JKW-KABUM-14-PHA-001-002

🚧 This website is under continued development. We appreciate your patience!

Previous Text Back to Volume PageLast text in section.

Wylie title
Location	mkhyen brtse'i bka' 'bum Volume 14, sde tshan 1, Text 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 14: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

2 22-28	གུ་རུ་དྲག་པོ་ཡེ་ཤེས་རབ་འབར་གྱི་དོན་དབང་མདོར་བསྡུས་པའི་མཚམས་སྦྱོར་རྡོ་རྗེའི་ཕྲེང་བ། gu ru drag po ye shes rab 'bar gyi don dbang mdor bsdus pa'i mtshams sbyor rdo rje'i phreng ba Empowerment Ritual - dbang chog - dbang skur	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གུ་རུ་དྲག་པོ་ཡེ་ཤེས་རབ་འབར་གྱི་དོན་དབང་མདོར་བསྡུས་པའི་མཚམས་སྦྱོར་རྡོ་རྗེའི་ཕྲེང་བ། ༄༅། །གུ་རུ་དྲག་པོ་ཡེ་ཤེས་རབ་འབར་གྱི་དོན་དབང་མདོར་བསྡུས་པའི་མཚམས་སྦྱོར་རྡོ་རྗེའི་ཕྲེང་བ་བཞུགས་སོ། །ན་མོ་གུ་རུ་བེ། །དྲན་པས་ཡིད་སྲུབས་སྡེར་བཅས་དཔུང་། །འཆིང་མཛད་པདྨ་ཧེ་རུ་ཀཿ དངོས་གྲུབ་རྒྱ་མཚོའི་དཔྱིད་ཆེན་པོར། །བཏུད་ནས་དེ་ཡི་དབང་བསྐུར་འབྲི། །སྦྱོར་བ་ཡོ་བྱད་ཀྱི་བཤམས་དང་། དངོས་གཞི་སྒྲུབས་ཅིང་མཆོད་པ་སོགས་སྔོན་དུ་སོང་ནས། སློབ་མ་རྣམས་ལ་ཁྲུས་བྱ། བགེགས་བསྐྲད། སྲུང་འཁོར་བསྒོམས། མཚམས་སྦྱོར་ཇི་ལྟར་རིགས་པ་ལས། ལོ་རྒྱུས་ཀྱི་ཁྱད་པར། ད་ལམ་འདིར་སྐབས་སུ་བབས་པ་ནི། ལང་གྲོ་ལོ་ཙཱ་བ་དཀོན་མཆོག་འབྱུང་གནས་ཀྱི་རྣམ་འཕྲུལ་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཀློང་གསལ་སྙིང་པོའམ། པདྨ་མདོ་སྔགས་གླིང་པ་ཞེས་མཚན་ཉི་ཟླ་ལྟར་ཡོངས་སུ་གྲགས་ཅིང་དུས་མཐར་མཚན་ཙམ་གྱིས་ཀྱང་རྒྱལ་འགོང་དྲེགས་པ་ཅན་ཐམས་ཅད་འདུལ་བ་ལ་པདྨ་དྲག་པོ་ཧེ་རུ་ཀ་དང་གཉིས་སུ་མེད་པ། སྡེ་བརྒྱད་དྲག་རྩལ་གདུག་རྩུབ་ཅན་རྣམས་ཀྱིས་བརྩེགས་པའི་ཁྲི་ལ་བཞུགས་པ་དེ་ཉིད་ཀྱིས་ལི་ཐང་གནམ་ཆེན་བྲག་དཀར་ཟླ་གམ་དབང་གི་དཀྱིལ་འཁོར་ནས་རྫུ་འཕྲུལ་རྡོ་རྗེའི་བཀོད་པ་ཟད་མི་ཤེས་པས་སྤྱན་དྲངས་པར་མཛད་པའི་ཟབ་ཆོས་གུ་རུ་དྲག་པོ་ཡེ་ཤེས་རབ་འབར་གྱི་དཀྱིལ་འཁོར་དུ་བྱིན་རླབས་དབང་བསྐུར་གྱི་རིམ་པ་ཟབ་མོ་བསྒྲུབས་པ་ལ། སློབ་དཔོན་གྱི་བགྱི་བར་འོས་པའི་ཆོས་རྣམས་སྔོན་དུ་སོང་ནས། ད་ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལའང་ཐོག་མར་བླ་མ་དང་དཀྱིལ་འཁོར་གྱི་གཙོ་བོ་ཐ་མི་དད་པའི་སྤྱན་སྔར་འཇུག་ཅིང་སྨིན་པའི་ཆོས་རྣམས་ཞུ་བའི་ཡོན་དུ་དམིགས་ཏེ་མཎྜལ་ཞིག་ཕུལ་མཛོད། །མཎྜལ་ཕུལ་ནས་གསོལ་བ་གདབས་པ་འདིའི་རྗེས་ཟློས་མཛོད། །ཨེ་མ་བླ་མ་དྲག་པོ་དགོངས༔ བདག་ཅག་སྐལ་ལྡན་སློབ་མ་ཡིས༔ མཆོག་ཐུན་དངོས་གྲུབ་ཐོབ་བྱའི་ཕྱིར༔ པདྨ་དྲག་པོའི་དབང་བསྐུར་སྩོལ༔ ཞེས་ཞུས་པས་དམ་ཆུ་སྦྱིན་པ་ནི༔ དེ་ལྟར་ཡིན་ན་ཧེ་རུ་ཀའི༔ བླ་མེད་ཡང་གསང་བྱིན་རླབས་འདི༔ གནས་ཁང་འདི་ཡི་ཕྱི་རོལ་དུ༔ དམ་མེད་པ་ལ་སྨྲ་མི་རུང་༔ དེ་ནས་གསང་ཆེན་ཐུབ་པར་གྱིས༔ བཛྲ་རཀྵ་སེ་སརྦ་ཨི་ད་ན་ཏ་ན་ར་ཀན༔ ཞེས་པས་དམ་ལ་བཞག་ནས། སྤྲོ་ན། རྒྱུད་དག་པར་བྱ་བའི་སླད་དུ་བླ་མ་དང་དཀྱིལ་འཁོར་གྱི་ལྷ་ཚོགས་ཐ་མི་དད་པའི་སྤྱན་སྔར་སྐྱབས་སུ་འགྲོ་བ་དང་བྱང་ཆུབ་མཆོག་ཏུ་སེམས་བསྐྱེད་པར་བགྱིའོ་སྙམས་པས་འདིའི་རྗེས་ཟློས་མཛོད། །ལས་གཞུང་གི་སྐྱབས་སེམས་ལན་གསུམ། དེ་ནས་དབང་གི་གཞི་བསྒྲུབས་པ་ཡེ་ཤེས་དབབས་པའི་སླད་དུ་དམིགས་པ་འདི་བཞིན་དུ་མཛོད། ཨ་མྲྀ་ཏས་བསངས། སྭ་བྷ་ཝས་སྦྱངས། སྟོང་པའི་ངང་ལས་གནས་ཁང་འོག་མིན་དབང་དྲག་རོལ་བའི་ཞིང་ཁམས་ཆེན་པོར་གསལ་བའི་དབུས་སུ། ཁྱེད་རང་རྣམས་ཀྱི་སེམས་ཉིད་རྣམ་པར་མི་རྟོག་པའི་ངོ་བོ་ཡི་གེ་ཧཱུྃཿདམར་པོ་ཡོངས་སུ་གྱུར་པ་ལས་གུ་རུ་དྲག་པོ་གཏུམ་དྲག་དམར་ནག་ཞལ་གཅིག་ཕྱག་གཉིས་པ། ཕྱག་གཡས་པས་གནམ་ལྕགས་ཀྱི་རྡོ་རྗེ་རྩེ་དགུ་པ་ནམ་མཁའི་དབྱིངས་སུ་འཕྱར་བས་ལྷ་སྲིན་སྡེ་བརྒྱད་ཟིལ་གྱིས་གནོན་པ། གཡོན་པས་སྡིག་མཛུབ་ཀྱི་རྩེ་ལས་སྤྲུལ་པའི་ལྕགས་སྡིག་ནག་པོའི་ཕོ་ཉ་འགྱེད་པས་རྒྱལ་བསེན་དྲེགས་པ་ཅན་ཐམས་ཅད་ཚར་གཅོད་པ། ཞལ་གདངས་ཞིང་ལྗགས་འདྲིལ་བ། མཆེ་བ་བཞི་གཙིགས་ཤིང་སྨིན་མ་དང་སྨ་ར་མེ་འབར་བ། ཁྲོ་གཉེར་ཆུ་ཡི་རླབས་བཞིན་འཁྲུགས་ཅིང་སྤྱན་གསུམ་སྡང་མིག་ཏུ་གཟིགས་པ། གླང་ཆེན་གྱི་ཀོ་བའི་སྟོད་གཡོགས། ཞིང་ལྤགས་ཀྱི་སྐེད་དཀྲིས། སྟག་ལྤགས་ཀྱི་ཤམ་ཐབས། གདུག་པའི་སྦྲུལ་གྱིས་དོ་ཤལ་ལ་སོགས་པ་ཁྲོ་བོའི་ཆས་ཐམས་ཅད་ཀྱིས་བརྒྱན་པ། ཞབས་གཡས་བསྐུམ་ཞིང་གཡོན་བརྐྱང་པའི་སྟབས་ཀྱིས་པད་ཉི་དྲེགས་པ་རྒྱལ་བསེན་བསྣོལ་བའི་གདན་གྱི་སྟེང་ན་རོལ་པའི་སྤྱི་བོར་འཇམ་དཔལ་གཤིན་རྗེ། མགྲིན་པར་དབང་ཆེན་རྟ་མགྲིན། ཐུགས་ཁར་གསང་བའི་བདག་པོ། ལྟེ་བར་མཁའ་འགྲོ་སྡེ་ལྔ། གསང་གནས་སུ་ཡཀྴ་མེ་དབལ་སྟེ་དཀྱིལ་འཁོར་གྱི་ལྷ་ཚོགས་ཐམས་ཅད་སྐུའི་དབྱིངས་ན་རྫོགས་པ། སྲིད་ཞིའི་ཁམས་ན་ཆེ་བཙན་འགྲན་ཟླ་དང་བྲལ་བའི་སྐུར་གྱུར་བའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུྃ་སྔོན་པོ་རྣམས་ཀྱིས་མཚན་པ་ལས་འོད་ཟེར་གྱི་ཚོགས་བསམ་གྱིས་མི་ཁྱབ་པ་འཕྲོས་པས་རང་བཞིན་གྱི་གནས་དང་། རྔ་ཡབ་དཔལ་རི་སྤྲུལ་པའི་ཞིང་ནས་ཡེ་ཤེས་སེམས་དཔའི་ཚོགས་ཁ་ཆར་བུ་ཡུག་འཚུབས་པ་བཞིན་སྤྱན་དྲངས་ནས་ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་གྱིས་རླབས་པའི་ཐུགས་མོས་མཛོད། །ཧཱུྃ་ཧྲཱི༔ ཨོ་རྒྱན་ཆེ་མཆོག་པདྨ་དྲག་པོ་རྩལ༔ ཐབས་ཀྱིས་གདུག་པ་མ་ལུས་འདུལ་བའི་ཕྱིར༔ དྲག་པོ་འཇིགས་བྱེད་ཆེན་པོའི་སྐུར་བཞེངས་ལ༔ བདག་ལ་དབང་བསྐུར་བྱིན་གྱིས་བརླབ་ཏུ་གསོལ། བླ་མེད་གསང་ཆེན་རོལ་པའི་ཕོ་བྲང་འདིར༔ དྲག་པོའི་གཞལ་ཡས་ལྷ་རུ་བྱིན་ཆེན་ཕོབ༔ རྩ་སྔགས་མཐར། བཛྲ་ས་མ་ཡ་ཨ་བེ་ཤ་ཡ་ཨཱ་ཨཱཿ ཛཿཧཱུྃ་བྃ་ཧོ༔ ཞེས་པས་བྱིན་དབབས། ཏིཥྛ་བཛྲ་ས་མ་ཡས་བརྟན་པར་བྱ། དེ་ལྟར་ཡེ་ཤེས་དབབས་ཅིང་བརྟན་པར་བྱ་བ་སྔོན་དུ་སོང་ནས། དངོས་གཞི་བདག་མདུན་དཀྱིལ་འཁོར་པ་རྣམས་ཀྱི་ཡེ་ཤེས་སྒྱུ་འཕྲུལ་དྲྭ་བའི་རྣམ་རོལ་བསམ་གྱིས་མི་ཁྱབ་པས་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབང་རྣམས་རིམ་པ་བཞིན་དུ་སྩོལ་བྱུང་སྙམ་པའི་མོས་པ་དུང་དུང་མཛོད་ཅིག །ཅེས་བརྡ་སྦྱར་ནས། བུམ་པ་ཐོགས་ལ། ཧཱུྃ༔ སྐྱེ་མེད་བུམ་པའི་གཞལ་ཡས་ན༔ པདྨ་དྲག་པོའི་ལྷ་ཚོགས་བཞུགས༔ ཐུགས་རྗེ་ཆུ་ཡིས་དབང་བསྐུར་བས༔ དྲག་པོ་སྐུ་ཡི་དབང་ཐོབ་ཤོག༔ ཀཱ་ཡ་ཨ་བྷི་ཥིཉྩ་ཨོཾ༔ ཐོད་པ་བདུད་རྩི་ཐོགས་ལ༔ ཧཱུྃ༔ ཐོད་པ་བདུད་རྩི་དམ་རྫས་དང་༔ མེ་ལོང་སྔགས་ཀྱི་ཕྲེང་བ་ལས༔ ནུས་པ་སྔགས་ཀྱི་དབང་བསྐུར་བས༔ དྲག་པོ་གསུང་གི་དབང་རྫོགས་ཤོག༔ ཝཱཀྐ་ཨ་བྷི་ཥིཉྩ་ཨཱཿ ཤེལ་རྡོ་གཏད་ལ༔ ཧཱུྃ༔ སྟོང་གསལ་མ་འགགས་ཤེལ་རྡོ་འདི༔ དྲག་པོ་ཐུགས་ཀྱི་ནུས་པ་རྫོགས༔ སྐལ་ལྡན་ཁྱོད་ལ་དབང་བསྐུར་བས༔ རྡོ་རྗེ་སྙིང་པོའི་དོན་རྟོགས་ཤོག༔ ཙིཏྟ་ཨ་བྷི་ཥིཉྩ་ཧཱུྃ༔ མེ་ལོང་གཏད་ལ། ཧཱུྃ༔ མེ་ལོང་ནང་གི་གཟུགས་བརྙན་བཞིན༔ ཆུ་ཟླ་འཇའ་ཚོན་མ་འགགས་པ༔ སྐལ་ལྡན་འདི་ལ་དབང་བསྐུར་བས༔ རིག་རྩལ་དབང་མཆོག་ཐོབ་པར་ཤོག༔ ཀཱ་ཡ་ཝཱ་ཀ་ཙིཏྟ་ཨ་བྷི་ཥིཉྩ་ཧྲཱི༔ རྡོ་རྗེ་གཏད་ལ༔ ཧཱུྃ༔ འགྱུར་མེད་གནམ་ལྕགས་རྡོ་རྗེ་འདི༔ དྲག་པོ་པདྨའི་ཕྱག་མཚན་ཏེ༔ གཏད་པ་ཙམ་གྱི་དྲེགས་པ་ཐུལ༔ སྐལ་ལྡན་འདི་ལ་བརྟན་པར་བཞུགས༔ ཏིཥྛ་བཛྲ་ས་མ་ཡ་ཧཱུྃ༔ ལྕགས་སྡིག་ཕུར་པ་གཏད་ལ། ཧཱུྃ༔ གཉིས་མེད་རང་གྲོལ་ལྕགས་སྡིག་ནག་པོ་འདི༔ ང་བདག་གཟུང་འཛིན་སྙིང་ལ་འགེམ༔ རྩལ་རྫོགས་གནམ་ལྕགས་ཕུར་པ་འདི༔ ལོག་འདྲེན་འགོང་པོ་འདུལ་ཕྱིར་གཏད༔ སརྦ་དུཥྟན་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊ༔ གཙོ་བོའི་སྐུ་གཏད་ལ༔ ཧཱུྃ་ཧྲཱི༔ ཡེ་ཤེས་རབ་འབར་དཀྱིལ་འཁོར་ལྷ༔ དྲག་པོའི་ལྷ་དབང་ལུས་ལ་བསྐུར༔ འཇིགས་པ་བརྒྱད་སོགས་དུས་མིན་གེགས༔ ཚེ་ལ་བར་ཆད་མི་འབྱུང་ཤོག༔ ཀཱ་ཡ་ཨ་བྷི་ཥིཉྩ་ཨཱོཾ༔ དུར་ཁྲོད་ཆས་བརྒྱད་གཏད་ལ༔ ཧཱུྃ༔ བདག་འཛིན་བསྒྲལ་བའི་སྟག་ཤམ་དང་༔ ཐེག་ཆེན་གླང་ཆེན་ཀོ་རློན་དབང་༔ སྐྱེ་ཤི་རྩད་གཅོད་མགོ་ཕྲེང་དབང་༔ དུར་ཁྲོད་ཆས་རྣམས་ཁྱོད་ལ་གཏད༔ སྟོབས་རྩལ་ནུས་པ་ཡོངས་རྫོགས་ཤོག༔ སརྦ་ཀརྨ་མ་བྷི་ཥིཉྩ་ཧཱུྃཿ སྒྲུབ་གཏོར་སྤྱི་བོར་བཞག་ལ། ཧཱུྃ་ཧྲཱི༔ དམ་ཚིག་དྲག་པོ་སྲུང་བའི་གུར༔ ཡེ་ཤེས་འཆི་མེད་བཅུད་དུ་དབབས༔ དབང་དྲག་ཚེ་དཔག་མེད་མགོན་གྱི༔ ཡོན་ཏན་ལྷུན་རྫོགས་དབང་ཐོབ་ཤོག༔ ཀཱ་ཡ་ཝཱ་ཀ་ཙིཏྟ་བྷ་ལིང་ཏ་ཨ་བྷི་ཥིཉྩ་ཧཱུྃ༔ རྗེས་མཐའ་རྟེན་དང་། དམ་ཚིག་ཁས་བླངས་སོགས་སྤྱི་ལྟར་བྱའོ། །རྡོ་རྗེ་དྲག་རྩལ་ཧེ་རུ་ཀའི། །རྡོ་རྗེ་གསུམ་གྱི་དབང་བསྐུར་འདིས། །རྡོ་རྗེ་ཐེག་པའི་སྣོད་ལྡན་རྣམས། །རྡོ་རྗེའི་ཡེ་ཤེས་འགྲུབ་གྱུར་ཅིག །ཞེས་པའང་གཏེར་གཞུང་རྩ་བར་བླ་མ་དམ་པའི་ཕྱག་བཞེས་ཀྱིས་བརྒྱན་ཏེ་འཇུག་བདེ་སྙིང་པོར་དྲིལ་བའི་ལེའུ་ཚན་ནོ། །མངྒ་ལཾ།། །།

[edit]

gu ru drag po ye shes rab 'bar gyi don dbang mdor bsdus pa'i mtshams sbyor rdo rje'i phreng ba/ @#/_/gu ru drag po ye shes rab 'bar gyi don dbang mdor bsdus pa'i mtshams sbyor rdo rje'i phreng ba bzhugs so/__/na mo gu ru be/__/dran pas yid srubs sder bcas dpung /__/'ching mdzad pad+ma he ru kaH__dngos grub rgya mtsho'i dpyid chen por/__/btud nas de yi dbang bskur 'bri/__/sbyor ba yo byad kyi bshams dang /__dngos gzhi sgrubs cing mchod pa sogs sngon du song nas/__slob ma rnams la khrus bya/__bgegs bskrad/__srung 'khor bsgoms/__mtshams sbyor ji ltar rigs pa las/__lo rgyus kyi khyad par/__da lam 'dir skabs su babs pa ni/__lang gro lo tsA ba dkon mchog 'byung gnas kyi rnam 'phrul gter chen chos kyi rgyal po rig 'dzin klong gsal snying po'am/__pad+ma mdo sngags gling pa zhes mtshan nyi zla ltar yongs su grags cing dus mthar mtshan tsam gyis kyang rgyal 'gong dregs pa can thams cad 'dul ba la pad+ma drag po he ru ka dang gnyis su med pa/__sde brgyad drag rtsal gdug rtsub can rnams kyis brtsegs pa'i khri la bzhugs pa de nyid kyis li thang gnam chen brag dkar zla gam dbang gi dkyil 'khor nas rdzu 'phrul rdo rje'i bkod pa zad mi shes pas spyan drangs par mdzad pa'i zab chos gu ru drag po ye shes rab 'bar gyi dkyil 'khor du byin rlabs dbang bskur gyi rim pa zab mo bsgrubs pa la/__slob dpon gyi bgyi bar 'os pa'i chos rnams sngon du song nas/__da khyed rang rnams kyi ngo skal du gyur pa la'ang thog mar bla ma dang dkyil 'khor gyi gtso bo tha mi dad pa'i spyan sngar 'jug cing smin pa'i chos rnams zhu ba'i yon du dmigs te maN+Dal zhig phul mdzod/__/maN+Dal phul nas gsol ba gdabs pa 'di'i rjes zlos mdzod/__/e ma bla ma drag po dgongs:__bdag cag skal ldan slob ma yis:__mchog thun dngos grub thob bya'i phyir:__pad+ma drag po'i dbang bskur stsol:__zhes zhus pas dam chu sbyin pa ni:__de ltar yin na he ru ka'i:__bla med yang gsang byin rlabs 'di:__gnas khang 'di yi phyi rol du:__dam med pa la smra mi rung :__de nas gsang chen thub par gyis:__badz+ra rak+Sha se sarba i da na ta na ra kan:__zhes pas dam la bzhag nas/__spro na/__rgyud dag par bya ba'i slad du bla ma dang dkyil 'khor gyi lha tshogs tha mi dad pa'i spyan sngar skyabs su 'gro ba dang byang chub mchog tu sems bskyed par bgyi'o snyams pas 'di'i rjes zlos mdzod/__/las gzhung gi skyabs sems lan gsum/__de nas dbang gi gzhi bsgrubs pa ye shes dbabs pa'i slad du dmigs pa 'di bzhin du mdzod/__a mr-i tas bsangs/__swa b+ha was sbyangs/__stong pa'i ngang las gnas khang 'og min dbang drag rol ba'i zhing khams chen por gsal ba'i dbus su/__khyed rang rnams kyi sems nyid rnam par mi rtog pa'i ngo bo yi ge hU~MHdmar po yongs su gyur pa las gu ru drag po gtum drag dmar nag zhal gcig phyag gnyis pa/__phyag g.yas pas gnam lcags kyi rdo rje rtse dgu pa nam mkha'i dbyings su 'phyar bas lha srin sde brgyad zil gyis gnon pa/__g.yon pas sdig mdzub kyi rtse las sprul pa'i lcags sdig nag po'i pho nya 'gyed pas rgyal bsen dregs pa can thams cad tshar gcod pa/__zhal gdangs zhing ljags 'dril ba/__mche ba bzhi gtsigs shing smin ma dang sma ra me 'bar ba/__khro gnyer chu yi rlabs bzhin 'khrugs cing spyan gsum sdang mig tu gzigs pa/__glang chen gyi ko ba'i stod g.yogs/__zhing lpags kyi sked dkris/__stag lpags kyi sham thabs/__gdug pa'i sbrul gyis do shal la sogs pa khro bo'i chas thams cad kyis brgyan pa/__zhabs g.yas bskum zhing g.yon brkyang pa'i stabs kyis pad nyi dregs pa rgyal bsen bsnol ba'i gdan gyi steng na rol pa'i spyi bor 'jam dpal gshin rje/__mgrin par dbang chen rta mgrin/__thugs khar gsang ba'i bdag po/__lte bar mkha' 'gro sde lnga/__gsang gnas su yak+sha me dbal ste dkyil 'khor gyi lha tshogs thams cad sku'i dbyings na rdzogs pa/__srid zhi'i khams na che btsan 'gran zla dang bral ba'i skur gyur ba'i spyi bor oM dkar po/__mgrin par AHdmar po/__thugs kar hU~M sngon po rnams kyis mtshan pa las 'od zer gyi tshogs bsam gyis mi khyab pa 'phros pas rang bzhin gyi gnas dang /__rnga yab dpal ri sprul pa'i zhing nas ye shes sems dpa'i tshogs kha char bu yug 'tshubs pa bzhin spyan drangs nas khyed rang rnams la sib sib thim pas rgyud byin gyis rlabs pa'i thugs mos mdzod/__/hU~M hrI:__o rgyan che mchog pad+ma drag po rtsal:__thabs kyis gdug pa ma lus 'dul ba'i phyir:__drag po 'jigs byed chen po'i skur bzhengs la:__bdag la dbang bskur byin gyis brlab tu gsol/__bla med gsang chen rol pa'i pho brang 'dir:__drag po'i gzhal yas lha ru byin chen phob:__rtsa sngags mthar/__badz+ra sa ma ya a be sha ya A AH__dzaHhU~M ba~M ho:__zhes pas byin dbabs/__tiSh+Tha badz+ra sa ma yas brtan par bya/__de ltar ye shes dbabs cing brtan par bya ba sngon du song nas/__dngos gzhi bdag mdun dkyil 'khor pa rnams kyi ye shes sgyu 'phrul drwa ba'i rnam rol bsam gyis mi khyab pas sku gsung thugs yon tan phrin las kyi dbang rnams rim pa bzhin du stsol byung snyam pa'i mos pa dung dung mdzod cig__/ces brda sbyar nas/__bum pa thogs la/__hU~M:__skye med bum pa'i gzhal yas na:__pad+ma drag po'i lha tshogs bzhugs:__thugs rje chu yis dbang bskur bas:__drag po sku yi dbang thob shog:__kA ya a b+hi Shiny+tsa oM:__thod pa bdud rtsi thogs la:__hU~M:__thod pa bdud rtsi dam rdzas dang :__me long sngags kyi phreng ba las:__nus pa sngags kyi dbang bskur bas:__drag po gsung gi dbang rdzogs shog:__wAk+ka a b+hi Shiny+tsa AH__shel rdo gtad la:__hU~M:__stong gsal ma 'gags shel rdo 'di:__drag po thugs kyi nus pa rdzogs:__skal ldan khyod la dbang bskur bas:__rdo rje snying po'i don rtogs shog:__tsit+ta a b+hi Shiny+tsa hU~M:__me long gtad la/__hU~M:__me long nang gi gzugs brnyan bzhin:__chu zla 'ja' tshon ma 'gags pa:__skal ldan 'di la dbang bskur bas:__rig rtsal dbang mchog thob par shog:__kA ya wA ka tsit+ta a b+hi Shiny+tsa hrI:__rdo rje gtad la:__hU~M:__'gyur med gnam lcags rdo rje 'di:__drag po pad+ma'i phyag mtshan te:__gtad pa tsam gyi dregs pa thul:__skal ldan 'di la brtan par bzhugs:__tiSh+Tha badz+ra sa ma ya hU~M:__lcags sdig phur pa gtad la/__hU~M:__gnyis med rang grol lcags sdig nag po 'di:__nga bdag gzung 'dzin snying la 'gem:__rtsal rdzogs gnam lcags phur pa 'di:__log 'dren 'gong po 'dul phyir gtad:__sarba duSh+tan ta ka ha na da ha pa tsa hU~M phaT:__gtso bo'i sku gtad la:__hU~M hrI:__ye shes rab 'bar dkyil 'khor lha:__drag po'i lha dbang lus la bskur:__'jigs pa brgyad sogs dus min gegs:__tshe la bar chad mi 'byung shog:__kA ya a b+hi Shiny+tsa A+oM:__dur khrod chas brgyad gtad la:__hU~M:__bdag 'dzin bsgral ba'i stag sham dang :__theg chen glang chen ko rlon dbang :__skye shi rtsad gcod mgo phreng dbang :__dur khrod chas rnams khyod la gtad:__stobs rtsal nus pa yongs rdzogs shog:__sarba karma ma b+hi Shiny+tsa hU~MH__sgrub gtor spyi bor bzhag la/__hU~M hrI:__dam tshig drag po srung ba'i gur:__ye shes 'chi med bcud du dbabs:__dbang drag tshe dpag med mgon gyi:__yon tan lhun rdzogs dbang thob shog:__kA ya wA ka tsit+ta b+ha ling ta a b+hi Shiny+tsa hU~M:__rjes mtha' rten dang /__dam tshig khas blangs sogs spyi ltar bya'o/__/rdo rje drag rtsal he ru ka'i/__/rdo rje gsum gyi dbang bskur 'dis/__/rdo rje theg pa'i snod ldan rnams/__/rdo rje'i ye shes 'grub gyur cig__/zhes pa'ang gter gzhung rtsa bar bla ma dam pa'i phyag bzhes kyis brgyan te 'jug bde snying por dril ba'i le'u tshan no/__/mang+ga laM//__//