JKCL-KABUM-12-NA-018

🚧 This website is under continued development. We appreciate your patience!

Previous Text Back to Volume PageNext Text

དཔལ་བརྩེ་བ་པ་ཆེན་པོའི་བསྟན་པ་ཉིན་མོར་བྱེད་མཁས་དྷཱི་ཕུ་མཆོག་སྤྲུལ་རིན་པོ་ཆེའི་༧ཞབས་དྲུང་དུ་ཞེས་པ།

Wylie title	dpal brtse ba pa chen po'i bstan pa nyin mor byed mkhas d+hI phu mchog sprul rin po che'i zhabs drung du zhes pa
Location	chos kyi blo gros bka' 'bum Volume 12, Text 18, Pages 65-66 (Folios 1a1 to 1b2)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. dpal brtse ba pa chen po'i bstan pa nyin mor byed mkhas d+hI phu mchog sprul rin po che'i zhabs drung du zhes pa. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: 65-66. Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

65-66	དཔལ་བརྩེ་བ་པ་ཆེན་པོའི་བསྟན་པ་ཉིན་མོར་བྱེད་མཁས་དྷཱི་ཕུ་མཆོག་སྤྲུལ་རིན་པོ་ཆེའི་༧ཞབས་དྲུང་དུ་ཞེས་པ། dpal brtse ba pa chen po'i bstan pa nyin mor byed mkhas d+hI phu mchog sprul rin po che'i zhabs drung du zhes pa Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

དཔལ་བརྩེ་བ་པ་ཆེན་པོའི་བསྟན་པ་ཉིན་མོར་བྱེད་མཁས་དྷཱི་ཕུ་མཆོག་སྤྲུལ་རིན་པོ་ཆེའི་༧ཞབས་དྲུང་དུ། གུས་པས་ཞུ་གསོལ། དེང་། གསང་གསུམ་མཚན་དཔེའི་དཀྱིལ་འཁོར་རྡུལ་བྲལ་གསེར་རིའི་ལྷུན་པོ་བཞིན་གསལ་དྭངས་སུ་བཞུགས་པ་དང་། ཆོས་གྲྭ་འདིར་ཡུན་རིང་དུ་བཞུགས་སྟན་ཆགས་ནས་ངེད་ཅག་ཐམས་ཅད་ལ་ཐུགས་དམ་ནང་བརྩེས་གཟིགས་པས་བསྐྱངས་ཤིང་བཀའ་ཆོས་གསན་བཞེས་དང་། དངོས་པོའི་གནང་སྦྱིན་ཤིན་ཏུ་སྦོམ་མཐོར་སྩལ་བ་སོགས་བཀའ་དྲིན་བརྗོད་ལས་འདས་ཤིང་། ཐུགས་བཞེད་རྣམས་ཀྱི་བྱེ་བྲག་རྒྱུད་སྡེ་རིན་པོ་ཆེ་ད་ལྟ་མ་གྲུབ་ཀྱང་། སླད་ཀྱི་རྟེན་འབྲེལ་འཕྲོ་ཅན་དུ་འཇོག་ནས། ད་ལམ་ལེགས་སྐྱེས་མཎྜལ་མཚོན་བྱེད། བཀྲ་ཤིས་པའི་ལྷ་རེག །སྐུ་རྟེན་ཐུབ་དབང་ཆོས་རྒྱལ་ལི་མ་བྱིན་ལྡན། གསུང་རྟེན་བཛྲ་བྷེ་ར་ཝའི་གཞུང་པོད་བྲིས་མ་ལེགས་པ་གླེགས་བམ་པོད་བསྡོངས་གཉིས། ཐུགས་རྟེན་སྡེ་དགེའི་རྡོར་དྲིལ་གསར་ལེགས། སྐུ་སྟོད་རྒྱ་གསེར་ནོམ་ལྡན། རྩེ་ཐེར་ཤམ་ཐབ། རྒྱ་གར་ཐེར་མའི་སྐུ་གཟན། ཧོར་པོའི་སྦལ་སྒ་ལྕགས་གསེར་ཤན་ཅན་སྲབ་རྨེད་འབྱར། གསེར་དངུལ་ཕྲ་མའི་གའུ་ལེགས་པ། རས་དཀར་བཅས་འབུལ་ལམ་ཞུ་ན་དགྱེས་བཞེས་དང་། སླར་ཡང་། ཕན་བདེའི་མཛེས་སྐུ་ཤར་རིའི་ཕྲག་ནས་འཆར་བ་དང་། །ལྷན་ཅིག་འཇམ་དབྱངས་དཔལ་གྱིས་འོད་སྣང་དང་འགྲོགས་པས། །བརྩེ་ཆེན་བསྟན་པའི་པད་ཚལ་འཛིན་མའི་ཁྱོན་ཀུན་བཞད། །བསྐལ་བཟང་ནམ་ཡང་འགྲིབ་མེད་དགེ་ལེགས་གཡང་འཁྱིལ་ཤོག །སརྦ་དཱ་མངྒ་ལཾ།། །།

[edit]

dpal brtse ba pa chen po'i bstan pa nyin mor byed mkhas d+hI phu mchog sprul rin po che'i 7zhabs drung du/__gus pas zhu gsol/__deng /__gsang gsum mtshan dpe'i dkyil 'khor rdul bral gser ri'i lhun po bzhin gsal dwangs su bzhugs pa dang /__chos grwa 'dir yun ring du bzhugs stan chags nas nged cag thams cad la thugs dam nang brtses gzigs pas bskyangs shing bka' chos gsan bzhes dang /__dngos po'i gnang sbyin shin tu sbom mthor stsal ba sogs bka' drin brjod las 'das shing /__thugs bzhed rnams kyi bye brag rgyud sde rin po che da lta ma grub kyang /__slad kyi rten 'brel 'phro can du 'jog nas/__da lam legs skyes maN+Dal mtshon byed/__bkra shis pa'i lha reg__/sku rten thub dbang chos rgyal li ma byin ldan/__gsung rten badz+ra b+he ra wa'i gzhung pod bris ma legs pa glegs bam pod bsdongs gnyis/__thugs rten sde dge'i rdor dril gsar legs/__sku stod rgya gser nom ldan/__rtse ther sham thab/__rgya gar ther ma'i sku gzan/__hor po'i sbal sga lcags gser shan can srab rmed 'byar/__gser dngul phra ma'i ga'u legs pa/__ras dkar bcas 'bul lam zhu na dgyes bzhes dang /__slar yang /__phan bde'i mdzes sku shar ri'i phrag nas 'char ba dang /__/lhan cig 'jam dbyangs dpal gyis 'od snang dang 'grogs pas/__/brtse chen bstan pa'i pad tshal 'dzin ma'i khyon kun bzhad/__/bskal bzang nam yang 'grib med dge legs g.yang 'khyil shog__/sarba dA mang+ga laM//___//