ། ཆོས་ཉིད་སྤྲོས་བྲལ་བློ༷་འདས་གཉུག་མ་ཡི་ངང་ནས། །འགགས་མེད་ཟུང་འཇུག་བདེ་ཆེན་སྙིང་རྗེ་ཡི་རང་བཞིན། །སྐུ་གསུམ་དབྱེར་མེད་དཔལ་ལྡན་བླ་མ་དེ་མཁྱེན་ནོ། །དབང་བཞིས་རང་རྒྱུད་སྨིན་པར་བྱིན་གྱིས་རང་རློབས་ཤིག །སྣང་སྟོང་མཉམ་རོལ་མཚན་མའི་དཀྱིལ་འཁོར་གྱི་ཀློང་ནས། །གདན་གསུམ་ཟུང་འཇུག་དབྱེར་མེད་རྡོ་རྗེ་ཡི་སློབ་དཔོན། །ཐུན་མོང་བུམ་པའི་དབང་བདུན་སྨིན་བྱེད་དུ་སྩལ་བས། །ཕུང་ཁམས་ཟབ་མོའི་ཉམས་ལེན་སད་པ་འདི་ཨ་ཧོ། །ཞུ་བདེ་མི་རྟོག་བྱང་སེམས་དཀྱིལ་འཁོར་གྱི་ཀློང་ནས། །ཐབས་ཤེས་མཉམ་སྦྱོར་བདེ་སྟོང་རྡོ་རྗེ་ཡི་སློབ་དཔོན། །ཞུགས་གནས་ཐིམ་གསུམ་དབུ་མར་སྦྱོར་བ་ཡི་བདུད་རྩི། །རྩ་ཁམས་ཡི་གེའི་སྤྲིན་དུ་དེངས་པ་འདི་ཨ་ཧོ། །ཡས་བབ་མས་བརྟན་བཅུ་དྲུག་དགའ་བ་ཡི་ཀློང་ནས། །ཨེ་ཝཾ་མཉམ་པར་རོལ་པའི་རྡོ་རྗེ་ཡི་སློབ་དཔོན། །འཁྱུད་སྦྱོར་ཤེས་རབ་བདེ་བའི་ཡེ་ཤེས་ལ་མྱོང་བས། །སྣང་མཆེད་ཐོབ་གསུམ་ཐིམ་པའི་འོད་གསལ་འདི་ཨ་ཧོ། །དོན་དམ་བདེན་གཉིས་མ་གྲུབ་སྤྲོས་བྲལ་གྱི་ཀློང་ནས། །ཀུན་རྫོབ་གང་འདུལ་དེར་སྣང་རྡོ་རྗེ་ཡི་སློབ་དཔོན། །ལྷན་སྐྱེས་ཡེ་ཤེས་མངོན་དུ་སྟོན་བྱེད་ཀྱི་ཐུགས་རྗེ། །གཅིག་དང་དུ་བྲལ་འདུས་མ་བྱས་པ་འདི་ཨ་ཧོ། །སྦྱང་བྱ་ཉོན་མོངས་ཤེས་སྒྲིབ་ཕྲ་རགས་ཀྱི་རང་བཞིན། །སྤྱོ ད་བྱེད་སྣང་སྟོང་ཡེ་ཤེས་དཔེ་དོན་དུ་བཀྲལ་བའི། །སྦྱངས་འབྲས་སྐུ་གསུམ་ཟུང་འཇུག་ངོ་བོ་ཡི་ཉིད་སྐུ། །གཞི་ལམ་འབྲས་བུར་རྫོགས་པ་སྨིན་བྱེད་འདི་ཨ་ཧོ། །ཀུན་རྫོབ་མཚན་མ་རྫས་ཀྱི་དཀྱིལ་འཁོར་ལ་བརྟེན་ཅིང་། །དོན་དམ་ཡེ་ཤེས་དབྱིངས་རིག་ཉམས་སྣང་གི་ཀློང་དུ། །ཞུགས་དང་མ་ཞུགས་སྐལ་བར་ལྡན་པ་ཡི་སློབ་མ། །སྨིན་པར་བྱེད་འདོད་ཡོངས་ཀྱི་སྲོག་ཤིང་རང་ཡིན་ནོ། །བསྐྱེད་རིམ་ཟབ་མོ་གཡོ་ཐོབ་གོམས་བརྟན་གྱི་རང་བཞིན། །རྫོགས་རིམ་རླུང་སེམས་ཡང་དག་དབུ་མ་རུ་འཛུད་དང་། །ཟུང་འཇུག་དཔེ་དང་དོན་གྱི་ཡེ་ཤེས་དེ་བསྒོམ་ཕྱིར། །སྨིན་པར་བྱེད་པའི་རྡོ་རྗེའི་ཐོལ་གླུ་འདི་བླངས་སོ། །དེ་ལས་བྱུང་བའི་ཚོགས་གཉིས་དགེ་བ་ཡི་འབྲས་བུ། །འཁོར་གསུམ་རྣམ་པར་མི་རྟོག་ཆོས་དབྱིངས་སུ་བསྔོས་པས། །ཉོན་མོངས་ཤེས་བྱའི་སྒྲིབ་པ་མ་ལུས་ཀུན་བཅོམ་སྟེ། །འགྲོ་ཀུན་བླ་མེད་གོ་འཕང་ཐོབ་པ་རུ་ཤོག་ཅིག། །། ༈

[edit]

rdo rje'i thol glu smin par byed pa'i rgyan/__ rdo rje'i thol glu smin par byed pa'i rgyan ces bya ba/__a ho/_chos nyid spros bral bloX 'das gnyug ma yi ngang nas/__/'gags med zung 'jug bde chen snying rje yi rang bzhin/__/sku gsum dbyer med dpal ldan bla ma de mkhyen no/__/dbang bzhis rang rgyud smin par byin gyis rang rlobs shig__/snang stong mnyam rol mtshan ma'i dkyil 'khor gyi klong nas/__/gdan gsum zung 'jug dbyer med rdo rje yi slob dpon/__/thun mong bum pa'i dbang bdun smin byed du stsal bas/__/phung khams zab mo'i nyams len sad pa 'di a ho/__/zhu bde mi rtog byang sems dkyil 'khor gyi klong nas/__/thabs shes mnyam sbyor bde stong rdo rje yi slob dpon/__/zhugs gnas thim gsum dbu mar sbyor ba yi bdud rtsi/__/rtsa khams yi ge'i sprin du dengs pa 'di a ho/__/yas bab mas brtan bcu drug dga' ba yi klong nas/__/e waM mnyam par rol pa'i rdo rje yi slob dpon/__/'khyud sbyor shes rab bde ba'i ye shes la myong bas/__/snang mched thob gsum thim pa'i 'od gsal 'di a ho/__/don dam bden gnyis ma grub spros bral gyi klong nas/__/kun rdzob gang 'dul der snang rdo rje yi slob dpon/__/lhan skyes ye shes mngon du ston byed kyi thugs rje/__/gcig dang du bral 'dus ma byas pa 'di a ho/__/sbyang bya nyon mongs shes sgrib phra rags kyi rang bzhin/__/spyo_da byed snang stong ye shes dpe don du bkral ba'i/__/sbyangs 'bras sku gsum zung 'jug ngo bo yi nyid sku/__/gzhi lam 'bras bur rdzogs pa smin byed 'di a ho/__/kun rdzob mtshan ma rdzas kyi dkyil 'khor la brten cing /__/don dam ye shes dbyings rig nyams snang gi klong du/__/zhugs dang ma zhugs skal bar ldan pa yi slob ma/__/smin par byed 'dod yongs kyi srog shing rang yin no/__/bskyed rim zab mo g.yo thob goms brtan gyi rang bzhin/__/rdzogs rim rlung sems yang dag dbu ma ru 'dzud dang /__/zung 'jug dpe dang don gyi ye shes de bsgom phyir/__/smin par byed pa'i rdo rje'i thol glu 'di blangs so/__/de las byung ba'i tshogs gnyis dge ba yi 'bras bu/__/'khor gsum rnam par mi rtog chos dbyings su bsngos pas/__/nyon mongs shes bya'i sgrib pa ma lus kun bcom ste/__/'gro kun bla med go 'phang thob pa ru shog cig/__//_!