JKW-KABUM-16-MA-029-011

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 16, sde tshan 29, Text 11, Pages (Folios 12b5 to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 16: 280-. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs

1 Texts in this Section (sde tshan or chos tshan)

11 280-282	དཔལ་དུས་ཀྱི་འཁོར་ལོའི་རྒྱུད་འགྲེལ་ཆེན་དང་བཅས་པའི་བཤད་བཀའི་བརྒྱུད་འདེབས་ཕྲིན་ལས་ཀུན་ཁྱབ། dpal dus kyi 'khor lo'i rgyud 'grel chen dang bcas pa'i bshad bka'i brgyud 'debs phrin las kun khyab Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དུས་འཁོར་བཤད་བཀའི་བརྒྱུད་འདེབས། ༄༅། །དཔལ་དུས་ཀྱི་འཁོར་ལོའི་རྒྱུད་འགྲེལ་ཆེན་དང་བཅས་པའི་བཤད་བཀའི་བརྒྱུད་འདེབས་ཕྲིན་ལས་ཀུན་ཁྱབ་ཅེས་བྱ་བ་བཞུགས་སོ། །དཔལ་ལྡན་དུས་འཁོར་ཟླ་བཟང་ལྷ་དབང་ཞབས། །གཟི་བརྗིད་ཟླས་བྱིན་ལྷ་དབང་སྣ་ཚོགས་གཟུགས། །ལྷ་ཡི་དབང་ལྡན་རིགས་ལྡན་འཇམ་དཔལ་གྲགས། །པདྨ་དཀར་པོ་རྣམས་ལ་གསོལ་བ་འདེབས། །འཇམ་དབྱངས་སྤྲུལ་པས་རྗེས་བཟུང་ཙི་ལུ་པ། །པིཎྜོ་པ་དང་དུས་ཞབས་རྣམ་པ་གཉིས། །འཇམ་དཔལ་གྲགས་པ་ས་མནྟ་ཤྲཱི། །ལོ་ཆེན་ཆོས་རབ་རྣམས་ལ༴ ཡེ་ཤེས་སེང་གེ་འབུམ་སེང་སྒ་ལོ་ཆེ། །ཤེས་རབ་སེང་གེ་རྡོ་རྗེ་རྒྱལ་མཚན་དཔལ། །རྩོད་དུས་ཀུན་མཁྱེན་གཉིས་པ་རིན་ཆེན་གྲུབ། །ཆོས་ཀྱི་དཔལ་བ་རྣམས་ལ༴ རིན་ཆེན་དཔལ་དང་མཁས་གྲུབ་ཙནྡྲ་ཤྲཱི། །ཚུལ་ཁྲིམས་རྒྱལ་མཚན་མཁྱེན་རབ་ཆོས་ཀྱི་རྗེ། །རིན་ཆེན་རྒྱལ་པོ་དོན་གྲུབ་རྒྱལ་མཚན་དང་། །བཀྲ་ཤིས་རྒྱལ་མཚན་རྣམས་ལ༴ དཀོན་མཆོག་རྒྱལ་མཚན་བསོད་ནམས་མཆོག་གྲུབ་དཔལ། །རིན་ཆེན་ཆོས་ལེགས་བསོད་ནམས་རྒྱ་མཚོའི་སྡེ། །འཇམ་དཔལ་མཁྱེན་རབ་རིན་ཆེན་བསྟན་དར་དང་། །བསྟན་འཛིན་ཕྲིན་ལས་རྣམས་ལ༴ རྡོ་རྗེ་འཛིན་དབང་ཡེ་ཤེས་དཔལ་འབྱོར་དང་། །ཁྱབ་བདག་དང་པོའི་མགོན་པོ་བློ་གསལ་ཞབས། །ལམ་འདིའི་བཀའ་དྲིན་དངོས་སུ་འདོམས་མཁས་པའི། །རྩ་བའི་བླ་མ་རྣམས་ལ་གསོལ་བ་འདེབས། །ཕྱི་རོལ་འཇིག་རྟེན་ཁམས་ཀྱི་མཚན་ཉིད་དང་། །ནང་ལྟར་རྡོ་རྗེའི་ལུས་ཀྱི་ངེས་གསང་རྟོགས། །གཞན་དུ་སྨིན་གྲོལ་ཟབ་མོའི་ཐབས་མཁས་ལ། །བརྟེན་ནས་དངོས་གྲུབ་རྣམ་གཉིས་མྱུར་ཐོབ་ཤོག །མཐའ་ཡས་རྒྱུད་སྡེ་ཀུན་གྱི་རྡོ་རྗེའི་ཚིག །ཡོངས་སུ་འབྱེད་ལ་མཚུངས་པ་གཞན་མེད་པའི། །དཔལ་ལྡན་དུས་འཁོར་བཤད་སྒྲུབ་སྣང་བ་ཡིས། །འཇིག་རྟེན་གསུམ་ན་རྟག་ཏུ་ཁྱབ་གྱུར་ཅིག །ཅེས་པའང་མ་ཧཱ་བྷོ་ཊའི་ལྗོངས་ཀྱི་ཐིག་ལེ་དཔལ་ལྡན་ཤམ་བྷ་ལ་གཉིས་པ་ཐུབ་བསྟན་ཆོས་ཀྱི་འཁོར་ལོའི་གླིང་ཆེན་པོར། །ཁྱབ་བདག་འཇམ་པའི་རྡོ་རྗེ་ཀརྨ་ངག་དབང་ཡོན་ཏན་རྒྱ་མཚོ་དང་། །རྒྱ་ཆེན་ཆོས་ཀྱི་སྤྱན་ལྡན་རྣམ་འདྲེན་བླ་མ་ཀུན་དགའ་དཔལ་ལྡན་སོགས་དམ་པའི་སྐྱེས་བུ་རྣམས་ལ་ཤྲཱི་ཀཱ་ལ་ཙཀྲའི་རྒྱུད་འགྲེལ་ཆེན་དང་བཅས་པའི་བཤད་ལུང་རྫོགས་པར་ཕུལ་བའི་སྐབས། །སྲས་བཅས་རྒྱལ་བའི་ཡེ་ཤེས་ཀྱི་སྐུ་གཅིག་པུ་རྡོ་རྗེ་འཆང་རིན་ཆེན་བློ་གསལ་བསྟན་སྐྱོང་ལས་ཚུལ་འདིའི་བཀའ་དྲིན་ཐོབ་པ་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པའི་ལེགས་བྱས་ཀྱི་སྣང་བས་དཔལ་དམ་པ་དང་པོའི་སངས་རྒྱས་ཀྱི་བཤད་སྲོལ་པདྨ་དཀར་པོའི་དགའ་བའི་ཚལ་ཕྱོགས་དང་དུས་དང་། གནས་སྐབས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག། །སརྦ་དཱ་མངྒ་ལཾ་བྷ་བ་ཏུ། ། ༈

[edit]

dus 'khor bshad bka'i brgyud 'debs/__ @#/_/dpal dus kyi 'khor lo'i rgyud 'grel chen dang bcas pa'i bshad bka'i brgyud 'debs phrin las kun khyab ces bya ba bzhugs so/__/dpal ldan dus 'khor zla bzang lha dbang zhabs/__/gzi brjid zlas byin lha dbang sna tshogs gzugs/__/lha yi dbang ldan rigs ldan 'jam dpal grags/__/pad+ma dkar po rnams la gsol ba 'debs/__/'jam dbyangs sprul pas rjes bzung tsi lu pa/__/piN+Do pa dang dus zhabs rnam pa gnyis/__/'jam dpal grags pa sa man+ta shrI/__/lo chen chos rab rnams la=__ye shes seng ge 'bum seng sga lo che/__/shes rab seng ge rdo rje rgyal mtshan dpal/__/rtsod dus kun mkhyen gnyis pa rin chen grub/__/chos kyi dpal ba rnams la=__rin chen dpal dang mkhas grub tsan+d+ra shrI/__/tshul khrims rgyal mtshan mkhyen rab chos kyi rje/__/rin chen rgyal po don grub rgyal mtshan dang /__/bkra shis rgyal mtshan rnams la=__dkon mchog rgyal mtshan bsod nams mchog grub dpal/__/rin chen chos legs bsod nams rgya mtsho'i sde/__/'jam dpal mkhyen rab rin chen bstan dar dang /__/bstan 'dzin phrin las rnams la=__rdo rje 'dzin dbang ye shes dpal 'byor dang /__/khyab bdag dang po'i mgon po blo gsal zhabs/__/lam 'di'i bka' drin dngos su 'doms mkhas pa'i/__/rtsa ba'i bla ma rnams la gsol ba 'debs/__/phyi rol 'jig rten khams kyi mtshan nyid dang /__/nang ltar rdo rje'i lus kyi nges gsang rtogs/__/gzhan du smin grol zab mo'i thabs mkhas la/__/brten nas dngos grub rnam gnyis myur thob shog__/mtha' yas rgyud sde kun gyi rdo rje'i tshig__/yongs su 'byed la mtshungs pa gzhan med pa'i/__/dpal ldan dus 'khor bshad sgrub snang ba yis/__/'jig rten gsum na rtag tu khyab gyur cig__/ces pa'ang ma hA b+ho Ta'i ljongs kyi thig le dpal ldan sham b+ha la gnyis pa thub bstan chos kyi 'khor lo'i gling chen por/__/khyab bdag 'jam pa'i rdo rje karma ngag dbang yon tan rgya mtsho dang /__/rgya chen chos kyi spyan ldan rnam 'dren bla ma kun dga' dpal ldan sogs dam pa'i skyes bu rnams la shrI kA la tsakra'i rgyud 'grel chen dang bcas pa'i bshad lung rdzogs par phul ba'i skabs/__/sras bcas rgyal ba'i ye shes kyi sku gcig pu rdo rje 'chang rin chen blo gsal bstan skyong las tshul 'di'i bka' drin thob pa bya bral ba 'jam dbyangs mkhyen brtse'i dbang pos gsol ba btab pa'i legs byas kyi snang bas dpal dam pa dang po'i sangs rgyas kyi bshad srol pad+ma dkar po'i dga' ba'i tshal phyogs dang dus dang /__gnas skabs thams cad du dar zhing rgyas la yun ring du gnas par gyur cig/__/sarba dA mang+ga laM b+ha ba tu/___/__!_