JKW-KABUM-01-KA-002-065

First section in volume. Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 2, sde tshan 65, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཡང་སྲས་བཅས་རྣམ་འདྲེན་ཀུན་གྱི་ཡེ་ཤེས་སྐུ་སོགས་གསོལ་འདེབས་ཚན་གཅིག།

སྲས་བཅས་རྣམ་འདྲེན་ཀུན་གྱི་ཡེ་ཤེས་སྐུ། །དྲན་པས་ཡིད་བཞིན་དངོས་གྲུབ་སྩོལ་མཛད་པ། །སྐྱབས་ཀུན་འདུས་ཞལ་མཚོ་སྐྱེས་རྡོ་རྗེ་ལ། །སྙིང་ནས་གསོལ་འདེབས་བུ་ལ་ཐུགས་རྗེས་དགོངས། །བདག་ཅག་མགོན་པོ་ཁྱེད་ཀྱི་རྗེས་སྒྲུབ་ན། །ནམ་ཡང་གཞན་གྱི་དབང་དུ་མི་འགྲོ་བར། །རང་ཉིད་ཁོ་ནའི་རྣམ་དཔྱོད་འཁྲུལ་མེད་པས། །རྒྱལ་བ་དགྱེས་པའི་ལམ་ལ་སློབ་པར་མཛོད། །དབེན་ཞིང་ཉམས་དགའ་ཞི་བའི་སྨན་ལྗོངས་སུ། །འཆད་དང་སྒྲུབ་པའི་དམ་བཅའ་མི་གཡེལ་བས། །རླབས་ཆེན་བྱང་ཆུབ་སེམས་དཔའི་ཕྲིན་ལས་ཀྱིས། །ཡོངས་རྫོགས་བསྟན་འགྲོའི་དོན་ཆེན་སྒྲུབ་ནུས་མཛོད། །འཆི་མེད་ཚེ་དང་བསོད་ནམས་བློ་གྲོས་རྒྱས། །སྲིད་དང་ཞི་བའི་འབྱོར་པས་མངོན་མཐོ་ཞིང་། །བསམ་སྦྱོར་མཐའ་དག་ཆོས་བཞིན་འགྲུབ་པ་ལས། །བར་ཆད་མཚན་མ་ནམ་ཡང་མི་འབྱུང་མཛོད། །མདོར་ན་ཇི་ལྟར་སྨོན་པའི་དོན་རྣམས་ཀུན། །གེགས་མེད་མྱུར་བ་ཉིད་དུ་འགྲུབ་པ་ཡི། །ཕུན་ཚོགས་ཕན་བདེའི་དགའ་སྟོན་རྨད་བྱུང་བས། །དགེ་ལེགས་སྣང་བ་རྒྱས་པའི་བཀྲ་ཤིས་སྩོལ། །ཅེས་པའང་དུས་ཀྱི་དགེ་མཚན་ཕུན་སུམ་ཚོགས་པའི་སྒོ་འཕར་གསར་དུ་དབྱེ་བའི་སྐབས་མཉྫུ་གྷོ་ཥས་སྙིང་ནས་གསོལ་བ་ངེས་པར་སིདྡྷི་རསྟུ།། །། ༈

[edit]

yang sras bcas rnam 'dren kun gyi ye shes sku sogs gsol 'debs tshan gcig/ sras bcas rnam 'dren kun gyi ye shes sku/__/dran pas yid bzhin dngos grub stsol mdzad pa/__/skyabs kun 'dus zhal mtsho skyes rdo rje la/__/snying nas gsol 'debs bu la thugs rjes dgongs/__/bdag cag mgon po khyed kyi rjes sgrub na/__/nam yang gzhan gyi dbang du mi 'gro bar/__/rang nyid kho na'i rnam dpyod 'khrul med pas/__/rgyal ba dgyes pa'i lam la slob par mdzod/__/dben zhing nyams dga' zhi ba'i sman ljongs su/__/'chad dang sgrub pa'i dam bca' mi g.yel bas/__/rlabs chen byang chub sems dpa'i phrin las kyis/__/yongs rdzogs bstan 'gro'i don chen sgrub nus mdzod/__/'chi med tshe dang bsod nams blo gros rgyas/__/srid dang zhi ba'i 'byor pas mngon mtho zhing /__/bsam sbyor mtha' dag chos bzhin 'grub pa las/__/bar chad mtshan ma nam yang mi 'byung mdzod/___/mdor na ji ltar smon pa'i don rnams kun/__/gegs med myur ba nyid du 'grub pa yi/__/phun tshogs phan bde'i dga' ston rmad byung bas/__/dge legs snang ba rgyas pa'i bkra shis stsol/__/ces pa'ang dus kyi dge mtshan phun sum tshogs pa'i sgo 'phar gsar du dbye ba'i skabs many+dzu g+ho Shas snying nas gsol ba nges par sid+d+hi rastu//___//__!_