JKW-KABUM-01-KA-002-119

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 119, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

དབོན་གཞན་ཕན་ཀུན་དགའ་ལ་གནང་བའི་ཞལ་གདམས་སྨོན་ཚིག། བླ་མ་ལ་ཕྱག་འཚལ་ལོ། །དལ་བརྒྱད་འབྱོར་བཅུས་བརྒྱན་པའི་ལུས་རྟེན་མཆོག །འཁོར་ལོ་བཞི་ལྡན་ཐོབ་པའི་གནས་སྐབས་འདིར། །ནམ་འཆི་ཆ་མེད་དྲན་པས་རྒྱུད་བསྐུལ་ནས། །རྒྱུ་འབྲས་ལས་ལ་བླང་དོར་ཞིབ་ཏུ་མཛོད། །ཁྱད་པར་སྲིད་ལས་བཅོས་མིན་ཅེས་འབྱུང་གིས། །ཇི་ལྟར་ཁས་བླངས་ཚུལ་ཁྲིམས་དག་པ་དང་། །སྡེ་སྣོད་རྒྱུད་སྡེ་ཟབ་མོའི་གསང་བ་ལ། །ཐོས་དང་བསམ་པས་རང་རྒྱུད་ལེགས་པར་སྦྱངས། །བྱང་ཆུབ་སེམས་དང་རིམ་གཉིས་རྣལ་འབྱོར་ལ། །རྩེ་གཅིག་ཉམས་སུ་ལེན་པའི་སྐལ་བཟང་གིས། །རང་གཞན་དོན་གཉིས་ལྷུན་གྱིས་གྲུབ་པ་ཡི། །དགེ་མཚན་མངོན་སུམ་མཐོང་བའི་བཀྲ་ཤིས་ཤོག །ཅེས་པའང་དབོན་གཞན་ཕན་ཀུན་དགའི་ངོར་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། །། ༈

[edit]

dbon gzhan phan kun dga' la gnang ba'i zhal gdams smon tshig/ bla ma la phyag 'tshal lo/__/dal brgyad 'byor bcus brgyan pa'i lus rten mchog__/'khor lo bzhi ldan thob pa'i gnas skabs 'dir/__/nam 'chi cha med dran pas rgyud bskul nas/__/rgyu 'bras las la blang dor zhib tu mdzod/__/khyad par srid las bcos min ces 'byung gis/__/ji ltar khas blangs tshul khrims dag pa dang /__/sde snod rgyud sde zab mo'i gsang ba la/__/thos dang bsam pas rang rgyud legs par sbyangs/__/byang chub sems dang rim gnyis rnal 'byor la/__/rtse gcig nyams su len pa'i skal bzang gis/__/rang gzhan don gnyis lhun gyis grub pa yi/__/dge mtshan mngon sum mthong ba'i bkra shis shog_/ces pa'ang dbon gzhan phan kun dga'i ngor 'jam dbyangs mkhyen brtse'i dbang pos bris pa dge legs su gyur cig/__//__!