JKW-KABUM-13-PA-023-018

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 13, sde tshan 23, Text 18, Pages (Folios 48a1 to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 13: 557-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

18 557-570	ཀློང་གསལ་རྩ་གསུམ་རྒྱུན་ཁྱེར། klong gsal rtsa gsum rgyun khyer Daily Practice - rgyun khyer	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཀློང་གསལ་རྩ་གསུམ་རྒྱུན་ཁྱེར། ༄༅། །རྩ་གསུམ་རྡོ་རྗེ་སྙིང་པོའི་རྒྱུན་གྱི་རྣལ་འབྱོར་གྲུབ་གཉིས་གཏེར་གྱི་བུམ་བཟང་ཞེས་བྱ་བ་བཞུགས་སོ། །ན་མོ་གུ་རུ་དེ་བ་ཌཱ་ཀི་ནཱི་བྷྱཿ །འདིར་རིག་འཛིན་ཀློང་གསལ་སྙིང་པོའི་གཏེར་བྱོན་རྩ་གསུམ་རྡོ་རྗེ་སྙིང་པོའི་རྒྱུན་གྱི་རྣལ་འབྱོར་སྙིང་པོར་དྲིལ་ཏེ་ཉམས་སུ་བླང་བའི་ཚུལ་ལ། སྔོན་འགྲོ་སྐྱབས་སེམས་ནི། ན་མོ༔ ཕྱོགས་བཅུའི་སངས་རྒྱས་དཀོན་མཆོག་གསུམ༔ བླ་མ་ཡི་དམ་མཁའ་འགྲོ་ལ༔ བདག་ནི་གུས་པས་སྐྱབས་སུ་མཆི༔ ཧྲཱིཿ མ་གྱུར་འགྲོ་བ་ཀུན་དོན་ཏུ༔ བླ་མེད་སྔགས་ཀྱི་སྒོར་ཞུགས་ནསཿ ཕྲིན་ལས་རྣམ་བཞི་གང་འདུལ་གྱིས༔ འགྲོ་བའི་དོན་ལ་བརྩོན་པར་བྱ༔ ལན་གསུམ། དངོས་གཞིར་ལྷ་བསྒོམ་པ་ནི། ཧྲཱིཿ ཆོས་རྣམས་དམིགས་མེད་ངང་ཉིད་ལསཿ ཉི་ཟླ་པདྨ་བམ་རོའི་སྟེང་༔ བདག་ཉིད་དབང་ཆེན་སྐུ་མདོག་དམར༔ ཞལ་གཅིག་ཕྱག་གཉིས་སྤྱི་བོའི་གཙུག༔ རྟ་མཆོག་དབང་སྐད་ཕྱོགས་བཅུར་སྒྲོགསཿ གཡས་གཡོན་གྲི་གུག་ཐོད་ཁྲག་བསྣམས༔ རུས་རྒྱན་རིན་ཆེན་དུར་ཁྲོད་ཆས༔ བརྐྱང་བསྐུམ་འགྱིང་བས་འདོར་ཐབས་ཚུལ༔ གཡོན་ནས་ཡུམ་ཆེན་ཕག་མོས་འཁྱུད༔ ཆ་ལུགས་ཡབ་དང་མཚུངས་པ་ལ༔ སྤྱི་གཙུག་ཕག་ཞལ་ངུར་སྒྲ་སྒྲོགས། ཡབ་ཡུམ་མེ་ཕུང་ཀློང་དུ་བཞུགས༔ སྤྱི་གཙུག་པད་སྡོང་གེ་སར་སྟེང་༔ ཐབས་ཤེས་ཉི་ཟླའི་ཁྲི་སྟེང་དུ༔ བཞུགས་པའི་བླ་མ་ཐོད་ཕྲེང་རྩལ༔ དཀར་གསལ་ཞལ་གཅིག་ཕྱག་གཉིས་པ༔ རྡོ་རྗེ་དྲིལ་བུ་གཡས་གཡོན་བསྣམས༔ རྡོ་རྗེའི་སྐྱིལ་ཀྲུང་རུས་རྒྱན་མཛེས༔ ལོངས་སྤྱོད་རྫོགས་སྐུའི་ཆ་ལུགས་ཅན༔ གཡོན་ནས་མནྡྷ་ར་བས་འཁྱུད༔ གཞོན་ཚུལ་པདྨ་རུས་རྒྱན་སྤྲས༔ ཕྱག་གཡས་ཌཱ་རུ་འཕྱར་ཐབས་འཁྲོལཿ གཡོན་པས་ཐོད་པའི་བདུད་རྩི་སྟོབསཿ སྐྲ་གྲོལ་ཡབ་ཀྱི་དགྱེས་པ་སྐོངཿ ཡབ་ཡུམ་གཟི་བརྗིད་མདངས་ལྡན་གྱིཿ སྤྱི་གཙུག་རིགས་བདག་ཚེ་བུམ་འཛིནཿ གནས་ལྔར་དཔའ་བོ་དཔའ་མོ་བཅུ༔ སྐུ་མདོག་རིགས་ཀྱི་ཕྱག་མཚན་འཛིན༔ ཅེས་གསལ་བཏབ་སྟེ། དེའང་སྤྱི་བོའི་པདྨ་བཛྲ་རྩ་བརྒྱུད་ཀྱི་བླ་མ་ཀུན་འདུས། རང་ཉིད་རྟ་མགྲིན་རྒྱུད་སྡེ་བཞིའི་ཡི་དམ་ཀུན་འདུས། ཡུམ་རྡོ་རྗེ་ཕག་མོ་མཁའ་འགྲོ་ཐམས་ཅད་འདུས་པའི་ངོ་བོར་དམ་ཚིག་དང་ཡེ་ཤེས་དབྱེར་མེད་པའི་ལྷར་སྣང་གི་ང་རྒྱལ་བརྟན་པོ་དང་། སྣང་སྲིད་གཞལ་ཡས་བླ་མ་ལྷ༔ ཐམས་ཅད་ཕྱག་རྒྱའི་དཀྱིལ་འཁོར་ཆེཿ དཔེར་ན་ཆུ་ཟླ་འཇའ་ཚོན་ལྟར༔ སྣང་ལ་རང་བཞིན་མེད་པར་བསྒོམ༔ ཅེས་སྣང་སྲིད་གཞིར་བཞེངས་དག་པ་རབ་འབྱམས་ཀྱི་བསྐྱེད་རིམ་ལ་རྩེ་གཅིག་ཏུ་མཉམ་པར་བཞག །དེ་ནས་བཟླས་པ་བྱ་བ་ལ་གཉིས། རྩ་བ་དང་། ཡན་ལག་གི་བཟླས་པའོ། །དང་པོ་ནི། ཡབ་ཡུམ་ཐུགས་ཀར་ཐབས་ཤེས་ཀྱིཿ གདན་ལ་ཧྲཱིཿཡིག་མཐའ་བསྐོར་དུཿ མ་བཅོས་རྩ་བའི་སྙིང་པོས་བསྐོར༔ ཨོཾ་ཨཱཿཧཱུྃ་ཧྲཱི་གུ་རུ་དྷེ་བ་དྷཱ་ཀི་ནཱི་སརྦ་སིདྡྷི་ཕ་ལ་ཧཱུྃ་ཨཱཿ ཅེས་སྔགས་ཕྲེང་ལ་ཡིད་གཏད་དེ་ཀློག་པའི་ཚུལ་གྱིས་ཅུང་ཟད་བཟླས། དེ་ལ་སེམས་ཟིན་པ་དང་། གསང་བའི་ཡང་སྙིང་འབྲུ་གཅིག་ལས༔ འོད་ཟེར་དམར་པོ་འཕྲོས་པའི་མདངས། མདུན་གྱི་ཨོཾ་ནས་རིམ་པ་བཞིན༔ གཡས་བསྐོར་གསུང་གི་ནུས་པ་བསྐུལ༔ སླར་ཡང་མ་བཅོས་རྩ་བར་ཐིམཿ ནུས་པའི་གཟི་བྱིན་ཆེར་རྒྱས་གྱུརཿ ཅེས་པའི་དམིགས་པ་དང་བཅས་ཏེ་རྩ་གསུམ་སྤྱི་དྲིལ་གྱི་སྙིང་པོ་དེ་ཉིད་ཇི་ལྟར་རིགས་པ་བཟླའོ། །གཉིས་པ་ལ་གསུམ། རྩ་གསུམ་བྱེ་བྲག་སོ་སོ་དང་། གཙོ་མཆོག་ལས་ཀྱི་དཀྱིལ་འཁོར་དགུ་དང་། ལས་རྒྱས་པའི་ལྷ་ཉི་ཤུ་རྩ་བཞི་སོ་སོའི་བཟླས་པ་བྱ་བའི་ཚུལ་ལོ། །དང་པོ་ནི། སྤྱི་བོའི་བླ་མ་ལ་དམིགས་ཏེ། ཨོཾ་ཧཱུྃ་ཏྲཱྃ་ཧྲཱི་ཨཱཿབཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛ་སིདྡྷི་ཕ་ལ་ཧཱུྃ་ཨཱཿ ཞེས་བཟླ་ཞིང་སྐབས་སུ་འོད་ཟེར་སྤྲོ་བསྡུ་ལ་བརྟེན་ནས་དབང་བཞི་བླང་། རང་ཡི་དམ་གྱི་ང་རྒྱལ་དང་བཅས། ཨོཾ་ཧྲཱིཿབཛྲ་ཀྲོ་དྷ་ཧྱ་གྲཱི་བ་ཧུ་ལུ་ཧུ་ལུ་ཧཱུྃ་ཕ྄ཊཿ ཅེས་བཟླ་ཞིང་འོད་ཟེར་སྤྲོ་བསྡུས་ཐ་མལ་གྱི་སྣང་ཞེན་སྦྱངས། ཡུམ་ཕག་མོ་ལ་དམིགས་ཏེ། ཨོཾ་བཛྲ་བཻ་རོ་ཙ་ནཱི་ཡེ་སརྦ་ཡོ་གི་ནཱི་ཧ་རི་ནི་ས་སརྦ་དྷཱ་ཀི་ནཱི་ཙིཏྟ་ཧྲཱིཾ་ཧྲཱིཾ་ཛ་ཛ་སརྦ་ཀརྨ་སིདྡྷི་ས་མ་ཡ་ཧཱུྃ་སྭཱ་ཧཱ་ཞེས་བཟླ་ཞིང་འོད་ཟེར་གྱི་སྣང་བས་བདེ་བ་ཆེན་པོའི་ཡེ་ཤེས་བརྟན་པར་བསམ་མོ། །གཉིས་པ་ནི། འོག་ནས་འབྱུང་བའི་ལྷ་སོ་སོའི་བཟླས་པའི་སྐབས་སུ། རང་ཉིད་ཡི་དམ་ཡོངས་འདུས་དབང་ཆེན་རྟ་མཆོག་རོལ་པར་གསལ་བའི་ཐུགས་ཀ་ནས་འོད་ཟེར་འཕྲོས། ལྷག་པའི་ལྷ་སོ་སོའི་ཡེ་ཤེས་ཀྱི་སྐུ་དང་། སྔགས་ཕྲེང་། ཕྱག་མཚན་གྱི་ཚོགས་དཔག་ཏུ་མེད་པ་སྤྱན་དྲངས་ཏེ་རང་ལ་ཐིམ་པས་ལྷ་དེ་དང་དེའི་སྐུ་གསུམ་ཐུགས་དང་དབྱེར་མེད་པའི་ང་རྒྱལ་བརྟན་པོས་སྔགས་བཟླས་པས་ཐུགས་སྲོག་ལས་འོད་ཟེར་སྤྲོས་བསྡུས་སོ་སོའི་ལས་རབ་འབྱམས་ཐོགས་མེད་དུ་འགྲུབ་པར་མོས་ལ་བཟླ་བར་བྱའོ། །བཟླ་བྱའི་སྔགས་ནི། ཨོཾ་བྷཱུར་ཙི་བྷཱུརཀི་བི་མཱ་ན་སེ་ཨུ་ཙུཥྨ་ཀྲོ་དྷཱི་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ སྒྲིབ་པའི་དྲི་མ་སྦྱོང་བ་སྨེ་བ༡་བརྩེགས་མའི་སྔགས་སོ། །ཨོཾ་བཛྲ་ཨ་མྲི་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊྲཿ ལས་ཀྱི་དྲི་མ་སྦྱོང་བ་བདུད་༢ རྩི་འཁྱིལ་བའི་སྔགས་སོ། །ཨོཾ་བཛྲ་ཙཎྜ་བཛྲ་ཀྲོ་དྷ་ཡ་ཧུ་ལུ་ཧུ་ལུ་ཏིཥྛ་ཏིཥྛ་བྷནྡྷ་བྷནྡྷ་ཧ་ན་ཧ་ན་ཨ་མྲྀ་ཏེ་ཧཱུྃ་ཕཊྲ༔ ཉམས་པའི་དྲི་མ་སྦྱོང་བ་རྣམ་༣པར་འཇོམས་པའི་སྔགས་སོ། །ཨོཾ་བཛྲ་ཛྲ་ལ་ཨ་ན་ལརྐ་ཧཱུྃ༔ ལས་ཀྱི་སྲུང་བ་མེ་ལྟར་༤འབར་བའི་སྔགས་སོ། །ཨོཾ་བི་ཤ་ཙི་པཪྞ་ཤཱ་པ་རཱི་སརྦ་ཨུ་བ་པྲ་ཤ་མ་ན་སྭཱ་ཧཱཿ ཡམས་ཀྱི་འཚེ་བ་སྲུང་བ༥་ལོ་མ་གྱོན་མའི་སྔགས་སོ། ཨོཾ་ཨཱཿབིགྷྣཱན་ཏ་ཀྲྀ་ཏ་ཧཱུྃ་ཕཊ༔ བགེགས་ཚོགས་མཚམས་བཅད་པ་ཁྲོ་བོ་བགེགས་༦མཐར་བྱེད་ཀྱི་སྔགས་སོ། །ཨོཾ་སི་ཏཱ་ཏཱ་པ་ཏྲེ་ཨ་པ་ར་ཛི་ཏཱ་སརྦ་གྲ་ཧ་ཨ་ནུ་ཏྲཱ་ས་ཡ་ཏྲཱ་ས་ཡ་ཧ་ན་ཧ་ན་དྲཱུྃ་དྲཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ བྱད་ཕུར་རྦད་གཏོང་ཟློག་བྱེད་གཙུག་ཏོར་གདུགས་དཀར་༧མོའི་སྔགས་སོ། །ཨོཾ་ཨཱཪྻཱ་ཏཱ་རེ་ཏུཏྟཱ་རེ་ཧཱུྃཿ ཞེས་དང་། ཨོཾ་ཨཱཪྻཱ་ཏཱ་རེ་ཏུཏྟཱ་རེ་པུནྱེ་ཨཱ་ཡུཿ པུཥྟིཾ་ཀུ་རུ་ཡེ་སྭཱ་ཧཱ༔ ལས་ཀྱི་ཚེ་འཛིན་པ་སྒྲོལ་༨མ་དཀར་མོའི་བསྙེན་པ་དང་སྒྲུབ་པའི་སྔགས་སོ། ཨོཾ་བཛྲ་ཙཎྜ་མ་ཧཱ་རོ་ཥ་ཎ་ཧཱུྃ་ཕཊྲཿ ཅེས་དང་། ཨོཾ་བཛྲ་སརྦ་དུཥྟན་ཏ་ཀ་ཧ་ན་ད་ཧ་པ་ཙ་ཧཱུྃ་ཕ྄ཊཿ ཅེས་ལས་ཀྱི་ནུས་པ་འཛིན་བྱེད་ཕྱག་༩ན་རྡོ་རྗེའི་བསྙེན་པ་དང་། སྒྲུབ་པའི་སྔགས་ཏེ། ཁྱུང་གི་ཤམ་བུ་ཅན་བྱེད་ན་བསྙེན་སྔགས་ཤམ་དུ། ཁྲོཾ་བཛྲ་ག་རུ་ཌ་ཧཱུྃ་ཕཊ༔ ཅེས་སྦྱར་བར་བླ་མ་བརྒྱུད་པའི་ཞལ་ལས་ཐོས་སོ། །གསུམ་པ་ལ་བཞི། ཞི་བ། རྒྱས་པ། དབང་། དྲག་པོའོ། དེ་རེ་རེ་ལའང་ནང་གསེས་སུ་ལས་ཀྱི་བྱེ་བྲག་དྲུག་རེར་དབྱེ་བ་ལས། དང་པོ་ལ། ཨོཾ་བྷཱུར་ཀུར་མ་ཧཱ་པྲ་ཎཱ་ཡ་བྷཱར་ཙི་བྷཱུར་ཀི་བཀའ་མའི་སྔགས་ལ་བི་མ་ནཱ་སེ་ཞེས་ཡོད། བི་མ་ལེ་ཨུ་ཙུཥྨ་ཀྲོ་དྷ་ཧཱུྃ་ཧཱུྃ་ཕཊ༔ ཨོཾ་བྷཱུ་ར་ཀུར་རི་ལི་ཤུ་བཪྴ་ཧུར་ཤི་བི་མ་ལེ་ཨུ་ཙུཥྨ་ཀྲོ་དྷ་ཧཱུྃ་ཧཱུྃ་ཕཊ་ཕཊ་སྭཱ་ཧཱཿ ཉམས་གྲིབ་ཞི་བ་རྨེ་༡བ་བརྩེགས་པའི་སྙིང་པོ་དང་ལས་ཀྱི་སྔགས་སོ། །ཨོཾ་སུམྦྷ་ནི་སུམྦྷ་ཧཱུྃ༔ གྲྀཧྞ་གྲྀཧྞ་ཧཱུྃ༔ གྲྀཧྞ་པ་ཡ་གྲྀཧྞཱ་པ་ཡ་ཧཱུྃ༔ ༔ཨཱ་ན་ཡ་ཧོ་བྷ་ག་བཱ་ན་བིདྱ་རཱ་ཛ་ཧཱུྃ་ཕ྄ཊ༔ གདོན་བགེགས་ཞི་བ་ཁྲོ་བོ་ཁམས་གསུམ་རྣམ༢་རྒྱལ་གྱི་སྔགས་སོ། ཨོཾ་བཛྲ་ས་མནྟ་བྷ་དྲ་ཧཱུྃ༔ ཞེས་དང་། ཨོཾ་ན་མོ་རཏྣ་ཏྲ་ཡཱ་ཡཿ ཏདྱ་ཐཱ༔ ཨོཾ་ཀཾ་ཀ་ནི་ཀཾ་ཀ་ནི༔ རོ་ཙ་ནི་རོ་ཙ་ནི༔ ཏྲོ་ཊ་ནི་ཏྲོ་ཊ་ནི༔ ཏྲ་ས་ནི་ཏྲ་ས་ནི༔ པྲ་ཏི་ཧ་ན་པྲ་ཏི་ཧ་ན༔ སརྦ་ཀརྨ་པ་རཾ་པ་རཱ་ཎི་མེ་སརྦ་གཏེར་གཞུང་དུ་སརྦ་སཏྭ་ནཉྩ་མེད་ཀྱང་སེམས་ཅན་ཐམས་ཅད་ཞེས་སྤེལ་ཚིག་སྤྱི་འགྲོ་ཡིན་བས་སྦྱར་ན་ལེགས། སཏྭཱ་ནཱཉྩ་སྭཱ་ཧཱ༔ ཞེས་སྒྲིབ་པ་ཞི་བར་བྱེད་པ་མི་༣འཁྲུགས་པའི་སྙིང་པོ་དང་གཟུངས་སྔགས་སོ། །ཨོཾ་ཨཱ་ཧྲཱིཿསིཾ་ཧ་ནཱ་ད་ཧཱུྃ་ཕ྄ཊ༔ ཅེས་དང་། ན་མོ་རཏྣ་ཏྲ་ཡཱ་ཡཿ ན་མོ་ཨཱཪྻ་ཨ་བ་ལོ་ཀི་ཏེ་ཤྭ་རཱ་ཡཿ བོ་དྷི་སཏྭ་ཡཿ མ་ཧཱ་སཏྭ་ཡ༔ ༔མ་ཧཱ་ཀ་རུ་ཎི་ཀཱ་ཡ༔ ཏདྱ་ཐཱ༔ ཨོཾ་ཨ་ཀ་ཊེ༔ བི་ཀ་ཊེ༔ ནི་ཀ་ཊེ༔ ཀ་ཌཾ་ཀ་ཊེ༔ ཀ་རོ་ཊ་ཀ་རོ་ཊེ་བིདྱཱ་སྭཱ་ཧཱ༔ ཞེས་ཀླུ་གཉན་ས་བདག་གི་གནོད་པ་ཞི་བ་སེང་གེ་སྒྲའི་༤སྙིང་པོ་དང་གཟུངས་སྔགས་སོ། ཨོཾ་ཨཾ་སྭཱ་ཧཱ༔ ཞེས་དང་། ཨོཾ་ཨ་པ་ར་ཛི་ཏ་སརྦ་གྲ་ཧ་ཨ་ནུ་ཏྲཱ་ས་ཡ་ཏྲཱ་ས་ཡ་ཧ་ན་ཧ་ན་དྲཱུྃ་དྲཱུྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ ཞེས་རྦོད་གཏོང་ཞི་བར་བྱེད་པ་འཕགས་མ་གཙུག་ཏོར་གདུགས་ཀར་ཅན་དང་ངོ་བོ་གཅིག་པ་གཞན་གྱི་མི་ཐུབ་༥མའི་སྙིང་པོ་དང་རྩ་སྔགས་སོ། །ཨོཾ་ན་མོ་བྷ་ག་ཝ་ཏཱི་དྷཱ་ཛཱ་གྲ་ཀེ་ཡཱུ་རི་པ་ར་སཻནྱ་བི་དྷཱནྶ་ན་ཀ་རི་སྭོ་བ་སེ་ནྱ་པ་རི་པཱ་ལ་ནི༔ ཨུལྐ་མུ་ཁཱ་ཁ་ཁ་ཁཱ་ཧི་ཁཱ་ཧི༔ པ་རི་སེ་ནྱཾ་ཨ་ནནྟ་མུ་ཁེ་ན༔ ཨ་ན་ནྟ་བྷཱུ་ཛེ་ན། པྲ་ཧ་ར་པྲ་ཧ་ར་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ དམག་དཔུང་སོགས་མ་རུང་པ་ཞི་བར་བྱེད་པ་རྒྱལ་མཚན་རྩེ་༦མོའི་དཔུང་རྒྱན་གྱི་སྔགས་སོ། །གཉིས་པ་ལ། ཨོཾ་ཨཱཿཧཱུྃ་ཨ་རྩིཀ་ནི་རྩིཀ་ན་མོ་བྷ་ག་ཝ་ཏེ་ཧཱུྃ་ཧཱུྃ་ཕཊ྄༔ ཨཱཿཧཱུྃ་ཧཱུྃ་ཕ྄ཊ༔ ཅེས་དང་། ཨོཾ་ཨ་མཱ་ར་ཎིཛཱི་བནྟི་ཡེ་སྭ་ཧཱ༔ ཞེས་ཚེ་སྲོག་གི་བར་ཆད་སྲུང་ཞིང་ཚེ་རྒྱས་པར་བྱེད་པ་གུ་རུ་༡དྲག་པོའི་ཚེ་སྒྲུབ་ཀྱི་རྩ་སྔགས་དང་། ལས་སྔགས་སོ། །ཧྲཱི་ཧྲཱི་ཧྲཱི༔ ཞེས་ཧྲཱི་སུམ་བསྒྲིལ་དུ་བཟླ་བ་ནི་ཚེའི་བར་ཆད་ཟློག་ཅིང་ཚེ་རྒྱས་པར་བྱེད་པ་དབང་༢ཆེན་ཚེ་སྒྲུབ་ཀྱི་སྔགས་སོ། །ཨོཾ་ན་མོ་བྷ་ག་ཝ་ཏེ་གུ་རུ་བཻཌཱུཪྻ་པྲ་བྷ་རཱ་ཛཱ་ཡ༴ ཏ་ཐཱ་ག་ཏཱ་ཡ༔ ཨརྷ་ཏེ་སམྱཀྶཾ་བུདྡྷ་ཡ༔ ཏདྱ་ཐཱ༔ ཨོཾ་བོ་དྷི་ས་ཏྭཱ་ཡ༔ མ་ཧཱ་ས་ཏྭཱ་ཡ༔ མ་ཧཱ་ཀ་རུ་ཎི་ཀཱ་ཡ༔ ཏདྱ་ཐཱ༔ ཨོཾ་བྷེ་ཥ་ཛྱེ་བྷེ་ཥ་ཛྱེ་མ་ཧཱ་བྷེ་ཥ་ཛྱེ་རཱ་ཛ་ས་མུཏྒ་ཏེ་སྭཱ་ཧཱ༔ ནད་གདོན་སྡིག་སྒྲིབ་ཞི་ཞིང་ཚེ་རྒྱས་པར་བྱེད་པ་སྨན་༣གྱི་བླ་མའི་གཟུངས་རིང་སྟེ། གཟུངས་ཐུང་ནི་ཨོཾ་བྷེ་ཥ་ཛྱེ་མན་བཟླས་པས་འཐུས་སོ། །ཨོཾ་ཨ་མྲྀ་ཏ་ཨཱ་ཡུརྡ་དེ་སྭཱ་ཧཱཿ འཁོར་དང་ཚེ་དཔལ་རྒྱས་བྱེད་རྣམ་པར་རྒྱལ་༤མའི་སྙིང་པོའོ། །ཨོཾ་བྷྲཱུྃ་སྭཱ་ཧཱཿ དང་། ཨོཾ་ཨ་མྲྀ་ཏ་ཨཱ་ཡུརྡ་དེ་སྭཱ་ཧཱཿ དང་། ཨོཾ་ཨ་མཱི་ཏཿ ཨ་མཱི་ཏོདྦྷ་བེཿ ཨ་མཱི་ཏ་བི་ཀྲནྟེ༔ ཨ་མཱི་ཏ་ག་ཏེ༔ ཨ་མཱི་ཏ་ག་མི་ནིཿ ཨ་མཱི་ཏ་ཨཱ་ཡུརྡ་དེ༔ ག་ག་ནཱ་ཀཱིརྟི་ཀ་རེ་སརྦ་ཀླེ་ཤཀྵ་ཡཾ་ཀ་རི་སྭཱ་ཧཱཿ ཞེས་པ་རྣམས་ནི་ཚེ་དང་བསོད་ནམས་རྒྱས་པར་བྱེད་པ་རྣམ་པར་རྒྱལ་༥མའི་སྙིང་པོ་དང་། ཉེ་༦སྙིང་དང་། གཟུངས་སྔགས་སོ། །ཨོཾ་བཛྲ་དྷྭ་ཏྭཱི་ཤྭ་རཱི་སརྦ་དུཥྟཱན་ཧ་ན་ཧ་ན་ད་ཧ་ད་ཧ་པ་ཙ་པ་ཙ་ཨོཾ་མ་རཱི་ནྱེ་མཱྃ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཡེ་ཤེས་ཀྱི་རིགས་མདངས་རྒྱས་པར་བྱེད་པ་རྡོ་རྗེ་དབྱིངས་ཀྱི་དབང་ཕྱུག་མ་འོད་ཟེར་ཅན་དམར་མོའི་སྔགས་སོ། །གསུམ་པ་ལ། ཨོཾ་བཛྲ་པཱ་ཎི་ཧཱུྃ་ཕཊཿ ད་ལྟའི་ཆོས་ལ་དབང་བསྒྱུར་བར་བྱེད་པར་ཕྱག་༡ན་རྡོ་རྗེ་ཞི་བའི་སྔགས་སོ། །ཨོཾ་མཻཾ་མེ་ཏྲི་ཡེ་སྭཱ་ཧཱ༔ མ་འོངས་པའི་ཆོས་ལ་དབང་སྒྱུར་བར་བྱེད་པ་མགོན་པོ་བྱམས་༢པའི་སྔགས་སོ། །ཨོཾ་ཨཱཿཧྲཱིཿཧཱུྃ༔ ཤེས་རབ་ལ་དབང་པར་བྱེད་པ་ཕག་༢མོ་དཀར་མོའི་སྔགས་སོ། །ཨོཾ་ཨཱཿཧཱུྃ་བཛྲ་དྷརྨཱ་སིདྡྷི་ཧྲཱི༔ གསང་ཆེན་མཆོག་གི་ཆོས་ལ་དབང་བར་བྱེད་པ་༤རྡོ་རྗེ་ཆོས་ཀྱི་སྔགས་སོ། །ཨོཾ་ཛམྦྷ་ལ་ཛ་ལེནྡྲཱ་ཡ་སྭཱ་ཧཱ༔ བསོད་ནམས་ལ་དབང་བར་བྱེད་པ་ཛམྦྷ་༥ལ་སེར་པོའི་སྔགས་སོ། །ཨོཾ་ཨཱཪྻཱ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ ཕྲིན་ལས་ལ་དབང་བར་བྱེད་པ་སྒྲོལ་མ་ལྗང་༦མོའི་སྔགས་སོ། །བཞི་པ་ལ། ཧྲཱིཾ་ཀྲིཾ་ཧཱུྃ་ཕ྄ཊཿ དྲག་པོའི་ཕྲིན་ལས་མྱུར་དུ་འགྲུབ་པར་བྱེད་པ་རལ་༡གཅིག་མའི་སྔགས་སོ། །ཨོཾ་ཧཱུྃ་ཧཱུྃ་ཕ྄ཊ༔ བགེགས་ཚོགས་སྒྲོད་པར་བྱེད་པ་ཁྲོ་བོ་ཧཱུྃ་༢མཛད་ཀྱི་སྔགས་སོ། །ཨོཾ་ཧྲཱིཿཥྟྀ་ཝིཥྟི་ཏཱ་ན་ན་ཧཱུྃ་ཕཊཿ དགྲ་བོ་ཟློག་ཅིང་གནོན་པ་གཤིན་རྗེ་གཤེད་༣ཀྱི་སྔགས་སོ། །ཨོཾ་མཉྫུ་ཤྲཱི་ཀཱ་ལ་ཙིཏྟ་ཧཱུྃ༔ ཞེས་དང་། ནྲྀ་ཏྲི་དགྲ་བགེགས་བྱད་མ་ཤཱ་ཏྲུཾ་མཱ་ར་ཡ་རྦད་ཟློག༔ གནོད་བྱེད་ཙིཏྟ་རཱུ་པ་ད་ཧ་པ་ཙ་ཙྪིནྡ་ཧཱུྃ་ཕཊཿ རྦོད་གཏོང་ཟློག་བྱེད་འཇམ་དཔལ་༤ནག་པོའི་སྔགས་སོ། །ཨཿཀཿསཿམཿརཿཙཿཤཿརྦདཿ དང་། ཨཿཀཿསཿམཿརཿཙཿཤཿདཿརཿསཿམཿརཿཡཿཕཊཿ ཤྲཱི་ཀཱ་ལ་རཱུ་པ་མཱ་ར་ཡ་ཕཊཿདང་། ཕཊཿཡཿརཿམཿསཿརཿདཿཤཿཙཿརཿམཿསཿཀཿཨཿ ཞེས་པ་རྣམས་རྐྱེན་ངན་ཟློག་བྱེད་༥སེང་གདོང་དམར་མོའི་ཉེ་སྙིང་དང་། སྙིང་པོ་དང་། ཟློག་པའི་སྔགས་སོ། །བྷྱོ་མཱ་ར་ཡ་ཕཊཿ དང་། བན་དྷེ་ཤ་ཡ་བྷྱོཿ མ་ནུ་པྲ་མོ་ཤ་ཡ་ཕཊཿ ཏེ་ཤ་ཡ་ཕཊ྄ཿ ནི་ལོ་ཤ་ཡ་ཕཊཿ བྷི་བྷན་བྷེ་དྲག་ཚལ་པཿ སྲོག་རྩ་ཆོད༔ སྙིང་རྩ་ཆོད༔ རྩད་ནས་ཆོད༔ དྲུངས་ནས་ཕྱུངས་སྭཱ་ཧཱ༔ ཞེས་པ་ནི་མ་རུངས་ལྷ་འདྲེའི་ཆོ་འཕྲུལ་ཟློག་པ་ཁྲོ་རྒྱལ་གསང་བདག་དྲེགས་༦པ་ཀུན་འདུལ་གྱི་བསྙེན་པ་དང་། ལས་སྦྱོར་གྱི་སྔགས་སོ། །དེ་ལ་སྤྱིར་བཏང་རྩ་གསུམ་སྤྱི་དྲིལ་གྱི་སྔགས་ཇི་ཙམ་བཟླས་པའི་ཕྱེད་ཆ་རྩ་གསུམ་སོ་སོའི་སྔགས་དང་། དེའི་བཅུ་ཆ་ཙམ་ཡན་ལག་གི་སྔགས་རྣམས་བཟླ་ཞིང་། དམིགས་བསལ་རང་ཉིད་ལས་གང་བསྒྲུབ་པར་འདོད་པའི་སྔགས་གཙོ་བོ་བྱས་ཏེ་བཟླ། གང་ལྟར་ཡང་མཐར། གྲུབ་པར་གྱུར་ཅིག །ཨོཾ་ཨ་ཨཱ་སོགས་དབྱངས་དང་གསལ་བྱེད་ལན་གསུམ་གྱིས་སྔགས་ཀྱི་ལྷག་ཆད་ཁ་བསྐང་ཞིང་ནུས་པ་སྤེལ། རྟེན་འབྲེལ་སྙིང་པོ་ལན་གསུམ་གྱིས་བརྟན་པར་བྱས་ལ། རང་གི་ཐུགས་ཀ་ནས་སྤྲུལ་པའི་མཆོད་པའི་ལྷ་མོ་ནམ་མཁའ་གང་བས་རང་ཉིད་རྩ་གསུམ་རྒྱལ་བ་ཐམས་ཅད་འདུས་པའི་ངོ་བོ་ལ་མཆོད་ཅིང་བསྟོད་པར་མོས་ལ། ཨོཾ་གུ་རུ་དྷེ་བ་དྷཱ་ཀི་ནཱི་ས་པ་རི་ཝཱ་ར་ཨརྒྷཾ་སོགས་ནས་ཤབྡ་སརྦ་པཉྩ་ཨ་མྲྀ་ཏ་མ་ཧཱ་རཀྟ་མ་ཧཱ་བ་ལིཾ་ཏ་ཁཱ་ཧི། ཞེས་པས་མཆོད། བྱིན་རླབས་ཆར་འབེབས་དངོས་གྲུབ་ཀུན་གྱི་བདགཿ ཕྲིན་ལས་མཆོག་སྩོལ་རྩ་གསུམ་དཀྱིལ་འཁོར་ལྷ། རབ་འབྱམས་རྒྱལ་བ་འདུས་པའི་ངོ་བོ་ལཿ གུས་པས་བསྟོད་དོ་མཆོག་ཐུན་དངོས་གྲུབ་སྩོལཿ ཅེས་བསྟོད་ཅིང་ཡི་གེ་བརྒྱ་པ་ལན་གསུམ་གྱིས་ནོངས་པ་བཤགས། རང་དང་སྣང་བ་ཐམས་ཅད་འོད་གསལ་གྱི་དབྱིངས་སུ་ཐིམ་པར་བསམ་ལ་མཉམ་པར་བཞག །སླར་ཡང་སྣང་གྲགས་རིག་གསུམ་རྡོ་རྗེ་གསུམ་གྱི་ངོ་བོར་གྱུར་པར་མོས་ཏེ། ཧྲཱིཿ སེམས་བསྐྱེད་དག་པའི་བསྙེན་སྒྲུབ་ཏིང་འཛིན་གྱིསཿ འབྲས་བུ་མཁའ་མཉམ་ཐར་བདེའི་ས་བོན་མཆོག༔ ཀུན་ཀྱང་རྡོ་རྗེ་འཛིན་པའི་ཆོས་སྤྱོད་ནསཿ དབྱེར་མེད་རང་གྲོལ་ཀུན་ཏུ་བཟང་པོར་ཤོགཿ ཅེས་བསྔོ་སྨོན་དང་། ཧྲཱིཿ དུས་གསུམ་ཕྱོགས་བཅུའི་སངས་རྒྱས་མཛད་པ་དངཿ ཕྲིན་ལས་ནུས་མཐུ་བདེན་པའི་བྱིན་རླབས་ཀྱིཿ བཀྲ་ཤིས་མི་ཟད་ནམ་མཁའི་ཆར་རྒྱུན་གྱིསཿ ཁམས་གསུམ་སེམས་ཅན་ཀུན་ལ་བདེ་ལེགས་སྩོལཿ ཅེས་སོགས་བཀྲ་ཤིས་ཀྱི་ཚིགས་སུ་བཅད་པས་མཚམས་སྦྱར་ཏེ་སྤྱོད་ལམ་ལ་འཇུག །རྫོགས་རིམ་མདོར་བསྡུས་བསྒོམ་པར་སྤྲོ་ན། གོང་གི་བཟླས་པའི་རྗེས་སུ་ལུས་གནད་བསྲང་། རླུང་རོ་བསལ་ཏེ། རླུང་ཕྱིར་འགྲོ་བའི་ཚེ་རང་གི་ཐུགས་སྲོག་ལས་བདེ་བ་ཆེན་པོའི་འོད་ཟེར་བྱུང་། ཞལ་ནས་ཐོན། ཡུམ་གྱི་ཞལ་དུ་ཞུགས། ཐུགས་ཀར་ཐིམ་པས་བདེ་ཆེན་གྱི་ཡེ་ཤེས་མཆོག་ཏུ་བསྐྱེད། ནང་དུ་འཇུག་པ་ན་འོད་ཟེར་པདྨའི་ལམ་བརྒྱུད། རྡོ་རྗེ་ནོར་བུའི་ལམ་ནས་རང་གི་ཐུགས་སྲོག་ལ་ཐིམ་པས་བདེ་ཆེན་གྱི་ཡེ་ཤེས་མཆོག་ཏུ་བརྟན་པར་བསམས་ལ་རླུང་བུམ་པ་ཅན་བཟུང་། དེ་ལྟ་བུ་ལན་ཅི་རིགས་པའི་མཐར། བདེ་བའི་འོད་ཟེར་གྱིས་སྤྱི་བོའི་ཧཾ་བཞུ་བའི་དྭངས་མ་དབུ་མའི་ལམ་བརྒྱུད། གནས་བཞིར་སོན་པས་ཡས་བབས་དང་། དེ་ཉིད་རླུང་གི་སྦྱོར་བས་གྱེན་ཏུ་ཟློག་པས་མས་བརྟན་གྱི་དགའ་བའི་རོས་སིམ་པར་བསམ་ལ་མཉམ་པར་བཞག །སླར་ཡང་རང་གི་ཐུགས་ཀ་ནས་བྱུང་བའི་འོད་ཟེར་གྱིས་སྤྱི་བོའི་ཧཾ་ཡིག་བསྐུལ། དེ་ལས་བདེ་བ་ཆེན་པོའི་ཡེ་ཤེས་ཧྲཱིཿའི་རྣམ་པར་བྱུང་། སྙིང་གའི་ཧྲཱིཿལ་ཐིམ། བདེ་སྟོང་གཉིས་མེད། སྣང་སེམས་ཟུང་འཇུག །དབྱིངས་རིག་རོ་གཅིག་པ་བསམ་གྱིས་མི་ཁྱབ་པའི་ཡེ་ཤེས་མཆོག་ཏུ་མི་འགྱུར་བའི་དགོངས་པ་རྒྱུད་ལ་སྐྱེས་པའི་མོས་པ་དང་བཅས་ཏེ་བློ་བྲལ་གཉུག་མའི་དབྱིངས་སུ་མཉམ་པར་འཇོག་པ་སྟེ། འདི་རྣམས་ནི་ནང་སྒྲུབ་ཀྱི་མན་ངག་བླ་མའི་བྱིན་རླབས་ཀྱི་སྣང་བ་ལ་བརྟེན་ནས་ཅུང་ཟད་གསལ་བར་བཀོད་པ་སྟེ། ཞིབ་པར་ཞལ་ལས་ཤེས། དེ་ལྟར་ན་བསྐྱེད་རིམ་བཟླས་པ་དང་བཅས་པ་བུམ་དབང་གི་ལམ། རླུང་གི་རྣལ་འབྱོར་གསང་དབང་གི་ལམ། བདེ་བའི་རྣལ་འབྱོར་ཤེར་དབང་གི་ལམ། བདེ་སྟོང་གཉིས་མེད་ཀྱི་ངང་དུ་འཇོག་པ་དབང་བཞི་པའི་ལམ་མོ། །འདི་ལྟ་བུའི་ཡི་དམ་གྱི་ལྷ་ཐམས་ཅད་གཅིག་ཏུ་དྲིལ་ཏེ་སྒྲུབ་པའི་མན་ངག་གི་རིམ་པའང་། ཨོ་རྒྱན་སངས་རྒྱས་གཉིས་པའི་རྡོ་རྗེའི་གསུང་ལས། རང་ཉིད་རྩ་བའི་ཡི་དམ་བསྒོམཿ དེ་ལ་གང་མོས་ལྷག་པའི་ལྷཿ བསྟིམ་ནས་བཟླས་པས་རྒྱུད་བསྐུལ་ན༔ དངོས་གྲུབ་རྣམ་གཉིས་མྱུར་དུ་འགྲུབཿ ཅེས་སོགས་རྒྱ་ཆེར་གསུངས་པ་ལྟར། གྲུབ་ཆེན་གཉན་ཚེམྦུ་པ་ལ་རྡོ་རྗེ་རྣལ་འབྱོར་མས་གནང་བའི་མན་ངག་དང་། རྒྱལ་བ་ཡང་དགོན་པའི་རི་ཆོས་སོགས་ལས་ཀྱང་འབྱུང་པས་ན་ཡིད་ཆེས་ཤིང་ཁུངས་བཙུན་པའི་གནས་སུ་བཟུང་ངོ་། །འདིའི་བསྙེན་པ་བྱ་བར་འདོད་ན། ཐུན་བཞིའི་རིམ་པས་སྤྱི་དྲིལ་འབུམ་ཕྲག་བཞི། རྩ་གསུམ་སོ་སོའི་སྔགས་འབུམ་ཕྲག་རེ་རེ། ཡན་ལག་གི་སྔགས་རྣམས་ཁྲི་ཕྲག་རེ་ཙམ་ཅི་འགྲུབ་བཟླ། ཚོགས་མཆོད་སོགས་བྱེད་པར་སྤྲོ་ནའང་རྩ་གསུམ་ལས་བྱང་གིས་ཁོག་ཕུབ་ཏེ། བརྒྱུད་འདེབས། ཕྲིན་ལས་ཕྱི་གཏོར། གོང་གི་སྐྱབས་སེམས་བཅས་ཀྱི་རྗེས། ལས་བྱང་གི་མཚམས་གཅོད་སོགས་དཀྱུས་ལྟར་ལ། ལྷ་བསྐྱེད་སྐབས། བྷནྡྷའི་གཞལ་ཡས་ཁང་ཆེན་དབུསཿ ཞེས་པའི་མཚམས། ཉི་ཟླ་པདྨ་བམ་རོའི་སྟེངཿ ཞེས་སོགས་ནས། སྣང་ལ་རང་བཞིན་མེད་པར་བསྒོམཿ ཞེས་པའི་བར་སྦྲེལ་ལ། ཧཱུྃ་ཧྲཱིཿ སྔོན་གྱི་བསྐལ་པའི་སོགས་སྤྱན་འདྲེན་ནས་བསྟོད་པའི་བར་ལས་བྱང་ལྟར་དང་། བཟླས་དམིགས་གོང་དུ་བཤད་པ་ལྟར་བཟླས་པའི་རྗེས་ཀྱི་མཆོད་བསྟོད་པར་བཏང་། དེ་ནས་ཚོགས་མཆོད་སོགས་ལས་བྱང་ལྟར་དང་། སྤྲོ་ན་སྐོང་བཤགས་སོགས་ཇི་ལྟར་རིགས་པར་སྦྱར་བར་བྱའོ། །ཞེས་པའང་རྟོགས་ལྡན་བླ་མ་དཀོན་མཆོག་བསྟན་འཛིན་ཆོས་ཀྱི་རྒྱལ་མཚན་གྱི་ཐུགས་བཞེད་བསྐང་བའི་ཆེད་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པའི་དགེ་བས་མཐའ་ཡས་པའི་ཡིད་ཅན་ཐམས་ཅད་དངོས་གྲུབ་རྣམ་པ་གཉིས་ལ་དུས་རྟག་ཏུ་འདོད་རྒུར་ལོངས་སྤྱོད་པར་གྱུར་ཅིག། །། ༈

[edit]

klong gsal rtsa gsum rgyun khyer/_ @#/_/rtsa gsum rdo rje snying po'i rgyun gyi rnal 'byor grub gnyis gter gyi bum bzang zhes bya ba bzhugs so/__/na mo gu ru de ba DA ki nI b+h+yaH__/'dir rig 'dzin klong gsal snying po'i gter byon rtsa gsum rdo rje snying po'i rgyun gyi rnal 'byor snying por dril te nyams su blang ba'i tshul la/__sngon 'gro skyabs sems ni/__na mo:__phyogs bcu'i sangs rgyas dkon mchog gsum:__bla ma yi dam mkha' 'gro la:__bdag ni gus pas skyabs su mchi:__hrIH__ma gyur 'gro ba kun don tu:__bla med sngags kyi sgor zhugs nasaH__phrin las rnam bzhi gang 'dul gyis:__'gro ba'i don la brtson par bya:__lan gsum/__dngos gzhir lha bsgom pa ni/__hrIH__chos rnams dmigs med ngang nyid lasaH__nyi zla pad+ma bam ro'i steng :__bdag nyid dbang chen sku mdog dmar:__zhal gcig phyag gnyis spyi bo'i gtsug:__rta mchog dbang skad phyogs bcur sgrogasaH__g.yas g.yon gri gug thod khrag bsnams:__rus rgyan rin chen dur khrod chas:__brkyang bskum 'gying bas 'dor thabs tshul:__g.yon nas yum chen phag mos 'khyud:__cha lugs yab dang mtshungs pa la:__spyi gtsug phag zhal ngur sgra sgrogs/__yab yum me phung klong du bzhugs:__spyi gtsug pad sdong ge sar steng :__thabs shes nyi zla'i khri steng du:__bzhugs pa'i bla ma thod phreng rtsal:__dkar gsal zhal gcig phyag gnyis pa:__rdo rje dril bu g.yas g.yon bsnams:__rdo rje'i skyil krung rus rgyan mdzes:__longs spyod rdzogs sku'i cha lugs can:__g.yon nas man+d+ha ra bas 'khyud:__gzhon tshul pad+ma rus rgyan spras:__phyag g.yas DA ru 'phyar thabs 'khrolaH__g.yon pas thod pa'i bdud rtsi stobasaH__skra grol yab kyi dgyes pa skongaH__yab yum gzi brjid mdangs ldan gyiH__spyi gtsug rigs bdag tshe bum 'dzinaH__gnas lngar dpa' bo dpa' mo bcu:__sku mdog rigs kyi phyag mtshan 'dzin:__ces gsal btab ste/__de'ang spyi bo'i pad+ma badz+ra rtsa brgyud kyi bla ma kun 'dus/__rang nyid rta mgrin rgyud sde bzhi'i yi dam kun 'dus/__yum rdo rje phag mo mkha' 'gro thams cad 'dus pa'i ngo bor dam tshig dang ye shes dbyer med pa'i lhar snang gi nga rgyal brtan po dang /__snang srid gzhal yas bla ma lha:__thams cad phyag rgya'i dkyil 'khor cheH__dper na chu zla 'ja' tshon ltar:__snang la rang bzhin med par bsgom:__ces snang srid gzhir bzhengs dag pa rab 'byams kyi bskyed rim la rtse gcig tu mnyam par bzhag__/de nas bzlas pa bya ba la gnyis/__rtsa ba dang /__yan lag gi bzlas pa'o/__/dang po ni/__yab yum thugs kar thabs shes kyiH__gdan la hrIHyig mtha' bskor duH__ma bcos rtsa ba'i snying pos bskor:__oM AHhU~M hrI gu ru d+he ba d+hA ki nI sarba sid+d+hi pha la hU~M AH__ces sngags phreng la yid gtad de klog pa'i tshul gyis cung zad bzlas/__de la sems zin pa dang /__gsang ba'i yang snying 'bru gcig las:__'od zer dmar po 'phros pa'i mdangs/__mdun gyi oM nas rim pa bzhin:__g.yas bskor gsung gi nus pa bskul:__slar yang ma bcos rtsa bar thimaH__nus pa'i gzi byin cher rgyas gyuraH__ces pa'i dmigs pa dang bcas te rtsa gsum spyi dril gyi snying po de nyid ji ltar rigs pa bzla'o/__/gnyis pa la gsum/__rtsa gsum bye brag so so dang /__gtso mchog las kyi dkyil 'khor dgu dang /__las rgyas pa'i lha nyi shu rtsa bzhi so so'i bzlas pa bya ba'i tshul lo/__/dang po ni/__spyi bo'i bla ma la dmigs te/__oM hU~M trA~M hrI AHbadz+ra gu ru pad+ma thod phreng rtsal badz+ra sa ma ya dza sid+d+hi pha la hU~M AH__zhes bzla zhing skabs su 'od zer spro bsdu la brten nas dbang bzhi blang /__rang yi dam gyi nga rgyal dang bcas/__oM hrIHbadz+ra kro d+ha h+ya grI ba hu lu hu lu hU~M pha?TaH__ces bzla zhing 'od zer spro bsdus tha mal gyi snang zhen sbyangs/__yum phag mo la dmigs te/__oM badz+ra bai ro tsa nI ye sarba yo gi nI ha ri ni sa sarba d+hA ki nI tsit+ta hrIM hrIM dza dza sarba karma sid+d+hi sa ma ya hU~M swA hA zhes bzla zhing 'od zer gyi snang bas bde ba chen po'i ye shes brtan par bsam mo/__/gnyis pa ni/__'og nas 'byung ba'i lha so so'i bzlas pa'i skabs su/__rang nyid yi dam yongs 'dus dbang chen rta mchog rol par gsal ba'i thugs ka nas 'od zer 'phros/__lhag pa'i lha so so'i ye shes kyi sku dang /__sngags phreng /__phyag mtshan gyi tshogs dpag tu med pa spyan drangs te rang la thim pas lha de dang de'i sku gsum thugs dang dbyer med pa'i nga rgyal brtan pos sngags bzlas pas thugs srog las 'od zer spros bsdus so so'i las rab 'byams thogs med du 'grub par mos la bzla bar bya'o/__/bzla bya'i sngags ni/__oM b+hUr tsi b+hUraki bi mA na se u tsuSh+ma kro d+hI hU~M hU~M phaT phaT swA hA:__sgrib pa'i dri ma sbyong ba sme ba1 brtsegs ma'i sngags so/__/oM badz+ra a mri ta kuN+Da li ha na ha na hU~M phaT+raH__las kyi dri ma sbyong ba bdud 2_rtsi 'khyil ba'i sngags so/__/oM badz+ra tsaN+Da badz+ra kro d+ha ya hu lu hu lu tiSh+Tha tiSh+Tha b+han+d+ha b+han+d+ha ha na ha na a mr-i te hU~M phaT+ra:__nyams pa'i dri ma sbyong ba rnam 3par 'joms pa'i sngags so/__/oM badz+ra dz+ra la a na larka hU~M:__las kyi srung ba me ltar 4'bar ba'i sngags so/__/oM bi sha tsi paR+Na shA pa rI sarba u ba pra sha ma na swA hAH__yams kyi 'tshe ba srung ba5 lo ma gyon ma'i sngags so/__oM AHbig+h+nAn ta kr-i ta hU~M phaT:__bgegs tshogs mtshams bcad pa khro bo bgegs 6mthar byed kyi sngags so/__/oM si tA tA pa tre a pa ra dzi tA sarba gra ha a nu trA sa ya trA sa ya ha na ha na drU~M drU~M hU~M hU~M phaT phaT swA hA:__byad phur rbad gtong zlog byed gtsug tor gdugs dkar 7mo'i sngags so/__/oM AR+YA tA re tut+tA re hU~MH__zhes dang /__oM AR+YA tA re tut+tA re pun+ye A yuH__puSh+tiM ku ru ye swA hA:__las kyi tshe 'dzin pa sgrol 8ma dkar mo'i bsnyen pa dang sgrub pa'i sngags so/__oM badz+ra tsaN+Da ma hA ro Sha Na hU~M phaT+raH__ces dang /__oM badz+ra sarba duSh+tan ta ka ha na da ha pa tsa hU~M pha?TaH__ces las kyi nus pa 'dzin byed phyag 9na rdo rje'i bsnyen pa dang /__sgrub pa'i sngags te/__khyung gi sham bu can byed na bsnyen sngags sham du/__khroM badz+ra ga ru Da hU~M phaT:__ces sbyar bar bla ma brgyud pa'i zhal las thos so/__/gsum pa la bzhi/__zhi ba/__rgyas pa/__dbang /__drag po'o/__de re re la'ang nang gses su las kyi bye brag drug rer dbye ba las/__dang po la/__oM b+hUr kur ma hA pra NA ya b+hAr tsi b+hUr ki bka' ma'i sngags la bi ma nA se zhes yod/__bi ma le u tsuSh+ma kro d+ha hU~M hU~M phaT:__oM b+hU ra kur ri li shu baR+sha hur shi bi ma le u tsuSh+ma kro d+ha hU~M hU~M phaT phaT swA hAH__nyams grib zhi ba rme 1ba brtsegs pa'i snying po dang las kyi sngags so/__/oM sum+b+ha ni sum+b+ha hU~M:__gr-ih+Na gr-ih+Na hU~M:__gr-ih+Na pa ya gr-ih+NA pa ya hU~M:__:A na ya ho b+ha ga bA na bid+ya rA dza hU~M pha?T:__gdon bgegs zhi ba khro bo khams gsum rnam2 rgyal gyi sngags so/__oM badz+ra sa man+ta b+ha dra hU~M:__zhes dang /__oM na mo rat+na tra yA yaH__tad+ya thA:__oM kaM ka ni kaM ka ni:__ro tsa ni ro tsa ni:__tro Ta ni tro Ta ni:__tra sa ni tra sa ni:__pra ti ha na pra ti ha na:__sarba karma pa raM pa rA Ni me sarba gter gzhung du sarba satwa nany+tsa med kyang sems can thams cad zhes spel tshig spyi 'gro yin bas sbyar na legs/__satwA nAny+tsa swA hA:__zhes sgrib pa zhi bar byed pa mi 3'khrugs pa'i snying po dang gzungs sngags so/__/oM A hrIHsiM ha nA da hU~M pha?T:__ces dang /__na mo rat+na tra yA yaH__na mo AR+Ya a ba lo ki te shwa rA yaH__bo d+hi satwa yaH__ma hA satwa ya:__:ma hA ka ru Ni kA ya:__tad+ya thA:__oM a ka Te:__bi ka Te:__ni ka Te:__ka DaM ka Te:__ka ro Ta ka ro Te bid+yA swA hA:__zhes klu gnyan sa bdag gi gnod pa zhi ba seng ge sgra'i 4snying po dang gzungs sngags so/__oM aM swA hA:__zhes dang /__oM a pa ra dzi ta sarba gra ha a nu trA sa ya trA sa ya ha na ha na drU~M drU~M hU~M hU~M phaT phaT swA hA:__zhes rbod gtong zhi bar byed pa 'phags ma gtsug tor gdugs kar can dang ngo bo gcig pa gzhan gyi mi thub 5ma'i snying po dang rtsa sngags so/__/oM na mo b+ha ga wa tI d+hA dzA gra ke yU ri pa ra sain+ya bi d+hAn+sa na ka ri swo ba se n+ya pa ri pA la ni:__ulka mu khA kha kha khA hi khA hi:__pa ri se n+yaM a nan+ta mu khe na:__a na n+ta b+hU dze na/__pra ha ra pra ha ra hU~M hU~M phaT phaT swA hA:__dmag dpung sogs ma rung pa zhi bar byed pa rgyal mtshan rtse 6mo'i dpung rgyan gyi sngags so/__/gnyis pa la/__oM AHhU~M a rtsika ni rtsika na mo b+ha ga wa te hU~M hU~M phaTa?:__AHhU~M hU~M pha?T:__ces dang /__oM a mA ra NidzI ban+ti ye swa hA:__zhes tshe srog gi bar chad srung zhing tshe rgyas par byed pa gu ru 1drag po'i tshe sgrub kyi rtsa sngags dang /__las sngags so/__/hrI hrI hrI:__zhes hrI sum bsgril du bzla ba ni tshe'i bar chad zlog cing tshe rgyas par byed pa dbang 2chen tshe sgrub kyi sngags so/__/oM na mo b+ha ga wa te gu ru baiDUR+Ya pra b+ha rA dzA ya=__ta thA ga tA ya:__ar+ha te samyak+saM bud+d+ha ya:__tad+ya thA:__oM bo d+hi sa twA ya:__ma hA sa twA ya:__ma hA ka ru Ni kA ya:__tad+ya thA:__oM b+he Sha dz+ye b+he Sha dz+ye ma hA b+he Sha dz+ye rA dza sa mut+ga te swA hA:__nad gdon sdig sgrib zhi zhing tshe rgyas par byed pa sman 3gyi bla ma'i gzungs ring ste/__gzungs thung ni oM b+he Sha dz+ye man bzlas pas 'thus so/__/oM a mr-i ta A yurda de swA hAH__'khor dang tshe dpal rgyas byed rnam par rgyal 4ma'i snying po'o/__/oM b+h+rU~M swA hAH__dang /__oM a mr-i ta A yurda de swA hAH__dang /__oM a mI taH__a mI tod+b+ha beH__a mI ta bi kran+te:__a mI ta ga te:__a mI ta ga mi niH__a mI ta A yurda de:__ga ga nA kIrti ka re sarba kle shak+Sha yaM ka ri swA hAH__zhes pa rnams ni tshe dang bsod nams rgyas par byed pa rnam par rgyal 5ma'i snying po dang /__nye 6snying dang /__gzungs sngags so/__/oM badz+ra d+h+wa twI shwa rI sarba duSh+tAn ha na ha na da ha da ha pa tsa pa tsa oM ma rI n+ye mA~M hU~M hU~M phaT phaT swA hA/__ye shes kyi rigs mdangs rgyas par byed pa rdo rje dbyings kyi dbang phyug ma 'od zer can dmar mo'i sngags so/__/gsum pa la/__oM badz+ra pA Ni hU~M phaTaH__da lta'i chos la dbang bsgyur bar byed par phyag 1na rdo rje zhi ba'i sngags so/__/oM maiM me tri ye swA hA:__ma 'ongs pa'i chos la dbang sgyur bar byed pa mgon po byams 2pa'i sngags so/__/oM AHhrIHhU~M:__shes rab la dbang par byed pa phag 2mo dkar mo'i sngags so/__/oM AHhU~M badz+ra d+harmA sid+d+hi hrI:__gsang chen mchog gi chos la dbang bar byed pa 4rdo rje chos kyi sngags so/__/oM dzam+b+ha la dza len+d+rA ya swA hA:__bsod nams la dbang bar byed pa dzam+b+ha 5la ser po'i sngags so/__/oM AR+YA tA re tut+tA re tu re swA hA:__phrin las la dbang bar byed pa sgrol ma ljang 6mo'i sngags so/__/bzhi pa la/__hrIM kriM hU~M pha?TaH__drag po'i phrin las myur du 'grub par byed pa ral 1gcig ma'i sngags so/__/oM hU~M hU~M pha?T:__bgegs tshogs sgrod par byed pa khro bo hU~M 2mdzad kyi sngags so/__/oM hrIHSh+t-i wiSh+ti tA na na hU~M phaTaH__dgra bo zlog cing gnon pa gshin rje gshed 3kyi sngags so/__/oM many+dzu shrI kA la tsit+ta hU~M:__zhes dang /__nr-i tri dgra bgegs byad ma shA truM mA ra ya rbad zlog:__gnod byed tsit+ta rU pa da ha pa tsa ts+tshin+da hU~M phaTaH__rbod gtong zlog byed 'jam dpal 4nag po'i sngags so/__/aHkaHsaHmaHraHtsaHshaHrbadaH__dang /__aHkaHsaHmaHraHtsaHshaHdaHraHsaHmaHraHyaHphaTaH_shrI kA la rU pa mA ra ya phaTaHdang /__phaTaHyaHraHmaHsaHraHdaHshaHtsaHraHmaHsaHkaHaH__zhes pa rnams rkyen ngan zlog byed 5seng gdong dmar mo'i nye snying dang /__snying po dang /__zlog pa'i sngags so/__/b+h+yo mA ra ya phaTaH__dang /__ban d+he sha ya b+h+yoH__ma nu pra mo sha ya phaTaH__te sha ya phaTa?H__ni lo sha ya phaTaH__b+hi b+han b+he drag tshal paH__srog rtsa chod:__snying rtsa chod:__rtsad nas chod:__drungs nas phyungs swA hA:__zhes pa ni ma rungs lha 'dre'i cho 'phrul zlog pa khro rgyal gsang bdag dregs 6pa kun 'dul gyi bsnyen pa dang /__las sbyor gyi sngags so/__/de la spyir btang rtsa gsum spyi dril gyi sngags ji tsam bzlas pa'i phyed cha rtsa gsum so so'i sngags dang /__de'i bcu cha tsam yan lag gi sngags rnams bzla zhing /__dmigs bsal rang nyid las gang bsgrub par 'dod pa'i sngags gtso bo byas te bzla/__gang ltar yang mthar/__grub par gyur cig__/oM a A sogs dbyangs dang gsal byed lan gsum gyis sngags kyi lhag chad kha bskang zhing nus pa spel/__rten 'brel snying po lan gsum gyis brtan par byas la/__rang gi thugs ka nas sprul pa'i mchod pa'i lha mo nam mkha' gang bas rang nyid rtsa gsum rgyal ba thams cad 'dus pa'i ngo bo la mchod cing bstod par mos la/__oM gu ru d+he ba d+hA ki nI sa pa ri wA ra ar+g+haM sogs nas shab+da sarba pany+tsa a mr-i ta ma hA rak+ta ma hA ba liM ta khA hi/__zhes pas mchod/__byin rlabs char 'bebs dngos grub kun gyi bdagaH__phrin las mchog stsol rtsa gsum dkyil 'khor lha/__rab 'byams rgyal ba 'dus pa'i ngo bo laH__gus pas bstod do mchog thun dngos grub stsolaH__ces bstod cing yi ge brgya pa lan gsum gyis nongs pa bshags/__rang dang snang ba thams cad 'od gsal gyi dbyings su thim par bsam la mnyam par bzhag__/slar yang snang grags rig gsum rdo rje gsum gyi ngo bor gyur par mos te/__hrIH__sems bskyed dag pa'i bsnyen sgrub ting 'dzin gyisaH__'bras bu mkha' mnyam thar bde'i sa bon mchog:__kun kyang rdo rje 'dzin pa'i chos spyod nasaH__dbyer med rang grol kun tu bzang por shogaH__ces bsngo smon dang /__hrIH__dus gsum phyogs bcu'i sangs rgyas mdzad pa dngaH__phrin las nus mthu bden pa'i byin rlabs kyiH__bkra shis mi zad nam mkha'i char rgyun gyisaH__khams gsum sems can kun la bde legs stsolaH__ces sogs bkra shis kyi tshigs su bcad pas mtshams sbyar te spyod lam la 'jug__/rdzogs rim mdor bsdus bsgom par spro na/__gong gi bzlas pa'i rjes su lus gnad bsrang /__rlung ro bsal te/__rlung phyir 'gro ba'i tshe rang gi thugs srog las bde ba chen po'i 'od zer byung /__zhal nas thon/__yum gyi zhal du zhugs/__thugs kar thim pas bde chen gyi ye shes mchog tu bskyed/__nang du 'jug pa na 'od zer pad+ma'i lam brgyud/__rdo rje nor bu'i lam nas rang gi thugs srog la thim pas bde chen gyi ye shes mchog tu brtan par bsams la rlung bum pa can bzung /__de lta bu lan ci rigs pa'i mthar/__bde ba'i 'od zer gyis spyi bo'i haM bzhu ba'i dwangs ma dbu ma'i lam brgyud/__gnas bzhir son pas yas babs dang /__de nyid rlung gi sbyor bas gyen tu zlog pas mas brtan gyi dga' ba'i ros sim par bsam la mnyam par bzhag__/slar yang rang gi thugs ka nas byung ba'i 'od zer gyis spyi bo'i haM yig bskul/__de las bde ba chen po'i ye shes hrIH'i rnam par byung /__snying ga'i hrIHla thim/__bde stong gnyis med/__snang sems zung 'jug__/dbyings rig ro gcig pa bsam gyis mi khyab pa'i ye shes mchog tu mi 'gyur ba'i dgongs pa rgyud la skyes pa'i mos pa dang bcas te blo bral gnyug ma'i dbyings su mnyam par 'jog pa ste/__'di rnams ni nang sgrub kyi man ngag bla ma'i byin rlabs kyi snang ba la brten nas cung zad gsal bar bkod pa ste/__zhib par zhal las shes/__de ltar na bskyed rim bzlas pa dang bcas pa bum dbang gi lam/__rlung gi rnal 'byor gsang dbang gi lam/__bde ba'i rnal 'byor sher dbang gi lam/__bde stong gnyis med kyi ngang du 'jog pa dbang bzhi pa'i lam mo/__/'di lta bu'i yi dam gyi lha thams cad gcig tu dril te sgrub pa'i man ngag gi rim pa'ang /__o rgyan sangs rgyas gnyis pa'i rdo rje'i gsung las/__rang nyid rtsa ba'i yi dam bsgomaH__de la gang mos lhag pa'i lhaH__bstim nas bzlas pas rgyud bskul na:__dngos grub rnam gnyis myur du 'grubaH__ces sogs rgya cher gsungs pa ltar/__grub chen gnyan tshem+bu pa la rdo rje rnal 'byor mas gnang ba'i man ngag dang /__rgyal ba yang dgon pa'i ri chos sogs las kyang 'byung pas na yid ches shing khungs btsun pa'i gnas su bzung ngo /__/'di'i bsnyen pa bya bar 'dod na/__thun bzhi'i rim pas spyi dril 'bum phrag bzhi/__rtsa gsum so so'i sngags 'bum phrag re re/__yan lag gi sngags rnams khri phrag re tsam ci 'grub bzla/__tshogs mchod sogs byed par spro na'ang rtsa gsum las byang gis khog phub te/__brgyud 'debs/__phrin las phyi gtor/__gong gi skyabs sems bcas kyi rjes/__las byang gi mtshams gcod sogs dkyus ltar la/__lha bskyed skabs/__b+han+d+ha'i gzhal yas khang chen dbusaH__zhes pa'i mtshams/__nyi zla pad+ma bam ro'i stengaH__zhes sogs nas/__snang la rang bzhin med par bsgomaH__zhes pa'i bar sbrel la/__hU~M hrIH__sngon gyi bskal pa'i sogs spyan 'dren nas bstod pa'i bar las byang ltar dang /__bzlas dmigs gong du bshad pa ltar bzlas pa'i rjes kyi mchod bstod par btang /__de nas tshogs mchod sogs las byang ltar dang /__spro na skong bshags sogs ji ltar rigs par sbyar bar bya'o/__/zhes pa'ang rtogs ldan bla ma dkon mchog bstan 'dzin chos kyi rgyal mtshan gyi thugs bzhed bskang ba'i ched du mtsho skyes bla ma dgyes pa'i 'bangs mkhyen brtse'i dbang pos bris pa'i dge bas mtha' yas pa'i yid can thams cad dngos grub rnam pa gnyis la dus rtag tu 'dod rgur longs spyod par gyur cig/___//__!_