JKW-KABUM-23-'A-001-031

Previous Text Back to Volume PageNext Text

འགྱུར་མེད་བསྟན་འཕེལ་ལ་གནང་བའི་གླུ།

Wylie title	'gyur med bstan 'phel la gnang ba'i glu
Location	mkhyen brtse'i bka' 'bum Volume 23, sde tshan 1, Text 31, Pages 69-70 (Folios 35a3 to 35b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'gyur med bstan 'phel la gnang ba'i glu. In 'jam dbyangs mkhyen brtse'i dbang po'i bka' 'bum, Vol. 23: 69-70. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu
Colophon	།ཅེས་དཔལ་ཟེ་ཆེན་པའི་རི་ཁྲོད་དུ་སྤོང་བ་པ་བསམ་གཏན་གྱི་འཁོར་ལོར་རྟག་པར་སྤྱོད་པའི་འཁྲུལ་ཞིག་རྣལ་འབྱོར་གྱི་དབང་ཕྱུག་བླ་མ་བསྟན་འཕེལ་ཞེས་བྱ་བ་ལ་སྩལ་བའོ།
	ces dpal ze chen pa'i ri khrod du spong ba pa bsam gtan gyi 'khor lor rtag par spyod pa'i 'khrul zhig rnal 'byor gyi dbang phyug bla ma bstan 'phel zhes bya ba la stsal ba'o

Tibetan Text

Wylie

[edit]

ཨ་ཧོ། ཀ་དག་བསམ་བརྗོད་བྲལ་བ་འོད་གསལ་གྱི་གཤིས་ལུགས། །ལྷུན་གྲུབ་སྣང་བ་རྣམ་བཞིའི་རིག་གདངས་སུ་སྨིན་པས། །ཟུང་འཇུག་འཇའ་ལུས་རྡོ་རྗེའི་གོ་འཕང་ལ་རོལ་པའི། །ཁྱབ་བདག་མཚོ་སྐྱེས་བླ་མས་བྱིན་གྱིས་རང་རློབས་ཤིག །འགྱུར༷་མེད༷་གཉུག་མའི་དེ་ཉིད་མངོན་སུམ་དུ་གཟིགས་ནས། །ངེས་དོན་བཤད་སྒྲུབ་བསྟན༷་པ་གོང་འཕེ༷ལ་དུ་སྐྱོང་བའི། །བསམ་གཏན་གྲུབ་པའི་དྲང་སྲོང་རྒན་པོ་ཡི་འཕྲིན་ཡིག །སྙིང་ལ་བདུད་རྩིར་བྱེད་པའི་རྟེན་འབྱུང་དུ་ཕེབས་སོ། །དེ་ཚེ་རིང་ནས་དྭང་བའི་ཡིད་ཤེས་ཀྱི་ཨུཏྤལ། །སླར་ཡང་སྤྲོ་དགའི་འདབ་བརྒྱ་ཉིན་བཞིན་དུ་དགོད་པས། །གང་ཁྱོད་ཞབས་བརྟན་ཐུགས་བཞེད་ཆོས་བཞིན་དུ་འགྲུབ་པའི། །ཤིས་བརྗོད་བུང་བའི་གླུ་དབྱངས་དར་དིར་དུ་བསྒྲགས་ཡོད། །འདི་ན་འདུ་ཤེས་གསུམ་གྱི་ཁོལ་པོ་རུ་གྱུར་ཡང་། །ཡོངས་འཛིན་བརྒྱ་ཕྲག་ཐལ་བའི་བྱིན་རླབས་དང་འགྲོགས་ཏེ། །འཇིག་རྟེན་མཐུན་འཇུག་བྱ་བ་གཏད་མེད་དུ་བཏང་བས། །བསམ་གཏན་ཁོང་བུའི་མལ་དུ་སྐྱིད་པོ་རང་མཆིས་སོ། །སླད་མའི་ཆར་ཡང་ཅུང་ཟད་གནས་དུས་ཀྱིས་བསྐལ་བས། །རེ་ཞིག་དངོས་ཞལ་མཇལ་བའི་ངང་ཚུལ་ལས་རིང་ཡང་། །ཅིར་སྣང་བླ་མར་ཤར་བའི་ངེས་གསང་གི་བདེན་པས། །འབྲལ་མེད་བྱང་ཆུབ་བར་དུ་དགེ་ལེགས་སུ་གྱུར་ཅིག །ཅེས་དཔལ་ཟེ་ཆེན་པའི་རི་ཁྲོད་དུ་སྤོང་བ་པ་བསམ་གཏན་གྱི་འཁོར་ལོར་རྟག་པར་སྤྱོད་པའི་འཁྲུལ་ཞིག་རྣལ་འབྱོར་གྱི་དབང་ཕྱུག་བླ་མ་བསྟན་འཕེལ་ཞེས་བྱ་བ་ལ་སྩལ་བའོ། ། ༈

[edit]

'gyur med bstan 'phel la gnang ba'i glu/__ a ho/__ka dag bsam brjod bral ba 'od gsal gyi gshis lugs/__/lhun grub snang ba rnam bzhi'i rig gdangs su smin pas/__/zung 'jug 'ja' lus rdo rje'i go 'phang la rol pa'i/__/khyab bdag mtsho skyes bla mas byin gyis rang rlobs shig__/'gyuraX medaX gnyug ma'i de nyid mngon sum du gzigs nas/__/nges don bshad sgrub bstanaX pa gong 'pheXl du skyong ba'i/__/bsam gtan grub pa'i drang srong rgan po yi 'phrin yig__/snying la bdud rtsir byed pa'i rten 'byung du phebs so/__/de tshe ring nas dwang ba'i yid shes kyi ut+pal/__/slar yang spro dga'i 'dab brgya nyin bzhin du dgod pas/__/gang khyod zhabs brtan thugs bzhed chos bzhin du 'grub pa'i/__/shis brjod bung ba'i glu dbyangs dar dir du bsgrags yod/__/'di na 'du shes gsum gyi khol po ru gyur yang /_/yongs 'dzin brgya phrag thal ba'i byin rlabs dang 'grogs te/__/'jig rten mthun 'jug bya ba gtad med du btang bas/__/bsam gtan khong bu'i mal du skyid po rang mchis so/__/slad ma'i char yang cung zad gnas dus kyis bskal bas/__/re zhig dngos zhal mjal ba'i ngang tshul las ring yang /__/cir snang bla mar shar ba'i nges gsang gi bden pas/__/'bral med byang chub bar du dge legs su gyur cig__/ces dpal ze chen pa'i ri khrod du spong ba pa bsam gtan gyi 'khor lor rtag par spyod pa'i 'khrul zhig rnal 'byor gyi dbang phyug bla ma bstan 'phel zhes bya ba la stsal ba'o/___/__!__