JKW-KABUM-01-KA-002-126

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 126, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

འཇམ་པའི་དབྱངས་ལ་བརྟེན་པའི་སྨོན་ཚིག་ཤིས་བརྗོད་ན་མཿཤྲཱི་གུ་ར་ཝེ་སོགས། ན་མཿཤྲཱི་གུ་ར་ཝེ། གང་གི་མཚན་ཙམ་ལན་གཅིག་དྲན་པས་ཀྱང་། །གཟུང་འཛིན་སྙིང་གི་མུན་པ་ཀུན་བསལ་ནས། །བློ་གྲོས་པདྨོ་མཆོག་ཏུ་རྒྱས་མཛད་པ། །བླ་མ་འཇམ་དཔལ་གཞོན་ནུས་ཤིས་པར་མཛོད། །དམར་སེར་མཛེས་སྐུའི་སྣང་བརྙན་མངོན་སུམ་དུ། །སྐལ་བཟང་མིག་གི་བདུད་རྩིར་བཏུང་བ་དང་། །ལྷན་ཅིག་རྡོ་རྗེའི་གསུང་གིས་དབུགས་དབྱུང་བའི། །དགེ་མཚན་མཆོག་གི་རྟག་ཏུ་སྐྱོང་གྱུར་ཅིག །གཟོད་ནས་མཐའ་བཞིའི་སྤྲོས་པ་ལས་འདས་པའི། །འོད་གསལ་སེམས་ཀྱི་རྡོ་རྗེ་འཇམ་པའི་དབྱངས། །སྙིང་དབུས་ཐིག་ལེར་སད་པའི་སྣང་བ་ཡིས། །སྲིད་ཞིའི་རྒུད་པ་མཐའ་དག་སེལ་བར་ཤོག །དེ་ཚེ་ཐ་མལ་འཁྲུལ་པའི་རྟོག་ཚོགས་ཀུན། །འཇམ་དཔལ་ཡེ་ཤེས་སེམས་དཔར་བྱིན་བརླབས་པས། །སྣང་གྲགས་རིགས་གསུམ་ལྷ་སྔགས་ཆོས་ཉིད་ཀྱི། །དག་པའི་རྣམ་རོལ་གཅིག་ཏུ་འཆར་གྱུར་ཅིག །མཐར་ཐུག་སངས་རྒྱས་ཀུན་གྱི་ཡེ་ཤེས་སྐུ། །བཅོམ་ལྡན་རྡོ་རྗེ་རྣོན་པོའི་གསང་གསུམ་དང་། །དབྱེར་མེད་རྣམ་པ་ཉི་ཤུས་བྱང་ཆུབ་པའི། །སྒྱུ་འཕྲུལ་དྲྭ་བའི་གོ་འཕང་བརྙེས་པར་ཤོག །ཅེས་པ་འདིའང་འཇམ་དབྱངས་མཁྱེན་བརྩེའི་དབང་པོས་སྙིང་ནས་སྨོན་པ་དགེ་ལེགས་མཆོག་ཏུ་རྒྱས་པའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

'jam pa'i dbyangs la brten pa'i smon tshig shis brjod na maHshrI gu ra we sogs/__ na maHshrI gu ra we/__gang gi mtshan tsam lan gcig dran pas kyang /__/gzung 'dzin snying gi mun pa kun bsal nas/__/blo gros pad+mo mchog tu rgyas mdzad pa/__/bla ma 'jam dpal gzhon nus shis par mdzod/__/dmar ser mdzes sku'i snang brnyan mngon sum du/__/skal bzang mig gi bdud rtsir btung ba dang /__/lhan cig rdo rje'i gsung gis dbugs dbyung ba'i/__/dge mtshan mchog gi rtag tu skyong gyur cig__/gzod nas mtha' bzhi'i spros pa las 'das pa'i/__/'od gsal sems kyi rdo rje 'jam pa'i dbyangs/__/snying dbus thig ler sad pa'i snang ba yis/__/srid zhi'i rgud pa mtha' dag sel bar shog__/de tshe tha mal 'khrul pa'i rtog tshogs kun/__/'jam dpal ye shes sems dpar byin brlabs pas/__/snang grags rigs gsum lha sngags chos nyid kyi/__/dag pa'i rnam rol gcig tu 'char gyur cig__/mthar thug sangs rgyas kun gyi ye shes sku/__/bcom ldan rdo rje rnon po'i gsang gsum dang /__/dbyer med rnam pa nyi shus byang chub pa'i/__/sgyu 'phrul drwa ba'i go 'phang brnyes par shog__/ces pa 'di'ang 'jam dbyangs mkhyen brtse'i dbang pos snying nas smon pa dge legs mchog tu rgyas pa'i rgyur gyur cig__/sarba dA ka l+yA NaM b+ha ba tu//__//_!