JKW-KABUM-20-WA-001-019

🚧 This website is under continued development. We appreciate your patience!

Previous Text Back to Volume PageNext Text

ཞྭ་ལུ་རྡོ་རྗེ་འཆང་ལ།

Wylie title	zhwa lu rdo rje 'chang la
Location	mkhyen brtse'i bka' 'bum Volume 20, sde tshan 1, Text 19, Pages 45-46 (Folios 23a3 to 23b5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. zhwa lu rdo rje 'chang la. In 'jam dbyangs mkhyen brtse'i dbang po'i bka' 'bum, Vol. 20: 45-46. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

19 45-46	ཞྭ་ལུ་རྡོ་རྗེ་འཆང་ལ། zhwa lu rdo rje 'chang la Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ར༷མཱར༷སིདྡྷསྱསུཔདྨདཱནཻཿ ཨིནྡྲབཛྲེ། ཨ༷མཱ༷ར༷ནཱཐསྱསུབེདརཱཪྴཻ ར༷མཱ༷ར༷ནཏྱསྱསུལལཀྵདེཧི། འཆི་མེད་བདུད་རྩིའི་སྣང་བས་འཇིག་རྟེན་ན། །འཆི་མེད་གྲུབ་པའི་པདྨོ་མཛེས་སྟེར་བ། །འཆི་མེད་མགོན་པོའི་ཡེ་ཤེས་གཟིགས་པ་ཡིས། །འཆི་མེད་རྟག་པའི་དགེ་མཚན་སྦྱིན་གྱུར་ཅིག ༡ །ཨེ་མ་གཟོད་ནས་ཞི་བའི་ནགས་ཀླུང་དུ། །སྙོམས་འཇུག་ཟིལ་དངར་བཏུང་བའི་མནྡཱ་ར། །བྱང་ཆུབ་སྙིང་པོར་འཁྲུངས་པའི་གྲགས་དཀར་གྱིས། །སྲིད་ན་ཕན་བདེའི་དཔལ་གྱིས་ལྕི་བར་མཛད། །དེ་ཚེ་རྡོ་རྗེའི་རིགས་ཀྱི་སཱ་ལའི་ཤིང་། །གསར་དུ་དུད་པ་ལས་འོངས་རྒྱལ་བའི་སྲས། །དང་པོར་སྣང་བ་ཙམ་གྱིས་རྒུད་པའི་མུན། །མཐའ་དག་ཉིན་བཞིན་འཕྲོག་པའི་ངོ་མཚར་སྟོན། །མཁས་པའི་ཚོགས་རབ་བྱེ་བས་ཕྱག་བྱས་ཤིང་། །ནང་གི་རྣལ་འབྱོར་གྲུབ་པ་ཇི་སྙེད་ཀྱིས། །རྩོད་དུས་ཀུན་མཁྱེན་གཉིས་པར་བསྔགས་པའི་དབྱངས། །འཇིག་རྟེན་གསུམ་གྱི་ཕ་རོལ་ཉིད་དུ་སྒྲོགས། །དེ་སླད་གང་ཚུལ་ཕྲ་མོ་དྭང་པའི་ཡིད། །ནོར་བུའི་མེ་ལོང་ངོགས་སུ་འཆར་བའི་མོད། །དད་པས་བརླན་པའི་སེམས་ཀྱི་ཨུཏྤ་ལ། །སྤྲོ་དགའི་ཚོན་རིས་བརྒྱ་ཕྲག་སླར་ཡང་འཛིན། །སླད་མའི་ཆར་ཡང་། །ཨེ་མ་འཕགས་དང་མཁས་པའི་ཚོགས་རྣམས་ཀྱི། །གཙུག་ཏོར་ནོར་བུའི་ཁང་བུར་ངལ་གསོ་བའི། །ཞབས་སེན་ཉི་མ་ཕན་བདེའི་འོད་དུ་འབར། །སྲིད་དང་ཞི་བའི་སྙིང་པོར་འཚོ་གཞེས་ཤིང་། །བདག་ཀྱང་བྱང་ཆུབ་བར་དུ་ཡང་དང་ཡང་། །ཐུགས་རྗེའི་དཔག་བསམ་སར་པའི་གྲིབ་བསིལ་དུ། །མངོན་པར་དབུགས་འབྱིན་ཐོབ་པའི་དགེ་མཚན་གྱིས། །དོན་གཉིས་འདོད་དགུ་ཡིད་བཞིན་འཇོ་བར་མཛོད། །བཀྲ་ཤིས་རྟག་པ་དམ་པའི་སྣང་བ་ནི། །ས་གསུམ་སྙན་པར་གྲགས་པའི་བདུད་རྩིར་བཅས། །ཕུན་ཚོགས་ཀུན་དགའི་ཟླ་བ་གསར་པ་ཡིས། །ལྷར་བཅས་ཤིས་པའི་དུས་སྟོན་རྒྱས་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

zhwa lu rdo rje 'chang la/ raXmAraXsid+d+has+yasupad+madAnaiH__in+d+rabadz+re/___aXmAXraXnAthas+yasubedarAR+shai__raXmAXraXnat+yas+yasulalak+Shadehi/___'chi med bdud rtsi'i snang bas 'jig rten na/___/'chi med grub pa'i pad+mo mdzes ster ba/___/'chi med mgon po'i ye shes gzigs pa yis/___/'chi med rtag pa'i dge mtshan sbyin gyur cig__1__/e ma gzod nas zhi ba'i nags klung du/___/snyoms 'jug zil dngar btung ba'i man+dA ra/___/byang chub snying por 'khrungs pa'i grags dkar gyis/___/srid na phan bde'i dpal gyis lci bar mdzad/___/de tshe rdo rje'i rigs kyi sA la'i shing /___/gsar du dud pa las 'ongs rgyal ba'i sras/___/dang por snang ba tsam gyis rgud pa'i mun/___/mtha' dag nyin bzhin 'phrog pa'i ngo mtshar ston/___/mkhas pa'i tshogs rab bye bas phyag byas shing /___/nang gi rnal 'byor grub pa ji snyed kyis/___/rtsod dus kun mkhyen gnyis par bsngags pa'i dbyangs/___/'jig rten gsum gyi pha rol nyid du sgrogs/___/de slad gang tshul phra mo dwang pa'i yid/___/nor bu'i me long ngogs su 'char ba'i mod/___/dad pas brlan pa'i sems kyi ut+pa la/___/spro dga'i tshon ris brgya phrag slar yang 'dzin/___/slad ma'i char yang /___/e ma 'phags dang mkhas pa'i tshogs rnams kyi/___/gtsug tor nor bu'i khang bur ngal gso ba'i/___/zhabs sen nyi ma phan bde'i 'od du 'bar/___/srid dang zhi ba'i snying por 'tsho gzhes shing /___/bdag kyang byang chub bar du yang dang yang /___/thugs rje'i dpag bsam sar pa'i grib bsil du/___/mngon par dbugs 'byin thob pa'i dge mtshan gyis/___/don gnyis 'dod dgu yid bzhin 'jo bar mdzod/___/bkra shis rtag pa dam pa'i snang ba ni/___/sa gsum snyan par grags pa'i bdud rtsir bcas/___/phun tshogs kun dga'i zla ba gsar pa yis/___/lhar bcas shis pa'i dus ston rgyas gyur cig__/sarba dA ka l+yA NaM b+ha ba tu//__//_!_