JKW-KABUM-20-WA-003

🚧 This website is under continued development. We appreciate your patience!

Previous Section Back to Volume PageNext Section

Wylie title
Location	mkhyen brtse'i bka' 'bum Volume 20, sde tshan 3, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: 1-. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

337-367	ཀུན་རིག་རབ་གནས་འབྲིང་པོ་ཕྲིན་ལས་རབ་ཏུ་རྒྱས་བྱེད་རྨོར་ཆེན་གསུང་ལ་ཞལ་སྐོང་གནང་བ། kun rig rab gnas 'bring po phrin las rab tu rgyas byed rmor chen gsung la zhal skong gnang ba Consecration Rituals - rab gnas cho ga	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཀུན་རིག་རབ་གནས་འབྲིང་པོ་ཕྲིན་ལས་རབ་ཏུ་རྒྱས་བྱེད་རྨོར་ཆེན་གསུང་ལ་ཞལ་སྐོང་གནང་བ།

༄༅། །ཀུན་རིག་ལ་བརྟེན་པའི་རབ་ཏུ་གནས་པ་འབྲིང་པོའི་ཆོ་ག་ཕྲིན་ལས་རབ་ཏུ་རྒྱས་བྱེད་ཅེས་བྱ་བ་བཞུགས་སོ། ། ། ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདིར་རབ་ཏུ་གནས་པ་འབྲིང་དུ་བྱ་བའི་ཆོ་ག་ནི། ལོ་ཆེན་གྱི་སྡོམ་ལས། ལེགས་བཤམས་བདག་བསྐྱེད་བུམ་པ་བཟླས། །རྟེན་སྦྱངས་བཀྲུ་ཞིང་ཕྱི་བ་དང་། །རིང་བསྲེལ་གཞུག་ཅིང་གསོལ་བ་གདབ། །རྟེན་བསྐྱེད་སྤྱན་དྲངས་དགུག་རྒྱས་བཏབ། །དབང་བསྐུར་མཆོད་བསྟོད་སྤྱན་དབྱེ་བྱ། །གསོལ་བཏབ་མངའ་དབུལ་རྒྱས་པར་བྱ། །དེ་ཡང་མཆོད་བསྟོད་བྱེ་བྲག་དང་། །སྦྱིན་སྲེག་སྔགས་ཏེ་དངོས་གཞིའོ། །ཞེས་གསུངས་པ་ལྟར། དང་པོ་ལེགས་བཤམས་ནི། གོ་སླ་ཞིང་། གཉིས་པ་བདག་བསྐྱེད་ནི། མཆོད་པ་བྱིན་རླབས་ནས། ཐམས་ཅད་རྡོ་རྗེའི་བདག་ཉིད་གཙང་གི་བར་གཞན་ཕན་མཐའ་ཡས་ལྟར་བྱའོ། །གསུམ་པ་བུམ་བཟླས་ནི། ཨོཾ་བཛྲ་ཡཀྵ་ཧཱུྃ་གིས་བསང་། སྭ་བྷཱ་ཝས་སྦྱངས། སྟོང་པའི་ངང་ལས་པཾ་ལས་པདྨ་དང་། ཨ་ལས་ཟླ་བའི་དཀྱིལ་འཁོར་གཉིས་ཀྱི་སྟེང་དུ། བྷྲཱུྃ་ལས་རིན་པོ་ཆེའི་བུམ་པ་གཉིས་ཡངས་ཤིང་རྒྱ་ཆེ་བ། ལྟོ་བ་ལྡིར་བ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷའི་གོས་ཀྱིས་མགུལ་བ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་རྣམ་རྒྱལ་བུམ་པའི་ཆུའི་དབུས་སུ་པྃ་ལས་པདྨ་དང་། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་ལས་རྡོ་རྗེ་དཀར་པོ་རྩེ་ལྔ་པ་ལྟེ་བ་ལ་ཧཱུྃ་གིས་མཚན་པ། དེ་ལས་འོད་ཟེར་འཕྲོ་འདུས་གཅིག་ཏུ་གྱུར་པ་ལས། རྡོ་རྗེ་སེམས་དཔའ་སྐུ་མདོག་དཀར་པོ་རབ་ཏུ་དགྱེས་པའི་སྤྱན་གདངས་པ། དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པ། ཕྱག་གཡས་རྡོ་རྗེ་རྩེ་ལྔ་པ་ཐུགས་ཀར་གཏོད་དེ་འཛིན་པ། གཡོན་དྲིལ་བུ་ཁ་དཀུར་བསྟེན་པ། སེམས་དཔའི་སྐྱིལ་མོ་ཀྲུང་གིས་བཞུགས་པ་ལས་ཐམས་ཅད་ཀྱི་བུམ་པའི་ནང་དུ་ཀྵཾ་ལས་རྡོ་རྗེ་གནོད་སྦྱིན་སྐུ་མདོག་ནག་པོ་ཞལ་གཅིག་ཕྱག་གཉིས་པ། ཕྱག་གཉིས་ཀྱིས་ཞལ་གྱི་གཡས་གཡོན་གྱི་ཐད་ཀར་མཆེ་བ་འཛིན་པ། རིན་པོ་ཆེ་དང་རུས་པའི་རྒྱན་གྱིས་བརྒྱན་པ་སེམས་དཔའི་སྐྱིལ་ཀྲུང་གིས་བཞུགས་པ། རང་གི་སྙིང་ག་ནས་འོད་ཟེར་འཕྲོས་པས་རང་བཞིན་གྱི་གནས་ནས་བཅོམ་ལྡན་འདས་རྡོ་རྗེ་སེམས་དཔའ་དང་རྡོ་རྗེ་གནོད་སྦྱིན་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ མ་ལུས་སེམས་ཅན་ནས། ཡོངས་དག་འཁོར་བཅས་གནས་འདིར་གཤེགས་སུ་གསོལ། །ཛཿཧཱུྃ་བྃ་ཧོཿ བྷ་ག་ཝཱན་ཨེ་ཧྱེ་ཧི་མ་ཧཱ་ཀ་རུ་ཎི་ཀ་དྲྀ་ཤྱ་ཧོ་ས་མ་ཡ་སྟྭཾ། ཨརྒྷཾ་ནས་ཤབྡའི་བར་བརྗོད། ཨོཾ་བཛྲ་ཨངྐུ་ཤ་སོགས་དང་། བྷྲྀ་ཏ་སོགས་དང་བུདྡྷ་ཨ་བྷི་སོགས་དང་ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས། རྡོ་རྗེ་སེམས་དཔའ་སེམས་དཔའ་ཆེ། །སོགས་ཤློ་ཀ་གཅིག །རྡོ་རྗེ་གནོད་སྦྱིན་ཐབས་ཆེན་པོ་སོགས་ཤློ་ཀ་གཅིག །རང་གི་སྙིང་ག་ནས་སྔགས་ཀྱི་ཕྲེང་བ་གཟུངས་ཐག་ལ་སོགས། ཨོཾ་བཛྲ་སཏྭ་ཧཱུྃ། ཨོཾ་བཛྲ་ཡཀྵ་ཧཱུྃ་བརྒྱ་རྩ་རེ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ཞེས་སོགས་ཉེར་གཅིག །མཆོད་བསྟོད་གོང་ལྟར་བརྗོད་ནས། ཡེ་ཤེས་པ་གཤེགས་སུ་གསོལ་ཀུན་རིག་ལྟར་བྱའོ། །དེ་ནས་ཨོཾ་བཛྲ་ཡཀྵ་ཧཱུྃ་གིས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་པྃ་ལས་པདྨ་དང་། ཨ་ལས་ཟླ་བའི་དཀྱིལ་འཁོར་གྱི་སྟེང་དུ་བྷྲཱུྃ་ལས་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ཞབས་ཞུམ་པ། ལྟོ་བ་ལྡིར་བ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷའི་གོས་ཀྱིས་མགུལ་པ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་སོ་སོའི་རྫས་ཀྱིས་ཡོངས་སུ་གང་བར་གྱུར། ཨོཾ་སརྦ་ཏ་ཐཱ་ག་ཏ་གནྡྷེ་སྣཱ་ན་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡཱ་ཧཱུྃ། ཏྲི་མ་དྷུ་སྣཱ་ན༴ ས་ལ༴ ཕ་ལ༴ བྲུ་ཧཱི༴ ལཛྫ༴ ཨོཾ་ཥ་དྷི༴ མ་ཎི༴ རྣམ་རྒྱལ་མའི་གཟུངས་དང་། ཨོཾ་ཨ་མྲྀ་ཏེ་ཧཱུྃ་ཕཊ། ནང་རྫས་རྣམས་འོད་དུ་ཞུ་བ་ལས་བྱུང་བའི་སོ་སོའི་བུམ་པ་རྟེན་གྱི་དྲི་མ་སྦྱོང་བའི་ནུས་པ་དང་ལྡན་པར་གྱུར། བཞི་པ་རྟེན་སྦྱང་བ་ནི། ཨོཾ་སརྦ་བིགྷྣཱན་ན་མཿསརྦ་ཏ་ཐཱ་ག་ཏ་བྷྱོ་སོགས་ལན་གསུམ། དེང་འདིར་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་རབ་ཏུ་གནས་པར་བྱེད་པ་ལ་མི་མཐུན་པའི་བགེགས་རིགས་གང་ཡིན་པ་དེ་དག་ཐམས་ཅད་གཏོར་མ་འདིས་ཚིམ་པར་གྱིས་ཤིག །ཨོཾ་སུམྦྷ་སོགས་ལན་གསུམ། དེང་འདིར་ནས། དེ་དག་ཐམས་ཅད་གཏོར་མ་ལམ་བརྔན། ཏིང་ལོ་ལམ་སྒྲོན། ཆང་བུ་ལམ་བརྒྱགས་ཀྱི་ཚུལ་དུ་ཁྱེར་ལ་ས་ཡི་ཕྱོགས་འདིར་མ་གནས་པར་གཞན་དུ་སོངས་ཤིག །རང་གི་སྙིང་ག་ནས་འོད་ཟེར་འཕྲོས་པས་ཁྲོ་བོ་མེ་ལྟར་འབར་བ་ལ་ཞེས་པ་ནས། བགེགས་ཀྱི་དགྲ་ལ་ཕྱག་འཚལ་བསྟོད་ཀྱི་བར། ན་མོ། །རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བདེན་པ་དང་། སངས་རྒྱས་ཀྱི༴ ཆོས་ཀྱི་བདེན་པ༴ དགེ་འདུན་གྱི་བདེན༴ གསང་སྔགས་དང་རིགས་སྔགས་ཀྱི་རྒྱལ་པོ་ཁྲོ་བོ་དང་ཁྲོ་མོ་རྣམས་ཀྱི༴ བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་ཀུན་རིག་རྣམ་པར་སྣང་མཛད་སོགས་ཀྱིས་བདེན་པ་ཆེན་པོའི་བྱིན་གྱིས་བརླབས་ཀྱིས། དེང་འདིར་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་རབ་ཏུ་གནས་པར་བྱེད་པ་ལ་མི་མཐུན་པའི་བགེགས་ཀྱི་རིགས་གང་ཡིན་པ་དེ་དག་ཐམས་ཅད་ལ་རྒྱུད་སྡེ་དང་མཐུན་པའི་སྦྱོང་བ་རྣམ་པར་དག་པར་བྱས་ཟིན་པས། །དེས་མགུ་བར་གྱིས་ལ་སའི་ཕྱོགས་འདིར་མ་གནས་པར་གཞན་དུ་སོངས་ཤིག །གང་དག་མི་འགྲོ་བ་དེ་དག་ཐམས་ཅད་ལ། དེ་བཞིན་གཤེགས་པ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་ཀྱི་རྡོ་རྗེ་འབར་ཞིང་རབ་ཏུ་འབར་བ་འདིས་ཁྱེད་རྣམས་ཀྱི་མགོ་བོ་ཚལ་བ་བརྒྱར་འགས་པར་བྱའོ། །ཨོཾ་སུམྦྷ་སོགས་བརྗོད། ལན་གསུམ་གྱི་མཐར། བདག་དང་ཡོན་བདག་གི་གཙོར་བྱས་པའི་སེམས་ཅན་ཐམས་ཅད་ཀྱི་སྡིག་པ་དང་སྒྲིབ་པ་ཐམས་ཅད་ཡི་གེ་ཀཾ་ནག་པོའི་རྣམ་པས་སྙིང་ག་ནས་ཐོན། སྡིག་པ་རྭ་ཅན་གྱི་རྣམ་པས་མདུན་གྱི་ཏིལ་ལ་ཐིམ། ཨོཾ་སརྦ་པཱ་པཾ་ད་ཧ་ན་བྷ་སྨིན་ཀུ་རུ་སྭཱ་ཧཱ། ལྔ་པ་བཀྲུ་ཞིང་ཕྱི་བ་ནི། རྟེན་རྙིང་པ་རྣམས་ལ། ཇི་ལྟར་བལྟམས་པ་སོགས་དང་། འདི་ནི་ཁྲུས་མཆོག་དཔལ་དང་སོགས་དང་། དེ་བཞིན་གཤེགས་པ་རྣམས་དང་སོགས། དེ་དག་སྐུ་ལ་སོགས། ཨོཾ་ཧཱུྃ་ཏྲཱཾ་ཧྲཱིཿཨཱཿཀཱ་ཡ་སོགས་བརྗོད། རྟེན་གསར་པ། ཇི་ལྟར་བལྟམས་པ་སོགས་དང་། གནྡྷེ་སྣཱ་ན༴ རྒྱལ་བའི་སྐུ་ལ་ཉོན་མོངས་མི་མངའ་ཡང་། །འགྲོ་བའི་ལུས་སེམས་སྡུག་བསྔལ་སྦྱང་སླད་དུ། །ཆུ་གཙང་སྨན་སྤོས་འདག་ཆལ་འདིས་བཀྲུས་པས། བདག་ཅག་དམ་པའི་སྐུ་མཆོག་ཐོབ་པར་ཤོག །ཨོཾ་སརྦ་ཏ་ཐཱ་ག་ཏ་ཀ་ཡ་བི་ཤོ་དྷ་ནེ་སྭཱ་ཧཱ། ལན་གསུམ། འདི་ནི་ཁྲུས་མཆོག་དཔལ་དང་ལྡན་སོགས་དང་། ཏྲི་མ་དྷུ༴ རྒྱལ་བའི་སྐུ་ལ༴ ཀཱ་ཡ་བི་ཤོ་དྷ་ནི༴ ལན་གསུམ། འདི་ནི་སྦྱིན་པའི་སོགས། མ་ལ༴ རྒྱལ་བའི་སྐུ་ལ༴ ཀཱ་ཡ་བི་ཤོ་དྷ་ནི༴ འདི་ནི་ཚུལ་ཁྲིམས༴ ཕ་ལ༴ རྒྱལ་བའི་སྐུ་ལ༴ ཀཱ་ཡ༴ འདི་ནི་བཟོད་པའི༴ བྲུ་ཧི༴ རྒྱལ་བའི་སྐུ་ལ༴ ཀཱ་ཡ༴ འདི་ནི་བརྩོན་འགྲུས༴ ལཛྫ༴ རྒྱལ་བའི་སྐུ་ལ༴ ཀཱ་ཡ༴ འདི་ནི་བསམ་གཏན༴ ཨོཾ་ཥ་དྷི༴ རྒྱལ་བའི་སྐུ་ལ༴ ཀཱ་ཡ༴ འདི་ནི་ཤེས་རབ༴ མ་ཎི་སྣ་ན༴ རྒྱལ་བའི་སྐུ་ལ་སོགས། ཀཱ་ཡ༴ དེ་དག་སྐུ་ལ་སོགས། ཨོཾ་ཧཱུྃ་ཏྲཱཾ་ཧྲཱིཿ ཨཱཿ ཀཱ་ཡ་བི་ཤོ་དྷ་ན་ཡེ་སྭཱ་ཧཱ། ཆུ་བོ་དྲུག་གི་ཁྲུས་བྱས་པས། སོགས་ནས། དད་པས་བདག་གིས་ཁྲུས་བགྱིའོ། །ཞེས་པའི་བར། གང་ལ་སེར་སྣ་རྣམས་ཆགས་ཞེས་པ་ནས། ཁྱེད་ཅག་སྡིག་པར་མ་གྱུར་ཅིག་ཅེས་པའི་བར་དང་། དེ་ནས་ཇི་ལྟར་བལྟམས་པ་སོགས་དང་། དེ་བཞིན་གཤེགས་པ་རྣམས་དང་སོགས། དེ་དག་སྐུ་ལ་མཚུངས་པ་མེད་པའི་སོགས་སྐུ་ཕྱིའོ། །དྲུག་པ་རིང་བསྲེལ་གཞུག་པ་ནི། རྟེན་ལ་གཟུངས་ཐག་བཏགས་ལ། ཨོཾ་སརྦ་བིདྱཱ་སྭཱ་ཧཱ། ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཨོཾ་སུ་པྲ་ཏིཥྛ་བཛྲ་ཡ་སྭཱ་ཧཱ། ཞེས་དང་། སྡིག་པ་ཅི་ཡང་མི་བྱ་ཞེས་སོགས་བརྗོད། དྲུག་པ་གསོལ་བ་གདབ་པ་ནི། སློབ་དཔོན་བཞེངས་ཏེ་ལག་ཏུ་མེ་ཏོག་བཟུང་ལ། ། ༈ གང་འདིར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཏེ། རྒྱུ་དང་འབྲས་བུའི་དགོས་པ་ཕུན་སུམ་ཚོགས་པ་དང་ལྡན་ཞིང་། ཆོས་ཐམས་ཅད་ཐུགས་སུ་ཆུད་པའི་སངས་རྒྱས་བཅོམ་ལྡན་འདས་འདི་དག་གི་རབ་ཏུ་གནས་པར་བགྱིའོ། ། ༈ གང་འདིར་བཅོམ་ལྡན་འདས་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་ཡང་དག་པར་ལྡན་པ་དང་། སྟོབས་བཅུ་དང་མི་འཇིགས་པ་བཞི་དང་། མ་འདྲེས་པའི་དྲན་པ་ཉེ་བར་བཞག་པ་བཞི་དང་། ཐུགས་རྗེ་ཆེན་པོ་ལ་སོགས་པ་མདོར་ན་སློབ་པ་དང་མི་སློབ་པའི་སངས་རྒྱས་སུ་བྱེད་པའི་ཆོས་རྣམས་དང་ཡང་དག་པར་ལྡན་པ། དེའི་སྐྱོན་གྱི་ཉེས་པ་ཐམས་ཅད་དང་བྲལ་ཞིང་། བདེ་བར་གཤེགས་པའི་ཡོན་ཏན་གྱི་ཆོས་ཚད་མེད་པ་དང་ལྡན་པའི་སངས་རྒྱས་བཅོམ་ལྡན་འདས་འདི་དག་གི་རབ་ཏུ་གནས་པར་བགྱིའོ། ། ༈ གང་འདིར་བཅོམ་ལྡན་འདས་ཀྱི་བླ་ན་མེད་པའི་ཚུལ་ཁྲིམས་ལ་སོགས་པའི་ཕུང་པོ་ལྔ་དང་ཡང་དག་པར་ལྡན་པ། ཆོ་འཕྲུལ་གསུམ་དང་། ཏིང་ངེ་འཛིན་གསུམ་དང་། བསླབ་པ་གསུམ་དང་། ཚངས་པའི་གནས་བཞི་དང་། བསམ་གཏན་བཞི་དང་། འཕགས་པའི་བདེན་པ་བཞི་དང་ཡང་དག་པར་ལྡན་པས་དེའི་ཡོན་ཏན་ཕྱིན་ཅི་མ་ལོག་པའི་ཡེ་ཤེས་དང་། ཤེས་བྱའི་ཡུལ་ཐམས་ཅད་ལ་མངའ་བརྙེས་ནས། ཉོན་མོངས་པ་མ་ལུས་པ་ལ་སོགས་པ་རྣམས་སྤངས་པ་དང་། བདུད་བཞི་ལས་རབ་ཏུ་རྒྱལ་བའི་སངས་རྒྱས་བཅོམ་ལྡན་འདས་འདི་དག་གི་རབ་ཏུ་གནས་པར་བགྱིའོ། ། ༈ གང་འདིར་བཅོམ་ལྡན་འདས་ཀྱི་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་དང་། བསོད་ནམས་དང་ཡེ་ཤེས་ཀྱི་ཚོགས་ཡང་དག་པར་བསགས་པ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ཡང་དག་པར་བརྒྱན་པ་དང་། དཔེ་བྱད་བཟང་པོ་བརྒྱད་ཅུས་ཡང་དག་པར་བརྒྱན་པ་དང་། སྐུ་བལྟ་བས་ཆོག་མི་ཤེས་པ་དང་། མཐོང་ན་མི་མཐུན་པ་མེད་པ་སྟེ། དེའི་གཟུགས་ཀྱི་སྐུའི་འབྱོར་པ་མཐར་ཐུག་པའི་འགྲོ་བ་མ་ལུས་པའི་རྩ་ལག་ཏུ་གྱུར་པའི་སངས་རྒྱས་བཅོམ་ལྡན་འདས་འདི་དག་གི་རབ་ཏུ་གནས་པར་བགྱིའོ། །ཨོཾ་ན་མོ་བྷ་ག་ཝ་ཏེ། ཤཱཀྱ་མུ་ན་ཡེ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་མུ་ནེ་མུ་ནེ་མ་ཧཱ་མུ་ན་ཡེ་སྭཱ་ཧཱ། དེ་ནས་ཙོག་པུར་འདུག་ལ། ༈ ངོ་མཚར་ཆེན་པོ་གྲངས་མེད་པ་བསམ་གྱིས་མི་ཁྱབ་པ་དང་ལྡན་པའི་སངས་རྒྱས་བཅོམ་ལྡན་འདས་ཐམས་ཅད་ལ་ཕྱག་འཚལ་ཞིང་སྐྱབས་སུ་མཆིའོ། །དེ་དག་ཐམས་ཅད་བདག་ལ་དགོངས་སུ་གསོལ། བདག་གི་སེམས་ཅན་ཐམས་ཅད་ཀྱི་དོན་དུ་དཀོན་མཆོག་གསུམ་གྱི་རྟེན་རབ་ཏུ་གནས་པར་བགྱི་བ་ལ་དེའི་མཐུས། བདག་གི་སེམས་ཅན་ཐམས་ཅད་ཀྱི་དབུགས་དབྱུང་བར་བགྱིའོ། །འཁོར་བའི་གཅོང་རོང་ཆེན་པོ་ལས་བསྒྲལ་བར་བགྱིའོ། །ཕ་རོལ་གྱི་རྒོལ་བ་དང་བདུད་དང་ལོག་འདྲེན་ཐམས་ཅད་ཕམ་པར་བགྱིའོ། །སེམས་ཅན་ཐམས་ཅད་ཀྱི་བག་ཆགས་ཀྱི་མཚམས་སྦྱོར་བའི་ཉོན་མོངས་པའི་རྟོག་པ་ཐམས་ཅད་བསལ་བར་བགྱིའོ། །སེམས་ཅན་ཐམས་ཅད་ཀྱི་ང་རྒྱལ་གྱི་རི་བོ་བསྙིལ་བར་བྱའོ། །སེམས་ཅན་ཐམས་ཅད་ཀྱི་སྐྱེ་བའི་ལྗོན་ཤིང་རྩད་ནས་བཅད་དོ། །འཆི་བདག་གི་ཉི་མ་ཕྱེ་མར་བརླག་གོ། མ་རིག་པའི་མུན་པ་བསལ་བར་བགྱིའོ། །མ་དད་པ་དང་། ཕྱིར་རྒོལ་བ་དང་། ལྟ་བ་ཕྱིན་ཅི་ལོག་པ་དག་ཡང་དག་པའི་ལྟ་བ་ལ་གཟུད་ཅིང་བསྒྱུར་རོ། །ལས་ཀྱི་ཆུ་བོ་བཟློག་པར་བགྱིའོ། །སྲིད་པའི་རྒྱ་མཚོ་སྐེམ་པར་བགྱིའོ། །ཆོས་ཀྱི་སྒྲོན་མེ་སྦར་བར་བགྱིའོ། །བྱང་ཆུབ་ཀྱི་ལམ་བསྟེན་པར་བགྱིའོ། །བཟོད་པ་དང་དེས་པ་ལ་གཟུད་དོ། །བསམ་གཏན་གྱི་བདེ་བ་ལ་རྩེར་བཙལ་ཏོ། །འདོད་ཆགས་ཀྱི་མེ་དཔུང་གཞོམ་པར་བགྱིའོ། །ཞེ་སྡང་གི་མཚོན་རྩེ་རྣོན་པོ་གཞོམ་པར་བགྱིའོ། །བདེན་པ་ལ་གཟུད་དོ། །ཕྲག་དོག་གི་འཚུབ་མ་ཞི་བར་བགྱིའོ། །སེར་སྣའི་མདུད་པ་དགྲོལ་བར་བགྱིའོ། །འཇིགས་པ་མ་མཆིས་པ་དང་། བདེ་བ་ཆེན་པོའི་གྲོང་ཁྱེར་དུ་འཇུག་པར་བགྱིའོ། །དེ་བས་ན་བདག་ལ་ལས་ཀྱི་དངོས་གྲུབ་ཀྱི་མཆོག་གནང་བར་མཛད་དུ་གསོལ། །བརྒྱད་པ་རྟེན་བསྐྱེད་པ་ནི། ཡཀྵས་བསང་། འདི་ནས་སློབ་དཔོན་གྱིས་བསྐུལ། མཆན། སྭ་བྷཱ་ཝས་སྦྱང་། སྟོང་པའི་ངང་ལས་ལྷ་ཁང་དང་མཆོད་རྟེན་རྣམས་སེང་གེས་བཏེགས་པའི་རིན་པོ་ཆེའི་ཁྲི་སྣ་ཚོགས་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་ཨོཾ་ལས་འཁོར་ལོ་ཨོཾ་ཡིག་གིས་མཚན་པ་ལས་རྣམ་པར་སྣང་མཛད་སྐུ་མདོག་དཀར་པོ་བྱང་ཆུབ་མཆོག་གི་ཕྱག་རྒྱ་ཅན། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པའི་སྐུ་ཅན་དུ་གྱུར། དེ་འོད་དུ་ཞུ་བ་ལས་བྱུང་བའི་ལྷ་ཁང་དང་ཆོས་སྐུའི་མཆོད་རྟེན་ཚད་དང་མཚན་ཉིད་རྒྱན་ལ་སོགས་པ་ཡོངས་སུ་རྫོགས་པར་གྱུར་པའི་གཞལ་ཡས་ཁང་དང་། བུམ་པའི་ནང་གི་དབུས་སུ་སེང་གེའི་ཁྲི། ཤར་དུ་གླང་པོ་ཆེའི་ཁྲི། ལྷོར་རྟའི་ཁྲི། ནུབ་ཏུ་རྨ་བྱའི་ཁྲི། བྱང་དུ་མཁའ་ལྡིང་རྣམས་ཀྱིས་བཏེགས་པའི་རིན་པོ་ཆེའི་ཁྲིའི་སྟེང་དུ་སྣ་ཚོགས་པདྨ་དང་ཟླ་བའི་གདན་ལ། དབུས་སུ་ཨོཾ་ལས་རྣམ་པར་སྣང་མཛད་དཀར་པོ་བྱང་ཆུབ་མཆོག་གི་ཕྱག་རྒྱ་ཅན། ཤར་དུ་ཧཱུྃ་ལས་མི་བསྐྱོད་པ་སྔོན་པོ་གཡས་ས་གནོན། གཡོན་མཉམ་བཞག །ལྷོར་ཏྲཱྃ་ལས་རིན་ཆེན་འབྱུང་ལྡན་སེར་པོ་གཡས་མཆོག་སྦྱིན། གཡོན་མཉམ་བཞག །ནུབ་ཏུ་ཧྲཱིཿལས་འོད་དཔག་མེད་མཉམ་བཞག །བྱང་དུ་ཨཱཿལས་དོན་ཡོད་གྲུབ་པ་ལྗང་གུ་གཡས་སྐྱབས་སྦྱིན། གཡོན་མཉམ་བཞག་གི་ཕྱག་རྒྱ་ཅན། ཐམས་ཅད་ཀྱང་དར་གྱི་ན་བཟའ་དང་རིན་པོ་ཆེའི་རྒྱན་གྱིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་མཐའ་བསྐོར་དུ་སངས་རྒྱས་དང་བྱང་ཆུབ་སེམས་དཔའ་བསམ་གྱིས་མི་ཁྱབ་པས་བསྐོར་བ་དང་བཅས་པ། སྐུ་རྟེན་རྣམས་སྟོང་པའི་ངང་ལས་སེང་གེས་བརྟེགས་པའི་རིན་པོ་ཆེའི་ཁྲི་ལ་གནས་པའི་པདྨ་དང་ཟླ་བའི་སྟེང་དུ་ཨོཾ་ཨཱཿཧཱུྃ་ལས་རྡོ་རྗེ་ཨོཾ་ཨཱཿཧཱུྃ་གིས་མཚན་པ་ལས་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པ་དར་དང་རིན་པོ་ཆེས་བརྒྱན་ཅིང་། སེམས་དཔའི་སྐྱིལ་མོ་ཀྲུང་གིས་བཞུགས་པ། གསུང་རྟེན་རྣམས་སྟོང་པའི་ངང་ལས་པདྨ་དང་ཟླ་བའི་སྟེང་དུ་ཧྲཱིཿལས་པདྨ་ཧྲཱིཿས་མཚན་པ་ལས་འོད་དཔག་མེད་དམར་པོ་མཉམ་བཞག་གི་ཕྱག་རྒྱ་ཅན། དར་དང་རིན་པོ་ཆེས་བརྒྱན་ཅིང་། རྡོ་རྗེའི་སྐྱིལ་མོ་ཀྲུང་གིས་བཞུགས་པ། ཐུགས་ཕྱག་མཚན་གྱི་རྟེན་རྣམས་སྟོང་པའི་ངང་ལས་པདྨ་དང་ཟླ་བའི་སྟེང་དུ་ཧཱུྃ་ལས་རྡོ་རྗེ་ཧཱུྃ་གིས་མཚན་པ་ལས་མི་བསྐྱོད་པ་སྔོན་པོ་གཡས་ས་གནོན། གཡོན་མཉམ་བཞག་གི་ཕྱག་རྒྱ་ཅན། དར་དང་རིན་པོ་ཆེའི་རྒྱན་གྱིས་བརྒྱན་ཅིང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ་ཞེས་བསྐྱེད། དེ་རྣམས་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། དགུ་པ་ཡེ་ཤེས་པ་སྤྱན་དྲངས་པ་ནི། རང་གི་སྙིང་ག་ནས་འོད་ཟེར་འཕྲོས་པས། འོག་མིན་ནས་ཡེ་ཤེས་ཀྱི་འཁོར་ལོ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ མ་ལུས་སེམས་ཅན་ནས། མཆོག་རྣམས་ལེགས་པར་སྩལ་དུ་གསོལ་གྱི་བར། ཛཿཧཱུྃ་བྃ་ཧོཿབྷ་ག་ཝཱན་ཨེ་ཧྱེ་ཧི་མ་ཧཱ་ཀ་རུ་ཎི་ཀ་དྲྀ་ཤྱ་ཧོ་ས་མ་ཡ་སྟྭཾ། ཡེ་ཤེས་སེམས་དཔའི་ཕྱི་བཞིན་དུ་འབྲངས་ཏེ་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་རབ་ཏུ་གནས་པར་བྱེད་པ་ལ་བར་དུ་གཅོད་པར་བྱེད་པའི་བགེགས་ཀྱི་རིགས་གང་ཡིན་པ་དེ་དག་ཐམས་ཅད་འདིར་མ་གནས་པར་གཞན་དུ་སོང་ཞིག །བཛྲ་སཏྭ་ཀྲོ་དྷ་སོགས་བརྗོད། བཅོམ་ལྡན་འདིར་ནི་བྱོན་པ་ལེགས་ནས། པདྨ་ཀ་མ་ལཱ་ཡ་སྟྭཾ་གྱི་བར། ལྷ་ལ་སོགས་པ་དྲི་ཡི་རྫས་ཞེས་སོགས་ཤྭ་ལོ་ཀ་ལྔ་སྔགས་དང་བཅས་པ་དང་། དེ་ལས་གཞན་ཡང་མཆོད་པའི་ཚོགས་ཞེས་དགོས་དང་། ཤབྡ་པྲ་ཏཱིཙྪ་སོགས་རོལ་མོ་དང་བཅས་པས་མཆོད། ཨོཾ་བཛྲ་ཨངྐུ་ཤ་ཛཿསོགས་དང་། ཛཿཧཱུྃ་བྃ་ཧོཿམང་དུ་བརྗོད། སླར་ཡང་རང་གི་སྙིང་ག་ནས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་བསམ་གྱིས་མི་ཁྱབ་པ་ཨོཾ་བཛྲ་ས་མཱ་ཛཿ འདི་ལྟར་སངས་རྒྱས་ཐམས་ཅད་ཀྱིས། །དགའ་ལྡན་དུ་ནི་གནས་པ་ན། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་གཟུགས་བརྙན་ལྷན་ཅིག་ཏུ། །འདི་རུ་མགོན་པོ་རྟག་བཞུགས་ནས། །བྱང་ཆུབ་སེམས་ནི་བསྐྱེད་པ་དང་། །སྦྱིན་པའི་བདག་པོའི་དོན་སླད་དུ། །བདག་གི་འབྱོར་པ་ཉིད་ཀྱིས་ནི། །ཅི་འབྱོར་པ་ཡིས་མཆོད་པ་དང་། །མེ་ཏོག་ལ་སོགས་འདི་བཞེས་ལ། །བདག་དང་སློབ་མར་བཅས་པ་ལ། །རྗེས་སུ་བརྩེ་བར་དགོངས་སུ་གསོལ། །ཀུན་གྱིས་འདི་ལ་བྱིན་བརླབས་ཤིང་། །འདི་ཉིད་དུ་ནི་བཞུགས་པར་རིགས། །ལན་གསུམ། བཅུ་པ་དགུག་གཞུག་ནི། ཨོཾ་བཛྲ་ཨངྐུ་ཤ་ཛཿསོགས་དང་། ཛཿཧཱུྃ་བྃ་ཧོཿ མང་དུ་བརྗོད། བཅུ་གཅིག་པ་རྒྱས་གདབ་པ་ནི། ལྷ་ཐམས་ཅད་ཀྱི་སྤྱི་བོར་ཨོཾ་ལས་འཁོར་ལོ་ཨོཾ་གྱིས་མཚན་པ། མགྲིན་པར་ཨཱཿལས་པདྨ་ཨཱཿས་མཚན་ལ། ཐུགས་ཀར་ཧཱུྃ་ལས་རྡོ་རྗེ་ཧཱུྃ་གིས་མཚན་པ། བཅུ་གཉིས་པ་དབང་བསྐུར་བ་ནི། སླར་ཡང་འོད་ཟེར་འཕྲོས་པས་དབང་གི་རིགས་ལྔ་འཁོར་དང་བཅས་པ་ཨོཾ་བཛྲ་ས་མཱ་ཛཿ པཉྩ་ཀུ་ལ་སོགས། ཨརྒྷཾ་ནས་ཤབྡའི་བར་བརྗོད། བྱང་ཆུབ་རྡོ་རྗེ་སངས་རྒྱས་ལ་སོགས་ཀྱིས་གསོལ་བ་གདབ། བུམ་པ་སོགས་ཐོགས་ལ། ཨོཾ་བུདྡྷ་ཀ་ལ་ཤ་ཨ་བྷི་ཥྩི་ཨོཾ་སོགས་ནས། ཁངྒ་རཏྣ་ཨ་བྷི་ཥིཉྩ་མཾ་གྱི་བར། སྔགས་ཁོ་ནས་དབང་བསྐུར། དེ་ལྟར་དབང་བསྐུར་བས་དབང་གི་ཆུས་སྐུ་ལུས་ཀྱི་ནང་ཐམས་ཅད་གང་། དྲི་མ་ཐམས་ཅད་དག །ཆུ་ལྷག་མ་ཡར་ལུད་པ་ལས་སོ་སོའི་རིགས་ཀྱི་བདག་པོས་དབུ་བརྒྱན། བཅུ་གསུམ་པ་མཆོད་བསྟོད་ནི། བསང་སྦྱང་གོང་ལྟར་བྱས་ལ། འཇིག་རྟེན་ཁམས་འདི་དཔག་མེད་ན། །ཞེས་སོགས་ཀྱིས་མཆོད། ༈ ཧཱུྃ་སྣང་སྟོང་རྡོ་རྗེ་ནམ་མཁའི་དབྱིངས། །ཆོས་དབྱིངས་ཡེ་ཤེས་རྡོ་རྗེའི་སྐུ། །བྱང་ཆུབ་མཆོག་གི་ཕྱག་རྒྱ་ཅན། །ཕྱག་འཚལ་རྣམ་པར་སྣང་མཛད་ལ། །གཟུང་འཛིན་རྡོ་རྗེ་བརྟན་པའི་ས། །མེ་ལོང་ཡེ་ཤེས་རྡོ་རྗེའི་སྐུ། །བདུད་འདུལ་ཆེན་པོའི་ཕྱག་རྒྱ་ཅན། །ཕྱག་འཚལ་མི་བསྐྱོད་རྡོ་རྗེ་ལ། །རིན་ཆེན་རྡོ་རྗེ་འབར་བའི་མེ། །མཉམ་ཉིད་ཡེ་ཤེས་རྡོ་རྗེའི་སྐུ། །མཆོག་སྦྱིན་ཆེན་པོའི་ཕྱག་རྒྱ་ཅན། །ཕྱག་འཚལ་རིན་ཆེན་རྡོ་རྗེ་ལ། །འདོད་ཆགས་རྡོ་རྗེ་ཆོས་ཀྱི་སྐུ། །ཀུན་རྟོག་ཡེ་ཤེས་རྡོ་རྗེའི་སྐུ། །ཏིང་འཛིན་ཆེན་པོའི་ཕྱག་རྒྱ་ཅན། །ཕྱག་འཚལ་སྣང་བ་མཐའ་ཡས་ལ། །ཕྲག་དོག་རྡོ་རྗེ་མི་བསྐྱོད་རླུང་། །བྱ་གྲུབ་ཡེ་ཤེས་རྡོ་རྗེའི་སྐུ། །སྐྱབས་སྦྱིན་ཆེན་པོའི་ཕྱག་རྒྱ་ཅན། །ཕྱག་འཚལ་དོན་ཡོད་གྲུབ་པ་ལ། ༈ འགྲོ་བ་རྒྱུད་ལྔ་འཁོར་བའི་དཀྱིལ་འཁོར་དུ། །སྡུག་བསྔལ་འཁྲུལ་འཁོར་གྱིས་གཟིར་འགྲོ་གཟིགས་ནས། །ཐུགས་རྗེ་སྡུག་བསྔལ་འཁྲུལ་འཁོར་འཇོམས་མཛད་པ། །ཐུགས་རྗེའི་བདག་ཉིད་ཁྱོད་ལ་ཕྱག་འཚལ་ལོ། །སེམས་ཅན་སྨིན་ཅིང་གྲོལ་བར་མཛད་པའི་ཕྱིར། །སེམས་ཅན་ཁམས་ན་བཞུགས་ཤིང་སྤྱོད་གྱུར་ཀྱང་། །ཆགས་པས་མ་གོས་པདྨ་ལྟར་དག་པས། །འདོད་ཆགས་དག་པའི་བདག་ཉིད་ཁྱོད་ལ་བསྟོད། །སེམས་ཅན་བཀྲེན་པ་ཆོས་ཀྱིས་ཕོངས་གྱུར་པ། །མ་རིག་འཐིབས་པོའི་ནང་དུ་སོང་གྱུར་ན། །འཕགས་པའི་ནོར་བདུན་དག་གི་སྤྱོད་མཛད་པ། །ཡེ་ཤེས་སྒྲོན་མེ་ཁྱོད་ལ་ཕྱག་འཚལ་ལོ། །སེམས་ཅན་འཁོར་བའི་རྒྱ་མཚོར་ནུབ་པ་ལ། །ཐུགས་རྗེའི་ཐབས་དང་ཤེས་རབ་གྲུར་ཞུགས་ནས། །ཞི་བ་རིན་ཆེན་མཆོག་གླིང་སྐྱེལ་མཛད་པ། །ཀུན་ནས་དེད་དཔོན་དེ་ལ་ཀུན་ནས་འདུད། །སེམས་ཅན་ལས་ཀྱི་ཆུ་བོར་གྲུ་ནུབ་རྣམས། །དམ་ཆོས་བདུད་རྩིའི་ཟམ་པས་སྒྲོལ་མཛད་པའི། །འཕགས་ལམ་ཡན་ལག་བརྒྱད་ལ་སྦྱོར་མཛད་པ། །གསུང་གི་མངའ་བདག་ཁྱོད་ལ་ཕྱག་འཚལ་ལོ། །ཕྱག་བྱར་འོས་པ་སོགས་བྱའོ། །བཅུ་བཞི་པ་སྤྱན་དབྱེ་ནི། ཀུན་མཁྱེན་ཡེ་ཤེས་སྤྱན་ལྡན་སྐྱོན་བྲལ་ཡང་། །གུས་པས་འཕགས་པའི་སྤྱན་ནི་དབྱེ་བགྱིས་པས། །ནམ་མཁའི་མཐར་ཐུག་གྱུར་པའི་སེམས་ཅན་རྣམས། །སངས་རྒྱས་ཡེ་ཤེས་སྤྱན་ནི་ཐོབ་པར་ཤོག །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤྭ་དྷ་ནེ་སྭཱ་ཧཱ། ལན་གསུམ། ཡེ་ཤེས་ཀྱི་སྤྱན་རྣམ་པར་དག་པ་ཐོབ་སྟེ། སེམས་ཅན་གྱི་དོན་ལ་འཇུག་པའི་མཐུ་ཕུན་སུམ་ཚོགས་པ་དང་ལྡན་པར་གྱུར་ཅིག །བཅོ་ལྔ་པ་གསོལ་བ་གདབ་པ་ནི། མཆོད་པ་སྔགས་མཆོད་དང་། བསྟོད་པ་སྣང་སྟོང་མའམ་རྒྱུད་ལྔ་མ་བརྗོད། རྟེན་རྣམས་ཞུ་བ་ལས་བྱུང་བའི་རྟེན་སོ་སོའི་རྣམ་པ་ཇི་ལྟ་བ་བཞིན་དུ་གྱུར། ཕྱོགས་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་རྒྱལ་བ་རྣམས་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུ་ཡང་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་འདི་དག་ལ་ས་དང་ཆུ་དང་མེ་དང་རླུང་གི་གནོད་པས་མ་ཞིག་གི་བར་དུ་སེམས་ཅན་གྱི་དོན་མཛད་ཅིང་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་ལན་གསུམ། བཅུ་དྲུག་པ་མངའ་དབུལ་ལ། མཆོད་པས་མངའ་དབུལ་བ་ནི། མཆོད་པ་བསང་སྦྱངས། རབ་འབྱམས་རྒྱ་མཚོ་སོགས་མཆོད་ཕྲེང་དང་། བསྟོད་པས་མངའ་དབུལ་བ་ནི། སྣང་སྟོང་མ་དང་། རྒྱུད་ལྔ་མ་དང་། ། ༈ མཉམ་ཉིད་མི་གཡོ་མཉམ་ཉིད་མཆོག་གི་ཆོས་ཉིད་ཅན། །ཐུགས་རྗེའི་བདག་ཉིད་འགྲོ་བའི་སྡུག་བསྔལ་སེལ་བར་མཛད། །ཡོན་ཏན་མཐའ་ཡས་དངོས་གྲུབ་ཐམས་ཅད་སྦྱིན་མཛད་པ། །དྲི་མེད་མི་གཡོ་མཉམ་ཉིད་མཆོག་གི་ཆོས་ཉིད་ཅན། །ཡོན་ཏན་ཤིན་ཏུ་ཕྲ་བའི་ཆ་ལའང་ཚད་མེད་དེས། །དཔེ་ནི་ནམ་མཁའ་དང་ཡང་སྐྲུན་དུ་ཡོད་མ་ཡིན། །དངོས་གྲུབ་མཐའ་ཡས་དཔག་མེད་དཔེ་དང་བྲལ་བ་རྣམས། །སེམས་ཅན་ཁམས་ལ་དངོས་གྲུབ་མཆོག་རྣམ་ངེས་པར་སྩོལ། །རྟག་ཏུ་དྲི་མ་མེད་པ་ཐུགས་རྗེའི་ཤུགས་ལས་གྲུབ། །སྨོན་ལམ་གྲུབ་པ་འགག་པ་མེད་པའི་ཆོས་ཉིད་ཅན། །འགྲོ་བའི་དོན་གྲུབ་རབ་ཏུ་བརྩོན་པ་མཐའ་ཡས་པ། །ཐུགས་རྗེ་ཆེན་པོའི་བདག་ཉིད་རྟག་ཏུ་རྣམ་པར་སྣང་། །ཚད་མེད་ཚད་དང་བྲལ་བ་ཤིན་ཏུ་རྫོགས་པ་ཡི། །བདེ་བར་གཤེགས་པའི་གོ་འཕང་དམ་པ་བརྙེས་གྱུར་ཀྱང་། །ཁམས་གསུམ་རྣམས་ལ་དངོས་གྲུབ་མཆོག་རྣམས་སྩོལ་མཛད་པའི། །ཐུགས་རྗེའི་སྤྱོད་པ་མི་གཡོ་འགགས་པར་ཡོངས་མི་འགྱུར། །ཨེ་མ་ཧོ་ཤིན་ཏུ་བཟང་པོའི་ཆོས་ཉིད་མཆོག་དང་ལྡན། །མཆོག་སྦྱིན་རྣམས་ཀྱི་ནང་ནས་གོ་འཕང་མཆོག་བརྙེས་པ། །ཁམས་གསུམ་ཀུན་ལ་རྟག་ཏུ་དངོས་གྲུབ་མཆོག་སྩོལ་མཛོད། །མགོན་པོ་དུས་གསུམ་སྒྲིབ་པ་མེད་པར་རབ་མཁྱེན་པ། །དམ་ཚིག་མཆོག་གསུམ་དངོས་གྲུབ་དམ་པ་བདག་ལ་སྩོལ། །འདི་ནི་སངས་རྒྱས་ཐམས་ཅད་ཀྱི། །ཡང་དག་ཡོན་ཏན་རྒྱ་ཆེན་ཏེ། །ལན་ཅིག་ཙམ་ཞིག་བརྗོད་པས་ཀྱང་། །སངས་རྒྱས་ཐམས་ཅད་འགྲུབ་པར་འགྱུར། ༈ ཉེར་མཁོའི་མངའ་དབུལ་ནི། །དཀྱིལ་འཁོར་ཁྲུས་དང་ན་བཟའ་རྒྱན། །རྣམ་ལྔ་རིན་ཆེན་བདུན་དང་བཅུ། །གདུགས་སོགས་དག་ནི་སྤྱི་ཡིའོ། །ཞེས་པས། ས་གཞི་སྤོས་ཆུས་བྱུག་ཤིང་མེ་ཏོག་བཀྲམ་ཞེས་པ་ནས། ཞིང་དུ་སྤྱོད་པར་ཤོག །ཨོཾ་བཛྲ་རེ་ཁེ་ཨཱཿཧཱུྃ་སྭཱ་ཧཱ། སྟོང་གསུམ་ཀུན་ཏུ་དྲི་མཆོག་འབྱུང་གྱུར་པའི། །སྤོས་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་གཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུགས་པར་བགྱི། །ཨོཾ་བཛྲ་གནྡྷེ་ཨཱཿཧཱུྃ་སྭཱ་ཧཱ། དྲི་མེད་མཚན་ལ་སྒྲིབ་བསལ་མི་མངའ་ཡང་། །དད་པས་རྒྱལ་མཚན་ངུར་སྨྲིག་ཕུལ་བ་ཡིས། །ནམ་མཁའི་མཐའ་དང་མཉམ་པའི་སེམས་ཅན་རྣམས། །སངས་རྒྱས་བརྟུལ་ཞུགས་མཆོག་ལ་སྤྱོད་པར་ཤོག །ཨོཾ་བཛྲ་ཝསྟྲཱ་ཨཱཿཧཱུྃ་སྭཱ་ཧཱ། ཁ་དོག་བཟང་ཞིང་དྲི་ཞིམ་རེག་ན་བདེ། །སྲབ་འཇམ་མཛེས་ལྡན་ལྷ་ལས་བྱུང་བ་ཡི། །ན་བཟའི་མཆོག་འདི་རྡོ་རྗེའི་སྐུ་ལ་འབུལ། །བགྲེས་པ་མེད་པ་རྡོ་རྗེའི་སྐུ་ཐོབ་ཤོག །ཨོཾ་བཛྲ་ཝ་ས་ལེ་ཨཱཿཧཱུྃ་སྭཱ་ཧཱ། རྒྱལ་བ་མཚན་དཔེའི་རང་བཞིན་རྒྱན་ལྡན་པར། །རྒྱན་གཞན་དག་གིས་བརྒྱན་པར་མི་འཚལ་ཡང་། །རིན་ཆེན་རྒྱན་མཆོག་ཕུལ་བས་འགྲོ་ཀུན་གྱི། །མཚན་དཔེས་བརྒྱན་པའི་སྐུ་མཆོག་ཐོབ་པར་ཤོག །ཨོཾ་བཛྲ་ཨཱ་ལངྐ་ར་ཝ་བུ་ཥེ་ཨཱཿཧཱུྃ་སྭཱ་ཧཱ། རྒྱལ་བ་ཟག་མེད་འབྱོར་ལ་མངའ་བསྒྱུར་ཡང་། །འགྲོ་བའི་དོན་སླད་འདོད་ཡོན་སྣ་ལྔ་ཡིས། །མཆོད་པས་མཁའ་མཉམ་སེམས་ཅན་ཐམས་ཅད་ཀྱི། །བསོད་ནམས་མི་ཟད་གཏེར་ལ་སྤྱོད་པར་ཤོག །ཨོཾ་བཛྲ་ས་མནྟ་བྷ་དྲ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། མི་དབང་རིན་ཆེན་སྣ་བདུན་འདི་དག་ནི། །སངས་རྒྱས་སྲས་དང་བཅས་པ་མ་ལུས་ལ། །བཤམས་ཤིང་ཡིད་ཀྱིས་སྤྲུལ་ཏེ་ཕུལ་བ་ཡིས། །འགྲོ་བ་མི་ཟད་གཏེར་ལ་སྤྱོད་པར་ཤོག །ཨོཾ་མ་ཧཱ་སབྟ་རཏྣ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། རྒྱལ་བ་མགོན་པོ་དཔལ་གྱིས་ལྷམ་མེར་བཞུགས། །བསོད་ནམས་ཡེ་ཤེས་སྐུ་ལྔ་བརྙེས་པ་ལ། །ལྔ་ཕྲག་ལྔ་ལྡན་སྙིང་པོ་དམ་པ་འབུལ། །འགྲོ་བས་བདེ་གཤེགས་སྙིང་པོ་ཐོབ་པར་ཤོག །ཨོཾ་བཛྲ་པཉྩ་བི་མ་ལ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། བརྩེ་བའི་འཁོར་ཡུག་སྙན་པའི་བ་དན་དང་། །ཏིང་འཛིན་བླ་བྲེ་སྤོབས་པའི་འོད་གསལ་བ། །མཆོག་རྐྱེན་འོས་པའི་ཉེར་མཁོ་འདི་དག་འབུལ། །སྐྱེ་བོས་རྣམ་དག་ཡེ་ཤེས་ཐོབ་པར་ཤོག །ཨོཾ་བཛྲ་མ་ཧཱ་པཱུ་ཛ་མེ་གྷ་ཨཱཿཧཱུྃ་སྭཱ་ཧཱ། ༈ ལྷ་སོ་སོའི་མངའ་དབུལ་ནི། སྤུ་གྲི་འབྲེག་དཔྱད་སོ་མང་དང་། །རྨངས་གཟེར་ཚེམས་ཤིང་སྤབས་བཞར་རོ། །ཞེས་པས། རྒྱལ་བའི་དབུ་སྐྲ་མཐོན་མཐིང་སྐྱོན་བྲལ་ཡང་། །གཞན་དོན་བསྒྲུབ་ཕྱིར་ཁྱིམ་པའི་རྟགས་སྤང་ཕྱིར། །དད་པས་གསེར་གྱི་འབྲེག་སྤྱད་ཕུལ་བ་ཡིས། །འགྲོ་ཀུན་སྡུག་བསྔལ་ཀུན་ལས་གྲོལ་བར་ཤོག །ཨོཾ་བཛྲ་ཙ་ཀ་མཱུ་ལེ་ཨཱཿཧཱུྃ་སྭཱ་ཧཱ། ཟངས་མདོག་ལྟར་མཛེས་ཡིད་འོང་སྐྱོན་བྲལ་ཡང་། །བདག་ཅག་དད་པས་ཕྱག་དང་ཞབས་རྣམས་ཀྱི། །སེན་མོའི་འབྲེག་སྤྱད་ཕུལ་བས་འགྲོ་ཀུན་གྱི། །སངས་རྒྱས་དཔེ་བྱད་བཟང་པོ་ཐོབ་པར་ཤོག །ཨོཾ་བཛྲ་ན་ཙྪེ་ད་ཛི་ན་ཨཱཿཧཱུྃ་སྭཱ་ཧཱ། དབུ་སྐྲ་རིན་ཆེན་ལྕང་ལོ་མ་འཁྲུག་ཅིང་། །མཛེས་ཤིང་ལྟ་བས་མི་ངོམས་སྐྱོན་བྲལ་ཡང་། །བདག་བློ་སྦྱང་ཕྱིར་རྐྱེན་དང་མཚམས་པ་འདི། །ཕུལ་བས་འགྲོ་ཀུན་དུག་གསུམ་བྲལ་བར་ཤོག །ཨོཾ་བཛྲ་པཱ་ལ་ཤོ་དྷ་མ་ཨཱཿཧཱུྃ་སྭཱ་ཧཱ། དྲི་འཛིན་རྣམ་དག་ཚུལ་ཁྲིམས་ལས་འཁྲུངས་པ། །དགེ་བ་བསྒྲུབ་ཕྱིར་སྐྱོན་ལས་ངེས་གྲོལ་ཡང་། །མོས་བློས་འཛིན་དཔྱད་དམ་པ་ཕུལ་བ་ཡིས། །འགྲོ་བས་བླ་མེད་བྱང་ཆུབ་ཐོབ་པར་ཤོག །ཨོཾ་བཛྲ་རོ་མ་དྷ་ར་ཨཱཿཧཱུྃ་སྭཱ་ཧཱ། དཀར་ལ་ཐག་བཟང་བཞི་བཅུ་ཚང་བའི་ཚེམས། །བརྒྱད་ཁྲི་བཞི་སྟོང་ཆོས་ལ་མངའ་བསྒྱུར་ཡང་། །བདག་ཅག་དད་པས་ཚེམས་ཤིང་ཕུལ་ལགས་ཀྱི། །འགྲོ་བས་སངས་རྒྱས་གསུངས་དབྱངས་ཐོབ་པར་ཤོག །ཨོཾ་བཛྲ་དནྟ་ཤོ་དྷ་ཡ་ཨཱཿཧཱུྃ་སྭཱ་ཧཱ། བསྙེན་བསྲིང་མི་མངའ་ཀུན་ཏུ་གསལ་བར་ལྡན། །ཐུབ་པའི་སྒྲ་འཛིན་ངོ་བོ་དག་ན་ཡང་། །དག་བྱེད་འདི་ནི་བདག་གིས་འབུལ་ལགས་ཀྱི། །སྐྱེ་བོས་རྟག་ཏུ་དམ་ཆོས་ཐོབ་པར་ཤོག །ཨོཾ་བཛྲ་ཀརྞ་ཤོ་དྷ་ཡ་ན་ཨཱཿཧཱུྃ་སྭཱ་ཧཱ། ༈ མཆོད་རྟེན་ལ་བྱེ་བྲག་ཏུ། སྲོག་ཤིང་འཁོར་ལོ་ཅོད་པན་འཕན། །རྒྱལ་མཚན་གདུགས་དང་ཕྲེང་བ་གདན། །ཅེས་པས། ཨོཾ་བཛྲ་ཨཱ་ཡུ་ཥེ་སྭཱ་ཧཱ། སེམས་ཅན་ཐམས་ཅད་ཤིས་པ་བཅུ་དང་ལྡན་པར་གྱུར་ཅིག །བདེ་བར་གཤེགས་པའི་བསྟན་པ་དམ་པའི་ཆོས་ཡུན་རིང་དུ་མི་ནུབ་ཅིང་གནས་པར་གྱུར་ཅིག །སེམས་ཅན་ཐམས་ཅད་ལྷག་པའི་བསམ་པ་རྣམ་པར་དག་པས་ཀུན་ཏུ་བཟང་པོའི་སྨོན་ལམ་ལ་འཇུག་པར་གྱུར་ཅིག །ཨོཾ་པྲ་མརྡཱ་ནཱ་ཡ་སྭཱ་ཧཱ། སེམས་ཅན་ཐམས་ཅད་དེ་བཞིན་གཤེགས་པའི་སྟོབས་བཅུ་དང་། མ་འདྲེས་པའི་དྲན་པ་ཉེ་བར་བཞག་པ་གསུམ་ཐོབ་པར་གྱུར་ཅིག །རྣམ་པར་ཐར་པ་བརྒྱད་ཐོབ་པར་གྱུར་ཅིག །ཡེ་ཤེས་ལྔ་དང་ལྡན་པར་གྱུར་ཅིག །ཨོཾ་པ་ཏཾ་ཀ་ལཾ་པ་ཡ་སྭཱ་ཧཱ། སེམས་ཅན་ཐམས་ཅད་དུས་ཐམས་ཅད་དུ་དར་གྱི་ཅོད་པན་དང་ལྷབ་ལྷུབ་ལ་སོགས་པས་མཆོད་པ་དང་། བསྙེན་བཀུར་གྱི་རྣམ་པ་མང་པོས་དེ་བཞིན་གཤེགས་པ་འཁོར་དང་བཅས་པ་ཐམས་ཅད་དང་། དེ་དག་གི་མཆོད་རྟེན་དང་། སྐུ་གཟུགས་དང་། གསུང་རབ་ལ་སོགས་པ་དག་ལ་མཆོད་པ་བྱེད་པར་གྱུར་ཅིག །ཨོཾ་པ་ཏཾ་ཀེ་སྭཱ་ཧཱ། སེམས་ཅན་ཐམས་ཅད་ཆོས་ཀྱི་གྲགས་པའི་སྙན་པ་བསམ་གྱིས་མི་ཁྱབ་པ་ཐོབ་པར་གྱུར་ཅིག །ཨོཾ་ཀུམྦྷི་ར་དྷཱ་ཛ་ཡ་སྭཱ་ཧཱ། སེམས་ཅན་ཐམས་ཅད་འཁོར་བ་མི་འཛིན་མི་གཏོང་བས་བདུད་བཞི་ལས་རྒྱལ་ཞིང་ཆོས་མི་ནུབ་པའི་རྒྱལ་མཚན་དུ་གྱུར་ཅིག །ཨོཾ་བྷྲ་མ་ནཱ་ཡ་སྭཱ་ཧཱ། སེམས་ཅན་ཐམས་ཅད་བླ་ན་མེད་པའི་སྐྱབས་དང་ལྡན་ཞིང་ཆོས་ཀྱི་རྒྱལ་པོ་ཆེན་པོར་གྱུར་ཅིག །རཏྣ་མཱ་ལ་ཏྲཱྃ། ན་མ་སྟྲཻ་ཡ་དྷཱི་ཀ །ཨ་ནུ་ག་ཏ་པྲ་ཏིཥྛི་ཏ་པུཥྤེ་ཀེ་ཏུ་རཱ་ཛཱ་ཡ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲ་པུཥྤེ་ཨཱཿཧཱུྃ་སྭཱ་ཧཱ། སེམས་ཅན་ཐམས་ཅད་མཚན་དང་དཔེ་བྱད་དང་ལྡན་ཏེ་སྐུ་ལྟ་བས་ཆོག་མི་ཤེས་པ་ཐོབ་པར་གྱུར་ཅིག །ཨོཾ་པུཎྱ་དྷ་རི་ཛ་ཡེ་སྭཱ་ཧཱ། སེམས་ཅན་ཐམས་ཅད་ཀྱི་གདན་གྱི་ཁྱད་པར་སྟོབས་བཅུ་དང་ལྡན་པ་གླང་པོ་ཆེའི་གདན་དང་། མི་འཇིགས་པ་བཞི་དང་ལྡན་པ་སེང་གེའི་གདན་དང་། རྫུ་འཕྲུལ་གྱི་རྐང་པ་བཞི་དང་ལྡན་པ་རྟའི་གདན་དང་། དབང་བཅུ་དང་ལྡན་པ་རྨ་བྱའི་གདན་དང་། ཐམས་ཅད་དུ་ཐོགས་པ་མེད་པ་སྟོབས་ཀྱི་ཤུགས་དང་ལྡན་པ་ནམ་མཁའ་ལྡིང་གི་གདན་དང་། འགྲོ་བའི་རེ་འདོད་ཡིད་བཞིན་དུ་སྐོང་བ་ནོར་བུ་རིན་པོ་ཆེའི་གདན་དང་། ཆགས་པའི་སྐྱོན་ཐམས་ཅད་སྤངས་བ་པདྨའི་གདན་དང་། རང་བཞིན་གྱི་འོད་གསལ་བ་ཉི་ཟླའི་གདན་ཐོབ་པར་གྱུར་ཅིག ། ༈ གླེགས་བམ་ལ་བྱེ་བྲག་ཏུ། བཞུགས་ཁྲི་དང་ནི་ན་བཟའ་དང་། །གླེགས་ཤིང་དང་ནི་གླེགས་ཐག་གོ། །ཞེས་པས། རིན་ཆེན་དུ་མ་ལས་གྲུབ་སེང་གེའི་ཁྲི། །ཡིད་འཕྲོག་སྣ་ཚོགས་གོས་ཀྱིས་བཀབ་པ་འདི། །སྤྲོས་བྲལ་གསུང་རབ་མཆོག་ལ་ཕུལ་བ་ཡིས། །འགྲོ་ཀུན་རྡོ་རྗེའི་གདན་ལ་བཞུགས་གྱུར་ཅིག །ཨོཾ་བཛྲ་ཨཱ་ས་ནཱ་ཡ་ཨཱཿཧཱུྃ་སྭཱ་ཧཱ། སྣ་ཚོགས་དབང་པོའི་གཞུ་བཞིན་རབ་བཀྲ་ཡང་། །གང་ལ་རེག་ན་བདེ་བའི་རྒྱུར་གྱུར་པའི། །གོས་བཟང་རིན་ཆེན་བདག་བློ་སྦྱོང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཨོཾ་བཛྲ་ཝསྟྲ་ཨཱཿཧཱུྃ་སྭཱ་ཧཱ། ཟུང་འཇུག་དམ་ཆོས་འཛིན་པ་ཀུན་བྲལ་ཡང་། །ཐབས་དང་ཤེས་རབ་རྗེས་སུ་འབྲེལ་གྱུར་པའི། །ཉི་ཟླ་ལྟ་བུའི་རྟེན་འབྲེལ་དགབ་བྱ་བ། །ཕུལ་བས་སྐྱེ་བོས་ཟུང་འཇུག་རྟོགས་པར་ཤོག །ཨོཾ་པྲཛྙོ་ས་ཡ་ཨ་དྷ་ཡ་ཨཱཿཧཱུྃ་སྭཱ་ཧཱ། སྤྲོས་པ་དུ་མ་རབ་ཏུ་རྒྱས་གྱུར་ཀྱང་། །ཡེ་ཤེས་ཆེན་པོའི་རོ་གཅིག་གྱུར་པ་ལྟར། །གླེགས་བམ་གཅིག་གྱུར་ཡོ་བྱད་ཕུལ་བ་ཡིས། །འགྲོ་བས་ཡེ་ཤེས་ཆེན་པོ་རྟོགས་པར་ཤོག །ཨོཾ་བཛྲ་པུསྟ་ཀ་བནྡྷཱ་ཨཱཿཧཱུྃ་སྭཱ་ཧཱ། ཙ་རུའི་བཟའ་བས་མངའ་དབུལ་བ་ནི། ཞལ་ཟས་གཙང་མ་ཆབ་ཀྱིས་བྲན། །ཡཀྵས་བསང་། སྭ་བྷཱ་ཝས་སྦྱོང་། ཨ་ཀཱ་རོའི་སྔགས་རྒྱས་བཏབ་པ་བཏེགས་ལ། ཞལ་ཟས་རོ་བརྒྱ་ལྡན་ཞིང་ཡིད་འཕྲོག་པ་ཞེས་སོགས་དང་། ཨོཾ་ད་བྱི་ཨནྣེ་སཱ་མཱ་དྷི་དྡཱ་པྲ་ཎ་ནི་སྭཱ་ཧཱ། ཞེས་ཕུལ། སྔགས་ཀྱིས་མངའ་དབུལ་བ་ནི། རྟེན་ལ་གཟུངས་ཐག་བཏགས་ལ། །ཨོཾ་སུ་པྲ་ཏཱིཥྛ་བཛྲཱ་ཡེ་སྭཱ་ཧཱ། ཞེས་དང་། ཨོཾ་ཧཱུྃ་ཧྲཱིཿབྷྲཱུྃ་ཁྃ་བཛྲཱི་བྷ་བ་དྲྀ་ཌྷོ་བྷཱུ་ཁཾ་སྭཱ་ཧཱ། སླར་ཡང་མཆོད་པ་སྔགས་མཆོད། བསྟོད་པ་སྣང་སྟོང་མ་དང་། རྒྱུད་ལྔ་མ། སྤྲོ་ན་ལྷ་ངོ་ཤེས་པ་རྣམས་ལ་སོ་སོའི་བསྟོད་པའང་བྱའོ། །དེས་ཆོ་ག་དངོས་གཞི་སོང་ནས། ༈ མཇུག་གི་ཆོ་ག་ལ། གཏོར་མ་སྦྱིན་དང་ཆོས་སྐྱོང་བསྒོ། །ཡོན་བདག་བསྒོ་དང་ཤིས་པ་བརྗོད། །རྟེན་མཆོད་བསོད་ནམས་ཡོངས་སུ་བསྔོ། །སློབ་དཔོན་མཆོད་དེ་དགའ་སྟོན་བྱ། །སླར་ཡང་ཤིས་པ་རྒྱས་པར་བརྗོད། །རྗེས་བསྡུ་སྦྱིན་སྲེག་མཇུག་དོན་ནོ། །དང་པོ་ནི་ཆ་གསུམ་གཏོར་མ་བཏང་། གཉིས་པ་ཆོས་སྐྱོང་བསྒོ་བ་ནི། གཏོར་མ། ཨོཾ་བཛྲ་ཡཀྵ་ཧཱུྃ་གིས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་གཏོར་མ་ཁ་དོག་དྲི་རོ་ནུས་པ་ཕུན་སུམ་ཚོགས་པ་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུྃ། ཨཱ་ཀ་རོ་ལན་གསུམ། རང་གི་སྙིང་ག་ནས་འོད་ཟེར་འཕྲོས་པས་མགོན་པོ་འཁོར་དང་བཅས་པ་ཨོཾ་བཛྲ་ས་མཱ་ཛཿ མགོན་པོ་ཀུན་གཤེགས་གདན་ལས་བཞེངས། །ད་ལྟ་སྙིགས་མ་ལྔ་ཡི་དུས། །གཤེགས་ཤིང་བཞུགས་པའི་གནས་ངན་ཀྱང་། །ཤཱཀྱའི་བསྟན་པ་བསྲུང་བ་དང་། །བདག་ཅག་རྣམས་ལ་ཕན་གདགས་ཕྱིར། །གནས་འདི་ཉིད་དུ་གཤེགས་སུ་གསོལ། །ཨོཾ་མ་ཧཱ་ཀཱ་ལ་ཨེ་ཧྱེ་ཧི། པདྨ་ཀ་མ་ལཱ་ཡ་སྟྭཾ། ཨོཾ་མ་ཧཱ་ཀཱ་ལ་ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་ཞེས་སོགས་ལན་གསུམ། ཨརྒྷཾ་ནས་ཤབྡའི་བར། ཧཱུྃ། སྲིན་པོའི་གཟུགས་ཅན་གདུག་པ་ཅན། །ཚར་གཅོད་བྱང་ཆུབ་སེམས་དཔའ་སྟེ། །གྲོང་ཁྱེར་སུམ་བརྩེབས་འཇིགས་བྱེད་པ། །གཏུམ་པོ་ཁྱོད་ལ་བདག་བསྟོད་དོ། །ནག་པོ་ཆེན་པོ་འཁོར་དང་བཅས་པ་རྣམས་ཀྱིས་མཆོད་སྦྱིན་གྱི་གཏོར་མ་འདི་བཞེས་ལ། སངས་རྒྱས་ཀྱི་བསྟན་པ་དར་བ་དང་། རྟེན་འདི་ལ་མཆོད་པ་རྒྱུན་མི་ཆད་པར་འབྱུང་བའི་ཕྲིན་ལས་མཛོད་ཅིག །ཨོཾ་བཛྲ་རཀྵཱ་ཧཾ། རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱི་བྱིན་གྱིས་བརླབས། །གལ་ཏེ་དམ་ལས་འདས་གྱུར་ན། །ཞིག་འགྱུར་འདི་ལ་ཐེ་ཚོམ་མེད། །ཨོཾ་མ་ཧཱ་ས་མ་ཡ་ཧ་ན་ཧཱུྃ་ཕཊ། བདག་དང་ཡོན་བདག་འཁོར་དང་བཅས་པ་ལ་བསྲུང་བ་དང་། སྐྱོབ་པ་དང་། བསམ་པ་ཐམས་ཅད་འགྲུབ་པ་དང་། །རྟེན་འདི་ལ་མཆོད་པ་རྒྱ་ཆེན་པོ་གྱིས་ཤིག །ཆོས་སྐྱོང་གི་གཏོར་བསྔོ་འདི་ལྟར་མཛད་པའི་ཕྱག་ལེན་ཐམས་ཅད་ལ་འདུག་པ་རྒྱས་བསྡུས་སྐབས་དང་སྦྱར་རོ། །གསུམ་པ་ཡོན་བདག་ནི། ཁྱོད་ཀྱིས་ང་ལ་གང་གསོལ་ནི། །སྐུ་གཟུགས་དག་ནི་ཁྱད་པར་དུ། །ཇི་ལྟར་གསུངས་པ་དེ་བཞིན་དུ། །དེ་དག་དོན་ནི་ངས་བྱས་ཏེ། །དེ་རྣམས་དོན་ནི་གྲུབ་ཟིན་གྱིས། །ཅི་བདེ་བར་ནི་མཆོད་པར་བྱའོ། །ཁྱོད་ཀྱིས་ང་ལ་གསོལ་བ་འདེབས་པའི་རབ་ཏུ་གནས་པ་དེ་ལེགས་པར་ཚར་བར་བྱས་ཀྱི་རྟེན་འདི་ལ་ཞག་བདུན་དུ་མཆོད་པ་རྒྱ་ཆེན་པོ་གྱིས་ཤིག །དེ་ནས་ཀྱང་ཅི་འབྱོར་པའི་མཆོད་པ་རྒྱུན་མི་ཆད་པར་གྱིས་འདི་རྣམས་སློབ་དཔོན་གྱི་བྱ་བ་ཡིན། མཆན། ཤིག །བཞི་པ་ཤིས་པ་བརྗོད་པ་ནི། ཡོན་བདག་སྐད་ཅིག་གིས་རྡོ་རྗེ་སེམས་དཔའ་སྐུ་མདོག་དཀར་པོ་ཞལ་གཅིག་ཕྱག་གཉིས་པ་ནས་སེམས་དཔའི་སྐྱིལ་མོ་ཀྲུང་གིས་བཞུགས་པའི་བར། ༈ རང་གི་སྙིང་ག་ནས་འོད་ཟེར་འཕྲོས། ཞེས་པ་ནས། བགེགས་ཀྱི་དགྲ་ལ་ཕྱག་འཚལ་བསྟོད་ཀྱི་བར། ན་མོ། རྗེ་བཙུན་རྩ་བ་དང་ཞེས་པ་ནས་བདེན་པ་ཆེན་པོའི་བྱིན་གྱི་རླབས་ཀྱིས། སྦྱིན་པའི་བདག་པོ་བཀྲ་ཤིས་པར་བྱེད་པ་ལ་བར་དུ་གཅོད་པར་བྱེད་པའི་བགེགས་ཀྱི་ཚོགས་ཐམས་ཅད་སའི་ཕྱོགས་འདིར་མ་གནས་པར་གཞན་དུ་སོང་ཞིག །བཛྲ་སཏྭ་ཀྲོ་དྷ་བརྗོད་དེ་རོལ་མོ་བྱ། ཡཀྵས་བསང་། སྭ་བྷཱ་ཝས་སྦྱང་། སྟོང་པའི་ངང་ལས་མྃ་ལས་བྱུང་བའི་བཀྲ་ཤིས་པའི་རྫས་བརྒྱད་སྦྱིན་བདག་གིས་གཙོ་བྱས། སེམས་ཅན་ཐམས་ཅད་ཀྱི་ཚེ་དང་། བསོད་ནམས་དང་། དཔལ་དང་འབྱོར་པ་ཐམས་ཅད་རྒྱས་པའི་ནུས་པ་དང་ལྡན་པར་གྱུར། ཨོཾ་ཨཱཿཧཱུྃ་ལན་གསུམ། སྔོན་བཅོམ་ལྡན་འདས་ལ་གཟུགས་ཀྱི་ལྷ་མོ་འོད་འཆང་མས་མེ་ལོང་ཕྱག་ཏུ་ཕུལ་བ་ན། བཀྲ་ཤིས་པའི་རྫས་སུ་བྱིན་གྱིས་བརླབས་པ་དེ་བཞིན་དུ། དེང་འདིར་ཡང་རབ་ཏུ་གནས་པ་ལེགས་པར་བྱས་པའི་རྟེན་འདི་དང་སྦྱིན་བདག་གིས་གཙོར་བྱས། སེམས་ཅན་ཐམས་ཅད་མེ་ལོང་གི་རྫས་ལ་བརྟེན་ནས་ཤིན་ཏུ་བཀྲ་ཤིས་པར་གྱུར་ཅིག །མེ་ལོང་ཡེ་ཤེས་རྒྱ་མཚོ་ཆེན་པོ་ཡི། །ཡེ་ཤེས་རྒྱ་མཚོ་མཆོག་ཏུ་དག་གྱུར་ནས། །རྣམ་དག་ཆོས་ལ་ཐོགས་མེད་ལོངས་སྤྱོད་པའི། །བཀྲ་ཤིས་དེས་ཀྱང་སྒྲིབ་པ་དག་གྱུར་ཅིག །སྔོན་བཅོམ་ལྡན་འདས་ལ་གླང་པོ་ཆེ་ནོར་སྐྱོང་གིས་གི་ཝཾ་ཕྱག་ཏུ་ཕུལ་བ་ན། །གི་ཝཾ་དུག་གསུམ་འཇོམས་པ་ནད་ཀྱི་སྨན། །སྨན་མཆོག་ཆོས་ཉིད་རབ་ཏུ་རྟོགས་གྱུར་ཏེ། །ཉོན་མོངས་ཟུག་རྔུ་མེད་པར་གྱུར་པ་ཡི། །བཀྲ་ཤིས་དེས་ཀྱང་དུག་གསུམ་ཞི་གྱུར་ཅིག །སྔོན་བཅོམ་ལྡན་འདས་ལ་ཞིང་པའི་བུ་མོ་ལེགས་སྐྱེས་མས་ཞོ་ཕྱག་ཏུ་ཕུལ་བ་ན། ཞོ་ནི་ཀུན་གྱི་སྙིང་པོར་གྱུར་པ་སྟེ། །སྙིང་པོ་རྣམ་དག་ཡེ་ཤེས་རྣམས་རྟོགས་ནས། །ཡོན་ཏན་ཀུན་གྱི་དབྱིངས་སུ་གྱུར་པ་ཡི། །བཀྲ་ཤིས་དེས་ཀྱང་སྡུག་བསྔལ་ཞི་གྱུར་ཅིག །སྔོན་བཅོམ་ལྡན་འདས་ལ་རྩྭ་འཚོང་བཀྲ་ཤིས་ཀྱིས་རྩྭ་དུརྦ་ཕྱག་རྒྱ་ཕུལ་བ་ན། དུ་རྦས་ཚེ་ནི་འཕེལ་བར་བྱེད་པ་སྟེ། །རྡོ་རྗེ་སེམས་དཔའི་ཚེ་ནི་རབ་བསྒྲུབས་ནས། །ཉོན་མོངས་སྐྱེ་ཤི་རྒྱུན་ཆད་གྱུར་པ་ཡི། །བཀྲ་ཤིས་དེས་ཀྱང་ཚེ་ནི་འཕེལ་གྱུར་ཅིག །སྔོན་བཅོམ་ལྡན་འདས་ལ་ལྷ་ཚངས་པས་ཤིང་ཐོག་བིལ་བ་ཕྱག་ཏུ་ཕུལ་བ་ན། བིལ་བ་རྒྱུ་རྐྱེན་འབྲས་བུར་བཅས་པའི་ཆོས། །འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་གྱུར་པ་ཡི། །བཀྲ་ཤིས་དེས་ཀྱང་དོན་ཀུན་འགྲུབ་བྱེད་ཤོག །སྔོན་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་དུང་དཀར་པོ་གཡས་སུ་འཁྱིལ་བ་ཕྱག་ཏུ་ཕུལ་བ་ན། དུང་ནི་ཆོས་ཀྱི་སྒྲ་རྣམས་སྒྲོགས་པའི་ཚུལ། །ཡེ་ཤེས་རྒྱ་མཚོ་ཉིད་དུ་དག་གྱུར་ཏེ། །ཆོས་རྣམས་མ་ནོར་ཡོངས་སུ་སྟོན་པ་ཡི། །བཀྲ་ཤིས་དེས་ཀྱང་ཚིག་ལ་དབང་ཐོབ་ཤོག །སྔོན་བཅོམ་ལྡན་འདས་ལ་བྲམ་ཟེ་སྐར་རྒྱལ་གྱིས་ལི་ཁྲི་ཕྱག་ཏུ་ཕུལ་བ་ན། ལི་ཁྲི་དམར་པོ་དབང་གི་རང་བཞིན་ཏེ། །ཆོས་རྣམས་མ་ལུས་དབང་དུ་བསྡུས་ནས་ཀྱང་། །ཆོས་ཀྱི་རྒྱལ་སྲིད་རབ་ཏུ་བརྟན་གྱུར་པའི། །བཀྲ་ཤིས་དེས་ཀྱང་ཁྱེད་སྲིད་བརྟན་གྱུར་ཅིག །སྔོན་བཅོམ་ལྡན་འདས་ལ་གསང་བའི་བདག་པོ་ཕྱག་ན་རྡོ་རྗེས་གྲུབ་པའི་རྫས་ཡུངས་ཀར་ཕྱག་ཏུ་ཕུལ་བ་ན། ཡུངས་དཀར་རྡོ་རྗེའི་རིགས་ཏེ་ཐམས་ཅད་དུ། བགེགས་རྣམས་མ་ལུས་འཇོམས་པར་བྱེད་པ་ཡི། །མཐུ་སྟོབས་ཡོན་ཏན་ཕུན་སུམ་ཚོགས་གྱུར་པའི། །བཀྲ་ཤིས་དེས་ཀྱང་བགེགས་ཀུན་ཞི་གྱུར་ཅིག །ལྔ་པ་མཆོད་པ་ནི། མཆོད་བསྟོད་མདོར་བསྡུས་ཙམ་བྱ། དྲུག་པ་བསོད་ནམས་ཡོངས་སུ་བསྔོ་བ་ནི། ཡན་ལག་བདུན་པ་སོགས་བསྔོ་སྨོན་བྱ། བདུན་པ་སློབ་དཔོན་མཆོད་པ་ནི། སྦྱིན་བདག་གིས་ཡོན་ཕུལ། བརྒྱད་པ་དགའ་སྟོན་ནི། བདེ་གཤེགས་ལྷག་མ་འདི་དག་ནི། །གསོལ་ཞིག་སྡིག་པ་བྱང་བར་འགྱུར། །ཞེས་བརྗོད་ཅིང་ཙཱ་རུའི་བཟའ་བ་ལ་ལོངས་སྤྱོད། དགུ་པ་སླར་ཡང་ཤིས་པ་རྒྱས་པར་བྱ་བ་ནི། བཀྲ་ཤིས་རྒྱས་པར་བྱ། བཅུ་པ་ལས་ཀྱི་རྗེས་བསྡུ་བ་ནི། ཆོ་གའི་རྗེས་ཆོག་བྱའོ། །བཅུ་གཅིག་པ་སྦྱིན་སྲེག་གི་ཚབ་ཏུ་ཡིག་བརྒྱ་མང་དུ་བཟླས། རྟེན་ལ་ཞག་བདུན་དུ་མཆོད་པ་རྒྱས་པར་བྱའོ། །དེ་ལྟར་རབ་ཏུ་གནས་པའི་ཆོ་ག་འདི་ནི་ལོ་ཆེན་གྱི་སྡོམ་གཞིར་བཞག །འོན་ཀྱང་སྟ་གོན་གྱི་སྡོམ་ཚིག་ལེགས་བཤམ་དང་། དངོས་གཞིའི་ཐོ་རངས་གཉིས་གོ་བརྗེས། གཞན་མ་ཚང་བ་མེད་པར་བཀོད་པའི་ཁྲིགས་ཆགས་ལ་རྗེ་བཙུན་ཆེན་པོའི་དོན་གསལ། བླ་ཆེན་འཕགས་པའི་ཉིན་གང་མ་སཾ་གྷ་མི་ཏྲ། རྡོ་རྗེ་འཆང་ཀུན་དགའ་བཟང་པོའི་བཀྲ་ཤིས་རྒྱ་མཚོ། ཀུན་མཁྱེན་ཆེན་པོའི་དགེ་ལེགས་རྒྱ་མཚོ། ལུམ་པ་ཆོས་རྗེ་ཀུན་དགའ་ཆོས་གྲགས་ཀྱི་དངོས་གྲུབ་རྒྱ་མཚོ། གུང་རུ་ཤེས་རབ་བཟང་པོའི་ཟིན་བྲིས་རྣམས་ཀྱི་དགོངས་པ་ཞིབ་ཏུ་དཔྱད་པའི་ཉིན་གོང་མའི་རབ་གནས་ནག་པོ་འགྲོ་ཤེས་སུ་བསྡེབས་པ་ནི་ཤཱཀྱའི་དགེ་སློང་ཀུན་དགའ་ལྷུན་གྲུབ་ཀྱིས་དཔལ་རྨོར་གྱི་བླ་བྲང་ཡང་རྩེར་སྦྱར་བའོ། །སླར་ཡང་ཞལ་སྐོང་ཅུང་ཟད་དང་བཅས་མཉྫུ་གྷོ་ཥས་དག་པར་བྲིས་པ་དགེ་ཞིང་བཀྲ་ཤིས། །སརྦ་མངྒ་ལཾ། །

[edit]

kun rig rab gnas 'bring po phrin las rab tu rgyas byed rmor chen gsung la zhal skong gnang ba/ @#/_/kun rig la brten pa'i rab tu gnas pa 'bring po'i cho ga phrin las rab tu rgyas byed ces bya ba bzhugs so/_/_/_/ dpal rdo rje sems dpa' la phyag 'tshal lo/___/'dir rab tu gnas pa 'bring du bya ba'i cho ga ni/___lo chen gyi sdom las/___legs bshams bdag bskyed bum pa bzlas/___/rten sbyangs bkru zhing phyi ba dang /___/ring bsrel gzhug cing gsol ba gdab/___/rten bskyed spyan drangs dgug rgyas btab/___/dbang bskur mchod bstod spyan dbye bya/___/gsol btab mnga' dbul rgyas par bya/___/de yang mchod bstod bye brag dang /___/sbyin sreg sngags te dngos gzhi'o/___/zhes gsungs pa ltar/___dang po legs bshams ni/___go sla zhing /___gnyis pa bdag bskyed ni/___mchod pa byin rlabs nas/___thams cad rdo rje'i bdag nyid gtsang gi bar gzhan phan mtha' yas ltar bya'o/___/gsum pa bum bzlas ni/___oM badz+ra yak+Sha hU~M gis bsang /___swa b+hA was sbyangs/___stong pa'i ngang las paM las pad+ma dang /___a las zla ba'i dkyil 'khor gnyis kyi steng du/___b+h+rU~M las rin po che'i bum pa gnyis yangs shing rgya che ba/___lto ba ldir ba/___mgrin pa phra ba/___kha g.yel ba/___mchu 'phyang ba/___lha'i gos kyis mgul ba bcings pa/___dpag bsam gyi shing gis kha brgyan pa/___nang chu dang bcud sna tshogs kyis yongs su gang ba'i rnam rgyal bum pa'i chu'i dbus su pa~M las pad+ma dang /___a las zla ba'i dkyil 'khor gyi steng du hU~M las rdo rje dkar po rtse lnga pa lte ba la hU~M gis mtshan pa/___de las 'od zer 'phro 'dus gcig tu gyur pa las/___rdo rje sems dpa' sku mdog dkar po rab tu dgyes pa'i spyan gdangs pa/___dar gyi na bza' dang rin po che'i rgyan gyis brgyan pa/___phyag g.yas rdo rje rtse lnga pa thugs kar gtod de 'dzin pa/___g.yon dril bu kha dkur bsten pa/___sems dpa'i skyil mo krung gis bzhugs pa las thams cad kyi bum pa'i nang du k+ShaM las rdo rje gnod sbyin sku mdog nag po zhal gcig phyag gnyis pa/___phyag gnyis kyis zhal gyi g.yas g.yon gyi thad kar mche ba 'dzin pa/___rin po che dang rus pa'i rgyan gyis brgyan pa sems dpa'i skyil krung gis bzhugs pa/___rang gi snying ga nas 'od zer 'phros pas rang bzhin gyi gnas nas bcom ldan 'das rdo rje sems dpa' dang rdo rje gnod sbyin la sangs rgyas dang byang chub sems dpa'i tshogs kyis bskor ba oM badz+ra sa mA dzaH__ma lus sems can nas/___yongs dag 'khor bcas gnas 'dir gshegs su gsol/___/dzaHhU~M ba~M hoH__b+ha ga wAn e h+ye hi ma hA ka ru Ni ka dr-i sh+ya ho sa ma ya s+t+waM/___ar+g+haM nas shab+da'i bar brjod/___oM badz+ra ang+ku sha sogs dang /___b+hr-i ta sogs dang bud+d+ha a b+hi sogs dang oM sarba ta thA ga ta ar+g+haM sogs/___rdo rje sems dpa' sems dpa' che/___/sogs sh+lo ka gcig__/rdo rje gnod sbyin thabs chen po sogs sh+lo ka gcig___/rang gi snying ga nas sngags kyi phreng ba gzungs thag la sogs/___oM badz+ra satwa hU~M/___oM badz+ra yak+Sha hU~M brgya rtsa re/___oM sarba ta thA ga ta a b+hi She ka te zhes sogs nyer gcig___/mchod bstod gong ltar brjod nas/___ye shes pa gshegs su gsol kun rig ltar bya'o/____/de nas oM badz+ra yak+Sha hU~M gis bsang /___swa b+hA was sbyang /___stong pa'i ngang las pa~M las pad+ma dang /___a las zla ba'i dkyil 'khor gyi steng du b+h+rU~M las rin po che'i bum pa yangs shing rgya che ba/___zhabs zhum pa/___lto ba ldir ba/___mgrin pa phra ba/___kha g.yel ba/___mchu 'phyang ba/___lha'i gos kyis mgul pa bcings pa/___dpag bsam gyi shing gis kha brgyan pa/___nang chu dang so so'i rdzas kyis yongs su gang bar gyur/___oM sarba ta thA ga ta gan+d+he snA na pU dza me g+ha sa mu dra s+pha ra Na sa ma yA hU~M/___tri ma d+hu snA na=__sa la=__pha la=__bru hI=__ladz+dza=__oM Sha d+hi=__ma Ni=__rnam rgyal ma'i gzungs dang /___oM a mr-i te hU~M phaT/___nang rdzas rnams 'od du zhu ba las byung ba'i so so'i bum pa rten gyi dri ma sbyong ba'i nus pa dang ldan par gyur/___bzhi pa rten sbyang ba ni/___oM sarba big+h+nAn na maHsarba ta thA ga ta b+h+yo sogs lan gsum/___deng 'dir bde bar gshegs pa'i sku gsung thugs kyi rten rab tu gnas par byed pa la mi mthun pa'i bgegs rigs gang yin pa de dag thams cad gtor ma 'dis tshim par gyis shig__/oM sum+b+ha sogs lan gsum/___deng 'dir nas/___de dag thams cad gtor ma lam brngan/___ting lo lam sgron/___chang bu lam brgyags kyi tshul du khyer la sa yi phyogs 'dir ma gnas par gzhan du songs shig__/rang gi snying ga nas 'od zer 'phros pas khro bo me ltar 'bar ba la zhes pa nas/___bgegs kyi dgra la phyag 'tshal bstod kyi bar/___na mo/___/rje btsun rtsa ba dang brgyud par bcas pa'i dpal ldan bla ma dam pa rnams kyi bden pa dang /___sangs rgyas kyi=__chos kyi bden pa=__dge 'dun gyi bden=__gsang sngags dang rigs sngags kyi rgyal po khro bo dang khro mo rnams kyi=__bcom ldan 'das ngan song thams cad yongs su sbyong ba gzi brjid kyi rgyal po kun rig rnam par snang mdzad sogs kyis bden pa chen po'i byin gyis brlabs kyis/___deng 'dir bde bar gshegs pa'i sku gsung thugs kyi rten rab tu gnas par byed pa la mi mthun pa'i bgegs kyi rigs gang yin pa de dag thams cad la rgyud sde dang mthun pa'i sbyong ba rnam par dag par byas zin pas/___/des mgu bar gyis la sa'i phyogs 'dir ma gnas par gzhan du songs shig__/gang dag mi 'gro ba de dag thams cad la/___de bzhin gshegs pa thams cad kyi thugs gnyis su med pa'i ye shes kyi rdo rje 'bar zhing rab tu 'bar ba 'dis khyed rnams kyi mgo bo tshal ba brgyar 'gas par bya'o/___/oM sum+b+ha sogs brjod/___lan gsum gyi mthar/___bdag dang yon bdag gi gtsor byas pa'i sems can thams cad kyi sdig pa dang sgrib pa thams cad yi ge kaM nag po'i rnam pas snying ga nas thon/___sdig pa rwa can gyi rnam pas mdun gyi til la thim/___oM sarba pA paM da ha na b+ha smin ku ru swA hA/___lnga pa bkru zhing phyi ba ni/___rten rnying pa rnams la/___ji ltar bltams pa sogs dang /___'di ni khrus mchog dpal dang sogs dang /___de bzhin gshegs pa rnams dang sogs/___de dag sku la sogs/___oM hU~M trAM hrIHAHkA ya sogs brjod/___rten gsar pa/___ji ltar bltams pa sogs dang /___gan+d+he snA na=__rgyal ba'i sku la nyon mongs mi mnga' yang /___/'gro ba'i lus sems sdug bsngal sbyang slad du/___/chu gtsang sman spos 'dag chal 'dis bkrus pas/___bdag cag dam pa'i sku mchog thob par shog__/oM sarba ta thA ga ta ka ya bi sho d+ha ne swA hA/___lan gsum/___'di ni khrus mchog dpal dang ldan sogs dang /___tri ma d+hu=__rgyal ba'i sku la=__kA ya bi sho d+ha ni=__lan gsum/___'di ni sbyin pa'i sogs/___ma la=__rgyal ba'i sku la=__kA ya bi sho d+ha ni=__'di ni tshul khrims=__pha la=__rgyal ba'i sku la=__kA ya=__'di ni bzod pa'i=__bru hi=__rgyal ba'i sku la=__kA ya=__'di ni brtson 'grus=__ladz+dza=__rgyal ba'i sku la=__kA ya=__'di ni bsam gtan=__oM Sha d+hi=__rgyal ba'i sku la=__kA ya=__'di ni shes rab=__ma Ni sna na=__rgyal ba'i sku la sogs/___kA ya=__de dag sku la sogs/___oM hU~M trAM hrIH__AH_kA ya bi sho d+ha na ye swA hA/___chu bo drug gi khrus byas pas/___sogs nas/___dad pas bdag gis khrus bgyi'o/___/zhes pa'i bar/___gang la ser sna rnams chags zhes pa nas/___khyed cag sdig par ma gyur cig ces pa'i bar dang /___de nas ji ltar bltams pa sogs dang /___de bzhin gshegs pa rnams dang sogs/___de dag sku la mtshungs pa med pa'i sogs sku phyi'o/___/drug pa ring bsrel gzhug pa ni/___rten la gzungs thag btags la/___oM sarba bid+yA swA hA/___oM badz+ra A yu She swA hA/___oM su pra tiSh+Tha badz+ra ya swA hA/___zhes dang /___sdig pa ci yang mi bya zhes sogs brjod/___drug pa gsol ba gdab pa ni/___slob dpon bzhengs te lag tu me tog bzung la/____/_!__gang 'dir bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/___bde bar gshegs pa/___'jig rten mkhyen pa/___skyes bu 'dul ba/___kha lo sgyur ba/___bla na med pa lha dang mi rnams kyi ston pa sangs rgyas bcom ldan 'das te/___rgyu dang 'bras bu'i dgos pa phun sum tshogs pa dang ldan zhing /___chos thams cad thugs su chud pa'i sangs rgyas bcom ldan 'das 'di dag gi rab tu gnas par bgyi'o/____/_!__gang 'dir bcom ldan 'das byang chub kyi phyogs kyi chos sum cu rtsa bdun dang yang dag par ldan pa dang /___stobs bcu dang mi 'jigs pa bzhi dang /___ma 'dres pa'i dran pa nye bar bzhag pa bzhi dang /___thugs rje chen po la sogs pa mdor na slob pa dang mi slob pa'i sangs rgyas su byed pa'i chos rnams dang yang dag par ldan pa/___de'i skyon gyi nyes pa thams cad dang bral zhing /___bde bar gshegs pa'i yon tan gyi chos tshad med pa dang ldan pa'i sangs rgyas bcom ldan 'das 'di dag gi rab tu gnas par bgyi'o/____/_!__gang 'dir bcom ldan 'das kyi bla na med pa'i tshul khrims la sogs pa'i phung po lnga dang yang dag par ldan pa/___cho 'phrul gsum dang /___ting nge 'dzin gsum dang /___bslab pa gsum dang /___tshangs pa'i gnas bzhi dang /___bsam gtan bzhi dang /___'phags pa'i bden pa bzhi dang yang dag par ldan pas de'i yon tan phyin ci ma log pa'i ye shes dang /___shes bya'i yul thams cad la mnga' brnyes nas/___nyon mongs pa ma lus pa la sogs pa rnams spangs pa dang /___bdud bzhi las rab tu rgyal ba'i sangs rgyas bcom ldan 'das 'di dag gi rab tu gnas par bgyi'o/____/_!__gang 'dir bcom ldan 'das kyi pha rol tu phyin pa drug yongs su rdzogs pa dang /___bsod nams dang ye shes kyi tshogs yang dag par bsags pa dang /___skyes bu chen po'i mtshan sum cu rtsa gnyis kyis yang dag par brgyan pa dang /___dpe byad bzang po brgyad cus yang dag par brgyan pa dang /___sku blta bas chog mi shes pa dang /___mthong na mi mthun pa med pa ste/___de'i gzugs kyi sku'i 'byor pa mthar thug pa'i 'gro ba ma lus pa'i rtsa lag tu gyur pa'i sangs rgyas bcom ldan 'das 'di dag gi rab tu gnas par bgyi'o/___/oM na mo b+ha ga wa te/___shAkya mu na ye/___ta thA ga ta ya/___ar+ha te samyak+saM bud+d+ha ya/___tad+ya thA/___oM mu ne mu ne ma hA mu na ye swA hA/___de nas tsog pur 'dug la/___!__ngo mtshar chen po grangs med pa bsam gyis mi khyab pa dang ldan pa'i sangs rgyas bcom ldan 'das thams cad la phyag 'tshal zhing skyabs su mchi'o/___/de dag thams cad bdag la dgongs su gsol/___bdag gi sems can thams cad kyi don du dkon mchog gsum gyi rten rab tu gnas par bgyi ba la de'i mthus/___bdag gi sems can thams cad kyi dbugs dbyung bar bgyi'o/___/'khor ba'i gcong rong chen po las bsgral bar bgyi'o/___/pha rol gyi rgol ba dang bdud dang log 'dren thams cad pham par bgyi'o/___/sems can thams cad kyi bag chags kyi mtshams sbyor ba'i nyon mongs pa'i rtog pa thams cad bsal bar bgyi'o/___/sems can thams cad kyi nga rgyal gyi ri bo bsnyil bar bya'o/___/sems can thams cad kyi skye ba'i ljon shing rtsad nas bcad do/___/'chi bdag gi nyi ma phye mar brlag go/___ma rig pa'i mun pa bsal bar bgyi'o/___/ma dad pa dang /___phyir rgol ba dang /___lta ba phyin ci log pa dag yang dag pa'i lta ba la gzud cing bsgyur ro/___/las kyi chu bo bzlog par bgyi'o/___/srid pa'i rgya mtsho skem par bgyi'o/___/chos kyi sgron me sbar bar bgyi'o/___/byang chub kyi lam bsten par bgyi'o/___/bzod pa dang des pa la gzud do/___/bsam gtan gyi bde ba la rtser btsal to/___/'dod chags kyi me dpung gzhom par bgyi'o/___/zhe sdang gi mtshon rtse rnon po gzhom par bgyi'o/___/bden pa la gzud do/___/phrag dog gi 'tshub ma zhi bar bgyi'o/___/ser sna'i mdud pa dgrol bar bgyi'o/___/'jigs pa ma mchis pa dang /___bde ba chen po'i grong khyer du 'jug par bgyi'o/___/de bas na bdag la las kyi dngos grub kyi mchog gnang bar mdzad du gsol/___/brgyad pa rten bskyed pa ni/___yak+Shas bsang /___'di nas slob dpon gyis bskul/___mchan/___swa b+hA was sbyang /___stong pa'i ngang las lha khang dang mchod rten rnams seng ges btegs pa'i rin po che'i khri sna tshogs pad+ma dang zla ba'i dkyil 'khor gyi steng du oM las 'khor lo oM yig gis mtshan pa las rnam par snang mdzad sku mdog dkar po byang chub mchog gi phyag rgya can/___zhabs rdo rje'i skyil mo krung gis bzhugs pa/___dar gyi na bza' dang rin po che'i rgyan gyis brgyan pa'i sku can du gyur/___de 'od du zhu ba las byung ba'i lha khang dang chos sku'i mchod rten tshad dang mtshan nyid rgyan la sogs pa yongs su rdzogs par gyur pa'i gzhal yas khang dang /___bum pa'i nang gi dbus su seng ge'i khri/___shar du glang po che'i khri/___lhor rta'i khri/___nub tu rma bya'i khri/___byang du mkha' lding rnams kyis btegs pa'i rin po che'i khri'i steng du sna tshogs pad+ma dang zla ba'i gdan la/___dbus su oM las rnam par snang mdzad dkar po byang chub mchog gi phyag rgya can/___shar du hU~M las mi bskyod pa sngon po g.yas sa gnon/___g.yon mnyam bzhag__/lhor trA~M las rin chen 'byung ldan ser po g.yas mchog sbyin/___g.yon mnyam bzhag__/nub tu hrIHlas 'od dpag med mnyam bzhag__/byang du AHlas don yod grub pa ljang gu g.yas skyabs sbyin/___g.yon mnyam bzhag gi phyag rgya can/___thams cad kyang dar gyi na bza' dang rin po che'i rgyan gyis brgyan pa/___zhabs rdo rje'i skyil mo krung gis bzhugs pa'i mtha' bskor du sangs rgyas dang byang chub sems dpa' bsam gyis mi khyab pas bskor ba dang bcas pa/___sku rten rnams stong pa'i ngang las seng ges brtegs pa'i rin po che'i khri la gnas pa'i pad+ma dang zla ba'i steng du oM AHhU~M las rdo rje oM AHhU~M gis mtshan pa las rdo rje sems dpa' sku mdog dkar po zhal gcig phyag gnyis rdo rje dang dril bu 'dzin pa dar dang rin po ches brgyan cing /___sems dpa'i skyil mo krung gis bzhugs pa/___gsung rten rnams stong pa'i ngang las pad+ma dang zla ba'i steng du hrIHlas pad+ma hrIHsa mtshan pa las 'od dpag med dmar po mnyam bzhag gi phyag rgya can/___dar dang rin po ches brgyan cing /___rdo rje'i skyil mo krung gis bzhugs pa/___thugs phyag mtshan gyi rten rnams stong pa'i ngang las pad+ma dang zla ba'i steng du hU~M las rdo rje hU~M gis mtshan pa las mi bskyod pa sngon po g.yas sa gnon/___g.yon mnyam bzhag gi phyag rgya can/___dar dang rin po che'i rgyan gyis brgyan cing zhabs rdo rje'i skyil mo krung gis bzhugs pa zhes bskyed/___de rnams kyi dpral bar oM/___mgrin par AH__thugs kar hU~M/___dgu pa ye shes pa spyan drangs pa ni/___rang gi snying ga nas 'od zer 'phros pas/___'og min nas ye shes kyi 'khor lo la sangs rgyas dang byang chub sems dpa'i tshogs kyis bskor ba oM badz+ra sa mA dzaH__ma lus sems can nas/___mchog rnams legs par stsal du gsol gyi bar/___dzaHhU~M ba~M hoHb+ha ga wAn e h+ye hi ma hA ka ru Ni ka dr-i sh+ya ho sa ma ya s+t+waM/___ye shes sems dpa'i phyi bzhin du 'brangs te bde bar gshegs pa'i sku gsung thugs kyi rten rab tu gnas par byed pa la bar du gcod par byed pa'i bgegs kyi rigs gang yin pa de dag thams cad 'dir ma gnas par gzhan du song zhig__/badz+ra satwa kro d+ha sogs brjod/___bcom ldan 'dir ni byon pa legs nas/___pad+ma ka ma lA ya s+t+waM gyi bar/___lha la sogs pa dri yi rdzas zhes sogs shwa lo ka lnga sngags dang bcas pa dang /___de las gzhan yang mchod pa'i tshogs zhes dgos dang /___shab+da pra tIts+tsha sogs rol mo dang bcas pas mchod/___oM badz+ra ang+ku sha dzaHsogs dang /___dzaHhU~M ba~M hoHmang du brjod/___slar yang rang gi snying ga nas 'od zer 'phros pas sangs rgyas dang byang chub sems dpa' bsam gyis mi khyab pa oM badz+ra sa mA dzaH__'di ltar sangs rgyas thams cad kyis/___/dga' ldan du ni gnas pa na/___/lha mo sgyu 'phrul lhums zhugs ltar/___/de bzhin gzugs brnyan lhan cig tu/___/'di ru mgon po rtag bzhugs nas/___/byang chub sems ni bskyed pa dang /___/sbyin pa'i bdag po'i don slad du/___/bdag gi 'byor pa nyid kyis ni/___/ci 'byor pa yis mchod pa dang /___/me tog la sogs 'di bzhes la/___/bdag dang slob mar bcas pa la/___/rjes su brtse bar dgongs su gsol/___/kun gyis 'di la byin brlabs shing /___/'di nyid du ni bzhugs par rigs/___/lan gsum/___bcu pa dgug gzhug ni/___oM badz+ra ang+ku sha dzaHsogs dang /___dzaHhU~M ba~M hoH__mang du brjod/___bcu gcig pa rgyas gdab pa ni/___lha thams cad kyi spyi bor oM las 'khor lo oM gyis mtshan pa/___mgrin par AHlas pad+ma AHsa mtshan la/___thugs kar hU~M las rdo rje hU~M gis mtshan pa/___bcu gnyis pa dbang bskur ba ni/___slar yang 'od zer 'phros pas dbang gi rigs lnga 'khor dang bcas pa oM badz+ra sa mA dzaH__pany+tsa ku la sogs/___ar+g+haM nas shab+da'i bar brjod/___byang chub rdo rje sangs rgyas la sogs kyis gsol ba gdab/___bum pa sogs thogs la/___oM bud+d+ha ka la sha a b+hi Sh+tsi oM sogs nas/___khang+ga rat+na a b+hi Shiny+tsa maM gyi bar/___sngags kho nas dbang bskur/___de ltar dbang bskur bas dbang gi chus sku lus kyi nang thams cad gang /___dri ma thams cad dag__/chu lhag ma yar lud pa las so so'i rigs kyi bdag pos dbu brgyan/___bcu gsum pa mchod bstod ni/___bsang sbyang gong ltar byas la/___'jig rten khams 'di dpag med na/___/zhes sogs kyis mchod/___!__hU~M snang stong rdo rje nam mkha'i dbyings/___/chos dbyings ye shes rdo rje'i sku/___/byang chub mchog gi phyag rgya can/___/phyag 'tshal rnam par snang mdzad la/___/gzung 'dzin rdo rje brtan pa'i sa/___/me long ye shes rdo rje'i sku/___/bdud 'dul chen po'i phyag rgya can/___/phyag 'tshal mi bskyod rdo rje la/___/rin chen rdo rje 'bar ba'i me/___/mnyam nyid ye shes rdo rje'i sku/___/mchog sbyin chen po'i phyag rgya can/___/phyag 'tshal rin chen rdo rje la/___/'dod chags rdo rje chos kyi sku/___/kun rtog ye shes rdo rje'i sku/___/ting 'dzin chen po'i phyag rgya can/___/phyag 'tshal snang ba mtha' yas la/___/phrag dog rdo rje mi bskyod rlung /___/bya grub ye shes rdo rje'i sku/___/skyabs sbyin chen po'i phyag rgya can/___/phyag 'tshal don yod grub pa la/___!__'gro ba rgyud lnga 'khor ba'i dkyil 'khor du/___/sdug bsngal 'khrul 'khor gyis gzir 'gro gzigs nas/___/thugs rje sdug bsngal 'khrul 'khor 'joms mdzad pa/___/thugs rje'i bdag nyid khyod la phyag 'tshal lo/___/sems can smin cing grol bar mdzad pa'i phyir/___/sems can khams na bzhugs shing spyod gyur kyang /___/chags pas ma gos pad+ma ltar dag pas/___/'dod chags dag pa'i bdag nyid khyod la bstod/___/sems can bkren pa chos kyis phongs gyur pa/___/ma rig 'thibs po'i nang du song gyur na/___/'phags pa'i nor bdun dag gi spyod mdzad pa/___/ye shes sgron me khyod la phyag 'tshal lo/___/sems can 'khor ba'i rgya mtshor nub pa la/___/thugs rje'i thabs dang shes rab grur zhugs nas/___/zhi ba rin chen mchog gling skyel mdzad pa/___/kun nas ded dpon de la kun nas 'dud/___/sems can las kyi chu bor gru nub rnams/___/dam chos bdud rtsi'i zam pas sgrol mdzad pa'i/___/'phags lam yan lag brgyad la sbyor mdzad pa/___/gsung gi mnga' bdag khyod la phyag 'tshal lo/___/phyag byar 'os pa sogs bya'o/___/bcu bzhi pa spyan dbye ni/___kun mkhyen ye shes spyan ldan skyon bral yang /___/gus pas 'phags pa'i spyan ni dbye bgyis pas/___/nam mkha'i mthar thug gyur pa'i sems can rnams/___/sangs rgyas ye shes spyan ni thob par shog__/oM tsak+Shu tsak+Shu sa man+ta tsak+Shu bi shwa d+ha ne swA hA/___lan gsum/___ye shes kyi spyan rnam par dag pa thob ste/___sems can gyi don la 'jug pa'i mthu phun sum tshogs pa dang ldan par gyur cig__/bco lnga pa gsol ba gdab pa ni/___mchod pa sngags mchod dang /___bstod pa snang stong ma'am rgyud lnga ma brjod/___rten rnams zhu ba las byung ba'i rten so so'i rnam pa ji lta ba bzhin du gyur/___phyogs na bzhugs pa'i sangs rgyas dang byang chub sems dpa' thams cad bdag la dgongs su gsol/___ji srid nam mkha'i mtha' dang mnyam pa'i sems can thams cad mi gnas pa'i mya ngan las 'das pa'i sa la ma bzhag gi bar du rgyal ba rnams mya ngan las mi 'da' bar brtan par bzhugs su gsol/___bye brag tu yang bde bar gshegs pa'i sku gsung thugs kyi rten 'di dag la sa dang chu dang me dang rlung gi gnod pas ma zhig gi bar du sems can gyi don mdzad cing brtan par bzhugs su gsol/___oM su pra tiSh+Tha badz+ra ye swA hA/___zhes lan gsum/___bcu drug pa mnga' dbul la/___mchod pas mnga' dbul ba ni/___mchod pa bsang sbyangs/___rab 'byams rgya mtsho sogs mchod phreng dang /___bstod pas mnga' dbul ba ni/___snang stong ma dang /___rgyud lnga ma dang /____/_!__mnyam nyid mi g.yo mnyam nyid mchog gi chos nyid can/___/thugs rje'i bdag nyid 'gro ba'i sdug bsngal sel bar mdzad/___/yon tan mtha' yas dngos grub thams cad sbyin mdzad pa/__/dri med mi g.yo mnyam nyid mchog gi chos nyid can/___/yon tan shin tu phra ba'i cha la'ang tshad med des/___/dpe ni nam mkha' dang yang skrun du yod ma yin/___/dngos grub mtha' yas dpag med dpe dang bral ba rnams/___/sems can khams la dngos grub mchog rnam nges par stsol/___/rtag tu dri ma med pa thugs rje'i shugs las grub/___/smon lam grub pa 'gag pa med pa'i chos nyid can/___/'gro ba'i don grub rab tu brtson pa mtha' yas pa/___/thugs rje chen po'i bdag nyid rtag tu rnam par snang /___/tshad med tshad dang bral ba shin tu rdzogs pa yi/___/bde bar gshegs pa'i go 'phang dam pa brnyes gyur kyang /___/khams gsum rnams la dngos grub mchog rnams stsol mdzad pa'i/____/thugs rje'i spyod pa mi g.yo 'gags par yongs mi 'gyur/___/e ma ho shin tu bzang po'i chos nyid mchog dang ldan/___/mchog sbyin rnams kyi nang nas go 'phang mchog brnyes pa/___/khams gsum kun la rtag tu dngos grub mchog stsol mdzod/___/mgon po dus gsum sgrib pa med par rab mkhyen pa/___/dam tshig mchog gsum dngos grub dam pa bdag la stsol/___/'di ni sangs rgyas thams cad kyi/___/yang dag yon tan rgya chen te/___/lan cig tsam zhig brjod pas kyang /___/sangs rgyas thams cad 'grub par 'gyur/___!__nyer mkho'i mnga' dbul ni/___/dkyil 'khor khrus dang na bza' rgyan/___/rnam lnga rin chen bdun dang bcu/___/gdugs sogs dag ni spyi yi'o/___/zhes pas/___sa gzhi spos chus byug shing me tog bkram zhes pa nas/___zhing du spyod par shog__/oM badz+ra re khe AHhU~M swA hA/___stong gsum kun tu dri mchog 'byung gyur pa'i/___/spos mchog rnams kyis thub dbang rnams kyi sku/___/gser sbyangs gtso ma byi dor byas pa ltar/___/'od chags 'bar ba de dag byugs par bgyi/___/oM badz+ra gan+d+he AHhU~M swA hA/___dri med mtshan la sgrib bsal mi mnga' yang /___/dad pas rgyal mtshan ngur smrig phul ba yis/___/nam mkha'i mtha' dang mnyam pa'i sems can rnams/___/sangs rgyas brtul zhugs mchog la spyod par shog__/oM badz+ra was+t+rA AHhU~M swA hA/___kha dog bzang zhing dri zhim reg na bde/___/srab 'jam mdzes ldan lha las byung ba yi/___/na bza'i mchog 'di rdo rje'i sku la 'bul/___/bgres pa med pa rdo rje'i sku thob shog__/oM badz+ra wa sa le AHhU~M swA hA/___rgyal ba mtshan dpe'i rang bzhin rgyan ldan par/___/rgyan gzhan dag gis brgyan par mi 'tshal yang /___/rin chen rgyan mchog phul bas 'gro kun gyi/___/mtshan dpes brgyan pa'i sku mchog thob par shog__/oM badz+ra A lang+ka ra wa bu She AHhU~M swA hA/___rgyal ba zag med 'byor la mnga' bsgyur yang /___/'gro ba'i don slad 'dod yon sna lnga yis/___/mchod pas mkha' mnyam sems can thams cad kyi/___/bsod nams mi zad gter la spyod par shog__/oM badz+ra sa man+ta b+ha dra pU dza me g+ha AHhU~M swA hA/___mi dbang rin chen sna bdun 'di dag ni/___/sangs rgyas sras dang bcas pa ma lus la/___/bshams shing yid kyis sprul te phul ba yis/___/'gro ba mi zad gter la spyod par shog__/oM ma hA sab+ta rat+na pU dza me g+ha AHhU~M swA hA/___rgyal ba mgon po dpal gyis lham mer bzhugs/___/bsod nams ye shes sku lnga brnyes pa la/___/lnga phrag lnga ldan snying po dam pa 'bul/___/'gro bas bde gshegs snying po thob par shog__/oM badz+ra pany+tsa bi ma la pU dza me g+ha AHhU~M swA hA/___brtse ba'i 'khor yug snyan pa'i ba dan dang /___/ting 'dzin bla bre spobs pa'i 'od gsal ba/___/mchog rkyen 'os pa'i nyer mkho 'di dag 'bul/___/skye bos rnam dag ye shes thob par shog__/oM badz+ra ma hA pU dza me g+ha AHhU~M swA hA/___!__lha so so'i mnga' dbul ni/___spu gri 'breg dpyad so mang dang /___/rmangs gzer tshems shing spabs bzhar ro/___/zhes pas/___rgyal ba'i dbu skra mthon mthing skyon bral yang /___/gzhan don bsgrub phyir khyim pa'i rtags spang phyir/___/dad pas gser gyi 'breg spyad phul ba yis/___/'gro kun sdug bsngal kun las grol bar shog__/oM badz+ra tsa ka mU le AHhU~M swA hA/___zangs mdog ltar mdzes yid 'ong skyon bral yang /___/bdag cag dad pas phyag dang zhabs rnams kyi/___/sen mo'i 'breg spyad phul bas 'gro kun gyi/___/sangs rgyas dpe byad bzang po thob par shog__/oM badz+ra na ts+tshe da dzi na AHhU~M swA hA/___dbu skra rin chen lcang lo ma 'khrug cing /___/mdzes shing lta bas mi ngoms skyon bral yang /___/bdag blo sbyang phyir rkyen dang mtshams pa 'di/___/phul bas 'gro kun dug gsum bral bar shog__/oM badz+ra pA la sho d+ha ma AHhU~M swA hA/___dri 'dzin rnam dag tshul khrims las 'khrungs pa/___/dge ba bsgrub phyir skyon las nges grol yang /___/mos blos 'dzin dpyad dam pa phul ba yis/___/'gro bas bla med byang chub thob par shog__/oM badz+ra ro ma d+ha ra AHhU~M swA hA/___dkar la thag bzang bzhi bcu tshang ba'i tshems/___/brgyad khri bzhi stong chos la mnga' bsgyur yang /___/bdag cag dad pas tshems shing phul lags kyi/___/'gro bas sangs rgyas gsungs dbyangs thob par shog__/oM badz+ra dan+ta sho d+ha ya AHhU~M swA hA/___bsnyen bsring mi mnga' kun tu gsal bar ldan/___/thub pa'i sgra 'dzin ngo bo dag na yang /___/dag byed 'di ni bdag gis 'bul lags kyi/___/skye bos rtag tu dam chos thob par shog__/oM badz+ra kar+Na sho d+ha ya na AHhU~M swA hA/___!__mchod rten la bye brag tu/___srog shing 'khor lo cod pan 'phan/___/rgyal mtshan gdugs dang phreng ba gdan/___/ces pas/___oM badz+ra A yu She swA hA/___sems can thams cad shis pa bcu dang ldan par gyur cig__/bde bar gshegs pa'i bstan pa dam pa'i chos yun ring du mi nub cing gnas par gyur cig__/sems can thams cad lhag pa'i bsam pa rnam par dag pas kun tu bzang po'i smon lam la 'jug par gyur cig__/oM pra mardA nA ya swA hA/___sems can thams cad de bzhin gshegs pa'i stobs bcu dang /___ma 'dres pa'i dran pa nye bar bzhag pa gsum thob par gyur cig__/rnam par thar pa brgyad thob par gyur cig__/ye shes lnga dang ldan par gyur cig__/oM pa taM ka laM pa ya swA hA/___sems can thams cad dus thams cad du dar gyi cod pan dang lhab lhub la sogs pas mchod pa dang /___bsnyen bkur gyi rnam pa mang pos de bzhin gshegs pa 'khor dang bcas pa thams cad dang /___de dag gi mchod rten dang /___sku gzugs dang /___gsung rab la sogs pa dag la mchod pa byed par gyur cig__/oM pa taM ke swA hA/___sems can thams cad chos kyi grags pa'i snyan pa bsam gyis mi khyab pa thob par gyur cig__/oM kum+b+hi ra d+hA dza ya swA hA/___sems can thams cad 'khor ba mi 'dzin mi gtong bas bdud bzhi las rgyal zhing chos mi nub pa'i rgyal mtshan du gyur cig__/oM b+h+ra ma nA ya swA hA/___sems can thams cad bla na med pa'i skyabs dang ldan zhing chos kyi rgyal po chen por gyur cig__/rat+na mA la trA~M/___na ma s+t+rai ya d+hI ka__/a nu ga ta pra tiSh+Thi ta puSh+pe ke tu rA dzA ya/___ta thA ga ta ya/___ar+ha te samyak+saM bud+d+ha ya/___tad+ya thA/___oM badz+ra puSh+pe AHhU~M swA hA/___sems can thams cad mtshan dang dpe byad dang ldan te sku lta bas chog mi shes pa thob par gyur cig__/oM puN+ya d+ha ri dza ye swA hA/___sems can thams cad kyi gdan gyi khyad par stobs bcu dang ldan pa glang po che'i gdan dang /___mi 'jigs pa bzhi dang ldan pa seng ge'i gdan dang /___rdzu 'phrul gyi rkang pa bzhi dang ldan pa rta'i gdan dang /___dbang bcu dang ldan pa rma bya'i gdan dang /___thams cad du thogs pa med pa stobs kyi shugs dang ldan pa nam mkha' lding gi gdan dang /___'gro ba'i re 'dod yid bzhin du skong ba nor bu rin po che'i gdan dang /___chags pa'i skyon thams cad spangs ba pad+ma'i gdan dang /___rang bzhin gyi 'od gsal ba nyi zla'i gdan thob par gyur cig_/_!__glegs bam la bye brag tu/___bzhugs khri dang ni na bza' dang /___/glegs shing dang ni glegs thag go/___/zhes pas/___rin chen du ma las grub seng ge'i khri/___/yid 'phrog sna tshogs gos kyis bkab pa 'di/___/spros bral gsung rab mchog la phul ba yis/___/'gro kun rdo rje'i gdan la bzhugs gyur cig__/oM badz+ra A sa nA ya AHhU~M swA hA/___sna tshogs dbang po'i gzhu bzhin rab bkra yang /___/gang la reg na bde ba'i rgyur gyur pa'i/___/gos bzang rin chen bdag blo sbyong phyir 'bul/___/bzod pa dam pa'i gos kyis brgyan par shog__/oM badz+ra was+t+ra AHhU~M swA hA/___zung 'jug dam chos 'dzin pa kun bral yang /___/thabs dang shes rab rjes su 'brel gyur pa'i/___/nyi zla lta bu'i rten 'brel dgab bya ba/___/phul bas skye bos zung 'jug rtogs par shog__/oM pradz+nyo sa ya a d+ha ya AHhU~M swA hA/___spros pa du ma rab tu rgyas gyur kyang /___/ye shes chen po'i ro gcig gyur pa ltar/___/glegs bam gcig gyur yo byad phul ba yis/___/'gro bas ye shes chen po rtogs par shog__/oM badz+ra pusta ka ban+d+hA AHhU~M swA hA/___tsa ru'i bza' bas mnga' dbul ba ni/___zhal zas gtsang ma chab kyis bran/___/yak+Shas bsang /___swa b+hA was sbyong /___a kA ro'i sngags rgyas btab pa btegs la/___zhal zas ro brgya ldan zhing yid 'phrog pa zhes sogs dang /___oM da byi an+ne sA mA d+hi d+dA pra Na ni swA hA/___zhes phul/___sngags kyis mnga' dbul ba ni/___rten la gzungs thag btags la/___/oM su pra tISh+Tha badz+rA ye swA hA/___zhes dang /___oM hU~M hrIHb+h+rU~M kha~M badz+rI b+ha ba dr-i D+ho b+hU khaM swA hA/___slar yang mchod pa sngags mchod/___bstod pa snang stong ma dang /___rgyud lnga ma/___spro na lha ngo shes pa rnams la so so'i bstod pa'ang bya'o/___/des cho ga dngos gzhi song nas/___!__mjug gi cho ga la/___gtor ma sbyin dang chos skyong bsgo/___/yon bdag bsgo dang shis pa brjod/___/rten mchod bsod nams yongs su bsngo/___/slob dpon mchod de dga' ston bya/___/slar yang shis pa rgyas par brjod/___/rjes bsdu sbyin sreg mjug don no/___/dang po ni cha gsum gtor ma btang /___gnyis pa chos skyong bsgo ba ni/___gtor ma/___oM badz+ra yak+Sha hU~M gis bsang /___swa b+hA was sbyang /___stong pa'i ngang las gtor ma kha dog dri ro nus pa phun sum tshogs pa bdud rtsi'i rgya mtsho chen por gyur/___oM AHhU~M/___A ka ro lan gsum/___rang gi snying ga nas 'od zer 'phros pas mgon po 'khor dang bcas pa oM badz+ra sa mA dzaH__mgon po kun gshegs gdan las bzhengs/___/da lta snyigs ma lnga yi dus/___/gshegs shing bzhugs pa'i gnas ngan kyang /___/shAkya'i bstan pa bsrung ba dang /___/bdag cag rnams la phan gdags phyir/___/gnas 'di nyid du gshegs su gsol/___/oM ma hA kA la e h+ye hi/___pad+ma ka ma lA ya s+t+waM/___oM ma hA kA la na maHsarba ta thA ga te b+h+yo bi shwa zhes sogs lan gsum/___ar+g+haM nas shab+da'i bar/___hU~M/___srin po'i gzugs can gdug pa can/___/tshar gcod byang chub sems dpa' ste/___/grong khyer sum brtsebs 'jigs byed pa/___/gtum po khyod la bdag bstod do/___/nag po chen po 'khor dang bcas pa rnams kyis mchod sbyin gyi gtor ma 'di bzhes la/___sangs rgyas kyi bstan pa dar ba dang /___rten 'di la mchod pa rgyun mi chad par 'byung ba'i phrin las mdzod cig__/oM badz+ra rak+ShA haM/___rdo rje 'di ni rdo rje che/___/sangs rgyas kun gyi byin gyis brlabs/___/gal te dam las 'das gyur na/___/zhig 'gyur 'di la the tshom med/___/oM ma hA sa ma ya ha na hU~M phaT/___bdag dang yon bdag 'khor dang bcas pa la bsrung ba dang /___skyob pa dang /___bsam pa thams cad 'grub pa dang /___/rten 'di la mchod pa rgya chen po gyis shig__/chos skyong gi gtor bsngo 'di ltar mdzad pa'i phyag len thams cad la 'dug pa rgyas bsdus skabs dang sbyar ro/___/gsum pa yon bdag ni/___khyod kyis nga la gang gsol ni/___/sku gzugs dag ni khyad par du/___/ji ltar gsungs pa de bzhin du/___/de dag don ni ngas byas te/___/de rnams don ni grub zin gyis/___/ci bde bar ni mchod par bya'o/___/khyod kyis nga la gsol ba 'debs pa'i rab tu gnas pa de legs par tshar bar byas kyi rten 'di la zhag bdun du mchod pa rgya chen po gyis shig__/de nas kyang ci 'byor pa'i mchod pa rgyun mi chad par gyis 'di rnams slob dpon gyi bya ba yin/___mchan/___shig__/bzhi pa shis pa brjod pa ni/___yon bdag skad cig gis rdo rje sems dpa' sku mdog dkar po zhal gcig phyag gnyis pa nas sems dpa'i skyil mo krung gis bzhugs pa'i bar/___!__rang gi snying ga nas 'od zer 'phros/___zhes pa nas/___bgegs kyi dgra la phyag 'tshal bstod kyi bar/___na mo/___rje btsun rtsa ba dang zhes pa nas bden pa chen po'i byin gyi rlabs kyis/___sbyin pa'i bdag po bkra shis par byed pa la bar du gcod par byed pa'i bgegs kyi tshogs thams cad sa'i phyogs 'dir ma gnas par gzhan du song zhig__/badz+ra satwa kro d+ha brjod de rol mo bya/___yak+Shas bsang /___swa b+hA was sbyang /___stong pa'i ngang las ma~M las byung ba'i bkra shis pa'i rdzas brgyad sbyin bdag gis gtso byas/___sems can thams cad kyi tshe dang /___bsod nams dang /___dpal dang 'byor pa thams cad rgyas pa'i nus pa dang ldan par gyur/___oM AHhU~M lan gsum/___sngon bcom ldan 'das la gzugs kyi lha mo 'od 'chang mas me long phyag tu phul ba na/___bkra shis pa'i rdzas su byin gyis brlabs pa de bzhin du/___deng 'dir yang rab tu gnas pa legs par byas pa'i rten 'di dang sbyin bdag gis gtsor byas/___sems can thams cad me long gi rdzas la brten nas shin tu bkra shis par gyur cig__/me long ye shes rgya mtsho chen po yi/___/ye shes rgya mtsho mchog tu dag gyur nas/___/rnam dag chos la thogs med longs spyod pa'i/___/bkra shis des kyang sgrib pa dag gyur cig__/sngon bcom ldan 'das la glang po che nor skyong gis gi waM phyag tu phul ba na/___/gi waM dug gsum 'joms pa nad kyi sman/___/sman mchog chos nyid rab tu rtogs gyur te/___/nyon mongs zug rngu med par gyur pa yi/___/bkra shis des kyang dug gsum zhi gyur cig__/sngon bcom ldan 'das la zhing pa'i bu mo legs skyes mas zho phyag tu phul ba na/___zho ni kun gyi snying por gyur pa ste/___/snying po rnam dag ye shes rnams rtogs nas/___/yon tan kun gyi dbyings su gyur pa yi/___/bkra shis des kyang sdug bsngal zhi gyur cig__/sngon bcom ldan 'das la rtswa 'tshong bkra shis kyis rtswa durba phyag rgya phul ba na/___du rbas tshe ni 'phel bar byed pa ste/___/rdo rje sems dpa'i tshe ni rab bsgrubs nas/___/nyon mongs skye shi rgyun chad gyur pa yi/___/bkra shis des kyang tshe ni 'phel gyur cig__/sngon bcom ldan 'das la lha tshangs pas shing thog bil ba phyag tu phul ba na/___bil ba rgyu rkyen 'bras bur bcas pa'i chos/___/'jig rten 'jig rten 'das pa'i spyod pa kun/___/byang chub snying po mchog tu gyur pa yi/___/bkra shis des kyang don kun 'grub byed shog__/sngon bcom ldan 'das la lha'i dbang po brgya byin gyis dung dkar po g.yas su 'khyil ba phyag tu phul ba na/___dung ni chos kyi sgra rnams sgrogs pa'i tshul/___/ye shes rgya mtsho nyid du dag gyur te/___/chos rnams ma nor yongs su ston pa yi/___/bkra shis des kyang tshig la dbang thob shog__/sngon bcom ldan 'das la bram ze skar rgyal gyis li khri phyag tu phul ba na/___li khri dmar po dbang gi rang bzhin te/___/chos rnams ma lus dbang du bsdus nas kyang /___/chos kyi rgyal srid rab tu brtan gyur pa'i/___/bkra shis des kyang khyed srid brtan gyur cig__/sngon bcom ldan 'das la gsang ba'i bdag po phyag na rdo rjes grub pa'i rdzas yungs kar phyag tu phul ba na/___yungs dkar rdo rje'i rigs te thams cad du/___bgegs rnams ma lus 'joms par byed pa yi/___/mthu stobs yon tan phun sum tshogs gyur pa'i/___/bkra shis des kyang bgegs kun zhi gyur cig__/lnga pa mchod pa ni/___mchod bstod mdor bsdus tsam bya/___drug pa bsod nams yongs su bsngo ba ni/___yan lag bdun pa sogs bsngo smon bya/___bdun pa slob dpon mchod pa ni/___sbyin bdag gis yon phul/___brgyad pa dga' ston ni/___bde gshegs lhag ma 'di dag ni/___/gsol zhig sdig pa byang bar 'gyur/___/zhes brjod cing tsA ru'i bza' ba la longs spyod/___dgu pa slar yang shis pa rgyas par bya ba ni/___bkra shis rgyas par bya/___bcu pa las kyi rjes bsdu ba ni/___cho ga'i rjes chog bya'o/___/bcu gcig pa sbyin sreg gi tshab tu yig brgya mang du bzlas/___rten la zhag bdun du mchod pa rgyas par bya'o/___/de ltar rab tu gnas pa'i cho ga 'di ni lo chen gyi sdom gzhir bzhag__/'on kyang sta gon gyi sdom tshig legs bsham dang /___dngos gzhi'i tho rangs gnyis go brjes/___gzhan ma tshang ba med par bkod pa'i khrigs chags la rje btsun chen po'i don gsal/___bla chen 'phags pa'i nyin gang ma saM g+ha mi tra/___rdo rje 'chang kun dga' bzang po'i bkra shis rgya mtsho/___kun mkhyen chen po'i dge legs rgya mtsho/___lum pa chos rje kun dga' chos grags kyi dngos grub rgya mtsho/___gung ru shes rab bzang po'i zin bris rnams kyi dgongs pa zhib tu dpyad pa'i nyin gong ma'i rab gnas nag po 'gro shes su bsdebs pa ni shAkya'i dge slong kun dga' lhun grub kyis dpal rmor gyi bla brang yang rtser sbyar ba'o/___/slar yang zhal skong cung zad dang bcas many+dzu g+ho Shas dag par bris pa dge zhing bkra shis/___/sarba mang+ga laM/___/