JKW-KABUM-05-CA-004-008

🚧 This website is under continued development. We appreciate your patience!

Previous Text Back to Volume PageNext Text

རྒྱལ་སྲས་ལམ་བཟང་གི་གཏམ་རྒྱུད་གསལ་བྱེད།

Wylie title	rgyal sras lam bzang gi gtam rgyud gsal byed
Location	mkhyen brtse'i bka' 'bum Volume 5, sde tshan 4, Text 8, Pages 605-612 (Folios 17a4 to 20b3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rgyal sras lam bzang gi gtam rgyud gsal byed. In 'jam dbyangs mkhyen brtse'i dbang po'i bka' 'bum, Vol. 5: 605-612. Khams sde dge rdzong sar dgon: Rdzong sar blo gros phun tshogs, 2020.
Genre	History Texts - lo rgyus
Colophon	།ཞེས་པའང་རང་གི་བརྗེད་བྱང་དུ་ཟིན་བྲིས་སུ་བཏབ་པ་མཐའ་ཡས་པའི་འགྲོ་བ་ཀུན་ལ་བྱང་ཆུབ་ཀྱི་སེམས་རིན་པོ་ཆེ་སྐྱེ་བར་གྱུར་ཅིག །ཤུ་བྷཾ།།
	zhes pa'ang rang gi brjed byang du zin bris su btab pa mtha' yas pa'i 'gro ba kun la byang chub kyi sems rin po che skye bar gyur cig__/shu b+haM/

1 Texts in this Section (sde tshan or chos tshan)

8 605-612	རྒྱལ་སྲས་ལམ་བཟང་གི་གཏམ་རྒྱུད་གསལ་བྱེད། rgyal sras lam bzang gi gtam rgyud gsal byed History Texts - lo rgyus	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྒྱལ་སྲས་ལམ་བཟང་གི་གཏམ་རྒྱུད་གསལ་བྱེད་བཞུགས་སོ། །ན་མོ་མཉྫུ་གྷོ་ཥ་བྷཱུ་མཱི་པཎྜི་ཏཱ་ཡ། རྒྱལ་སྲས་ལམ་བཟང་ལས་གསུངས་པའི་གཏམ་རྒྱུད་རྣམས་ཀྱི་དོན་ངག་ཉུང་ངུར་བསྡུས་ཏེ་བཤད་ན། རྒྱལ་པོ་གསལ་རྒྱལ་གྱི་བྱ་བ་ཞེས་པ། སོར་ཕྲེང་ཅན་གྱི་མདོར། དེས་བྱ་བ་ལྔ་བརྒྱ་བོས་ཏེ། ད་ཕྱིན་ཆད་གསོད་པའི་ལས་འདི་ཐོངས་ཤིག །ཞིང་དང་འབྲུ་དང་ནོར་སོགས་ཀྱིས་ཚིམ་པར་བྱའོ། །ཞེས་བཀའ་སྩལ་ཀྱང་། དེ་རྣམས་ཀྱི་བུ་དང་ཚ་བོ་ལ་སོགས་ལ་བྱ་གསོད་པའི་ལས་སྒྲུབས་ཤིག་ཅེས་བཟློག་མ་ནུས་པར། སངས་རྒྱས་ཐུགས་རྗེ་དང་ལྡན་པས་བྱ་བ་རྒན་པོ་ཞིག་ཏུ་སྤྲུལ་ནས་འདུལ་དགོས་བྱུང་བ་ལྟ་བུའོ། ། ༈ རྒྱ་ནག་གི་བྱིས་པ་ཅེས་བྱ་བ་ནི། རྒྱ་ནག་ཏུ་བྱིས་པ་གཅིག་ལྷ་ཁང་དུ་ཁྲིད་ནས། ཁྱོད་རང་གི་ལྷ་གང་ཡིན་ངོས་ཟུང་ཞིག་སྨྲས་པ་ན། མིག་ཀྱང་བལྟར་མ་འདོད། དེར་ཕ་མས་ཐུགས་རྗེ་ཆེན་པོའི་སྐུ་གཅིག་ཕྲུ་བའི་ནང་དུ་བཅུག་ནས། ཁྱོད་རང་གི་ལྷ་ཕྲུ་བ་ན་ཡོད་ཀྱི་ལོངས་ཤོག་བྱས་པས། མིག་དང་སྣ་གོས་ཀྱིས་གཡོགས་ཏེ། ཁྱེད་རང་གི་ལྷ་དེ་ན་འདུག་གོ་ཟེར་ནས་ཕྱིར་ཕྱོགས་འགྲོ་བ་དེ་འདྲའི་རིགས་ཅན་ལ་ཟེར་རོ། ། ༈ སྔོན་རྒྱལ་པོ་འཇིགས་སྡེས་བྱང་ཆུབ་ཀྱི་སེམས་གཏོང་བ་ནི། ཤཱ་རིའི་བུ་རྒྱལ་པོ་པི་ན་སེར་གྱུར་པ་ལས། བྲམ་ཟེ་དྲག་པོའི་མིག་གིས་ལག་པ་བསླངས་པ་ན། ལག་པ་གཡས་པ་བཅད་དེ་གཡོན་པས་བྱིན་པས། བྲམ་ཟེ་མ་མགུ་བར་ཡིད་སྐྱོ་བ་སྐྱེས་པ་ལྟ་བུ་ལ་ཟེར་ཞིང་འདི་གཅིག་ལས་འཕྲོས་པའི་མདོར་འབྱུང་ངོ་། ། ༈ ཕྱོགས་གླང་གིས་མུ་སྟེགས་གྲངས་ཅན་གྱི་སྟོན་པ་མདོག་ནག་ཅན་ལུང་རིགས་ཀྱིས་བཏུལ་བའི་ཚེ། ཁོའི་རིག་སྔགས་ཀྱི་མཐུས་ཁ་ནས་མེ་སྦར་ཏེ་སློབ་དཔོན་གྱི་ཡོ་བྱད་ཕལ་ཆེར་བསྲེགས་པ་ན་བྱང་ཆུབ་ཀྱི་སེམས་འདོར་བར་བརྩམས་པའི་ཚེ་མགོན་པོ་འཇམ་པའི་དབྱངས་ཀྱིས་རྗེས་སུ་བཟུང་སྟེ་བཟློག་པ་མཛད། ། ༈ འཁོར་ལོས་བསྒྱུར་བའི་རྒྱལ་པོ་གྲགས་པ་མཐའ་ཡས་དང་། ང་ལས་ནུའི་ལོ་རྒྱུས་ནི། གཉིས་ཀས་བསོད་ནམས་ཀྱི་སྟོབས་ཀྱིས་གླིང་བཞི་དང་སུམ་ཅུ་རྩ་གསུམ་གྱི་ཕྱེད་དང་བཅས་པ་ལ་དབང་ཐོབ་ཀྱང་། ད་དུང་ཆོག་མ་ཤེས་པར་བརྒྱ་བྱིན་གྱི་དཔལ་ལ་འཁུ་བས་སླར་ས་ལ་ལྟུང་ངོ་། །ཞེས་པ་ཅུང་ཟད་འདྲ་མིན་ཙམ་ལས། སྔ་མ་ཡབ་སྲས་མཇལ་བའི་མདོ་དང་། ཕྱི་མ་འདུལ་བ་ལུང་གཞི་ལས་འབྱུང་། ། ༈ ཐམས་ཅད་སྒྲོལ་གྱིས་བུ་དང་བུ་མོ་བྲམ་ཟེའི་གཡོག་ཏུ་བྱིན་པ་༩དང་། ཤི་བིའི་རྒྱལ་པོས་༢མིག་༢བྱིན་པ་དང་། རི་བོང་༦གིས་བརྒྱ་བྱིན་གྱིས་སྤྲུལ་པའི་བྲམ་ཟེ་འཁྱམས་པ་ལ་ལུས་བྱིན་པ་དང་། རྒྱལ་པོ་ཟླ་འོད་ཀྱིས་༥ཟང་ཟིང་ཕོངས་མེད་དུ་གཏོང་བའི་མཐར་དབུ་སྦྱིན་པར་གཏོང་བ་སྦྱིན་པའི་ཕར་ཕྱིན་རྫོགས་པར་མཛད་པའི་ཚུལ་དང་། གསེར་༤༣མདོག་དང་། དཔལ་བསྒྱུར་སོགས་མཚན་གྱི་རྣམ་གྲངས་དྲུག་དང་ལྡན་པ་དེས་བརྒྱ་བྱིན་གྱིས་སྤྲུལ་པའི་བྲམ་ཟེ་ལུས་ཕྱེད་དུ་སོང་བ་ལ་རང་གི་ལྟེ་བ་ཡན་ཆད་བཅད་ནས་གཏོང་བ་ལྟ་བུ་སྟེ། སྔ་མ་གསུམ་སྐྱེས་རབས་སོ་བཞི་པ་དང་། ཕྱི་མ་མཛངས་བླུན་དང་། དཔལ་གྱི་སྡེའི་རྟོགས་པ་བརྗོད་པ་ལས་ཤེས་ལ། འཁྲི་ཤིང་དུའང་བཀོད་དོ། ། ༈ མི་དགེ་བ་བཅུ་སྤྱད་པས་དམྱལ་བར་སྐྱེ་བ་ནི་དྲན་པ་ཉེར་བཞག་སོགས་ལས་ཤིན་ཏུ་གསལ་ལོ། ། ༈ ཀླུའི་རྒྱལ་པོ་ཨེ་ལའི་འདབ་མའི་ལོ་རྒྱུས་ནི། འདུལ་བ་ལུང་ལས། སངས་རྒྱས་འོད་སྲུང་གི་དུས། དགེ་སློང་སྡེ་སྣོད་གསུམ་པ་ཞིག་དབེན་པར་གནས་ཤིང་། ཤིང་ཨེ་ལའི་དྲུང་དུ་འཆག་པའི་ཚེ། དཔྲལ་བར་དེའི་འདབ་མ་ཞིག་ཕོག་པས་ཁྲོས་ཏེ། དེ་བཅད་ནས། སྲོག་ཀྱང་མེད་ལ་འཚོ་བ་ཡང་མེད་པ་འདི་ལ་བཅོམ་ལྡན་འདས་ཀྱིས་ཉེས་པ་ཅི་ཞིག་གཟིགས་ནས་བསླབ་པ་གཞི་བཅས། ཞེས་སྨྲས་པ་ཙམ་གྱི་རྣམ་སྨིན་གྱིས། སྦྲུལ་གྱི་ལུས་མགོ་བདུན་པ། མགོ་བོ་རེར་ཨེ་ལའི་སྡོང་པོ་རེ་སྐྱེས་པ། འཇིགས་སུ་རུང་ཞིང་སྡུག་བསྔལ་བ་ཞིག་ཏུ་སྐྱེས་པ། འཁོར་རྣམས་ཀྱིས་བཅོམ་ལྡན་འདས་ལ་ལོ་རྒྱུས་ཞུས་པས། བདག་ཉིད་ཆེན་པོ་འོད་སྲུངས་ཀྱི། །བསླབ་མཚམས་དག་ལས་འདས་པ་ཡི། །ཨེ་ལའི་འདབ་དེ་ཀླུ་ཡི་ནི། །སྐྱེ་གནས་དག་ལས་མ་ཐར་རོ། །ཞེས་གསུངས་པ་ལྟ་བུའོ། ། ༈ ལྷའི་བུ་ཡན་ལག་ཉམས་པའི་ལོ་རྒྱུས་ནི། འདུལ་བ་ལུང་རྣམ་འབྱེད་ལས། ཁྱིམ་བདག་མགོན་མེད་ཟས་སྦྱིན་གྱིས། བྲམ་ཟེ་དབུལ་པོ་ཞིག་ལ། ཁྱོད་ཀྱིས་གསོ་སྦྱོང་ཡན་ལག་བརྒྱད་པ་ལེན་ན་ཟས་བསོད་པ་སྦྱིན་པར་དམ་བཅས་པས། དེས་ཀྱང་བླངས། ཉི་མ་ནུབ་པ་དང་བྲམ་ཟེའི་ཁྱིམ་གཞན་ཞིག་ཏུ་ཕྱིན་པས། དེར་རྐྱེན་དབང་གིས་ཟན་ཟ་དགོས་པ་བྱུང་བས་གསོ་སྦྱོང་རལ་ལོ། །གལ་ཏེ་དེ་གསོ་སྦྱོང་དང་ལྡན་བཞིན་དུ་ཚེ་འཕོས་ན་སུམ་ཅུ་རྩ་གསུམ་དུ་སྐྱེ་བ་ཞིག་ཀྱང་། དེ་རལ་པས་རྒྱལ་ཆེན་རིས་བཞིའི་ལྷའི་ནང་དུ་སྐྱེས་ཏེ་ལྗོན་པ་ལ་གནས་པ་སོགས་ལོ་རྒྱུས་རྒྱས་པར་གསུངས་སོ། ། ༈ ལེགས་པར་ཕ་རོལ་ཏུ་ཕྱིན་པའི་རབས་ནི། བདག་ཅག་གི་སྟོན་པ་འདིའི་སྔོན་རབས་ཏེ། དེས་གསེར་གླིང་དུ་ཚོང་པ་མང་པོ་དང་ལྷན་ཅིག་རྒྱ་མཚོར་ཞུགས་པས་དུས་མིན་གྱི་རླུང་ལངས་པས་འཇིགས་པ་ན། བདག་གི་ཤེད་བྱེ་ཚུན་ཆད་དུ་སྲོག་གཅོད་སྤངས་པའི་བདེན་པས་གྲུ་འདི་རྒྱ་མཚོའི་ཀློང་ནས་ལྡོག་པར་གྱུར་ཅིག་ཅེས་བདེན་ཚིག་བརྗོད་པས་འདོད་པའི་གནས་སུ་དབུགས་འབྱིན་པ་སྟེ། སྐྱེས་རབས་སོ་བཞི་པར་གསལ་ལོ། ། ༈ བྲམ་ཟེའི་ཁྱེའུ་སྐར་མ་ནི། གསང་ཆེན་ཐབས་ལ་མཁས་པའི་མདོར། དེས་ལོ་བཞི་ཁྲི་ཉིས་སྟོང་གི་བར་དུ་ཚངས་པར་སྤྱད་མཐར་བྲམ་ཟེའི་བུ་མོ་ཞིག་ལྷག་པར་ཆགས་ཏེ་སྲོག་འདོར་བར་བརྩམས་པ་ན་སྙིང་རྗེ་ཆེན་པོས་བུ་མོ་དེའི་ཁྱིམ་ཐབས་ལོ་བཅུ་གཉིས་སུ་བྱས། སླར་རབ་ཏུ་བྱུང་སྟེ་ཚངས་སྤྱོད་ལ་གནས་པས་ཚངས་པའི་འཇིག་རྟེན་དུ་སྐྱེས་པར་གསུངས་སོ། ། ༈ དེད་དཔོན་སྙིང་རྗེ་ཆེན་པོ་ནི། བདག་ཅག་གི་སྟོན་པའི་སྔོན་རབས་ཏེ། དེས་ཚོང་པ་ལྔ་བརྒྱ་པོ་དང་ལྷན་དུ་རྒྱ་མཚོར་ཞུགས་པ་ན། མི་ནག་པོ་མདུང་ཐུང་ཐོགས་པ་ཞིག་བྱུང་སྟེ། ཐམས་ཅད་གསོད་པར་བརྩམས་པ་ན། ཁོ་དམྱལ་བར་སྐྱེ་བ་མ་བཟོད་ནས་དེ་ཉིད་དུ་བསད་པས་བསྐལ་པ་མང་པོའི་ཚོགས་འདུམ་པར་བཤད་དོ། ། ༈ བྱང་ཆུབ་སེམས་དཔའ་མེ་ཏོག་ཟླ་མཛེས་ནི། རྒྱལ་པོའི་ཕོ་བྲང་རིན་ཆེན་ལྔ་ལྡན་དུ་སེམས་ཅན་མང་པོ་ཐར་ལམ་ལ་བཀོད་པས། རྒྱལ་པོ་དཔལ་སྦྱིན་ཕྲག་དོག་སྐྱེས་ཏེ་ལུས་དུམ་བུར་བཅད་ཀྱང་དེའི་ཐུགས་རྗེའི་སྟོབས་ཀྱིས་རྒྱལ་པོ་དེ་ལ་སོགས་པ་དུ་མ་ཞིག་རྣམ་གྲོལ་ལ་བཀོད་པའི་ཚུལ་མདོ་ཏིང་འཛིན་རྒྱལ་པོར་བཤད། ། ༈ བརྒྱ་བྱིན་མིག་མཛེས་ནི། བདག་ཅག་གི་སྟོན་པའི་སྔོན་རབས་དེ་སུམ་ཅུ་རྩ་གསུམ་དུ་སྐྱེ་བ་བཞེས་ཀྱང་། འཛམ་བུའི་གླིང་པའི་མི་རྣམས་ལ་ནད་ཀྱི་བསྐལ་པ་ཆེན་པོ་བྱུང་སྟེ། རང་ཉིད་རི་དྭགས་དེས་བ་ཟེར་བ་ཞིག་ཏུ་སྤྲུལ་ཏེ་ལུས་སྦྱིན་པར་མཛད་པས་ཤ་དེ་ཟོས་པའི་མོད་ཐམས་ཅད་ནད་ལས་གྲོལ་བར་མཛད་དོ། ། ༈ ལེ་ལོའི་རྒྱལ་སྲིད་སོགས་ཉམས་པའི་ལོ་རྒྱུས་ནི། ལེགས་པར་བཤད་པ་རིན་པོ་ཆེའི་གཏེར་ལས་སི་ཏཱ་འཕྲོག་པའི་གཏམ་རྒྱུད་ལྟ་བུའོ། ། ༈ རྒྱལ་པོ་བྱམས་པའི་སྟོབས་ནི། བདག་ཅག་གི་སྟོན་པའི་སྔོན་རབས་ཏེ། དེས་ཉམ་ཐག་པའི་གནོད་སྦྱིན་ལྔ་ལ་ཤིན་ཏུ་བྱམས་པའི་སྟོབས་ཀྱིས་དྲངས་ཏེ་རང་གི་ཤ་ཁྲག་དྲོན་མོ་བཏང་ནས། བསོད་ནམས་འདི་ཡིས་སོགས་སྨོན་ལམ་བཏབ་པའི་ལོ་རྒྱུས་སྐྱེས་རབས་སོ་བཞི་པར་འབྱུང་ངོ་། ། ༈ གངྒཱ་དང་ཡ་མུ་ནི་འདུས་པར་མ་སྨད་ཤི་བ་ཚངས་པའི་འཇིག་རྟེན་དུ་སྐྱེས་པའི་ལོ་རྒྱུས་ནི། བུད་མེད་དབུལ་མོ་ཞིག་ལ་བུ་མོ་ཞིག་བཙས་པ། དེ་ཁྱིམ་བདག་གིས་མཐོང་ནས་བསྐྲད་པས་ཡུལ་གཞན་དུ་འགྲོ་བའི་ལམ་བར་གངྒཱས་ཆོད་ཀྱང་། དེ་པང་དུ་ཐོག་སྟེ་བརྒལ་བ་ན་ཚེའི་དུས་བྱས། བུ་མོ་ལ་བྱམས་པའི་བསོད་ནམས་ཀྱིས་ལྷར་སྐྱེས་ཞེས་མྱང་འདས་ལས་གསུངས། དེར་ཆུ་ཀླུང་དེའི་འགྲམ་ན་ཡོད་པའི་མུ་སྟེགས་ཀྱི་དྲངས་སྲོང་ཞིག་གིས་མངོན་ཤེས་ཀྱིས་རིག་སྟེ། ཆུའི་ཡོན་ཏན་ཡིན་པར་བསམ་ནས་ལྕེབ་བོ། །རྒྱུ་དེས་མུ་སྟེགས་པའི་བརྟུལ་ཞུགས་འཛིན་པ་འགའ་ཞིག་ཚུལ་དེ་ལྟ་བུ་ལ་སྤྱོད་དོ། །ཞེས་གྲགས། ། ༈ དེད་དཔོན་མཛའ་བོའི་བུ་མོ་ནི། དང་པོ་མ་ལ་བྱམས་པར་བྱས། ཕྱིས་རྒྱ་མཚོར་འགྲོ་བ་ལ་མས་བཤོལ་ཀྱང་མ་ཉན་པར་མགོ་ལ་འགོམས་ཏེ་སོང་བས་ན་རྒྱ་མཚོའི་དབུས་སུ་གཟིངས་ནུབ། གྲོགས་ཐམས་ཅད་ཤི། ཁོ་རང་ཟངས་ཀྱི་རིལ་བ་ཞིག་ལ་འཇུས་པས་གླིང་བར་དུ་ཐོན། སྔར་མ་ལ་བསྙེན་བཀུར་བའི་སྟོབས་ཀྱིས་བདེ་བ་དུ་མ་ཉམས་སུ་མྱོང་། དེ་ནས་ལྷོ་ཕྱོགས་སུ་ཕྱིན་པས་དམྱལ་བ་ཉི་ཚེ་བའི་གནས་སུ་སླེབས་ཏེ། རལ་གྲིའི་འཁོར་ལོ་མགོ་ལ་བསྐོར་བས། མ་ལ་འགོམས་པའི་རྣམ་སྨིན་དུ་རིག་སྟེ། ཁམས་གསུམ་གྱི་སྡུག་བསྔལ་ཐམས་ཅད་ལེན་པའི་སེམས་བསྐྱེད་མ་ཐག་འཁོར་ལོ་དེ་ནམ་མཁར་འཕགས་སོ། ། ༈ དམྱལ་བར་མེའི་ཤིང་རྟ་འདྲེན་པའི་རྣམ་ཐར་ནི། སྟོན་པ་འདི་ཉིད་སོ་སྐྱེའི་འཆིང་བ་ཀུན་ལྡན་གྱི་ཚེ་སེམས་ཅན་དམྱལ་བའི་གནས་སུ་ཤིང་རྟ་འདྲེན་པའི་གྱད་དུ་གྱུར། དེས་རང་གི་གྲོགས་ལ་སྙིང་རྗེ་སྐྱེས་ནས། འདིའི་སྡུག་བསྔལ་བདག་གིས་ཁུར་ན་ཅི་མ་རུངས། ཞེས་སྨྲས་པས། དམྱལ་སྲུང་ཁྲོས་ཏེ་ཐོ་ལུམ་མེ་འབར་བས་མགོ་བོར་བསྣུན་ཏེ་བསད། བསོད་ནམས་དེས་སུམ་ཅུ་རྩ་གསུམ་དུ་སྐྱེས་སོ། །ཞེས་སྙིང་རྗེ་པད་དཀར་ལས་རྒྱས་པར་གསུངས་པ་ལྟ་བུའོ། །དེ་རྣམས་ཀྱིས་རྒྱལ་སྲས་ལམ་བཟང་ལས་བྱུང་བའི་གཏམ་རྒྱུད་དངོས་བསྟན་རྣམས་ཅུང་ཟད་བཀྲལ་བ་སྟེ། གཞན་ཡང་སྐྱེས་པ་རབས་ཀྱི་རྒྱུད་སོགས་ལས་རྒྱ་ཆེར་ཤེས་པར་བྱའོ། །ཞེས་པའང་རང་གི་བརྗེད་བྱང་དུ་ཟིན་བྲིས་སུ་བཏབ་པ་མཐའ་ཡས་པའི་འགྲོ་བ་ཀུན་ལ་བྱང་ཆུབ་ཀྱི་སེམས་རིན་པོ་ཆེ་སྐྱེ་བར་གྱུར་ཅིག །ཤུ་བྷཾ།། །། ༈

[edit]

de'i gtam rgyud gsal byed/ rgyal sras lam bzang gi gtam rgyud gsal byed bzhugs so/__/na mo many+dzu g+ho Sha b+hU mI paN+Di tA ya/__rgyal sras lam bzang las gsungs pa'i gtam rgyud rnams kyi don ngag nyung ngur bsdus te bshad na/__rgyal po gsal rgyal gyi bya ba zhes pa/__sor phreng can gyi mdor/__des bya ba lnga brgya bos te/__da phyin chad gsod pa'i las 'di thongs shig__/zhing dang 'bru dang nor sogs kyis tshim par bya'o/__/zhes bka' stsal kyang /__de rnams kyi bu dang tsha bo la sogs la bya gsod pa'i las sgrubs shig ces bzlog ma nus par/__sangs rgyas thugs rje dang ldan pas bya ba rgan po zhig tu sprul nas 'dul dgos byung ba lta bu'o/____/_!_rgya nag gi byis pa ces bya ba ni/__rgya nag tu byis pa gcig lha khang du khrid nas/__khyod rang gi lha gang yin ngos zung zhig smras pa na/__mig kyang bltar ma 'dod/__der pha mas thugs rje chen po'i sku gcig phru ba'i nang du bcug nas/__khyod rang gi lha phru ba na yod kyi longs shog byas pas/__mig dang sna gos kyis g.yogs te/__khyed rang gi lha de na 'dug go zer nas phyir phyogs 'gro ba de 'dra'i rigs can la zer ro/____/_!_sngon rgyal po 'jigs sdes byang chub kyi sems gtong ba ni/__shA ri'i bu rgyal po pi na ser gyur pa las/__bram ze drag po'i mig gis lag pa bslangs pa na/__lag pa g.yas pa bcad de g.yon pas byin pas/__bram ze ma mgu bar yid skyo ba skyes pa lta bu la zer zhing 'di gcig las 'phros pa'i mdor 'byung ngo /____/_!_phyogs glang gis mu stegs grangs can gyi ston pa mdog nag can lung rigs kyis btul ba'i tshe/__kho'i rig sngags kyi mthus kha nas me sbar te slob dpon gyi yo byad phal cher bsregs pa na byang chub kyi sems 'dor bar brtsams pa'i tshe mgon po 'jam pa'i dbyangs kyis rjes su bzung ste bzlog pa mdzad/____/_!_'khor los bsgyur ba'i rgyal po grags pa mtha' yas dang /__nga las nu'i lo rgyus ni/__gnyis kas bsod nams kyi stobs kyis gling bzhi dang sum cu rtsa gsum gyi phyed dang bcas pa la dbang thob kyang /__da dung chog ma shes par brgya byin gyi dpal la 'khu bas slar sa la ltung ngo /__/zhes pa cung zad 'dra min tsam las/__snga ma yab sras mjal ba'i mdo dang /__phyi ma 'dul ba lung gzhi las 'byung /____/_!_thams cad sgrol gyis bu dang bu mo bram ze'i g.yog tu byin pa 9dang /__shi bi'i rgyal pos 2mig 2byin pa dang /__ri bong 6gis brgya byin gyis sprul pa'i bram ze 'khyams pa la lus byin pa dang /__rgyal po zla 'od kyis 5zang zing phongs med du gtong ba'i mthar dbu sbyin par gtong ba sbyin pa'i phar phyin rdzogs par mdzad pa'i tshul dang /__gser 43mdog dang /__dpal bsgyur sogs mtshan gyi rnam grangs drug dang ldan pa des brgya byin gyis sprul pa'i bram ze lus phyed du song ba la rang gi lte ba yan chad bcad nas gtong ba lta bu ste/__snga ma gsum skyes rabs so bzhi pa dang /__phyi ma mdzangs blun dang /__dpal gyi sde'i rtogs pa brjod pa las shes la/__'khri shing du'ang bkod do/____/_!_mi dge ba bcu spyad pas dmyal bar skye ba ni dran pa nyer bzhag sogs las shin tu gsal lo/____/_!_klu'i rgyal po e la'i 'dab ma'i lo rgyus ni/__'dul ba lung las/__sangs rgyas 'od srung gi dus/__dge slong sde snod gsum pa zhig dben par gnas shing /__shing e la'i drung du 'chag pa'i tshe/__dpral bar de'i 'dab ma zhig phog pas khros te/__de bcad nas/__srog kyang med la 'tsho ba yang med pa 'di la bcom ldan 'das kyis nyes pa ci zhig gzigs nas bslab pa gzhi bcas/__zhes smras pa tsam gyi rnam smin gyis/__sbrul gyi lus mgo bdun pa/__mgo bo rer e la'i sdong po re skyes pa/__'jigs su rung zhing sdug bsngal ba zhig tu skyes pa/__'khor rnams kyis bcom ldan 'das la lo rgyus zhus pas/__bdag nyid chen po 'od srungs kyi/__/bslab mtshams dag las 'das pa yi/__/e la'i 'dab de klu yi ni/__/skye gnas dag las ma thar ro/__/zhes gsungs pa lta bu'o/____/_!_lha'i bu yan lag nyams pa'i lo rgyus ni/__'dul ba lung rnam 'byed las/__khyim bdag mgon med zas sbyin gyis/__bram ze dbul po zhig la/__khyod kyis gso sbyong yan lag brgyad pa len na zas bsod pa sbyin par dam bcas pas/__des kyang blangs/__nyi ma nub pa dang bram ze'i khyim gzhan zhig tu phyin pas/__der rkyen dbang gis zan za dgos pa byung bas gso sbyong ral lo/__/gal te de gso sbyong dang ldan bzhin du tshe 'phos na sum cu rtsa gsum du skye ba zhig kyang /__de ral pas rgyal chen ris bzhi'i lha'i nang du skyes te ljon pa la gnas pa sogs lo rgyus rgyas par gsungs so/____/_!_legs par pha rol tu phyin pa'i rabs ni/__bdag cag gi ston pa 'di'i sngon rabs te/__des gser gling du tshong pa mang po dang lhan cig rgya mtshor zhugs pas dus min gyi rlung langs pas 'jigs pa na/__bdag gi shed bye tshun chad du srog gcod spangs pa'i bden pas gru 'di rgya mtsho'i klong nas ldog par gyur cig ces bden tshig brjod pas 'dod pa'i gnas su dbugs 'byin pa ste/__skyes rabs so bzhi par gsal lo/____/_!_bram ze'i khye'u skar ma ni/__gsang chen thabs la mkhas pa'i mdor/__des lo bzhi khri nyis stong gi bar du tshangs par spyad mthar bram ze'i bu mo zhig lhag par chags te srog 'dor bar brtsams pa na snying rje chen pos bu mo de'i khyim thabs lo bcu gnyis su byas/__slar rab tu byung ste tshangs spyod la gnas pas tshangs pa'i 'jig rten du skyes par gsungs so/____/_!_ded dpon snying rje chen po ni/__bdag cag gi ston pa'i sngon rabs te/__des tshong pa lnga brgya po dang lhan du rgya mtshor zhugs pa na/__mi nag po mdung thung thogs pa zhig byung ste/__thams cad gsod par brtsams pa na/__kho dmyal bar skye ba ma bzod nas de nyid du bsad pas bskal pa mang po'i tshogs 'dum par bshad do/____/_!_byang chub sems dpa' me tog zla mdzes ni/__rgyal po'i pho brang rin chen lnga ldan du sems can mang po thar lam la bkod pas/__rgyal po dpal sbyin phrag dog skyes te lus dum bur bcad kyang de'i thugs rje'i stobs kyis rgyal po de la sogs pa du ma zhig rnam grol la bkod pa'i tshul mdo ting 'dzin rgyal por bshad/____/_!_brgya byin mig mdzes ni/__bdag cag gi ston pa'i sngon rabs de sum cu rtsa gsum du skye ba bzhes kyang /__'dzam bu'i gling pa'i mi rnams la nad kyi bskal pa chen po byung ste/__rang nyid ri dwags des ba zer ba zhig tu sprul te lus sbyin par mdzad pas sha de zos pa'i mod thams cad nad las grol bar mdzad do/____/_!_le lo'i rgyal srid sogs nyams pa'i lo rgyus ni/__legs par bshad pa rin po che'i gter las si tA 'phrog pa'i gtam rgyud lta bu'o/__/_!_rgyal po byams pa'i stobs ni/__bdag cag gi ston pa'i sngon rabs te/__des nyam thag pa'i gnod sbyin lnga la shin tu byams pa'i stobs kyis drangs te rang gi sha khrag dron mo btang nas/_bsod nams 'di yis sogs smon lam btab pa'i lo rgyus skyes rabs so bzhi par 'byung ngo /____/_!_gang+gA dang ya mu ni 'dus par ma smad shi ba tshangs pa'i 'jig rten du skyes pa'i lo rgyus ni/__bud med dbul mo zhig la bu mo zhig btsas pa/__de khyim bdag gis mthong nas bskrad pas yul gzhan du 'gro ba'i lam bar gang+gAs chod kyang /__de pang du thog ste brgal ba na tshe'i dus byas/__bu mo la byams pa'i bsod nams kyis lhar skyes zhes myang 'das las gsungs/_der chu klung de'i 'gram na yod pa'i mu stegs kyi drangs srong zhig gis mngon shes kyis rig ste/__chu'i yon tan yin par bsam nas lceb bo/__/rgyu des mu stegs pa'i brtul zhugs 'dzin pa 'ga' zhig tshul de lta bu la spyod do/__/zhes grags/____/_!_ded dpon mdza' bo'i bu mo ni/__dang po ma la byams par byas/__phyis rgya mtshor 'gro ba la mas bshol kyang ma nyan par mgo la 'goms te song bas na rgya mtsho'i dbus su gzings nub/__grogs thams cad shi/__kho rang zangs kyi ril ba zhig la 'jus pas gling bar du thon/__sngar ma la bsnyen bkur ba'i stobs kyis bde ba du ma nyams su myong /__de nas lho phyogs su phyin pas dmyal ba nyi tshe ba'i gnas su slebs te/__ral gri'i 'khor lo mgo la bskor bas/__ma la 'goms pa'i rnam smin du rig ste/__khams gsum gyi sdug bsngal thams cad len pa'i sems bskyed ma thag 'khor lo de nam mkhar 'phags so/____/_!_dmyal bar me'i shing rta 'dren pa'i rnam thar ni/__ston pa 'di nyid so skye'i 'ching ba kun ldan gyi tshe sems can dmyal ba'i gnas su shing rta 'dren pa'i gyad du gyur/__des rang gi grogs la snying rje skyes nas/__'di'i sdug bsngal bdag gis khur na ci ma rungs/__zhes smras pas/__dmyal srung khros te tho lum me 'bar bas mgo bor bsnun te bsad/__bsod nams des sum cu rtsa gsum du skyes so/__/zhes snying rje pad dkar las rgyas par gsungs pa lta bu'o/__/de rnams kyis rgyal sras lam bzang las byung ba'i gtam rgyud dngos bstan rnams cung zad bkral ba ste/__gzhan yang skyes pa rabs kyi rgyud sogs las rgya cher shes par bya'o/__/zhes pa'ang rang gi brjed byang du zin bris su btab pa mtha' yas pa'i 'gro ba kun la byang chub kyi sems rin po che skye bar gyur cig__/shu b+haM//___//__!_