JKW-KABUM-23-'A-001-030

🚧 This website is under continued development. We appreciate your patience!

Previous Text Back to Volume PageNext Text

གླུ་སྲས་བཅས་རྒྱལ་ཀུན་འདུས་ཞལ་མ།

Wylie title	glu sras bcas rgyal kun 'dus zhal ma
Location	mkhyen brtse'i bka' 'bum Volume 23, sde tshan 1, Text 30, Pages 68-69 (Folios 34b1 to 35a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. glu sras bcas rgyal kun 'dus zhal ma. In 'jam dbyangs mkhyen brtse'i dbang po'i bka' 'bum, Vol. 23: 68-69. Khams sde dge rdzong sar dgon: Rdzong sar blo gros phun tshogs, 2020.
Genre
Colophon	།ཞེས་པའང་བཀའ་ཕེབས་མི་ལྡོག་ཙམ་དུ་བྱ་བྲལ་བ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྨྲས་པ་སུ་ཤྲེ་ཡོ་བྷ་བ་ཏུ།
	zhes pa'ang bka' phebs mi ldog tsam du bya bral ba mtsho skyes bla ma dgyes pa'i 'bangs mkhyen brtse'i dbang pos smras pa su shre yo b+ha ba tu

Tibetan Text

Wylie

[edit]

ཨ་ཧོ། སྲས་བཅས་རྒྱལ་ཀུན་འདུས་ཞལ་དཔལ་ལྡན་གྱི་བླ་མ། །ཨོ་རྒྱན་མཚོ་སྐྱེས་རྡོ་རྗེའི་ཡེ་ཤེས་ཀྱི་གཟིགས་པས། །མངོན་སུམ་བྱིན་གྱིས་བརླབས་པའི་དགེ་མཚན་དང་འགྲོགས་ནས། །དོན་གཉིས་ལྷུན་གྱིས་གྲུབ་པའི་དགའ་སྟོན་ཞིག་སྩོལ་མཛོད། །རྙེད་དཀའ་དོན་དང་ལྡན་པའི་དལ་འབྱོར་གྱི་ལུས་རྟེན། །དོ་ནུབ་ཙམ་ཡང་མི་འཆིའི་གདེངས་ཚད་ནི་མེད་པས། །ལས་འབྲས་སྤང་བླང་ཚུལ་བཞིན་སྤྱོད་པ་དང་བཅས་ཏེ། །ངེས་འབྱུང་གཏིང་ནས་བསྐྱེད་པ་ཉམས་ལེན་གྱི་གཞི་མ། །རང་ཉིད་ཇི་ལྟར་འཁོར་བར་སྡུག་བསྔལ་གྱིས་མནར་བཞིན། །མར་གྱུར་འགྲོ་ཀུན་དེ་ལས་མ་འདས་པར་མཐོང་ནས། །གཞན་དོན་སངས་རྒྱས་བསྒྲུབ་པའི་བསམ་སྦྱོར་གྱི་གཡར་དམ། །བཅོས་མིན་སྙིང་ནས་བཟུང་བ་ཐེག་ཆེན་གྱི་སྙིང་པོ། །གང་ཟག་བདག་ཏུ་ཞེན་པ་ཀུན་བཏགས་ཀྱི་མིག་འཕྲུལ། །གཟུང་བ་ཡུལ་གྱི་ཆོས་ཀུན་རྨི་ལམ་གྱི་གཟུགས་བརྙན། །འཛིན་པའི་སེམས་ཀྱང་སྐྱེ་འགགས་གནས་གསུམ་ལས་འདས་པའི། །སྤྲོས་བྲལ་གཉུག་མར་མཐོང་བ་ལྟ་བ་ཡི་ཡང་རྩེ། །གཤིས་ལུགས་རིག་སྟོང་རྗེན་པའི་ཡེ་ཤེས་ཀྱི་དབྱིངས་སུ། །བློ་འདས་བྱར་མེད་འཇོག་པའི་ཉམས་ལེན་ལ་བརྩོན་པས། །དུས་གསུམ་རྟོག་པ་ཤར་གྲོལ་དུས་མཉམ་དུ་ཐིམ་པའི། །ཤེས་རིག་ངང་ཚུལ་བཟུང་བ་སྒོམ་པ་ཡི་མཐར་ཐུག །མཉམ་རྗེས་ཀུན་ཏུ་དྲན་སྣང་ཡེ་ཤེས་ཀྱི་རོལ་མོ། །སྣང་སྟོང་སྒྱུ་མ་ལྟ་བུའི་ལམ་ཁྱེར་དང་འགྲོགས་ནས། །ཟག་མེད་དགེ་ཚོགས་རྒྱ་མཚོ་སྡུད་པ་ལ་འབད་པ། །རྒྱལ་སྲས་བྱང་ཆུབ་སེམས་དཔའི་སྤྱོད་པ་ཡི་མདོ་ཆིངས། །དེ་ལྟར་ཉམས་སུ་གཞེས་པའི་སྐལ་བཟང་གི་སྣང་བས། །སྒྲིབ་གཉིས་མུན་པ་མ་ལུས་ཆོས་དབྱིངས་སུ་བཅིལ་ཏེ། །གནས་ལུགས་མངོན་སུམ་གཟིགས་པའི་ཡེ་ཤེས་ཀྱི་འཇུག་པས། །སྐུ་བཞིའི་འབྲས་བུ་འགྲུབ་པའི་སྨོན་ལམ་ཞིག་ཞུའོ། །ཞེས་པའང་བཀའ་ཕེབས་མི་ལྡོག་ཙམ་དུ་བྱ་བྲལ་བ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྨྲས་པ་སུ་ཤྲེ་ཡོ་བྷ་བ་ཏུ། ། ༈

[edit]

glu sras bcas rgyal kun 'dus zhal ma/__ a ho/__sras bcas rgyal kun 'dus zhal dpal ldan gyi bla ma/__/o rgyan mtsho skyes rdo rje'i ye shes kyi gzigs pas/__/mngon sum byin gyis brlabs pa'i dge mtshan dang 'grogs nas/__/don gnyis lhun gyis grub pa'i dga' ston zhig stsol mdzod/__/rnyed dka' don dang ldan pa'i dal 'byor gyi lus rten/__/do nub tsam yang mi 'chi'i gdengs tshad ni med pas/__/las 'bras spang blang tshul bzhin spyod pa dang bcas te/_/nges 'byung gting nas bskyed pa nyams len gyi gzhi ma/__/rang nyid ji ltar 'khor bar sdug bsngal gyis mnar bzhin/__/mar gyur 'gro kun de las ma 'das par mthong nas/_/gzhan don sangs rgyas bsgrub pa'i bsam sbyor gyi g.yar dam/__/bcos min snying nas bzung ba theg chen gyi snying po/__/gang zag bdag tu zhen pa kun btags kyi mig 'phrul/__/gzung ba yul gyi chos kun rmi lam gyi gzugs brnyan/__/'dzin pa'i sems kyang skye 'gags gnas gsum las 'das pa'i/__/spros bral gnyug mar mthong ba lta ba yi yang rtse/__/gshis lugs rig stong rjen pa'i ye shes kyi dbyings su/__/blo 'das byar med 'jog pa'i nyams len la brtson pas/__/dus gsum rtog pa shar grol dus mnyam du thim pa'i/__/shes rig ngang tshul bzung ba sgom pa yi mthar thug__/mnyam rjes kun tu dran snang ye shes kyi rol mo/__/snang stong sgyu ma lta bu'i lam khyer dang 'grogs nas/__/zag med dge tshogs rgya mtsho sdud pa la 'bad pa/__/rgyal sras byang chub sems dpa'i spyod pa yi mdo chings/__/de ltar nyams su gzhes pa'i skal bzang gi snang bas/__/sgrib gnyis mun pa ma lus chos dbyings su bcil te/__/gnas lugs mngon sum gzigs pa'i ye shes kyi 'jug pas/__/sku bzhi'i 'bras bu 'grub pa'i smon lam zhig zhu'o/__/zhes pa'ang bka' phebs mi ldog tsam du bya bral ba mtsho skyes bla ma dgyes pa'i 'bangs mkhyen brtse'i dbang pos smras pa su shre yo b+ha ba tu/___/__!_