JKW-KABUM-01-KA-002-108

🚧 This website is under continued development. We appreciate your patience!

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 108, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

རྡོར་འཛིན་བསྟན་པ་དར་རྒྱས་ལ་གསོལ་འདེབས་བྱིན་རླབས་མྱུར་སྩོལ། རྡོ་རྗེ་འཛིན་དབང་བསྟན་པ་དར་རྒྱས་ལ་གསོལ་བ་འདེབས་པ་བྱིན་རླབས་མྱུར་སྩོར་ཅེས་བྱ་བ་བཞུགས། །ཨོཾ་སྭསྟི། །རྡོ་རྗེ་འཛིན་དབང་རྒྱ་མཚོའི་ཐུགས་ཀྱི་སྲས། །བསྟན་པ་རིན་ཆེན་བཤད་དང་སྒྲུབ་པ་ཡི། །དར་ཞིང་རྒྱས་པར་མཛད་པའི་ཕྲིན་ལས་ཅན། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཚུལ་གནས་གསན་བསམ་སྒོམ་པའི་ཕ་རོལ་སོན། །འཆད་རྩོད་རྩོམ་པའི་ལེགས་མཛད་རྨད་དུ་བྱུང་། །མཁྱེན་བརྩེ་ནུས་པའི་དཔལ་མངའ་ཆོས་ཀྱི་རྗེའི། །རྣམ་ཐར་དྲན་བཞིན་སྙིང་ནས་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཐུབ་བསྟན་དྲི་མེད་ཕྱོགས་བཅུར་རྒྱས་པ་དང་། །བདག་སོགས་འགྲོ་ཀུན་བླ་མས་རྗེས་བཟུང་ནས། །ཐུགས་ཡིད་གཅིག་འདྲེས་བྱང་ཆུབ་མྱུར་ཐོབ་ཤོག །ཅེས་པའང་སྒྲུབ་བརྩོན་བླ་མ་དམ་པ་བསོད་ནམས་རབ་རྒྱས་ཀྱིས་བསྐུལ་བའི་ངོར། བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག ། ༈

[edit]

rdor 'dzin bstan pa dar rgyas la gsol 'debs byin rlabs myur stsol/__ rdo rje 'dzin dbang bstan pa dar rgyas la gsol ba 'debs pa byin rlabs myur stsor ces bya ba bzhugs/__/oM swasti/__/rdo rje 'dzin dbang rgya mtsho'i thugs kyi sras/__/bstan pa rin chen bshad dang sgrub pa yi/__/dar zhing rgyas par mdzad pa'i phrin las can/__/dpal ldan bla ma'i zhabs la gsol ba 'debs/__/tshul gnas gsan bsam sgom pa'i pha rol son/_/'chad rtsod rtsom pa'i legs mdzad rmad du byung /__/mkhyen brtse nus pa'i dpal mnga' chos kyi rje'i/__/rnam thar dran bzhin snying nas gsol ba 'debs/__/de ltar gsol ba btab pa'i byin rlabs kyis/__/thub bstan dri med phyogs bcur rgyas pa dang /__/bdag sogs 'gro kun bla mas rjes bzung nas/__/thugs yid gcig 'dres byang chub myur thob shog__/ces pa'ang sgrub brtson bla ma dam pa bsod nams rab rgyas kyis bskul ba'i ngor/__bya bral ba 'jam dbyangs mkhyen brtse'i dbang pos bris pa dge legs su gyur cig__/_!