JKW-KABUM-19-DZA-001-044

🚧 This website is under continued development. We appreciate your patience!

Previous Text Back to Volume PageNext Text

མཁས་གྲུབ་གཙང་མ་ཤངས་སྟོན་ནི།

Wylie title	mkhas grub gtsang ma shangs ston ni
Location	mkhyen brtse'i bka' 'bum Volume 19, sde tshan 1, Text 44, Pages 378-380 (Folios 189b5 to 190b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. mkhas grub gtsang ma shangs ston ni. In 'jam dbyangs mkhyen brtse'i dbang po'i bka' 'bum, Vol. 19: 378-380. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus  ·  Religious History Texts - chos 'byung

1 Texts in this Section (sde tshan or chos tshan)

44 378-380	མཁས་གྲུབ་གཙང་མ་ཤངས་སྟོན་ནི། mkhas grub gtsang ma shangs ston ni History Texts - lo rgyus   ·   Religious History Texts - chos 'byung	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །མཁས་གྲུབ་གཙང་མ་ཤངས་སྟོན་ནི། ཁོང་སྐྱ་སྤང་ཁ་ཞེས་པར། སྩ་རྭ་སྟོན་དཀོན་མཆོག་དཔལ་བཟང་དང་། ཡུམ་ཛེ་དགེ་ཞེས་པའི་སྲས་སུ་འཁྲུངས། ཆུང་ངུ་ནས་བྱིས་པའི་སྤྱོད་པ་ལས་འདས་པའི་བག་ཆགས་བཟང་པོ་གསལ་བར་སད། དགུང་ལོ་བརྒྱད་དགུ་ནས་འབྲི་ཀློག་བསླབ། བཅུ་གསུམ་པ་ནས་བླ་མ་ཉི་ཐོག་པར་རབ་ཏུ་བྱུང་། སློབ་དཔོན་ལས་ཕར་ཕྱིན་དང་སྤྱོད་འཇུག་སོགས་གསན། གཞན་ཡང་བླ་མ་མང་པོ་ལས་མདོ་སྔགས་ཀྱི་གཞུང་མང་དུ་བཞེས། མཁས་པ་ཆེན་པོར་གྱུར། གྲུབ་པའི་ཉམས་མྱོང་ཡང་ཅི་རིགས་པར་སྐྱེས། ཁྱད་པར་ཡོལ་ཕུ་རི་གོང་དུ་སངས་རྒྱས་སྟོན་པའི་སྤྱན་སྔར་བྱོན་པ་ཙམ་གྱིས་ཞལ་མཐོང་མ་ཐག་མོས་གུས་ཐུན་མོང་མ་ཡིན་པ་སྐྱེས། ཉམས་མྱོང་རང་ཤར་དུ་བྱུང་། དཔལ་ཤངས་པའི་ཟབ་ཆོས་མཐའ་དག་གསན་ཅིང་། སྒྱུ་མ་དང་རྨི་ལམ་སོགས་ཀྱི་ཉམས་མྱོང་རྩོལ་མེད་དུ་སྐྱེས། བླ་མས་ཀྱང་ཆིག་བརྒྱུད་ཆོས་ཀྱི་བདུད་རྩི་ཐོག་མར་འཐུང་བའི་སྐལ་ལྡན། ལུང་བསྟན་འཁོར་གྱི་དང་པོ། མན་ངག་ཆིག་བརྒྱུད་གནང་བའི་བུ་ཆེན། འགྲན་ཟླ་བྲལ་བའི་ཐུགས་སྲས་ཀྱི་དམ་པར་མཛད་ཅིང་། རྟོགས་ལྡན་རྩོད་མེད་དུ་གྱུར་ནས་འདི་དང་ཕྱི་མར་འགྲོ་དོན་དཔག་ཏུ་མེད་པ་འབྱུང་ཞིང་། བཅུ་བཞིའི་ས་ཐོབ། སློབ་མ་བརྒྱུད་འཛིན་དང་བཅས་པ་དག་པ་མཁའ་སྤྱོད་དུ་འགྲོ་བར་ལུང་བསྟན། ཕྱིར་མི་ལྡོག་པའི་རྟགས་རྣམས་གསལ་བར་མང་ལ་ཞལ་མཐོང་བ་ཙམ་གྱིས་གདུལ་བྱ་རྣམས་དང་བ་འདྲེན་པས་ཤངས་སྟོན་གཙང་མ་ཞེས་གྲགས། མདོར་ན་བླ་མའི་བྱིན་རླབས་ཞུགས། སྒྱུ་ལུས་དང་འོད་གསལ་འབྱོངས། རྟོགས་པ་མངོན་དུ་གྱུར། ཆོས་བརྒྱད་རང་སར་གྲོལ། ཡི་དམ་གྱི་ལྷ་མང་པོས་ཞལ་གཟིགས་ཏེ་ལུང་བསྟན་ཐོབ། མངོན་པར་ཤེས་པ་ཐོགས་པ་མེད་པར་མངའ་བར་གྱུར་ཀྱང་། ནང་གི་ཡོན་ཏན་གསང་བ་གནད་ཡིན་གསུངས་ནས་སྦས་པའི་ངང་ཚུལ་ལྷུར་བཞེས་པའི་ངང་ནས་གདུལ་བྱ་སྐལ་ལྡན་བསམ་གྱིས་མི་ཁྱབ་པ་སྨིན་གྲོལ་ལ་བཀོད། སྐུ་གཤེགས་ཙ་ན་བཞུགས་གདན་དང་། ན་བཟའ་ཕྲུགས་གཅིག་མ་གཏོགས། གསེར་སེབ་གང་ངམ། ཡོ་བྱད་བྲེ་གང་རི་བ་ཡང་མ་བཟུང་བ་སོགས་ངོ་མཚར་གྱི་རྣམ་ཐར་མཐའ་ཀླས། མཐར་དགུང་ལོ་བདུན་ཅུ་རྩ་དྲུག་པ་བྱ་ལོ་སྣྲོན་ཟླ་བའི་ཚེས་བཅོ་ལྔའི་སྔ་དྲོའི་ཆ་ལ། ཤར་ཕྱོགས་དག་པའི་ཞིང་ཁམས་སུ་འགྲོ་མགོན་སངས་རྒྱས་སྟོན་པའི་སྤྱན་སྔར་ངོ་མཚར་བའི་ལྟས་དཔག་ཏུ་མེད་པ་དང་བཅས་གཤེགས་ནས་བཅུ་བཞིའི་ས་ལ་མངོན་པར་བྱང་ཆུབ་པའི་ཡེ་ཤེས་བརྙེས་པར་གྱུར་ཏོ།། །། ༈

[edit]

mkhas grub gtsang ma shangs ston ni/ @#/_/mkhas grub gtsang ma shangs ston ni/__khong skya spang kha zhes par/__stsa rwa ston dkon mchog dpal bzang dang /__yum dze dge zhes pa'i sras su 'khrungs/__chung ngu nas byis pa'i spyod pa las 'das pa'i bag chags bzang po gsal bar sad/__dgung lo brgyad dgu nas 'bri klog bslab/__bcu gsum pa nas bla ma nyi thog par rab tu byung /__slob dpon las phar phyin dang spyod 'jug sogs gsan/__gzhan yang bla ma mang po las mdo sngags kyi gzhung mang du bzhes/__mkhas pa chen por gyur/__grub pa'i nyams myong yang ci rigs par skyes/__khyad par yol phu ri gong du sangs rgyas ston pa'i spyan sngar byon pa tsam gyis zhal mthong ma thag mos gus thun mong ma yin pa skyes/__nyams myong rang shar du byung /__dpal shangs pa'i zab chos mtha' dag gsan cing /__sgyu ma dang rmi lam sogs kyi nyams myong rtsol med du skyes/__bla mas kyang chig brgyud chos kyi bdud rtsi thog mar 'thung ba'i skal ldan/__lung bstan 'khor gyi dang po/__man ngag chig brgyud gnang ba'i bu chen/__'gran zla bral ba'i thugs sras kyi dam par mdzad cing /__rtogs ldan rtsod med du gyur nas 'di dang phyi mar 'gro don dpag tu med pa 'byung zhing /__bcu bzhi'i sa thob/__slob ma brgyud 'dzin dang bcas pa dag pa mkha' spyod du 'gro bar lung bstan/__phyir mi ldog pa'i rtags rnams gsal bar mang la zhal mthong ba tsam gyis gdul bya rnams dang ba 'dren pas shangs ston gtsang ma zhes grags/__mdor na bla ma'i byin rlabs zhugs/__sgyu lus dang 'od gsal 'byongs/__rtogs pa mngon du gyur/__chos brgyad rang sar grol/__yi dam gyi lha mang pos zhal gzigs te lung bstan thob/__mngon par shes pa thogs pa med par mnga' bar gyur kyang /__nang gi yon tan gsang ba gnad yin gsungs nas sbas pa'i ngang tshul lhur bzhes pa'i ngang nas gdul bya skal ldan bsam gyis mi khyab pa smin grol la bkod/__sku gshegs tsa na bzhugs gdan dang /__na bza' phrugs gcig ma gtogs/__gser seb gang ngam/__yo byad bre gang ri ba yang ma bzung ba sogs ngo mtshar gyi rnam thar mtha' klas/__mthar dgung lo bdun cu rtsa drug pa bya lo snron zla ba'i tshes bco lnga'i snga dro'i cha la/__shar phyogs dag pa'i zhing khams su 'gro mgon sangs rgyas ston pa'i spyan sngar ngo mtshar ba'i ltas dpag tu med pa dang bcas gshegs nas bcu bzhi'i sa la mngon par byang chub pa'i ye shes brnyes par gyur to//____//_!_