JKW-KABUM-21-ZHA-002-011

🚧 This website is under continued development. We appreciate your patience!

Previous Text Back to Volume PageNext Text

རྣམ་འཇོམས་འཁོར་ལོའི་བྲི་ཡིག།

Wylie title	rnam 'joms 'khor lo'i bri yig
Location	mkhyen brtse'i bka' 'bum Volume 21, sde tshan 2, Text 11, Pages 187-191 (Folios 35a2 to 37a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rnam 'joms 'khor lo'i bri yig. In 'jam dbyangs mkhyen brtse'i dbang po'i bka' 'bum, Vol. 21: 187-191. Khams sde dge rdzong sar dgon: Rdzong sar blo gros phun tshogs, 2020.
Genre	Cakra and Amulet Designs - 'khor lo - srung 'khor
Deity	rdo rje rnam 'joms
Colophon	།ཞེས་པའང་ཐམས་ཅད་མཁྱེན་པ་དཀོན་མཆོག་ཡན་ལག་གི་ཞལ་སྔ་ནས་ཀྱི་ཕྱག་གཞེས་ཀྱི་རྒྱུན་ལས་བྱུང་བ་ལྟར་གསལ་བར་བཀོད་པ་སིདྡྷི་རསྟུ།
	zhes pa'ang thams cad mkhyen pa dkon mchog yan lag gi zhal snga nas kyi phyag gzhes kyi rgyun las byung ba ltar gsal bar bkod pa sid+d+hi rastu

1 Texts in this Section (sde tshan or chos tshan)

11 187-191	རྣམ་འཇོམས་འཁོར་ལོའི་བྲི་ཡིག། rnam 'joms 'khor lo'i bri yig Cakra and Amulet Designs - 'khor lo - srung 'khor	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །རྡོ་རྗེ་རྣམ་པར་འཇོམས་པའི་འཁོར་ལོའི་བྲི་ཡིག་བཞུགས་སོ། །ཨོཾ་སྭསྟི། རིགས་སྔགས་ཀྱི་ལས་ཐམས་ཅད་གྲུབ་པ་དང་། བརྟན་པ་དང་། ནུས་རྩལ་ཐོགས་པ་མེད་པའི་རྡོ་རྗེའི་གཟུངས། རྡོ་རྗེ་འཛིན་པའི་ཐུགས་ཀྱི་སྙིང་པོ། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་རིག་པ་ཆེན་པོའི་ཙཀྲ་ཡིད་བཞིན་གྱི་ནོར་བུ་ཇི་ལྟར་འབྲི་བའི་ཚུལ་ལ་ལྔ། འབྲི་བའི་གཞི། འབྲི་བྱེད་ཀྱི་རྫས། ཇི་ལྟར་འབྲི་བའི་ཚུལ། བྲིས་ནས་སྒྲུབ་པའི་ཐབས། དེ་ལྟ་བུ་འཆང་བའི་ཕན་ཡོན་ནོ། །དང་པོ་ནི། གྲོ་གའམ། རས་སམ། ཤོག་བུ་གཙང་མ་ཆེ་ཆུང་ཁྲུ་གང་ལས་མི་ཆུང་བའོ། །གཉིས་པ་ནི། སྐྱེས་པ་སྲུང་བ་ལ་གུར་གུམ། བུད་མེད་ལ་གི་ཝཾ། གང་ལའང་རྒྱ་སྣག་བཟང་པོ་བརྡར་བའི་ཁུ་བ་དང་སྦྱར་ནས་འབྲིའོ། །གསུམ་པ་ནི། འཁོར་ལོ་མུ་ཁྱུད་དྲུག་པའི་ལྟེ་བར་ཧཱུྃ་གི་མཐར། མདུན་ནས་བརྩམས་ཏེ་ཡིག་མགོ་ཕྱིར་བསྟན། ཡིག་མཇུག་ནང་དུ་ཁྲིད་དེ། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱིས་འཆང་བ་པོ་ལ་གཟའ་ཀླུ་རྒྱལ་བཙན་ཀེག་ཆག་སྲི་ངན་བྱད་ཕུར་ནད་འདྲེ་རྦོད་གཏོང་ནད་མཚོན་མུ་གེ་དགྲ་གྱོད་རྐྱེན་བྱུར་སོགས་གཟུགས་ཅན་གཟུགས་མེད་ཀྱི་གནོད་པ་ཐམས་ཅད་ལས་སྲུངས་ཤིག་སྒྲིབས་ཤིག་རཀྵ་རཀྵཿ ཅེས་བྲི། མུ་ཁྱུད་དང་པོ་ལ། མདུན་ནས་བརྩམས་ཏེ། ན་མཤྩཎྜ་སོགས་ཡང་སྙིང་གི་མཐར། འཆང་བ་པོ་ལ་གཟུགས་ཅན་གཟུགས་མེད་ཀྱི་གནོད་པ་ཐམས་ཅད་སྲུངས་ཤིག་རཀྵ་རཀྵཿ ཅེས་ཕྲེང་གཅིག་ཏུ་ཤོང་བར་བྲི། མུ་ཁྱུད་གཉིས་པ་ལ་འཁོར་ལོ་རྩིབས་བཅུར་ཧཱུྃ་ཡིག་མགོ་ཕྱིར་བསྟན་པའི་མཐར། མདུན་ནས་བརྩམས་ཏེ་རིམ་པར་ཡིག་མགོ་ཕྱིར་བསྟན་གྱིས། ཨོཾ་ཧ་ར་ཧ་ར་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༡ མ་ཐ་མ་ཐ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༢ དྷུ་ན་དྷུ་ན་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ད་ཧ་ད་ཧ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༤ པ་ཙ་པ་ཙ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༥ དྷ་ར་དྷ་ར་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༦ དྷཱ་ར་ཡ་དྷཱ་ར་ཡ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༧ དཱ་རུ་ཎ་དཱ་རུ་ཎ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༨ ཙྪིནྡ་ཙྪིནྡ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༩ བྷིནྡྷ་བྷིནྡྷ་བཛྲ་འཆང་བ་པོ་ལ་ཨུ་པ་ཀ་རི་བྷྱོ་རཀྵཿ ༡༠ ཅེས་བྲི། མུ་ཁྱུད་གསུམ་པ་ཆ་ཆེ་བར་བསྐོར་བའི་མདུན་ནས་བརྩམས་ཏེ། ན་མོ་རཏྣ་སོགས་གཟུངས་རིང་། སྙིང་པོ། ཡང་སྙིང་རྫོགས་པའི་མཐར། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱིས་འཆང་བ་པོ་ལ་སྟེང་གདོན་གཟའ་དང་རྒྱུ་སྐར་འོག་གདོན་ཀླུ་དང་ས་བདག་བར་གདོན་བཙན་དང་མ་མོ་ཐེ་བྲང་རྒྱལ་པོ་དམ་སྲི་ལོ་ཟླ་ཞག་དུས་ཕ་མེས་ཀྱི་ཀེག་སྲི་བྱད་ཕུར་རྦད་འདྲེ་རྦོད་གཏོང་དབྱེ་དཀྲུགས་སྡེབ་གཤོར་ཕུང་སེལ་ནད་མཚོན་མུ་གེ་དགྲ་གྱོད་རྐྱེན་བྱུར་གཟུགས་ཅན་གཟུགས་མེད་ཀྱི་འཚེ་བ་ལས་སྲུངས་ཤིག་རཀྵཿ ཅེས་ཡིག་མཇུག་ནང་དུ་ཁྲིད་ལ་བྲི། མུ་ཁྱུད་བཞི་པ་ལ། དབྱངས། གསལ། རྟེན་འབྲེལ་སྙིང་པོ་རྣམས་ཀྱི་མཐར། བཅོམ་ལྡན་འདས་རྡོ་རྗེ་རྣམ་པར་འཇོམས་པའི་ལྷ་ཚོགས་རྣམས་ཀྱིས་འཆང་བ་པོ་ལ་སྟེང་གདོན་གཟའ་དང་རྒྱུ་སྐར་འོག་གདོན་ཀླུ་དང་ས་བདག་བར་གདོན་བཙན་དང་མ་མོ་ཐེ་བྲང་རྒྱལ་པོ་དམ་སྲི་ལོ་ཟླ་ཞག་དུས་ཕ་མེས་ཀྱི་ཀེག་སྲི་བྱད་ཕུར་རྦོད་གཏོང་དབྱེ་དཀྲུགས་ཕུང་སེལ་ནད་མཚོན་མུ་གེ་རྐྱེན་བྱུར་སོགས་ཉེར་འཚེ་ཐམས་ཅད་ལས་སྲུངས་ཤིག་རཀྵ་རཀྵཿ ཅེས་ཕྲེང་གཅིག་ཏུ་ཤོང་བར་བྲི། མུ་ཁྱུད་ལྔ་པ་ལ་རྡོ་ར། མུ་ཁྱུད་དྲུག་པ་ལ་མེ་རི་རྣམས་བྲིའོ། །བཞི་པ་ནི། བདག་གི་རྣལ་འབྱོར་སྔོན་ཏུ་འགྲོ་བས། འཁོར་ལོ་བསང་སྦྱངས། སྟོང་པའི་ངང་ལས་མུ་ཁྱུད་གཞལ་ཡས་ཁང་གི་དབུས་སུ་སྔགས་ཀྱི་ཡི་གེ་རྣམས་རྡོ་རྗེ་རྣམ་པར་འཇོམས་པ་དང་། མིང་སྤེལ་བསྒྲུབ་བྱ་དངོས་སུ་གསལ་ཞིང་། བསྐྱེད་པའི་ལྷའི་གནས་གསུམ་བྱིན་བརླབས་ཡེ་ཤེས་པ་བསྟིམ། དབང་བསྐུར་ཞིང་རིགས་བདག་གིས་རྒྱས་གདབ། མཆོད་བསྟོད་སྤྱན་དབྱེ་བྱ། སྔགས་སྤེལ་ཚིག་དང་བཅས་བཟླས་པས་གསོལ་བ་གདབ་མཐར། གཞལ་ཡས་ཁང་ལྷ་དང་བཅས་པ་འོད་དུ་ཞུ་བ་ལས་བྲིས་པའི་འཁོར་ལོ་དང་། བསྒྲུབ་བྱ་མིང་སྤེལ་གྱི་རྣམ་པར་བསམས་ལ། གཟུངས་རིང་ཐུང་སྤེལ་ཚིག་དང་བཅས་པའི་མཇུག་ཏུ་རྟེན་འབྲེལ་སྙིང་པོ་གདགས་པ་བཟླས་པའི་མེ་ཏོག་འཐོར་ཞིང་བརྟན་བཞུགས་དང་། ཤིས་བརྗོད་བྱ། ལེགས་པར་བལྟབས་ནས་ཚོན་སྐུད་སྣ་ལྔས་བཅིངས་ཤིང་བསྒྲུབ་བྱའི་མགུལ་ལམ་དཔུང་པར་གདགས་སོ། །ལྔ་པ་ནི། མི་མཐུན་པའི་ཕྱོགས་ཐམས་ཅད་སྲུང་ཞིང་ཞི་བ་དང་། མཐུན་རྐྱེན་ལེགས་ཚོགས་མཐའ་དག་འཕེལ་ཞིང་རྒྱས་པ་དང་། འདོད་པའི་དངོས་གྲུབ་དབང་དུ་འགྱུར་བ་སོགས་གཟུངས་སྔགས་ཀྱི་རྒྱལ་པོའི་ཕན་ཡོན་ཇི་སྐད་གསུངས་པ་ཐམས་ཅད་ཐོབ་པར་འགྱུར་བ་ནི་ངེས་པའོ། །ཞེས་པའང་ཐམས་ཅད་མཁྱེན་པ་དཀོན་མཆོག་ཡན་ལག་གི་ཞལ་སྔ་ནས་ཀྱི་ཕྱག་གཞེས་ཀྱི་རྒྱུན་ལས་བྱུང་བ་ལྟར་གསལ་བར་བཀོད་པ་སིདྡྷི་རསྟུ། ། ༈

[edit]

rnam 'joms 'khor lo'i bri yig/ @#/_/rdo rje rnam par 'joms pa'i 'khor lo'i bri yig bzhugs so/__/oM swasti/__rigs sngags kyi las thams cad grub pa dang /__brtan pa dang /__nus rtsal thogs pa med pa'i rdo rje'i gzungs/__rdo rje 'dzin pa'i thugs kyi snying po/__bcom ldan 'das rdo rje rnam par 'joms pa'i rig pa chen po'i tsakra yid bzhin gyi nor bu ji ltar 'bri ba'i tshul la lnga/__'bri ba'i gzhi/__'bri byed kyi rdzas/__ji ltar 'bri ba'i tshul/__bris nas sgrub pa'i thabs/__de lta bu 'chang ba'i phan yon no/__/dang po ni/__gro ga'am/__ras sam/__shog bu gtsang ma che chung khru gang las mi chung ba'o/__/gnyis pa ni/__skyes pa srung ba la gur gum/__bud med la gi waM/__gang la'ang rgya snag bzang po brdar ba'i khu ba dang sbyar nas 'bri'o/__/gsum pa ni/__'khor lo mu khyud drug pa'i lte bar hU~M gi mthar/__mdun nas brtsams te yig mgo phyir bstan/__yig mjug nang du khrid de/__bcom ldan 'das rdo rje rnam par 'joms pa'i lha tshogs rnams kyis 'chang ba po la gza' klu rgyal btsan keg chag sri ngan byad phur nad 'dre rbod gtong nad mtshon mu ge dgra gyod rkyen byur sogs gzugs can gzugs med kyi gnod pa thams cad las srungs shig sgribs shig rak+Sha rak+ShaH__ces bri/__mu khyud dang po la/__mdun nas brtsams te/__na mash+tsaN+Da sogs yang snying gi mthar/__'chang ba po la gzugs can gzugs med kyi gnod pa thams cad srungs shig rak+Sha rak+ShaH__ces phreng gcig tu shong bar bri/__mu khyud gnyis pa la 'khor lo rtsibs bcur hU~M yig mgo phyir bstan pa'i mthar/__mdun nas brtsams te rim par yig mgo phyir bstan gyis/__oM ha ra ha ra badz+ra 'chang ba po la u pa ka ri b+h+yo rak+ShaH__1_ma tha ma tha badz+ra 'chang ba po la u pa ka ri b+h+yo rak+ShaH__2_d+hu na d+hu na badz+ra 'chang ba po la u pa ka ri b+h+yo rak+ShaH__da ha da ha badz+ra 'chang ba po la u pa ka ri b+h+yo rak+ShaH__4_pa tsa pa tsa badz+ra 'chang ba po la u pa ka ri b+h+yo rak+ShaH__5_d+ha ra d+ha ra badz+ra 'chang ba po la u pa ka ri b+h+yo rak+ShaH__6_d+hA ra ya d+hA ra ya badz+ra 'chang ba po la u pa ka ri b+h+yo rak+ShaH__7_dA ru Na dA ru Na badz+ra 'chang ba po la u pa ka ri b+h+yo rak+ShaH__8_ts+tshin+da ts+tshin+da badz+ra 'chang ba po la u pa ka ri b+h+yo rak+ShaH__9_b+hin+d+ha b+hin+d+ha badz+ra 'chang ba po la u pa ka ri b+h+yo rak+ShaH__10_ces bri/__mu khyud gsum pa cha che bar bskor ba'i mdun nas brtsams te/__na mo rat+na sogs gzungs ring /__snying po/__yang snying rdzogs pa'i mthar/__bcom ldan 'das rdo rje rnam par 'joms pa'i lha tshogs rnams kyis 'chang ba po la steng gdon gza' dang rgyu skar 'og gdon klu dang sa bdag bar gdon btsan dang ma mo the brang rgyal po dam sri lo zla zhag dus pha mes kyi keg sri byad phur rbad 'dre rbod gtong dbye dkrugs sdeb gshor phung sel nad mtshon mu ge dgra gyod rkyen byur gzugs can gzugs med kyi 'tshe ba las srungs shig rak+ShaH__ces yig mjug nang du khrid la bri/__mu khyud bzhi pa la/__dbyangs/__gsal/__rten 'brel snying po rnams kyi mthar/__bcom ldan 'das rdo rje rnam par 'joms pa'i lha tshogs rnams kyis 'chang ba po la steng gdon gza' dang rgyu skar 'og gdon klu dang sa bdag bar gdon btsan dang ma mo the brang rgyal po dam sri lo zla zhag dus pha mes kyi keg sri byad phur rbod gtong dbye dkrugs phung sel nad mtshon mu ge rkyen byur sogs nyer 'tshe thams cad las srungs shig rak+Sha rak+ShaH__ces phreng gcig tu shong bar bri/__mu khyud lnga pa la rdo ra/__mu khyud drug pa la me ri rnams bri'o/__/bzhi pa ni/__bdag gi rnal 'byor sngon tu 'gro bas/__'khor lo bsang sbyangs/__stong pa'i ngang las mu khyud gzhal yas khang gi dbus su sngags kyi yi ge rnams rdo rje rnam par 'joms pa dang /__ming spel bsgrub bya dngos su gsal zhing /__bskyed pa'i lha'i gnas gsum byin brlabs ye shes pa bstim/__dbang bskur zhing rigs bdag gis rgyas gdab/__mchod bstod spyan dbye bya/__sngags spel tshig dang bcas bzlas pas gsol ba gdab mthar/__gzhal yas khang lha dang bcas pa 'od du zhu ba las bris pa'i 'khor lo dang /__bsgrub bya ming spel gyi rnam par bsams la/__gzungs ring thung spel tshig dang bcas pa'i mjug tu rten 'brel snying po gdags pa bzlas pa'i me tog 'thor zhing brtan bzhugs dang /__shis brjod bya/__legs par bltabs nas tshon skud sna lngas bcings shing bsgrub bya'i mgul lam dpung par gdags so/__/lnga pa ni/__mi mthun pa'i phyogs thams cad srung zhing zhi ba dang /__mthun rkyen legs tshogs mtha' dag 'phel zhing rgyas pa dang /__'dod pa'i dngos grub dbang du 'gyur ba sogs gzungs sngags kyi rgyal po'i phan yon ji skad gsungs pa thams cad thob par 'gyur ba ni nges pa'o/__/zhes pa'ang thams cad mkhyen pa dkon mchog yan lag gi zhal snga nas kyi phyag gzhes kyi rgyun las byung ba ltar gsal bar bkod pa sid+d+hi rastu/___/___!