JKW-KABUM-10-THA-004-034

🚧 This website is under continued development. We appreciate your patience!

Previous Text Back to Volume PageLast text in section.

Wylie title
Location	mkhyen brtse'i bka' 'bum Volume 10, sde tshan 4, Text 34, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 10: 391-. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	རྡོ་རྗེ་ཕག་མོ་དཀར་མོ་ཤེས་རབ་གསལ་བྱེད་མ་ (rdo rje phag mo dkar mo shes rab gsal byed ma)
Deity	phag dkar

1 Texts in this Section (sde tshan or chos tshan)

34 391-398	རྡོ་རྗེ་ཕག་མོ་ཤེས་རབ་གསལ་བྱེད་མའི་བྱིན་རླབས་མཚམས་སྦྱོར་ངག་གི་དཔལ་སྟེར། rdo rje phag mo shes rab gsal byed ma'i byin rlabs mtshams sbyor ngag gi dpal ster Permission to Invoke (anujñā) - rjes gnang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དེའི་བྱིན་རླབས་མཚམས་སྦྱོར་ངག་གི་དཔལ་སྟེར་བཅས་ལྡེབ། རྡོ་རྗེ་ཕག་མོ་ཤེས་རབ་གསལ་བྱེད་མའི་བྱིན་རླབས་ཀྱི་མཚམས་སྦྱོར་ཉུང་གསལ་ངག་གི་དཔལ་སྟེར་ཞེས་བྱ་བ་བཞུགས་སོ། །ན་མོ་གུ་རུ་བཛྲ་ཝཱ་ར་ཧཱི་པཱ་དཱ་ཡ། རྡོ་རྗེ་ཕག་མོ་ཤེས་རབ་གསལ་བྱེད་མའི་བྱིན་རླབས་ལ། སྦྱོར་བ་ཡོ་བྱད་ཀྱི་ཤོམས་དང་། །དངོས་གཞི་བདག་མདུན་བུམ་པ་བསྒྲུབ་པ་རྣམས་མཁས་གྲུབ་དཔལ་ལྡན་དོན་གྲུབ་ཀྱི་གསུང་རབ་ལྟར་བྱ། གྲུབ་ན་བྱིན་རླབས་ཀྱི་ཆོས་རྣམས་བདག་འཇུག་གི་ཚུལ་དུ་བླང་། དེ་ནས་འཁོར་ལོ་སྡོམ་པའམ་མ་རྒྱུད་གང་ཡང་རུང་བའི་དཀྱིལ་འཁོར་དུ་དབང་གིས་སྨིན་པའི་སློབ་མ་ཉེར་ལྔ་མན་གྲངས་ཁ་ཡར་བ་རྣམས་ཁྲུས་བྱས་གྲལ་དུ་འཁོད་པ་དང་། མེ་ཏོག་བཀྱེ་བསྡུ་གྲུབ་རྗེས་སེམས་བསྐྱེད་གསལ་བཏབ་ལ། དེ་ལ་རྒྱལ་བ་ཁྱབ་བདག་རྡོ་རྗེ་འཆང་ཆེན་པོས་གདུལ་བྱ་དབང་པོ་རྣོན་པོའི་རིགས་ཅན་རྣམས་ཀྱི་དབང་དུ་མཛད་དེ། གསང་སྔགས་ཀྱི་རྒྱུད་སྡེ་རིན་པོ་ཆེ་རྣམས་ནས་མ་རྨོངས་པ་དང་། ཐབས་མང་བ་དང་། དཀའ་བ་མེད་པར་བྱང་ཆུབ་སྒྲུབ་པའི་ལམ་གྱི་རིམ་པ་ཇི་སྙེད་ཅིག་བཀའ་སྩལ་བ་ལས་ཁྱད་པར་དུ་གྱུར་པ་ནི་ཤེས་རབ་ཀྱི་ལྷའི་རྣལ་འབྱོར་ཟབ་མོ་ལ་བརྟེན་ནས་ཏིང་ངེ་འཛིན་དང་། མངོན་པར་ཤེས་པ་དང་། གཟུངས་ཀྱི་སྒོ་སྒྲུབ་པའི་ཐབས་ཚུལ་རྣམས་ཡིན་ལ། དེ་ལའང་རྒྱུད་སྡེ་བཞིར་བསྒྲུབ་བྱའི་ལྷ་དང་། སྒྲུབ་བྱེད་ཀྱི་ཐབས་མི་འདྲ་བ་དུ་མ་ཞིག་གསུངས་པ་ལས། འདིར་རྣལ་འབྱོར་བླ་མེད་མ་རྒྱུད་སྒོ་དྲུག་གི་ཡ་གྱལ། ཧེ་རུ་ཀའི་རིགས་དཔལ་འཁོར་ལོ་བདེ་མཆོག་གི་ཡུམ་བཀའ་རྡོ་རྗེ་ཕག་མོའི་སྐོར་ལ། གྲུབ་པའི་དབང་ཕྱུག་ཀོངྐ་དཱཏྟ་དང་། པཎ་ཆེན་ནགས་ཀྱི་རིན་ཆེན་ནས་བརྒྱུད་པའི་ཕག་མོ་དཀར་མོ། གྲུབ་ཆེན་ཤ་བ་རིའི་ལུགས་ཀྱི་ཕག་མོ་སེར་མོ། འཕགས་ཡུལ་གྱི་པཎ་གྲུབ་ཕལ་ཆེར་ལ་ཡོངས་སུ་གྲགས་པའི་ཕག་མོ་དམར་མོ་སོགས་རིགས་ཀྱི་བྱེ་བྲག་ནང་གསེས་དང་བཅས་ཏེ་བཞུགས་པ་ལས། འདིར་སྐབས་སུ་བབས་པ་རྗེ་བཙུན་རྡོ་རྗེ་རྣལ་འབྱོར་མས་མངོན་སུམ་དུ་རྗེས་སུ་བཟུང་བས་གྲུབ་པ་མཆོག་གི་ས་ལ་གཤེགས་པའི་སློབ་དཔོན་ཀོངྐ་དཱཏྟས་ལེགས་པར་བཀྲལ་ཞིང་། ལྔ་བརྒྱ་པ་རྣམས་ཀྱི་གཙུག་གི་ནོར་བུ་པཎ་གྲུབ་ཆེན་པོ་འཇིགས་མེད་འབྱུང་གནས་སྦས་པ་སོགས་ལས་རིམ་པར་བརྒྱུད་དེ། གངས་ཅན་གྱི་ལྗོངས་འདིར་ཆག་ལོ་ཙཱ་བ་ཆོས་རྗེ་དཔལ་གྱིས་དར་རྒྱས་སུ་མཛད་པའི་རྡོ་རྗེ་ཕག་མོ་དཀར་མོ་ཤེས་རབ་གསལ་བྱེད་ཅེས་བྱིན་རླབས་དང་དངོས་གྲུབ་ཀྱི་གཏེར་ཆེན་པོར་གྱུར་པ་དེ་ཉིད་ཀྱི་སྒོ་ནས་སློབ་མ་རྗེས་སུ་འཛིན་པའི་ཆོ་ག་བསྒྲུབ་པ་ལ། སློབ་དཔོན་གྱི་བྱ་བ་རྣམས་གྲུབ་ནས། ཁྱེད་རང་རྣམས་ཀྱི་ངོ་སྐལ་དུ་གྱུར་པ་ཐོག་མར་བླ་མ་དང་རྗེ་བཙུན་རྡོ་རྗེ་ཕག་མོ་ཐ་མི་དད་པ་ལ་བྱིན་རླབས་ཟབ་མོ་ཞུ་བའི་ཡོན་དུ་མཎྜལ་ཕུལ། མེ་ཏོག་དང་བཅས་པས་ཐལ་མོ་སྦྱར་ཏེ་གསོལ་བ་འདེབས་པ་འདིའི་རྗེས་ཟློས་ལན་གསུམ་མཛོད། །གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །དཔལ་ལྡན་རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་སྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་བསྟོད། །གནས་དང་ཉེ་གནས་སོགས་ནས། མཛད་དུ་གསོལ། །ཞེས་པས་གསོལ་བ་བཏབ་ནས། རྒྱུད་དག་པར་བྱ་བའི་སླད་དུ་མདུན་གྱི་ནམ་མཁར་བླ་མ་དང་གཉིས་སུ་མེད་པའི་རྗེ་བཙུན་རྡོ་རྗེ་ཕག་མོ་ལ་གཞན་ཡང་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཡུལ་ཉི་ཤུ་རྩ་བཞིའི་དཔའ་བོ་དང་རྣལ་འབྱོར་མའི་ཚོགས་ཀྱིས་བསྐོར་བ་མངོན་སུམ་ལྟ་བུར་བཞུགས་པའི་སྤྱན་སྔར། རང་གཞན་སེམས་ཅན་ཐམས་ཅད་ཀྱིས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་བཤགས་པ་ལ་སོགས་པ་ཡན་ལག་བདུན་པ་བགྱི་སྙམ་པས་འདིའི་རྗེས་ཟློས་ལན་གསུམ་མཛོད། དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང་། །སངས་རྒྱས་བྱང་ཆུབ་ཡིད་ཀྱིས་བཟུང་། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །སླར་ཡང་རིགས་ལྔ་སྤྱི་དང་ཁྱད་པར་གྱིས་བསྡུས་པའི་དམ་ཚིག་རྣམས་འཛིན་སྙམ་པས་འདིའི་རྗེས་ཟློས་ལན་གསུམ་མཛོད། སྲས་བཅས་སངས་རྒྱས་སོགས། དེ་རྣམས་སྔོན་འགྲོ་ཡིན། དངོས་གཞི་ལ་ཐོག་མར་བྱིན་རླབས་ཀྱི་གཞི་སྒྲུབ་པའི་སླད་དུ། སློབ་དཔོན་ལ་གུས་འདུད་མཛད་པས་སློབ་དཔོན་གྱི་ཐུགས་ཀའི་ཧྲཱིཿལས་འོད་ཟེར་འཕྲོས། ཁྱེད་རང་རྣམས་ཀྱི་ལུས་ལ་ཕོག །ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་བག་ཆགས་དང་བཅས་པ་ཐམས་ཅད་སྦྱངས། ལུས་འོད་ཀྱི་གོང་བུར་གྱུར་པའི་མོས་པ་མཛོད། དེ་ཉིད་ལ་དམིགས་ཏེ་སློབ་དཔོན་གྱིས། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བརྗོད་པས་སྟོང་པར་སྦྱངས་ཏེ། སྟོང་པའི་ངང་ལས་པྃ་ལས་པདྨ་དམར་པོ་འདབ་མ་བརྒྱད་པའི་ལྟེ་བར་ཨྃ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་ལས་རྡོ་རྗེ་དཀར་པོ་རྩེ་ལྔ་པའི་ལྟེ་བར་ཉི་མ་ལ་གནས་པའི་ཧྲཱིཿཡིག་དཀར་པོ་རེ་རེས་མཚན་པར་གསལ་བཏབ་ནས། སླར་ཡང་སློབ་དཔོན་ལ་གུས་འདུད་དྲག་པོ་མཛད་པས། སློབ་དཔོན་གྱི་ཐུགས་ཀའི་ཧྲཱིཿཡིག་ལས་འོད་ཟེར་ཕྱོགས་བཅུར་འཕྲོས་པས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ། དཔའ་བོ་དང་རྣལ་འབྱོར་མ་ཐམས་ཅད་ཀྱི་མཁྱེན་པའི་ཡེ་ཤེས་རྗེ་བཙུན་རྡོ་རྗེ་ཕག་མོའི་རྣམ་པ་ནམ་མཁའ་གང་བར་སྤྱན་དྲངས་ཏེ། ཁྱེད་རང་རྣམས་ལ་སིབ་སིབ་ཐིམ་པས་རྒྱུད་བྱིན་བྱིན་གྱིས་བརླབས་པའི་མོས་པ་མཛོད། གུ་གུལ་གྱིས་བདུག །རོལ་མོའི་སྒྲ་དྲག་ཏུ་བྱ་ཞིང་། ཧྲཱིཾཿབཛྲ་ཝཱ་ར་ཧཱི་ཨཱ་ཝེ་ཤ་ཡ་ཨཿཨཱཿ ཛཿཧཱུྃ་བྃ་ཧོ། ཞེས་མང་དུ་བརྗོད། དེ་ནས་བུམ་དབང་གི་སླད་དུ། འབར་བའི་ཕྱག་རྒྱ་དཔྲལ་བར་གཡོན་དུ་བསྐོར་ཞིང་། ཕཻཾ། སློབ་དཔོན་གྱི་ཐུགས་ཀའི་ཧྲཱིཿལས་འོད་ཟེར་འཕྲོས་པས་རང་བཞིན་གྱི་གནས་ནས་དབང་གི་ལྷ་རིགས་ལྔ་འཁོར་དང་བཅས་པ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿ ཨོཾ་པཉྩ་ཀུ་ལ་ས་པ་རི་ཝཱ་ར་ཨརྒྷཾ། པདྱཱཾ། པུཥྤེ། དྷཱུ་པྤེ། ཨ་ལོ་ཀེ། གྷནྡྷེ། ནཻ་ཝི་དྱེ། ཤབྡ་པྲ་ཏཱི་ཙྪ་སྭཱ་ཧཱས་མཆོད། ནམ་མཁར་བཞུགས་པའི་དབང་གི་ལྷ་ལ་གསོལ་བ་འདེབས་པ་འདིའི་རྗེས་ཟློས་མཛོད། །དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ། །ཞེས་གསོལ་བ་བཏབ་པས་དབང་གི་ལྷ་རྣམས་དང་སློབ་དཔོན་ལྷན་ཅིག་པས་བུམ་པ་ཡེ་ཤེས་ཀྱི་བདུད་རྩིས་གང་བ་ཐོགས་ཏེ་དབང་བསྐུར་བའི་མོས་པ་མཛོད། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་དབང་བསྐུར་རོ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར་བས་སྐུ་གང་། དྲི་མ་དག །ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུར་བརྒྱན། ནམ་མཁར་བཞུགས་པའི་དབང་གི་ལྷ་རྣམས་ཀྱང་ཛཿཧཱུྃ་བྃ་ཧོཿ ཁྱེད་རང་ལ་ཐིམ་པའི་མོས་པ་མཛོད། །ཨོཾ་སུ་པྲ་ཏིཥྛ་བཛྲཱ་ཡ་སྭཱ་ཧཱ། ཞེས་བརྗོད་ཅིང་མེ་ཏོག་གཏོར། དེ་ལྟར་ན་ཁྱེད་རྣམས་ཀྱིས་རྗེ་བཙུན་མའི་སྐུ་སོགས། གསང་དབང་གི་སླད་དུ། སློབ་དཔོན་གྱིས་མདུན་བསྐྱེད་ཀྱི་ཀ་པཱ་ལ་སོགས་ནས། བདུད་རྩི་བྱིན་ལ་འཐུང་དུ་གཞུག་པའི་བར། དེ་དང་རྗེས་སུ་འབྲེལ་བར་བཟླས་ལུང་ནས། བཅོམ་ལྡན་འདི་ལ་སོགས་མེ་ཏོག་གཏོར་བའི་བར། དེ་ལྟར་ན་ཁྱེད་རྣམས་ཀྱིས་རྗེ་བཙུན་མའི་གསུང་གི་སོགས། ཤེས་རབ་ཡེ་ཤེས་ཀྱི་དབང་གི་སླད་དུ། མདུན་བསྐྱེད་ཀྱི་སིནྡྷུ་རའི་ནས། ཆོས་འབྱུང་གནས་གཉིས་སུ་གཏུགས་པའི་བར། དེ་ལྟར་ན་ཁྱེད་རྣམས་ཀྱིས་རྗེ་བཙུན་མའི་ཐུགས་ཀྱི་སོགས། དབང་བཞི་པའི་སླད་དུ། ཁྱེད་རང་རྣམས་ལུས་བསམ་གཏན་གྱི་སྤྱོད་ལམ་སོགས་མན་དཀྱུས་ལྟར་རོ། །ཞེས་པའང་མཁྱེན་རབ་ཀྱི་དབང་ཕྱུག་དཔལ་ལྡན་དོན་གྲུབ་པས་མཛད་པའི་བྱིན་རླབས་ཀྱི་ཡི་གེའི་ཞབས་ཏོག་ཏུ་དམིགས་ཏེ། རང་འདྲའི་བློ་དམན་རྣམས་ལ་ཕན་པའི་ཕྱིར་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་དཱ་མངྒ་ལཾ་བྷ་བ་ཏུ།། །།དགེ་ལེགས་འཕེལ།། ཤུབྷཾ།།

[edit]

de'i byin rlabs mtshams sbyor ngag gi dpal ster bcas ldeb/ rdo rje phag mo shes rab gsal byed ma'i byin rlabs kyi mtshams sbyor nyung gsal ngag gi dpal ster zhes bya ba bzhugs so/__/na mo gu ru badz+ra wA ra hI pA dA ya/__rdo rje phag mo shes rab gsal byed ma'i byin rlabs la/__sbyor ba yo byad kyi shoms dang /__/dngos gzhi bdag mdun bum pa bsgrub pa rnams mkhas grub dpal ldan don grub kyi gsung rab ltar bya/__grub na byin rlabs kyi chos rnams bdag 'jug gi tshul du blang /__de nas 'khor lo sdom pa'am ma rgyud gang yang rung ba'i dkyil 'khor du dbang gis smin pa'i slob ma nyer lnga man grangs kha yar ba rnams khrus byas gral du 'khod pa dang /__me tog bkye bsdu grub rjes sems bskyed gsal btab la/__de la rgyal ba khyab bdag rdo rje 'chang chen pos gdul bya dbang po rnon po'i rigs can rnams kyi dbang du mdzad de/__gsang sngags kyi rgyud sde rin po che rnams nas ma rmongs pa dang /__thabs mang ba dang /__dka' ba med par byang chub sgrub pa'i lam gyi rim pa ji snyed cig bka' stsal ba las khyad par du gyur pa ni shes rab kyi lha'i rnal 'byor zab mo la brten nas ting nge 'dzin dang /__mngon par shes pa dang /__gzungs kyi sgo sgrub pa'i thabs tshul rnams yin la/__de la'ang rgyud sde bzhir bsgrub bya'i lha dang /__sgrub byed kyi thabs mi 'dra ba du ma zhig gsungs pa las/__'dir rnal 'byor bla med ma rgyud sgo drug gi ya gyal/__he ru ka'i rigs dpal 'khor lo bde mchog gi yum bka' rdo rje phag mo'i skor la/__grub pa'i dbang phyug kong+ka dAt+ta dang /__paN chen nags kyi rin chen nas brgyud pa'i phag mo dkar mo/__grub chen sha ba ri'i lugs kyi phag mo ser mo/__'phags yul gyi paN grub phal cher la yongs su grags pa'i phag mo dmar mo sogs rigs kyi bye brag nang gses dang bcas te bzhugs pa las/__'dir skabs su babs pa rje btsun rdo rje rnal 'byor mas mngon sum du rjes su bzung bas grub pa mchog gi sa la gshegs pa'i slob dpon kong+ka dAt+tas legs par bkral zhing /__lnga brgya pa rnams kyi gtsug gi nor bu paN grub chen po 'jigs med 'byung gnas sbas pa sogs las rim par brgyud de/__gangs can gyi ljongs 'dir chag lo tsA ba chos rje dpal gyis dar rgyas su mdzad pa'i rdo rje phag mo dkar mo shes rab gsal byed ces byin rlabs dang dngos grub kyi gter chen por gyur pa de nyid kyi sgo nas slob ma rjes su 'dzin pa'i cho ga bsgrub pa la/__slob dpon gyi bya ba rnams grub nas/__khyed rang rnams kyi ngo skal du gyur pa thog mar bla ma dang rje btsun rdo rje phag mo tha mi dad pa la byin rlabs zab mo zhu ba'i yon du maN+Dal phul/__me tog dang bcas pas thal mo sbyar te gsol ba 'debs pa 'di'i rjes zlos lan gsum mdzod/__/gang gi drin gyis bde chen nyid/__/skad cig nyid la 'char ba gang /__/bla ma rin chen lta bu'i sku/___/rdo rje can zhabs pad la 'dud/__/dpal ldan rdo rje mkha' 'gro ma/__/mkha' 'gro ma yi 'khor los sgyur/__/ye shes lnga dang sku gsum nyid/__/'gro ba skyob la phyag 'tshal bstod/__/gnas dang nye gnas sogs nas/__mdzad du gsol/__/zhes pas gsol ba btab nas/__rgyud dag par bya ba'i slad du mdun gyi nam mkhar bla ma dang gnyis su med pa'i rje btsun rdo rje phag mo la gzhan yang phyogs bcu'i sangs rgyas dang byang chub sems dpa' yul nyi shu rtsa bzhi'i dpa' bo dang rnal 'byor ma'i tshogs kyis bskor ba mngon sum lta bur bzhugs pa'i spyan sngar/__rang gzhan sems can thams cad kyis tshe 'khor ba thog ma med pa nas bsags pa'i sdig pa bshags pa la sogs pa yan lag bdun pa bgyi snyam pas 'di'i rjes zlos lan gsum mdzod/__dkon mchog gsum la bdag skyabs mchi/__/sdig pa thams cad so sor bshags/__/'gro ba'i dge la rjes yi rang /__/sangs rgyas byang chub yid kyis bzung /__/sangs rgyas chos dang tshogs mchog la/__/byang chub bar du bdag skyabs mchi/__/rang gzhan don ni rab bsgrub phyir/__/byang chub sems ni bskyed par bgyi/__/byang chub mchog gi sems ni bskyed bgyis nas/__/sems can thams cad bdag gis mgron du gnyer/__/byang chub spyod mchog yid 'ong spyad par bgyi/__/'gro la phan phyir sangs rgyas 'grub par shog__/slar yang rigs lnga spyi dang khyad par gyis bsdus pa'i dam tshig rnams 'dzin snyam pas 'di'i rjes zlos lan gsum mdzod/__sras bcas sangs rgyas sogs/__de rnams sngon 'gro yin/__dngos gzhi la thog mar byin rlabs kyi gzhi sgrub pa'i slad du/__slob dpon la gus 'dud mdzad pas slob dpon gyi thugs ka'i hrIHlas 'od zer 'phros/__khyed rang rnams kyi lus la phog__/tshe 'khor ba thog ma med pa nas bsags pa'i sdig sgrib bag chags dang bcas pa thams cad sbyangs/__lus 'od kyi gong bur gyur pa'i mos pa mdzod/__de nyid la dmigs te slob dpon gyis/__oM shU n+ya tA dz+nyA na badz+ra swa b+hA wa At+ma ko\u0f85haM/__zhes brjod pas stong par sbyangs te/__stong pa'i ngang las pa~M las pad+ma dmar po 'dab ma brgyad pa'i lte bar a~M las nyi ma'i dkyil 'khor gyi steng du hU~M las rdo rje dkar po rtse lnga pa'i lte bar nyi ma la gnas pa'i hrIHyig dkar po re res mtshan par gsal btab nas/__slar yang slob dpon la gus 'dud drag po mdzad pas/__slob dpon gyi thugs ka'i hrIHyig las 'od zer phyogs bcur 'phros pas phyogs bcu'i sangs rgyas dang byang chub sems dpa'/__dpa' bo dang rnal 'byor ma thams cad kyi mkhyen pa'i ye shes rje btsun rdo rje phag mo'i rnam pa nam mkha' gang bar spyan drangs te/__khyed rang rnams la sib sib thim pas rgyud byin byin gyis brlabs pa'i mos pa mdzod/__gu gul gyis bdug__/rol mo'i sgra drag tu bya zhing /__hrIMHbadz+ra wA ra hI A we sha ya aHAH__dzaHhU~M ba~M ho/__zhes mang du brjod/__de nas bum dbang gi slad du/__'bar ba'i phyag rgya dpral bar g.yon du bskor zhing /__phaiM/__slob dpon gyi thugs ka'i hrIHlas 'od zer 'phros pas rang bzhin gyi gnas nas dbang gi lha rigs lnga 'khor dang bcas pa mdun gyi nam mkhar oM badz+ra sa mA dzaH__oM pany+tsa ku la sa pa ri wA ra ar+g+haM/__pad+yAM/__puSh+pe/__d+hU p+pe/__a lo ke/__g+han+d+he/__nai wi d+ye/__shab+da pra tI ts+tsha swA hAs mchod/__nam mkhar bzhugs pa'i dbang gi lha la gsol ba 'debs pa 'di'i rjes zlos mdzod/__/de bzhin gshegs pa thams cad kyis bdag la mngon par dbang bskur ba stsal du gsol/__/zhes gsol ba btab pas dbang gi lha rnams dang slob dpon lhan cig pas bum pa ye shes kyi bdud rtsis gang ba thogs te dbang bskur ba'i mos pa mdzod/__ji ltar bltams pa tsam gyis ni/__/lha rnams kyis ni khrus gsol ltar/__/lha yi chu ni dag pa yis/__/de bzhin bdag gis dbang bskur ro/__/oM sarba ta thA ga ta a b+hi She ka ta sa ma ya shri ye hU~M zhes gsung zhing bum pa'i chus spyi bo nas dbang bskur bas sku gang /__dri ma dag__/chu'i lhag ma yar lud pa las mi bskyod pas dbur brgyan/__nam mkhar bzhugs pa'i dbang gi lha rnams kyang dzaHhU~M ba~M hoH__khyed rang la thim pa'i mos pa mdzod/__/oM su pra tiSh+Tha badz+rA ya swA hA/__zhes brjod cing me tog gtor/__de ltar na khyed rnams kyis rje btsun ma'i sku sogs/__gsang dbang gi slad du/__slob dpon gyis mdun bskyed kyi ka pA la sogs nas/__bdud rtsi byin la 'thung du gzhug pa'i bar/__de dang rjes su 'brel bar bzlas lung nas/__bcom ldan 'di la sogs me tog gtor ba'i bar/__de ltar na khyed rnams kyis rje btsun ma'i gsung gi sogs/__shes rab ye shes kyi dbang gi slad du/__mdun bskyed kyi sin+d+hu ra'i nas/__chos 'byung gnas gnyis su gtugs pa'i bar/__de ltar na khyed rnams kyis rje btsun ma'i thugs kyi sogs/__dbang bzhi pa'i slad du/__khyed rang rnams lus bsam gtan gyi spyod lam sogs man dkyus ltar ro/__/zhes pa'ang mkhyen rab kyi dbang phyug dpal ldan don grub pas mdzad pa'i byin rlabs kyi yi ge'i zhabs tog tu dmigs te/__rang 'dra'i blo dman rnams la phan pa'i phyir 'jam dbyangs mkhyen brtse'i dbang pos bris pa dge legs mchog tu gyur cig__/sarba dA mang+ga laM b+ha ba tu//__//dge legs 'phel//__shub+haM//