DKR-KABUM-05-CA-007
DKR-KABUM-05-CA-007
<div class="wylie-content"
@#/_yang gsang la dmigs kyi gsal bas/_rgyu yig dmar po gdan steng babs pa las/_/pad+ma dbang chen zhal gsum phyag drug dmar/_/g.yas dkar g.yon ljang dbus dmar khro zhing gtum/_/spyan bgrad zhal gdangs ljags 'dril mche ba gtsigs/_/smin ma sma ra dbu skra dmar ser 'bar/_/dbu gtsug rta mgo ljang khu sgra dbyangs sgrogs/_/g.yas su pad+ma lcags kyu zhags pa 'dzin/_/g.yon du thod khrag be con ral gri bsnams/_/dpal dang dur khrod chas kyi rnam par brgyan/_/zhabs bzhi g.yas bskum g.yon brkyang dor stabs bgrad/_/pad+ma gar dbang sngon po g.yas tsit+ta/_/g.yon pa thod pa 'dzin pas yab la 'khyud/_/shar du rdo rje dbang chen sku mdog dkar/_/g.yas pa rdo rje g.yon pa dbyug tho 'dzin/_/lho ru rin chen dbang chen sku mdog sngo/_/g.yas pa rin chen g.yon pa lcags kyu 'dzin/_/nub tu pad+ma dbang chen sku mdog dmar/_/g.yas pa pad+ma g.yon pa zhags pa 'dzin/_/byang du las rab dbang chen sku mdog ljang*/_/g.yas pa ral gri g.yon pa rtse gsum 'dzin/_/bzhi ka'ang g.yas bskum g.yon brkyang tshul gyis 'gyings/_/dur khrod rus pa'i chas kyis rnam par brgyan/_/sgo ma bzhi yang dkar ser dmar ljang mdog_/g.yas pa rang rang rtags kyi phyag mtshan dang*/_/g.yon pa glo snying 'dzin cing khro mo'i tshul/_/dur khrod chas brgyan kun kyang ye shes kyi/_/me dpung rab tu 'bar ba'i klong na bzhugs//_//
