JKW-KABUM-20-WA-001-056

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 56, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

56 102-104	འཇམ་མགོན་ས་སྐྱའི་གདུང་སྲས་རིན་པོ་ཆེ་མཆེད་ཞལ་ཆོས་ཁྲིར་མངའ་གསོལ་བའི་ལེགས་འབུལ་གྱི་ཤིས་བརྗོད། 'jam mgon sa skya'i gdung sras rin po che mched zhal chos khrir mnga' gsol ba'i legs 'bul gyi shis brjod Invocation of Auspiciousness - bkra shis brjod pa   ·   Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་མགོན་ས་སྐྱའི་གདུང་སྲས་རིན་པོ་ཆེ་མཆེད་ཞལ་ཆོས་ཁྲིར་མངའ་གསོལ་བའི་ལེགས་འབུལ་གྱི་ཤིས་བརྗོད། འཇམ་མགོན་ས་སྐྱའི་གདུང་སྲས་རིན་པོ་ཆེ་མཆེད་ཞལ་ཆོས་ཁྲིར་མངའ་གསོལ་བའི་ལེགས་འབུལ་གྱི་ཤིས་བརྗོད་མེ་ཏོག་དཀར་པོའི་དོ་ཤལ་ཅེས་བྱ་བ་བཞུགས་སོ། ། ༈ སྡེབ་སྦྱོར་མཉམ་པའི་བྲྀཏྟ་ཡི་གེ་བཅོ་བརྒྱད་པ་བསྟན་འཛིན་གྱི་བྱེ་བྲག༣༣༡༥༧གྱི་མཚམས་ནས་ཟིན་པ་མེ་ཏོག་གཡོ་བའི་འཁྲི་ཤིང་ཞེས་བྱ་བའི་པྲསྟཱརའོ།།བོདྷྱཱགམྱཱནཱཾབྷབནསརསོདྷརྨཙསྥཱིཏབཱཀྱཻཿགམྦྷཱིརཤཱནྟཾསུབིདབིཔུལཾཙིཏྟབིཀླེཤབྷཱབཾམངྒལྱཾཤཱསྟྲཾསཔརམམྲྀདཤྲཱིཀུམཱརེཎཀུཪྻཱཏ྄། །ཤིས་པར་བརྗོད་པའི་སྒོ་དང་པོ་སྟོན་པ་དང་འཇམ་དཔལ་གྱི་གསང་གསུམ་ལ་བསྔགས་པའོ། །རྨད་བྱུང་ཚོགས་གཉིས་ཆུ་གཏེར་ལས་འོང་མཚན་དཔེའི་སྐུ། །ལུང་དང་རྟོགས་པའི་ཆོས་ཕུང་རྒྱ་མཚོ་སྤྲོ་བའི་གསུང་། །ཟབ་ཞི་སྤྲོས་བྲལ་ཡེ་ཤེས་ཆེན་པོའི་ཐུགས་མངའ་བའི། །སྟོན་མཆོག་འཇམ་དཔལ་གཞོན་ནུར་བཅས་པས་ཤིས་པར་མཛོད། ༡ །བཀྲ་ཤིས་སྲིད་དང་ཞི་བའི་དགེ་མཚན་བདུད་རྩིའི་ཕུང་པོ་དལ་འབབས་པའི། །བཀྲ་ཤིས་མཚན་གྱི་སྟེང་འཐུང་དཀར་པོ་ཆེས་ཆེར་རྒྱས་པའི་མཚར་སྡུག་ཅན། །བཀྲ་ཤིས་སྣང་བ་དམ་པའི་དཔལ་སྟེར་ཟས་གཙང་སྲས་དང་འཇམ་མགོན་གྱི། །བཀྲ་ཤིས་གཟུགས་སྐུའི་ཟླ་བ་གསར་པས་ཕན་བདེའི་ངལ་འཚོ་སྦྱིན་གྱུར་ཅིག ༢ །ངོ་མཚར་ཐོག་མཐའ་བར་གསུམ་དགེ་བའི་ཞི་བསིལ་ཆོས་ཕུང་རྒྱ་མཚོའི་ཚུལ། །ངོ་མཚར་དབྱངས་ཀྱི་ཡན་ལག་དྲུག་ཅུའི་ནོར་བུའི་རྒྱུད་མང་ལ་ཆགས་པས། །ངོ་མཚར་ལྷར་བཅས་འཇིག་རྟེན་གསུམ་ན་ཀུན་དགའི་མཆོག་སྦྱིན་ཉི་མའི་གཉེན། །ངོ་མཚར་རྒྱལ་སྲས་ཐུ་བོར་བཅས་པས་འགྲོ་བའི་དམ་པའི་ལམ་དུ་སྲུངས། ༣ །རྣམ་པར་བཅས་པའི་འཇུག་ལྡང་མ་ལུས་ཞི་བའི་དབྱིངས་སུ་སིམ་གྱུར་པའི། །རྣམ་པ་ཀུན་གྱི་མཆོག་དང་ལྡན་པའི་ཡེ་ཤེས་སྒྱུ་འཕྲུལ་དྲ་བའི་གར། །རྣམ་འདྲེན་རྨད་བྱུང་ཤཱཀྱའི་ཏོག་དང་རྡོ་རྗེ་རྣོན་པོའི་ཐུགས་རྗེ་ཡིས། །རྣམ་ཀུན་ཕུན་སུམ་ཚོགས་པའི་གཞི་གྱུར་དགེ་ལེགས་མེ་ཏོག་ཆར་དུ་བསྙིལ། ༤ །

[edit]

'jam mgon sa skya'i gdung sras rin po che mched zhal chos khrir mnga' gsol ba'i legs 'bul gyi shis brjod/ 'jam mgon sa skya'i gdung sras rin po che mched zhal chos khrir mnga' gsol ba'i legs 'bul gyi shis brjod me tog dkar po'i do shal ces bya ba bzhugs so/_/_!_sdeb sbyor mnyam pa'i br-it+ta yi ge bco brgyad pa bstan 'dzin gyi bye brag33157gyi mtshams nas zin pa me tog g.yo ba'i 'khri shing zhes bya ba'i prastAra'o//bod+h+yAgamyAnAMb+habanasarasod+harmatsas+phItabAkyaiHgam+b+hIrashAn+taMsubidabipulaMtsit+tabikleshab+hAbaMmang+gal+yaMshAs+t+raMsaparamamr-idashrIkumAreNakuR+YAta?/_/shis par brjod pa'i sgo dang po ston pa dang 'jam dpal gyi gsang gsum la bsngags pa'o/_/rmad byung tshogs gnyis chu gter las 'ong mtshan dpe'i sku/_/lung dang rtogs pa'i chos phung rgya mtsho spro ba'i gsung /_/zab zhi spros bral ye shes chen po'i thugs mnga' ba'i/_/ston mchog 'jam dpal gzhon nur bcas pas shis par mdzod/_1_/bkra shis srid dang zhi ba'i dge mtshan bdud rtsi'i phung po dal 'babs pa'i/_/bkra shis mtshan gyi steng 'thung dkar po ches cher rgyas pa'i mtshar sdug can/_/bkra shis snang ba dam pa'i dpal ster zas gtsang sras dang 'jam mgon gyi/_/bkra shis gzugs sku'i zla ba gsar pas phan bde'i ngal 'tsho sbyin gyur cig_2_/ngo mtshar thog mtha' bar gsum dge ba'i zhi bsil chos phung rgya mtsho'i tshul/_/ngo mtshar dbyangs kyi yan lag drug cu'i nor bu'i rgyud mang la chags pas/_/ngo mtshar lhar bcas 'jig rten gsum na kun dga'i mchog sbyin nyi ma'i gnyen/_/ngo mtshar rgyal sras thu bor bcas pas 'gro ba'i dam pa'i lam du srungs/_3_/rnam par bcas pa'i 'jug ldang ma lus zhi ba'i dbyings su sim gyur pa'i/_/rnam pa kun gyi mchog dang ldan pa'i ye shes sgyu 'phrul dra ba'i gar/_/rnam 'dren rmad byung shAkya'i tog dang rdo rje rnon po'i thugs rje yis/_/rnam kun phun sum tshogs pa'i gzhi gyur dge legs me tog char du bsnyil/_4_/