JKW-KABUM-22-ZA-012-058

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 22, sde tshan 12, Text 58, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 22: . Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

58 520-521	ཚོགས་གཉིས་ཟུང་འཇུག་གི་རྡོ་རྗེའི་ཐོལ་གླུ་འདོད་འཇོའི་འཁྲི་ཤིང་། tshogs gnyis zung 'jug gi rdo rje'i thol glu 'dod 'jo'i 'khri shing Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཚོགས་གཉིས་ཟུང་འཇུག་གི་རྡོ་རྗེའི་ཐོལ་གླུ་འདོད་འཇོའི་འཁྲི་ཤིང་། ཚོགས་གཉིས་ཟུང་འཇུག་གི་རྡོ་རྗེའི་ཐོལ་གླུ་འདོད་འཇོའི་འཁྲི་ཤིང་ཞེས་བྱ་བ། ཨ་ཧོ། ཀ་དག་སྲིད་ཞི་དབྱེར་མེད་བདེ་ཆེན་གྱི་རྫས་མཆོག །ཁ་དོག་སྣ་ཚོགས་ཤར་བ་རིགས་ལྔ་ཡི་རོལ་པ། །ག་བུར་འཛིན་མདོག་བདེ་སྐྱོང་སྣོད་མཆོག་ཏུ་བསྐྱིལ་བ། །ང་བདག་འཛིན་པ་བྲལ་བའི་འདོད་ཡོན་རུ་གྱུར་ཏོ། ཨོཾ་ཨཱཿཧཱུྃ། །ཅ་ཅོ་བྲལ་བའི་གུས་པའི་གདུང་དབྱངས་ཀྱིས་འབོད་ཚེ། །ཆ་ལུགས་དུ་མར་རོལ་པའི་ཚོགས་གཏོར་གྱི་མགྲོན་ཀུན། །ཇ་ཆང་ལས་འདས་ཟག་མེད་དམ་རྫས་མཆོག་བཞེས་ཕྱིར། །ཉ་ཟླ་ཆུ་ལ་རོལ་ལྟར་ཐུགས་རྗེ་ཡིས་གཤེགས་ཤིག །ཏ་ཐཱ་ག་ཏའི་སྙིང་པོ་གསང་སྔགས་ཀྱི་མཆོད་པ། །ཐ་དད་ཟུང་དུ་འཇུག་པའི་དགའ་བཞི་ཡི་འདོད་ཡོན། །ད་ལྟར་རྩ་གསུམ་དགྱེས་པའི་འདོད་ཡོན་དུ་འབུལ་ལོ། །ན་མར་ཐུགས་རྗེའི་བྱིན་རླབས་འབད་མེད་དུ་སྩོལ་ཅིག །པ་སངས་ལྟ་བུའི་ཉེས་བྱས་ཚུལ་ཁྲིམས་ཀྱི་བསླབ་པ། །ཕ་རོལ་ཕྱིན་ལམ་ཁྱད་པར་གསང་སྔགས་ཀྱི་དམ་ཚིག །བ་ལང་ལྟ་བུའི་རྨོངས་པའི་གཞན་དབང་གིས་འགལ་བ། །མ་ལུས་ཞལ་ཟས་མཆོད་པའི་སྤྲིན་ཕུང་གིས་བཤགས་སོ། །ཙ་ར་གཟུགས་བརྙན་སྤྲུལ་པ་ཕྱག་རྒྱ་ཡི་གྲོང་དུ། །ཚ་གྲང་འདོད་པས་མནར་བའི་དགྲ་བགེགས་ཀུན་བཀུག་ནས། །ཛ་ཡ་དཔང་དུ་གསོལ་ཏེ་ཆོས་དབྱིངས་སུ་བསྒྲལ་བའི། །ཝ་སྐྱེས་ཤ་ཁྲག་རུས་པས་ཐུགས་དམ་དེ་བསྐང་ངོ་། །ཞྭ་ལྟར་མཐོ་བའི་སྲིད་རྩེའི་བྲོང་ཁྱེར་ནས་བཟུང་སྟེ། །ཟ་ལྟར་རྩུབ་པའི་མནར་སྤྱོད་དམྱལ་བ་དེ་ཡན་ཆོད། །འ་འུར་སྣང་སྲིད་གཞིར་བཞེངས་ཆེན་པོ་ཡི་ངོ་བོ། །ཡ་བྲལ་ཙམ་མིན་མཆོད་པའི་ཕྱག་རྒྱ་རུ་འབུལ་ལོ། །རཱ་ཙ་སྲིན་པོའི་གཟུགས་འཛིན་ལེགས་ཉེས་ཀྱི་རྗེས་གཅོད། །ལ་ཀླུང་ཉུལ་པའི་རྣལ་འབྱོར་ཚོགས་ཁང་དུ་འགྲིམ་པའི། །ཤ་ཟ་ཁྲག་འཐུང་སྲུང་མའི་ཚོགས་རྣམས་ཀུན་མ་ལུས། །ས་བཅུའི་ཀློང་དུ་རོལ་པའི་གཏོར་མ་འདི་བཞེས་ཤིག །ཧ་ལ་ལྟ་བུའི་རྟོག་པ་དབུ་མ་རུ་ཐིམ་པས། །ཨ་ཏི་ལྡོག་མེད་ཡེ་ཤེས་ཚོགས་མཆོད་དེ་རྫོགས་འགྲོ། །ཨ་ལས་སྐྱེས་པའི་བདེ་སྟོང་སྐྱེ་མེད་ཀྱི་ཌཱ་ཀིའི། །འབར་འཛག་བདེ་བས་མྱོས་པའི་དངོས་གྲུབ་ཤིག་ཞུའོ། །ཞེས་ནང་དང་གསང་བའི་ཚོགས་འཁོར་དང་སྦྱར་བའི་རྡོ་རྗེའི་ཐོལ་གླུ་གུ་ཧྱ།། །། ༈

[edit]

tshogs gnyis zung 'jug gi rdo rje'i thol glu 'dod 'jo'i 'khri shing /__ tshogs gnyis zung 'jug gi rdo rje'i thol glu 'dod 'jo'i 'khri shing zhes bya ba/__a ho/__ka dag srid zhi dbyer med bde chen gyi rdzas mchog__/kha dog sna tshogs shar ba rigs lnga yi rol pa/__/ga bur 'dzin mdog bde skyong snod mchog tu bskyil ba/__/nga bdag 'dzin pa bral ba'i 'dod yon ru gyur to/__oM AHhU~M/__/ca co bral ba'i gus pa'i gdung dbyangs kyis 'bod tshe/__/cha lugs du mar rol pa'i tshogs gtor gyi mgron kun/__/ja chang las 'das zag med dam rdzas mchog bzhes phyir/__/nya zla chu la rol ltar thugs rje yis gshegs shig__/ta thA ga ta'i snying po gsang sngags kyi mchod pa/__/tha dad zung du 'jug pa'i dga' bzhi yi 'dod yon/__/da ltar rtsa gsum dgyes pa'i 'dod yon du 'bul lo/__/na mar thugs rje'i byin rlabs 'bad med du stsol cig__/pa sangs lta bu'i nyes byas tshul khrims kyi bslab pa/__/pha rol phyin lam khyad par gsang sngags kyi dam tshig__/ba lang lta bu'i rmongs pa'i gzhan dbang gis 'gal ba/__/ma lus zhal zas mchod pa'i sprin phung gis bshags so/__/tsa ra gzugs brnyan sprul pa phyag rgya yi grong du/__/tsha grang 'dod pas mnar ba'i dgra bgegs kun bkug nas/__/dza ya dpang du gsol te chos dbyings su bsgral ba'i/__/wa skyes sha khrag rus pas thugs dam de bskang ngo /__/zhwa ltar mtho ba'i srid rtse'i brong khyer nas bzung ste/__/za ltar rtsub pa'i mnar spyod dmyal ba de yan chod/__/'a 'ur snang srid gzhir bzhengs chen po yi ngo bo/__/ya bral tsam min mchod pa'i phyag rgya ru 'bul lo/__/rA tsa srin po'i gzugs 'dzin legs nyes kyi rjes gcod/__/la klung nyul pa'i rnal 'byor tshogs khang du 'grim pa'i/__/sha za khrag 'thung srung ma'i tshogs rnams kun ma lus/__/sa bcu'i klong du rol pa'i gtor ma 'di bzhes shig__/ha la lta bu'i rtog pa dbu ma ru thim pas/__/a ti ldog med ye shes tshogs mchod de rdzogs 'gro/__/a las skyes pa'i bde stong skye med kyi DA ki'i/__/'bar 'dzag bde bas myos pa'i dngos grub shig zhu'o/__/zhes nang dang gsang ba'i tshogs 'khor dang sbyar ba'i rdo rje'i thol glu gu h+ya//__//___!