JKW-KABUM-17-TSA-002-034

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 2, Text 34, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: . Khams sde dge rdzong sar dgon: Rdzong sar blo gros phun tshogs, 2020.
Genre	Medicine Texts - gso ba rig pa

1 Texts in this Section (sde tshan or chos tshan)

34 343-349	གསོ་བ་རིག་པའི་མན་ངག་ཐོར་བུ་སྣ་ཚོགས། gso ba rig pa'i man ngag thor bu sna tshogs Medicine Texts - gso ba rig pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གསོ་བ་རིག་པའི་མན་ངག་ཐོར་བུ་སྣ་ཚོགས། གསོ་བ་རིག་པའི་མན་ངག་ཐོར་བུ་སྣ་ཚོགས་བཞུགས་སོ། །ཨ་རུ་ག་བུར་གཟའ་དུག་གླ་རྩི་དང་། །བཟང་དྲུག་དོམ་མཁྲིས་ཏིགྟ་གིའུ་ཝཾ་དང་། །དྲི་ཆེན་བཙོད་དང་གཡག་ནག་སྦྲུལ་གྱི་ཁྲག །འབྲུག་རུས་ཤུ་དག་ཙནྡན་དཀར་དམར་དང་། ཨ་གར་རུ་རྟ་སྦྱར་བའི་ཕྱེ་མ་ཡིས། །སྙིང་རླུང་སྨྱོ་འབོགས་གྲིབ་གདོན་རིགས་ཀུན་སེལ། །གུ་གུལ་སྤོས་དཀར་སྤང་སྤོས་གླ་སྒང་རྣམས། །ཞིབ་བཏགས་སྤྲ་ཚིལ་སྦྱར་ལ་བུག་པར་བླུགས། །མར་ནག་སྦྱར་ནས་རྣ་བའི་མཐའ་སྐོར་བྱུགས། །དེ་ཡིས་གྲིབ་ཀྱིས་རྣ་བ་འོན་པ་སེལ། །རྒུན་འབྲུམ་ནུས་བསྲེགས་ལི་ཤི་མཚལ་དཀར་དང་། །ཡུག་ཤིང་ཅུ་གང་མར་སྦྱར་སྣ་ཤུ་འཇོམས། །ཤིང་ཀུན་སུག་སྨེལ་པི་ལིང་ཨ་རུ་དང་། །ཚྭ་ལ་སྦྱར་བ་ར་ཐུག་ཆུ་ལ་བཙོས། །རྣ་བ་སྒྲ་བཅས་རླུང་གིས་འོན་པ་སེལ། །སྤང་སྤོས་ཏང་ཀུན་སྒོག་སྐྱ་སྤྲུ་རྩ་དང་། །གླ་རྩི་སྦྱར་བས་ཡ་མ་རྩད་ནས་འདོན། །རྒྱ་མཚལ་ཙནྡན་དཀར་དམར་ཨ་ག་རུ། །ལི་ཤི་ཀོ་ལ་སུག་སྨེལ་འབྲས་བུ་གསུམ། །བོང་དཀར་འུ་སུ་སྤང་སྤོས་རུ་རྟ་དང་། །གླ་རྩི་ཁ་ཆེ་གི་ཝཾ་ན་གི་སྦྱར། །ཡ་མ་གླད་གཟེར་ཆམ་རིམ་མཐའ་དག་སེལ། །མིག་སོགས་དབང་པོ་གསལ་ཞིང་དྭངས་པར་འགྱུར། །སི་ཏུའི་སྣ་སྨན་ཉེས་སེལ་ཨེ་མ་ཧོ། །སྣ་ཐ་ཁ་ཆེ་ཅུ་གང་ཙནྡན་གཉིས། །གི་ཝཾ་ཤིང་མངར་སྤང་རྒྱན་སྲོ་ལོ་དཀར། །ཨ་ཀྲོང་རྒུན་འབྲུམ་ག་བུར་སྐྱུ་རུ་ར། །སྤོས་དཀར་ལི་ཤི་བོང་དམར་ན་གི་བཅས། །སྦྱར་བས་གྲིབ་དང་མི་གཙང་ནད་རིགས་ཀུན། །སེལ་ཞེས་གྲུབ་ཆེན་ས་ར་ཧ་ཡིས་གསུངས། །ཆམ་པ་རྙིང་པའི་ལུ་བ་བཅོས་རྡུག་ལ། །པི་ལིང་མར་ཁུར་བཙོས་ཕྱུང་ཕྱེ་མ་དེ། །ཚ་ན་ཞོ་དང་གྲང་ན་མར་ཁུས་ཕུལ། ། ༈ སྐྲ་དཀར་ལེགས་པར་བཞར་ལ་ཨ་རུའི་ཆུས། །ལན་མང་བྱུགས་ཅིང་དེ་ནས་མཚུར་གྱིས་བྱུགས། །ལོ་བརྒྱ་ལོན་ཀྱང་གཞོན་ནུ་ལྟ་བུར་འགྱུར། །ཕག་པའི་རྐང་ཚིལ་སོ་ར་སྐྱུ་རུ་ར། །བྱུགས་པས་སྐྱི་ཐེར་སྐྱེ་བར་ཐེ་ཚོམ་མེད། །འགྲམ་རྒྱ་སྤུ་གྲིས་བཞར་རྗེས་གཡེར་ལྕམ་ཆུས། །བཀྲུས་ནས་རི་བོང་ཀླད་པ་ནག་མཚུར་གསུམ། །ལུད་ཁོལ་ནང་དུ་ཞག་གསུམ་བསྙལ་ནས་བྱུགས། །གཏན་ནས་མི་འབྱུང་གལ་ཏེ་སྐྱེ་འདོད་ན། །གླ་རྐང་ཁམ་ཚིལ་སྦྱར་བྱུགས་རིང་པོར་སྐྱེ། །ཡང་ན་མར་ནག་ནང་དུ་བྱི་ལའི་བྲུན། །བཙོས་ཏེ་བྱུགས་པས་སྨ་ར་སྲུང་བར་བྱེད། །སེ་འབྲུ་ཤུ་དག་རྒྱམ་ཚྭ་ཡུངས་ཀར་དང་། །ཨ་རུ་མུ་ཟི་སྦྱར་བྱུགས་གདོང་པ་མཛེས། །འཇིགས་མེད་ནག་ཚུར་ཤེལ་དཀར་སོ་རྩར་བྱུགས། །དེ་སྟེང་ཀོ་བྱི་གོ་ཡུ་མཆན་བཏབ་པས་སོ་བརྟེན་བྱེད། །གཙོ་བོ་བརྒྱད་པ་ཚད་ལྡན་སྦྱར་བའི་སྟེང་། །སྡེར་མོ་དགུ་བསྡེབས་དམར་བཤལ་ནད་རིགས་འཇོམས། །ཨིནྡྲ་བཞི་བསྡེབས་ཚ་བ་སྣོད་ལྟུང་སེལ། །འབྲས་བུ་གསུམ་བསྡེབས་གསར་རྙིང་འཁྲུགས་རིམས་སེལ། །སྟག་ཤ་བསྡེབས་པས་གཉན་རིམས་མཐའ་དག་སེལ། །ཆུ་སེར་སྨན་སྡེབས་ཆུ་སེར་ཚད་པ་སེལ། །གཞན་ཡང་ཁ་བསྒྱུར་རིག་པའི་མདའ་ཡིས་བསྣུན། །ས་ཆུ་མི་ཐུབ་ཚ་གྲང་འཐབ་པ་ཡི། །དབུགས་སྟོད་འཚང་ཞིང་གློ་ལུ་མང་པ་དང་། །ཁ་གདོང་རྐང་བོལ་སྐྲངས་པའི་ནད་རིགས་ལ། །རྒུན་འབྲུམ་བདུན་སྟེང་ཛཱ་ཏི་ལི་ཤི་དང་། །ཨར་ནག་སྦྱར་བ་བདུད་རྩི་ལྟ་བུར་ཤིས། །རྡོ་ཐལ་མ་ནུ་ཚ་བ་གསུམ་དང་ནི། །རྒྱ་ཚྭ་ཐལ་ཚྭ་མཚུར་དཀར་ཁ་རུ་ཚྭ། །བ་སྤྲུ་གོ་ཐལ་སྤྱང་ཀི་གོ་བོའི་ཕོ། །སྟར་བུ་སུག་སྨེལ་དབྱི་མང་ཙི་ཏྲ་ཀ །ལྕེ་ཚྭ་སྲུབ་ཀ་གླ་གུལ་དྲི་ཐོན་ཙམ། །ལེགས་པར་སྦྱར་བ་ཆང་ངམ་ཆུ་བསྐོལ་ཕུལ། །དེ་ཡིས་བད་ཀན་མིད་འཆུས་རིགས་ཀུན་སེལ། །ཙནྡན་སྲོ་ལོ་ཨ་ཀྲོང་བོང་ང་དཀར། །ཀྱི་ཀྱེ་སྤང་རྒྱན་དཀར་པོ་དྲུག་སྦྱོར་འདིས། །གྲེ་བའི་ནད་རིགས་ཀུན་ལ་ཐེང་པས་ཆོག །ཐར་ནུ་རྒོད་པོ་ཆ་གཅིག་སྦྱར་བའི་སྟེང་། དེ་ཉིད་བ་ཆུར་གདུལ་བ་ཆ་གཅིག་དང་། །རེ་ལྕགས་བོང་དཀར་རེ་རལ་ཀོ་བྱི་ལྕུམ། །བཟང་དྲུག་སྦྱར་བས་དུག་ནད་རིགས་ཀུན་སེལ། །ཀ་མོ་ཉ་ཡི་ཟླ་ཤེལ་ཞེས་སུ་གྲགས། ། ༈ གསེར་མདོག་རྡོག་གཅིག་བྲག་ཞུན་དེ་དང་མཉམ། །དེ་གཉིས་མཉམ་པའི་སྟར་བུ་ཨུཏྤལ་དང་། །ཁ་ཆེ་བ་ཤ་ཀ་དང་སྐྱུ་རུ་ར། །སེ་འབྲུ་སུག་སྨེལ་རུ་རྟ་སྦྲུལ་གྱི་ཤ །མ་ནུ་འུ་སུ་བཅུ་པོ་ཐུན་བཟང་རེས། །རིལ་བུ་སྲན་འཕོས་ཙམ་དྲིལ་ཆུ་བསྐོལ་ཕུལ། །དུག་དང་ཁྲག་མཁྲིས་སྨུག་པོ་ལ་སོགས་པའི། །ཕོ་ནད་ཀུན་འཇོམས་རིལ་སྐྱུར་བླ་རྟའི་ལུགས། ། ༈ ཅོང་ཞིའི་ཐལ་བ་ཛཱ་སུག་ཀོ་ལི་ཤི། །ཚྭ་བ་གསུམ་དང་རྒྱམ་ཚྭ་ལ་སོགས་པའི། །ཚྭ་སྣ་ཚོགས་ཚད་སྦྱར་བས་གྲང་སྐྲན་འཇོམས། །ཡང་ན་བཟང་དྲུག་ཨ་རུ་སྒ་པི་དང་། །ཨུཏྤལ་ཟི་ར་གཉིས་སྦྱར་ཚ་སྐྲན་སེལ། །ཅོང་ཞི་ཕུལ་དོ་བཟང་དྲུག་ཁ་རུ་ཚྭ། །དོམ་མཁྲིས་འབྲས་གསུམ་རྒྱ་ཚྭ་ཟེ་ཚྭ་དང་། །ཚྭ་ལ་བཙན་དུག་ཐལ་བས་སྐྲན་ཀུན་བཤིག །ཨ་རུ་གསེར་མདོག་རྡོག་གསུམ་ནུས་ལྡན་བསྲེགས། །ད་ལིས་ཐུན་གཅིག་འཇམ་འབྲས་དེ་དང་མཉམ། །བྱི་ཏང་པི་ལིང་སེ་འབྲུ་བསེ་ཡབ་རྣམས། །སྦྱར་བས་ཟས་མི་ལེན་དང་ཟོས་ཐོག་སྐྱུགས། །མེ་དྲོད་ཉམས་པའི་སྐྲན་རིགས་མཐའ་དག་སེལ། །འཕྲག་དཔོན་མཁས་པ་བསོད་ནམས་བཀྲ་ཤིས་ལུགས། །སྨན་རྗེས་སྐྲན་རོ་མ་ཞི་དུར་བྱིད་དང་། །ཚྭ་ལ་བུལ་ཏོག་ཨུཏྤལ་མགྲོན་ཐལ་རྣམས། །སྦྱར་བའི་བཤལ་གྱིས་མ་དག་བར་དུ་བཀྲུ། །ཁྱད་པར་གྲུབ་ཆེན་དམ་པ་སངས་རྒྱས་ལུགས། །ཅོང་ཞི་རིགས་ལྔ་རྡོ་ཞོ་རིགས་ལྔ་པོ། །བསྲེག་བཞུས་དྭངས་མ་ཕུལ་རེ་གཙོ་བོ་ལ། །སྦལ་རྒྱབ་སྨུག་པོ་ཕོ་མོ་གསེར་དངུལ་རྡོ། །གསེར་ཟིལ་དངུལ་ཟིལ་ཁབ་ལེན་མདུང་རྩེ་གཉིས། །བ་ནུ་རྡོ་རྒྱུས་མཐིང་རྒྱུས་མཉྫིར། །རྡོ་ཀླད་རྡོ་མཁྲིས་ཁྲ་མགོ་བྱི་འུའི་མགོ །བཙག་ཡུག་རྡོ་དང་ཕ་བོང་མཚལ་དཀར་དང་། །རྡོ་སོལ༠་༠༥བ་བླ་ལྡོང་རོས་མུ་ཟི་གཉིས། །མཚུར་གཉིས་ཚྭ་ལ་དང་བཅས་བསྲེགས་པ་དང་། །དུག་འདོན་ལེགས་བྱས་འདི་རྣམས་ཐུན་ཆེན་རེ། །དབྱི་མོང་འབམ་པོ་སྤྱང་ཚེར་ལྕེ་ཚ་བ། །པྲི་ཡངྐུ་རྣམས་ཁཎྜ་ཆ་གཉིས་རེ། རྒྱ་ཚྭ༠་༢༠ཡ་བཀྴ་ར༠་༣༠རྒྱམ་ཚྭ༠་༤༠དང་། །ཁ་རུ་ཚྭ༠་༥༠དང་རྭ་ཚཱ༠་༡༠ལྕེ་མྱང་ཚྭ༠་༤༠། །མཛེ་ཚ ༡་༠༠ཤིང་ཚཱ༠་༡༠ཐལ་ཚ་ལན་ཚྭ་དམར༢་༠༠། །མཚོ་ཚྭ་གྲུ་བཞི༢་༠༠ལན་ཚྭ་དཀར་པོ༠་༦༠དང་། །ཟེ་ཚ་ཤེལ་འདྲ༥་༠༠བྲག་ཞུན་ལྔའི་ཁཎྜ་༣་༠༠། །བུལ་ཏོག༡་༠༠གླ་རྩི་འབྲུམ་ཅན༠་༠༥ཨ་རུ་ར ༤་༠༠། །བ་རུ༠་༣༠སྐྱུ་རུ༠་༥༠གི༠་༤༠གུར ༠་༨༠ཅུ་གང་༠་༥༠དང་། །རྒྱ་མཚལ༠་༨༠ཛཱ་ཏི༠་༥༠སུག་སྨེལ༠་༤༠ཀ་ཀོ་ལ༠་༤༠། །བསེ་རུ༠་༢༠འབྲོང་གཡག་རྭ་ཕྱེ༡་༠༠བའི་རྭ༠་༢༠། །ལུག་ཐུག་རྭ༠་༣༠དང་རྭ་ཐུག༠་༣༠གཉན་གྱི་རྭ༠་༣༠། རྒྱ་རུ༠་༣༠མགྲོན་ཐལ༠་༤༠དུང་ཐལ༢་༠༠བཙོད་ཀྱི་རྭ ༠་༡༠། །རྟ་རྨིག་བཙའ་མ༠་༡༠རུ་རྟ༠་༥༠ཤུ་དག་ནག༠་༢༠། །སྨན་ཆེན༠་༦༠གུལ་ནག༠་༦༠ཙནྡན་དཀར༠་༢༠དམར༠་༡༠གཉིས། །ཨ་གར༠་༥༠སྒྲོན་ཤིང་༡་༠༠སེ་འབྲུ༡་༠༠པི་པི་ལིང་༠་༨༠། །བཅའ་སྒ༠་༥༠ཕོ་རིལ༠་༨༠རྒོད་ཐལ༡་༠༠གོ་བོའི་ཐལ༠་༣༠། །འུ་སུ༠་༤༠མ་ནུ༠་༧༠དབང་ལག༠་༢༠ལྕ་བ་༠༢༠དང་། །ར་མཉེ༠་༢༠ཉེ་ཤིང་༠་༢༠གཟེ་མ༠་༣༠བ་སྤྲུ་བ༠་༣༠། །ད་ལིས༠་༩༠སོག་ཐལ༠་༤༠དངུལ་ཆུ༡་༠༠ལྕགས་ཀྱི་ཕྱེ༡་༠༠། །བུ་རམ༠་༢༠སྦྲང་༠་༡༠དང་ཀ་རའི་རྟ་བྱས་པའི། །སྨན་སྣ་བརྒྱ་དང་སོ་གཉིས་འདམ་ཉིན་གསུམ། བཏགས་བྱས། །རིལ་བུ་སྲན་འཕོས་ཙམ་དྲིལ་ཆུ་བསྐོལ་དབུལ། །སྟོད་སྨད་ཕྱི་ནང་ཚ་གྲང་ལྷེན་སྐྲན་དང་། །རྨུ་འོར་སྐྱ་སྦབ་ལ་སོགས་གཅོང་གི་རིགས། །མ་ཞུའི་རྒྱུ་ལས་བྱུང་བའི་འབྲས་བུ་ཀུན། །བ་མོར་ཉི་མའི་འོད་ཀྱིས་རེག་པ་བཞིན། །ལྷག་མེད་འཁྱིལ་ཞིང་ཟུང་བདུན་ཨུཏྤལ་བཞད། །ཚེ་བསྲིངས་དྲོད་བསྐྱེད་དྭངས་མ་རང་གནས་འཇོག །དེ་ཕྱིར་བདུད་རྩི་ཆེན་མོའི་སྦྱོར་བའམ། །སྤྱི་འཇོམས་རྡོ་རྗེ་ཅན་ཞེས་ཡོངས་སུ་གྲགས། །ཐུན་མོང་མ་ཡིན་སྙན་བརྒྱུད་ཟབ་མོ་གང་། །སྙིང་དབུས་ཀ་ལ་ཤ་རུ་སྦ་བར་འོས། །ཨྠིྀ། ། ༈ གོ་ཡུ་རྡོག་གསུམ་དྲོད་སྨན་ཧྲིལ་འཇང་གཉིས། །ཐུན་རེ་བཙན་དུག་འབྲི་ཚིལ་རིལ་མ་ཙམ། །ཨ་གར་རིགས་གསུམ་གང་རུང་ཐུན་བཟང་རེ། །ཛཱ་ཏི་རྡོག་གཅིག་སྙིང་ཞོ་རྡོག་གསུམ་དང་། །རུ་རྟ་ཤིང་ཀུན་བཅའ་སྒ་ཁ་རུ་ཚྭ། །ལི་ཤི་གྲི་སྙིང་དེ་རྣམས་ཐུན་བཟང་རེ། བུ་རམ་གྱིས་རིལ་བུ་སྲན་འཕོས་ཙམ་དྲིལ། སྦྱར་བ་གནྡྷ་བྷ་དྲའི་སྦྱོར་བ་ཞེས། །སྲོག་རླུང་རིགས་རྣམས་འཇོམ་པའི་བདུད་རྩི་ཡིན། །ཚབ་ཆེ་སྙིང་སྣ་ཚོགས་ཚད་ཁ་ཚར་གདབ། །ཨྠིྀ། ། ༈

[edit]

gso ba rig pa'i man ngag thor bu sna tshogs/ gso ba rig pa'i man ngag thor bu sna tshogs bzhugs so/__/a ru ga bur gza' dug gla rtsi dang /__/bzang drug dom mkhris tig+ta gi'u waM dang /__/dri chen btsod dang g.yag nag sbrul gyi khrag__/'brug rus shu dag tsan+dan dkar dmar dang /__a gar ru rta sbyar ba'i phye ma yis/__/snying rlung smyo 'bogs grib gdon rigs kun sel/__/gu gul spos dkar spang spos gla sgang rnams/__/zhib btags spra tshil sbyar la bug par blugs/__/mar nag sbyar nas rna ba'i mtha' skor byugs/__/de yis grib kyis rna ba 'on pa sel/__/rgun 'brum nus bsregs li shi mtshal dkar dang /__/yug shing cu gang mar sbyar sna shu 'joms/__/shing kun sug smel pi ling a ru dang /__/tshwa la sbyar ba ra thug chu la btsos/__/rna ba sgra bcas rlung gis 'on pa sel/__/spang spos tang kun sgog skya spru rtsa dang /__/gla rtsi sbyar bas ya ma rtsad nas 'don/__/rgya mtshal tsan+dan dkar dmar a ga ru/__/li shi ko la sug smel 'bras bu gsum/__/bong dkar 'u su spang spos ru rta dang /__/gla rtsi kha che gi waM na gi sbyar/__/ya ma glad gzer cham rim mtha' dag sel/__/mig sogs dbang po gsal zhing dwangs par 'gyur/__/si tu'i sna sman nyes sel e ma ho/__/sna tha kha che cu gang tsan+dan gnyis/__/gi waM shing mngar spang rgyan sro lo dkar/__/a krong rgun 'brum ga bur skyu ru ra/__/spos dkar li shi bong dmar na gi bcas/__/sbyar bas grib dang mi gtsang nad rigs kun/__/sel zhes grub chen sa ra ha yis gsungs/__/cham pa rnying pa'i lu ba bcos rdug la/__/pi ling mar khur btsos phyung phye ma de/__/tsha na zho dang grang na mar khus phul/__/_!_skra dkar legs par bzhar la a ru'i chus/__/lan mang byugs cing de nas mtshur gyis byugs/__/lo brgya lon kyang gzhon nu lta bur 'gyur/__/phag pa'i rkang tshil so ra skyu ru ra/__/byugs pas skyi ther skye bar the tshom med/__/'gram rgya spu gris bzhar rjes g.yer lcam chus/__/bkrus nas ri bong klad pa nag mtshur gsum/__/lud khol nang du zhag gsum bsnyal nas byugs/__/gtan nas mi 'byung gal te skye 'dod na/__/gla rkang kham tshil sbyar byugs ring por skye/__/yang na mar nag nang du byi la'i brun/__/btsos te byugs pas sma ra srung bar byed/__/se 'bru shu dag rgyam tshwa yungs kar dang /__/a ru mu zi sbyar byugs gdong pa mdzes/__/'jigs med nag tshur shel dkar so rtsar byugs/__/de steng ko byi go yu mchan btab pas so brten byed/__/gtso bo brgyad pa tshad ldan sbyar ba'i steng /__/sder mo dgu bsdebs dmar bshal nad rigs 'joms/__/in+d+ra bzhi bsdebs tsha ba snod ltung sel/__/'bras bu gsum bsdebs gsar rnying 'khrugs rims sel/__/stag sha bsdebs pas gnyan rims mtha' dag sel/__/chu ser sman sdebs chu ser tshad pa sel/__/gzhan yang kha bsgyur rig pa'i mda' yis bsnun/__/sa chu mi thub tsha grang 'thab pa yi/__/dbugs stod 'tshang zhing glo lu mang pa dang /__/kha gdong rkang bol skrangs pa'i nad rigs la/__/rgun 'brum bdun steng dzA ti li shi dang /__/ar nag sbyar ba bdud rtsi lta bur shis/__/rdo thal ma nu tsha ba gsum dang ni/__/rgya tshwa thal tshwa mtshur dkar kha ru tshwa/__/ba spru go thal spyang ki go bo'i pho/__/star bu sug smel dbyi mang tsi tra ka__/lce tshwa srub ka gla gul dri thon tsam/__/legs par sbyar ba chang ngam chu bskol phul/__/de yis bad kan mid 'chus rigs kun sel/__/tsan+dan sro lo a krong bong nga dkar/__/kyi kye spang rgyan dkar po drug sbyor 'dis/__/gre ba'i nad rigs kun la theng pas chog__/thar nu rgod po cha gcig sbyar ba'i steng /__de nyid ba chur gdul ba cha gcig dang /__/re lcags bong dkar re ral ko byi lcum/__/bzang drug sbyar bas dug nad rigs kun sel/__/ka mo nya yi zla shel zhes su grags/__/_!_gser mdog rdog gcig brag zhun de dang mnyam/__/de gnyis mnyam pa'i star bu ut+pal dang /__/kha che ba sha ka dang skyu ru ra/__/se 'bru sug smel ru rta sbrul gyi sha__/ma nu 'u su bcu po thun bzang res/__/ril bu sran 'phos tsam dril chu bskol phul/__/dug dang khrag mkhris smug po la sogs pa'i/__/pho nad kun 'joms ril skyur bla rta'i lugs/__/_!_cong zhi'i thal ba dzA sug ko li shi/__/tshwa ba gsum dang rgyam tshwa la sogs pa'i/__/tshwa sna tshogs tshad sbyar bas grang skran 'joms/__/yang na bzang drug a ru sga pi dang /__/ut+pal zi ra gnyis sbyar tsha skran sel/__/cong zhi phul do bzang drug kha ru tshwa/__/dom mkhris 'bras gsum rgya tshwa ze tshwa dang /__/tshwa la btsan dug thal bas skran kun bshig__/a ru gser mdog rdog gsum nus ldan bsregs/__/da lis thun gcig 'jam 'bras de dang mnyam/__/byi tang pi ling se 'bru bse yab rnams/__/sbyar bas zas mi len dang zos thog skyugs/__/me drod nyams pa'i skran rigs mtha' dag sel/__/'phrag dpon mkhas pa bsod nams bkra shis lugs/__/sman rjes skran ro ma zhi dur byid dang /__/tshwa la bul tog ut+pal mgron thal rnams/__/sbyar ba'i bshal gyis ma dag bar du bkru/__/khyad par grub chen dam pa sangs rgyas lugs/__/cong zhi rigs lnga rdo zho rigs lnga po/__/bsreg bzhus dwangs ma phul re gtso bo la/__/sbal rgyab smug po pho mo gser dngul rdo/__/gser zil dngul zil khab len mdung rtse gnyis/__/ba nu rdo rgyus mthing rgyus many+dzir/__/rdo klad rdo mkhris khra mgo byi 'u'i mgo__/btsag yug rdo dang pha bong mtshal dkar dang /__/rdo sol0 05ba bla ldong ros mu zi gnyis/__/mtshur gnyis tshwa la dang bcas bsregs pa dang /__/dug 'don legs byas 'di rnams thun chen re/__/dbyi mong 'bam po spyang tsher lce tsha ba/__/pri yang+ku rnams khaN+Da cha gnyis re/__rgya tshwa0 20ya bak+sha ra0 30rgyam tshwa0 40dang /__/kha ru tshwa0 50dang rwa tshA0 10lce myang tshwa0 40/__/mdze tsha_1 00shing tshA0 10thal tsha lan tshwa dmar2 00/__/mtsho tshwa gru bzhi2 00lan tshwa dkar po0 60dang /__/ze tsha shel 'dra5 00brag zhun lnga'i khaN+Da 3 00/__/bul tog1 00gla rtsi 'brum can0 05a ru ra_4 00/__/ba ru0 30skyu ru0 50gi0 40gur_0 80cu gang 0 50dang /__/rgya mtshal0 80dzA ti0 50sug smel0 40ka ko la0 40/__/bse ru0 20'brong g.yag rwa phye1 00ba'i rwa0 20/__/lug thug rwa0 30dang rwa thug0 30gnyan gyi rwa0 30/__rgya ru0 30mgron thal0 40dung thal2 00btsod kyi rwa_0 10/__/rta rmig btsa' ma0 10ru rta0 50shu dag nag0 20/__/sman chen0 60gul nag0 60tsan+dan dkar0 20dmar0 10gnyis/__/a gar0 50sgron shing 1 00se 'bru1 00pi pi ling 0 80/__/bca' sga0 50pho ril0 80rgod thal1 00go bo'i thal0 30/__/'u su0 40ma nu0 70dbang lag0 20lca ba 020dang /__/ra mnye0 20nye shing 0 20gze ma0 30ba spru ba0 30/__/da lis0 90sog thal0 40dngul chu1 00lcags kyi phye1 00/__/bu ram0 20sbrang 0 10dang ka ra'i rta byas pa'i/__/sman sna brgya dang so gnyis 'dam nyin gsum/__btags byas/__/ril bu sran 'phos tsam dril chu bskol dbul/__/stod smad phyi nang tsha grang lhen skran dang /__/rmu 'or skya sbab la sogs gcong gi rigs/__/ma zhu'i rgyu las byung ba'i 'bras bu kun/__/ba mor nyi ma'i 'od kyis reg pa bzhin/__/lhag med 'khyil zhing zung bdun ut+pal bzhad/__/tshe bsrings drod bskyed dwangs ma rang gnas 'jog__/de phyir bdud rtsi chen mo'i sbyor ba'am/__/spyi 'joms rdo rje can zhes yongs su grags/__/thun mong ma yin snyan brgyud zab mo gang /__/snying dbus ka la sha ru sba bar 'os/__/a+thi+-i/__/_!_go yu rdog gsum drod sman hril 'jang gnyis/__/thun re btsan dug 'bri tshil ril ma tsam/__/a gar rigs gsum gang rung thun bzang re/__/dzA ti rdog gcig snying zho rdog gsum dang /__/ru rta shing kun bca' sga kha ru tshwa/__/li shi gri snying de rnams thun bzang re/__bu ram gyis ril bu sran 'phos tsam dril/__sbyar ba gan+d+ha b+ha dra'i sbyor ba zhes/__/srog rlung rigs rnams 'jom pa'i bdud rtsi yin/__/tshab che snying sna tshogs tshad kha tshar gdab/__/a+thi+-i/__/_!