JKW-KABUM-21-ZHA-003-001

🚧 This website is under continued development. We appreciate your patience!

First text in section. Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 3, Text 1, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

1 309-319	སྒྲོལ་མ་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བྱ་ཚུལ་ཕན་བདེའི་ཨུཏྤལ། sgrol ma maN+Dal bzhi pa'i cho ga shin tu bsdus pa bya tshul phan bde'i ut+pala Ritual and Liturgical Texts - cho ga phyag len	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

མཎྜལ་བཞི་ཆོག་ཕན་བདེའི་ཨུཏྤལ།

༄༅། །སྒྲོལ་མ་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བྱ་ཚུལ་ཕན་བདེའི་ཨུཏྤལ་བཞུགས་སོ།། །།

ན་མོ་གུ་རུ་བྷྱཿ གང་མཚན་དྲན་པའི་མོད་ཉིད་ནས། །འཇིགས་པ་ཀུན་ལས་དབུགས་དབྱུང་བའི། །མྱུར་མ་དཔའ་མོར་གུས་བཏུད་ནས། །དེ་མཉེས་བྱེད་པའི་ཆོ་ག་བཤད། །འདི་ལ་གསུམ། སྦྱོར་བ། དངོས་གཞི། རྗེས་སོ། །དེ་ལ་དང་པོ་སྦྱོར་བ་ནི། རྣལ་འབྱོར་པ་གང་ཞིག་རྗེ་བཙུན་མའི་རྗེས་སུ་གནང་བ་ཐོབ་ཅིང་། དམ་ཚིག་དང་སྡོམ་པ་ཡང་དག་པ་དང་ལྡན་པས་མཎྜལ་གྱི་ཆོ་ག་བགྱིད་པར་སྤྲོ་ན། གནས་གཙང་ཤིང་ཡིད་དུ་འོང་བར། ཉ་སྟོང་བརྒྱད་ལ་སོགས་པའི་དུས་བཟང་ངམ། སྐབས་སུ་བབས་པའི་ཚེ། ཡོ་བྱད་ཉེ་བར་བསགས་པ་ནི། འཕགས་མའི་སྐུ་རབ་གནས་དང་ལྡན་པ་བྲིས་འབུར་གང་རིག་གི་མདུན། བ་བྱུང་ལྔ་དང་དྲི་བཟང་པོས་བྱུག་པའི་མཎྜལ་ལ། གུར་གུམ་གྱིས་ཆུས་བརླན་པའི་འབྲུ་ཚོམ་བཞི་བཀོད་པ་དང་། སྟེགས་ཀྱི་ཁར་དཀར་གཏོར་བཞི། ཆུ་གཉིས་སྔོན་འགྲོའི་ཉེར་སྤྱོད་ཚན་བཞི་བཅས་བཀོད་པས་མཛེས་པར་བཤམས་པ་སོགས་འོག་ནས་འབྱུང་བའི་ཡོ་བྱད་རྣམས་འདུ་བྱའོ། །གཉིས་པ་དངོས་གཞི་ལ་དོན་ཚན་གསུམ་ལས། དང་པོ་ཚོགས་ཞིང་སྤྱན་དྲངས་ཏེ་ཡན་ལག་བདུན་པ་དང་མཎྜལ་བཅས་པས་མཆོད་དེ་གསོལ་བ་གདབས་པ་ལ། ཐོག་མར་སྐྱབས་སེམས་སྔོན་དུ་འགྲོ་བས། ཐམས་ཅད་དུ་ཡང་ས་གཞི་དག །གསེགས་མ་ལ་སོགས་མེད་པ་དང་། །ལག་མཐིལ་ལྟར་མཉམ་བཻཌཱུཪྻའི། །རང་བཞིན་འཇམ་པོར་གནས་གྱུར་ཅིག །ཕུན་སུམ་ཚོགས་པའི་ཞིང་དེ་དག་ཏུ་ལྷ་དང་མི་ཡི་ཡོ་བྱད་དམ་པ་གཟུགས་དང་སྒྲ་དང་དྲི་དང་རོ་དང་རེག་བྱ་ལ་སོགས་པ་རྣམ་པར་དག་ཅིང་ཡིད་དུ་འོང་བ་མཆོད་པའི་སྤྲིན་རྒྱ་མཚོ་བསམ་གྱིས་མི་ཁྱབ་པར་གྱུར། ན་མསྶརྦ་ཏ་ཐཱ་སོགས་ལན་གསུམ་དང་། སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། རང་གི་སྙིང་ཁ་ནས་འོད་ཟེར་འཕྲོས་པས་རྗེ་བཙུན་སེང་ལྡེང་ནགས་ཀྱི་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཞེས་པས་སྤྱན་དྲངས། པདྨཱ་ཀ་མ་ལ་ཡེ་སྟྭཾ། ཞེས་པས་གདན་དབུལ། དེ་ནས་ཁྲུས་ཁང་བསྐྱེད་པ། ཁྲུས་གསོལ། གོས་ཟུངས་དང་། རྒྱན་འབུལ་བ་རྣམས་གཞན་ནས་འབྱུང་བ་ལྟར་གྲུབ་རྗེས། སྟན་ལས་ལངས་ཏེ་ཕྱག་འཚལ་བཞིན་པར། ཇི་སྙེད་སུ་དག་སོགས་ཡན་ལག་བདུན་པ་རྒྱས་བསྡུས་གང་རིགས་དང་། མཎྜལ་ཅི་ནུས་འབུལ་མཐར། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །ཞེས་སོགས་ལན་གསུམ་གྱིས་སྐྱབས་སེམས་ནན་ཏན་དུ་བྱ། རྟེན་ལ་མེ་ཏོག་གཏོར་ཏེ། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །ནས། ཡར་ངོའི་ཟླ་ལྟར་འཕེལ་ཤིང་རྒྱས་པར་མཛོད། །ཅེས་པའི་བར་གྱིས་འདོད་པའི་དོན་ལ་གསོལ་བ་གདབ་པར་བྱའོ། །གཉིས་པ་རང་ཉིད་སྒྲོལ་མར་བསྐྱེད་ནས་ཐུགས་བརྒྱུད་བསྐུལ་བའི་བཟླས་པ་བྱ་བ་ལ། ཨོཾ་སྭ་བྷཱ་བ་ཤུདྡྷཱ་སརྦ་དྷརྨ་སྭ་བྷཱ་བ་ཤུདྡྷོ་྅ཧཾ། ཆོས་ཀུན་གཟོད་ནས་འོད་གསལ་སྟོང་པའི་ངང་། །པྃ་ལས་པདྨ་ཨ་ལས་ཟླ་བའི་སྟེང་། །ཏཱྃ་ལས་ཨུཏྤལ་ཏཱྃ་གྱིས་མཚན་པ་ལས། །འོད་འཕྲོས་དོན་གཉིས་བྱས་ནས་ཚུར་འདུས་པས། །རང་ཉིད་རྗེ་བཙུན་སྒྲོལ་མ་མར་གད་མདོག །ཞི་མཛུམ་ཞལ་ཅན་བརྒྱད་གཉིས་ལང་ཚོས་སྒེག །ཕྱག་གཡས་མཆོག་སྦྱིན་ཕྱག་རྒྱའི་གན་མཛོད་ནས། །སྒྲུབ་པ་པོ་ལ་དངོས་གྲུབ་མཆོག་སྟེར་ཞིང་། །གཡོན་པས་དཀོན་མཆོག་གསུམ་མཚོན་སྐྱབས་སྦྱིན་རྒྱས། །འཇིགས་པས་ཉེན་པའི་འགྲོ་ལ་དབུགས་འབྱིན་སྦྱིན། །གཉིས་ཀས་ཨུཏྤལ་སྔོན་པོའི་སྡོང་བུ་ནི། །མེ་ཏོག་སྙན་གྱི་ཐད་སོར་བྱེ་བ་འཛིན། །སྣ་ཚོགས་དར་དང་རིན་ཆེན་རྒྱན་གྱིས་མཛེས། །གཡས་བརྐྱངས་གཡོན་བསྐུམ་སྟབས་ཀྱིས་རོལ་པ་ཡིས། །གནས་གསུམ་འབྲུ་གསུམ་འོད་ཀྱིས་ཡེ་ཤེས་ལྷ། །སྤྱན་དྲངས་རང་དང་གཉིས་སུ་མེད་པར་གྱུར། །སླར་ཡང་ཐུགས་སྲོག་ལས་བྱུང་འཛུམ་ཟེར་གྱིས། །དབང་ལྷ་སྤྱན་དྲངས་བདུད་རྩིས་དབང་བསྐུར་ཞིང་། །སྐུ་གང་སྒྲིབ་དག་སྤྱི་བོར་བརྟན་པ་ལས། །རིགས་བདག་འོད་སྣང་མཐའ་ཡས་དབུར་རྒྱན་གྱུར། །ཞེས་གསལ་བཏབ། ཨོཾ་ཨཱཪྻ་ཏཱ་རེ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། ལྷ་དང་ལྷ་མིན་ཅོད་པཎ་གྱིས། སོགས་ཀྱིས་བསྟོད། དེ་ནས་སྣང་གྲགས་རིག་པའི་ཆོས་ཀུན་རྗེ་བཙུན་མའི་གསང་བ་གསུམ་གྱི་རོལ་པར་བལྟ་བའི་ལམ་ཁྱེར་ལས་མ་གཡོས་བཞིན་དུ། ཨོཾ་ཏཱ་རེ་ཏུཏྟཱ་ཏ་རེ་ཏུ་རེ་སྭཱ་ཧཱ། ཞེས་ཅི་ནུས་བཟླ། ཡིག་བརྒྱས་ལྷག་ཆད་ཁ་བསྐངས་སྟེ་བྱིན་རླབས་བརྟན་པར་བྱའོ། །གསུམ་པ་མདུན་དུ་རྗེ་བཙུན་མ་གསལ་བཏབ་ནས་ཡན་ལག་བདུན་པ་མཎྜལ་དང་བཅས་པས་མཆོད་ཅིང་འདོད་དོན་གསོལ་བ་གདབ་པ་ལ་སྡེ་ཚན་གསུམ་ལས། དང་པོ་ནི། མདུན་གྱི་རྟེན་དེ་ཉིད་རྗེ་བཙུན་བཅོམ་ལྡན་འདས་མ་སེང་ལྡེང་ནགས་ཀྱི་སྒྲོལ་མ་ལ་འཁོར་སྒྲོལ་མ་ཉེར་གཅིག་གིས་བསྐོར་བ་དངོས་སུ་མོས་པས། ལྷ་དང་ལྷ་མིན་ཅོད་པན་གྱིས། །སོགས་ལན་བདུན་བརྗོད་ལ་ཕྱག་དེ་སྙེད་དུ་འཚལ། དེ་ནས་མེ་ཏོག་གཏོར་ཏེ་སྟན་ལ་འཁོད་བཞིན་བར། རབ་འབྱམས་རྒྱ་མཚོའི་ཞིང་ཁམས་དཔག་མེད་ན། །མཆོད་པའི་ཁྱད་པར་ཇི་སྙེད་ཡོད་པ་དང་། །དེ་སྙེད་བདག་གིས་གུས་པས་བཤམས་པ་འདི། །རྗེ་བཙུན་འཕགས་མ་འཁོར་དང་བཅས་ལ་འབུལ། །ཨོཾ་ཨཱཪྻཱ་ཏཱ་རེ་ས་པ་རི་ཝཱ་ར་ཨརྒྷཾ་པྲཱ་ཏིཙྪ་པཱུ་ཛ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨཱཿཧཱུྃ། དེ་བཞིན་དུ། པདྱཾ། པུཥྤེ དྷཱུ་པེ། ཨཱ་ལོ་ཀེ །གྷནྡྷེ། ནཻ་བིདྱཱ། ཤབྡ་རྣམས་སྦྱར་བས་ཉེར་སྤྱོད་དང་། ཕྱོགས་དུས་ཀུན་ན་གཟུགས་སྒྲ་དྲི་རོ་དང་། །རེག་བྱའི་ཁྱད་པར་དབང་པོ་ཚིམ་བྱེད་པ། །མོས་བློས་དཀྱིལ་འཁོར་ལྷ་ལ་བདག་འབུལ་གྱིས། །བཞེས་ཤིག་བླ་མེད་གྲུབ་མཆོག་སྩལ་དུ་གསོལ། །ཨོཾ་ཨཱརྱ་ཏཱ་རེ་ས་པ་རི་ཝཱ་ར་རཱུ་པ་ཀཱ་མ་གུ་ཎ་པཱུ་ཛི་ཏེ་ཨཱཿཧཱུྃ། དེ་བཞིན་དུ། ཤབྡ། གྷནྡེརཱ་ས་སྤཪྴེ་རྣམས་སྦྱར་བས་འདོད་ཡོན། འཁོར་ལོས་བསྒྱུར་བ་མཆོག་གི་བསོད་ནམས་ལས། །ལེགས་པར་བྱུང་བའི་རིན་ཆེན་རྣམ་པ་བདུན། །རྗེ་བཙུན་འཕགས་མ་འཁོར་དང་བཅས་ལ་འབུལ། །བཞེས་ནས་དོན་གཉིས་དངོས་གྲུབ་སྩལ་དུ་གསོལ། །ཨོཾ་ཨཱརྱ་ཏཱ་རེ་ས་པ་རི་ཝཱ་ར་མ་ཧཱ་སཔྟ་རཏྣ་པཱུ་ཛི་ཏེ་ཨཱཿཧཱུྃ། ཞེས་པས་རྒྱལ་སྲིད་བདུན་རྣམས་འབུལ། རྗེ་བཙུན་འཕགས་མ་སྒྲོལ་མ་དང་། སོགས་ནས། འདྲེན་པའི་དཔལ་དུ་བདག་གྱུར་ཅིག །ཅེས་ཡན་ལག་བདུན་པ་དང་མཎྜལ་རྒྱས་བ སྡུས་ཅི་རིགས་དབུལ། སངས་རྒྱས་ཆོས་དང་ཚོགས་སོགས་སྐྱབས་སེམས་ལན་གསུམ་གྱི་རྗེས། རང་དང་དམིགས་ཡུལ་རྣམས་རྗེ་བཙུན་སྒྲོལ་མའི་ཞབས་གཡས་བརྐྱངས་པའི་འོག་ཏུ་ཚུད་ཅིང་། གདུང་ཤུགས་དྲག་པོས་གསོལ་བ་གདབ་པས་ཐུགས་རྗེ་ལྷག་པར་གསོལ་བར་བསམས་ལ། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། སོགས་ཕྱག་འཚལ་ཉེར་གཅིག་ཚར་གཉིས་དང་། ལྷ་མོ་ལ་གུས་ནས། སོ་སོར་འཇོམས་འགྱུར་བར་ཚར་གཅིག །རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །སོགས་ནས། ཆོས་དང་བཀྲ་ཤིས་འཕེལ་བར་མཛད་དུ་གསོལ། །ལན་གསུམ་གྱིས་འདོད་དོན་གསོལ། གཉིས་པ་ལ་ཡང་། བསྟོད་པ་ཕྱག་འཚལ་ཉེར་གཅིག་ཚར་གསུམ་དང་། གསུམ་པ་ལ་བདུན་སྦར་བའི་དམིགས་གསལ་མ་གཏོགས་གཞན་སྔ་མ་ལྟར་བྱའོ། །གསུམ་པ་རྗེས་ཀྱི་བྱ་བ་ལ་གཏོར་མ་གཏོང་བ་ནི། གཏོར་མ་ཆ་བཞིའི་དང་པོ་ཆབ་ཀྱིས་བྲན་ལ། ཨ་མྲྀ་ཏས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ༔ ལན་གསུམ། རྗེ་བཙུན་སྒྲོལ་མའི་ལྷ་ཚོགས་འཁོར་དང་བཅས་པ་རྣམས་ཀྱི་ལྗགས་འོད་ཟེར་གྱི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་གྱུར་བར་བསམས་ལ། ཨོཾ་ཨཱརྱ་ཏཱ་རེ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁ་ཧི་ཁཱ་ཧི། །ལན་གསུམ་མམ་བདུན་དང་། ཨརྒྷཾ་སོགས། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །རྗེ་བཙུན་སྒྲོལ་མ་འཁོར་དང་བཅས་ལ་འབུལ། །བཞེས་ནས་རྣལ་འབྱོར་བདག་ཅག་འཁོར་བཅས་ལ། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །གཏོར་མ་གཉིས་པ་སོགས་འོག་མ་རྣམས་ལའང་བྱིན་རླབས་སྔར་ལྟར་དང་། དམིགས་གསལ། ཨརྒྷཾ་སོགས། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །ཆོས་སྐྱོང་སྲུང་མ་འཁོར་དང་བཅས་ལ་འབུལ། །བཞེས་ནས་རྣམས་བཞིའི་ཕྲིན་ལས་མ་ལུས་ཀུན། །ཐོགས་མེད་མྱུར་བ་ཉིད་དུ་འགྲུབ་པར་མཛོད། །གསུམ་པར། སཾ་བྷ་ར་བདུན་ནམ། གསུམ་དང་། མཚན་བཞི། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །སྙིང་རྗེའི་ཡུལ་གྱུར་རིགས་དྲུག་འགྲོ་ཀུན་ལ། །བསྔོའོ་སོ་སོའི་སྡུག་བསྔལ་ཀུན་བྲལ་ནས། །ཕན་དང་བདེ་བའི་དཔལ་གྱིས་འཚོ་བར་ཤོག །བཞི་པར་སཾ་བྷ་ར་དང་། མཚན་བཞི། གཏོར་མ་འདོད་ཡོན་བདུད་རྩིའི་རྒྱ་མཚོ་འདི། །ཡུལ་ལྷ་གཞི་བདག་གཉུག་གནས་ཚོགས་ལ་འབུལ། །བཞེས་ནས་རུ་ང་ཕྲག་དོག་ཀུན་སྤངས་ཏེ། །ཕན་པའི་སྟོང་གྲོགས་རྒྱ་ཆེན་སྒྲུབས་མཛད་གསོལ། །ཞེས་པས་སོ་སོར་འབུལ། གཏོང་རག་གི་མཆོད་བསྟོད་རྒྱས་བསྡུས་ཅི་རིགས་དང་། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །སོགས་ཀྱིས་དངོས་གྲུབ་གསོལ། མ་འབྱོར་པ་དང་ཉམས་པ་དང་། །སོགས་ཀྱི་མཐར་ཡི་གེ་བརྒྱ་པ་ལན་གསུམ་གྱིས་ནོངས་པ་བཤགས། རྟེན་ཡོད་ན། འདིར་ནི་གཟུགས་དང་ལྷན་ཅིག་ཏུ། སོགས་ནས། སུ་པྲ་ཏིཥྛ་བཛྲཱ་ཡེ་སྭཱ་ཧཱ། ཞེས་པས་བརྟན་བཞུགས་དང་། མེད་ན། ཨོཾ་ཁྱེད་ཀྱིས་སེམས་ཅན་སོགས་ནས། བཛྲ་མུཿས་ཡེ་ཤེས་པ་གཤེགས། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་ཤློ་ཀ་གཉིས་ཀྱིས་དགེ་བ་བསྔོ་ཞིང་། རྒྱལ་ཡུམ་སྒྲོལ་མ་ཁྱེད་སྐུ་ཅི་འདྲ་དང་། སོགས་ཀྱི་སྨོན་ལམ་གདབ། ཕུན་སུམ་ཚོགས་པ་མངའ་བ་སོགས་དང་། བདག་གིས་ཚེ་རབ་ཀུན་ཏུ་བསྒྲུབས་པའི་ལྷ། །དུས་གསུམ་སངས་རྒྱས་ཀུན་གྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་མྱུར་ཞིང་དཔའ། །ཡུམ་གྱུར་ཨུཏྤལ་བསྣམས་པའི་བཀྲ་ཤིས་ཤོག །ཅེས་སོགས་ཤིས་པ་བརྗོད་པས་མཐའ་བརྒྱན་པར་བྱའོ། །དེ་ལྟར་སྤྱིར་རྗེ་བཙུན་སྒྲོལ་མ་ནི་རྒྱལ་བ་ཀུན་གྱི་ཕྲིན་ལས་ཀྱི་བདག་ཉིད་དུ་གྲུབ་པའི་ཕྱིར་བྱིན་རླབས་མྱུར་ལ། ཁྱད་པར་མཎྜལ་ལ་བརྟེན་ནས་མཆོད་པའི་ཚུལ་གྱི་ཆོ་ག་འདི་ནི་གཞུང་རྩ་བར་དངོས་སུ་བསྟན་པར་མ་ཟད། འཕགས་བོད་ཀྱི་མཁས་གྲུབ་དུ་མས་མགྲིན་གཅིག་ཏུ་བསྔགས་པའི་ཡུལ་ཡིན་པའི་ཕྱིར། གནས་སྐབས་དང་མཐར་ཐུག་གི་དོན་གཉིས་བདེ་བླག་ཏུ་འགྲུབ་པར་འདོད་པ་དག་གིས་ནན་ཏན་བྱ་བར་གཅེས་སོ། །རྗེ་བཙུན་འཕགས་མའི་དཀྱིལ་འཁོར་ལྷ། །མཆོད་པའི་ཐབས་ཚུལ་ཉི་གཞོན་གྱིས། །ཕན་བདེའི་ཨུཏྤལ་རྒྱས་པའི་རླབས། །སྲིད་པའི་རྩེ་མོར་འབར་གྱུར་ཅིག །ཅེས་སྒྲོལ་མ་མཎྜལ་བཞི་པའི་ཆོ་ག་ཤིན་ཏུ་བསྡུས་པ་བྱ་བའི་ཚུལ་འདི་ནི། ལྷ་གཅིག་དྭི་པཾ་ཀཱ་ར་ཡབ་སྲས་ཀྱིས་ཇི་ལྟར་བཀྲལ་བ་དང་རྗེས་སུ་མཐུན་པར་རྒྱལ་ཁམས་ཀྱི་དཱ་རི་དྲ་གཙུག་ལག་སྨྲ་བའི་ཉི་མ་ཞེས་བགྱི་བས་རང་གཞན་གྱི་དོན་དུ་ཉེ་བར་དམིགས་ཏེ་ལྷ་ལྡན་སྤྲུལ་པའི་གཙུག་ལག་ཁང་ཆེན་པོའི་ཉེ་འདབས་སུ་ས་ཟླའི་དཀར་ཕྱོགས་ཀྱི་རྒྱལ་བ་གཉིས་པའི་གྲལ་ཚེས་དགེ་བར་ཤིན་ཏུ་མྱུར་བར་སྦྱར་བ་ཛ་ཡནྟུ། ཤུ་བྷཾ།། །། ༈

[edit]

maN+Dal bzhi chog phan bde'i ut+pal/__ @#/__/sgrol ma maN+Dal bzhi pa'i cho ga shin tu bsdus pa bya tshul phan bde'i ut+pal bzhugs so//__// na mo gu ru b+h+yaH__gang mtshan dran pa'i mod nyid nas/__/'jigs pa kun las dbugs dbyung ba'i/__/myur ma dpa' mor gus btud nas/__/de mnyes byed pa'i cho ga bshad/__/'di la gsum/__sbyor ba/__dngos gzhi/__rjes so/__/de la dang po sbyor ba ni/__rnal 'byor pa gang zhig rje btsun ma'i rjes su gnang ba thob cing /__dam tshig dang sdom pa yang dag pa dang ldan pas maN+Dal gyi cho ga bgyid par spro na/__gnas gtsang shing yid du 'ong bar/__nya stong brgyad la sogs pa'i dus bzang ngam/__skabs su babs pa'i tshe/__yo byad nye bar bsags pa ni/__'phags ma'i sku rab gnas dang ldan pa bris 'bur gang rig gi mdun/__ba byung lnga dang dri bzang pos byug pa'i maN+Dal la/__gur gum gyis chus brlan pa'i 'bru tshom bzhi bkod pa dang /__stegs kyi khar dkar gtor bzhi/__chu gnyis sngon 'gro'i nyer spyod tshan bzhi bcas bkod pas mdzes par bshams pa sogs 'og nas 'byung ba'i yo byad rnams 'du bya'o/__/gnyis pa dngos gzhi la don tshan gsum las/__dang po tshogs zhing spyan drangs te yan lag bdun pa dang maN+Dal bcas pas mchod de gsol ba gdabs pa la/__thog mar skyabs sems sngon du 'gro bas/__thams cad du yang sa gzhi dag__/gsegs ma la sogs med pa dang /__/lag mthil ltar mnyam baiDUR+Ya'i/__/rang bzhin 'jam por gnas gyur cig__/phun sum tshogs pa'i zhing de dag tu lha dang mi yi yo byad dam pa gzugs dang sgra dang dri dang ro dang reg bya la sogs pa rnam par dag cing yid du 'ong ba mchod pa'i sprin rgya mtsho bsam gyis mi khyab par gyur/__na mas+sarba ta thA sogs lan gsum dang /__spro na mchod pa'i sprin gyi gzungs kyang 'don/__rang gi snying kha nas 'od zer 'phros pas rje btsun seng ldeng nags kyi sgrol ma la sangs rgyas dang byang chub sems dpa'i tshogs kyis bskor ba mdun gyi nam mkhar oM badz+ra sa mA dzaH__zhes pas spyan drangs/__pad+mA ka ma la ye s+t+waM/__zhes pas gdan dbul/__de nas khrus khang bskyed pa/__khrus gsol/__gos zungs dang /__rgyan 'bul ba rnams gzhan nas 'byung ba ltar grub rjes/__stan las langs te phyag 'tshal bzhin par/__ji snyed su dag sogs yan lag bdun pa rgyas bsdus gang rigs dang /__maN+Dal ci nus 'bul mthar/__sangs rgyas chos dang tshogs kyi mchog rnams la/__/zhes sogs lan gsum gyis skyabs sems nan tan du bya/__rten la me tog gtor te/__rje btsun bcom ldan 'das ma thugs rje can/__/nas/__yar ngo'i zla ltar 'phel shing rgyas par mdzod/__/ces pa'i bar gyis 'dod pa'i don la gsol ba gdab par bya'o/__/gnyis pa rang nyid sgrol mar bskyed nas thugs brgyud bskul ba'i bzlas pa bya ba la/__oM swa b+hA ba shud+d+hA sarba d+harma swa b+hA ba shud+d+ho \u0f85haM/__chos kun gzod nas 'od gsal stong pa'i ngang /__/pa~M las pad+ma a las zla ba'i steng /__/tA~M las ut+pal tA~M gyis mtshan pa las/__/'od 'phros don gnyis byas nas tshur 'dus pas/__/rang nyid rje btsun sgrol ma mar gad mdog__/zhi mdzum zhal can brgyad gnyis lang tshos sgeg__/phyag g.yas mchog sbyin phyag rgya'i gan mdzod nas/__/sgrub pa po la dngos grub mchog ster zhing /__/g.yon pas dkon mchog gsum mtshon skyabs sbyin rgyas/__/'jigs pas nyen pa'i 'gro la dbugs 'byin sbyin/__/gnyis kas ut+pal sngon po'i sdong bu ni/__/me tog snyan gyi thad sor bye ba 'dzin/__/sna tshogs dar dang rin chen rgyan gyis mdzes/__/g.yas brkyangs g.yon bskum stabs kyis rol pa yis/__/gnas gsum 'bru gsum 'od kyis ye shes lha/__/spyan drangs rang dang gnyis su med par gyur/__/slar yang thugs srog las byung 'dzum zer gyis/__/dbang lha spyan drangs bdud rtsis dbang bskur zhing /__/sku gang sgrib dag spyi bor brtan pa las/__/rigs bdag 'od snang mtha' yas dbur rgyan gyur/__/zhes gsal btab/__oM AR+Ya tA re sa pa ri wA ra ar+g+haM sogs kyis mchod/__lha dang lha min cod paN gyis/__sogs kyis bstod/__de nas snang grags rig pa'i chos kun rje btsun ma'i gsang ba gsum gyi rol par blta ba'i lam khyer las ma g.yos bzhin du/__oM tA re tut+tA ta re tu re swA hA/__zhes ci nus bzla/__yig brgyas lhag chad kha bskangs ste byin rlabs brtan par bya'o/__/gsum pa mdun du rje btsun ma gsal btab nas yan lag bdun pa maN+Dal dang bcas pas mchod cing 'dod don gsol ba gdab pa la sde tshan gsum las/__dang po ni/__mdun gyi rten de nyid rje btsun bcom ldan 'das ma seng ldeng nags kyi sgrol ma la 'khor sgrol ma nyer gcig gis bskor ba dngos su mos pas/__lha dang lha min cod pan gyis/__/sogs lan bdun brjod la phyag de snyed du 'tshal/__de nas me tog gtor te stan la 'khod bzhin bar/__rab 'byams rgya mtsho'i zhing khams dpag med na/__/mchod pa'i khyad par ji snyed yod pa dang /__/de snyed bdag gis gus pas bshams pa 'di/__/rje btsun 'phags ma 'khor dang bcas la 'bul/__/oM AR+YA tA re sa pa ri wA ra ar+g+haM prA tits+tsha pU dza me g+ha sa mu tra s+pha ra Na sa ma ye AHhU~M/__de bzhin du/__pad+yaM/__puSh+pe__d+hU pe/__A lo ke__/g+han+d+he/__nai bid+yA/__shab+da rnams sbyar bas nyer spyod dang /__phyogs dus kun na gzugs sgra dri ro dang /__/reg bya'i khyad par dbang po tshim byed pa/__/mos blos dkyil 'khor lha la bdag 'bul gyis/__/bzhes shig bla med grub mchog stsal du gsol/__/oM Ar+ya tA re sa pa ri wA ra rU pa kA ma gu Na pU dzi te AHhU~M/__de bzhin du/__shab+da/__g+han+derA sa spaR+she rnams sbyar bas 'dod yon/__'khor los bsgyur ba mchog gi bsod nams las/__/legs par byung ba'i rin chen rnam pa bdun/__/rje btsun 'phags ma 'khor dang bcas la 'bul/__/bzhes nas don gnyis dngos grub stsal du gsol/__/oM Ar+ya tA re sa pa ri wA ra ma hA sap+ta rat+na pU dzi te AHhU~M/__zhes pas rgyal srid bdun rnams 'bul/__rje btsun 'phags ma sgrol ma dang /__sogs nas/__'dren pa'i dpal du bdag gyur cig__/ces yan lag bdun pa dang maN+Dal rgyas ba_sdus ci rigs dbul/__sangs rgyas chos dang tshogs sogs skyabs sems lan gsum gyi rjes/__rang dang dmigs yul rnams rje btsun sgrol ma'i zhabs g.yas brkyangs pa'i 'og tu tshud cing /__gdung shugs drag pos gsol ba gdab pas thugs rje lhag par gsol bar bsams la/__oM rje btsun ma 'phags ma sgrol ma la phyag 'tshal lo/__/phyag 'tshal sgrol ma myur ma dpa' mo/__sogs phyag 'tshal nyer gcig tshar gnyis dang /__lha mo la gus nas/__so sor 'joms 'gyur bar tshar gcig__/rje btsun bcom ldan 'das ma thugs rje can/__/sogs nas/__chos dang bkra shis 'phel bar mdzad du gsol/__/lan gsum gyis 'dod don gsol/__gnyis pa la yang /__bstod pa phyag 'tshal nyer gcig tshar gsum dang /__gsum pa la bdun sbar ba'i dmigs gsal ma gtogs gzhan snga ma ltar bya'o/__/gsum pa rjes kyi bya ba la gtor ma gtong ba ni/__gtor ma cha bzhi'i dang po chab kyis bran la/__a mr-i tas bsang /__swa b+hA was sbyang /__stong pa'i ngang las b+h+rU~M las rin po che'i snod yangs shing rgya che ba'i nang du gtor ma kha dog dri ro nus pa phun sum tshogs pa bdud rtsi'i rgya mtsho chen por gyur/__oM AHhU~M:__lan gsum/__rje btsun sgrol ma'i lha tshogs 'khor dang bcas pa rnams kyi ljags 'od zer gyi sbu gu can gyis gtor ma'i bcud drangs te gsol bar gyur bar bsams la/__oM Ar+ya tA re sa pa ri wA ra i daM ba liM ta kha kha kha hi khA hi/__/lan gsum mam bdun dang /__ar+g+haM sogs/__gtor ma 'dod yon bdud rtsi'i rgya mtsho 'di/__/rje btsun sgrol ma 'khor dang bcas la 'bul/__/bzhes nas rnal 'byor bdag cag 'khor bcas la/__/mchog dang thun mong dngos grub stsal du gsol/__/gtor ma gnyis pa sogs 'og ma rnams la'ang byin rlabs sngar ltar dang /__dmigs gsal/__ar+g+haM sogs/__gtor ma 'dod yon bdud rtsi'i rgya mtsho 'di/__/chos skyong srung ma 'khor dang bcas la 'bul/__/bzhes nas rnams bzhi'i phrin las ma lus kun/__/thogs med myur ba nyid du 'grub par mdzod/__/gsum par/__saM b+ha ra bdun nam/__gsum dang /__mtshan bzhi/__gtor ma 'dod yon bdud rtsi'i rgya mtsho 'di/__/snying rje'i yul gyur rigs drug 'gro kun la/__/bsngo'o so so'i sdug bsngal kun bral nas/__/phan dang bde ba'i dpal gyis 'tsho bar shog__/bzhi par saM b+ha ra dang /__mtshan bzhi/__gtor ma 'dod yon bdud rtsi'i rgya mtsho 'di/__/yul lha gzhi bdag gnyug gnas tshogs la 'bul/__/bzhes nas ru nga phrag dog kun spangs te/__/phan pa'i stong grogs rgya chen sgrubs mdzad gsol/__/zhes pas so sor 'bul/__gtong rag gi mchod bstod rgyas bsdus ci rigs dang /__rje btsun bcom ldan 'das ma thugs rje can/__/sogs kyis dngos grub gsol/__ma 'byor pa dang nyams pa dang /__/sogs kyi mthar yi ge brgya pa lan gsum gyis nongs pa bshags/__rten yod na/__'dir ni gzugs dang lhan cig tu/__sogs nas/__su pra tiSh+Tha badz+rA ye swA hA/__zhes pas brtan bzhugs dang /__med na/__oM khyed kyis sems can sogs nas/__badz+ra muHsa ye shes pa gshegs/__'jam dpal dpa' bos ji ltar mkhyen pa dang /__/sogs sh+lo ka gnyis kyis dge ba bsngo zhing /__rgyal yum sgrol ma khyed sku ci 'dra dang /__sogs kyi smon lam gdab/__phun sum tshogs pa mnga' ba sogs dang /__bdag gis tshe rab kun tu bsgrubs pa'i lha/__/dus gsum sangs rgyas kun gyi phrin las ma/__/sngo ljang zhal gcig phyag gnyis myur zhing dpa'/__/yum gyur ut+pal bsnams pa'i bkra shis shog__/ces sogs shis pa brjod pas mtha' brgyan par bya'o/__/de ltar spyir rje btsun sgrol ma ni rgyal ba kun gyi phrin las kyi bdag nyid du grub pa'i phyir byin rlabs myur la/__khyad par maN+Dal la brten nas mchod pa'i tshul gyi cho ga 'di ni gzhung rtsa bar dngos su bstan par ma zad/__'phags bod kyi mkhas grub du mas mgrin gcig tu bsngags pa'i yul yin pa'i phyir/__gnas skabs dang mthar thug gi don gnyis bde blag tu 'grub par 'dod pa dag gis nan tan bya bar gces so/__/rje btsun 'phags ma'i dkyil 'khor lha/__/mchod pa'i thabs tshul nyi gzhon gyis/__/phan bde'i ut+pal rgyas pa'i rlabs/__/srid pa'i rtse mor 'bar gyur cig__/ces sgrol ma maN+Dal bzhi pa'i cho ga shin tu bsdus pa bya ba'i tshul 'di ni/__lha gcig dwi paM kA ra yab sras kyis ji ltar bkral ba dang rjes su mthun par rgyal khams kyi dA ri dra gtsug lag smra ba'i nyi ma zhes bgyi bas rang gzhan gyi don du nye bar dmigs te lha ldan sprul pa'i gtsug lag khang chen po'i nye 'dabs su sa zla'i dkar phyogs kyi rgyal ba gnyis pa'i gral tshes dge bar shin tu myur bar sbyar ba dza yan+tu/__shu b+haM//___//___!